Somali Wired News, Washington D.C., DC (2025)

http://www.somaliwirednews.com/

http://www.somalimediaempire.com/
http://www.somalimediaempire.so/

06/24/2025

WARARKA MAANTA Juun 24, 2025 Sir Culus!
Su’aalaha Maanta: Yaa diiday inuu sameeyo Maxkammadda Dastuuriga ah Madaxweyne Mudane Xassan Shiikh “Dhuuso-Fooxiye”? Yaa diiday inuu sameeyo maqaamka Madaxweyne Mudane Xassan Shiikh “Dhuuso-Fooxiye”? Yaa ogolaaday inay qoysaskiis iyo qaraabadiisa inay dhacaan hantida dadweynaha Madaxweyne Mudane Xassan Shiikh “Dhuuso-Fooxiye”? Yaa maanta diidan inay shiraan mucaaradka Madaxweyne Mudane Xassan Shiikh “Dhuuso-Fooxiye”? Yaa wakhtiga ka dhammaan rabaa oo doorasho cod iyo qof qaban doona Madaxweyne Mudane Xassan Shiikh “Dhuuso-Fooxiye”? Yaa beddelay Taliyaha Nabad Sugida laba jeer Madaxweyne Mudane Xassan Shiikh “Dhuuso-Fooxiye”? Yaa baabi’iyey Ciidanka Xoogga Dalka Madaxweyne Mudane Xassan Shiikh “Dhuuso-Fooxiye”? Ha Wiqleyso!
Muqdisho Juun 24, 2025 Wasaaradda Arrimaha Dibadda iyo Iskaashiga Caalamiga ah ee Soomaaliya ayaa si kulul u cambaaraysay weerarka ay Iran ku qaadday dalka Qatar, iyadoo ku sheegtay inuu yahay xadgudub cad oo ka dhan ah sharciga caalamiga ah, islamarkaana uu khatar weyn ku yahay nabadda iyo xasilloonida gobolka.
Sida lagu sheegay bayaan rasmi ah oo kasoo baxay wasaaradda, Soomaaliya waxay si buuxda ula garab taagan tahay dowladda Qatar, iyadoo muujisay taageeradeeda joogtada ah ee madax-bannaanida, amniga iyo midnimada dhuleed ee Qatar.
Bayaan ayaa sidoo kale xusay in Soomaaliya ay weli u taagan tahay ilaalinta nidaamka caalamiga ah ee ku saleysan ixtiraamka madax-bannaanida dalalka, dhowrista xuduudaha, iyo xallinta khilaafaadka iyadoo la adeegsanayo wadahadal iyo is-faham.
“Jamhuuriyadda Federaalka Soomaaliya waxa ay si buuxda u garab taagan tahay dowladda iyo shacabka dowladda aan walaalaha nahay ee Qatar, waxayna xaqiijineysaa in ay si hagar la’aan ah u garab taagan tahay madaxbannaanida, amniga, iyo wadajirka dhuleed ee Qatar. Soomaaliya waxa ay ku adkaysanaysaa inay ka go'an tahay nidaam caalami ah oo ku salaysan xeerar, kaas oo ku qotoma ixtiraamka madaxbannaanida qaranka, ku xad-gudubka xuduudaha, iyo xallinta khilaafaadka si nabad ah wadahadal iyo isfahan,” ayaa lagu yiri war-saxaafadeed ay sii deysay Wasaaradda Arrimaha Dibadda Soomaaliya.
Wasaaradda ayaa ugu dambayn ku baaqday in dhammaan dhinacyadu muujiyaan is-xakameyn, waxayna ugu yeertay beesha caalamka inay si mideysan u garab istaagto dadaallada lagu ilaalinayo nabadda iyo qaddarinta madax-bannaanida dowladaha.
Weerarkii ay Iran ku qaaday saldhigga milatari ee Al Udeid ee dalka Qatar ma geysan wax khasaare ah, sida ay sheegtay dowladda Qatar. Mas’uuliyiintu waxay xaqiijiyeen in gantaalladii Iran ay soo ridday la qabtay oo la burburiyay intaysan gaarin bartilmaameedkoodii. Xaaladda gobolka ayaa weli kacsan iyadoo weli cabsi laga qabo dagaal ballaaran.
Qaraxyo ayaa laga maqlay dalka Qatar, sida ay sheegeen warbaahino kala duwan, sawirrana waxay muujinayeen gantaallo dul maraya caasimadda Qatar ee Doha.
Maraykanka Juun 24, 2025 Madaxweynaha Mareykanka Donald Trump ayaa ku dhawaaqay in xabad joojin rasmi ah la gaadhay, taasoo dhex martay dalalka Israa’iil iyo Iran, kadib 12 maalmood oo dagaal xoogan ah oo gobolka Bariga Dhexe gilgilay socday. Trump ayaa sheegay in heshiiska xabad joojintu u dhici doono si tillaabo-tillaabo ah muddo 24 saacadood gudahood ah.
