SNTV Live, Washington D.C., DC (2026)

06/09/2026

WARARKA MAANTA 9da Juun 2026
Su’aalaha Maanta: Maxay sababta loo xiray Hoteel Elite Soddon Jir Soddon Milyan Xaday? Yaa Madaxweyne maanta ka ah ? Yaa dastuurkii dalka beddeshay Madaxweyne h**e Xassan “Dhuuso-Fooxiye”? Yaa si sharci-darro ah ku jooga Madaxtooyadda “Dhuuso-Fooxiye” Madaxweyne Xassan? Yaa maanta xirxiraaya qofkii runta sheega? Yaa diiday inuu dhiso maqaamka ? Maxay xukuummadda Kutaanta/Dhiqlaha” ee Raysal Wasaare Mudane Xamsa Cabdi Barre “OG-360 Dhaweeye” u amartay in muddo korarsi ah la sameeyo? Yaa noqday Madaxweyne iyo Raysal Wasaare ku fashilmay hogganka dalka maanta? Maxay beesha caalamka u diiday inay wax dhaqaallo ah iiso Dowladda Soomaaliya? Maxuu ku fashilmay Raysal Wasaare Mudane Xamsa Cabdi Barre “OG-360 Dhaweeye” oo ay xukuummaddiisa ku fashilantay hogganka dalka iyo la shaqaynta beesha caalamka taasoo dhaqaallihii u diiday inay siiso xukuummadda “Dhiqlaha/Kuntaanta? Yaa Soomaali iyo beesha caalamka la wadashaqayn kara? Ha wiqleyso!
Muqdisho 9da Juun 2026 Afhayeenka Madaxweynaha Dowladda Federaalka Soomaaliya, Cabdiraxmaan Aadan Cali Xadaana oo ka hadlay dagaalkii dhawaan Magaalada Muqdisho ku dhexmaray Ciidanka Dowladda & ciidamo ay wateen xubno katirsan Mucaaradka gaar ahaan Madaxweyne 7aad, Shariif Sheekh Axmed & Ra’iisul Wasaare h**e ee Dalka, Xasan Cali Khayre.
Xadaana ayaa sheegay in ay Villa Somalia ka xun tahay wixii dhacay maadaama uu ku dooday in loo fasaxay Mucaaradka in ay ku mudaharaadaan goobo loo cayimay si nabadgalyada dadka isku soo baxaya loo ilaaliyo sbalse si ka duwan la sameeyay hub ay lasoo baxeen xubnaha mucaaradka.
Waxa uu difaacay go’aanka Dowladda isaga oo ku tilmaamay in arrintaas lagu dhaqangelinayay xeerka Xak**aynta hubka oo horay u ansixisay Xukuumadda Dan-Qaran, waxa uu intaas ku daray Dowladdu ay waajib ku ahayd in ay ka jawaabto hubka waa weyn ee mucaaradku watay sida uu hadalka u dhigay.
“DFS waxa ay u fasaxday in ay dibadbaxyo ku dhigtaan goobo loo cayimay balse arrintu waxa ay u rogeen in hub waa weyn loola soo baxo, Dowladdu gacmaha k**a laabanayso arrintaas oo waxa ay dhaqangelinaysay xeerka xak**aynta hubka oo Xukuumaddu ansixisay” Sidaasi waxaa yiri Afhayeenka Madaxweynaha JFS, Cabdiraxmaan Aadan Cali Xadaana oo wareysi siiyay BBC.
Villa Somalia ayaa iska fogaysay eedaha uga yimid dhinaca xubnaha Mucaaradka iyada oo todobaadkaan ay Hay’adaha Ammaanka Dowladda Federaalka ay soo bandhigeen hub ay ku sheegeen in ay kusoo qabteen howlgallo hub uruurin ah oo ay ka sameeyeen Degmooyinka Cabdicasiis iyo Howlwadaag oo dagaalladaas ay ka dhaceen.
Muqdisho 9da Juun 2026 Maareeyaha Hay’adda Duulista Rayidka Soomaaliyeed, Axmed Macalim Xasan, ayaa sheegay in Soomaaliya ay mareyso marxalad muhiim ah oo lagu dhammaystirayo qiimeynta Hay’adda Duulista Rayidka Adduunka (ICAO), taas oo uu ku tilmaamay tallaabo taariikhi ah oo dalka u fureysa fursado dhaqaale iyo kuwo ganacsi oo cusub.
Axmed Macalim Xasan ayaa sheegay in Muqdisho ay soo gaareen laba wafdi oo ka kala socda Hay’adda Badqabka Duulista ee Bulshada Bariga Afrika (CASOA) iyo xarunta ICAO ee magaalada Montreal ee dalka Canada.
Wuxuu xusay in Soomaaliya ay xubin ka tahay Bulshada Bariga Afrika (EAC), isla markaana CASOA ay ka shaqeyso horumarinta badqabka iyo amniga duulista rayidka ee dalalka xubnaha ka ah ururkaasi.
“Soomaaliya iyo Koonfurta Suudaan waa labada waddan ee xubnaha ka ah Bulshada Bariga Afrika ee aan weli marin qiimeynta ICAO. Waxaan dooneynaa inaan ka baxno liiskaas, isla markaana Soomaaliya ay hesho qiimeyn rasmi ah oo muujisa heerka ay ka gaartay hirgelinta heshiisyada iyo shuruucda caalamiga ah ee duulista rayidka,” ayuu yiri.
Maareeyaha ayaa sheegay in wafdiga CASOA ay qiimeyn ku sameynayaan heerka ay Soomaaliya uga diyaarsan tahay imtixaanka ICAO, iyagoo sidoo kale bixinaya taageero farsamo oo lagu xaqiijinayo in dalka uu si guul leh uga gudbo qiimeynta la filayo.
