10/12/2025
رحیم یار خان میں کرشنگ سیزن کے آغاز پر انتظامیہ ایکشن میں آگئی ہے۔ سیکرٹری آر ٹی اے رانا ریاست علی کی ہدایت پر گنے سے بھری ٹرالیوں کی نگرانی مزید سخت کر دی گئی ہے۔ اس موقع پر موٹر وہیکلز انسپیکشن ٹیموں کو خصوصی ٹاسک دے دیا گیا ہے کہ وہ ہر ٹرالی پر ریفلیکٹرز اور بیک لائٹس کی موجودگی کو یقینی بنائیں۔ رانا ریاست علی کا کہنا ہے کہ کرشنگ سیزن کے دوران حادثات کی بڑی وجہ ٹرالیوں پر لائٹس کا نہ ہونا ہے، اس لیے تمام ڈرائیورز کو ہدایت کی گئی ہے کہ قواعد و ضوابط پر مکمل عمل کریں، ورنہ کارروائی عمل میں لائی جائے گی
