Galmudug News, Washington D.C., DC (2026)

06/08/2026

WARARKA MAANTA 8da Juun 2026
Su’aalaha Maanta: Yaa been ah arrimaha nabad ku qaatay oo fidmo ka shaqaynaaya? Yaa Madaxweyne maanta ka ah ? Yaa dastuurkii dalka beddeshay Madaxweyne h**e Xassan “Dhuuso-Fooxiye”? Yaa si sharci-darro ah ku jooga Madaxtooyadda “Dhuuso-Fooxiye” Madaxweyne Xassan? Yaa maanta xirxiraaya qofkii runta sheega? Yaa diiday inuu dhiso maqaamka ? Maxay xukuummadda Kutaanta/Dhiqlaha” ee Raysal Wasaare Mudane Xamsa Cabdi Barre “OG-360 Dhaweeye” u amartay in muddo korarsi ah la sameeyo? Yaa noqday Madaxweyne iyo Raysal Wasaare ku fashilmay hogganka dalka maanta? Maxay beesha caalamka u diiday inay wax dhaqaallo ah iiso Dowladda Soomaaliya? Maxuu ku fashilmay Raysal Wasaare Mudane Xamsa Cabdi Barre “OG-360 Dhaweeye” oo ay xukuummaddiisa ku fashilantay hogganka dalka iyo la shaqaynta beesha caalamka taasoo dhaqaallihii u diiday inay siiso xukuummadda “Dhiqlaha/Kuntaanta? Yaa Soomaali iyo beesha caalamka la wadashaqayn kara? Ha wiqleyso!
Iran 8da Juun 2026 Dowladda Iran ayaa habeenkii Axadda gantaallo ballistik ah ku weerartay Israa’iil, iyadoo sheegtay in tallaabadaasi jawaab u tahay duqeymaha ay Israa’iil ka waddo koonfurta Lubnaan iyo xaafadaha koonfureed ee magaalada Beyruut.
Ciidanka Israa’iil ayaa sheegay in dhowr gantaal oo laga soo tuuray Iran lagu beegsaday dalkaas saacadihii dambe ee xalay, kuwaas oo sababay in seedhiga digniinta laga shido meelo badan. Militariga Israa’iil ayaa ku andacooday inay qabteen dhammaan gantaalladii la soo ganay, iyadoo aan la soo sheegin khasaarooyin waaweyn.
Dhanka kale, ciidamada Ilaalada Kacaanka Iran (IRGC) ayaa xaqiijiyay inay weerarka ku beegsadeen saldhigga cirka ee Ramat David, iyagoo sheegay in uu yahay digniin ku wajahan Israa’iil si ay u joojiso weerarrada ay ka waddo Lubnaan. IRGC waxay ka digeen in haddii Israa’iil sii waddo duqeymaheeda ama ay ka aargoosato weerarkan, Iran ay qaadi doonto tallaabooyin ka ballaadhan kuwa hadda dhacay.
Xiisadda ayaa sii korodhay kadib markii Israa’iil ay Axaddii duqeymo ka fulisay xaafadda Dahiyeh ee koonfurta Beyruut, halkaas oo ugu yaraan laba qof lagu dilay, 11 kalena lagu dhaawacay. Ra’iisul Wasaaraha Israa’iil, , iyo Wasiirka Difaaca Israa’iil ayaa sheegay in la beegsaday xarun talis oo ay leedahay kooxda Hezbollah.
Ciidanka Israa’iil ayaa sheegay in dhowr gantaal oo laga soo tuuray Iran lagu beegsaday dalkaas saacadihii dambe ee xalay, kuwaas oo sababay in seedhiga digniinta laga shido meelo badan. Militariga Israa’iil ayaa ku andacooday inay qabteen dhammaan gantaalladii la soo ganay, iyadoo aan la soo sheegin khasaarooyin waaweyn.
Dhanka kale, ciidamada Ilaalada Kacaanka Iran (IRGC) ayaa xaqiijiyay inay weerarka ku beegsadeen saldhigga cirka ee Ramat David, iyagoo sheegay in uu yahay digniin ku wajahan Israa’iil si ay u joojiso weerarrada ay ka waddo Lubnaan. IRGC waxay ka digeen in haddii Israa’iil sii waddo duqeymaheeda ama ay ka aargoosato weerarkan, Iran ay qaadi doonto tallaabooyin ka ballaadhan kuwa hadda dhacay.
Xiisadda ayaa sii korodhay kadib markii Israa’iil ay Axaddii duqeymo ka fulisay xaafadda Dahiyeh ee koonfurta Beyruut, halkaas oo ugu yaraan laba qof lagu dilay, 11 kalena lagu dhaawacay. Ra’iisul Wasaaraha Israa’iil, , iyo Wasiirka Difaaca Israa’iil ayaa sheegay in la beegsaday xarun talis oo ay leedahay kooxda Hezbollah.
Uganda 8da Juun 2026 Dowladda Uganda ayaa sheegtay in ciidamadeeda ku sugan Soomaaliya aysan faragelin doonin arrimaha gudaha Soomaaliya, iyagoo ku adkeysanaya in waajibaadkoodu uu ku kooban yahay howlaha amniga ee hoos yimaada Hawlgalka Taageerada iyo Xasilinta Midowga Afrika ee Soomaaliya (AUSSOM).
Afhayeenka ku-meel-gaarka ah ee warfaafinta Ciidamada Difaaca Uganda (UPDF), Kornayl Chris Magezi, ayaa sheegay in arrimaha siyaasadda gudaha Soomaaliya aysan qayb ka ahayn howlgalka ciidamada Uganda.
"Waa ka baxsan tahay waajibaadka UPDF ee Soomaaliya in ay ku lug yeeshaan arrimaha gudaha dalka," ayuu Magezi u sheegay wargeyska New Vision.
Wuxuu sheegay in ciidamada Uganda ay sii wadi doonaan howlaha la xiriira la dagaallanka Al-Shabaab iyo Daacish, ilaalinta dadka rayidka ah, iyo taageeridda dhismaha awoodda Ciidamada Ammaanka Soomaaliya.
Hadalka Uganda ayaa yimid xilli ay jiraan xiisado siyaasadeed oo isku beddelay iska hor imaadyo ka dhacay magaalooyinka Baydhabo iyo Muqdisho, kuwaas oo la xiriira muranno siyaasadeed oo u dhexeeya dowladda federaalka iyo kooxaha mucaaradka.
Uganda ayaa ahayd dalkii ugu horreeyay ee ciidamo u dira Soomaaliya sanadkii 2007, waxaana ciidamadeeda ay weli door muhiim ah ka ciyaaraan sugidda amniga Muqdisho iyo deegaanno kale oo ku yaalla koonfurta dalka.

