Jubbaland News

10/27/2025

WARARKA MAANTA: 27th Oktoobar 26, 2025
Su’aalaha Maanta: Maxuu isku-casili rabaa Raysal Wasaare Mudane Xamsa Cabdi Barre “Dhaweeye/Waariykoow” oo ku fashilmay inuu tago degaanada uu matalo? Maxaa ku fashilmay Madaxweyne Mudane Xassan “Dhuuso-Fooxiye”? 1. Waa diiday inuu sameeyo 2. Waa diiday inuu sameeyo Maxkammadda Dastuuriga ah 3. Waa diiday inuu dalka u sameeyo lacag Soomaali mar labaad asagoo Madxweyne ka ah dalka ? 4. Waa diiday inay Dowladda iyo Dowlad Gobaleedyada si wada-jir ah u shaqeeyaan 5. Waa diiday inuu mucaaradka si fiican ula dhaqmo 6. Waa diiday in shacabka la caawiyo, waxuuna ugu daray barakicin iyo dhac joogta ah 7. Waa diiday inay labada aqal si wada-jir ah u shaqeeyaan si ay ula xisaabtamaan xukuummadda 8. Waa diiday inuu hantida dadweynaha si sharciga waafaqsan u naadiyo 9. Waxay Dowladda Soomaaliya ku soo uruurtay qoyskiisa iyo in yar oo luflufka ka hara xadaaya 10. Waxuu hadda raadinayaa muddo koroorsi laba sanno ah! Ha wiqleyso!
Kigale 27th Oktoobar 26, 2025 Wasiirka Arrimaha Dibadda iyo Iskaashiga Caalamiga ah ee Jamhuuriyadda Federaalka Soomaaliya, Mudane Cabdisalaam Cabdi Cali, ayaa booqasho rasmi ah oo labo maalmood ah uga bilaabatay magaalada Kigali, caasimadda dalka Rwanda.
Wasiirku wuxuu booqasho sharafeed ku tagay Xarunta Xusuusta Kigali (Kigali Memorial) iyo Matxafka Ololaha Lagaga Hortagay Xasuuqa ee ku yaalla Baarlamaanka Rwanda halkaas oo uu xusuus iyo tixgelin u muujiyay dhibbanayaasha xasuuqii 1994 ee lagu laayey dadka Tutsiga.
Rwanda ayaa ka mid ah dalalka ka soo kabtay dagaalladii sokeeye ee burburiyay dalkooda, waxayna maanta tusaale u tahay sida dib-u-heshiisiin, nabad iyo midnimo qaran lagu gaari karo horumar waara. Xasuuqii dalkaas ka dhacay sanadkii 1994 waxaa ku geeriyooday ku dhowaad hal Milyan oo qof, halka malaayiin kalena ay barakac iyo dhibaatooyin kale la kulmeen.
Booqashada Wasiirka Arrimaha Dibadda ee Soomaaliya ayaa qayb ka ah xoojinta xiriirka diblomaasiyadeed iyo iskaashiga laba geesoodka ah ee u dhexeeya Soomaaliya iyo Rwanda, iyadoo labada dal ay ka wada shaqeynayaan horumarinta nabadda, horumarka iyo iskaashiga gobolka.
Muqdisho 27th Oktoobar 26, 2025 Sidee garsoorayaasha iyo dhinacyada kale ee sharciga la shaqeeya u kordhin karaan sharcinimada garsoorka guud ahaan Soomaaliya?
Tani waxay ahayd ujeeddada tababar muddo saddex maalmood ah ka socday magaalada Kismaayo oo ay khubaro dhanka garsoorka ah oo ka socday UNTMIS u fidiyeen 20 xubnood oo ka tirsan shaqaalaha maxk**adaha Jubaland, xafiiska xeer ilaaliyaha guud, booliska, asluubta iyo Wasaaradda Caddaaladda.
Ka qaybgalayaashu waxay ka doodeen sidii ay shaqsi ahaan iyo si wadar ahaanba ah uga qayb qaadan lahaayeen is-aaminaad ka dhex abuurmata hay'adaha sharciga iyo bulshada, iyo bixinta adeegyada caddaaladda ee khuseeya dadka oo ka jawaabaya baahiyaha bulshooyinka iyo shuruudaha sharciga.
Muqdisho 27th Oktoobar 26, 2025 Wasiirka Gaadiidka ee Yemen, Dr. Cabdisalaam Xamid, ayaa magaalada caasimadda ku-meel-gaarka ah ee Cadan, kulan kula yeeshay safiirka Soomaaliya ee Yemen, Cabdulhakiim Maxamed, iyagoo ka wada hadlay xoojinta iskaashiga labada dal, gaar ahaan dhinacyada gaadiidka badda iyo hawada.
Wasiir Xamid ayaa kulanka ka sheegay in xiriirka taariikheed, bulsho iyo siyaasadeed ee u dhexeeya Yemen iyo Soomaaliya uu yahay mid qoto dheer oo soo jireen ah, isla markaana labada dal ay leeyihiin dano iyo xiriir wadaag ah oo ku saleysan dhinacyada bulshada, dhaqaalaha iyo amniga.
Dr. Xamid ayaa tilmaamay in wasaaradda gaadiidku ay diyaar u tahay kobcinta ganacsiga iyo is-dhaafsiga dhaqaalaha ee labada dal, iyadoo sidoo kale diyaar u ah in ay taageerto furitaanka duulimaadyo toos ah oo ay sameeyaan shirkadaha diyaaradaha Soomaaliyeed, isla markaana la siiyo rukhsado hawlgal oo ka faa’iideynsan doonaan labada shacab.
Sidoo kale, Wasiirka ayaa sheegay in dowladda Yemen ay qorsheyneyso in ay iibsato laba diyaaradood oo yar-yar oo loogu talagalay duulimaadyada gudaha, kuwaas oo sidoo kale loo adeegsan karo safarada u dhaxeeya Yemen iyo Soomaaliya iyo dalalka kale ee gobolka.
Intaa waxaa dheer, Wasiir Xamid ayaa adkeeyay muhiimadda ay leedahay in la dardargeliyo dhaq-dhaqaaqa ganacsi ee u dhaxeeya dekedaha labada dal, iyo in la iska kaashado la dagaalanka tahriibka hubka iyo badeecooyinka sharci-darrada ah ee ka imaanaya qaar ka mid ah dalalka Geeska Afrika loona gudbinayo Yemen.
Dhankiisa, safiirka Soomaaliya ee Yemen, Cabdulhakiim Maxamed, ayaa uga mahadceliyay dowladda Yemen iyo wasaaradda gaadiidka dadaallada ay ku xoojinayso iskaashiga labada dal, isaga oo tilmaamay in Soomaaliya ay ka go’an tahay sii adkeynta xiriirka walaaltinimo iyo iskaashiga labada dowladood.
Hiiraan 27th Oktoobar 26, 2025 Warar dheeraad ah ayaa kasoo baxaya weerar culus oo Xalay fiidkii h**e ciidanka Macawiisleeyda gobolka Hiiraan ku qaadeen fariisimo kooxda Al-shabaab ku laheyd deegaanka Goobo oo ka mid ah deegaanada hoostaga degmada Maxaas ee gobolka Hiiraan.
Ciidamada Macawiisleyda ayaa la sheegay in dhowr jiho ay ka weerareen maleeshiyaadka ku sugna deegaanka Goobo, islamarkaana uu halkaasi ku dhexmaray labada dhinac dagaal aad u xoogana oo la isku adeegsaday hubka noocyadiisa kala duwan.
Ciidanka Macawiisleyda ayaa lasoo wariyay iney u suura gashay iney cagta mariyaan fariirinkii kooxdu ku laheyd duuleedka Waqooyi ee deegaanka Goobo, islamarkaana khasaare xoogan lagu gaarsiiyo Maleeshiyaadka Al-shabaab.
Ilaa hadda si rasmi ah looma oga khasaaraha dhabta ah dhimashada iyo dhaawaca ka dhashay weerarka Xalay Macawiisleyda ku qaadeen deegaanka Goobo oo ah deegaan istaraatiiji ah, kaasoo isku xira gobolada Hiiraan iyo Galguduud.
Ciidanka Macawiisleeyda beesha Xawaadle ayaa mudooyinkan dambe deegaano ka tirsan gobolka Hiiraan ka waday abaabulo ku aadan sidii kooxda Al-shabaab ay dib uga saari lahaayeen deegaanada ay kaga sugan yihiin gobolka Hiiraan.
Maraykanka 27th Oktoobar 26, 2025 Laba xildhibaan oo ka tirsan Golaha Wakiillada Mareykanka (House of Representatives) ayaa ku baaqay in Waaxda Caddaaladda Mareykanka ay baaritaan ku samayso dhalashada Ilhaan Omar, oo ka soo jeedda Soomaaliya.
Arrintaan ayaa la sheegay inay qayb ka tahay dib-u-eegis guud oo lagu samaynayo dhalashada dadka u soo guuray islamarkaasna la siiyay muwaadiniyadda Mareykanka.
Xildhibaan Randy Fine (R-Fla.) ayaa sheegay in baaritaanku ka bilowdo musharraxa duqa magaalada New York Zohran Mamdani, oo uu ku eedeeyay in uu jabiyay xeerarka muwaadiniyadda, isagoo xusay in sidoo kale Ilhaan Omar ay mudan tahay in la baaro.
Fine ayaa sheegay in dadka qaarkood ay dalka u yimaadeen si ay u burburiyaan, isagoo ku baaqay in dadka si khaldan u helay dhalashada Mareykanka laga laabto muwaadiniyadooda oo dib loo celiyo.
Dhankiisa, Andy Ogles (R-Tenn.) ayaa sidoo kale taageeray baaqa, isaga oo Mamdani ku tilmaamay shakhsi shuuci ah oo khatar ku ah dalka, isla markaana dalbaday in la baaro Ilhaan Omar, isagoo tixraacaya mowqifkeeda siyaasadeed ee marar badan dhaliilay siyaasadda arrimaha dibadda ee Mareykanka.
Ilhaan Omar, oo matasha gobolka Minnesota (Degmada 5aad), waxay ka soo qaxday Soomaaliya intii uu socday dagaalkii sokeeye, waxaana ay sannadkii 2018 noqotay mid ka mid ah labadii haween ee Muslimiinta ahaa ee ugu horreeyay ee lagu doorto Kongareeska Mareykanka.
Wasaaradda Cadaaladda Mareykanka weli k**a aysan hadlin dalabka baaritaanka ee ay xildhibaanadu codsadeen.