Trump ayaa qoraal uu soo dhigay baraha bulshada ku yidhi:“Waxay isku raaceen Israa'iil iyo Iran in ay xabad joojin buuxda gaadhaan qiyaastii 6 saacadood imika kadib."
Heshiiskan ayaa yimid kadib weerar gantaallo ah oo Iran ku qaaday saldhigga weyn ee ciidamada Mareykanka ee Al Udeid ee ku yaalla magaalada Doxa ee dalka Qatar. Iran ayaa sheegtay in weerarkani uu ahaa aargoosi ku wajahan duqeyntii Mareykanku uu Axaddii la beegsaday xarumaha nukliyeerka ee ku yaalla gudaha Iran ee Fordow, Natanz iyo Isfahan.
Qatar Oo Ka Hadashay Weerarka Iran Ayaa ku Tilmaantay Xadgudub Ka Dhan ah Madaxbannaanideeda
Dowladda Qatar ayaa cambaareysay weerarka Iran ku qaaday dhulkeeda, iyadoo ku tilmaantay inuu xadgudub ku yahay madax-bannaanideeda. Dowladda Qatar waxay sheegtay in ay "xaqq u leedahay in ay ka jawaabto" weerarka Iran, waxayna xaqiijisay in nidaamka difaaca cirka ee dalkeedu uu ku guuleystay in uu soo rido badanka gantaalada lasoo tuuray. Lama soo sheegin wax khasaare ah oo nafeed ama dhaawac ah.
Saxafiga Dorsa Jabbari oo ka tirsan Al Jazeera ayaa sheegay in Qatar ay ahayd “badhtilmaameedka muuqda” ee Iran, maadaama ay hoy u tahay saldhigga ugu weyn ee Mareykanku ku leeyahay Bariga Dhexe. Iran ayaa sidoo kale weerartay saldhiga Maraykanka ee dalka Ciraaq.
Waa Sidee Xaaladda Iran Iyo Israa’iil Kadib Xabad Joojinta uu Trump ku Dhawaaqay?
Kadib markii Trump uu ku dhawaaqay xabad joojinta dowlada Iran ayaa dhankeeda si dadban ugu dhawaaqday in ay xabada joojisay, "Hawlgalkii milateri ee ciidamadayada awooda badan waxay Israa'iil ku ciqaabeen gardaradeedii ilaa saacadii u danbaysay oo ah 4 subaxnimo" Wasiirka Arrimaha Dibadda Iran, Sayyed Cabas Araghchi, ayaa sida ku yidhi qoraal uu ku baahiyay bartiisa X.

"Inaga oo isku duuban waxaynu u mahadcelinaynaa ciidamadeena geesiyaasha ah, ee u taagnaa in ay difaacaan dhulkeena qaaliga ah ilaa ay dhibicdooda dhiiga ah ee u danbaysa ay dhulka ku dhacayso, kuwaas oo ka jawaabay dagaalkasta oo uu cadawgu soo qaaday ilaa daqiiqadii u danbaysay."
Dhanka Israa'iil wali wax war ah oo rasmi ah k**a soo bixin, taasoo keenaysa shaki ku saabsan sida uu heshiisku u dhaqan gali doono. Warbaahinta Iran, gaar ahaan wakaaladda Tasnim, ayaa sheegtay in isla xalay la maqlay dhowr qarax oo ka dhacay caasimadda Tehran iyo magaalada Karaj. Sidoo kale, laamaha ammaanka Iran ayaa hawlgaliyay nidaamka difaaca cirka, iyadoo warbixintu sheegtay in diyaarado dagaal oo Israa’iili leedahay ay weerarro cusub ku qaadeen Iran.
Warbaahinta gudaha Iran waxay sidoo kale sheegtay in qaar kamid ah diyaaraddaha aan duuliyaha lahayn ee Israa’iil lagu soo riday hawada sare ee Tehran. Dhanka kale, Israa’iil ayaa sii wadda duqeymo ay ka gaysanayso Qasa, iyadoo la xaqiijiyay dhimashada ugu yaraan 43 qof oo ay ku jiraan 13 qof oo sugayay gargaar bini’aadanimo, sida ay qortay Al Jazeera.
