Sodere

09/15/2026

ገዳ ባንክ "ፉርቱ" የተሰኘ ያለንብረት ዋስትና አገልግሎት የሚሰጥ የዲጂታል ብድር አገልግሎት ይፋ አደረገ

|ገዳ ባንክ ከኳንተም ቴክኖሎጂ ጋር በመተባበር ያለምንም ተንቀሳቃሽም ሆነ የማይንቀሳቀስ የንብረት ዋስትና በሞባይል ስልክ ብቻ የሚሰጥ "ፉርቱ" የተሰኘ አዲስ ዲጂታል የማይክሮና አነስተኛ ብድር አገልግሎት ይፋ አድርጓል።

በዛሬው ዕለት በተካሄደው ይፋዊ የማስጀመር ስነ-ስርዓት ላይ፤ አገልግሎቱ አነስተኛ ንግድ ላይ የተሰማሩ ዜጎችን፣ ስራ ፈጣሪ ወጣቶችን፣ ሴቶችን እና በመደበኛ የባንክ አሰራር የዋስትና እጥረት ምክንያት የብድር እድል ማግኘት ያልቻሉ የህብረተሰብ ክፍሎችን ታልሞ የተሰራ መሆኑ ተገልጿል።

የገዳ ባንክ ዋና ስራ አስፈጻሚ አቶ ወንዴ ቡልቶ በስነ-ስርዓቱ ላይ ባደረጉት ንግግር እና በሰጡት ማብራሪያ፤ ባንኩ ከተመሰረተበት ጊዜ ጀምሮ አሳታፊ እና ዘመናዊ የባንክ አገልግሎት ለማቅረብ ሲሰራ መቆየቱን ገልጸዋል። "ፉርቱ" የተሰኘው የኦሮምኛ ቃል "መክፈቻ" ወይም "ቁልፍ" የሚል ትርጉም ያለው ሲሆን፣ አገልግሎቱ በተለይም የፋይናንስ አካታችነትን ለማሻሻል እና የአነስተኛ ስራ ፈጣሪዎችን የስራ ማስኬጃ ካፒታል እጥረት ለመቅረፍ ትልቅ መፍትሔ እንደሚሆን አብራርተዋል።

ስርዓቱ አርቴፊሻል ኢንቴሊጀንስ (AI) ቴክኖሎጂን በመጠቀም ደንበኞች በባንኩ ያላቸውን የሂሳብ እንቅስቃሴ እና የተለያዩ መረጃዎችን በመተንተን ያለ ሰው ንክኪ የብድር አቅማቸውንና ብቃታቸውን በራሱ የሚወስን መሆኑ ተመላክቷል። በተጨማሪም ከብሔራዊ የዲጂታል መታወቂያ (ፋይዳ) ጋር የተጣመረ በመሆኑ ደንበኞች በአጭር ጊዜ ውስጥ እና ባልተወሳሰበ ሂደት በሞባይል መተግበሪያቸው አማካኝነት የብድር ፍላጎታቸውን እንዲያሟሉ ያስችላቸዋል።

ስለብድር ወለድ እና የክፍያ ጊዜ በተሰጠው ማብራሪያ፤ እንደደንበኛው የባንክ እንቅስቃሴ እና የግብይት መጠን (Transaction) የወለድ መጠኑ እና የመክፈያ ጊዜው የሚወሰን ይሆናል። ከፍተኛ የግብይት እንቅስቃሴ ያላቸው ደንበኞች ዝቅተኛ የወለድ መጠን የሚያገኙ ሲሆን፣ የክፍያ ጊዜውም ከደንበኛው ፍላጎት አንጻር (ለምሳሌ ከአንድ ወር ጀምሮ) ታሳቢ ተደርጎ የተዘጋጀ ነው። ደንበኞች ብድሩን በትክክል ከፍለው በጨረሱ ቁጥር ከፍተኛ የብድር መጠን ማግኘት የሚያስችላቸው እድል ይከፈትላቸዋል።