Shabelle Hoose 8da Juun 2026 iidamada Xoogga Dalka Soomaaliyeed, gaar ahaan Kumaandooska Danab, ayaa howlgallo qorsheysan ka fuliyay deegaanno dhowr ah oo ka tirsan gobolka Shabeellaha Hoose, sida ay sheegeen saraakiil ka tirsan ciidanka.
Howlgallada ayaa laga sameeyay deegaannada Warmaxan, Tasxiille, Shareey, 10-Buundo, Tabeellaha iyo aagga Donka, waxaana hoggaaminayay cutubyo ka tirsan Ururka 161-aad ee Guutada 16-aad Danab sida ay baahisay warbaahinta ciidanka Xoogga dalka.
Sida ay saraakiishu sheegeen, howlgalka ayaa lagu bartilmaameedsaday goobo ay kooxda Al-Shabaab ku lahayd dhaqdhaqaaqyo iyo xarumo ku yaalla deegaannadaasi, Waxa ay sidoo kale sheegeen in ciidamada ay burburiyeen fariisimo iyo goobo gabaad u ahaa dagaalyahannada kooxda.
Taliska ciidanka ayaa tilmaamay in howlgalka uu qayb ka yahay dadaallada socda ee lagu xoojinayo amniga iyo la-dagaallanka Al-Shabaab ee gobolka Shabeellaha Hoose.
Ma jiro war madax-bannaan oo si rasmi ah u xaqiijinaya khasaaraha ka dhashay howlgalka, Ciidamada dowladda Soomaaliya ayaa muddooyinkii dambe kordhiyay howlgallada ka dhanka ah Al-Shabaab ee ka socda gobollada koonfurta iyo bartamaha dalka
Muqdisho 8da Juun 2026 Madaxweynihii h**e ee Soomaaliya Maxamed Cabdullaahi Farmaajo ayaa ku baaqay in si degdeg ah loo qabto kulan ay yeeshaan Madaxweynaha xilka haya Xasan Sheekh Maxamuud iyo madaxweynayaashii h**e, si xal siyaasadeed loogu helo khilaafka sii xoogeysanaya ee dalka ka taagan
Farmaajo ayaa sheegay inuu si rasmi ah ugu martiqaadayo Xasan Sheekh Maxamuud kulan ka dhaca hoygiisa, kaas oo uu sheegay in looga hadli doono arrimaha doorashooyinka, amniga iyo mustaqbalka siyaasadeed ee Soomaaliya.
Madaxweynihii h**e ayaa xusay in xalinta khilaafaadka siyaasadeed ay tahay in ay Soomaalidu dhexdeeda ku dhammeysato, isaga oo tilmaamay in aan loo baahnayn faragelin dibadeed haddii madaxda Soomaalida ay diyaar u yihiin wada-hadal iyo is-afgarad.
Farmaajo ayaa sheegay in Soomaaliya ay ku jirto marxalad siyaasadeed oo xasaasi ah, isagoo ku dooday in murannada ka taagan hannaanka doorashooyinka iyo maamulka dalka ay saameyn ku yeesheen amniga iyo xasilloonida guud ee dalka.
Wuxuu ku celiyay in xal waara lagu gaari karo oo keliya miiska wada-hadalka, isaga oo ku baaqay in la joojiyo xiisadaha iyo iska horimaadyada jira, laguna beddelo wadatashi siyaasadeed oo loo dhan yahay.
Sidoo kale Farmaajo ayaa sheegay in uu diyaar u yahay inuu door ka qaato dadaallada lagu xallinayo khilaafka, isaga oo ku boorriyay dhammaan dhinacyada siyaasadda inay mudnaanta siiyaan danta qaranka iyo midnimada dalka.
Waxa uu ku dooday in Somaliland ay sii fogaatay, halka Puntland uu sheegay in ay taagan tahay meel walaac leh iyadoo sugaysa jihada siyaasadeed ee dowladda dhexe. Sidoo kale wuxuu tilmaamay in Jubbaland ay weli ka taagan yihiin muranno siyaasadeed oo u baahan xal wadatashi ku dhisan.
Wuxuu sheegay in haddii aan xal loo helin khilaafaadka jira ay sii kordhi karto kala fogaanshaha dhinacyada siyaasadda, taas oo uu ku tilmaamay mid khatar ku ah midnimada iyo dowladnimada Soomaaliya.
Somalia iyo Turkey 8da Juun 2026 Wasiirka Wasaaradda Ganacsiga iyo Warshadaha ee Jamhuuriyadda Federaalka Soomaaliya, Jamaal Maxamed Xasan, ayaa kulan la yeeshay Wasiirka Wasaaradda Warshadaha iyo Teknolojiyadda ee Jamhuuriyadda Turkiga, Mehmet Fatih Kacır kaa oo diiradda lagu saaray Hindisaha Aagagga Warshadaha ee Soomaaliya iyo fursadaha lagu sii xoojin karo iskaashiga labada dal ee dhinacyada horumarinta warshadaha.
Sida lagu sheegay war ka soo baxay Wasaaradda Ganacsiga iyo Warshadaha Soomaaliya, waxaa si gaar ah looga wada hadlay muhiimadda ka faa’iidaysiga khibradda iyo waayo-aragnimada Turkiga ee horumarinta warshadaha, si loo taageero dadaallada Soomaaliya ee ku aaddan warshadaynta dalka.
Labada dhinac ayaa sidoo kale isla qaatay in la horumariyo iskaashi lagu kobcinayo maalgashiga, lagu xoojinayo awoodda wax-soo-saarka, lagu abuurayo fursado shaqo, isla markaana lagu dardargelinayo kobaca dhaqaale ee waara.
Wasiirka Ganacsiga iyo Warshadaha Soomaaliya, Jamaal Maxamed Xasan, ayaa sheegay inuu magaalada Istanbul kula kulmay dhiggiisa Turkiga, Mehmet Fatih Kacır, isla markaana ay ka wada hadleen Hindisaha Yagleelidda Aagagga Warshadaha ee Soomaaliya.
“Waxaan Wasiirka la wadaagay Hindisaha Yagleelidda Aagagga Warshadaha ee Soomaaliya, annaga oo sidoo kalena diiradda saarnay arrimaha aan iska kaashan karno, iyo ka faa’idaysiga khibradda Turkiga,” ayuu yiri Wasiir Jamaal.
Wasaaradda Ganacsiga iyo Warshadaha ee Dowladda Federaalka Soomaaliya ayaa sheegtay inay ka go’an tahay xoojinta iskaashiga caalamiga ah ee dhinacyada ganacsiga iyo warshadaha, iyadoo sidoo kale dhiirrigelinaysa horumarka warshadaha Soomaaliya.
Muqdisho 8da Juun 2026 Shirweynaha qaran ee codka haweenka Soomaaliyeed oo lagu soo gabagabeeyay magaalada Muqdisho, ayaa ugu baaqay Madaxweynaha Dowladda Federaalka Soomaaliya, Xasan Sheekh Maxamuud, inuu si degdeg ah u furo wadahadal qaran oo loo dhan yahay si xal siyaasadeed looga gaaro xaaladda cakiran ee dalka.
War-saxaafadeed laga soo saaray shirweynaha ayaa lagu adkeeyay in geeddi-socod kasta oo wadahadal ah ay si muuqata uga qayb qaataan bulshada rayidka ah, gaar ahaan haweenka Soomaaliyeed, si loo helo xal waara oo ku dhisan is-afgarad iyo wada-tashi.
Shirweynaha qaran ee codka haweenka Soomaaliyeed ee xoojinta nabadda ayaa walaac xooggan looga muujiyay xaaladda siyaasadeed ee dalka, kaddib qalalaasihii ugu dambeeyay ee ay ku lug lahaayeen ciidamada dowladda iyo mucaaradka.
War-saxaafadeedka shirka waxaa lagu sheegay in Soomaaliya ay wajahayday marxalad xasaasi ah, gaar ahaan iska hor imaadyadii dhex maray ciidamada dowladda federaalka iyo qaar kamid ah kooxaha mucaaradka, kuwaas oo sababay dhimasho, dhaawac, barakac iyo burbur hantiyeed.
Haweenku waxay adkeeyeen in xal waara lagu gaari karo oo keliya wadahadal, dulqaad, tanaasul siyaasadeed iyo is-afgarad, iyagoo xusay in wixii lagu waayo wadahadal aan lagu heli karin awood adeegsi iyo dagaal.
Shirka ayaa sidoo kale dowladda federaalka iyo dhinacyada mucaaradka ugu baaqay inay joojiyaan dhammaan falalka iyo hadallada sii hurin kara xiisadaha siyaasadeed ama khatar gelin kara nabadda iyo xasiloonida Muqdisho iyo guud ahaan dalka.
Dhanka doorashooyinka, shirku wuxuu ku baaqay in dhinacyada siyaasadda ay ku heshiiyaan hannaan doorasho oo loo dhan yahay, hufan, caddaalad ah laguna kalsoonaan karo natiijadiisa, si loo xoojiyo kalsoonida shacabka iyo xasilloonida siyaasadeed.
Sidoo kale, shacabka Soomaaliyeed ayaa loogu baaqay inay u istaagaan difaaca nabadda, ilaalinta wadajirka bulshada iyo xasiloonida dalka, isla markaana ay ku midoobaan badbaadinta nafaha muwaadiniinta, hantida iyo mustaqbalka qaranka.