Dhanka kale, wafdi ka socda xarunta ICAO ee Montreal ayaa muddo laba maalmood ah ku sugan Soomaaliya, kuwaas oo qiimeynaya heerka ay hay’adaha duulista rayidka Soomaaliyeed uga shaqeynayaan hirgelinta shuruucda iyo heerarka caalamiga ah ee duulista.
Axmed Macalim Xasan ayaa sheegay in guusha laga gaaro qiimeyntan ay fure u noqon doonto horumar ballaaran oo ku yimaada waaxda duulista, ganacsiga iyo dhaqaalaha Soomaaliya.
“Guul weyn ayay Soomaaliya u tahay in ay hesho ICAO Audit si guul leh ku dhammaada. Waxaa ku jira fursado dhaqaale, horumarinta shirkadaha Soomaaliyeed ee duulimaadyada, kobcinta ganacsiga iyo in Soomaaliya ay si buuxda ula jaanqaaddo nidaamka duulista rayidka ee caalamiga ah,” ayuu yiri.
Waxa uu intaa ku daray in dowladdu ay sannadihii la soo dhaafay qaaday tallaabooyin isdaba joog ah oo lagu horumarinayo hay’adaha duulista rayidka, islamarkaana hadda la joogo marxaladdii ugu dambeysay ee lagu gaari lahaa aqoonsi iyo kalsooni caalami ah.
Maareeyaha Hay’adda Duulista Rayidka Soomaaliyeed ayaa muujiyay rajo ah in Soomaaliya ay si guul leh uga gudubto qiimeynta ICAO, taas oo uu sheegay inay sahli karto in mustaqbalka ay hawada caalamka ka howlgalaan shirkado Soomaaliyeed oo rakaab iyo badeecooyin u kala qaada dalalka caalamka.
Muqdisho 9da Juun 2026 Taliyaha Ciidanka Booliiska Gobolka Banaadir, Kornayl Mahdi Cumar Muumin, ayaa sheegay in howlgal ay ciidamada ammaanku ka fuliyeen Hotel Elit ee magaalada Muqdisho lagu soo qabtay hub iyo agab ciidan oo kala duwan.
Taliye Mahdi ayaa sheegay in Hotel Elit oo ah goob ganacsi uu noqday goob loo isticmaalayay in lagu kaydiyo hub sharci darrada ah. Sida uu sheegay, ciidamada dowladda ayaa halkaasi ka helay qoryo casri ah, diyaarado aan duuliye lahayn (drones), qoryaha darandooriga u dhaca iyo qalab kale oo ciidan.
“Waa ayaan darro in hotel ganacsi oo ay dadweynuhu isticmaalaan lagu kaydiyo hub intaas le’eg oo lagu waxyeelleyn karo shacabka iyo amniga dalka,” ayuu yiri Taliyaha Booliiska Gobolka Banaadir.
Kornayl Mahdi Cumar Muumin ayaa digniin u diray milkiilayaasha hoteellada, xarumaha ganacsiga iyo dadka gaarka loo leeyahay, isagoo sheegay inaan la oggolaan doonin kaydinta hub aan sharciyeysnayn. Waxa uu sidoo kale faray hay’adaha dowladda iyo saraakiisha inay diiwaangeliyaan hubka ay haystaan.
Taliyaha ayaa sheegay in howlgalka lagu sifeynayo hubka sharci darrada ah uu sii socon doono, wuxuuna shacabka ugu baaqay inay laamaha ammaanka la wadaagaan xog kasta oo ku saabsan hub aan la diiwaangashanayn ama gaadiid ciidan oo si sharci darro ah loo adeegsado.
Dhanka kale,, Cabdullaahi Maxamed Nuur, oo ah mulkiilaha Hotel Elit, ayaa si adag u beeniyay eedeymaha dowladda, isagoo sheegay in uusan wax lug ah ku lahayn dagaalladii dhawaan ka dhacay Muqdisho.
Cabdullaahi Maxamed Nuur oo dhawaan ku biiray mucaaradka ayaa sheegay in Hotel Elit uu ahaa goob ganacsi oo caadi ah, isla markaana aan wax dagaal ah ka dhicin gudaha ama agagaarka hotelka. Waxa uu xusay in ilaalada hotelka uu ku amray inay albaabbada u furaan ciidamada soo gaaray goobta, islamarkaana aysan jirin wax iska caabin ah oo la sameeyay.
“Hotel Elit xabad lagama ridin, agagaarkiisana dagaal k**a dhicin, gudihiisana k**a dhicin. Anaguna qayb k**a ahayn iska horimaadyadii meesha ka jiray,” ayuu yiri.
Mulkiilaha hotelka ayaa sidoo kale ku eedeeyay qaar ka tirsan ciidamada ammaanka inay burbur iyo bililiqo ka geysteen hotelkiisa, isla markaana ay si aan habboonayn ula dhaqmeen shaqaalaha iyo ilaalada goobta, oo ay ku jireen shaqaale ajaanib ah.
Waxa uu sheegay in hubka lasoo bandhigay uu intiisa badan yahay hub dowladda galisay hotelka, si ganacsigiisa loo suurad xumeeyo. Wuxuu sheegay in hubka lasoo bandhigay qeyb yar oo uu sheegay in loogu talo galay amniga hoteelkiisa.
Waa siyaasigii saddexaad oo ka tirsan mucaaradka oo ay dowladda kala wareegto hub ay leeyihiin. Dowladda ayaan h**ey hub uga qaadatay madaxweyne h**e Sheikh Shariif iyo raysal wasaare h**e Xasan Cali Kheyre, kuwaas oo dowladda ku eedeeyay inay doonayso mucaaradka hubka laga ururiyo si amnigooda uu baylah u noqdo.