ከስጋት (Risk) እና ማታለል (Fraud) ቁጥጥር ጋር ተያይዞ፣ ስርዓቱ ለረጅም ጊዜ በቴክኖሎጂ እና በደህንነት ጥናት (Security Audit) ሲፈተሽ መቆየቱ ተገልጿል። የዲጂታል መታወቂያ እና የደህንነት ማረጋገጫዎች መተግበራቸውም ፍጹም አמיናዊ እና ህጋዊ አሰራርን እንደሚያረጋግጥ ተመላክቷል።

የኳንተም ቴክኖሎጂ ዋና ስራ አስፈጻሚ አቶ ሶፎንያስ እምቢበል በበኩላቸው፤ ቴክኖሎጂው የሰዎችን ህይወት የመቀየር እና አዳዲስ እድሎችን የመክፈት አቅም እንዳለው ገልጸዋል። «ፉርቱ» በባንኩ እና በደንበኞች መካከል ያለውን ርቀት የሚያጠበብ፣ ፍጥነት እና ቀላልነትን ያካተተ ዲጂታል ድልድይ መሆኑን አብራርተዋል።

አገልግሎቱ በተለይም አዳዲስ ጀማሪ ቢዝነሶች፣ የዩኒቨርሲቲ ተመራቂዎች፣ የመንግስት እና የግል ተቀጣሪዎች እንዲሁም ሴቶች የፋይናንስ ተዳራሽነት አግኝተው ስራቸውን የሚያስፋፉበት አዲስ እድል ይዞ መጣሉ ተጠቅሷል።

ሶደሬ አዲስ

09/12/2026

🌼🌼🌼

እንኳን ለ2019 አዲስ ዓመት በሰላም አደረሳችሁ አዲሱ ዓመት የሠላም ፣ የጤና እና የፍቅር ዘመን ያድርግልን
መልካም በዓል!

ሶደሬ ሚዲያ

09/10/2026

አኮያ ፕሮፐርቲስ የ2026 የዲሲ እና ቶሮንቶ ዲያስፖራ ኤክስፖ ዋና ስፖንሰር ሆነ

Sodereaddis|በግንባታ ጥራት፣ በዘመናዊ ዲዛይንና በደንበኛ ተኮር አገልግሎት ላይ ትኩረት አድርጎ እየሰራ የሚገኘው አኮያ ፕሮፐርቲስ (AKOYA Properties)፣ "ኢትዮ ቱ አሜሪካ" በተሰኘው ድርጅት አዘጋጅነት በሚካሄደው የ2026 የዲሲ እና ቶሮንቶ ዲያስፖራ ኤክስፖ (2026 DC & Toronto Diaspora Expo) ዋና (የፕላቲኒየም) ስፖንሰር ሆኖ ለመሳተፍ መዘጋጀቱን አስታውቋል።

የአጋርነቱ ይፋዊ የፊርማ ስነ ስርዓት ረቡዕ ጳጉሜ 4 ቀን 2018 ዓ.ም. በአኮያ ፕሮፐርቲስ ዋና መስሪያ ቤት የተካሄደ ሲሆን፣ በዕለቱም የአኮያ ፕሮፐርቲስ ዋና ስራ አስፈጻሚና የስራ አመራሮች፣ የኤክስፖው አዘጋጅ "ኢትዮ ቱ አሜሪካ" ተወካዮች፣ የኤክስፖው ብራንድ አምባሳደር ቲክቶከር አዶናይ ብርሃነ፣ የንብ ኢንተርናሽናል ባንክ ከፍተኛ አመራሮች እንዲሁም ጥሪ የተደረገላቸው እንግዶችና የሚዲያ አካላት ተግኝተዋል።