Enjoy the videos and music that you love, upload original content and share it all with friends, family and the world on YouTube.

06/07/2026

WARARKA MAANTA 7da Juun 2026
Su’aalaha Maanta: Maxuu u tartamayaa guddoomiyiii h**e Golaha Shacabka Mudane Aadan Madoobe “Ansax”? Yaa maanta xoog looga bixin rabaa Madaxtooyadda “VillaSomalia Madaxweyne Mudane Xassan “Dhuuso-Foxiye”? Yaa dastuurkii dalka beddeshay Dhuuso-Fooxiye Madaxweyne Xassan? Yaa si sharci-darro ah ku jooga Madaxtooyadda “Dhuuso-Fooxiye” Madaxweyne Xassan? Yaa maanta xirxiraaya qofkii runta sheega? Yaa diiday inuu dhiso maqaamka ? Maxay xukuummadda Kutaanta/Dhiqlaha” ee Raysal Wasaare Mudane Xamsa Cabdi Barre “OG-360 Dhaweeye” u amartay in muddo korarsi ah la sameeyo? Yaa noqday Madaxweyne iyo Raysal Wasaare ku fashilmay hogganka dalka maanta? Maxay beesha caalamka u diiday inay wax dhaqaallo ah iiso Dowladda Soomaaliya? Maxuu ku fashilmay Raysal Wasaare Mudane Xamsa Cabdi Barre “OG-360 Dhaweeye” oo ay xukuummaddiisa ku fashilantay hogganka dalka iyo la shaqaynta beesha caalamka taasoo dhaqaallihii u diiday inay siiso xukuummadda “Dhiqlaha/Kuntaanta? Yaa Soomaali iyo beesha caalamka la wadashaqayn kara? Ha wiqleyso!
Muqdisho 7da Juun 2026 Geneva, Switzerland | 5 Juun 2026: Intii uu socday Kalfadhiga 114-aad ee Shirweynaha Shaqaalaha Adduunka , wafdiga saddex-geesoodka ah ee Soomaaliya ayaa kulan wax-ku-ool ah oo heer sare ah la yeeshay Gilbert F. Houngbo, Agaasimaha Guud ee Hay’ada Shaqaalaha Adduunka (ILO).
Wafdiga waxaa hoggaaminayey Wasiir Professor Saalim Alio Ibro, waxaana ka qaybgalay wakiillo ka socday Dowladda Federaalka Soomaaliya (MoLSA), Xiriirka Ururrada Shaqaalaha Soomaaliyeed (FESTU) oo matalaya shaqaalaha, iyo Rugta Ganacsiga iyo Warshadaha Soomaaliyeed (SCCI) oo matalaysa loo-shaqeeyayaasha. Kulankani wuxuu muujiyey sida ay Soomaaliya uga go’an tahay xoojinta iskaashiga saddex-geesoodka iyo wada-hadalka bulshada (social dialogue) oo ah tiirarka aasaasiga u ah horumar waara, caddaaladda bulshada iyo barnaamijka shaqo hufan (Decent work agenda).
Intii uu socday kulanka, Xiriirka Ururrada Shaqaalaha Soomaaliyeed (FESTU) ayaa soo dhoweyay fursadda xubnaha saddex-geedooka ku iftiimiyeen horumarada muhiimka ah ee Soomaaliya ka samaysay xoojinta hannaanada wada-hadalka bulshada iyo horumarinta dib-u-habaynta sharciyada shaqada. Ka qaybgalka firfircoon ee ururrada shaqaalaha iyo loo-shaqeeyayaasha, iyagoo garab socda wakiillada dowladda, wuxuu muujinayaa aqoonsiga sii kordhaya ee ah in xalalka loo dhan yahay ee waara lagu gaari karo iskaashi saddex-geesood ah oo macno leh.
Xiriirka Ururrada Shaqaalaha Soomaaliyeed (FESTU) wuxu carrabka ku adkeyay inkastoo la gaaray guulo muuqda, haddana ay jiraan caqabado waaweyn oo weli taagan kuwaas oo la xiriira horumarinta shaqo hufan, xaqiijinta mushahar caddaalad ah, xoojinta badbaadada iyo caafimaadka goobaha shaqada (OSH), ballaarinta caymiska iyo ilaalinta bulshada, iyo sidii looga jawaabi lahaa isbeddellada degdegga ah ee ka socda dunida shaqada. Koboca dhaqaalaha waa inuu horseedaa horumar muuqda oo nolosha shaqaalaha iyo qoysaskooda ah, iyadoo loo marayo fursado shaqo oo tayo leh, xaalado shaqo oo wanaagsan, iyo helitaan siman oo faa’iidooyinka bulshada iyo dhaqaalaha ah.
Xiriirka Ururrada Shaqaalaha Soomaaliyeed (FESTU) wuxuu sidoo kale ku baaqay in la xoojiyo dadaallada heer qaran iyo heer caalami si loo adkeeyo hay’adaha suuqa shaqada, loo ilaaliyo xuquuqaha iyo xorriyadaha ururrada shaqaalaha, wax looga qabto saameynta Garaadka Macmalka ah (AI) iyo tiknoolajiyadaha cusub ee saameyay goobaha shaqada, isla markaana la xaqiijiyo u hoggaansanaanta buuxda ee heerarka shaqada ee caalamiga ah (ILS). Iyadoo mustaqbalka shaqadu uu isbeddelayo, shaqaalaha iyo ururradooda matala waa inay sii ahaadaan xudunta dejinta siyaasadaha iyo geeddi-socodka go’aan qaadashada arimaha khuseeya shaqaalaha.
