09/04/2026
WARARKA MAANTA 4ta Sebteembar 2026
Su’aalaha Maanta::Yaa diyaarad ku weeraray guriga Taliye Shubka? Maxaa ka socda Baydhabo? Maxuu ku fashilmay shirkii amniga ee ka socda? Yaa fashilay shirka amniga ee ka furmay? Maxay Madaxweyne h**e Xassan Iyo Raysal Wasaare h**e Xamsa u diideen inay furaan shirka amniga? Yaa dhacay shacabka ? Yaa noqon doona Raysal Wasaaraha cusub? Yaa kashifay mashuucyadii Shirkad ah Iyo Bangida Adduunka lagac lagu cunni jiray magaca ? Yaa diiday inuu dhiso Madaxweyne h**e Xassan “Dhuuso-Fooxiye”? Yaa diiiday inuu dhiiso Maxkammadda Dastuurihga ah oo sharci-darro ku fadhiya ? Yaa diiday inuu djiso oo boobay sacabka xitaa qabuura ka badbaadi waayeen? Yaa noqon doona Madaxweynaha cusub ee ? Maxuu yahay heshiisyada ay Dowladdaha caalamka la galeen Dowlad Gobaleedyada dalka ka jira? Maxay Dowladdaha deriska ah ugu diideen fisooyin dalka ku gel ah qoyskiisa iyo wasiirada xilkoodu dhammaaday ee dowladda ?
Sweden 4ta Sebteembar 2026 "Si aan kor ugu qaadno codka Soomaalida sagalootiga ah uguna doodo xuquuqdooda sanadkan doorashada Sweden waxaan u tartamayaa doorashada dalkaas ka dhaceysa".
Murashax Warda Cabdulqaadir Abuukar oo u tartamaysa doorashada gobolka kana tirsan Xisbiga Guduudan ee dalkaas.
Gedo 4ta Sebteembar 2026 Taliyahii h**e ee Ciidanka Asluubta, Janaraal Mahad Cabdiraxmaan Aadan oo loo garan ogyahay Taliye Shub oo xalay duqayn lagu beegsaday Guriga uu ku degen yahay Degmada Doolow ee Gobolka Gedo ayaa lagu warramayaa in laga daweynayo dhaawac soo gaaray.
Dhaawacyo ka dhashay firirka duqaynta lagu beegsaday oo gaaray qaybo kamid ah jirkiisa ayaa loo geeyay mid kamid ah goobaha Caafimaadka Degmada Dooloow si looga soosaaro una helo daryeelka uu u baahan yahay.
Muuqaallo laga soo duubay Janaraal Mahad Cabdiraxmaan Aadan oo Baraha Bulshada lagu faafiyay waxaa ka muuqday isaga oo la daweynayo isla markaana kiiskiisa ay gacanta kula jiraan dhaqaatiirta Isbitaalka la geeyay.
Dhinaca kale waxaa socda raadinta xogaha duqayntaas iyo cidda ka dambaysa maadaama aanay jirin cid si rasmi ah u sheegatay mas’uuliyadda weerarkaas oo la sheegay in uu ahaa duqayn diyaarad sida xogaha la helayo ay sheegayaan.
Taliyihii h**e ee Ciidanka Asluubta Soomaaliyeed, Janaraal Mahad Cabdiraxmaan Aadan ayaa markii xilkaas laga qaaday oo Baydhabo laga qabsaday Maamulkii Laftagareen waxa uu saldhig ka dhigtay Degmada Doolow ee Gobolka Gedo.
UK 4ta Sebteembar 2026 Sagal Cabdi-Wali, oo ah haweeney asal ahaan Soomaali ah, ayaa laga yaabaa inay u tartanto kursiga baarlamaanka ee deegaanka Holborn iyo St Pancras ee magaalada London, doorashada ku celiska ah ee dhawaan qabsoomi doonta, kursigaas ayaa waxa h**e uu u haystay Ra’iisul Wasaarihii h**e ee Ingiriiska, Keir Starmer. Sagal waxay Ingiriiska timid horraantii sagaashamaadkii iyadoo carruur ahayd, kaddib markii qoyskeedu Soomaaliya uga soo qaxay dagaalkii sokeeye iyo macaluushii dalka ka jirtay sida ay qortay warbaahinta The Telegraph.
