SNTV, Washington D.C., DC (2026)

This Page is Official Property of the Somali Media Empire (SME), & it's part of media outlet platforms so, if you want to share information and news as it happens in Somalia http://www.somalimediaempire.com/

06/07/2026

WARARKA MAANTA 7da Juun 2026
Su’aalaha Maanta: Maxuu u tartamayaa guddoomiyiii h**e Golaha Shacabka Mudane Aadan Madoobe “Ansax”? Yaa maanta xoog looga bixin rabaa Madaxtooyadda “VillaSomalia Madaxweyne Mudane Xassan “Dhuuso-Foxiye”? Yaa dastuurkii dalka beddeshay Dhuuso-Fooxiye Madaxweyne Xassan? Yaa si sharci-darro ah ku jooga Madaxtooyadda “Dhuuso-Fooxiye” Madaxweyne Xassan? Yaa maanta xirxiraaya qofkii runta sheega? Yaa diiday inuu dhiso maqaamka ? Maxay xukuummadda Kutaanta/Dhiqlaha” ee Raysal Wasaare Mudane Xamsa Cabdi Barre “OG-360 Dhaweeye” u amartay in muddo korarsi ah la sameeyo? Yaa noqday Madaxweyne iyo Raysal Wasaare ku fashilmay hogganka dalka maanta? Maxay beesha caalamka u diiday inay wax dhaqaallo ah iiso Dowladda Soomaaliya? Maxuu ku fashilmay Raysal Wasaare Mudane Xamsa Cabdi Barre “OG-360 Dhaweeye” oo ay xukuummaddiisa ku fashilantay hogganka dalka iyo la shaqaynta beesha caalamka taasoo dhaqaallihii u diiday inay siiso xukuummadda “Dhiqlaha/Kuntaanta? Yaa Soomaali iyo beesha caalamka la wadashaqayn kara? Ha wiqleyso!
Muqdisho 7da Juun 2026 Geneva, Switzerland | 5 Juun 2026: Intii uu socday Kalfadhiga 114-aad ee Shirweynaha Shaqaalaha Adduunka , wafdiga saddex-geesoodka ah ee Soomaaliya ayaa kulan wax-ku-ool ah oo heer sare ah la yeeshay Gilbert F. Houngbo, Agaasimaha Guud ee Hay’ada Shaqaalaha Adduunka (ILO).
Wafdiga waxaa hoggaaminayey Wasiir Professor Saalim Alio Ibro, waxaana ka qaybgalay wakiillo ka socday Dowladda Federaalka Soomaaliya (MoLSA), Xiriirka Ururrada Shaqaalaha Soomaaliyeed (FESTU) oo matalaya shaqaalaha, iyo Rugta Ganacsiga iyo Warshadaha Soomaaliyeed (SCCI) oo matalaysa loo-shaqeeyayaasha. Kulankani wuxuu muujiyey sida ay Soomaaliya uga go’an tahay xoojinta iskaashiga saddex-geesoodka iyo wada-hadalka bulshada (social dialogue) oo ah tiirarka aasaasiga u ah horumar waara, caddaaladda bulshada iyo barnaamijka shaqo hufan (Decent work agenda).
Intii uu socday kulanka, Xiriirka Ururrada Shaqaalaha Soomaaliyeed (FESTU) ayaa soo dhoweyay fursadda xubnaha saddex-geedooka ku iftiimiyeen horumarada muhiimka ah ee Soomaaliya ka samaysay xoojinta hannaanada wada-hadalka bulshada iyo horumarinta dib-u-habaynta sharciyada shaqada. Ka qaybgalka firfircoon ee ururrada shaqaalaha iyo loo-shaqeeyayaasha, iyagoo garab socda wakiillada dowladda, wuxuu muujinayaa aqoonsiga sii kordhaya ee ah in xalalka loo dhan yahay ee waara lagu gaari karo iskaashi saddex-geesood ah oo macno leh.
Xiriirka Ururrada Shaqaalaha Soomaaliyeed (FESTU) wuxu carrabka ku adkeyay inkastoo la gaaray guulo muuqda, haddana ay jiraan caqabado waaweyn oo weli taagan kuwaas oo la xiriira horumarinta shaqo hufan, xaqiijinta mushahar caddaalad ah, xoojinta badbaadada iyo caafimaadka goobaha shaqada (OSH), ballaarinta caymiska iyo ilaalinta bulshada, iyo sidii looga jawaabi lahaa isbeddellada degdegga ah ee ka socda dunida shaqada. Koboca dhaqaalaha waa inuu horseedaa horumar muuqda oo nolosha shaqaalaha iyo qoysaskooda ah, iyadoo loo marayo fursado shaqo oo tayo leh, xaalado shaqo oo wanaagsan, iyo helitaan siman oo faa’iidooyinka bulshada iyo dhaqaalaha ah.
Xiriirka Ururrada Shaqaalaha Soomaaliyeed (FESTU) wuxuu sidoo kale ku baaqay in la xoojiyo dadaallada heer qaran iyo heer caalami si loo adkeeyo hay’adaha suuqa shaqada, loo ilaaliyo xuquuqaha iyo xorriyadaha ururrada shaqaalaha, wax looga qabto saameynta Garaadka Macmalka ah (AI) iyo tiknoolajiyadaha cusub ee saameyay goobaha shaqada, isla markaana la xaqiijiyo u hoggaansanaanta buuxda ee heerarka shaqada ee caalamiga ah (ILS). Iyadoo mustaqbalka shaqadu uu isbeddelayo, shaqaalaha iyo ururradooda matala waa inay sii ahaadaan xudunta dejinta siyaasadaha iyo geeddi-socodka go’aan qaadashada arimaha khuseeya shaqaalaha.