Xiriirka Ururrada Shaqaalaha Soomaaliyeed (FESTU) wuxu mar kale xaqiijiyay in ururrada shaqaaluhu aysan ahayn oo keliya daneeyayaal horumarineed; balse ay yihiin lammaanayaal lama huraan ah oo hormuud u ah horumarka bulshada, caddaaladda dhaqaalaha, dowladnimada dimuqraadiga ah iyo kobaca loo dhan yahay. Cod xooggan oo shaqaaluhu yeeshaan wuxuu lama huraan u yahay dhismaha Soomaaliya barwaaqo ah, caddaalad ah oo adkaysi leh.
“𝙈𝙪𝙨𝙩𝙖𝙦𝙗𝙖𝙡𝙠𝙖 𝙨𝙝𝙖𝙦𝙖𝙙𝙖 𝙬𝙖𝙖 𝙞𝙣 𝙡𝙖𝙜𝙪 𝙦𝙖𝙖𝙗𝙚𝙚𝙮𝙖𝙖 𝙬𝙖𝙙𝙖-𝙝𝙖𝙙𝙖𝙡, 𝙘𝙖𝙙𝙙𝙖𝙖𝙡𝙖𝙙 𝙗𝙪𝙡𝙨𝙝𝙤 𝙞𝙮𝙤 𝙠𝙖-𝙦𝙖𝙮𝙗𝙜𝙖𝙡 𝙢𝙖𝙘𝙣𝙤 𝙡𝙚𝙝 𝙤𝙤 𝙖𝙮 𝙮𝙚𝙚𝙨𝙝𝙖𝙖𝙣 𝙨𝙝𝙖𝙦𝙖𝙖𝙡𝙖𝙝𝙖 𝙞𝙮𝙤 𝙪𝙧𝙪𝙧𝙧𝙖𝙙𝙤𝙤𝙙𝙖 𝙨𝙝𝙖𝙦𝙖𝙖𝙡𝙚.”
--𝗗𝗛𝗔𝗠𝗠𝗔𝗔𝗗--
Muqdisho 7da Juun 2026 Xisbiga Himilo Qaran ayaa soo saaray bayaan uu ku faahfaahinayo dhacdo uu ku tilmaamay weerar lagu qaaday xaruntiisa degmada Cabdicasiis ee magaalada Muqdisho, isaga oo mas’uuliyadda dusha uga tuuray Madaxweynaha Soomaaliya, Xasan Sheekh Maxamuud.
Bayaan-ka xisbiga ayaa lagu sheegay in 3-dii Juun, mas’uuliyiin iyo hawl-wadeeno uu hoggaaminayay madaxweynihii h**e ee Soomaaliya, Sharif Sheikh Ahmed, ay ku sugnaayeen xarunta xisbiga iyaga oo qabanqaabinayay bannaanbax nabadeed oo lagu waday in lagu qabto Muqdisho 4-ta Juun.
Xisbiga ayaa sheegay in xilligaas ciidamo hubaysan ay weerar ku qaadeen xarunta, iyaga oo adeegsaday hub kala duwan. Waxa uu ku eedeeyay dowladda inay adeegsatay qalab ciidan oo loogu talagalay la dagaallanka kooxaha hubaysan.
Bayaanka ayaa lagu xusay in dadaallo dhexdhexaadin ah oo ay hormuud ka ahaayeen wakiillo ka socday beesha caalamka iyo qaar ka mid ah odayaasha dhaqanka ay horseedeen heshiis hordhac ah oo la gaaray 4-tii Juun.
Sida uu sheegay xisbigu, qodobada lagu heshiiyay waxaa ka mid ahaa xabbad-joojin aan shuruud ku xirnayn, kala qaadista ciidamada si loo dejiyo xiisadda, dib u bilaabista wada-hadallada siyaasadeed, in ciidamada ay qaataan gaadiid iyo agab ku burburay iska horimaadka, iyo in aan ciidamo la geeyn xarunta cusub ee xisbiga ee deegaanka Liido.
Himilo Qaran ayaa ku eedeeyay madaxweyne Hassan Sheikh Mohamud inuu ka baxay heshiiskaas, kadib markii sida uu sheegay ciidamo ka tirsan hay’adda NISA ay jid-gooyo u dhigeen kolonyo ku sii jeeday xarun kale oo xisbiga leeyahay. Xisbigu wuxuu sheegay in markale ay arrintaas soo farageliyeen diblomaasiyiin caalami ah.
Gabagabadii, Himilo Qaran ayaa uga mahadceliyay safiirrada iyo dhinacyada kale ee ka qayb qaatay dejinta xaaladda, isaga oo ku adkaystay eedeymihii uu u jeediyay dowladda. Dowladda Federaalka Soomaaliya weli si rasmi ah ugama aysan jawaabin eedeymaha ku xusan bayaanka xisbiga.
Baydhabo 7da Juun 2026 Guddiga Madaxa-bannaan ee Doorashooyinka iyo Soohdimaha Qaranka ayaa bilaabay diiwaangelinta iyo qabashada araajida musharraxiinta u tartamaya xilka Hoggaamiyaha Dowlad-goboleedka Koonfur Galbeed Soomaaliya, iyadoo geeddi-socodka doorashadu uu galay marxalad cusub.
Musharraxiinta ugu horreeya ee si rasmi ah isu diiwaangeliyay waxaa ka mid ah Shariif Xasan Sheekh Aadan, oo h**e u soo noqday madaxweynaha Koonfur Galbeed, kaas oo ka guddoomay guddiga shahaadada musharraxnimada, Tallaabadan ayaa si rasmi ah uga dhigaysa mid ka mid ah siyaasiyiinta ku loolamaya hoggaanka maamulka.
Sidoo kale, Guddoomiyaha Golaha Shacabka ee Baarlamaanka Federaalka Soomaaliya, Sheekh Aadan Maxamed Nuur (Madoobe), ayaa isna qaatay shahaadada musharraxnimada, isagoo si rasmi ah ugu biiray tartanka doorashada hoggaanka Koonfur Galbeed.
Labada siyaasi ayaa loo arkaa inay yihiin musharraxiinta ugu muuqda ee ilaa hadda isu soo taagay xilka.
Shariif Xasan ayaa ka mid ahaa siyaasiyiintii h**e uga soo horjeeday jihada siyaasadeed ee dowladda federaalka, hase yeeshee wuxuu markii dambe taageeray hannaanka doorashooyinka qof iyo cod, arrin loo fasirtay inuu la jaanqaaday isbeddellada siyaasadeed ee dalka ka socda.
Furitaanka diiwaangelinta musharraxiinta ayaa kusoo beegmaya xilli indhaha siyaasadda Soomaaliya ay ku sii jeedaan Baydhabo, halkaas oo lagu wado in lagu qabto doorasho lagu dooranayo hoggaanka cusub ee Dowlad-goboleedka Koonfur Galbeed.

