Serofero Dainik

15/08/2025

79 औं स्वतन्त्रता दिवस एवम् सम्मान कार्यक्रम, किराँत संघ सिङ्गबुङ्ग डेरा मण्डल गाउँको आयोजनामा लिइएको फोटो।

15/08/2025

14/08/2025

भीरगाउँ स्थित दक्षिण वाहिनी कालीदेवी मन्दिरमा जल अभिषेकको अन्तिम दिनमा पूजा अर्चना सहित अखण्ड भजन र आरती विसर्जन गरि समापन गरियो।
श्रवन मासमा प्रत्येक सोमबार अनि विहिवार गरेर दक्षिण वाहिनी कालीदेवी मन्दिरको शिवलिङ्गमा जल चडाउँदै आइरहेको थियो भने आज समापन गरिएको छ।

13/08/2025

रेलिङ विहिवारे स्थित 11 दिवसिय श्री शिव महापुराणको अन्तिम समापनको कार्यक्रमको केही झलक..........!

13/08/2025

सहयोगी सम्पूर्णलाई सम्मान जनाउदै श्री शिव महापुराण समापन

रेलिङ: रेलिङ विहिवारे स्थित श्री भुवनेश्वर शिवालय परिसरमा चलिरहेको 11 दिवसीय श्री शिव महापुराणको अन्तिम दिन सहयोगी सम्पूर्णलाई सम्मान जनाउदै समापन गरियो। रेलिङ श्री शिव महापुराण आयोजक समितिको आयोजनामा सम्पन्न 11 दिवसिय महापुराणलाई सफल बनाउन साथ दिनुहुने विभिन्न सहयोगीहरू,गुरूजन लगायत 12 भन्दा धेरै समाजको सहयोगलाई स्मरण गर्दै सम्मान स्वरूप स्मृति चिन्ह प्रदान गरियो।
उक्त श्री शिव महापुराणको समापन दिनलाई दिव्य बनाइ दिनु हुने स्थानिय दंगे थापागाउँ माता, सिंगला स्थित बौद्धधर्म गुरू दिच्छेन दोर्जेको उपस्थिति रहेको थियो।
मुख्य कथावाचक भीम कोइराला शास्त्रीले उपवाचक पण्डित ज्ञानु भाइ गाैतम रहेको श्री शिव महापुराणमा विभिन्न कार्यक्रम आधारित विभिन्न झाँकीहरू प्रस्तुत गरिएको जसमा शिव तण्डाव नृत्य, नाटक डोको, गंगा आरती यसैगरी 1 लाख 8 दीप जलाएर अर्पण गरि शिव प्रसन्नको आराधना गरिएको बताइएको छ।
यस शिव महापुराणको उद्धेश्य सम्बन्धित आफ्नो छोटो विचार पोख्दै सतिश पोखरेलले भने हामीले शिव महादेवको मुर्ति, डमरू अनि रूद्राक्षको माला वितरण गरिरहेका छौं। जसको उद्धेश्य हो भगवान शिवको महिमा तथा शिवत्व बाँचिरहोस, डमरू सबैतिर गुञ्जिएको होस।
दैनिक रूपमा श्रद्धालु भक्त अनुयायीहरूले व्यापक रूपमा उपस्थिति जनाएर उक्त शिव महापुराणलाई अझ महत्वपूर्ण बनाइ दिएको बताइएका छन।
रेलिङ विहिवारे स्थित उक्त श्री शिव महापुराणलाई सफल बनाउन सहयोग गर्नु हुने, प्रत्यक्ष अप्रत्यक्ष सबैप्रति आयोजक समितिको पक्षमा डा.कमल पोखरेलले कृतज्ञ जनाएका छन।

12/08/2025

"हाम्रो टोल हाम्रो समाधान अनि दैलोमा सरकार कार्यक्रम

रेलिङ, पश्चिम बङ्गाल सरकारद्वारा शुरू गरिएको नयाँ योजना "हाम्रो गाउँ, हाम्रो समाधान"- शिविर दार्जीलिङ पुलबजार खण्डको विभिन्न ग्राम पञ्चायतहरूमा व्यापक रूपमा चलिरहेको छ। यसैगरी उक्त शिविर रेलिङ ग्राम पञ्चायतका विभिन्न बुथहरूमा चरणबद्ध रूपमा भइरहेको छ। यसै क्रममा आज रेलिङ ग्राम पञ्चायत अधिनस्त अप्पर रेलिङ बुथ नम्बर 23/ 31 स्थित समाज भवनमा बुथका मानिसहरू लिएर "हाम्रो गाउँ, हाम्रो समाधान" शिविर सम्पन्न गरेको छ। जसमा मानिसहरूले सरसल्लाह गरेर गाउँमा भएका अति आवश्यक कामहरू लगाउने कार्य गरिएको छ।
यसका साथै आजको कार्यक्रममा दैलोमा सरकार शिविर पनि बसेका थिए। जसमा मानिसहरूले आआफ्नो कागजपत्र बनाउने अनि सच्चाउने कार्य गरेको छ।
आजको शिविरमा दार्जीलिङ पुलबजार खण्ड संयुक्त खण्ड विकास अधिकारी देवाप्रिया ठाकुर लगायत रेलिङ ग्राम पञ्चायतका अधिकारीवार्ग, वार्ड सदस्य केसाङ शेर्पा, आईसीडीएस, आशा कर्मचारीगण लगायत लाइन विभागका अधिकारीवर्गले पनि उक्त शिविरमा सहभागीता जनाएका थिए।

12/08/2025

बस्ती भेगमा पनि मजाले फस्टाउन सक्ने रोजगारको प्रबल सम्भावनाहरू मध्ये एउटा लघु पर्यटन उद्योग होमस्टे सञ्चालनमा युवाहरूले धेरै चासो दिइरहेको देखिन्छ। यसैको एउटा उदाहरण लंगुरदाङ्गमा नवनिर्माण हुदै गरेको एउटा होमस्टे.....!