Xiriirka Ururrada Shaqaalaha Soomaaliyeed (FESTU) wuxu mar kale xaqiijiyay in ururrada shaqaaluhu aysan ahayn oo keliya daneeyayaal horumarineed; balse ay yihiin lammaanayaal lama huraan ah oo hormuud u ah horumarka bulshada, caddaaladda dhaqaalaha, dowladnimada dimuqraadiga ah iyo kobaca loo dhan yahay. Cod xooggan oo shaqaaluhu yeeshaan wuxuu lama huraan u yahay dhismaha Soomaaliya barwaaqo ah, caddaalad ah oo adkaysi leh.
“𝙈𝙪𝙨𝙩𝙖𝙦𝙗𝙖𝙡𝙠𝙖 𝙨𝙝𝙖𝙦𝙖𝙙𝙖 𝙬𝙖𝙖 𝙞𝙣 𝙡𝙖𝙜𝙪 𝙦𝙖𝙖𝙗𝙚𝙚𝙮𝙖𝙖 𝙬𝙖𝙙𝙖-𝙝𝙖𝙙𝙖𝙡, 𝙘𝙖𝙙𝙙𝙖𝙖𝙡𝙖𝙙 𝙗𝙪𝙡𝙨𝙝𝙤 𝙞𝙮𝙤 𝙠𝙖-𝙦𝙖𝙮𝙗𝙜𝙖𝙡 𝙢𝙖𝙘𝙣𝙤 𝙡𝙚𝙝 𝙤𝙤 𝙖𝙮 𝙮𝙚𝙚𝙨𝙝𝙖𝙖𝙣 𝙨𝙝𝙖𝙦𝙖𝙖𝙡𝙖𝙝𝙖 𝙞𝙮𝙤 𝙪𝙧𝙪𝙧𝙧𝙖𝙙𝙤𝙤𝙙𝙖 𝙨𝙝𝙖𝙦𝙖𝙖𝙡𝙚.”
--𝗗𝗛𝗔𝗠𝗠𝗔𝗔𝗗--
Muqdisho 7da Juun 2026 Xisbiga Himilo Qaran ayaa soo saaray bayaan uu ku faahfaahinayo dhacdo uu ku tilmaamay weerar lagu qaaday xaruntiisa degmada Cabdicasiis ee magaalada Muqdisho, isaga oo mas’uuliyadda dusha uga tuuray Madaxweynaha Soomaaliya, Xasan Sheekh Maxamuud.
Bayaan-ka xisbiga ayaa lagu sheegay in 3-dii Juun, mas’uuliyiin iyo hawl-wadeeno uu hoggaaminayay madaxweynihii h**e ee Soomaaliya, Sharif Sheikh Ahmed, ay ku sugnaayeen xarunta xisbiga iyaga oo qabanqaabinayay bannaanbax nabadeed oo lagu waday in lagu qabto Muqdisho 4-ta Juun.
Xisbiga ayaa sheegay in xilligaas ciidamo hubaysan ay weerar ku qaadeen xarunta, iyaga oo adeegsaday hub kala duwan. Waxa uu ku eedeeyay dowladda inay adeegsatay qalab ciidan oo loogu talagalay la dagaallanka kooxaha hubaysan.
Bayaanka ayaa lagu xusay in dadaallo dhexdhexaadin ah oo ay hormuud ka ahaayeen wakiillo ka socday beesha caalamka iyo qaar ka mid ah odayaasha dhaqanka ay horseedeen heshiis hordhac ah oo la gaaray 4-tii Juun.
Sida uu sheegay xisbigu, qodobada lagu heshiiyay waxaa ka mid ahaa xabbad-joojin aan shuruud ku xirnayn, kala qaadista ciidamada si loo dejiyo xiisadda, dib u bilaabista wada-hadallada siyaasadeed, in ciidamada ay qaataan gaadiid iyo agab ku burburay iska horimaadka, iyo in aan ciidamo la geeyn xarunta cusub ee xisbiga ee deegaanka Liido.
Himilo Qaran ayaa ku eedeeyay madaxweyne Hassan Sheikh Mohamud inuu ka baxay heshiiskaas, kadib markii sida uu sheegay ciidamo ka tirsan hay’adda NISA ay jid-gooyo u dhigeen kolonyo ku sii jeeday xarun kale oo xisbiga leeyahay. Xisbigu wuxuu sheegay in markale ay arrintaas soo farageliyeen diblomaasiyiin caalami ah.
Gabagabadii, Himilo Qaran ayaa uga mahadceliyay safiirrada iyo dhinacyada kale ee ka qayb qaatay dejinta xaaladda, isaga oo ku adkaystay eedeymihii uu u jeediyay dowladda. Dowladda Federaalka Soomaaliya weli si rasmi ah ugama aysan jawaabin eedeymaha ku xusan bayaanka xisbiga.
Baydhabo 7da Juun 2026 Guddiga Madaxa-bannaan ee Doorashooyinka iyo Soohdimaha Qaranka ayaa bilaabay diiwaangelinta iyo qabashada araajida musharraxiinta u tartamaya xilka Hoggaamiyaha Dowlad-goboleedka Koonfur Galbeed Soomaaliya, iyadoo geeddi-socodka doorashadu uu galay marxalad cusub.
Musharraxiinta ugu horreeya ee si rasmi ah isu diiwaangeliyay waxaa ka mid ah Shariif Xasan Sheekh Aadan, oo h**e u soo noqday madaxweynaha Koonfur Galbeed, kaas oo ka guddoomay guddiga shahaadada musharraxnimada, Tallaabadan ayaa si rasmi ah uga dhigaysa mid ka mid ah siyaasiyiinta ku loolamaya hoggaanka maamulka.
Sidoo kale, Guddoomiyaha Golaha Shacabka ee Baarlamaanka Federaalka Soomaaliya, Sheekh Aadan Maxamed Nuur (Madoobe), ayaa isna qaatay shahaadada musharraxnimada, isagoo si rasmi ah ugu biiray tartanka doorashada hoggaanka Koonfur Galbeed.
Labada siyaasi ayaa loo arkaa inay yihiin musharraxiinta ugu muuqda ee ilaa hadda isu soo taagay xilka.
Shariif Xasan ayaa ka mid ahaa siyaasiyiintii h**e uga soo horjeeday jihada siyaasadeed ee dowladda federaalka, hase yeeshee wuxuu markii dambe taageeray hannaanka doorashooyinka qof iyo cod, arrin loo fasirtay inuu la jaanqaaday isbeddellada siyaasadeed ee dalka ka socda.
Furitaanka diiwaangelinta musharraxiinta ayaa kusoo beegmaya xilli indhaha siyaasadda Soomaaliya ay ku sii jeedaan Baydhabo, halkaas oo lagu wado in lagu qabto doorasho lagu dooranayo hoggaanka cusub ee Dowlad-goboleedka Koonfur Galbeed.