Enjoy the videos and music you love, upload original content, and share it all with friends, family, and the world on YouTube.

10/26/2025

WARARKA MAANTA: 26th Oktoobar 26, 2025
Su’aalaha Maanta: Maxaa ku fashilmay Madaxweyne Mudane Xassan “Dhuuso-Fooxiye”? 1. Waa diiday inuu sameeyo 2. Waa diiday inuu sameeyo Maxkammadda Dastuuriga ah 3. Waa diiday inuu dalka u sameeyo lacag Soomaali mar labaad asagoo Madxweyne ka ah dalka ? 4. Waa diiday inay Dowladda iyo Dowlad Gobaleedyada si wada-jir ah u shaqeeyaan 5. Waa diiday inuu mucaaradka si fiican ula dhaqmo 6. Waa diiday in shacabka la caawiyo, waxuuna ugu daray barakicin iyo dhac joogta ah 7. Waa diiday inay labada aqal si wada-jir ah u shaqeeyaan si ay ula xisaabtamaan xukuummadda 8. Waa diiday inuu hantida dadweynaha si sharciga waafaqsan u naadiyo 9. Waxay Dowladda Soomaaliya ku soo uruurtay qoyskiisa iyo in yar oo luflufka ka hara xadaaya 10. Waxuu hadda raadinayaa muddo koroorsi laba sanno ah! Ha wiqleyso!
Muqdisho 26th Oktoobar 26, 2025 Madaxweynaha Soomaaliya, Xasan Sheekh Maxamuud, ayaa ku adkeeyey madaxda iyo howlwadeennada Hay’adda Socdaalka iyo Jinsiyadda, muhiimadda ay leedahay adkeeynta shuruucda socdaalka, hufnaanta adeegyada muwaadiniinta iyo la dagaallanka tahriibka, argagixisada iyo socdaalka sharci darrada ah.
Madaxweynaha ayaa hoosta ka xarriiqay in dowladdu ay go’aansatay in la xoojiyo nidaamka amniga xuduudaha, si looga hortago in danbiilayaal ama kooxo khatar ku ah amniga ay si fudud ku soo galaan dalka.
Madaxweyne Xasan Sheekh Maxamuud ayaa bogaadiyey guulaha muuqda ee ay gaartay Hay’adda Socdaalka, gaar ahaan hannaanka casriyeynta ee bixinta dal-ku-galka elektaroonigga ah (e-Visa), iyo hirgelinta nidaamka cusub ee PISCES, kaas oo ah nidaam casri ah oo lagu maamulo xuduudaha iyo aqoonsiga dadka, una adeegsanaya xogaha biometric-ga sida faraha iyo aqoonsiga wejiga.
Dhinaca kale, Agaasimaha Guud ee Hay’adda Socdaalka iyo Jinsiyadda, Mustafe Sheekh Cali Dhuxulow, ayaa sheegay in madaxweynaha uu faray in la adkeeyo nidaamka e-Visa, isla markaana la kordhiyo tayada iyo amniga Passporka Soomaaliyeed, si uu ula jaanqaado heerarka caalamiga ah.
Hadalka Madaxweynaha ayaa yimid kadib markii uu kormeer ku tagay xarunta Hay'adda Socdaalka iyo Jinsiyada Soomaaliya wxaana uu halkaas warbixino kaga dhageystay howlwadeenada Hay'adda kuwaasi oo la wadaagay howsha ka socota Hay'adda Socdaalka.
Muqdisho 26th Oktoobar 26, 2025 Dowladda Masar ayaa dhamaystireysa diyaar garowga ay ciidamada ugu dirayso Soomaaliya, si ay uga qaybqaataan Hawlgalka Taageerada iyo Xasilinta Midowga Afrika ee Soomaaliya (AUSSSOM).
Wafdi ciidan oo ka socday Masar ayaa toddobaadkan booqday magaalada Muqdisho, taasoo qayb ka ah qorshaha Qaahira ee ku aaddan ka-qaybgalka howlgalka.
Warbixin uu Golaha Ammaanka ee Qaramada Midoobay soo saaray bishii Abriil 2025 ayaa muujisay in ku dhowaad 1,100 askari oo Masri ah ay ka qaybqaadan doonaan hawlgalka AUSSSOM.
Booqashada wafdiga ayaa timid xilli ay sii kordhayaan xiisadaha u dhexeeya Masar iyo Itoobiya, kaddib markii bishii h**e si rasmi ah loo furay mashruuca Biyaha Webiga Niil ee Itoobiya — Grand Ethiopian Renaissance Dam (GERD) — kaas oo Qaahira ku tilmaantay inuu halis ku yahay sahayda biyaha ee dalka Masar.
Itoobiya lafteedu waxay hawlgalka AUSSSOM ku biirisay 2,500 askari. Hawlgalkan ayaa beddelay hawlgalka ATMIS ee Midowga Afrika horaantii sanadkan, waxaana la qorsheeyay inuu socdo ilaa sannadka 2028.
Waa markii ugu horraysay ee ciidamada Masar ay ka qaybqaataan howlgal nabad ilaalin ah oo ka socda Soomaaliya, iyadoo ATMIS ay h**e uga koobnayd ciidamada Itoobiya, Kenya, Burundi, Jabuuti iyo Uganda.
Bishii Agoosto 2024, Masar ayaa qalab ciidan geysay Soomaaliya, taas oo dhalisay walaac ay muujiyeen falanqeeyayaasha, kuwaas oo ka cabsi qabay in khilaafka Itoobiya iyo Masar uu isu beddelo dagaal ay ku galaan gudaha Soomaaliya.
Suleyman Dedefo, safiirka Itoobiya u fadhiya Soomaaliya, ayaa toddobaadkan u sheegay warbaahinta Soomaaliyeed in Itoobiya aanay ku faraxsanayn joogitaanka ciidamada Masar ee Soomaaliya.