✔ Subscribe ✔ Share ✔ Like ✔Durdurka Wararka You Can Get This Chann...

06/06/2026

WARARKA MAANTA 6da Juun 2026
Su’aalaha Maanta: Yaa dastuurkii dalka beddeshay Dhuuso-Fooxiye Madaxweyne Xassan? Yaa si sharci-darro ah ku jooga Madaxtooyadda “Dhuuso-Fooxiye” Madaxweyne Xassan? Yaa maanta xirxiraaya qofkii runta sheega? Yaa diiday inuu dhiso maqaamka ? Maxay xukuummadda Kutaanta/Dhiqlaha” ee Raysal Wasaare Mudane Xamsa Cabdi Barre “OG-360 Dhaweeye” u amartay in muddo korarsi ah la sameeyo? Yaa noqday Madaxweyne iyo Raysal Wasaare ku fashilmay hogganka dalka maanta? Maxay beesha caalamka u diiday inay wax dhaqaallo ah iiso Dowladda Soomaaliya? Maxuu ku fashilmay Raysal Wasaare Mudane Xamsa Cabdi Barre “OG-360 Dhaweeye” oo ay xukuummaddiisa ku fashilantay hogganka dalka iyo la shaqaynta beesha caalamka taasoo dhaqaallihii u diiday inay siiso xukuummadda “Dhiqlaha/Kuntaanta? Yaa Soomaali iyo beesha caalamka la wadashaqayn kara? Ha wiqleyso!
Muqdisho 6da Juun 2026 Xogta Shirarka Dhexdhexaadinta
Saraakiil sare oo ka socda Dowladda Turkiga ayaa shirar ka bilaabay maanta magaalada Muqdisho.
Kulankii kowaad waxay ay la qaateen Guddoomiyaha Midowga Haybad Qaran Cabdi Faarax Shirdoon iyo isbahaysigiisa Xaqsoor-Haybad Qaran. Waxaana ku xigay kulamo ay la qaateen Madaxweyne h**e Maxamed Cabdilaahi Farmaajo iyo Musharax Madaxweyne Cabdiraxmaan Cabdishakuur Warsame.
Caawa waxa ay la kulansan yihiin Madaxweyne Shariif iyo Raysal Wasaare Xasan Khayre. Kulanka oo ka socda guriga Madaxweyne Shariif ayaa waxaa ku weheliya siyaasiyiin kale oo uu kamid yahay Taliye Cabdulaahi Sanbaloolshe.
Ujeedada kulamada
Kulamadan ayaa dhammaystir u ah, is-arag h**e oo ka dhacay dalka Turkiga, waxaana sidoo kale ay ibo-fur u yihiin kulan wayne oo dhexmaraya Mucaaridka iyo Madaxtooyada.
Madaxweyne Xasan Sheekh oo h**e u sheegay inuu diyaar u yahay heshiis doorasho kaddib cadaadiska beesha caalamka ayaa laga sugayaa muddada kulanka iyo inuu aqbalo in waqtigii ka dhammaaday.
Goormee la kulmayaa
Ilo kala duwan oo aan la hadalnay ayaa inoo xaqiijiyay in caawa laga sugayo Madaxweyne Xasan Sheekh inuu xaqiijiyo kasoo qaybgalkiisa Kulan todabaadkan Isniinta ilaa Khamiista uu aqbalo, lana yimaado nooc doorasho oo Mucaaridku aqbali karaan oo aan 90 maalmood ka badnayn jadwalkiisu.
Puntland iyo Jubaland ayaa dhankooda muujiyay inay ku qancayaan keli ah doorasho dhexda taal oo Madaxweynaha muddo dhaafka ah ee Xasan Sheekh laga soo dhigo.
Somali Stream, dhinacyada kala duwan ay la hadashay waxay isku raacsan yihiin inuu saaran yahay culays weyn oo ku saabsan in dalka laga saaro hubanti la’aanta
Waqooyi Barri 6da Juun 2026 Agaasimaha Guud ee Wasaaradda Deegaanka iyo Isbadalka Cimilada Dowlad Gobaleedka Waqooyi Bari Mudane Axmed Maxamed Ciise (Ahmed Senda), ayaa Caasimada Muqdisho uga qayb-galay Madasha Iskaashi ee Wasaaradaha Deegaanka iyo Isbadalka Cimilada ee Heer Federaal iyo Heer Dowlad Gobaleed (MoECC FMS Coordination Forum) ee Agaasimayaasha Guud ku kulmaan (Director General Level Meeting) Saddexdii-bilood mar (Quarterly conference).
Doorkan ayaa waxaa shirka loga hadlay Mashaaricda waawayn ee socota iyo kuwa la rajaynayo in dhawaan bilowdaan, Waxqabadyada Dowlad Gobaleed Kasta, Xeerarka Deegaan, Saameynta Isbadalka Cimilada guud ahaan dalka iyo in markasta la xoojiyo wada-shaqaynta iyo kala xog qaadashada.
Agaasimaha Guud ee Wasaaradda Deegaanka iyo Isbadalka Cimilada Dowlad Gobaleeeka Waqooyi Bari Mudane Axmed Senda ayaa ka warbixiyay Qoryaashii u qabsoomay Wasaarada, Qorshaha 3 biloodka soo socda, Colaadihii ka dhashay saameynta abaaraha ee gobaladda Sanaag iyo Sool iyo Fatahaadihii ka dhacay Buuhoodle. Agaasimaha Guud ee Wasaradda ayaa ka dalbaday Wasaaradda heer Federaal in mudnaan gaar ah la siiyo Dowlad Gobaleedka Waqooyi Bari Mashaaricda pipeline ee la rajaynayo iyo in mudnaan gaar ah laga siiyo Activities, Tababaradda kur u qaadidda xirfadda howl-wadeenada Wasaaradda iyo in-qayb ay ka noqdaan Shirarka iyo Safarada Wasaaradda dalka dibadiisa ee heer kasta.
Gunnaanadkii, dhammaan Agaasimayasha Guud ee Wasaaradda heer Federaal iyo heer Dowlad Gobaleed waxa laysku raacay in qoryaasha kulankan la dardargaliyo fulintooda 3 bilood ee soo socota