✔ Subscribe ✔ Share ✔ Like ✔Durdurka Wararka You Can Get This Chann...

06/06/2026

WARARKA MAANTA 6da Juun 2026
Su’aalaha Maanta: Yaa dastuurkii dalka beddeshay Dhuuso-Fooxiye Madaxweyne Xassan? Yaa si sharci-darro ah ku jooga Madaxtooyadda “Dhuuso-Fooxiye” Madaxweyne Xassan? Yaa maanta xirxiraaya qofkii runta sheega? Yaa diiday inuu dhiso maqaamka ? Maxay xukuummadda Kutaanta/Dhiqlaha” ee Raysal Wasaare Mudane Xamsa Cabdi Barre “OG-360 Dhaweeye” u amartay in muddo korarsi ah la sameeyo? Yaa noqday Madaxweyne iyo Raysal Wasaare ku fashilmay hogganka dalka maanta? Maxay beesha caalamka u diiday inay wax dhaqaallo ah iiso Dowladda Soomaaliya? Maxuu ku fashilmay Raysal Wasaare Mudane Xamsa Cabdi Barre “OG-360 Dhaweeye” oo ay xukuummaddiisa ku fashilantay hogganka dalka iyo la shaqaynta beesha caalamka taasoo dhaqaallihii u diiday inay siiso xukuummadda “Dhiqlaha/Kuntaanta? Yaa Soomaali iyo beesha caalamka la wadashaqayn kara? Ha wiqleyso!
Muqdisho 6da Juun 2026 Xogta Shirarka Dhexdhexaadinta
Saraakiil sare oo ka socda Dowladda Turkiga ayaa shirar ka bilaabay maanta magaalada Muqdisho.
Kulankii kowaad waxay ay la qaateen Guddoomiyaha Midowga Haybad Qaran Cabdi Faarax Shirdoon iyo isbahaysigiisa Xaqsoor-Haybad Qaran. Waxaana ku xigay kulamo ay la qaateen Madaxweyne h**e Maxamed Cabdilaahi Farmaajo iyo Musharax Madaxweyne Cabdiraxmaan Cabdishakuur Warsame.
Caawa waxa ay la kulansan yihiin Madaxweyne Shariif iyo Raysal Wasaare Xasan Khayre. Kulanka oo ka socda guriga Madaxweyne Shariif ayaa waxaa ku weheliya siyaasiyiin kale oo uu kamid yahay Taliye Cabdulaahi Sanbaloolshe.
Ujeedada kulamada
Kulamadan ayaa dhammaystir u ah, is-arag h**e oo ka dhacay dalka Turkiga, waxaana sidoo kale ay ibo-fur u yihiin kulan wayne oo dhexmaraya Mucaaridka iyo Madaxtooyada.
Madaxweyne Xasan Sheekh oo h**e u sheegay inuu diyaar u yahay heshiis doorasho kaddib cadaadiska beesha caalamka ayaa laga sugayaa muddada kulanka iyo inuu aqbalo in waqtigii ka dhammaaday.
Goormee la kulmayaa
Ilo kala duwan oo aan la hadalnay ayaa inoo xaqiijiyay in caawa laga sugayo Madaxweyne Xasan Sheekh inuu xaqiijiyo kasoo qaybgalkiisa Kulan todabaadkan Isniinta ilaa Khamiista uu aqbalo, lana yimaado nooc doorasho oo Mucaaridku aqbali karaan oo aan 90 maalmood ka badnayn jadwalkiisu.
Puntland iyo Jubaland ayaa dhankooda muujiyay inay ku qancayaan keli ah doorasho dhexda taal oo Madaxweynaha muddo dhaafka ah ee Xasan Sheekh laga soo dhigo.
Somali Stream, dhinacyada kala duwan ay la hadashay waxay isku raacsan yihiin inuu saaran yahay culays weyn oo ku saabsan in dalka laga saaro hubanti la’aanta
Waqooyi Barri 6da Juun 2026 Agaasimaha Guud ee Wasaaradda Deegaanka iyo Isbadalka Cimilada Dowlad Gobaleedka Waqooyi Bari Mudane Axmed Maxamed Ciise (Ahmed Senda), ayaa Caasimada Muqdisho uga qayb-galay Madasha Iskaashi ee Wasaaradaha Deegaanka iyo Isbadalka Cimilada ee Heer Federaal iyo Heer Dowlad Gobaleed (MoECC FMS Coordination Forum) ee Agaasimayaasha Guud ku kulmaan (Director General Level Meeting) Saddexdii-bilood mar (Quarterly conference).
Doorkan ayaa waxaa shirka loga hadlay Mashaaricda waawayn ee socota iyo kuwa la rajaynayo in dhawaan bilowdaan, Waxqabadyada Dowlad Gobaleed Kasta, Xeerarka Deegaan, Saameynta Isbadalka Cimilada guud ahaan dalka iyo in markasta la xoojiyo wada-shaqaynta iyo kala xog qaadashada.
Agaasimaha Guud ee Wasaaradda Deegaanka iyo Isbadalka Cimilada Dowlad Gobaleeeka Waqooyi Bari Mudane Axmed Senda ayaa ka warbixiyay Qoryaashii u qabsoomay Wasaarada, Qorshaha 3 biloodka soo socda, Colaadihii ka dhashay saameynta abaaraha ee gobaladda Sanaag iyo Sool iyo Fatahaadihii ka dhacay Buuhoodle. Agaasimaha Guud ee Wasaradda ayaa ka dalbaday Wasaaradda heer Federaal in mudnaan gaar ah la siiyo Dowlad Gobaleedka Waqooyi Bari Mashaaricda pipeline ee la rajaynayo iyo in mudnaan gaar ah laga siiyo Activities, Tababaradda kur u qaadidda xirfadda howl-wadeenada Wasaaradda iyo in-qayb ay ka noqdaan Shirarka iyo Safarada Wasaaradda dalka dibadiisa ee heer kasta.
Gunnaanadkii, dhammaan Agaasimayasha Guud ee Wasaaradda heer Federaal iyo heer Dowlad Gobaleed waxa laysku raacay in qoryaasha kulankan la dardargaliyo fulintooda 3 bilood ee soo socota
DDSI 6da Juun 2026 Madaxweynaha DDS Mudane Mustafe Muxumed Cumar oo ay wehliyan hogaaminta sare ee DDS ayaa Gagida diyaaradaha Garaad wiil-waal ee magaalada Jigjiga kusoo dhaweeyay Wafti heer qaran iyo heer deegaan ah oo uu hogaaminayo Madaxweyne ku-xigeenka xisbiga Barwaaqo lehna awood Raysal'wasaare kuxigeen Mudane Aaden Faarax Ibrahim.
‎Waftigan ayaa inta ay ku sugan yihiin deegaanka waxay ka arinsan doonaan Arimo ahmiyad uleh qaranka.
Talyaaniga 6da Juun 2026 kornel Yaasiin Maxamed Dhuxulow ayaa si rasmi ah uga qalin-jabiyey Kulliyadda Istraajiyada Iyo Difaaca Dalka Talyaaniga.
Tani waa guul kale oo u soo hoyatay Ciidanka Xoogga Dalka Soomaaliyeed, iyadoo muujinaysa dadaalka iyo tayaynta hoggaanka sare ee Ciidanka Xoogga Dalka.
Kornel Yaasiin Maxamed Dhuxulow ayaa kamid noqonaya saraakiisha Soomaaliyeed ee helay tababar heer caalami ah, taasoo qeyb ka ah dadaallada lagu xoojinayo awoodda iyo aqoonta Ciidanka Xoogga Dalka Soomaaliyeed.
Sargaalkaan ayaa H**e waxaa uu tababaro kala duwan ugu soo qaatay Kulyadaha tababarada Ciidamada ee dalalka Suudaan&Qatar
Muqdisho 6da Juun 2026 Hay’adaha Qaramada Midoobay iyo ururrada ka shaqeeya arrimaha ilaalinta bulshada ayaa ka digay saameynta bani’aadantinimo ee ka dhalatay dagaalladii ka dhacay Muqdisho 3-dii iyo 4-tii Juun, iyagoo sheegay in rabshaduhu ay sababeen dhimasho, dhaawac iyo barakac baahsan.
Warbixin ay soo saareen Kooxda Ilaalinta Bulshada (Protection Cluster) iyo Hay’adda Qaxootiga Qaramada Midoobay (UNHCR) ayaa lagu sheegay in dagaalladu ay dhexmareen ciidamada Dowladda Federaalka Soomaaliya iyo koox hubeysan oo mucaaradka la xiriirta, kuwaas oo markii dambe ku fiday xaafado ay dadku aad u deggan yihiin.
Warbixintu waxay tilmaantay in dagaalladu saameeyeen degmooyinka Hodan, Howlwadaag, Cabdicasiis, Wardhiigley iyo qaybo ka mid ah Kaaraan.
Xogta hordhaca ah ayaa muujinaysa in ku dhowaad 12,500 qoys ay ka barakaceen guryahoodii, halka ugu yaraan 13 qof ay ku dhinteen iyo 189 kalena ay ku dhaawacmeen rabshadaha sida warbixinta Hay'adahaani kuxusan.
Hay’adaha ilaalinta bulshada ayaa sheegay in haweenka, carruurta, dadka da’da ah iyo dadka naafada ah ay yihiin kuwa ugu nugul saameynta colaadda, iyadoo qaar badan oo ka mid ah shacabka ay ku adkaatay inay ka baxaan goobihii dagaalka.
Warbixintu waxay sidoo kale xustay in burbur uu soo gaaray guryo iyo hanti rayid, halka barakaca degdegga ah uu kordhiyay khatarta hoy la’aanta, gaajada iyo helitaanka adeegyada aasaasiga ah.
Sidoo kale warbixinta waxa daaha looga qaaday in qaxootiga, magangelyo-doonka iyo bulshada nugul ay wajahayaan caqabado gaar ah, kuwaas oo ay ka mid yihiin xaddidaadaha dhaqdhaqaaqa, helitaanka adeegyada muhiimka ah iyo khatarta tacaddiyada iyo ka faa’iidaysiga xaaladdooda.
Hay’adaha Qaramada Midoobay ayaa ugu baaqay dhammaan dhinacyada isku haya colaadda inay ilaaliyaan shacabka rayidka ah, u hoggaansamaan shuruucda caalamiga ah ee bani’aadantinimada, isla markaana ay fududeeyaan gaarsiinta gargaarka bani’aadantinimo.
Warbixinta ayaa lagu soo gabagabeeyay in hay’adaha samafalka iyo kuwa ilaalinta bulshada ay sii wadi doonaan la socodka xaaladda, qiimeynta baahiyaha iyo bixinta warar dheeraad ah marka xog cusub la helo.
Digniintan ayaa kusoo beegmaysa iyadoo walaac xooggan laga muujinayo xaaladda amni iyo siyaasadeed ee Muqdisho, isla markaana ay socdaan baaqyo lagu dalbanayo in xiisadda lagu xalliyo wadahadal iyo is-afgarad siyaasadeed.
Muqdisho 6da Juun 2026 Ciidamada ammaanka ayaa ku guda jira howlgal lagu ururinayo hubkii sharci-darrada ahaa ee ay wateen maleeshiyaadkii soo weeraray Degmada Cabdicasiis ee Gobolka Banaadir, kuwaas oo lagu qariyey goobo kala duwan.
Hadaba, Dadweynaha Soomaaliyeed ee dagan Degnada Cabdicasiis iyo nawaaxigeeda waxaa lagu wargelinayaa inay la shaqeeyaan hay’adaha ammaanka ee gudanaya waajibaadkooda qaran, si loo xaqiijiyo amniga iyo xasilloonida bulshada.
Qofna lagama aqbali doono inuu gurigiisa ku keydiyo ama ku qariyo hub sharci-darro ah oo loogu talagalay in lagu carqaladeeyo amniga magaalada Muqdisho iyo kan guud ahaan dalka.
Hay’adaha ammaanku waxa ay ka qaadayaan talaabo adag oo sharcigu ogolaanayo cid kasta oo lagu helo inay ku lug leedahay kaydinta, qarinta ama fududeynta dhaqdhaqaaqa hub sharci-darro ah.
Muwaadin haddii aad aragto goob lagu qarinayo Hub sharcidarro ah fadlan gaarsii hay’adaha Amniga adiga oo wacaya 991ama 199