Falcelinta Dalalka Gobolka ee Weerarka Iraan Ku Qaaday Saldhigayada Maraykanka
Weerarka Iran ay ku qaaday saldhiggyada Mareykanka ee Qatar iyo Ciraaq ayaa si weyn looga falceliyay. Dalal dhowr ah oo ay ka mid yihiin: Soomaaliya, Baxrayn, Kuwayt, Cumaan, Qatar, Sacuudiga, Imaaraadka, Masar, Morocco, Urdun, Lubnaan, Turkiga, Yemen (dowladda rasmiga ah, ee aan ahayn Xuutiyiinta), iyo Falastiin (ma ahan Xamaas) ayaa si rasmi ah u cambaareeyay tallaabada Iran, iyagoo ugu yeedhay "mid halis ku ah xasilloonida gobolka".
Inkasta oo Trump uu sheegayo guul diblomaasiyadeed iyo dhammaad dagaal, haddana xaaladdu wali waa mid kacsan, iyadoo labada dhinac ee Isra’iil iyo Iran aanay weli si rasmi ah u xaqiijin heshiiska xabad joojinta. Dadka ku dhaqan gobolka, gaar ahaan gudaha Iran iyo Israa’iil, wali waxay wajahayaan cabsi iyo qalalaase, iyadoo xaaladdu u muuqato mid wali halis ah haddii heshiiska xabad joojinta aanu dhaqangal noqonin.
Puntland Juun 24, 2025 Puntland ayaa sheegtay in aysan jirin xarumo gaar ah oo lagu dhaqan celiyo maxaabiista da’da yar ee kasoo goosta ama laga soo qabto kooxaha Shabaab iyo Daacish.
Wasiirka Caddaaladda Puntland, Maxamed Cabdiwahaab Axmed, oo hortegay Baarlamaanka Puntland, ayaa sheegay in dhalinyaradaasi lagu hayo xabsiyada caadiga ah ee Puntland, sababo la xiriira khatarta ay ku yihiin amniga.
Wasiirka ayaa xusay in dhalinyarada ka tirsan Shabaab iyo Daacish ay yihiin kuwo si heer sare ah u tababaran, kana mid yihiin dagaalyahannada ugu khatarsan. Wuxuu sheegay in dadkaasi aan lagu ilaalin karin xarumo gaar ah ama guryo caadi ah, maaddaama sida uu sheegay ay khatar weyn ku yihiin nabadgelyada guud.
“Dadka la leeyahay hala dhaqan celiyo waa dad ‘militant’ ah, oo tababar ciidan qaba, xirfadlayaal ah. Hal qof oo iyaga kamid ah ayaa awood u leh inuu la dagaalamo shan askari. Qaar kamid ah waa gacan ku dhiigleyaal dilay 20 qof, halka kuwo kalena ay awood u leeyihiin inay qaraxyo farsameeyaan. Ma ahan dad guri caadi ah lagu hayn karo,” ayuu yiri Wasiirka Caddaaladda.
Hadalka wasiirka ayaa yimid kaddib markii qaar ka mid ah xubnaha Baarlamaanka Puntland ay kormeer ku tageen qaar kamid ah xabsiyada, halkaas oo ay kusoo arkeen dhalinyaro h**ey uga tirsanaa kooxaha Shabaab iyo Daacish. Xildhibaanada ayaa sheegay in maxaabiistaasi u baahan yihiin xarumo gaar ah oo lagu dhaqan celiyo.
Sannadkii 2018, Ugu yaraan 10 katirsan maxaabiis Al-Shabaab ah ayaa ka baxsaday xarun dhaqancelin oo kutaala magaalada Garoowe. Maxaabiistaas ayaa kamid ahaa kuwii lagu qabtay dagaaladii Suuj iyo Garmaal ee 2016, kuwaas oo u badnaa dhalinyaro aad u da'yar.

Qatar Juun 24, 2025 Madaxweyneyaashii h**e ee Soomaaliya Maxamed Cabdullaahi Farmaajo iyo Shariif Sheekh Axmed ayaa si gaar ah u kala cambaareeyay weerarkii Xalay Iran ku qaaday Saldhiga Mareykanka uu ku leeyahay dalka Qatar.
Labada madaxweyne ayaa soo saaray qoraalo ay ku muujinayaan sida ay uga xun yihiin weerarka Iran ku qaaday dalka Qatar, iyagoona ku tilmaamay weerarkaas talaabo aan la aqbali karin oo wax u dhimaysa xasiloonida gobolka.
Madaxweynahii h**e ee dalka Soomaaliya Maxamed Cabdullaahi Farmaajo ayaa qoraal uu soo dhigay bartiisa Facebook ku sheegay in weerarka Iran ee Qatar uu yahay mid xadgudub ku ah Sharciga Caalamiga ah.
“Waxaan si adag u cambaareynayaa weerarka gardarada ee Iran kay qaaday maanta dalka Qatar. In gantaalada lagu weerarro dalka nabdoon ee Qatar waaku xadgudub sharciga caalamiga ah. Waxa kale oo ay khatar gelinaysaa inay kasii darto xiisadaha ka taagan gobolka iyo caalamka. Iran waa inay ka gaabsato falalkan sharci darrada ah" ayuu yiri Maxamed Cabdullaahi Farmaajo.