DDSI 6da Juun 2026 Madaxweynaha DDS Mudane Mustafe Muxumed Cumar oo ay wehliyan hogaaminta sare ee DDS ayaa Gagida diyaaradaha Garaad wiil-waal ee magaalada Jigjiga kusoo dhaweeyay Wafti heer qaran iyo heer deegaan ah oo uu hogaaminayo Madaxweyne ku-xigeenka xisbiga Barwaaqo lehna awood Raysal'wasaare kuxigeen Mudane Aaden Faarax Ibrahim.
‎Waftigan ayaa inta ay ku sugan yihiin deegaanka waxay ka arinsan doonaan Arimo ahmiyad uleh qaranka.
Talyaaniga 6da Juun 2026 kornel Yaasiin Maxamed Dhuxulow ayaa si rasmi ah uga qalin-jabiyey Kulliyadda Istraajiyada Iyo Difaaca Dalka Talyaaniga.
Tani waa guul kale oo u soo hoyatay Ciidanka Xoogga Dalka Soomaaliyeed, iyadoo muujinaysa dadaalka iyo tayaynta hoggaanka sare ee Ciidanka Xoogga Dalka.
Kornel Yaasiin Maxamed Dhuxulow ayaa kamid noqonaya saraakiisha Soomaaliyeed ee helay tababar heer caalami ah, taasoo qeyb ka ah dadaallada lagu xoojinayo awoodda iyo aqoonta Ciidanka Xoogga Dalka Soomaaliyeed.
Sargaalkaan ayaa H**e waxaa uu tababaro kala duwan ugu soo qaatay Kulyadaha tababarada Ciidamada ee dalalka Suudaan&Qatar
Muqdisho 6da Juun 2026 Hay’adaha Qaramada Midoobay iyo ururrada ka shaqeeya arrimaha ilaalinta bulshada ayaa ka digay saameynta bani’aadantinimo ee ka dhalatay dagaalladii ka dhacay Muqdisho 3-dii iyo 4-tii Juun, iyagoo sheegay in rabshaduhu ay sababeen dhimasho, dhaawac iyo barakac baahsan.
Warbixin ay soo saareen Kooxda Ilaalinta Bulshada (Protection Cluster) iyo Hay’adda Qaxootiga Qaramada Midoobay (UNHCR) ayaa lagu sheegay in dagaalladu ay dhexmareen ciidamada Dowladda Federaalka Soomaaliya iyo koox hubeysan oo mucaaradka la xiriirta, kuwaas oo markii dambe ku fiday xaafado ay dadku aad u deggan yihiin.
Warbixintu waxay tilmaantay in dagaalladu saameeyeen degmooyinka Hodan, Howlwadaag, Cabdicasiis, Wardhiigley iyo qaybo ka mid ah Kaaraan.
Xogta hordhaca ah ayaa muujinaysa in ku dhowaad 12,500 qoys ay ka barakaceen guryahoodii, halka ugu yaraan 13 qof ay ku dhinteen iyo 189 kalena ay ku dhaawacmeen rabshadaha sida warbixinta Hay'adahaani kuxusan.
Hay’adaha ilaalinta bulshada ayaa sheegay in haweenka, carruurta, dadka da’da ah iyo dadka naafada ah ay yihiin kuwa ugu nugul saameynta colaadda, iyadoo qaar badan oo ka mid ah shacabka ay ku adkaatay inay ka baxaan goobihii dagaalka.
Warbixintu waxay sidoo kale xustay in burbur uu soo gaaray guryo iyo hanti rayid, halka barakaca degdegga ah uu kordhiyay khatarta hoy la’aanta, gaajada iyo helitaanka adeegyada aasaasiga ah.
Sidoo kale warbixinta waxa daaha looga qaaday in qaxootiga, magangelyo-doonka iyo bulshada nugul ay wajahayaan caqabado gaar ah, kuwaas oo ay ka mid yihiin xaddidaadaha dhaqdhaqaaqa, helitaanka adeegyada muhiimka ah iyo khatarta tacaddiyada iyo ka faa’iidaysiga xaaladdooda.
Hay’adaha Qaramada Midoobay ayaa ugu baaqay dhammaan dhinacyada isku haya colaadda inay ilaaliyaan shacabka rayidka ah, u hoggaansamaan shuruucda caalamiga ah ee bani’aadantinimada, isla markaana ay fududeeyaan gaarsiinta gargaarka bani’aadantinimo.
Warbixinta ayaa lagu soo gabagabeeyay in hay’adaha samafalka iyo kuwa ilaalinta bulshada ay sii wadi doonaan la socodka xaaladda, qiimeynta baahiyaha iyo bixinta warar dheeraad ah marka xog cusub la helo.
Digniintan ayaa kusoo beegmaysa iyadoo walaac xooggan laga muujinayo xaaladda amni iyo siyaasadeed ee Muqdisho, isla markaana ay socdaan baaqyo lagu dalbanayo in xiisadda lagu xalliyo wadahadal iyo is-afgarad siyaasadeed.
Muqdisho 6da Juun 2026 Ciidamada ammaanka ayaa ku guda jira howlgal lagu ururinayo hubkii sharci-darrada ahaa ee ay wateen maleeshiyaadkii soo weeraray Degmada Cabdicasiis ee Gobolka Banaadir, kuwaas oo lagu qariyey goobo kala duwan.
Hadaba, Dadweynaha Soomaaliyeed ee dagan Degnada Cabdicasiis iyo nawaaxigeeda waxaa lagu wargelinayaa inay la shaqeeyaan hay’adaha ammaanka ee gudanaya waajibaadkooda qaran, si loo xaqiijiyo amniga iyo xasilloonida bulshada.
Qofna lagama aqbali doono inuu gurigiisa ku keydiyo ama ku qariyo hub sharci-darro ah oo loogu talagalay in lagu carqaladeeyo amniga magaalada Muqdisho iyo kan guud ahaan dalka.
Hay’adaha ammaanku waxa ay ka qaadayaan talaabo adag oo sharcigu ogolaanayo cid kasta oo lagu helo inay ku lug leedahay kaydinta, qarinta ama fududeynta dhaqdhaqaaqa hub sharci-darro ah.
Muwaadin haddii aad aragto goob lagu qarinayo Hub sharcidarro ah fadlan gaarsii hay’adaha Amniga adiga oo wacaya 991ama 199