Goal-ka Xiga 20k Subscribers-Mahadsanidiin.My page ...

06/05/2026

WARARKA MAANTA 5ta Juun 2026
Su’aalaha Maanta: Yaa ka dhigay dalka adduunka ugu musugmaasuqa badan Dhuuso-Fooxiye Madaxweyne Xassan? Yaa si sharci-darro ah ku jooga Madaxtooyadda “Dhuuso-Fooxiye” Madaxweyne Xassan? Yaa maanta xirxiraaya qofkii runta sheega? Yaa diiday inuu dhiso maqaamka ? Maxay xukuummadda Kutaanta/Dhiqlaha” ee Raysal Wasaare Mudane Xamsa Cabdi Barre “OG-360 Dhaweeye” u amartay in muddo korarsi ah la sameeyo? Yaa noqday Madaxweyne iyo Raysal Wasaare ku fashilmay hogganka dalka maanta? Maxay beesha caalamka u diiday inay wax dhaqaallo ah iiso Dowladda Soomaaliya? Maxuu ku fashilmay Raysal Wasaare Mudane Xamsa Cabdi Barre “OG-360 Dhaweeye” oo ay xukuummaddiisa ku fashilantay hogganka dalka iyo la shaqaynta beesha caalamka taasoo dhaqaallihii u diiday inay siiso xukuummadda “Dhiqlaha/Kuntaanta? Yaa Soomaali iyo beesha caalamka la wadashaqayn kara? Ha wiqleyso!
Muqdisho 5ta Juun 2026 Ra’iisul Wasaaraha Xukuumadda Jamhuuriyadda Federaalka Soomaaliya, Mudane Xamsa Cabdi Barre, isaga oo ka duulaya Dastuurka Jamhuuriyadda Federaalka Soomaaliya, isla markaana gudanaya mas’uuliyadda dowladda ka saaran xuska maalmaha xorriyadda iyo midnimada dalka, waxa uu magacaabay Guddiga Qabanqaabada Maalmaha Xorriyadda iyo Midnimada ee sanad-guuradii 66-aad ee 26-ka Juun iyo 1-da Luulyo 1960.
Guddigan ayaa mas’uul ka noqon doona diyaarinta, isku-dubbaridka iyo hirgelinta munaasabadaha lagu xusayo maalmaha taariikhiga ah ee xorriyadda iyo midnimada Soomaaliya. Waajibaadyada kale ee guddiga waxaa ka mid ah xiriirinta hey’adaha dowladda iyo dhammaan dhinacyada kale ee ka qeyb qaadanaya dabaaldegyada, jaangoynta iyo maareynta kharashaadka ku baxaya xuska, magacaabista guddi heer farsamo ah oo abaabula munaasabadaha kala duwan, iyo sugidda amniga goobaha lagu qabanayo xafladaha iyo munaasabadaha la xiriira xuska.
Xubnaha Guddiga Qabanqaabada Maalmaha Xorriyadda iyo Midnimada ayaa kala ah:
1. Wasiir Cali Yuusuf Cali (Xoosh) – Guddoomiye
2. Wasiir Jeneraal Bashiir Maxamed Jaamac (Goobbe) – Xubin
3. Wasiir Maxamed Cabdi Xayir (Maareeye) – Xubin
4. Wasiir Khadiijo Maxamed Al-Makhzuumi – Xubin
5. Wasiir Xasan Xuseen Maxamed (Eelaay) – Xubin
6. Wasiir Axmed Macalin Fiqi – Xubin
7. Wasiir Cabdifataax Qaasim Maxamuud – Xubin
8. Wasiir Maxamed Cabdiqaadir Cali – Xubin
9. Wasiiru Dowlaha Xirsi Jaamac Gaani – Xubin
10. Wasiiru Dowlaha Maxamed Cali Xagaa – Xubin
11. Wasiiru Dowlaha Nuura Mustaf Guudoow – Xubin
12. Guddoomiye Xasan Maxamed Xuseen (Muungaab) – Xubin
13. Agaasime Maxamed Cabdiraxmaan Maxamed (Boolbool) – Xoghaye
Ra’iisul Wasaare Xamsa, ayaa guddiga faray in ay si dhow uga shaqeeyaan diyaarinta munaasabadaha xuska maalmaha xorriyadda iyo midnimada, si loo muujiyo qiimaha taariikheed ee maalmahan, loona xoojiyo dareenka waddaniyadda, midnimada iyo wadajirka shacabka Soomaaliyeed
Koonfur Galbeed 5ta Juun 2026 Xildhibaannada Baarlamaanka Dowlad Goboleedka Koonfur Galbeed ayaa Khamiistii doortay guddoon cusub oo hoggaamin doona Golaha Wakiillada, Dr. Mahad Maxamed Sheekh Xasan ayaa loo doortay Guddoomiyaha Baarlamaanka Koonfur Galbeed kadib markii uu helay 70 cod, halka musharraxii la tartamayay, Cabdixakiin Fiqi, uu helay 25 cod, sida lagu dhawaaqay natiijada rasmiga ah ee doorashada ka dhacday xarunta Baarlamaanka ee magaalada Baydhabo.
Sidoo kale, Aadan Xasan Maxamed (Osaama) ayaa loo doortay Guddoomiye Ku-xigeenka Koowaad isagoo helay 82 cod, halka Cabdirisaaq Xuseen Aadan uu helay 12 cod, Doorashada Guddoomiye Ku-xigeenka Labaadna waxaa ku guuleysatay Shamso Maxamed Yarow oo heshay 72 cod, iyadoo Ahlaam Cumar Maxamed ay heshay 21 cod.
Doorashadan ayaa dhammaystirtay hannaanka soo xulista hoggaanka Golaha Wakiillada Koonfur Galbeed, oo ah hay’adda sharci-dejinta ee maamulkaas.
Madaxweynaha Soomaaliya, Xasan Sheekh Maxamuud ayaa hambalyo u diray guddoonka cusub, isagoo sheegay in doorashadu ka tarjumeyso horumarka geeddi-socodka dimuqraadiyadda iyo dhismaha hay’adaha dowladnimada.
“Waxaan kalsooni ku qabaa inay si hufan, daacadnimo iyo xilkasnimo leh u gudan doonaan waajibaadka loo igmaday, isla markaana ay ka shaqeyn doonaan xoojinta shaqada Golaha Wakiillada iyo u adeegidda shacabka Koonfur Galbeed,” ayuu madaxweynuhu ku yiri qoraal uu soo saaray.
Guddoomiyaha Baarlamaanka ayaa ka mid ah xilalka ugu muhiimsan ee maamulka Koonfur Galbeed, isagoo masuul ka ah hoggaaminta fadhiyada Golaha, jihaynta howlaha sharci-dejinta iyo isku xirka xiriirka u dhexeeya hay’adaha maamulka gobolka iyo dowladda federaalka.
Koonfur Galbeed, oo ay ka kooban tahay gobollada Bay, Bakool iyo Shabeellaha Hoose, ayaa door muhiim ah ku leh siyaasadda iyo amniga Soomaaliya. Gobolka ayaa sidoo kale kamid ah meelaha ugu waaweyn ee ay ka socdaan howlgallada ka dhanka ah kooxda Al shabaab.
Doorashada guddoonka Baarlamaanka ayaa ku soo beegmaysa iyadoo ay sii kordhayaan xiisadaha siyaasadeed ee u dhexeeya dowladda federaalka iyo qaar ka mid ah mucaaradka, kuwaas oo isku khilaafsan arrimo ay ka mid yihiin nidaamka doorashada, wax-ka-beddellada dastuurka iyo qaabka awood qaybsiga dalka.
Degfmada Shiikh 5ta Juun 2026- Hal qof ayaa ku geeriyootay, halka qof kalena uu ku dhaawacmay mudaharaad maanta ka dhacay degmada Sheekh ee gobolka Saaxil ee Somaliland, sida ay sheegeen dadka deegaanka iyo goobjoogayaal
