Afghan Street

11/16/2025

داسې جالبه به مو نه وي کتلي👇🏼

11/16/2025

د امریکا او څو اسلامي هېوادونو د ملاتړ په تعقیب د امنیت شورا د یوې مسودې پرېکړې لپاره، چې د دوه دولتیز حللارې لارې پرانیزي، د اسرائیل لومړي وزیر او د دفاع وزیر یکشنبه بیا د فلسطین د خپلواک دولت د جوړېدو مخالفت اعلان کړ.

بنيامین نتانیاهو همداراز ټینګار وکړ چې غزه به یوه «غیرنظامي» سیمه وګرځي او حماس به «که له آسانه لارو وي او که له سختو لارو» بې وسلې شي.

په همدې حال کې د اسرائیل د دفاع وزیر، اسرائیل کاتز، هم څرګنده کړه چې د فلسطین خپلواک دولت جوړ نه شي.

11/16/2025

ملي دفاع وزارت په خپل اېکس پاڼه کې لیکلي، چې د ۳۱۳ مرکزي قول اردو د سروبي درېیمې پلې لوا د درېیم پلې کنډک د کشف او استخباراتو منسوبینو له لوري د کابل ولایت د خاکجبار ولسوالۍ په دربند باټو خېلو تنګي سیمه کې د بی‌اېم–۲۱ راکټونو یوه پخوانۍ پټه زېرمه موندل شوې ده.

د وزارت د معلوماتو له مخې، په دې زېرمه کې ۱۸ دانې د بی ام–۲۱ دستګاه راکټونه او ۲۱ سرګلولې تر لاسه شوي دي.

دوی زیاتوي چې دغه مهمات د قانوني چارو لپاره اړوندو ارګانونو ته سپارل شوي دي.

11/16/2025

🚨⚡️یوه روسۍ ښځه په بوینس آیرس کې د غلا هڅه شنډه کړه، وروسته له هغه چې د دوو موټرسايکل سپرو غلو پر وړاندې یې مبارزه وکړه. عیني شاهدانو له غلو څخه یو ونیوه تر څو پولیس ورسېدل، بل یې وتښتېد خو وروسته ونیول شو.

11/16/2025

د المرصاد رسنۍ د خپلو سرچینو په حواله خبر ورکړی چې ناپېژانده وسله‌والو د پاکستان په پنجاب ایالت کې د داعش خوارجو یو مشهور قوماندان وژلی دی.

د راپور له مخې، وژل شوی داعشي د «برهان» په نوم یادیږي چې په «زید» مشهور و او د پنجاب ایالت د اختراباد ښار په پاټک سیمه کې وژل شوی دی.

د المرصاد په راپور کې ویل شوي چې دغه وژل شوی کس د افغانستان په مشرقي زون کې هم ځینې عمده فعالیتونه ترسره کړي وو.

د یادونې وړ ده چې څه موده مخکې هم په پاکستان کې د داعش یو بل غړی وژل شوی و.

11/16/2025

د اسلامي هېوادونو د پيوستون شپږم پړاو سیالیو کې افغان تکواندو کار محسن رضایي، چې په منفي ۶۰ کیلوګرامه وزن کې برخه لري، په پرلپسې توګه د ازبکستان، عربستان او ازربایجان سیالانو ته ماتې ورکړه او د سپینو زرو مډال وګاټه.

محسن رضایي به څو ساعته وروسته له ایراني سیال سره د سرو زرو مډال پر سر په سیالۍ ډګر ښکته شي.

د دغو سیالیو په تکواندو برخه کې د افغانستان په استازولۍ پنځه ورزشکاران او درې پلاوي ګډون لري.

د اسلامي هېوادونو د پيوستون شپږم پړاو سیالۍ د سعودي عربستان په پلازمېنه ریاض ښار کې د نومبر پر ۷مه د ۵۷ اسلامي هېوادونو په ګډون د ۲۳ ورزشي رشتو سره پیل شوې او د نومبر تر ۲۱مې به دوام وکړي.

11/16/2025

لومړنى موبايل👇🏼

11/16/2025

د سیاسي ګوندونو او تشکیلاتو په چارو کې د ایران د ولسمشر سلاکار، نورالدین اهي، ویلي چې پولې د یو ټولنیز، اقتصادي او ډیپلوماټیک فرصت په توګه ګڼل کېږي.

هغه زیاته کړې چې ایران هڅه کوي له افغانستان او پاکستان سره ګډ ځانګړی اقتصادي زون رامنځته کړي.

11/16/2025

افغان کډوال چې له پاکستانه ستنېږي وايي، په وروستیو میاشتو کې د پاکستاني پولیسو او چارواکو لخوا د هغوی سره ناوړه چلند زیات شوی دی.

کډوال راپور ورکوي چې پراخه ظلمونه، د ملکیتونو نیول او جبري وتل کیدل یې تجربه کړې دي، چې په دې توګه د ستنېدونکو افغانانو وضعیت لا نور هم کړکیچن شوی دی.

11/16/2025

11/16/2025

د جوجېتسو ۷ کسیزه افغان لوبډله، چې پنځه ورزشکاران، یو روزونکی او یو پلاوی پکې شامل دي، د اسلامي هېوادونو د پیوستون سیالیو کې د ګډون لپاره سعودي عربستان ته روانه شوې ده.

دغه سیالۍ د ریاض ښار کوربه‌توب کوي او په کې د ۵۷ اسلامي هېوادونو ورزشکاران د ۲۳ ورزشي رشتو په ګډون برخه اخلي.

د المپیکي چارو رئیس، داد محمد پاینده اختري، د لوبډلې د خدای پامانۍ پر مهال وویل چې ورزشکاران دې په لوړ مورال او بشپړه هڅه ولوبېږي، څو افغانستان ته ویاړونه راوړي.

په دې سیالیو کې به افغانستان د ۱۲ رشتو له لارې، د ۸۳ ورزشکارانو او پلاوي په ګډون استازولي کوي. سیالۍ د نومبر پر ۷مه پیل شوې او تر نومبر ۲۱مې به دوام وکړي.

11/16/2025

د اسلامي امارت تر واک لاندې د کانکور ازموینو ملي اداره وايي چې سبا دوشنبه، د لړم ۲۶مه، د ۱۴۰۵ کال کانکور ازموینې لپاره د نوم لیکنې نېټه اعلان شي.

د ادارې په وینا، د دوولسم ټولګي فارغان کولی شي د نوم لیکنې فورمې په انلاین بڼه ډکې کړي.