Goal-ka Xiga 20k Subscribers-Mahadsanidiin.My page ...

06/05/2026

WARARKA MAANTA 5ta Juun 2026
Su’aalaha Maanta: Yaa ka dhigay dalka adduunka ugu musugmaasuqa badan Dhuuso-Fooxiye Madaxweyne Xassan? Yaa si sharci-darro ah ku jooga Madaxtooyadda “Dhuuso-Fooxiye” Madaxweyne Xassan? Yaa maanta xirxiraaya qofkii runta sheega? Yaa diiday inuu dhiso maqaamka ? Maxay xukuummadda Kutaanta/Dhiqlaha” ee Raysal Wasaare Mudane Xamsa Cabdi Barre “OG-360 Dhaweeye” u amartay in muddo korarsi ah la sameeyo? Yaa noqday Madaxweyne iyo Raysal Wasaare ku fashilmay hogganka dalka maanta? Maxay beesha caalamka u diiday inay wax dhaqaallo ah iiso Dowladda Soomaaliya? Maxuu ku fashilmay Raysal Wasaare Mudane Xamsa Cabdi Barre “OG-360 Dhaweeye” oo ay xukuummaddiisa ku fashilantay hogganka dalka iyo la shaqaynta beesha caalamka taasoo dhaqaallihii u diiday inay siiso xukuummadda “Dhiqlaha/Kuntaanta? Yaa Soomaali iyo beesha caalamka la wadashaqayn kara? Ha wiqleyso!
Muqdisho 5ta Juun 2026 Ra’iisul Wasaaraha Xukuumadda Jamhuuriyadda Federaalka Soomaaliya, Mudane Xamsa Cabdi Barre, isaga oo ka duulaya Dastuurka Jamhuuriyadda Federaalka Soomaaliya, isla markaana gudanaya mas’uuliyadda dowladda ka saaran xuska maalmaha xorriyadda iyo midnimada dalka, waxa uu magacaabay Guddiga Qabanqaabada Maalmaha Xorriyadda iyo Midnimada ee sanad-guuradii 66-aad ee 26-ka Juun iyo 1-da Luulyo 1960.
Guddigan ayaa mas’uul ka noqon doona diyaarinta, isku-dubbaridka iyo hirgelinta munaasabadaha lagu xusayo maalmaha taariikhiga ah ee xorriyadda iyo midnimada Soomaaliya. Waajibaadyada kale ee guddiga waxaa ka mid ah xiriirinta hey’adaha dowladda iyo dhammaan dhinacyada kale ee ka qeyb qaadanaya dabaaldegyada, jaangoynta iyo maareynta kharashaadka ku baxaya xuska, magacaabista guddi heer farsamo ah oo abaabula munaasabadaha kala duwan, iyo sugidda amniga goobaha lagu qabanayo xafladaha iyo munaasabadaha la xiriira xuska.
Xubnaha Guddiga Qabanqaabada Maalmaha Xorriyadda iyo Midnimada ayaa kala ah:
1. Wasiir Cali Yuusuf Cali (Xoosh) – Guddoomiye
2. Wasiir Jeneraal Bashiir Maxamed Jaamac (Goobbe) – Xubin
3. Wasiir Maxamed Cabdi Xayir (Maareeye) – Xubin
4. Wasiir Khadiijo Maxamed Al-Makhzuumi – Xubin
5. Wasiir Xasan Xuseen Maxamed (Eelaay) – Xubin
6. Wasiir Axmed Macalin Fiqi – Xubin
7. Wasiir Cabdifataax Qaasim Maxamuud – Xubin
8. Wasiir Maxamed Cabdiqaadir Cali – Xubin
9. Wasiiru Dowlaha Xirsi Jaamac Gaani – Xubin
10. Wasiiru Dowlaha Maxamed Cali Xagaa – Xubin
11. Wasiiru Dowlaha Nuura Mustaf Guudoow – Xubin
12. Guddoomiye Xasan Maxamed Xuseen (Muungaab) – Xubin
13. Agaasime Maxamed Cabdiraxmaan Maxamed (Boolbool) – Xoghaye
Ra’iisul Wasaare Xamsa, ayaa guddiga faray in ay si dhow uga shaqeeyaan diyaarinta munaasabadaha xuska maalmaha xorriyadda iyo midnimada, si loo muujiyo qiimaha taariikheed ee maalmahan, loona xoojiyo dareenka waddaniyadda, midnimada iyo wadajirka shacabka Soomaaliyeed
Koonfur Galbeed 5ta Juun 2026 Xildhibaannada Baarlamaanka Dowlad Goboleedka Koonfur Galbeed ayaa Khamiistii doortay guddoon cusub oo hoggaamin doona Golaha Wakiillada, Dr. Mahad Maxamed Sheekh Xasan ayaa loo doortay Guddoomiyaha Baarlamaanka Koonfur Galbeed kadib markii uu helay 70 cod, halka musharraxii la tartamayay, Cabdixakiin Fiqi, uu helay 25 cod, sida lagu dhawaaqay natiijada rasmiga ah ee doorashada ka dhacday xarunta Baarlamaanka ee magaalada Baydhabo.
Sidoo kale, Aadan Xasan Maxamed (Osaama) ayaa loo doortay Guddoomiye Ku-xigeenka Koowaad isagoo helay 82 cod, halka Cabdirisaaq Xuseen Aadan uu helay 12 cod, Doorashada Guddoomiye Ku-xigeenka Labaadna waxaa ku guuleysatay Shamso Maxamed Yarow oo heshay 72 cod, iyadoo Ahlaam Cumar Maxamed ay heshay 21 cod.
Doorashadan ayaa dhammaystirtay hannaanka soo xulista hoggaanka Golaha Wakiillada Koonfur Galbeed, oo ah hay’adda sharci-dejinta ee maamulkaas.
Madaxweynaha Soomaaliya, Xasan Sheekh Maxamuud ayaa hambalyo u diray guddoonka cusub, isagoo sheegay in doorashadu ka tarjumeyso horumarka geeddi-socodka dimuqraadiyadda iyo dhismaha hay’adaha dowladnimada.
“Waxaan kalsooni ku qabaa inay si hufan, daacadnimo iyo xilkasnimo leh u gudan doonaan waajibaadka loo igmaday, isla markaana ay ka shaqeyn doonaan xoojinta shaqada Golaha Wakiillada iyo u adeegidda shacabka Koonfur Galbeed,” ayuu madaxweynuhu ku yiri qoraal uu soo saaray.
Guddoomiyaha Baarlamaanka ayaa ka mid ah xilalka ugu muhiimsan ee maamulka Koonfur Galbeed, isagoo masuul ka ah hoggaaminta fadhiyada Golaha, jihaynta howlaha sharci-dejinta iyo isku xirka xiriirka u dhexeeya hay’adaha maamulka gobolka iyo dowladda federaalka.
Koonfur Galbeed, oo ay ka kooban tahay gobollada Bay, Bakool iyo Shabeellaha Hoose, ayaa door muhiim ah ku leh siyaasadda iyo amniga Soomaaliya. Gobolka ayaa sidoo kale kamid ah meelaha ugu waaweyn ee ay ka socdaan howlgallada ka dhanka ah kooxda Al shabaab.
Doorashada guddoonka Baarlamaanka ayaa ku soo beegmaysa iyadoo ay sii kordhayaan xiisadaha siyaasadeed ee u dhexeeya dowladda federaalka iyo qaar ka mid ah mucaaradka, kuwaas oo isku khilaafsan arrimo ay ka mid yihiin nidaamka doorashada, wax-ka-beddellada dastuurka iyo qaabka awood qaybsiga dalka.
Degfmada Shiikh 5ta Juun 2026- Hal qof ayaa ku geeriyootay, halka qof kalena uu ku dhaawacmay mudaharaad maanta ka dhacay degmada Sheekh ee gobolka Saaxil ee Somaliland, sida ay sheegeen dadka deegaanka iyo goobjoogayaal
Mudaharaadkan ayaa ka dhashay xadhigga Suldaan Qabille oo dhawaan lagu xidhay degmada Mandheera ee gobolka Saaxil. Dadweyne ka cadhaysan xadhigga suldaanka ayaa isugu soo baxay magaalada, waxaana halkaasi ka dhacay isku dhac dhexmaray ciidamada ammaanka iyo dibadbaxayaasha.