ይህ አጋርነት አኮያ ፕሮፐርቲስ የሪል እስቴት ፕሮጀክቶቹን በውጭ አገር ለሚኖሩ የኢትዮጵያ ዲያስፖራ ማሕበረሰብ አባላት በስፋት የሚያስተዋውቅበትን ትልቅ መድረክ የሚፈጥርለት ሲሆን፣ የዲያስፖራ ካፒታልንና የኢንቨስትመንት ፍላጎትን ከአገር ውስጥ የንግድ አጋርነት ጋር ለማስተሳሰር ያለመ ነው።

በተጨማሪም በአገር ውስጥ ላሉ ደንበኞች ከመስከረም 5 እስከ መስከረም 9 ቀን 2019 ዓ.ም. ቦሌ ጃፓን ኤምባሲ ፊት ለፊት፣ ራማዳ ሆቴል አቅራቢያ በሚገኘው ናይል ሶርስ ሕንጻ 8ኛ ፎቅ (በድርጅቱ ዋና ቢሮ) ልዩ የቤት ሽያጭ ኤክስፖ እና የልዩ ቅናሽ አማራጮች እንደሚቀርቡ ተገልጿል።

አኮያ ፕሮፐርቲስ ከንብ ኢንተርናሽናል ባንክ ጋር ባደረገው የትብብር ስምምነት መሰረት፣ ለመኖሪያ ቤት እና ለንግድ ሱቅ ገዢዎች (በተለይም ለዲያስፖራ ደንበኞች) የተመቻቸ ልዩ የወለድ ነጻ የተራዘመ የክፍያ አማራጭ አቅርቧል።

በመርሐ ግብሩ ላይ የተገኙት የንብ ኢንተርናሽናል ባንክ የወለድ ነጻ ባንኪንግ አገልግሎት ዋና ሃላፊ አቶ ርዕስቱ ከማል እንደገለጹት፤ የዲያስፖራ ደንበኞች የንብረቱን ዋጋ 15 በመቶ ብቻ እንደቅድመ ክፍያ በመክፈል፣ ቀሪውን 85 በመቶ በባንኩ በኩል በተራዘመ የክፍያ ሁኔታ እንዲከፍሉ የሚያስችል ልዩ የፋይናንስ አማራጭ ተመቻችቷል። ይህ አሰራር ደንበኞች የሚፈልጉትን የመኖሪያ ቤት ወይም የንግድ ሱቅ በቀላልና ተመጣጣኝ ሁኔታ እንዲገዙ የሚያስችል ነው።

አኮያ በንግዱ ዓለም የ14 ዓመታት፣ በሪል እስቴት ዘርፍ ደግሞ የ5 ዓመታት ልምድ ያለው፣ በአዲስ አበባ የተመሰረተ ግዙፍ ኩባንያ ነው። “ጥራት፣ ዘመናዊ ዲዛይን እና ዘላቂ እሴት” የሚለውን መርሕ በማንገብ እስከ አሁን 3 ፕሮጀክቶችን በጥራት ገንብቶ ለደንበኞች ያስረከበ ሲሆን፣ እ.ኤ.አ. በ2025 የኢትዮ ሪል እስቴት የአርክቴክቸር ልቀት ሽልማትን ማሸነፉ ይታወሳል።

ኩባንያው ከሪል እስቴት ዘርፍ ባሻገር በእሕት ኩባንያዎቹ አኮያ ሞተርስ፣ አኮያ ኮፊ (AKOYA Coffee) እና ኢንያዝ ኮንስትራክሽን (INYAZ Construction) በንግድና ግንባታ ዘርፎች ላይ እየተንቀሳቀሰ ይገኛል። እንዲሁም ከኢትዮጵያ አየር መንገድ ጋር በሪል እስቴት ዘርፍ የመጀመሪያው የሼባ ማይልስ ፕላቲኒየም አጋር ሆኖ በመስራት ላይ ይገኛል።

ሶደሬ አዲስ

09/10/2026

እንኳን አደረሳችሁ ለመላዉ ኢትዮጲያዊያን በሀገር ዉስጥም በዉጭ ሀገር ለምትገኙ ኢትዮጲያዊያን ትውልደ ኢትዮጺያዊያን በሙሉ በዓሉ የሠላም የጤና ይሁንላችሁ።