Muqdisho 26th Oktoobar 26, 2025 Ajendaha Haweenka, Nabadda iyo Amniga, ee la ansixiyay 25 sano ka hor, ayaa weli ah baaxad ahaan heer caalami ah isagoo si qoto dheer u khuseeya heerarka maxalliga ah. Soomaaliya, QM waxa ay sii waddaa in ay la shaqeyso hoggaamiyayaasha haweenka, bulshada rayidka ah, hay'adaha qaranka iyo la-hawlgalayaasha si loo horumariyo nabadda iyo dowlad loo dhan yahay.
Waxaa halkan ka muuqda, hoggaamiyayaasha bulshada rayidka ah ee haweenka Soomaaliyeed oo ka qayb qaadanaya wadatashi ay Qaramada Midoobay taageerto oo ka dhacaya Muqdisho.
Muqdisho 26th Oktoobar 26, 2025 GUDDOOMIYAHA MAAMULKA GOBOLKA BANAADIR AHNA DUQA MUQDISHO OO CASHO SHARAF U SAMEEYAY XILDHIBAANNO KA TIRSAN LABADA GOLE EE BAARLAMAANKA SOOMAALIYA
Muqdisho, Oktoobar 25, 2025: Guddoomiyaha Maamulka Gobolka Banaadir ahna Duqa Magaalada Muqdisho, Dr. Xasan Maxamed Xuseen (Muungaab), ayaa caawa casho sharaf ku maamuusay qaar ka mid ah xildhibaannada labada gole ee Baarlamaanka Federaalka Soomaaliya ee ku metela beesha Hawiye.
Kulankan oo ka dhacay hoyga Duqa Muqdisho ayaa lagu bogaadiyay waxqabadka muuqda ee maamulka gobolka ee ku aaddan horumarinta caasimadda Muqdisho.
Xildhibaannadii iyo masuuliyiintii ka qaybgalay kulanka ayaa si wadajir ah u amaanay dadaallada dowladda Federaalka Soomaaliya ee uu hoggaaminayo Madaxweynaha Jamhuuriyadda, Dr. Xasan Sheekh Maxamuud, ee ku aaddan dowlad-dhisidda, nabadeynta, iyo horumarinta dalka.
Sidoo kale, kulanka ayaa lagu taageeray hirgelinta doorashooyinka qof iyo cod ee dalka ka dhacaya, taas oo loo arko tallaabo muhiim u ah xoojinta hannaanka dimoqraadiyadeed ee Soomaaliya, iyo dhismaha hay’adaha dowladeed ee si toos ah u metela shacabka.
Intii lagu guda jiray kulanka, waxaa kaloo la isla qaatay in la xoojiyo midnimada umadda Soomaaliyeed, lana sii joogteeyo wadashaqeynta u dhaxeysa hay’adaha dowladda iyo shacabka, si dalka loogu hoggaamiyo nabad, cadaalad, iyo horumar waara.
Guddoomiyaha Maamulka Gobolka Banaadir, Dr. Xasan Maxamed Xuseen (Muungaab), ayaa uga mahadceliyay xildhibaannada iyo mas'uuliyiinta ka soo qaybgalay kulanka, isagoo ku boorriyay dhammaan mas'uuliyiinta dowladda in ay sii xoojiyaan midnimada, wadajirka iyo wadashaqeynta ku dhisan danta guud ee qaranka Soomaaliyeed.
DHAMMAAD
Maamiulka Somaliland 26th Oktoobar 26, 2025 Madaxweynaha Somaliland, Cabdiraxmaan Maxamed Cabdillaahi (Cirro), ayaa sheegay in inkastoo ay Somaliland ka noqotay midowgii Soomaaliya 34 sano ka hor, haddana ay weli jiraan arrimo badan oo labada dhinac iskaga xidhan.
Madaxweyne Cirro wuxuu sheegay in waxyaabaha wali ay wadaagaan labada dhinac ay ka mid yihiin hawada iyo furayaasha taleefoonada, kuwaas oo loo baahan yahay in kala guristooda la dhamaystiro si si buuxda loogu kala baxo.
“Waxaynu ka war qabnaa in Soomaaliya aynu kala baxnay 18 May 1991, balse haddana weli waxbaa inaga dhexeeya oo u baahan in la kala saaro. Waxyaabahaas waxaa ka mid ah baasaaboorradii h**e, saamiga xajka, furayaasha taleefoonada iyo maamulka hawada,” ayuu yidhi Madaxweyne Cirro.
Wuxuu intaas ku daray in Wasiirka Duulista iyo Hawada Somaliland uu qaaday tallaabooyin dhowr ah, isla markaana uu rajeynayo in uu ku guuleysan doono in Somaliland ay si buuxda gacanta ugu dhigto maamulka hawadeeda.
“Inagu Soomaaliya dagaal kulama jirno, Soomaali nacayb iyo cuqdadna ma qabno. Aayaheena ayaynu ka tashanay inaga oo xor ah, sida aynu xor ugu biirnay 1960-kii ayaynu xor ugu go’nay 18 May 1991. Hadda waa in kala gurashadaasi noqotaa mid ceeb la’aan ah,” ayuu yidhi.
Madaxweyne Cirro wuxuu sheegay in dowlada Soomaaliya looga baahan yahay inay ku mashquusho arrimaheeda gudaha, sida maamul-goboleedyada oo uu sheegay inay “kala irdhoobeen,” isla markaana dowladdu ay ku guul darreysatay inay mideyso.
“Arrintoodu waxay la mid tahay islaantii xaabada qaadi kari weyday ee tidhi ‘mid kale iigu soo dara’,” ayuu hadalkiisa ku soo gunaanaday.
Xukuumadda Somaliland ayaa si adag uga cadhootay nidaamka dal-ku-galka danabaysan ee dowlada Soomaaliya soo rogtay, kaas oo dadka reer Somaliland ku khasbaya inay dal-ku-galka (visa) Soomaaliya soo qaataan marka ay u socdaan Somaliland.