Pakistan 9da Juun 2026 Dowladda Pakistan ayaa kordhisay dadaallada diblomaasiyadeed ee lagu doonayo sii deynta badmaaxiin Pakistani ah oo lagu haysto markab ay afduubteen burcad-badeed ka hawlgasha xeebaha Soomaaliya, iyadoo weli ay socdaan wada-hadallo lagu raadinayo xal lagu soo afjaro xaaladda.
Sida ay sheegtay Wasaaradda Arrimaha Badaha ee Pakistan, Wasiirka Arrimaha Badaha Junaid Anwar Chaudhry ayaa wada-hadallo dhinaca telefoonka ah la yeeshay Ra’iisul Wasaare Ku-xigeenka ahna Wasiirka Arrimaha Dibadda Ishaq Dar, iyo sidoo kale safiirka Soomaaliya u fadhiya Pakistan, si loo dardargeliyo dadaallada lagu sii deynayo shaqaalaha markabka.
Markabka shidaalka qaada ee MT Honour 25, oo wata calanka Palau, ayaa la afduubay 21-kii April meel qiyaastii 30 mayl-badeed u jirta xeebaha Puntland. Markabka waxaa saarnaa 17 shaqaale ah, kuwaas oo 10 ka mid ahi ay yihiin muwaadiniin Pakistani ah.
Ilo diblomaasiyadeed ayaa sheegay in markabku weli ku xiran yahay meel u dhow xeebaha Soomaaliya, iyadoo wada-xaajoodyada u dhexeeya dhinacyada ay sii socdaan.
Wararka ayaa tilmaamaya in burcad-badeeddu markii h**e dalbatay madax-furasho dhan 10 milyan oo dollar, balse markii dambe ay hoos ugu dhigtay 4 milyan oo dollar. Si kastaba ha ahaatee, illaa hadda lama gaarin heshiis horseedi kara sii deynta shaqaalaha markabka.
Sida ay sheegtay Wasaaradda Arrimaha Badaha ee Pakistan, Wasiirka Arrimaha Badaha Junaid Anwar Chaudhry ayaa wada-hadallo dhinaca telefoonka ah la yeeshay Ra’iisul Wasaare Ku-xigeenka ahna Wasiirka Arrimaha Dibadda Ishaq Dar, iyo sidoo kale safiirka Soomaaliya u fadhiya Pakistan, si loo dardargeliyo dadaallada lagu sii deynayo shaqaalaha markabka.
Markabka shidaalka qaada ee MT Honour 25, oo wata calanka Palau, ayaa la afduubay 21-kii April meel qiyaastii 30 mayl-badeed u jirta xeebaha Puntland. Markabka waxaa saarnaa 17 shaqaale ah, kuwaas oo 10 ka mid ahi ay yihiin muwaadiniin Pakistani ah.
Ilo diblomaasiyadeed ayaa sheegay in markabku weli ku xiran yahay meel u dhow xeebaha Soomaaliya, iyadoo wada-xaajoodyada u dhexeeya dhinacyada ay sii socdaan.
Wararka ayaa tilmaamaya in burcad-badeeddu markii h**e dalbatay madax-furasho dhan 10 milyan oo dollar, balse markii dambe ay hoos ugu dhigtay 4 milyan oo dollar. Si kastaba ha ahaatee, illaa hadda lama gaarin heshiis horseedi kara sii deynta shaqaalaha markabka.
Maraykanka 9da Juun 2026 Dowladda Mareykanka ayaa la sheegay inay u diidday garsooraha caalamiga ah ee Soomaaliyeed, Cumar Cabdulqaadir Artan, inuu galo dalkeeda, inkastoo uu haystay fiise sax ah oo u oggolaanayay safarka, sida ay baahiyeen warbaahinno kala duwan.
Wararku waxay sheegayaan in Cartan lagu hakiyay Garoonka Caalamiga ah ee Miami, kaddibna dib loogu celiyay magaalada Istanbul ee dalka Turkiga, xilli uu u socday hawlo la xiriira Koobka Adduunka ee FIFA 2026.
Go’aanka ayaa la xiriira xayiraadaha socdaalka ee lagu soo rogay muwaadiniinta dalal dhowr ah, kuwaas oo Soomaaliya ay ku jirto, sida lagu sheegay warbixinnada la daabacay.
Dhacdadan ayaa timid maalmo kaddib markii la sheegay in FIFA ay xallisay caqabadihii la xiriiray fiisaha garsooraha Soomaaliyeed, taasoo abuurtay rajo ah inuu si caadi ah uga qayb geli doono tartanka.
La-taliyaha sare ee Wasaaradda Dhallinyarada iyo Ciyaaraha Soomaaliya, Ciise Aadan Abshir, ayaa muujiyay sida uu uga xun yahay tallaabadaas, isaga oo ku tilmaamay Cartan mid ka mid ah garsoorayaasha ugu sumcadda badan Afrika.
“Ka hor istaagga garsoore ku muteystay kaalintiisa xirfad iyo karti inuu ka shaqeeyo tartanka ugu weyn kubadda cagta adduunka waxay dhaawacaysaa qiyamka sinnaanta iyo tartanka caddaaladda ku dhisan,” ayuu yiri.
Cumar Cabdulqaadir Artan ayaa tan iyo sanadkii 2018 ku jiray liiska garsoorayaasha FIFA, wuxuuna dhex-dhexaadiyay tartamo waaweyn oo ay ka mid yihiin Koobka Qaramada Afrika iyo tartanka CAF Champions League. Sannadkii 2025 ayuu noqday garsoorihii ugu horreeyay ee Soomaali ah ee loo xusho inuu ka garsooro Koobka Adduunka, waxaana sidoo kale loo aqoonsaday Garsooraha Sanadka ee Afrika.
Ilaa hadda ma jirto war rasmi ah oo kasoo baxay dowladda Mareykanka ama FIFA oo si faahfaahsan uga hadlaya sababta rasmiga ah ee loogu diiday gelitaanka dalka, iyadoo arrintan ay dhalisay dood ku saabsan saameynta xayiraadaha socdaalka ee ku wajahan ka qaybgalayaasha tartamada caalamiga ah.

