31/07/2024
🫶 ငါက လွတ်လွတ်လပ်လပ်နေချင်လို့ အတည်
တကျ ရည်းစားလည်း မထားချင်ဘူး။
👀 ငါ့ဘဝ ငါ့စိတ်ကြိုက် ငါ့ဘာသာငါ မစီမံရမှာ
ကြောက်တယ်၊ တအားချုပ်ချယ်တတ်တဲ့ ယောင်္ကျား၊ မိန်းမနဲ့တွေ့မှာဆိုးလို့ အိမ်ထောင်လည်း
မပြုချင်/ မပြုရဲဘူး။
😎 အလုပ်တော့လုပ်မယ်၊ ဒါပေမယ့် ဘယ်သူ့
လက်အောက်မှာမှ သိပ်မလုပ်ချင်ဘူး၊ အချိန်အကြာကြီးလည်း လုပ်မပေးနိုင်ဘူး၊ကိုယ့်အချိန်
ကိုယ် လွတ်လွတ်လပ်လပ် စီမံခန့်ခွဲရတဲ့ဘဝကို မရမှာကြောက်လို့၊ အလုပ်တွေကို တစ်ခုပြီးတစ်ခု ပြောင်းနေ/ရွေးနေရတယ်။
👥 သူငယ်ချင်းမိတ်ဆွေ အသိုင်းအဝိုင်းနဲ့ ရှိချင်
တယ်၊ ဒါပေမယ့် သူတို့ကို အချိန်ပေးလိုက်ရင်၊
ငါ့ဘဝအတွက် လုပ်စရာအချိန်တွေ မလောက်တော့မှာ ငါ့ကိုလာပြီးခြယ်လှယ်မှာတွေ ငါမလိုချင်ဘူး။
🤔 ကျနော်စဉ်းစားကြည့်တော့ တခါတလေမှာ ကျနော်တို့တတွေက 'လွတ်လပ်ခြင်းကို ပိုရချင်လို့" ဆိုတဲ့ ခေါင်းစဉ်တပ်ပြီး တစ်စုံတစ်ခု၊ တစ်ဦး
တစ်ယောက်အပါ်မှာ ရှိသင့်၊ ထားသင့်တဲ့ စစ်မှန်တဲ့ စိတ်ပိုင်းဖြတ်ချက် တစ်ခု (Commitment) ကို
မပေးတတ်/မထားတတ်တော့တာများလားလို့။
👉 ကိုယ့်စိတ်ကူးပေါက်ရာလုပ်ချင်တာလုပ်တာက တကယ့် လွတ်လပ်မှု့ (Freedom) လား။ စိတ်ပိုင်းဖြတ်ချက် (Commitment) နဲ့ လုပ်တာတွေကိုဘာလို့ရွေးရမှာလဲ။
☑️ ကျနော်အကြိုက်ဆုံးက လွတ်လွတ်လပ်
လပ်နေရတဲ့ဘဝပဲ။ ဘယ်သူ့ကိုမှ ဂရုစိုက်စရာမလိုပဲ အသက်ရှင်ရရင် အကောင်းဆုံးပဲ။ ဒါပေမယ့် ကျနော်တစ်ယောက်ထဲပဲ လွတ်လွတ်လပ်လပ်
နေရတဲ့ဘဝကိုရွေးမလား၊ တစ်စုံတစ်ခု၊ တစ်ဦး
တစ်ယောက်အပေါ်မှာ ထားသင့်တဲ့ စစ်မှန်တဲ့
စိတ်ပိုင်းဖြတ်ချက် တစ်ခု (Commitment)
ထားပြီး အသက်ရှင်တဲ့ ဘဝကိုရွေးမလားဆိုရင် နည်းနည်းပိုပင်ပန်းရတဲ့ Commitment ထားရတဲ့ ဘဝကို ရွေးမှာပဲ။
?ဘာလို့တုန်း?
ပိုပျော်စရာကောင်းလို့တော့မဟုတ်ဘူး။ အဓိပ္ပါယ် ပိုရှိမယ်လို့ ခံစားရလို့ပါ။ အခုဒီစာကို ညသန်းခေါင် (၁) နာရီကျော် ဖုန်းရဲ့ Note ထဲမှာ ထိုင်ရေးနေရတာလည်း ပင်ပန်းတယ်၊ ဒါပေမယ့် ကျနော့်အတွက်က စဉ်းစားဖြစ်တယ် အဓိပ္ပါယ်ရှိတယ်လေ။ တစ်ယောက်ယောက်က ကျနော့်စာ ဖတ်မိပြီး အကျိုးရှိသွား
ရင်လည်း ကောင်းတာပဲ မဟုတ်လား။
ကဲ့ဒီကျမ်းပိုဒ်လေးနဲ့ဆက်ပြောကြမယ်လေ။ ဗမာလိုနဲ့ဆိုရင် သိပ်ထိမိတယ်လို့ မခံစားရလို့ အင်္ဂလိပ်လိုလေး ထည့်ပေးလိုက်တယ်။ တစ်ချို့တွေတော့ ကိုယ့်ဟာကိုယ် ဗမာလိုလေး ဖတ်ကြည့်ပေးပေါ့။
"For you were called to freedom, brothers and sisters; only do not use your freedom as an opportunity for self-indulgence, but through love become slaves to one another" (Galatians 5:13)
တခါတလေကျမ်းစာကိုဖတ်ပဲဖတ်ပြီး ဘာမှဆက်မရှင်းပြတာ ကောင်းတယ်။ နောက်တစ်ခေါက်လောက်ထပ်ဖတ်ကြည့်ပါ။ 👆
အောက်ကအပိုဒ်ကို မဖတ်ခင် ကျမ်းပိုဒ်ကို
ထပ်ဖတ်ပေးပါအုံး။ နားလည်သွားပြီဆိုမှ
အောက်က အဆုံးသတ်လေးကို ဆက်ဖတ်ပေးပါ။
သခင်ယေရှုက လူတွေကို အပြစ်တရားကနေ ကယ်တင်ဖို့ ဒီလောကထဲကို လာတဲ့အခါမှာ လူတွေအပေါ်မှာ ရှိသင့်၊ ထားသင့်တဲ့ စစ်မှန်တဲ့ စိတ်ပိုင်း
ဖြတ်ချက် တစ်ခု (Commitment) ရှိရှိနဲ့သူလာခဲ့
တယ်။ အဲ့ဒီ သူ့ရဲ့Commitment ကြောင့် သူ့ကို
ယုံကြည်တဲ့ ကျနော်တို့တတွေဟာ အပြစ်ရဲ့
အခဖြစ်တဲ့ သေခြင်းကနေလွတ်မြောက်တဲ့ (Freedom) ကယ်တင်ခြင်းကိုရရှိကြတာဖြစ်တယ်။
အဆုံးထိဖတ်ရှုပေးတဲ့အတွက် အားလုံးကို
ကျေးဇူးတင်ပါတယ်။