Shariif Sheekh Axmed Madaxweynihii h**e ee Soomaaliya ayaa dhankiisa war qoraal ah uu soo dhigay bartiisa X ku sheegay inuu si weyn u camabaareynayo weerarka gantaalada ahaa ee iran ku qaaday dalka Qatar.
"Waxaan si adag u cambaareynayaa duullaanka gardarrada ah ee Iran ay ku hayso dhulka dawladda aan walaalaha nahay ee Qadar, taasoo xadgudub cad ku ah Axdiga Qaramada Midoobay iyo mabaadi'da qaanuunka caalamiga ah. Waxaan rabaa inaan caddeeyo in shacabka Soomaaliyeed ay garab taagan yihiin dowladda Qatar iyo shacabkeedaba, si ay u difaacdaan qaranimadeeda iyo wadajirkeeda dhuleed, iyagoo rajeynaya in amniga iyo xasiloonida gobolka ay kusoo noqdaan" ayuu yiri madaxweyne h**e Shariif Sheekh Axmed.
Cambaareynta madaxdii h**e ee dalka ayaa kusoo aadeysa, iyadoo sidoo kale dowladda Soomaaliya ay si adag u cambaareysay weerarkii Xalay dowladda Iran ku beegsatay Saldhiga Mareykanku ku leeyahay dalka Qatar.
Muqdisho Juun 24, 2025 Wasaaradda Arrimaha Dibadda iyo Iskaashiga Caalamiga ah ee Soomaaliya ayaa si kulul u cambaaraysay weerarka ay Iran ku qaadday dalka Qatar, iyadoo ku sheegtay inuu yahay xadgudub cad oo ka dhan ah sharciga caalamiga ah, islamarkaana uu khatar weyn ku yahay nabadda iyo xasilloonida gobolka.
Sida lagu sheegay bayaan rasmi ah oo kasoo baxay wasaaradda, Soomaaliya waxay si buuxda ula garab taagan tahay dowladda Qatar, iyadoo muujisay taageeradeeda joogtada ah ee madax-bannaanida, amniga iyo midnimada dhuleed ee Qatar.
Bayaan ayaa sidoo kale xusay in Soomaaliya ay weli u taagan tahay ilaalinta nidaamka caalamiga ah ee ku saleysan ixtiraamka madax-bannaanida dalalka, dhowrista xuduudaha, iyo xallinta khilaafaadka iyadoo la adeegsanayo wadahadal iyo is-faham.
“Jamhuuriyadda Federaalka Soomaaliya waxa ay si buuxda u garab taagan tahay dowladda iyo shacabka dowladda aan walaalaha nahay ee Qatar, waxayna xaqiijineysaa in ay si hagar la’aan ah u garab taagan tahay madaxbannaanida, amniga, iyo wadajirka dhuleed ee Qatar. Soomaaliya waxa ay ku adkaysanaysaa inay ka go'an tahay nidaam caalami ah oo ku salaysan xeerar, kaas oo ku qotoma ixtiraamka madaxbannaanida qaranka, ku xad-gudubka xuduudaha, iyo xallinta khilaafaadka si nabad ah wadahadal iyo isfahan,” ayaa lagu yiri war-saxaafadeed ay sii deysay Wasaaradda Arrimaha Dibadda Soomaaliya.

Wasaaradda ayaa ugu dambayn ku baaqday in dhammaan dhinacyadu muujiyaan is-xakameyn, waxayna ugu yeertay beesha caalamka inay si mideysan u garab istaagto dadaallada lagu ilaalinayo nabadda iyo qaddarinta madax-bannaanida dowladaha.
Weerarkii ay Iran ku qaaday saldhigga milatari ee Al Udeid ee dalka Qatar ma geysan wax khasaare ah, sida ay sheegtay dowladda Qatar. Mas’uuliyiintu waxay xaqiijiyeen in gantaalladii Iran ay soo ridday la qabtay oo la burburiyay intaysan gaarin bartilmaameedkoodii. Xaaladda gobolka ayaa weli kacsan iyadoo weli cabsi laga qabo dagaal ballaaran.
Qaraxyo ayaa laga maqlay dalka Qatar, sida ay sheegeen warbaahino kala duwan, sawirrana waxay muujinayeen gantaallo dul maraya caasimadda Qatar ee Doha.

06/23/2025

WARARKA MAANTA Juun 23, 2025 Sir Culus!