✔ Subscribe ✔ Share ✔ Like ✔Suldaanka Tv Channel You Can Get This Channel Somali Update News 24 Hours Daily #.

10/25/2025

WARARKA MAANTA 25ka Oktoobar 2025 Sir Culus!
Su’aalaha Maanta: Yaa raba inuu Madaxweynaha Mr. Saciid Deni xilka lagu tuuro? Yaase diiday inuu sameeyo Madxweyne Mudane Xassan “Dhuuso-Fooxiye”? Yaa diiday inuu sameeyo Maxkammadda Dastuuriga ah Madaxweyne Mudane Xassan Shiikh “Dhuuso-Fooxiye” oo beddelay dastuurkii dalka? Yaa diiday in la dhiso Madaxweyne Mudane Xassan Shiikh “Dhuuso-Fooxiye”? Yaa Guddoomiye u doortay Maama Jawaahir Baarqab? Yaa ogolaaday inay qoysaskiis iyo qaraabadiisa inay dhacaan hantida dadweynaha Madaxweyne Mudane Xassan Shiikh “Dhuuso-Fooxiye”? Yaa maanta diidan inay shiraan mucaaradka Madaxweyne Mudane Xassan Shiikh “Dhuuso-Fooxiye”? Yaa wakhtiga ka dhammaan rabaa oo doorasho cod iyo qof qaban doona Madaxweyne Mudane Xassan Shiikh “Dhuuso-Fooxiye”? Yaa beddelay Taliyaha Nabad Sugida laba jeer Madaxweyne Mudane Xassan Shiikh “Dhuuso-Fooxiye”? Yaa baabi’iyey Ciidanka Xoogga Dalka Madaxweyne Mudane Xassan Shiikh “Dhuuso-Fooxiye”? Ha wiqleyso!
Muqdisho 25ka Oktoobar 2025 Adeeg waxtar leh oo ay xirfadi ka muuqato oo ay bixiyaan Ciidanka Asluubta ayaa ah aas-aaska hannaanka sareynta sharciga ee dalka. Sidaas darteed, magaalada Muqdisho ayaa dhowaan lagu qabtay kulan ay taageertay Qaramada Midoobay, kaas oo lagu horumarinayay nidaam asluub oo ammaan ah isla markaana dhowraya bini’aadannimada guud ahaan Soomaaliya.
Khubaro ka socotay UNTMIS iyo UNODC ayaa qabtay aqoon-is-weydaarsi farsamo oo socday muddo saddex maalmood ah, kaas oo ay ka qayb galeen 20 xubnood oo ka kala socday Wasaaradda Cadaaladda iyo Arrimaha Dastuurka ee Xukuumadda Federaalka Soomaaliya, Ciidanka Asluubta iyo bulshada rayidka ah.
Kulanka ayaa diiradda lagu saaray sidii loo horumarin lahaa agabka tababarka, si wadatashi dheeraad ah loola yeesho Dowladda Federaalka Soomaaliya iyo dowlad-goboleedyada xubnaha ka ah Dowladda Federaalka.
Muqdisho 25ka Oktoobar 2025 Ciidanka Booliiska Soomaaliya, gaar ahaan kuwa ka howlgala Saldhigga Garasbaaley ee magaalada Muqdisho ayaa ku gacanta kusoo dhigay rag ku eedeysan iney dhac u geysanayeen dad shacabka ah.
Ragaani oo ah laba nin oo ka tirsan askarta ciidanka dowladda ayaa la qabtay iyagoo ku guda jiray fal dhac ah oo ka geeynayeen waaxda Siinka dheer ee degmada Garasbaaley ee magaalada Muqdisho.
War kooban oo kasoo baxay Taliska ciidanka Booliiska gobolka Banaadir ayaa lagu sheegay in ragaan ku eedeysan dhaca dadweyne loo gudbin doono maxk**adaha ku shaqada leh kiiskooda.
Labada askari ee lagu soo qabtay falka dhaca ah ayaa lagu kala magacaaba Dable Mustaf Niisaam Maxamed iyo Dable Anas Maxamed Muumin, kuwaas oo ku labisna dareeska ciidamada dowladda.
Taliska ciidanka Booliiska gobolka Banaadir ayaa ugu baaqay shacabka Muqdisho iney la shaqeeyaan ciidamada amniga, islamarkaana ay soo gudbiyaan wax kasta oo ku saabsan falalka amni darrada ah, si loo sugo amniga guud ee magaalada caasimadda ah ee Muqdisho.
Soo qabashada ragaan dhaca dadweyne ku eedeysan ayaa kusoo aadeysa, iyadoo maalmahii lasoo dhaafay ciidamada amaanka magaalada Muqdisho ay si weyn u kordhiyeen howlgalada ay uga hortagayaan dhibaatooyinka loo geysto dadka ku nool qeybaha kala duwan ee degmooyinka gobolka Banaadir.
Puntland 25ka Oktoobar 2025 Shir maalmo u socday isimada dhaqanka ee Gobolka Bari ee magaalada Boosaaso ayaa lagu soo gabagabeeyay war murtiyeed ay kaga hadlayeen xaaladda guud ee Puntland iyo tan gaarka ah ee gobolka Bari.
Isimada ayaa kulankooda diiradda ku saaray midnimada ummadda Soomaaliyeed, xaaladda siyaasadeed ee Puntland, howlgalka ka socda buuraha Calmiskaad, cabashada kaluumaysatada iyo adeegyada bulshada ee magaalada Boosaaso.
Warmurtiyeed kasoo baxay shirkooda ayay ugu baaqeen madaxda heer federaal iyo heer dowlad-goboleedba in la ilaaliyo midnimada iyo wadajirka umadda Soomaaliyeed, isla markaana la hormariyo danaha guud ee dadka iyo dalka.
Isimadu waxay sheegeen inay si dhow ula socdaan isbeddellada siyaasadeed ee ka socda Puntland, ayna muhiim tahay in isimada dhaqanka Puntland ay isugu yimaadaan shir degdeg ah si loogu gogol xaaro shirweynaha saamileyda Puntland, maaddaama uu isbeddel ku yimid nidaamkii Puntland lagu dhisay 1998-kii.
Dhinaca amniga, isimadu waxay bogaadiyeen howlgalka uu maamulka Puntland ka wado buuraha Calmiskaad ee gobolka Bari, iyagoo Alle uga baryay naxariis intii ku dhimatay iyo caafimaad degdeg ah dhaawacyada, iyagoo maamulka ugu baaqay in la daryeelo askarta ku dhaawacantay iyo agoomaha askarta geeriyootay.
Isimadu waxay ka hadleen cabashooyinka kasoo yeeraya kaluumaysatada xeebaha Puntland, kuwaas oo sheegay in ay dhibaato ku hayaan jirriif sharci darro ah oo halis geliyay noloshooda iyo hantidooda. Waxay ugu baaqeen Puntland in ay si degdeg ah wax uga qabato arrintaas.
Ugu dambayn, waxay madaxda sare ee Puntland ku booriyeen inay wax ka qabtaan cabashooyinka shacabka Boosaaso ee la xiriira qiimaha sare ee biyaha iyo korontada, isla markaana ay magaalada Boosaaso siiyaan qeyb kamid ah dakhliga dekedda Boosaaso si loogu adeegsado horumarinta kaabayaasheeda dhaqaalaha.
Dhanka kale, Xasan Shire Abgaal, oo kamid ah mucaaradka Puntland, ayaa soo dhoweeyay bayaanka ay soo saareen isimada dhaqanka ee gobolka Bari. Wuxuu sheegay in uu bogaadinayo war murtiyeedka isimada oo ka hadlayay xaaladda Puntland iyo midnimada umadda Soomaaliyeed.
Wuxuu intaas ku daray inuu ka codsanayo isimada dhaqanka ee Puntland inay taageeraan qabsoomidda shir weyn oo la isku imanayo, maadaama uu isbeddel ku yimid heshiiskii aas-aaska Puntland ee 1998-kii.
Muqdisho Iyo Addis Ababa 25ka Oktoobar 2025 Dalalka Itoobiya iyo Soomaaliya ayaa mar kale xaqiijiyay sida ay uga go’an tahay xoojinta nabadda iyo xasilloonida gobolka Geeska Afrika, iyadoo shirkii 11-aad ee Madasha Sare ee Tana ee Amniga Afrika uu diiradda saaray doorka istiraatiijiga ah ee gobolkaasi ku leeyahay arrimaha amniga iyo horumarka qaaradda.
Maalintii ugu horraysay ee shirka, oo lagu qabtay magaalada Bahir Dar ee waqooyiga Itoobiya, ayaa lagu falanqeeyay arrimaha amniga iyo iskaashiga dalalka gobolka, iyadoo hoggaamiyeyaashu ku baaqeen in la dardar geliyo tallaabooyinka wadareed ee lagu xoojinayo nabadda iyo horumarka.
Aqoonyahano iyo mas’uuliyiin heer sare ah ayaa ka qeyb galay shirka, waxaana madasha ka hadlay Wasiir-ku-xigeenka Arrimaha Dibadda Itoobiya, Ambassador Hadera Abera, oo sheegay in Itoobiya ay door muuqda ka ciyaartay ilaalinta amniga iyo nabadda gobolka.
Ambassador Hadera ayaa hoosta ka xarriiqay in Itoobiya ay sii wadi doonto doorkeeda muhiimka ah ee ku aaddan dhiirrigelinta nabadda iyo iskaashiga dalalka deriska ah.
“Itoobiya waxay sii xoojin doontaa kaalinteeda muhiimka ah ee nabadda iyo xasilloonida Geeska Afrika,” ayuu yiri Hadera.
Dhankiisa, Wasiiru Dowlaha Arrimaha Dibadda iyo Iskaashiga Caalamiga ah ee Soomaaliya, Ali Mohamed Omar, ayaa faahfaahiyay dadaallada ay Soomaaliya waddo ee dib-u-dhiska hay’adaha dowliga ah iyo sugidda nabadda kaddib sanado badan oo colaado ah.
Sidoo kale, Wakiilka Ururka IGAD ee Midowga Afrika, Maureen Achieng, ayaa soo bandhigtay kaalinta sii kordheysa ee IGAD ee ku aaddan fududeynta wadahadallada, xallinta khilaafaadka iyo kor u qaadidda midnimada dalalka Geeska Afrika.

✔ Subscribe ✔ Share ✔ Like ✔Wardoon Waxaad ka heleysaa Wararkii ugu dambeeyay Soomaaliya iyo Caalamka 24 SaacNagu soo biir oo Subscribe saar ChanalkeenaDEG D...