አብርሃም ግዛዉ ኢንተርቴመንት ከኦያያ መልቲ ሚዲያ ጋር በመተባበር "የጥበብ ብልጭታ" የመዝናኛና የመረጃ ኘሮግራም እንኳን ለአዲስ አመት አደረሳቹህ እያለ "

"ዘመንን ከእኛ ጋር" የተሰኘ ልዮ የበዓል ኘሮግራም ይዞላች ይቀርባል። በዓሉ የሰላም የጤና እንዲሆን ይመኛል። ልዮ- ልዮ አዝናኝ የበዓል ኘሮግራሞች በተወዳጅ በብስራት ኤፍ .ኤፍ 101.1 አርብ መስከረም 1 ቀን 2019 ዓ.ም ከሰዓት 6:00-8:00 ሰዓት ላይ ይዞላችሁ ይቀርባል::

አዝናኝና አሰተማሪ ድራማ :ጭዉዉቶች ሽልማት የሚያስገኙ ጥያቄና መልስ ዉድድሮች:ከታዋቂ አርቲስቶችና ጋር ቆይታ አዲስ ዓመትን የተመለከተ የኘሮግራሙ አካል ናቸዉ::

በእለቱ የተለያዮ ስጦታዎች በዝግጅቱ እንሰጣለን ከአድማጮች ጋር በቀጥታ ስልክ መስመር እንኳን አደረሳችሁ መልክቶችን ለወዳጅ ዘመድ ያስተላልፍ ያድምጡ ይሳተፍ 0930470847 ወይም 0912374014 የስልክ መስመር እናደርጋለን ያድምጡን ይሳተፍ በአብሊኬሽን ወይም በድረገፅ /www.bisrattv.com/http://www.bisrattv.com http://xn--www-kbpygv3a3m.bisrattv.com/ ወይም www.bisrat fm.com ላይ እና በመላዉ አለም እንደመጣለን።

መልካም በዓል www.bisrattv.com
ቀጥታ ስርጭት የሚለውን ይጫኑ
በበዓሉ እለት በለዕለተ አርብ መስከረም 1 ቀን 2019 ዓ.ም ከሰዓት 6:00 እስከ 8:00ሰዓት በተወዳጁ ጣብያ ብስራት ኤፍ. ኤም101.1 ላይ እንዳያመልጣች

መልካም በዓል!!!መልካም በዓል!!! ኘሮግራም ስፖንሰሮችንና ስጦታ የሰጡን ተቋማትና ግለሰቦችን እናመሠግናለን።
እጅግ አድርገን እናመሠግናለን በወጣ ይተካ ክብረት ይስጥልን።