Su’aalaha Maanta:Maxuu yahay shirka ka furmi doona , ? Yaa noqon doona Madaxweynaha cusub ee ? Maxuu Madaxweyne Mudane Xassan Shiiikh “Dhuuso-Foociye” ku fashilmay? Maxuuse isu-maqlin wixii uu shalay dhahay? Yaa diiday inuu sameeyo Maxkammadda Dastuuriga ah Madaxweyne Mudane Xassan Shiikh “Dhuuso-Fooxiye”? Yaa diiday inuu sameeyo maqaamka Madaxweyne Mudane Xassan Shiikh “Dhuuso-Fooxiye”? Yaa ogolaaday inay qoysaskiis iyo qaraabadiisa inay dhacaan hantida dadweynaha Madaxweyne Mudane Xassan Shiikh “Dhuuso-Fooxiye”? Yaa maanta diidan inay shiraan mucaaradka Madaxweyne Mudane Xassan Shiikh “Dhuuso-Fooxiye”? Yaa wakhtiga ka dhammaan rabaa oo doorasho cod iyo qof qaban doona Madaxweyne Mudane Xassan Shiikh “Dhuuso-Fooxiye”? Yaa beddelay Taliyaha Nabad Sugida laba jeer Madaxweyne Mudane Xassan Shiikh “Dhuuso-Fooxiye”? Yaa baabi’iyey Ciidanka Xoogga Dalka Madaxweyne Mudane Xassan Shiikh “Dhuuso-Fooxiye”? Ha Wiqleyso!
Muqdisho Juun 23, 2025 Ra’iisul Wasaaraha Xukuumadda Soomaaliya, Xamsa Cabdi Barre, ayaa sheegay in madaxda Dowladda aysan diyaar u ahayn in dalka uu markale ka dhacdo doorasho dadban.
Isagoo ka hadlaayay xarunta Dowladda Hoose ee Xamar, kagana qeyb-galay munaasabad casho sharaf ah oo lagu maamuusayey ergooyinkii ka qeybgalay Gogoshii Wadatashiga Qaran, ayuu shaaca ka qaaday in aysan suurtagal ahayn in Soomaaliya ay dib ugu laabto doorasho dadban, awooddana loo celinayo shacabka Soomaaliyeed.
Ra’iisul Wasaaraha, ayaa tilmaamay in Xukuumadiisa ay dhiirrigelinayso talooyinka ku wajahan doorashada ee ay soo gudbiyeen haldoorka Soomaaliyeed ee isugu yimid gogosha, iyo kaalinta ay ka qaadanayaan hannaanka dimuqraadiyadeed, gaar ahaan habka loo marayo dhismaha dowlad Soomaaliyeed oo ku timaadda rabitaanka shacabka.
Sidoo kale Ra'iisul wasaare Xamsa, ayaa carabka ku adkeeyay in loo baahan yahay midnimo iyo isku duubni, si looga gudbo nolosha dadban ee dhibaatada ku haysa amniga, doorashooyinka, dhaqaalaha iyo xaqiijinta guulaha waaweyn ee loo baahan yahay in Qaranka la gaarsiiyo.
“Waxa aynu u baahannahay in aynu u gudubno hannaan lagu mideysan yahay oo dadka Soomaaliyeed oo dhan isu keenaya, haddii aynu ka baxno nolosha dadban waxa aynu ka gudbayna midnimo la’aanta colaadaha iyo dhibaatooyinka kale ee ka jira dalkeenna”. Ayuu yiri Ra’iisul Wasaaraha.
Wali dowladda Soomaaliya waxa ay ku adkeeysanaysaa nidaam doorasho qof iyo cod ah waxaana mucaaradka dhankoodi ay sheegayaan in loo baahan yahay nidaam doorasho oo wadar ogol lagu yahay.
Muqdisho Juun 23, 2025 Warsaxafadeed kasoo baxay Wasaaradda Warfaafinta Xukuumadda Fedaraalka Soomaaliya ayaa lagu faahfaahiyay khasaaraha ka dhashay dagaal ka dhacay inta u dhaxeysa deegaanada Mabaax iyo Gayacad ee gobolka Hiiraan.
Dagaalka oo ahaa mid dhexmaray ciidanka xoogga dalka oo kaashanaya kuwa dadka deegaanka oo dhinac ah iyo kuwa koooxda Al-shabaab, waxaana la tilmaamay in dagaalka khasaare xoogan lagu gaarsiiyay maleeshiyaadka Al-shabaab.
Inta la xaqiijiyay in ka badan 20 xubnood oo ka tirsan maleeshiyada Al-shabaab ayaa lagu dilay dagaalka saacadahii lasoo dhaafay ka dhacay inta u dhaxeysa Mabaax iyo Gayacad, waxaana sidoo kale lagu dhaawacay tiro intaasi ka badan, sida lagu sheegay Warsaxafadeedka kasoo baxay dowladda Federaalka.