Waxay muddo dheer taageere u ahayd Xisbiga Shaqaalaha ee Ingiriiska. Sannadkii 2022 ayay markii ugu horreysay noqotay xubin laga soo doorto Golaha Deegaanka Camden, waxaana hadda ay tahay hoggaamiyaha golahaas.
Sagal waxay sidoo kale h**e u ahayd guddoomiyaha Xisbiga Shaqaalaha ee deegaanka Holborn iyo St Pancras, oo ahaa deegaanka uu Keir Starmer xildhibaan ka ahaa.
Haddii Xisbiga Shaqaaluhu u doorto inay noqoto musharraxa, Sagal waxay u tartami kartaa kursiga baarlamaanka, waxaana suuragal ah inay la tartanto Zack Polanski oo ka tirsan Xisbiga Cagaaran.
Deegaanka Holborn iyo St Pancras ayaa muddo dheer ahaa meel uu Xisbiga Shaqaaluhu ku xooggan yahay, balse doorashada ku celiska ah ayaa la filayaa inay noqoto tartan xiiso leh.
Muqdisho 4ta Sebteembar 2026 Wasaaradda Awqaafta iyo Arrimaha Diinta ee Dowlad Goboleedka Jubaland ayaa si rasmi ah uga soo horjeesatay hindise-sharciyeedka dhismaha Golaha Culimada Soomaaliyeed, iyadoo sheegtay in hindisahaasi uu ka hor imaanayo dastuurka iyo awoodaha Jubaland. Bayaan ay soo saartay Wasaaraddu ayaa lagu sheegay in hindise-sharciyeedka Golaha Culimada Soomaaliyeed, oo ay Wasaaradda Awqaafta iyo Arrimaha Diinta ee Dowladda Federaalka Soomaaliya gudbisay, uu yahay arrin la xiriirta diinta iyo arrimaha bulshada, kuwaas oo sida ay Jubaland sheegtay ka mid ah awoodaha ay dastuur ahaan u leedahay dowlad-goboleedyada.
Wasaaraddu waxay sheegtay in Dastuurka Jubaland iyo heshiisyada lagu dhisay nidaamka federaalka Soomaaliya ay siinayaan dowlad-goboleedyada awood ay ku maamulaan arrimaha la xiriira diinta iyo bulshada, iyadoo tilmaantay in arrimahaasi aysan ahayn kuwo si gaar ah loogu koobay Dowladda Federaalka.
Jubaland ayaa sidoo kale ka digtay in hindisaha lagu dhisayo Golaha Culimada Soomaaliyeed uu saameyn ku yeelan karo madaxbannaanida iyo awoodaha hay'adaha diinta ee dowlad-goboleedyada, iyadoo ugu baaqday hay'adaha ay khusayso inay dib u eegaan hindisaha.
Wasaaradda ayaa ugu dambeyn sheegtay inay si cad u qaadacayso hindise-sharciyeedka, waxayna tilmaantay in haddii la meel mariyo uu saameyn ku yeelan karo awoodaha dastuuriga ah ee dowlad-goboleedyada iyo qaab-dhismeedka federaalka Soomaaliya.
Muqdisho 4ta Sebteembar 2026 Ciidamo ka tirsan Taliska Asluubta Soomaaliyeed ayaa maanta xiray waddooyinka soo gala iyo kuwa ka baxa Xabsiga Dhexe ee Xamar ee magaalada Muqdisho, iyagoo cabasho ka muujinaya xuquuqda shaqaalaha iyo mushaharka oo ay sheegeen in aysan qaadan muddo laba sano ah. Qaar ka mid ah ciidamada oo la hadlay warbaahinta ayaa sheegay in muddo dheer ay shaqeynayeen iyagoo aan helin mushaharkooda, iyagoo dowladda Soomaaliya ka dalbaday in si degdeg ah looga jawaabo cabashadooda lana bixiyo xuquuqdooda.
Ciidamada ayaa sheegay inay h**ey dhowr jeer u gudbiyeen cabashadooda madaxda ay khuseyso, balse aysan weli helin jawaab ay ku qancaan.
Mid ka mid ah ciidamada ayaa sheegay in ay muddo labo sano ah u shaqeynayeen dowladda, isagoo xusay in ay yihiin askar Soomaaliyeed oo u taagan sugidda amniga iyo difaaca qaranka.