Mudaharaadkan ayaa ka dhashay xadhigga Suldaan Qabille oo dhawaan lagu xidhay degmada Mandheera ee gobolka Saaxil. Dadweyne ka cadhaysan xadhigga suldaanka ayaa isugu soo baxay magaalada, waxaana halkaasi ka dhacay isku dhac dhexmaray ciidamada ammaanka iyo dibadbaxayaasha.
Dadka deegaanka ayaa sheegay in haweenayda geeriyootay lagu magacaabi jiray Canab Cumar Jaamac, halka qof kale uu ku dhaawacmay rabshadihii la socday mudaharaadka.
Mid kamid ah dadka mudaharaadayay ayaa ku eedeeyay ciidamada ammaanka inay rasaas adeegsadeen, isaga oo sheegay in shacabka la beegsaday xilligii ay dibadbaxa samaynayeen.
Garyaqaan Guleed Dafac oo u ololeeya in booliiska dib u qaabayn lagu sameeyo ayaa ku baaqay in dhacdadan lagu sameeyo baadhitaan madax-bannaan, isaga oo sheegay in sharci ahaan awoodda ay booliisku adeegsanayaan ay tahay inay noqoto mid u dhiganta heerka khatarta ay la kulmayaan.
Mudaharaadkan ayaa ka dhashay xadhigga Suldaan Qabille oo dhawaan lagu xidhay degmada Mandheera ee gobolka Saaxil. Dadweyne ka cadhaysan xadhigga suldaanka ayaa isugu soo baxay magaalada, waxaana halkaasi ka dhacay isku dhac dhexmaray ciidamada ammaanka iyo dibadbaxayaasha.
Dadka deegaanka ayaa sheegay in haweenayda geeriyootay lagu magacaabi jiray Canab Cumar Jaamac, halka qof kale uu ku dhaawacmay rabshadihii la socday mudaharaadka.
Mid kamid ah dadka mudaharaadayay ayaa ku eedeeyay ciidamada ammaanka inay rasaas adeegsadeen, isaga oo sheegay in shacabka la beegsaday xilligii ay dibadbaxa samaynayeen.
Garyaqaan Guleed Dafac oo u ololeeya in booliiska dib u qaabayn lagu sameeyo ayaa ku baaqay in dhacdadan lagu sameeyo baadhitaan madax-bannaan, isaga oo sheegay in sharci ahaan awoodda ay booliisku adeegsanayaan ay tahay inay noqoto mid u dhiganta heerka khatarta ay la kulmayaan.
Muqdisho 5ta Juun 2026- Ra’iisul Wasaaraha Soomaaliya, Xamsa Cabdi Barre, ayaa magacaabay guddiga qabanqaabada munaasabadaha lagu xusayo sanad-guuradii 66-aad ee maalmaha xorriyadda iyo midnimada Soomaaliya ee 26-ka Juun iyo 1-da Luulyo.
Bayaan ka soo baxay xafiiska Ra’iisul Wasaaraha ayaa lagu sheegay in magacaabista guddigan ay ku saleysan tahay Dastuurka Jamhuuriyadda Federaalka iyo mas’uuliyadda dowladda ka saaran xuska maalmaha taariikhiga ah ee xorriyadda iyo midnimada dalka.
Guddiga ayaa loo xil saaray diyaarinta, isku-dubbaridka iyo hirgelinta munaasabadaha lagu xusayo maalmaha xorriyadda iyo midnimada, iyadoo sidoo kale uu ka shaqeyn doono xiriirinta hay’adaha dowladda iyo dhinacyada kale ee ka qeyb qaadanaya dabaaldegyada.
Waajibaadyada guddiga waxaa kale oo ka mid ah qorsheynta iyo maareynta kharashaadka ku baxaya xuska, magacaabista guddi farsamo oo abaabula munaasabadaha kala duwan, iyo sugidda amniga goobaha lagu qabanayo xafladaha la xiriira dabaaldegyada.
Guddiga cusub waxaa guddoomiye u ah Wasiirka Arrimaha gudaha, Cali Yuusuf Cali, (Cali Xoosh) halka xubnaha kale ay ka kooban yihiin wasiirro, wasiiru-dowlayaal iyo masuuliyiin kale oo ka tirsan dowladda federaalka.
Ra’iisul Wasaare Xamsa ayaa guddiga faray inay si dhow uga shaqeeyaan diyaarinta munaasabadaha xuska, si loo muujiyo qiimaha taariikheed ee maalmahan loona xoojiyo dareenka waddaniyadda, midnimada iyo wadajirka shacabka Soomaaliyeed.
Muqdisho 5ta Juun 2026 Ra’iisul Wasaarihii h**e ee Soomaaliya, Xasan Cali Khayre, ayaa sheegay in weerarkii ka dhacay hoygiisa magaalada Muqdisho uu ahaa “weerar beegsi ah” oo lagu doonayay in lagu dilo isaga iyo siyaasiyiin kale oo goobta ku sugnaa.
Khayre ayaa sheegay in weerarku billowday xilli ay hoygiisa ku sugnaayeen odayaal dhaqameed, siyaasiyiin, xildhibaanno iyo xubno kale oo ka qayb qaadanayay dadaallo lagu sheegay dhex-dhexaadin siyaasadeed.
“Hub kasta waa naloo adeegsaday, waxaana la isticmaalay hoobiyeyaal, diyaaradaha aan duuliyaha lahayn iyo rasaas culus. Weerarku wuxuu ahaa mid nalagu soo afjarayay,” ayuu yiri Khayre.
Sida uu sheegay, goobta waxaa ku sugnaa in ka badan 70 qof oo isugu jiray masuuliyiin iyo shacab, kuwaas oo uu sheegay inay halis galeen intii uu socday iska horimaadka.
Khayre ayaa sidoo kale sheegay in weerarku yimid xilli ay socdeen kulamo ay hormuud ka ahaayeen odayaal dhaqameed iyo siyaasiyiin uu sheegay inay ka shaqeynayeen xal u helidda khilaafaadka siyaasadeed ee dalka.
Ra’iisul Wasaarihii h**e ayaa ku eedeeyay madaxda dowladda federaalka inay mas’uul ka ahaayeen weerarka, isagoo sheegay in ciidamada loo adeegsaday si loo cabburiyo mucaaradka siyaasadeed.
Khayre ayaa sheegay in weerarku billowday xilli ay hoygiisa ku sugnaayeen odayaal dhaqameed, siyaasiyiin, xildhibaanno iyo xubno kale oo ka qayb qaadanayay dadaallo lagu sheegay dhex-dhexaadin siyaasadeed.
“Hub kasta waa naloo adeegsaday, waxaana la isticmaalay hoobiyeyaal, diyaaradaha aan duuliyaha lahayn iyo rasaas culus. Weerarku wuxuu ahaa mid nalagu soo afjarayay,” ayuu yiri Khayre.
Sida uu sheegay, goobta waxaa ku sugnaa in ka badan 70 qof oo isugu jiray masuuliyiin iyo shacab, kuwaas oo uu sheegay inay halis galeen intii uu socday iska horimaadka.
Khayre ayaa sidoo kale sheegay in weerarku yimid xilli ay socdeen kulamo ay hormuud ka ahaayeen odayaal dhaqameed iyo siyaasiyiin uu sheegay inay ka shaqeynayeen xal u helidda khilaafaadka siyaasadeed ee dalka.
Ra’iisul Wasaarihii h**e ayaa ku eedeeyay madaxda dowladda federaalka inay mas’uul ka ahaayeen weerarka, isagoo sheegay in ciidamada loo adeegsaday si loo cabburiyo mucaaradka siyaasadeed.