Si aad uga mid noqoto Saaxiibada ku xiran Channelka DabaGalka Warar...

06/08/2026

WARARKA MAANTA 8da Juun 2026
Su’aalaha Maanta: Yaa been ah arrimaha nabad ku qaatay oo fidmo ka shaqaynaaya? Yaa Madaxweyne maanta ka ah ? Yaa dastuurkii dalka beddeshay Madaxweyne h**e Xassan “Dhuuso-Fooxiye”? Yaa si sharci-darro ah ku jooga Madaxtooyadda “Dhuuso-Fooxiye” Madaxweyne Xassan? Yaa maanta xirxiraaya qofkii runta sheega? Yaa diiday inuu dhiso maqaamka ? Maxay xukuummadda Kutaanta/Dhiqlaha” ee Raysal Wasaare Mudane Xamsa Cabdi Barre “OG-360 Dhaweeye” u amartay in muddo korarsi ah la sameeyo? Yaa noqday Madaxweyne iyo Raysal Wasaare ku fashilmay hogganka dalka maanta? Maxay beesha caalamka u diiday inay wax dhaqaallo ah iiso Dowladda Soomaaliya? Maxuu ku fashilmay Raysal Wasaare Mudane Xamsa Cabdi Barre “OG-360 Dhaweeye” oo ay xukuummaddiisa ku fashilantay hogganka dalka iyo la shaqaynta beesha caalamka taasoo dhaqaallihii u diiday inay siiso xukuummadda “Dhiqlaha/Kuntaanta? Yaa Soomaali iyo beesha caalamka la wadashaqayn kara? Ha wiqleyso!
Iran 8da Juun 2026 Dowladda Iran ayaa habeenkii Axadda gantaallo ballistik ah ku weerartay Israa’iil, iyadoo sheegtay in tallaabadaasi jawaab u tahay duqeymaha ay Israa’iil ka waddo koonfurta Lubnaan iyo xaafadaha koonfureed ee magaalada Beyruut.
Ciidanka Israa’iil ayaa sheegay in dhowr gantaal oo laga soo tuuray Iran lagu beegsaday dalkaas saacadihii dambe ee xalay, kuwaas oo sababay in seedhiga digniinta laga shido meelo badan. Militariga Israa’iil ayaa ku andacooday inay qabteen dhammaan gantaalladii la soo ganay, iyadoo aan la soo sheegin khasaarooyin waaweyn.
Dhanka kale, ciidamada Ilaalada Kacaanka Iran (IRGC) ayaa xaqiijiyay inay weerarka ku beegsadeen saldhigga cirka ee Ramat David, iyagoo sheegay in uu yahay digniin ku wajahan Israa’iil si ay u joojiso weerarrada ay ka waddo Lubnaan. IRGC waxay ka digeen in haddii Israa’iil sii waddo duqeymaheeda ama ay ka aargoosato weerarkan, Iran ay qaadi doonto tallaabooyin ka ballaadhan kuwa hadda dhacay.
Xiisadda ayaa sii korodhay kadib markii Israa’iil ay Axaddii duqeymo ka fulisay xaafadda Dahiyeh ee koonfurta Beyruut, halkaas oo ugu yaraan laba qof lagu dilay, 11 kalena lagu dhaawacay. Ra’iisul Wasaaraha Israa’iil, , iyo Wasiirka Difaaca Israa’iil ayaa sheegay in la beegsaday xarun talis oo ay leedahay kooxda Hezbollah.
Ciidanka Israa’iil ayaa sheegay in dhowr gantaal oo laga soo tuuray Iran lagu beegsaday dalkaas saacadihii dambe ee xalay, kuwaas oo sababay in seedhiga digniinta laga shido meelo badan. Militariga Israa’iil ayaa ku andacooday inay qabteen dhammaan gantaalladii la soo ganay, iyadoo aan la soo sheegin khasaarooyin waaweyn.
Dhanka kale, ciidamada Ilaalada Kacaanka Iran (IRGC) ayaa xaqiijiyay inay weerarka ku beegsadeen saldhigga cirka ee Ramat David, iyagoo sheegay in uu yahay digniin ku wajahan Israa’iil si ay u joojiso weerarrada ay ka waddo Lubnaan. IRGC waxay ka digeen in haddii Israa’iil sii waddo duqeymaheeda ama ay ka aargoosato weerarkan, Iran ay qaadi doonto tallaabooyin ka ballaadhan kuwa hadda dhacay.
Xiisadda ayaa sii korodhay kadib markii Israa’iil ay Axaddii duqeymo ka fulisay xaafadda Dahiyeh ee koonfurta Beyruut, halkaas oo ugu yaraan laba qof lagu dilay, 11 kalena lagu dhaawacay. Ra’iisul Wasaaraha Israa’iil, , iyo Wasiirka Difaaca Israa’iil ayaa sheegay in la beegsaday xarun talis oo ay leedahay kooxda Hezbollah.
Uganda 8da Juun 2026 Dowladda Uganda ayaa sheegtay in ciidamadeeda ku sugan Soomaaliya aysan faragelin doonin arrimaha gudaha Soomaaliya, iyagoo ku adkeysanaya in waajibaadkoodu uu ku kooban yahay howlaha amniga ee hoos yimaada Hawlgalka Taageerada iyo Xasilinta Midowga Afrika ee Soomaaliya (AUSSOM).
Afhayeenka ku-meel-gaarka ah ee warfaafinta Ciidamada Difaaca Uganda (UPDF), Kornayl Chris Magezi, ayaa sheegay in arrimaha siyaasadda gudaha Soomaaliya aysan qayb ka ahayn howlgalka ciidamada Uganda.
"Waa ka baxsan tahay waajibaadka UPDF ee Soomaaliya in ay ku lug yeeshaan arrimaha gudaha dalka," ayuu Magezi u sheegay wargeyska New Vision.
Wuxuu sheegay in ciidamada Uganda ay sii wadi doonaan howlaha la xiriira la dagaallanka Al-Shabaab iyo Daacish, ilaalinta dadka rayidka ah, iyo taageeridda dhismaha awoodda Ciidamada Ammaanka Soomaaliya.
Hadalka Uganda ayaa yimid xilli ay jiraan xiisado siyaasadeed oo isku beddelay iska hor imaadyo ka dhacay magaalooyinka Baydhabo iyo Muqdisho, kuwaas oo la xiriira muranno siyaasadeed oo u dhexeeya dowladda federaalka iyo kooxaha mucaaradka.
Uganda ayaa ahayd dalkii ugu horreeyay ee ciidamo u dira Soomaaliya sanadkii 2007, waxaana ciidamadeeda ay weli door muhiim ah ka ciyaaraan sugidda amniga Muqdisho iyo deegaanno kale oo ku yaalla koonfurta dalka.