“Labo sano ayaan xuquuq la’aan ku shaqeynaynay. Waxaan jecelnahay inaan amniga difaacno oo aan qaranka u shaqeyno. Askar Soomaaliyeed ayaan nahay, dhalinyaro Soomaaliyeed ayaan nahay,” ayuu yiri mid ka mid ah ciidamada.
Ciidamada ayaa sidoo kale sheegay in tallaabada ay waddooyinka ku xireen ay tahay mid ay doonayaan in dowladda Soomaaliya ay jawaWaxay sheegeen in madaxda dowladda iyo dhinacyada ay khuseyso loo gudbiyay cabashadooda, balse aysan weli helin cid si rasmi ah uga jawaabta. ab rasmi ah kaga bixiso xaaladdooda.
Muqdisho 4ta Sebteembar 2026 Soomaaliya ayaa ku baaqday in dalalka Geeska Afrika ay ka gudbaan ballanqaadyada siyaasadeed, una dhaqaaqaan tallaabooyin wax-ku-ool ah oo lagu dhisayo hal aag dhaqaale oo wadaag ah, kaas oo fududeynaya ganacsiga iyo isu-socodka badeecadaha gobolka. Wasiirka Ganacsiga iyo Warshadaha Soomaaliya, Danjire Jamaal Mohamed Hassan, ayaa hadalkan ka sheegay furitaanka shirkii ugu horreeyay ee Wasiirrada Ganacsiga ee dalalka ku mideysan Hindisaha Geeska Afrika (HoAI), isaga oo kulanka ku guddoomiyay magaca dalalka xubnaha ka ah hindisaha.
Wasiirku wuxuu sheegay in iskaashiga gobolka loo baahan yahay in laga dhigo mid natiijooyin muuqda u horseeda ganacsatada iyo shacabka, gaar ahaan dhinacyada ganacsiga iyo isku-xirka dhaqaale ee dalalka Geeska Afrika.
Waxa uu si gaar ah ugu baaqay in la ansixiyo lana hirgeliyo Qorshe-hawleedka Fududeynta Ganacsiga Gobolka ee 2026–2031, iyo in la dhiso Guddiga Goboleed ee Fududeynta Ganacsiga (RTFC), iyadoo dalalka xubnaha ka ah hindisaha looga baahan yahay inay waqtigooda ku soo magacaabaan wakiillada guddiga.
Sidoo kale, Soomaaliya waxay ku baaqday in la xoojiyo isku-dubaridka dalalka xubnaha ah, la helo maalgelin ku filan, isla markaana ganacsatada iyo hay’adaha gaarka loo leeyahay ay si dhab ah uga qayb qaataan hirgelinta qorshayaasha gobolka.
Wasiirrada ka kala socday Itoobiya, Jabuuti, Kenya, Koonfurta Suudaan iyo Suudaan ayaa iyaguna taageeray qorshaha fududeynta ganacsiga iyo dhismaha guddiga gobolka.
Doodaha shirka ayaa xoogga lagu saaray horumarinta marinnada ganacsiga, fududeynta habraacyada kastamka, isku-xirka dekedaha iyo dalalka aan badda lahayn, casriyeynta xuduudaha iyo adeegyada dhijitaalka ah, iyo sidii ganacsatada loogu dari lahaa dadaallada lagu xoojinayo ganacsiga gobolka.
Dowladda Jarmalka oo ku hadlayay magaca saaxiibbada horumarinta ayaa sheegtay inay sii wadi doonto taageerada ajendaha ganacsi ee gobolka, iyadoo carrabka ku adkaysay muhiimadda hoggaanka dalalka Geeska Afrika, isku-dubaridka taageerada farsamo iyo dhaqaale, iyo dejinta hannaan cad oo lagu fuliyo qorshayaasha la isla qaatay.
Wasiir Jamaal ayaa sheegay in himiladu tahay in Geeska Afrika uu noqdo meel dhaqaalaheedu isku xiran yahay, halkii dalalku ay kala qaybsanaan lahaayeen, si badeecadaha, adeegyada iyo fursadaha dhaqaale ay si fudud ugu kala gudbaan dalalka gobolka.
Enjoy the videos and music you love, upload original content, and share it all with friends, family, and the world on YouTube.