Nyd de videoer og den musik, du holder af, upload originalt indhold, og del det hele med venner, familie og verden på YouTube.

06/04/2026

WARARKA MAANTA 4ta Juun 2026
Su’aalaha Maanta: Maxay mucaaradka uga adkaadeen Ciidanka ? Yaa Madaxtooyadda xoog looga soo bixin doonaa June, 2026? Maxuu kashifay Madaxweyne h**e Mudane Shiikh Shariif? Yaa ka dhigay dalka adduunka ugu musugmaasuqa badan Dhuuso-Fooxiye Madaxweyne Xassan? Yaa si sharci-darro ah ku jooga Madaxtooyadda “Dhuuso-Fooxiye” Madaxweyne Xassan? Yaa maanta xirxiraaya qofkii runta sheega? Yaa diiday inuu dhiso maqaamka ? Maxay xukuummadda Kutaanta/Dhiqlaha” ee Raysal Wasaare Mudane Xamsa Cabdi Barre “OG-360 Dhaweeye” u amartay in muddo korarsi ah la sameeyo? Yaa noqday Madaxweyne iyo Raysal Wasaare ku fashilmay hogganka dalka maanta? Maxay beesha caalamka u diiday inay wax dhaqaallo ah iiso Dowladda Soomaaliya? Maxuu ku fashilmay Raysal Wasaare Mudane Xamsa Cabdi Barre “OG-360 Dhaweeye” oo ay xukuummaddiisa ku fashilantay hogganka dalka iyo la shaqaynta beesha caalamka taasoo dhaqaallihii u diiday inay siiso xukuummadda “Dhiqlaha/Kuntaanta? Yaa Soomaali iyo beesha caalamka la wadashaqayn kara? Ha wiqleyso!
Qardo 4taa Juun 2026 𝗕𝗔𝗔𝗤 𝗡𝗔𝗕𝗔𝗗𝗘𝗘𝗗
𝐓𝐚𝐚𝐫𝐢𝐢𝐤𝐡: 𝟒 𝐉𝐮𝐮𝐧 𝟐𝟎𝟐𝟔
Waxaan si weyn uga walaacsanahay dagaallada iyo rabshadaha ka socda magaalada Muqdisho, gaar ahaan degmooyinka Cabdicasiis iyo Hawlwadaag, kuwaas oo sababay dhimasho, dhaawac, barakac iyo cabsi soo wajahday shacabka rayidka ah.
Waxaan tacsi tiiraanyo leh u dirayaa dhammaan qoysaska ay dhibaatadu soo gaartay, waxaanan Alle uga baryayaa in uu caafimaad degdeg ah siiyo dhaawacyada, naxariistiisana uu ku mannaysto intii ku naf weyday dhacdooyinkan murugada leh.
Waxaan ugu baaqayaa dhammaan dhinacyada ku lugta leh colaaddan inay si degdeg ah u joojiyaan dagaalka, una ilaaliyaan badbaadada shacabka, hantida guud iyo xasilloonida caasimadda. Dhiigga Soomaaliyeed ma aha mid lagu xallin karo khilaafaadka siyaasadeed, mana jiro guul laga dhaxlo rabshad iyo iska horimaad hubeysan.
Waxaan adkeynayaa in kala aragti duwanaanta siyaasadeed ay tahay arrin dabiici ah, balse lagu xallin karo oo keliya wada-hadal, is-qancin, dulqaad iyo ixtiraamka sharciga. Sidaa darteed, waxaan ugu baaqayaa Dowladda Federaalka Soomaaliya, hoggaamiyeyaasha mucaaradka, odayaasha dhaqanka, culimada, bulshada rayidka ah iyo dhammaan saamileyda siyaasadda inay si degdeg ah u furaan wadahadal daacad ah oo lagu raadinayo xal waara.
Soomaaliya waxay u baahan tahay is-afgarad, isku duubni iyo aragti qaran oo ka sarreysa dano gaar ah. Waxaa lagama maarmaan ah in wixii la isku hayo lagu dhammeeyo miiska wada-hadalka, si looga hortago in xaaladdu sii xumaato oo ay saamayn ballaaran ku yeelato shacabka Soomaaliyeed.
Ugu dambayn, waxaan ku boorrinayaa dhammaan dhinacyada inay ka hormariyaan maslaxadda ummadda Soomaaliyeed dan kasta oo kale, isla markaana ay doortaan jidka nabadda, wada hadalka iyo isu tanaasulka.
𝙉𝙖𝙗𝙖𝙙𝙙𝙪 𝙬𝙖𝙖 𝙨𝙖𝙡𝙙𝙝𝙞𝙜𝙜𝙖 𝙝𝙤𝙧𝙪𝙢𝙖𝙧𝙠𝙖, 𝙬𝙖𝙙𝙖 𝙝𝙖𝙙𝙖𝙡𝙠𝙪𝙣𝙖 𝙬𝙖𝙖 𝙛𝙪𝙧𝙖𝙝𝙖 𝙭𝙖𝙡 𝙠𝙖𝙨𝙩𝙖
Muqdisho 4taa Juun 2026 Muqdisho, 4 June 2026 -Wargelin iyo Digniin Amni : Waxaa gabo-gabo ku dhow howlgal baaxad leh oo ay wadaan Hay’adaha Amniga Caasimadda, kaas oo lagu sifeynayo maleeshiyaad ku hubeysan hub culus, kuwaas oo hoobiyeyaal ku garaacay qaar ka mid ah xaafadaha caasimadda.
Maleeshiyaadkan oo ku sugan goobaha ay deggen yihiin xubno qaswadayaal ah oo isku sheegaya siyaasiyiin, kana soo horjeeda amniga iyo xasilloonida, isla markaana ka dambeeyay abaabulka falalkan, ayaa hoobiyeyaal ku weeraray xaafado ay ku nool yihiin dad rayid ah.
Shacabka waxaa lagu wargelinayaa in aysan jirin bannaanbaxyo nabadeed oo, balse ay jirto dhacdo hubeysan oo ay Hay’adaha Amnigu ku howlan yihiin afjariddeeda.
Sidaas awgeed, bulshada waxaa loogu baaqayaa inay ka feejignaadaan falalka abaabulan ee hubeysan ee lidka ku ah amniga iyo xasilloonida, isla markaana ay la shaqeeyaan Hay’adaha Amniga si loo xaqiijiyo amni iyo xasillooni buuxda.
Hay’adaha Amniga ayaa sidoo kale wada howlgallo joogto ah oo lagu soo afjarayo maleeshiyaadkan hubeysan, iyadoo cid kasta oo ku lug leh falalkan si degdeg ah loo horgeyn doono sharciga.
DHAMMAAD
Muqdisho 4taa Juun 2026 Dowladda Federaalka Soomaaliya ayaa ku eedeysay ra’iisul wasaarihii h**e ee dalka Xasan Cali Khayre inuu abaabulay maleeshiyaad hubeysan oo weerar ku qaaday xarun ay leeyihiin ciidamada booliska degmada Howlwadaag ee magaalada Muqdisho
War-saxaafadeed ay soo saartay Wasaaradda Warfaafinta, Dhaqanka iyo Dalxiiska ayaa lagu sheegay in kooxo hubeysan oo wejiyada soo duubtay ay ku lug lahaayeen dhacdo amni oo galabnimadii Arbacada maanta ka dhacday degmada Howlwadaag, taasoo dowladda ku tilmaantay mid khatar ku ah amniga caasimadda.
Sida lagu sheegay bayaanka, maleeshiyaadka ayaa watay hub culus, waxaana lagu eedeeyay inay si toos ah u beegsadeen xarun boolis. Dowladda ayaa sidoo kale sheegtay in rasaas ay kooxdu adeegsatay ay ku dhacday xaafado ay degan yihiin dad rayid ah.
Mas’uuliyiinta federaalka ayaa cambaareeyay dhacdada, iyagoo sheegay inaan la aqbali doonin isku day kasta oo lagu carqaladeynayo shaqada hay’adaha amniga ama lagu wiiqayo xasilloonida Muqdisho.
“Dowladda Federaalka Soomaaliya waxay mar kale ku celinaysaa in aan la aqbali doonin isku day kasta oo lagu wiiqayo amniga caasimadda, lagu carqaladeynayo shaqada ciidamada ammaanka, ama lagu abuurayo cabsi iyo qalalaase,” ayaa lagu yiri war-saxaafadeedka.
Dowladdu waxay sheegtay in hay’adaha amniga ay bilaabeen baaritaan rasmi ah oo ku saabsan dhacdada, iyadoo la ballanqaaday in tallaabo sharci ah laga qaadi doono cid kasta oo lagu helo inay ku lug lahayd.