Shabelle Hoose 8da Juun 2026 iidamada Xoogga Dalka Soomaaliyeed, gaar ahaan Kumaandooska Danab, ayaa howlgallo qorsheysan ka fuliyay deegaanno dhowr ah oo ka tirsan gobolka Shabeellaha Hoose, sida ay sheegeen saraakiil ka tirsan ciidanka.
Howlgallada ayaa laga sameeyay deegaannada Warmaxan, Tasxiille, Shareey, 10-Buundo, Tabeellaha iyo aagga Donka, waxaana hoggaaminayay cutubyo ka tirsan Ururka 161-aad ee Guutada 16-aad Danab sida ay baahisay warbaahinta ciidanka Xoogga dalka.
Sida ay saraakiishu sheegeen, howlgalka ayaa lagu bartilmaameedsaday goobo ay kooxda Al-Shabaab ku lahayd dhaqdhaqaaqyo iyo xarumo ku yaalla deegaannadaasi, Waxa ay sidoo kale sheegeen in ciidamada ay burburiyeen fariisimo iyo goobo gabaad u ahaa dagaalyahannada kooxda.
Taliska ciidanka ayaa tilmaamay in howlgalka uu qayb ka yahay dadaallada socda ee lagu xoojinayo amniga iyo la-dagaallanka Al-Shabaab ee gobolka Shabeellaha Hoose.
Ma jiro war madax-bannaan oo si rasmi ah u xaqiijinaya khasaaraha ka dhashay howlgalka, Ciidamada dowladda Soomaaliya ayaa muddooyinkii dambe kordhiyay howlgallada ka dhanka ah Al-Shabaab ee ka socda gobollada koonfurta iyo bartamaha dalka
Muqdisho 8da Juun 2026 Madaxweynihii h**e ee Soomaaliya Maxamed Cabdullaahi Farmaajo ayaa ku baaqay in si degdeg ah loo qabto kulan ay yeeshaan Madaxweynaha xilka haya Xasan Sheekh Maxamuud iyo madaxweynayaashii h**e, si xal siyaasadeed loogu helo khilaafka sii xoogeysanaya ee dalka ka taagan
Farmaajo ayaa sheegay inuu si rasmi ah ugu martiqaadayo Xasan Sheekh Maxamuud kulan ka dhaca hoygiisa, kaas oo uu sheegay in looga hadli doono arrimaha doorashooyinka, amniga iyo mustaqbalka siyaasadeed ee Soomaaliya.
Madaxweynihii h**e ayaa xusay in xalinta khilaafaadka siyaasadeed ay tahay in ay Soomaalidu dhexdeeda ku dhammeysato, isaga oo tilmaamay in aan loo baahnayn faragelin dibadeed haddii madaxda Soomaalida ay diyaar u yihiin wada-hadal iyo is-afgarad.
Farmaajo ayaa sheegay in Soomaaliya ay ku jirto marxalad siyaasadeed oo xasaasi ah, isagoo ku dooday in murannada ka taagan hannaanka doorashooyinka iyo maamulka dalka ay saameyn ku yeesheen amniga iyo xasilloonida guud ee dalka.
Wuxuu ku celiyay in xal waara lagu gaari karo oo keliya miiska wada-hadalka, isaga oo ku baaqay in la joojiyo xiisadaha iyo iska horimaadyada jira, laguna beddelo wadatashi siyaasadeed oo loo dhan yahay.
Sidoo kale Farmaajo ayaa sheegay in uu diyaar u yahay inuu door ka qaato dadaallada lagu xallinayo khilaafka, isaga oo ku boorriyay dhammaan dhinacyada siyaasadda inay mudnaanta siiyaan danta qaranka iyo midnimada dalka.
Waxa uu ku dooday in Somaliland ay sii fogaatay, halka Puntland uu sheegay in ay taagan tahay meel walaac leh iyadoo sugaysa jihada siyaasadeed ee dowladda dhexe. Sidoo kale wuxuu tilmaamay in Jubbaland ay weli ka taagan yihiin muranno siyaasadeed oo u baahan xal wadatashi ku dhisan.
Wuxuu sheegay in haddii aan xal loo helin khilaafaadka jira ay sii kordhi karto kala fogaanshaha dhinacyada siyaasadda, taas oo uu ku tilmaamay mid khatar ku ah midnimada iyo dowladnimada Soomaaliya.
Somalia iyo Turkey 8da Juun 2026 Wasiirka Wasaaradda Ganacsiga iyo Warshadaha ee Jamhuuriyadda Federaalka Soomaaliya, Jamaal Maxamed Xasan, ayaa kulan la yeeshay Wasiirka Wasaaradda Warshadaha iyo Teknolojiyadda ee Jamhuuriyadda Turkiga, Mehmet Fatih Kacır kaa oo diiradda lagu saaray Hindisaha Aagagga Warshadaha ee Soomaaliya iyo fursadaha lagu sii xoojin karo iskaashiga labada dal ee dhinacyada horumarinta warshadaha.
