07/24/2026
លោក ថាច់ វៀន អតីតអធិបតី នៃ សហព័ន្ធខ្មែរកម្ពុជាក្រោម ផ្ញើសារសរសើរ និងជូនពរអធិបតី និង គណៈកម្មការនាយក នៃ សហព័ន្ធខ្មែរកម្ពុជាក្រោម ដែលទើបជាប់ឆ្នោតអាណត្តិថ្មី.................................
💙💛❤️នៅថ្ងៃទី ២៣ ខែកក្កដា នេះ ពីទីក្រុងប៉ារិស ប្រទេសបារាំង លោក ថាច់ វៀន ជាអតីតអធិបតី នៃ សហព័ន្ធខ្មែរកម្ពុជាក្រោម បានផ្ញើសារអ៊ីម៉ែល ជូនចំពោះ លោក សឺន ហួរ ជាអធិបតីបច្ចុប្បន្ន នៃ សហព័ន្ធខ្មែរកម្ពុជាក្រោម ដើម្បីសម្ដែងនូវសេចក្ដីសរសើរ និងជូនពរដល់ លោក សឺន ហួរ និង គណៈកម្មការនាយកទាំងអស់នៅក្នុងអាណត្តិថ្មី ដែលទើបតែបានជាប់ឆ្នោតនៅក្នុង មហាសន្និបាតពិភពលោក លើកទី ១២ នៃ សហព័ន្ធខ្មែរកម្ពុជាក្រោម នាពេលថ្មីៗនេះ ។ សារអ៊ីម៉ែលមានខ្លឹមសារ ទាំងស្រុងថា៖"
📧លោកអធិបតី ជាទីមេត្រី, ខ្ញុំសង្ឃឹមថា លោក និងគ្រួសារបានប្រកបដោយសេចក្តីសុខសប្បាយ ។ ខ្ញុំសរសេរមកនេះដើម្បីសម្ដែងនូវសេចក្តីសរសើរដល់លោក ដែលបានទទួលឆ្នោតទុកចិត្តពីគណកម្មការនាយក ជាអធិបតីថ្មី នៃ សហព័ន្ធខ្មែរកម្ពុជាក្រោម មួយអាណត្តិតទៅមុខទៀត ។ នេះបង្ហាញឲ្យឃើញថា សមាជិកមានការទុកចិត្តចំពោះស្នាដៃរបស់លោក កាលពីអាណត្តិកន្លងទៅហើយ ។ ជាមួយគ្នានេះ ខ្ញុំក៏សុំផ្តាំផ្ញើសួរសុខទុក្ខ និងផ្ញើសេចក្តីសរសើរដល់សមាជិក គណកម្មការនាយក នៃ សហព័ន្ធខ្មែរកម្ពុជាក្រោម ទាំងអស់គ្នា ចំពោះជោគជ័យ នៃការជាប់ឆ្នោតក្នុងអាណត្តិថ្មីនេះ ព្រមទាំងគ្រួសារ ឲ្យបានប្រកបតែនិងពុទ្ធពរទាំងបួនប្រការកុំបីឃ្លៀងឃ្លាតឡើយ ។ ខ្ញុំសូមសម្ដែងសេចក្តីសោកស្តាយនៃការដែលមិនបានមកចូលរួម មហាសន្និបាតសហព័ន្ធ កន្លងទៅនេះ ដោយសារបញ្ហាសុខភាព ។ ដោយសេចក្តីស្រឡាញ់រាប់អាន, ពីខ្ញុំ ថាច់ វៀន" ។