"Dowladda Federaalka Soomaaliya waxay mar kale adkeynaysaa go’aankeeda ku aaddan difaaca shacabka Soomaaliyeed, ilaalinta midnimada qaranka, iyo ciribtirka guud ee Khawaarijta caadeystay daadinta dhiigga shacabka" ayaa lagu yiri Warsaxafadeedka kasoo baxay Wasaaradda Warfaafinta Soomaaliya.
Dagaalkaan ka dhacay Deegaanka Mabaax iyo deegaanada kale ee ku dhadhaw ayaa kusoo aadaya, iyadoo bilawgii bishaan deegaanadaasi ay ka dhaceen dagaalo aad u qaraaraa oo dhexmaray ciidanka Macawiisleyda iyo Al-shabaab, waxaana dagaaladaasi ahayeen kuwa jab xoogan lagu gaarsiiyay Al-shabaab.
Muqdisho Juun 23, 2025 Wasaaradda Gaashaandhigga Soomaaliya ayaa sheegtay in Soomaaliya laga saaray liiska kuwa ku lugta leh askareeynta caruurta, oo in muddo ah safka h**e ay kaga jirtay wadamada Colaadaha ka jiraan ee Caruurta lagu askareeyo.
War ay soo saartay wasaaradda ayaa shaaca looga qaaday in mar kasta mudnaan gaar ah ay siiso ka hortagga askareynta carruurta xilliyada colaadaha hubaysan, si waafaqsan Dastuurka dalka iyo heshiisyada iyo xeerarka caalamiga ah ee ay Soomaaliya saxiixday.
"Wasaaradda Gaashaandhigga, oo ku hadlaysa magaca Xukuumadda Federaalka Soomaaliya, waxay hambalyo u diraysaa shacabka Soomaaliyeed iyo Ciidamada Qalabka Sida guusha go'aankii ay Qaramada Midoobay ku shaacisay 17-kii Juun 2025, 00 Ciidamada Qalabka Sida si rasmi ah looga saaray Liiska kuwa ku lugta leh askaraynta carruurta."ayaa lagu yiri war saxafadeedka Wasaaradda.
Sidoo kale waxa ay intaasi raacisay Wasaaradda in ka saarida Soomaaliya ee liiska wadamada askareeya Caruurta ay caddayn u tahay isbeddelka hufan ee Soomaaliya ku tallaabsatay, waxaana ay ka dhalatay wadashaqayn dhow oo u dhaxaysay Xukuumadda Soomaaliya iyo Qaramada Midoobay, gaar ahaan hay'adaha UNICEF iyo UNTMIS, iyadoo la fuliyay qorshaha qaran ee badqabka carruurta si waafaqsan dastuurka dalka iyo shuruucda caalamiga ah ee la xiriira carruurta xiliyada colaadaha hubaysan.
"Wasaaradda Gaashaandhigga oo ah guddoonka Guddiga Badqabka Carruurta ee xilliyada colaadaha hubaysan, waxay si gaar ah u bogaadineysaa shaqadii muhiimka ahayd ee ay wada qabteen xubnaha guddiga iyo hay'adaha Qaramada Midoobay"ayaa lagu yiri war saxafadeedka Wasaaradda.
Ugu dambeyn warsaxaafadedka Wasaaradda Gaashaandhigga ayaa lagu xusay in ay ka go'an tahay fulinta ballan-qaadyada iyo heshiisyada u dhexeeya Xukuumadda iyo Qaramada Midoobay ee la xiriira ilaalinta carruurta xilliyada colaadaha hubaysan.
DDSI Juun 23, 2025 Wafdi uu hoggaaminayo Madaxweynaha DDS, Mudane Mustafe Muxummed Cumar ayaa lagu soo dhaweeyay magaalada Lafa-ciise ee degmada Awbare.
“ Xisbiga Barwaaqo ka naga daweeyay nabaradii iyo hagardaamooyinkii aannu ka dhaxalnay maamulkii h**e. Waanu ku faraxsanahay in madaxweynuhu uu bulshadiisa soo gaadho, dhagaystana tabashooyinkooda”, Bulshada Lafa-ciise
Madaxweynaha oo bulshada la hadlay ayaa uga mahadnaqay soo dhawaynta balaadhan ee ay u sameeyeen bulshadu: “Aad baan ugu mahadnaqayaa bulshada Lafa-ciise ee dareenka wadaniyada leh na dareensiiya marwalba” ayuu yidhi madaxweynuhu.

06/22/2025

WARARKA MAANTA Juun 22, 2025 Sir Culus!