Sida lagu sheegay war ka soo baxay Wasaaradda Ganacsiga iyo Warshadaha Soomaaliya, waxaa si gaar ah looga wada hadlay muhiimadda ka faa’iidaysiga khibradda iyo waayo-aragnimada Turkiga ee horumarinta warshadaha, si loo taageero dadaallada Soomaaliya ee ku aaddan warshadaynta dalka.
Labada dhinac ayaa sidoo kale isla qaatay in la horumariyo iskaashi lagu kobcinayo maalgashiga, lagu xoojinayo awoodda wax-soo-saarka, lagu abuurayo fursado shaqo, isla markaana lagu dardargelinayo kobaca dhaqaale ee waara.
Wasiirka Ganacsiga iyo Warshadaha Soomaaliya, Jamaal Maxamed Xasan, ayaa sheegay inuu magaalada Istanbul kula kulmay dhiggiisa Turkiga, Mehmet Fatih Kacır, isla markaana ay ka wada hadleen Hindisaha Yagleelidda Aagagga Warshadaha ee Soomaaliya.
“Waxaan Wasiirka la wadaagay Hindisaha Yagleelidda Aagagga Warshadaha ee Soomaaliya, annaga oo sidoo kalena diiradda saarnay arrimaha aan iska kaashan karno, iyo ka faa’idaysiga khibradda Turkiga,” ayuu yiri Wasiir Jamaal.
Wasaaradda Ganacsiga iyo Warshadaha ee Dowladda Federaalka Soomaaliya ayaa sheegtay inay ka go’an tahay xoojinta iskaashiga caalamiga ah ee dhinacyada ganacsiga iyo warshadaha, iyadoo sidoo kale dhiirrigelinaysa horumarka warshadaha Soomaaliya.
Muqdisho 8da Juun 2026 Shirweynaha qaran ee codka haweenka Soomaaliyeed oo lagu soo gabagabeeyay magaalada Muqdisho, ayaa ugu baaqay Madaxweynaha Dowladda Federaalka Soomaaliya, Xasan Sheekh Maxamuud, inuu si degdeg ah u furo wadahadal qaran oo loo dhan yahay si xal siyaasadeed looga gaaro xaaladda cakiran ee dalka.
War-saxaafadeed laga soo saaray shirweynaha ayaa lagu adkeeyay in geeddi-socod kasta oo wadahadal ah ay si muuqata uga qayb qaataan bulshada rayidka ah, gaar ahaan haweenka Soomaaliyeed, si loo helo xal waara oo ku dhisan is-afgarad iyo wada-tashi.
Shirweynaha qaran ee codka haweenka Soomaaliyeed ee xoojinta nabadda ayaa walaac xooggan looga muujiyay xaaladda siyaasadeed ee dalka, kaddib qalalaasihii ugu dambeeyay ee ay ku lug lahaayeen ciidamada dowladda iyo mucaaradka.
War-saxaafadeedka shirka waxaa lagu sheegay in Soomaaliya ay wajahayday marxalad xasaasi ah, gaar ahaan iska hor imaadyadii dhex maray ciidamada dowladda federaalka iyo qaar kamid ah kooxaha mucaaradka, kuwaas oo sababay dhimasho, dhaawac, barakac iyo burbur hantiyeed.
Haweenku waxay adkeeyeen in xal waara lagu gaari karo oo keliya wadahadal, dulqaad, tanaasul siyaasadeed iyo is-afgarad, iyagoo xusay in wixii lagu waayo wadahadal aan lagu heli karin awood adeegsi iyo dagaal.
Shirka ayaa sidoo kale dowladda federaalka iyo dhinacyada mucaaradka ugu baaqay inay joojiyaan dhammaan falalka iyo hadallada sii hurin kara xiisadaha siyaasadeed ama khatar gelin kara nabadda iyo xasiloonida Muqdisho iyo guud ahaan dalka.
Dhanka doorashooyinka, shirku wuxuu ku baaqay in dhinacyada siyaasadda ay ku heshiiyaan hannaan doorasho oo loo dhan yahay, hufan, caddaalad ah laguna kalsoonaan karo natiijadiisa, si loo xoojiyo kalsoonida shacabka iyo xasilloonida siyaasadeed.
Sidoo kale, shacabka Soomaaliyeed ayaa loogu baaqay inay u istaagaan difaaca nabadda, ilaalinta wadajirka bulshada iyo xasiloonida dalka, isla markaana ay ku midoobaan badbaadinta nafaha muwaadiniinta, hantida iyo mustaqbalka qaranka.