10/24/2025

WARARKA MAANTA 24ka Oktoobar 2025 Sir Culus!
Su’aalaha Maanta: Maxuu laba sanno muddo kororsi ah u dalbanayaa Madaxweyne Mudane Xassan “Dhuuso-Fooxiye”? Yaa diiday inuu sameeyo Madxweyne Mudane Xassan “Dhuuso-Fooxiye”? Yaa diiday inuu sameeyo Maxkammadda Dastuuriga ah Madaxweyne Mudane Xassan Shiikh “Dhuuso-Fooxiye” oo beddelay dastuurkii dalka? Yaa diiday in la dhiso Madaxweyne Mudane Xassan Shiikh “Dhuuso-Fooxiye”? Yaa Guddoomiye u doortay Maama Jawaahir Baarqab? Yaa ogolaaday inay qoysaskiis iyo qaraabadiisa inay dhacaan hantida dadweynaha Madaxweyne Mudane Xassan Shiikh “Dhuuso-Fooxiye”? Yaa maanta diidan inay shiraan mucaaradka Madaxweyne Mudane Xassan Shiikh “Dhuuso-Fooxiye”? Yaa wakhtiga ka dhammaan rabaa oo doorasho cod iyo qof qaban doona Madaxweyne Mudane Xassan Shiikh “Dhuuso-Fooxiye”? Yaa beddelay Taliyaha Nabad Sugida laba jeer Madaxweyne Mudane Xassan Shiikh “Dhuuso-Fooxiye”? Yaa baabi’iyey Ciidanka Xoogga Dalka Madaxweyne Mudane Xassan Shiikh “Dhuuso-Fooxiye”? Ha wiqleyso!
Turkey 24ka Oktoobar 2025 LSafaaradda Dowladda Soomaaliya ee Ankara ayaa bilihii lasoo dhaafay ku mashquulsanayd xal u helitaanka sharciga deganaanshaha qaar ka mid ah jaaliyadda Soomaaliyeed ee ku nool dalka Turkiga.
Danjire Faxtudiin Cali Maxamed (Ospite) asaga oo ka duulaya arinkaas ayuu shir muhiim ah la qaatay Wasiirka Arrimaha Gudaha ee Jamhuuriyadda Turkiga, Mudane Ali Yerlikaya, Kulanka waxaa diirada lagu saaray arrimo la xiriira deganaanshaha jaaliyadda Soomaaliyeed ee ku nool Turkiga iyo sidi arrinkan xal waara loogu heli lahaa.
Danjire Ospite ayaa mahad gaar u celiyay Wasaarada Arrimaha Dibadda iyo Wasaaradda Amniga Qaranka XFS oo arrinkan Safaaradda si dhow u gala shaqeeyay, Sidoo kale, wuxuu danjiruhu mahad weyn u celiyay Jamhuuriyadda Turkiga, taageerada iyo garab-istaagga joogtada ah ee ay mar walba u muujiyaan Dowladda Soomaaliya.
Muqdisho 24ka Oktoobar 2025 Lubumbashi, Kongo DRC, Octoober 24, 2025: Wafdi uu hogaaminayey Safiirka Dowladda Soomaaliya ee dalka Tanzania iyo EAC, Mudane Ilyaas Cali Xasan ayaa si weyn loogu soo dhoweeyey magaalada Lubumbashi ee ka tirsan gobolka Haut-Katanga dalka DRC Kongo, Masuuliyiin ka tirsan Dowladda DRC Kongo iyo bulshada Soomaaliyeed ee halkaas ku dhaqan ayaa garoonka diyaaradaha ku soo dhoweeyey danjiraha.
Danjire Ilyaas oo Socdaal shaqo uu ku jooga dalka DRC Kongo, ayaa u kuur galaya xaaladda dadka Soomaaliyeed kuheysata wadankaas, isagoona kulamo kale duwan la-qaatey Jaaliyadda degan magaalada Kinshasa, sidoo kale wuxuu kulamo kala duwan la-qaadan doonaa Jaaliyadda Soomaaliyeed ee magaalada Lubumbashi.
Muqdisho 24ka Oktoobar 2025 Maanta waa Maalinta Qaramada Midoobay - iyo sidoo kale sanadguuradii 80aad ee QM! Qaramada Midoobay waa ururka caalamiga ah ee ugu weyn adduunka, taas oo ka dhigaysa in uu si dhab ah u noqdo mid caalami ah oo dunida dhan gaara, laakiin sidoo kale aad ayuu uga sii xeeldheer yahay intaas: waa "Ballanqaad nool oo ku baahsan soohdimaha, buundooyinka qaaradaha iyo dhiirigeliyaha jiilasha."
Muqdisho 24ka Oktoobar 2025 Tuulada Kursi ee degmada Wajeer, ayaa si weyn looga ammaanay qoys Soomaaliyeed oo muddo ku dhowaad laba sano daryeelay haramacad dhal ah, kadib markii ay si lama filaan ah uga heleen meel cidla ah, sida ay sheegtay Wakaaladda Adeegga Duurjoogta Kenya (KWS).
Qoyska oo ay hormuud u yihiin Bashiir Cabdi Xuseen iyo qoyskiisa ayaa sheegay in ay haramcadka yar heleen isagoo aad u tabar daran, halka hooyadiis oo bakhtiday ay agtiisa ku taallay. Bashiir oo la hadlayay BBC-da ayaa xusay in ay carruurtiisu markii h**e arkeen xayawaanka, islamarkaana ay u waceen si uu u eego xaaladdiisa
“Maalin maalmaha ka mid ah ayaa carruurtii yaryareyd ii sheegeen in ay arkeen bahal yar oo macluulsan, Markii aan u tagay waxaan arkay haramcad yar oo geedka salkiisa hoos galay, hooyadiisna wey ag taallay, Wuu liitay, markaas ayaan soo qaaday oo daryeel u sameeyay,” ayuu yiri Bashiir.
Qoyska ayaa haramcadka si kalgacal leh u korsaday, waxayna muddo dheer siiyeen daryeel, cunto iyo hoy, ka hor inta aysan ugu dambayn ku wareejin Hay’adda Duurjoogta ee Kenya (KWS).
Saraakiil ka tirsan KWS ayaa sheegay in ay ku sameeynayaan baaritaan caafimaad iyo qiimeyn lagu hubinayo caafimaadka iyo hab-dhaqanka xayawaanka, kahor inta aan la geyn xarunta duurjoogta ee lagu daryeelo.
Hay’adda KWS ayaa qoyska ku bogaadisay talaabadooda naxariisda iyo masuuliyadda leh ee ay ku badbaadiyeen xayawaanka, waxayna sheegeen in dhacdadan ay tusaale fiican u tahay sida bulshada deegaanku uga qayb qaadan karto ilaalinta duurjoogta dalka.
Dhacdadan ayaa dhalisay hadal heyn iyo bogaadin ballaaran oo ka timid bulshada deegaanka iyo baraha bulshada, iyadoo dad badan ay ku tilmaameen qoyskaasi “geesiyaal deegaanka u adeega.”
Maraylanka 24ka Oktoobar 2025 Dowladda Maraykanka ayaa xalay duqeymo ka fulisay togga Baallade, halkaas oo ay weli ku sugan dagaalamayaal katirsan kooxda Daacish.