09/08/2026

የዲሲ ከተማ ነዋሪ ኖት?
እንግዲያውስ ለጥሩ ዕድል ደጅዎን በማንኳኳት ላይ ነን!
ይህን ፖስት በቀላሉ እንደማያሳልፉት ተስፋ እናደርጋለን። ምክንያቱም ቀጣዩ የትምሕርት፣ የሞያ፣ የሥራ ወይም የንግድ ዕድልዎ ከዚህ ሊጀምር ይችላል።
እንግሊዝኛዎን ማሻሻል ይፈልጋሉ?
ለአሜሪካ ዜግነት ፈተና መዘጋጀት ያስባሉ?
GED ማግኘት ይፈልጋሉ?
የሞያ ክህሎትዎን ማዳበር ወይም ለዐዲስ ሥራ ራስዎን ማዘጋጀት ይፈልጋሉ?
ወይስ የራስዎን ንግድ የመጀመር ሕልም አለዎት?
እንግዲያውስ Carlos Rosario International Public Charter School ሊፈልጉት የነበረው ዕድል ሊኾን ይችላል።
Carlos Rosario International Public Charter School ለዋሽንግተን ዲሲ ነዋሪዎች የተለያዩ የትምሕርት፣ የሞያ ሥልጠናና የሥራ ዝግጅት ፕሮግራሞችን ያቀርባል።
እዚህ እንግሊዝኛን እንደ ሁለተኛ ቋንቋ መማር፣ ለዜግነት ፈተና መዘጋጀት፣ GED ትምሕርት መከታተል፣ የሞያ ሥልጠና መውሰድ፣ የሥራ ክህሎትን ማዳበር፣ እንዲሁም በSmall Business & Entrepreneurship ፕሮግራም የንግድና የሥራ ፈጣሪነት ክህሎትዎን ማሳደግ ይችላሉ።
የሚቀርቡት ፕሮግራሞች መካከል፦
• English as a Second Language (ESL)
• Citizenship Classes
• Skills Classes for English Language Learners
• GED Program Classes
• Small Business & Entrepreneurship Program
• OSHA-30 / Construye DC+
አንዳንድ ጊዜ ችሎታ ኖሮን በትክክል ለመግለጽ እንቸገራለን። አንዳንድ ጊዜ ደግሞ ዕድል እንፈልጋለን፤ ነገር ግን የት መጀመር እንዳለብን አናውቅም።
ዕድል በርዎን ሲያንኳኳ ለመጠቀም ይዘጋጁ!
Carlos Rosario ደግሞ ለዚያ ዝግጅት የሚረዳዎት ቦታ ሊኾን ይችላል።
WALK-IN REGISTRATION
September 14–15, 2026
September 14–15, 2026
September 21–22, 2026
10:00 AM – 6:00 PM

Harvard Street Campus
1100 Harvard Street, NW, Washington, DC 20009
202-797-4700 | carlosrosario.org

አዲስ ዓመት!አዲስ ክህሎት!አዲስ ዕድል!
ይህ ፖስት ለእርስዎ ብቻ አይደለ። እንግሊዝኛውን ማሻሻል፣ ለዜግነት ፈተና መዘጋጀት፣ GED ማግኘት ወይም የራሱን ንግድ መጀመር ለሚፈልግ ወዳጅዎ፣ ዘመድዎ ወይም ጎረቤትዎ ይህ መረጃ ቀጣዩን የሕይወት ምዕራፍ ሊከፍትለት ይችላል። Share ያድርጉለት።
ዕድሉ አለ፤ ለዕድሉ ዝግጁ መኾን ግን ከእርስዎ ይጀምራል።
ዛሬ ይማሩ፤ የነገን በር ይክፈቱ!

English language classes, career training, GED and citizenship test preparation for adult English language learners in Washington, DC.

09/06/2026

ውድ የሶደሬ ደንበኞቻችን በመጀመሪያ እንኳን ለበዓሉ በሰላም አደረሶት እያልን በዓሉን ምክንያት በማድረግ ካሉበት ቦታ ሆነው በኢትዮጵያ ለሚገኙ ወዳጅ ዘመዶችዎ የሚልኳቸውን ልዩ የበዓል ስጦታ ጥቅሎች አዘጋጅቶልዎታል። እርሶም የበዓሉን ደስታ ከወዳጅ ዘመድዎ ጋር ያካፍሉ!

ውጭ ሀገር ወይም ከሀገር ውስጥ አዲስ አበባ ለሚገኙ ወዳጅ ዘመድ አስቤዛ እና አላቂ እቃዎችን ሶደሬ ስቶር ላይ እዘዙ። በአንድ ቀን ውስጥ እቃውን እናደርሳለን። በቅርብ ግዜ ውስጥ ለክልል ...