Ra’iisul Wasaarihii h**e Xasan Cali Khayre ayaa dhankiisa dowladda Federaalka ku eedeeyay inay weerar ku soo qaadday xilli uu hoygiisa kula shirayay ugaaska iyo odayaasha dhaqanka beesha Murusade.
Qoraal uu soo saaray ayuu ku sheegay in weerarku dhacay iyagoo isku diyaarinayay bannaanbax mucaaradku ku baaqeen inuu ka dhaco Muqdisho maalinta Khamiista.
Muqdisho 4taa Juun 2026 Madaxweynihii h**e ee Soomaaliya, Shariif Sheekh Axmed, ayaa madaxweyne Xasan Sheikh Maxamuud ku eedeeyay inuu ciidamada qaranka u adeegsanayo arrimo siyaasadeed.
Shariif Sheikh Axmed ayaa shir jaraa'id ku sheegay in dowladdu ciidamo badan ay geeysay gurigiisa iyo agagaarkiisa xilli ay mucaaradku ku jiraan abaabul mudaharaadyo lagu qabanayo magaalada Muqdisho.
Shariif ayaa sheegay in mudaharaadku yahay xuquuq dastuuriyan la dammaanad qaaday, isla markaana aanay jirin cid awood u leh inay si sharci ah u mamnuucdo haddii uu u dhacayo si nabad ah.
“Ciidamada qaranka waxaa loo sameeyay difaaca dalka iyo la dagaallanka cadowga, mana aha in loo adeegsado cadaadis siyaasadeed,” ayuu yiri Shariif.
Waxa uu sidoo kale sheegay in dadka taageerayaashiisa ah laga hor istaagay dhaqdhaqaaqooda, booqashooyinka iyo marin u helidda gurigiisa, tallaabooyinkaasi oo uu ku tilmaamay kuwo ka hor imaanaya xorriyadaha dastuuriga ah.
Hadalka madaxweynihii h**e ayaa kusoo beegmaya iyadoo caawa qeybo kamid ah magaalada Muqdisho ay ka jiraan xiisado colaadeed oo u dhaxeeya ciidamada dowladda iyo kuwa mucaaradka. Rasaas xooggan ayaa laga maqlayaa xaafadaha ay deggen yihiin mucaaradka. Sidoo kale hoobiyayaal aan la ogayn cidda tuurtay ayaa waxyeelo u geysatay dad rayid ah.
Mucaaradka ayaa madaxweyne Xasan Sheikh ku eedeeyay inuu ku amray ciidamada Dowladda Federaalka inay mucaaradka guryahooda ku xayiraan si looga hor istaago mudaharaadka ay berito qabanayaan, kaasoo la filayo inuu ka xoog badan yahay kuwii h**e.
Muqdisho 4taa Juun 2026 Dowlad Goboleedka Jubaland ayaa si adag u cambaareysay weerarradii iyo falalkii amni ee lagu beegsaday madax h**e oo ka tirsaneyd dowladda federaalka, iyadoo ku tilmaantay dhacdooyin halis ku ah xasilloonida siyaasadeed iyo geeddi-socodka dimuqraadiyadda dalka.
War-saxaafadeed ay soo saartay Madaxtooyada Jubaland ayaa lagu sheegay in Madaxweynaha Soomaaliya, Xasan Sheekh Maxamuud, lagu eedeeyay inuu mas’uul ka yahay tallaabooyinka ka dhanka ah madaxda mucaaradka, kuwaas oo ay ka mid yihiin Madaxweynihii h**e Sheekh Shariif Sheekh Axmed iyo Ra’iisul Wasaarihii h**e Xasan Cali Khayre.
Jubaland waxay sheegtay in labada siyaasi ay wadeen kulan nabadeed, halka hoyga Xasan Cali Khayre, uu shir kula jiray odayaal dhaqameed iyo waxgarad ku howlanaa dadaallo lagu dejinayo xiisadaha siyaasadeed ee taagan.
Maamulka Jubaland ayaa sidoo kale walaac ka muujiyay waxa uu ku tilmaamay caburin lagu hayo xorriyadaha aasaasiga ah, gaar ahaan xuquuqda muwaadiniinta ee isu soo baxa, aragti dhiibashada iyo ka qeybgalka arrimaha siyaasadda.
War-saxaafadeedka ayaa lagu xusay in tallaabooyinka noocan ah ay ka hor imanayaan mabaadi’da dastuuriga ah iyo hannaanka dowladnimo ee ku dhisan wada-tashiga, isla markaana ay sii hurin karaan khilaafaadka siyaasadeed ee dalka ka jira.
Dhanka kale, Jubaland waxay sheegtay in muddo dheer ay ku baaqaysay in xal waara loo helo khilaafaadka siyaasadeed ee Soomaaliya, iyadoo ku celisay muhiimadda ay leedahay in dhinacyada is haya ay miiska wada-hadalka ku xalliyaan kala aragti duwanaanshahooda.
Muqdisho 4taa Juun 2026 Madaxweynihii h**e ee Soomaaliya Maxamed Cabdullaahi Farmaajo ayaa ugu baaqay Madaxweyne Xasan Sheekh Maxamuud inuu joojiyo dagaallada ka socda Muqdisho isla markaana dib loogu laabto wada-hadal siyaasadeed si xal loogu helo khilaafka taagan.
Khudbad uu shacabka Soomaaliyeed kula hadlay Farmaajo ayaa ku sheegay in xaaladda dalka ay gashay marxalad adag, isagoo xusay in dagaallada ka dhacay caasimadda ay sababeen dhimasho, dhaawac iyo barakac ballaaran.
Farmaajo ayaa sheegay in muddo dheer laga digayay in xaaladdu halkaas gaarto, isagoo ku eedeeyay Xasan Sheekh Maxamuud inuu qaaday tallaabooyin horseeday xiisadaha iyo iska horimaadyada hadda ka socda Muqdisho.
Madaxweynihii h**e ayaa si gaar ah uga hadlay weerarkii lagu qaaday hoyga Madaxweynihii h**e Sheekh Shariif Sheekh Axmed, isagoo sheegay in goobtaas ay ku sugnaayeen mas’uuliyiin, odayaal dhaqameed iyo xubno kale oo ku howlanaa dadaallo lagu raadinayay xal siyaasadeed.
Sidoo kale wuxuu sheegay in shacabka ku nool deegaannada ay colaadaha saameeyeen ay la kulmeen cabsi iyo barakac, isagoo tacsi u diray qoysaska dadka ku dhintay dagaallada, una duceeyay dhaawacyada iyo dadka ka barakacay guryahooda.
Farmaajo ayaa difaacay muddadii uu xilka hayay, isagoo sheegay inuusan hal sano ku darsan muddo xileedkiisii, balse ay jireen heshiisyo siyaasadeed iyo dadaallo lagu gaari lahaa doorasho heshiis lagu yahay.
Wuxuu sidoo kale ku eedeeyay Xasan Sheekh Maxamuud inuu iska dhego tiray baaqyo iyo waanooyin badan oo ku saabsanaa dastuurka, hannaanka doorashooyinka iyo baahida loo qabo wadatashi siyaasadeed oo loo dhan yahay.
Madaxweynihii h**e ayaa sheegay in xal waara lagu gaari karo oo keliya wada-hadal iyo is-afgarad, isagoo ugu baaqay dhammaan dhinacyada inay dib ugu soo laabtaan miiska wada-hadalka si looga hortago sii socoshada colaadaha.
Dhanka kale, Farmaajo ayaa farriin u diray Ciidamada Qalabka Sida, isagoo ugu baaqay inay ilaaliyaan waajibaadkooda qaran islamarkaana aysan qayb ka noqon khilaafaadka siyaasadeed ee dalka ka jira.