Enjoy the videos and music that you love, upload original content and share it all with friends, family and the world on YouTube.

06/07/2026

WARARKA MAANTA 7da Juun 2026
Su’aalaha Maanta: Maxuu u tartamayaa guddoomiyiii h**e Golaha Shacabka Mudane Aadan Madoobe “Ansax”? Yaa maanta xoog looga bixin rabaa Madaxtooyadda “VillaSomalia Madaxweyne Mudane Xassan “Dhuuso-Foxiye”? Yaa dastuurkii dalka beddeshay Dhuuso-Fooxiye Madaxweyne Xassan? Yaa si sharci-darro ah ku jooga Madaxtooyadda “Dhuuso-Fooxiye” Madaxweyne Xassan? Yaa maanta xirxiraaya qofkii runta sheega? Yaa diiday inuu dhiso maqaamka ? Maxay xukuummadda Kutaanta/Dhiqlaha” ee Raysal Wasaare Mudane Xamsa Cabdi Barre “OG-360 Dhaweeye” u amartay in muddo korarsi ah la sameeyo? Yaa noqday Madaxweyne iyo Raysal Wasaare ku fashilmay hogganka dalka maanta? Maxay beesha caalamka u diiday inay wax dhaqaallo ah iiso Dowladda Soomaaliya? Maxuu ku fashilmay Raysal Wasaare Mudane Xamsa Cabdi Barre “OG-360 Dhaweeye” oo ay xukuummaddiisa ku fashilantay hogganka dalka iyo la shaqaynta beesha caalamka taasoo dhaqaallihii u diiday inay siiso xukuummadda “Dhiqlaha/Kuntaanta? Yaa Soomaali iyo beesha caalamka la wadashaqayn kara? Ha wiqleyso!
Muqdisho 7da Juun 2026 Geneva, Switzerland | 5 Juun 2026: Intii uu socday Kalfadhiga 114-aad ee Shirweynaha Shaqaalaha Adduunka , wafdiga saddex-geesoodka ah ee Soomaaliya ayaa kulan wax-ku-ool ah oo heer sare ah la yeeshay Gilbert F. Houngbo, Agaasimaha Guud ee Hay’ada Shaqaalaha Adduunka (ILO).
Wafdiga waxaa hoggaaminayey Wasiir Professor Saalim Alio Ibro, waxaana ka qaybgalay wakiillo ka socday Dowladda Federaalka Soomaaliya (MoLSA), Xiriirka Ururrada Shaqaalaha Soomaaliyeed (FESTU) oo matalaya shaqaalaha, iyo Rugta Ganacsiga iyo Warshadaha Soomaaliyeed (SCCI) oo matalaysa loo-shaqeeyayaasha. Kulankani wuxuu muujiyey sida ay Soomaaliya uga go’an tahay xoojinta iskaashiga saddex-geesoodka iyo wada-hadalka bulshada (social dialogue) oo ah tiirarka aasaasiga u ah horumar waara, caddaaladda bulshada iyo barnaamijka shaqo hufan (Decent work agenda).
Intii uu socday kulanka, Xiriirka Ururrada Shaqaalaha Soomaaliyeed (FESTU) ayaa soo dhoweyay fursadda xubnaha saddex-geedooka ku iftiimiyeen horumarada muhiimka ah ee Soomaaliya ka samaysay xoojinta hannaanada wada-hadalka bulshada iyo horumarinta dib-u-habaynta sharciyada shaqada. Ka qaybgalka firfircoon ee ururrada shaqaalaha iyo loo-shaqeeyayaasha, iyagoo garab socda wakiillada dowladda, wuxuu muujinayaa aqoonsiga sii kordhaya ee ah in xalalka loo dhan yahay ee waara lagu gaari karo iskaashi saddex-geesood ah oo macno leh.
Xiriirka Ururrada Shaqaalaha Soomaaliyeed (FESTU) wuxu carrabka ku adkeyay inkastoo la gaaray guulo muuqda, haddana ay jiraan caqabado waaweyn oo weli taagan kuwaas oo la xiriira horumarinta shaqo hufan, xaqiijinta mushahar caddaalad ah, xoojinta badbaadada iyo caafimaadka goobaha shaqada (OSH), ballaarinta caymiska iyo ilaalinta bulshada, iyo sidii looga jawaabi lahaa isbeddellada degdegga ah ee ka socda dunida shaqada. Koboca dhaqaalaha waa inuu horseedaa horumar muuqda oo nolosha shaqaalaha iyo qoysaskooda ah, iyadoo loo marayo fursado shaqo oo tayo leh, xaalado shaqo oo wanaagsan, iyo helitaan siman oo faa’iidooyinka bulshada iyo dhaqaalaha ah.
Xiriirka Ururrada Shaqaalaha Soomaaliyeed (FESTU) wuxuu sidoo kale ku baaqay in la xoojiyo dadaallada heer qaran iyo heer caalami si loo adkeeyo hay’adaha suuqa shaqada, loo ilaaliyo xuquuqaha iyo xorriyadaha ururrada shaqaalaha, wax looga qabto saameynta Garaadka Macmalka ah (AI) iyo tiknoolajiyadaha cusub ee saameyay goobaha shaqada, isla markaana la xaqiijiyo u hoggaansanaanta buuxda ee heerarka shaqada ee caalamiga ah (ILS). Iyadoo mustaqbalka shaqadu uu isbeddelayo, shaqaalaha iyo ururradooda matala waa inay sii ahaadaan xudunta dejinta siyaasadaha iyo geeddi-socodka go’aan qaadashada arimaha khuseeya shaqaalaha.
Xiriirka Ururrada Shaqaalaha Soomaaliyeed (FESTU) wuxu mar kale xaqiijiyay in ururrada shaqaaluhu aysan ahayn oo keliya daneeyayaal horumarineed; balse ay yihiin lammaanayaal lama huraan ah oo hormuud u ah horumarka bulshada, caddaaladda dhaqaalaha, dowladnimada dimuqraadiga ah iyo kobaca loo dhan yahay. Cod xooggan oo shaqaaluhu yeeshaan wuxuu lama huraan u yahay dhismaha Soomaaliya barwaaqo ah, caddaalad ah oo adkaysi leh.