09/05/2026

አንጋፋው ጋዜጠኛ በላይ በቀለ በፅኑ ታሞ በሆስፒታል ይገኛል፤
የድጋፍ ጥሪ ቀረበ

| በማራኪ የዜና ዘገባና በልዩ የዜና አቀራረብ ስልቱ የሚታወቀው አንጋፋው ጋዜጠኛ በላይ በቀለ ድንገተኛ የስትሮክ አደጋ አጋጥሞት፣ በአሁኑ ወቅት ዳግማዊ ሚኒሊክ ሆስፒታል በፅኑ ሕሙማን መከታተያ ክፍል (ICU) ውስጥ እየታከመ ይገኛል።

ጋዜጠኛ በላይ በቀለ በኢትዮጵያ የሚዲያ ታሪክ ውስጥ ለበርካታ ዓመታት በሬዲዮና በቴሌቪዥን በብቃት ያገለገለ አንጋፋ ባለሙያ ነው። በቅርብ ዓመታትም “በላይ ሚዲያ” የዩቲዩብ ቻናልን በመመስረት፣ በሥራ ፈጠራ፣ በቢዝነስና በግል ልማት ዙሪያ ለወጣቶች እውቀትና ልምድ ሲያካፍል ቆይቷል።

ከጋዜጠኛው የቅርብ ወዳጅ አንጋፋው ጋዜጠኛ አለምነህ ዋሴ በተሰጠ መረጃ መሠረት፣ የስትሮክ አደጋው ከተከሰተ በኋላ ወደ ልዩ የስትሮክ ሕክምና ማዕከል ለማዛወር ጥረት ተደርጎ ነበር። ሆኖም ከአደጋው ጀምሮ ከ24 ሰዓት በላይ በመቆየቱ ምክንያት የቀዶ ሕክምና አማራጩ ወሳኝ ጊዜ ማለፉን ሐኪሞች እንደገለጹ ተገልጿል።

በአሁኑ ወቅት በዳግማዊ ሚኒሊክ ሆስፒታል የሚገኙ የሕክምና ባለሙያዎች አስፈላጊውን የነፍስ አድን ሕክምናና የቅርብ ክትትል እያደረጉለት ነው።

ይህ ሕይወቱን ሙሉ ለሕዝብ መረጃና እውቀት ሲያበረክት የኖረ አንጋፋ ባለሙያ ዛሬ የወገኖቹን እገዛ የሚሻበት ወቅት ላይ ይገኛል።

የድጋፍ ጥሪ

ለጋዜጠኛ በላይ በቀለ የሕክምና ወጪ ድጋፍ ማድረግ የምትፈልጉ፦

የኢትዮጵያ ንግድ ባንክ (CBE)
የአካውንት ቁጥር፦ 1000191873061
የአካውንት ስም፦ አለማየሁ በፍቃዱ

በጸሎት፣ በማበረታታትና በምንችለው የገንዘብ ድጋፍ ከጋዜጠኛ በላይ በቀለና ከቤተሰቦቹ ጎን እንቁም።

እግዚአብሔር ሙሉ ጤንነቱን ይመልስለት!