Muqdisho 4taa Juun 2026 Dowladda Boqortooyada Midowday (UK) ayaa sheegtay inay si weyn uga walaacsan tahay wararka ku saabsan rabshadaha iyo iska horimaadyada ka socda Muqdisho, iyadoo ugu baaqday dhinacyada isku haya khilaafka inay muujiyaan is-xakameyn iyo dulqaad.
Qoraal ay daabacday Safaaradda UK ee Soomaaliya ayaa lagu sheegay in rabshaduhu yihiin kuwo aan la aqbali karin, islamarkaana loo baahan yahay in dhammaan dhinacyadu ka fogaadaan tallaabooyin sii hurin kara xiisadda.
“Rabshaduhu waa wax aan la aqbali karin. Waxaan ugu baaqeynaa dhammaan dhinacyada inay muujiyaan is-xakameyn isla markaana ay galaan wada-hadal loo dhan yahay oo wax-ku-ool ah si xiisadaha loogu xalliyo si nabad ah,” ayaa lagu yiri bayaanka.
Baaqa UK ayaa ku soo beegmaya xilli ay Muqdisho ka jiraan xiisado siyaasadeed iyo amni oo sii xoogeysanaya, kuwaas oo sababay walaac gudaha iyo dibaddaba ah.
Dowladaha iyo saaxiibbada caalamiga ah ee Soomaaliya ayaa maalmihii la soo dhaafay ku celcelinayay baaqyo ku aaddan in khilaafaadka siyaasadeed lagu xalliyo wada-hadal, si looga hortago in xaaladdu isu beddesho qalalaase ballaaran oo saameeya amniga iyo xasilloonida dalka.

Muqdisho 4taa Juun 2026 Dowladda Mareykanka ayaa ka digtay in tallaabooyinka la qaado saacadaha iyo maalmaha soo socda ay saameyn weyn ku yeelan karaan amniga, midnimada iyo mustaqbalka Soomaaliya, iyadoo ay sii xoogeysanayaan xiisadaha iyo dagaallada ka socda caasimadda Muqdisho
Qoraal ay soo saartay Safaaradda Mareykanka ee Soomaaliya ayaa lagu sheegay in rabshadaha ka socda Muqdisho ay yihiin kuwo halis ku ah xasilloonida dalka, isla markaana loo baahan yahay in dhinacyada siyaasadda ay mudnaanta siiyaan xal nabadeed.
“Rabshadaha ka socda Muqdisho waa kuwo aan laga fiirsan. Hoggaamiyeyaasha Soomaaliyeed ee dhammaan dhinacyadu waxay mas’uuliyad ka saaran tahay ilaalinta xasilloonida iyo in khilaafaadka lagu xalliyo hab nabadeed,” ayaa lagu yiri bayaanka.
Safaaraddu waxay intaas ku dartay in go’aannada la qaato saacadaha iyo maalmaha soo socda ay yeelan karaan cawaaqib muddo dheer saameeya amniga, wadajirka iyo jihada mustaqbalka ee Soomaaliya.
Digniinta Mareykanka ayaa ku soo beegmaysa xilli ay Muqdisho ka socdaan iska horimaadyo iyo xiisado siyaasadeed oo sii kordhaya, kuwaas oo walaac ka abuuray xaaladda amni iyo xasillooni ee caasimadda.

Enjoy the videos and music that you love, upload original content and share it all with friends, family and the world on YouTube.

Address

Washington D.C., DC

Telephone

+12028485280

Website

http://www.somalimediaempire.com/

Alerts

Be the first to know and let us send you an email when SNTV posts news and promotions. Your email address will not be used for any other purpose, and you can unsubscribe at any time.

SNTV