Enjoy the videos and music you love, upload original content, and share it all with friends, family, and the world on YouTube.

10/23/2025

Muddo kororsi waa waajib, Madaxweyne Mudane Xassan Shiikh waxuu xaq u leeyahay haddii ay mucaaradka diidaan qof iyo cod, in loogu daro muddo sannad ama laba sanno si uu dalka u gaarsiiyo doorasho qof iyo cod ah taasoo laga wada qaban doono gudaha dalka iyo dibadda oo ay jaalliyado farabadan oo Soomaali ah ay ku nool yihiin. Dowladda Dan-Qaran waxay qabatay shaqooyin itus oo itaabsii ah marka khaladaadka yar yar iyo hammiga mucaaradka waxaa ka weyn ka shaqaynta danta guud iyo nabadgelyada dadka iyo dalka.
Waa nasiib-darro weyn in ay maamul goballeedyada dalka ka dhisan aysan si wada-jira ula shaqaynayn Dowladda Federaalka Soomaaliya ayagoo dadka maamulladaas maamula ama hoggaamiya ay kaliya siyaasadda ka dhex fiirsadaa/ka dhex ugaarsadaan wixii danahooda shaqsi ahaaneed ay ku gaari karaan tan 1991dii ilaa iyo maanta.
waxay u baahan tahay siyaasiyiin iyo shacab ka wada shaqeeya danta guud iyo jiritaanka qaranka Soomaaliyeed oo aan u shaqaynayn shisheeye iyo shisheeye kalkaal kuwaasoo umalaynaya inay weligood khaldi karaan Ummada Soomaaliyeed oo dulqaad farabadan soo muujinaysay muddo 35 sanno ah.
Illaahay ha laga baqo oo dib hanoo celinina siyaasiyiinta mucaaradka ah iyo madaxda Dowladda Dan-Qaran!