​
​ #ሶደሬ #ሶደሬአዲስ

09/02/2026

ኢትዮጵያ ይዘት ፈጣሪያችን ተጠቃሚ የሚደረግ "ሲድሮ" የተሰኘ ኢትዮጵያዊ ቲክቶክ መተግበሪያ አፕልኬሽን ይፋ ተደረገ።

|ኢንፍራን ቴክ ሶፍትዌርና ቴክኖሎጂ ስራንና ህይወትን ቀላል የሚደረግ አፕልኬሽንና ሶፍትዌሮችን አበልፃጎ ስራ ላይ በማዋል የሚታወቅ ድርጅት ሲሆን ከዚህም መካከል የብሔራዊ ባንክ፣የንግድ ባንክ፣የአዲስአበባ ትራፊክ ማኔጅመንት የዲጅታል ስርዓቶችን በማበልፀግ እና ስራ ላይ እንዲውል ያስቻለ የሶፍትዌርና የቴክኖሎጂ ድርጅት ነው።
ከዚሁም ጋር በተያያዘ ኢንፍራ ቴክ የሀገር ውስጥ የይዘት ፈጣሪዎችን በኢኮኖሚ ተጠቃሚ ለማድረግ እና የወጪ ምንዛሬ ወደ ሀገር ማሰገባት የሚስችል "ሲድሮ"የተሰኘ አዲስ የሶሻል ሚዲያ መተግበሪያ ወይም ኢትዮ ቲክቶክ በትላንትናው ዕለት ቦሌ በሚገኘው ስካይ ላይት ኢንተርናሽናል ሆቴል ይፋ አድርጓል ።
በዚህም ፕሮግራም ላይ የኩባንያው የስራ ኃላፊዎች ተዋቂ ግለሰቦች ተፅዕኖ ፈጣሪዎች እና የቴክኖሎጂ ባለሙያዎች ተገኝተዋል ።የኢንፍራ ቴክ መስራች እና ዋና ስራ አስፈፃሚ የሆኑት አቶ ቀዳማዊ ሙሉዓለም እንደገለፁት መተግበሪያው የሀገር ውስጥ የክፍያ አማራጮች ቴሌ ብር ቻፓ እና አለም አቀፍ አማራጮች በኩል ክፍያ የሚፈፀም እና ይህም በሀገር ውስጥ ያሉት ሆነ በወጪ ሀገር የሚኖሩ ዲያስፖራ አባለት ለይዘት ፈጣሪዎች በስጦታ በችሮታ መልክ ደጋፍ እንዲያደረጎ ያስችላል ተብሏል ።
ከዚህም ሌላ አለም አቀፍ ሶሻል ሚዲያ ለምሳሌ ቴክቶክ ለሀገር ውስጥ ይዘት ፈጣሪዎች በሚሊዮን የሚቆጠር ተከታይ ቢኖራቸውም የክፍያ ስርዐቱ ባለመመቻቸቶ ያጋጥማቸው የነበረውን ክፍያ አለመገኘት ይፍታል ተብሏል ።
ይህ አፕ ሙሉ ለሙሉ በኢትዮጵያውያን የበለፀግ ሲሆን ዕድሜያቸው ከ18 አመት በላይ የሆኑ ሁሉ መጠቀም እንደሚችሉ በወቅቱ ተገልጿል ።

ሶደሬ አዲስ

Sodere

09/02/2026

🚨 WE’RE HIRING!

🔹 Junior Sales Consultant
Experience Required: Minimum 3 months of relevant experience

🔹 Senior Sales Consultant
Experience Required: Minimum 2 years of sales experience

Salary Junior Net (10,000 Birr)
Salary Senior Net (15,000 Birr)

Commission 4%
📩 How to Apply:
Send us your CV/Resume in

via Telegram: https://t.me/Yvisco
Join our team and grow your career with us!

08/31/2026

የአዲስ አበባው የአድዋ ድልድይ መንገድ ተዘጋ

ለረጅም ዓመታት አገልግሎት ሲሰጥ የቆየው የአድዋ ድልድይ በደረሰበት ጉዳት ምክንያት መንገዱ መዘጋቱን ነው የአዲስ አበባ ከተማ መንገዶች ባለሥልጣን ያስታወቀው።

በመንገዱ ላይ ያጋጠመው ችግር በጥናትና ዲዛይን የተደገፈ፣ ዘላቂ መፍትሄ እስኪሰጠው ድረስ፤ ባለስልጣኑ ከሴቶች አደባባይ ወደ ባልድራስ ትራፊክ መብራት የሚወስደው መንገድ፤ ከዛሬ ነሐሴ 25 ቀን 2018 ዓ.ም ጀምሮ በሁለቱም አቅጣጫ ሙሉ በሙሉ ለትራፊክ እንቅስቃሴ ዝግ እንደሆነ እወቁልኝ ብሏል፡፡

በመሆኑም አሽከርካሪዎች አማራጭ መንገዶችን እንዲጠቀሙ ባለሥልጣን መስሪያቤቱ ያሳስባል፡፡

ሶደሬ አዲስ
Sodere