Su’aalaha Maanta: Maxuu Madaxweyne Mudane Xassan Shiiikh “Dhuuso-Foociye” ku fashilmay? Maxuuse isu-maqlin wixii uu shalay dhahay? Yaa diiday inuu sameeyo Maxkammadda Dastuuriga ah Madaxweyne Mudane Xassan Shiikh “Dhuuso-Fooxiye”? Yaa diiday inuu sameeyo maqaamka Madaxweyne Mudane Xassan Shiikh “Dhuuso-Fooxiye”? Yaa ogolaaday inay qoysaskiis iyo qaraabadiisa inay dhacaan hantida dadweynaha Madaxweyne Mudane Xassan Shiikh “Dhuuso-Fooxiye”? Yaa maanta diidan inay shiraan mucaaradka Madaxweyne Mudane Xassan Shiikh “Dhuuso-Fooxiye”? Yaa wakhtiga ka dhammaan rabaa oo doorasho cod iyo qof qaban doona Madaxweyne Mudane Xassan Shiikh “Dhuuso-Fooxiye”? Yaa beddelay Taliyaha Nabad Sugida laba jeer Madaxweyne Mudane Xassan Shiikh “Dhuuso-Fooxiye”? Yaa baabi’iyey Ciidanka Xoogga Dalka Madaxweyne Mudane Xassan Shiikh “Dhuuso-Fooxiye”? Ha Wiqleyso!
Muqdisho Juun 22, 2025

Muqdisho Juun 22, 2025 Wasiirka Arrimaha Dibadda Soomaaliya oo Kulan Doceed la yeeshay Dhigiisa Dowladda Kuwait
Wasiirka Arrimaha Dibadda iyo Iskaashiga Caalamiga ah ee Jamhuuriyadda Federaalka Soomaaliya, Mudane Cabdi Salaan Cabdi Cali, ayaa kulan doceed muhiim ah la qaatay Wasiirka Arrimaha Dibadda ee Dowladda Kuwait, Mudane Cabdullahi Cali Elihya. Kulankaasi ayaa dhacay intii uu socday shirkii 51-aad ee Golaha Wasiirrada Arrimaha Dibadda ee Ururka Iskaashiga Islaamka (OIC).
labada wasiir waxay si qoto dheer uga wada hadleen xaaladaha siyaasadeed iyo amni ee gobolka, arrimaha caalamiga ah, iyo isbeddellada ka socda mandaqadda. Sidoo kale, waxaa la xoojiyay muhiimadda ay leedahay sii ballaarinta iskaashiga laba geesoodka ah ee ka dhaxeeya Soomaaliya iyo Kuwait, si loo kobciyo xiriirka taariikhiga ah ee labada dal.
Muqdisho Juun 22, 2025 Shirkii Golaha Wadatashiga Qaranka oo lagu waday inuu si rasmi ah uga furmo magaalada Muqdisho 22 ka bishan oo ku beegan maalinta berito ah ayaa dib u dhac ku ymid, sida lagu sheegay war kooban oo kasoo baxay dowladda.
Warka kasoo baxay dowladda Fedaraalka ayaa lagu sheegay in shirka dib loogu dhigay sababo la xariira maalmaha xuriyadda awgood, waxaana la shaaciyay in shirka uu Wadatashiga Qaran uu dib u qabsoomi doono 15 bisha soo socota July ee sanadkan.
“Iyada oo laga duulayo waynaynta iyo u diyaar garawga xuska toddobaadka Xorriyadda iyo ahmiyadda ay leedahay, waxaa dib loo dhigay Shirka Golaha Wadatashiga Qaranka oo horay uu Madaxwaynaha Jamhuuriyadda Federaalka Mudane Dr. Xasan Sheekh Maxamuud, u muddeeyay 22-ka bishaan Juun 2025-ka, waxaana uu shirku qabsoomi doonaa 15-ka Luuliyo 2025-ka, insha allaah” ayaa lagu yiri warka kasoo baxay dowladda.
Shirka Golaha Wadatashiga Qaranka ee dib loogu balamay 15 bisha soo socota ayaa waxaa isugu imaan doona madaxda sare ee dalka, qaar ka mid ah kuwa dowlad goboleedyada dalka iyo Guddoomiyaha gobolka Banaadir.
Ugu dambeyntii wali si rasmi ah looma oga in shirka Wadatashiga Qaran ee qabsoomi doona 15 July iney kasoo qeyb gali doonaan madaxda maamul goboleedyada Puntland uyo Jubbaland ee mucaaradka ku ah dowladda Fedaraalka.
Maraykanka Juun 22, 2025 Madaxweynaha Maraykanka Donald Trump ayaa ku dhawaaqay in ciidamadiisu ay xalay weerar ballaadhan ku qaadeen saddex xarumood oo nukliyeer ah oo ku yaalla gudaha Iiraan, kuwaas oo kala ah Fordow, Natanz iyo Isfahan, isaga oo ugu baaqay Iiraan in ay hadda nabad qaadato.