Waad Mahadsan Tihiin Dhamaantiin,
Qoraa Dr. Badal W. Kaariye

10/23/2025

WARARKA MAANTA 23ka Oktoobar 2025 Sir Culus!
Su’aalaha Maanta: Yaa diiday inuu baaro kiiskii lagu dilay Kornayl Ikraam Taxaliil Madaxweyne Mudane Xassan “Dhuuso-Fooxiye”? Yaa doorasho bug ah qabsan raba? Yaa diiday inuu sameeyo Madxweyne Mudane Xassan “Dhuuso-Fooxiye”? Yaa diiday inuu sameeyo Maxkammadda Dastuuriga ah Madaxweyne Mudane Xassan Shiikh “Dhuuso-Fooxiye” oo beddelay dastuurkii dalka? Yaa diiday in la dhiso Madaxweyne Mudane Xassan Shiikh “Dhuuso-Fooxiye”? Yaa Guddoomiye u doortay Maama Jawaahir Baarqab? Yaa ogolaaday inay qoysaskiis iyo qaraabadiisa inay dhacaan hantida dadweynaha Madaxweyne Mudane Xassan Shiikh “Dhuuso-Fooxiye”? Yaa maanta diidan inay shiraan mucaaradka Madaxweyne Mudane Xassan Shiikh “Dhuuso-Fooxiye”? Yaa wakhtiga ka dhammaan rabaa oo doorasho cod iyo qof qaban doona Madaxweyne Mudane Xassan Shiikh “Dhuuso-Fooxiye”? Yaa beddelay Taliyaha Nabad Sugida laba jeer Madaxweyne Mudane Xassan Shiikh “Dhuuso-Fooxiye”? Yaa baabi’iyey Ciidanka Xoogga Dalka Madaxweyne Mudane Xassan Shiikh “Dhuuso-Fooxiye”? Ha wiqleyso!
Muqdisho 23ka Oktoobar 2025 Ciidanka Daraawiishta Galmudug, gaar ahaan Ururka Galayr, ayaa xalay howlgal qorshaysan ka fuliyey deegaanada Ceel Lahelay iyo Dhaban-dhulkuheys ee gobolka Galgaduud, halkaas oo ay khasaare culus ku gaarsiiyeen kooxda Al-Shabaab.
Saraakiisha hoggaamineysa howlgalka ayaa Warbaahinta Qaranka u xaqiijiyey in lagu dilay ugu yaraan shan xubnood oo ka tirsanaa kooxda Al-Shabaab, halka kuwo kale oo badan lagu dhaawacay, kuwaas oo uu ku jiro horjoogihii Al-Shabaab ee ka howlgalayay aagga Ceelgaras.
Warbaahinta Qaranka sheegtay in Howlgalka uu qayb ka ah dadaallada joogtada ah ee lagu ciribtirayo kooxaha nabadda iyo nolosha shacabka diidan, waxaana la sheegay in ciidanku ay gacanta ku dhigeen hub iyo saanad dagaal oo ay ka tageen cadowgu markii ay ka carareen goobihii ay ku dhuumaaleysanayeen.
Wararka ka imaanaya deegaanka ayaa tilmaamaya in dhaq-dhaqaaqyo ciidan weli ka socdaan tuulooyin dhowr ah oo hoos taga Ceelgaras, iyadoo ciidanku ay wadaan baadi-goob iyo nadiifin ay kaga hortagayaan in Al shabaab dib ugu soo laabto.
Saraakiishu waxay bulshada ku nool deegaannadaas ugu baaqeen inay la shaqeeyaan ciidanka ammaanka, si loo xaqiijiyo xasilloonida iyo nabadda waarta ee Galmudug.
Muqdisho 23ka Oktoobar 2025 Maamulka Waqooyi Bari Soomaaliya ayaa ku xiray sii deynta maxaabiista ciidamada Somaliland ee ay gacanta ku hayaan, in la gaaro heshiis nabadeed oo lagu soo afjarayo colaaddii ka dhacday gobolka Sool.
Guddoomiyaha Baarlamaanka Waqooyi Bari Soomaaliya, Dr. Aadan Cabdullaahi, oo wareysi bixiyay ayaa sheegay in aysan suuragal ahayn in maxaabiista la sii daayo iyada oo aan heshiis rasmi ah laga gaarin dagaalladii Laascaanood.
“Ma sii deynayno maxaabiis sabab la’aan. Qaar ka mid ah maxaabiista waxay ku lug leeyihiin dambiyo culus, waxaana suuragal ah in la horkeeno maxk**ad si loogala xisaabtamo xasuuqii iyo barakacintii loo geystay shacabka Laascaanood,” ayuu yiri guddoomiyuhu.
Dr. Aadan ayaa sheegay in haddii wadahadal dhab ah dhaco oo Somaliland ay ogolaato heshiis nabadeed, ay diyaar u yihiin in la sii daayo maxaabiista ay gacanta ku hayaan. “Laakiin inta Somaliland aaminsan tahay inay dhulkan xoog ku qabsan karto, ma suurtoobi karto in maxaabiis la kala wareego,” ayuu raaciyay.
Guddoomiyuhu wuxuu intaas ku daray in maamulkoodu u h**ey u sii daayay 25 maxbuus, oo uusan garanayn waxa lagu beddeshay sii deyntooda. Wuxuu xusay in maamulka Waqooyi Bari uusan ku faraxsanayn in muddo saddex sano ah maxaabiis la kala haysto, eeddana wuxuu dusha ka saaray Somaliland oo diiddan wada hadal sida uu sheegay.