“𝙈𝙪𝙨𝙩𝙖𝙦𝙗𝙖𝙡𝙠𝙖 𝙨𝙝𝙖𝙦𝙖𝙙𝙖 𝙬𝙖𝙖 𝙞𝙣 𝙡𝙖𝙜𝙪 𝙦𝙖𝙖𝙗𝙚𝙚𝙮𝙖𝙖 𝙬𝙖𝙙𝙖-𝙝𝙖𝙙𝙖𝙡, 𝙘𝙖𝙙𝙙𝙖𝙖𝙡𝙖𝙙 𝙗𝙪𝙡𝙨𝙝𝙤 𝙞𝙮𝙤 𝙠𝙖-𝙦𝙖𝙮𝙗𝙜𝙖𝙡 𝙢𝙖𝙘𝙣𝙤 𝙡𝙚𝙝 𝙤𝙤 𝙖𝙮 𝙮𝙚𝙚𝙨𝙝𝙖𝙖𝙣 𝙨𝙝𝙖𝙦𝙖𝙖𝙡𝙖𝙝𝙖 𝙞𝙮𝙤 𝙪𝙧𝙪𝙧𝙧𝙖𝙙𝙤𝙤𝙙𝙖 𝙨𝙝𝙖𝙦𝙖𝙖𝙡𝙚.”
--𝗗𝗛𝗔𝗠𝗠𝗔𝗔𝗗--
Muqdisho 7da Juun 2026 Xisbiga Himilo Qaran ayaa soo saaray bayaan uu ku faahfaahinayo dhacdo uu ku tilmaamay weerar lagu qaaday xaruntiisa degmada Cabdicasiis ee magaalada Muqdisho, isaga oo mas’uuliyadda dusha uga tuuray Madaxweynaha Soomaaliya, Xasan Sheekh Maxamuud.
Bayaan-ka xisbiga ayaa lagu sheegay in 3-dii Juun, mas’uuliyiin iyo hawl-wadeeno uu hoggaaminayay madaxweynihii h**e ee Soomaaliya, Sharif Sheikh Ahmed, ay ku sugnaayeen xarunta xisbiga iyaga oo qabanqaabinayay bannaanbax nabadeed oo lagu waday in lagu qabto Muqdisho 4-ta Juun.
Xisbiga ayaa sheegay in xilligaas ciidamo hubaysan ay weerar ku qaadeen xarunta, iyaga oo adeegsaday hub kala duwan. Waxa uu ku eedeeyay dowladda inay adeegsatay qalab ciidan oo loogu talagalay la dagaallanka kooxaha hubaysan.
Bayaanka ayaa lagu xusay in dadaallo dhexdhexaadin ah oo ay hormuud ka ahaayeen wakiillo ka socday beesha caalamka iyo qaar ka mid ah odayaasha dhaqanka ay horseedeen heshiis hordhac ah oo la gaaray 4-tii Juun.
Sida uu sheegay xisbigu, qodobada lagu heshiiyay waxaa ka mid ahaa xabbad-joojin aan shuruud ku xirnayn, kala qaadista ciidamada si loo dejiyo xiisadda, dib u bilaabista wada-hadallada siyaasadeed, in ciidamada ay qaataan gaadiid iyo agab ku burburay iska horimaadka, iyo in aan ciidamo la geeyn xarunta cusub ee xisbiga ee deegaanka Liido.
Himilo Qaran ayaa ku eedeeyay madaxweyne Hassan Sheikh Mohamud inuu ka baxay heshiiskaas, kadib markii sida uu sheegay ciidamo ka tirsan hay’adda NISA ay jid-gooyo u dhigeen kolonyo ku sii jeeday xarun kale oo xisbiga leeyahay. Xisbigu wuxuu sheegay in markale ay arrintaas soo farageliyeen diblomaasiyiin caalami ah.
Gabagabadii, Himilo Qaran ayaa uga mahadceliyay safiirrada iyo dhinacyada kale ee ka qayb qaatay dejinta xaaladda, isaga oo ku adkaystay eedeymihii uu u jeediyay dowladda. Dowladda Federaalka Soomaaliya weli si rasmi ah ugama aysan jawaabin eedeymaha ku xusan bayaanka xisbiga.
Baydhabo 7da Juun 2026 Guddiga Madaxa-bannaan ee Doorashooyinka iyo Soohdimaha Qaranka ayaa bilaabay diiwaangelinta iyo qabashada araajida musharraxiinta u tartamaya xilka Hoggaamiyaha Dowlad-goboleedka Koonfur Galbeed Soomaaliya, iyadoo geeddi-socodka doorashadu uu galay marxalad cusub.
Musharraxiinta ugu horreeya ee si rasmi ah isu diiwaangeliyay waxaa ka mid ah Shariif Xasan Sheekh Aadan, oo h**e u soo noqday madaxweynaha Koonfur Galbeed, kaas oo ka guddoomay guddiga shahaadada musharraxnimada, Tallaabadan ayaa si rasmi ah uga dhigaysa mid ka mid ah siyaasiyiinta ku loolamaya hoggaanka maamulka.
Sidoo kale, Guddoomiyaha Golaha Shacabka ee Baarlamaanka Federaalka Soomaaliya, Sheekh Aadan Maxamed Nuur (Madoobe), ayaa isna qaatay shahaadada musharraxnimada, isagoo si rasmi ah ugu biiray tartanka doorashada hoggaanka Koonfur Galbeed.
Labada siyaasi ayaa loo arkaa inay yihiin musharraxiinta ugu muuqda ee ilaa hadda isu soo taagay xilka.
Shariif Xasan ayaa ka mid ahaa siyaasiyiintii h**e uga soo horjeeday jihada siyaasadeed ee dowladda federaalka, hase yeeshee wuxuu markii dambe taageeray hannaanka doorashooyinka qof iyo cod, arrin loo fasirtay inuu la jaanqaaday isbeddellada siyaasadeed ee dalka ka socda.
Furitaanka diiwaangelinta musharraxiinta ayaa kusoo beegmaya xilli indhaha siyaasadda Soomaaliya ay ku sii jeedaan Baydhabo, halkaas oo lagu wado in lagu qabto doorasho lagu dooranayo hoggaanka cusub ee Dowlad-goboleedka Koonfur Galbeed.

✔ Subscribe ✔ Share ✔ Like ✔Durdurka Wararka You Can Get This Chann...

Address

Washington D.C., DC

Telephone

+12028485280

Website

http://www.somalimediaempire.com/

Alerts

Be the first to know and let us send you an email when SNTV Live posts news and promotions. Your email address will not be used for any other purpose, and you can unsubscribe at any time.

Contact The Business

Send a message to SNTV Live:

SNTV Live