Dadka deegaanka ayaa sheegay in haweenayda geeriyootay lagu magacaabi jiray Canab Cumar Jaamac, halka qof kale uu ku dhaawacmay rabshadihii la socday mudaharaadka.
Mid kamid ah dadka mudaharaadayay ayaa ku eedeeyay ciidamada ammaanka inay rasaas adeegsadeen, isaga oo sheegay in shacabka la beegsaday xilligii ay dibadbaxa samaynayeen.
Garyaqaan Guleed Dafac oo u ololeeya in booliiska dib u qaabayn lagu sameeyo ayaa ku baaqay in dhacdadan lagu sameeyo baadhitaan madax-bannaan, isaga oo sheegay in sharci ahaan awoodda ay booliisku adeegsanayaan ay tahay inay noqoto mid u dhiganta heerka khatarta ay la kulmayaan.
Mudaharaadkan ayaa ka dhashay xadhigga Suldaan Qabille oo dhawaan lagu xidhay degmada Mandheera ee gobolka Saaxil. Dadweyne ka cadhaysan xadhigga suldaanka ayaa isugu soo baxay magaalada, waxaana halkaasi ka dhacay isku dhac dhexmaray ciidamada ammaanka iyo dibadbaxayaasha.
Dadka deegaanka ayaa sheegay in haweenayda geeriyootay lagu magacaabi jiray Canab Cumar Jaamac, halka qof kale uu ku dhaawacmay rabshadihii la socday mudaharaadka.
Mid kamid ah dadka mudaharaadayay ayaa ku eedeeyay ciidamada ammaanka inay rasaas adeegsadeen, isaga oo sheegay in shacabka la beegsaday xilligii ay dibadbaxa samaynayeen.
Garyaqaan Guleed Dafac oo u ololeeya in booliiska dib u qaabayn lagu sameeyo ayaa ku baaqay in dhacdadan lagu sameeyo baadhitaan madax-bannaan, isaga oo sheegay in sharci ahaan awoodda ay booliisku adeegsanayaan ay tahay inay noqoto mid u dhiganta heerka khatarta ay la kulmayaan.
Muqdisho 5ta Juun 2026- Ra’iisul Wasaaraha Soomaaliya, Xamsa Cabdi Barre, ayaa magacaabay guddiga qabanqaabada munaasabadaha lagu xusayo sanad-guuradii 66-aad ee maalmaha xorriyadda iyo midnimada Soomaaliya ee 26-ka Juun iyo 1-da Luulyo.
Bayaan ka soo baxay xafiiska Ra’iisul Wasaaraha ayaa lagu sheegay in magacaabista guddigan ay ku saleysan tahay Dastuurka Jamhuuriyadda Federaalka iyo mas’uuliyadda dowladda ka saaran xuska maalmaha taariikhiga ah ee xorriyadda iyo midnimada dalka.
Guddiga ayaa loo xil saaray diyaarinta, isku-dubbaridka iyo hirgelinta munaasabadaha lagu xusayo maalmaha xorriyadda iyo midnimada, iyadoo sidoo kale uu ka shaqeyn doono xiriirinta hay’adaha dowladda iyo dhinacyada kale ee ka qeyb qaadanaya dabaaldegyada.
Waajibaadyada guddiga waxaa kale oo ka mid ah qorsheynta iyo maareynta kharashaadka ku baxaya xuska, magacaabista guddi farsamo oo abaabula munaasabadaha kala duwan, iyo sugidda amniga goobaha lagu qabanayo xafladaha la xiriira dabaaldegyada.
Guddiga cusub waxaa guddoomiye u ah Wasiirka Arrimaha gudaha, Cali Yuusuf Cali, (Cali Xoosh) halka xubnaha kale ay ka kooban yihiin wasiirro, wasiiru-dowlayaal iyo masuuliyiin kale oo ka tirsan dowladda federaalka.
Ra’iisul Wasaare Xamsa ayaa guddiga faray inay si dhow uga shaqeeyaan diyaarinta munaasabadaha xuska, si loo muujiyo qiimaha taariikheed ee maalmahan loona xoojiyo dareenka waddaniyadda, midnimada iyo wadajirka shacabka Soomaaliyeed.
Muqdisho 5ta Juun 2026 Ra’iisul Wasaarihii h**e ee Soomaaliya, Xasan Cali Khayre, ayaa sheegay in weerarkii ka dhacay hoygiisa magaalada Muqdisho uu ahaa “weerar beegsi ah” oo lagu doonayay in lagu dilo isaga iyo siyaasiyiin kale oo goobta ku sugnaa.
Khayre ayaa sheegay in weerarku billowday xilli ay hoygiisa ku sugnaayeen odayaal dhaqameed, siyaasiyiin, xildhibaanno iyo xubno kale oo ka qayb qaadanayay dadaallo lagu sheegay dhex-dhexaadin siyaasadeed.
“Hub kasta waa naloo adeegsaday, waxaana la isticmaalay hoobiyeyaal, diyaaradaha aan duuliyaha lahayn iyo rasaas culus. Weerarku wuxuu ahaa mid nalagu soo afjarayay,” ayuu yiri Khayre.
Sida uu sheegay, goobta waxaa ku sugnaa in ka badan 70 qof oo isugu jiray masuuliyiin iyo shacab, kuwaas oo uu sheegay inay halis galeen intii uu socday iska horimaadka.
Khayre ayaa sidoo kale sheegay in weerarku yimid xilli ay socdeen kulamo ay hormuud ka ahaayeen odayaal dhaqameed iyo siyaasiyiin uu sheegay inay ka shaqeynayeen xal u helidda khilaafaadka siyaasadeed ee dalka.
Ra’iisul Wasaarihii h**e ayaa ku eedeeyay madaxda dowladda federaalka inay mas’uul ka ahaayeen weerarka, isagoo sheegay in ciidamada loo adeegsaday si loo cabburiyo mucaaradka siyaasadeed.
Khayre ayaa sheegay in weerarku billowday xilli ay hoygiisa ku sugnaayeen odayaal dhaqameed, siyaasiyiin, xildhibaanno iyo xubno kale oo ka qayb qaadanayay dadaallo lagu sheegay dhex-dhexaadin siyaasadeed.
“Hub kasta waa naloo adeegsaday, waxaana la isticmaalay hoobiyeyaal, diyaaradaha aan duuliyaha lahayn iyo rasaas culus. Weerarku wuxuu ahaa mid nalagu soo afjarayay,” ayuu yiri Khayre.
Sida uu sheegay, goobta waxaa ku sugnaa in ka badan 70 qof oo isugu jiray masuuliyiin iyo shacab, kuwaas oo uu sheegay inay halis galeen intii uu socday iska horimaadka.
Khayre ayaa sidoo kale sheegay in weerarku yimid xilli ay socdeen kulamo ay hormuud ka ahaayeen odayaal dhaqameed iyo siyaasiyiin uu sheegay inay ka shaqeynayeen xal u helidda khilaafaadka siyaasadeed ee dalka.
Ra’iisul Wasaarihii h**e ayaa ku eedeeyay madaxda dowladda federaalka inay mas’uul ka ahaayeen weerarka, isagoo sheegay in ciidamada loo adeegsaday si loo cabburiyo mucaaradka siyaasadeed.

Nyd de videoer og den musik, du holder af, upload originalt indhold, og del det hele med venner, familie og verden på YouTube.

Address

Washington D.C., DC

Telephone

+12028485280

Website

http://www.galmudugmagaizne.com/

Alerts

Be the first to know and let us send you an email when Galmudug News posts news and promotions. Your email address will not be used for any other purpose, and you can unsubscribe at any time.

Galmudug News