Hadalka guddoomiyaha ayaa imaanaya xilli warar soo baxaya ay sheegayaan in madaxweynaha Soomaaliya, Xasan Sheekh Maxamuud, uu doonayo in maamulka Waqooyi Bari ay ku wareejiyaan Dowladda Federaalka maxaabiista Somaliland, si loo abuuro kalsooni.
Ra’iisul Wasaare Xamse Cabdi Barre, oo bishii July ee sanadkan safar ku tagay Laascaanood, ayaa ku guulaystay inuu kala wareego maamulkii SSC-Khaatumo 25 maxbuus oo ka tirsanaa ciidamada Somaliland, kuwaas oo lagu sii wareejiyay maamulka Somaliland.
Dhawaan, madaxweyne Xasan Sheekh ayaa ku baaqay in maxaabiista labada dhinac la kala hayo la sii daayo, si loo xoojiyo nabadda iyo dib u heshiisiinta gobolka.
Muqdisho 23ka Oktoobar 2025 Ciidanka Daraawiishta Galmudug, gaar ahaan Ururka Galayr ayaa caawa deegaanada Ceelahelay iyo Dhaban-dhulkuheys ee gobolka Galgaduud ka fuliyey howlgal khasaare culus lagu gaarsiiyey cadowga Khawaarijta ah.
Saraakiisha hoggaamineysa Ciidanka ayaa Warbaahinta Qaranka u xaqiijiyey inay dileen ugu yaraan shan dhagarqabe, iyagoo howlgalkaas ku dhaawacay maleeshiyaad kale oo horjoogihii Khawaarijta ee aagga Ceelgaras uu ku jiro.
Howlgalka ayaa weli ka socda tuulooyin u dhow deegaanka Ceelgaras, waxayna dhagarqabayaashii Khawaarijta isaga carareen goobihii ay ku dhuumaaleysanayeen.
Muqdisho 23ka Oktoobar 2025 Guddoonka Baarlamaanka Soomaaliya ayaa maanta soo saaray digniin adag oo ku socota xildhibaanada si joogto ah uga maqnaada fadhiyada Baarlamaanka iyagoo aan lahayn cudur daar sax ah ama fasax caafimaad, kaddib markii laba fadhi oo todobaadkan qorshaysnaa ay baaqdeen sababo la xiriira quorum la’aan.
Habdhoowraha Golaha Shacabka, Maxamed Cabdullaahi Nuux, ayaa fadhigii maanta ka akhriyey magacyada xildhibaanadii ka maqnaa kulamadii h**e, isagoo sheegay in tallaabadan lagu xaqiijinayo isla xisaabtan iyo masuuliyad.
Baarlamaanka Federaalka ayaa caadiyan isugu yimaada saddex jeer usbuucii, Sabti, Isniin, iyo Arbaco, hase yeeshee labadii fadhi ee ugu dambeeyay ayaa la joojiyey sababo la xiriira tirada xildhibaanada oo aan buuxin shuruudda quorum-ka, kaliya hal fadhi ayaa si guul leh u qabsoomay toddobaadkan.
Guddoonka Golaha Shacabka ayaa marar badan ku booriyay xildhibaanada in ay si joogto ah uga soo qaybgalaan fadhiyada, si loo horumariyo howlaha sharci dejinta iyo gudashada waajibaadka dastuuriga ah.
Waxaa sidoo kale lagu wargeliyay in magacyada xildhibaanada aan soo xaadirin lagu magacaabi doono fadhiyada soo socda si loo muujiyo cidda ka gaabisay shaqada Baarlamaanka.
Digniintan ayaa muujineysa sida ay muhiimka u tahay ka-qaybgalka joogtada ah ee xildhibaanada, maadaama maqnaanshaha badan uu dhaawacayo waxqabadka iyo shaqo gudashada hay’adda sharci dejinta ee dalka.
Guddoonka Baarlamaanka ayaa sheegay in ay go’aansadeen in ay si dhab ah u daba-galaan xildhibaan kasta oo aan waajibaadkiisa gudan, si loo hubiyo in Golaha Shacabka uu si buuxda u shaqeeyo.
Muqdisho 23ka Oktoobar 2025 Ka-qaybgalka siyaasadda haweenku waa shardi aasaasi u ah sinnaanta iyo dimoqraadiyadda dhabta ah - iyadoo la taageerayo dadaallada noocan oo kale ah ee Soomaaliya, ayey UNTMIS dhowaan iskaashi la sameysay Ururka Suxufiyiinta Galmudug (Galja) waxaana magaalada Dhuusamareeb lagu qabtay aqoon-is-weydaarsi labo maalmood ah oo ku saabsanaa qoondada haweenka ee 30% ee baarlamaanka dalka.
Tababarkan ayaa waxaa isugu yimid 30 suxufi iyo wakiilo ka socday bulshada rayidka ah oo ka kala yimid guud ahaan Galmudug si kor loogu qaado fahamkooda iyo soo tebinta iyo u ololeynta sidii haweenku ay si siman uga qayb qaadan lahaayeen hannaanka siyaasadda.

si aad u hesho wararkii ugu dambeeyay Soomaaliya,Caalamka iyo madadaalo nagu soo biir