Trump ayaa weerarka ku tilmaamay “guul weyn oo taariikhi ah”, wuxuuna uga digay Iiraan in haddii ay ku soo jawaabto weerarka, ay la kulmi doonto “ciqaab ka xoog badan middii ay aragtay xalay”.
“Waxaan dhammeystirnay weerarkeennii guusha ahaa oo aan ku beegsanay saddex xarumood oo nukliyeer ah oo Iiraan leedahay: Fordow, Natanz iyo Esfahan,” ayuu yidhi Trump. Wuxuu sheegay in bambooyin culus lagu riday xarumahan, diyaaradaha Maraykankuna ay si nabad ah uga baxeen hawada Iiraan.
“Hambalyo ciidamadeenna geesiyaasha ah ee Maraykanka. Ma jiro ciidan kale oo dunida ka jira oo awood u leh inay sidaan oo kale sameeyaan. Hadda waa waqtigii nabadda,” ayuu hadalkiisa raaciyay Trump.
Hay’adda Tamarta Atomiga ee Iiraan ayaa sheegtay in baadhitaanno ay sameeyeen ayna muujin wax sun ah ama khatar ah oo ka dhashay weerarka, isla markaana shacabka ku nool agagaarka xarumahaasi ayna wax halis ah ku sugnayn. Warbaahinta Iiraan ayaa sidoo kale sheegtay in qaar ka mid ah goobaha nukliyeerka sida Fordow h**ey loo faaruqiyay.
Xildhibaan Manan Raasi, oo laga soo doorto magaalada Qom oo ay xarunta Fordow ku taallo, ayaa sheegay in burburku ahaa mid kooban, isla markaana dib loo dhisi karo. “Fordow si dhab ah looma burburin, waxa uu Trump sheegay waa been abuur,” ayuu yidhi.
Weerarkan ayaa si weyn loo cambaareeyay. Ururka DAWN oo uu aasaasay weriyihii la dilay Jamal Khashoggi, ayaa ku tilmaamay weerarka mid sharci-darro ah oo ka hor imanaya Dastuurka Maraykanka. “Keliya Kongareeska ayaa leh awoodda inuu oggolaado dagaal,” ayay tidhi Sarah Leah Whitson, oo ah Agaasimaha Fulinta ee DAWN.
Xisbiga Dimuqraadiga ee Maraykanka ayaa isna si adag uga horyimid weerarka. Hoggaamiyaha Aqalka Wakiillada Hakeem Jeffries ayaa sheegay in Trump uu si kalitalisnimo ah u qaaday weerarka isagoo aan la tashan Baarlamaanka. “Trump mas’uuliyad buuxda ha iska saaro cawaaqibka ka dhalan kara dagaalkan,” ayuu yidhi.
Dhinaca kale, Iiraan ayaa sheegtay in anay weli go’aan rasmi ah ka gaadhin jawaabta ay ka bixin doonto weerarka. Si kastaba ha ahaatee, khubarada siyaasadda ayaa ka digay in xulafada Iiraan ee gobolka sida Xuutiyiinta Yemen, ururka Xisbullah ee Lubnaan, iyo kooxaha Shiicada ee Ciraaq ay si gaar ah ugu jawaabi karaan Maraykanka iyaga oo aan sugin amar rasmi ah oo ka yimaadda Tehran.
Wasiirka Arrimaha Dibadda Iiraan,Sayyed Abbas Araghchi, ayaa weerarka ku tilmaamay xadgudub wayn: "Maraykanku wuxuu si cad ugu xadgudbay Axdiga Qaramada Midoobay, sharciga caalamiga ah, iyo heshiiska NPT, weerarka uu ku qaaday xarumaha nukliyeer nabadeed ee Iiraan."
Waxa uu sheegay in weerarkaniyahay fal halis ah oo xadgudub ah, isla markaana uu yeelan doonaa cawaaqib waqti dheer, isaga oo ugu baaqay waddmada xubnaha ka ah Qaramada Midoobay in ay cambaareeyaan. "Iiraan waxay xaq buuxa u leedahay inay iska difaacdo si waafaqsan Axdiga Qaramada Midoobay si ay u ilaaliso madax-bannaanideeda, danaha qaranka iyo shacabka.
Xoghayaha Amniga Gobolka Qom ee Iiraan ayaa sheegay in xarunta Fordow muddo h**e la faaruqiyay, taas oo muujinaysa in weerarku uusan wax badan ka beddeli doonin awoodda nukliyeerka ee Iiraan. Sidoo kale, warbaahinta qaaar ayaa sii xoojinaysa arrinta oo sheegaya in maaddooyinka muhiimka ah ee nukliyeerka h**e looga qaaday goobahaas.
Trump ayaa sheegay in weerarkan uu meesha ka saaray khatartii Iiraan ku haysay Israa’iil, balse muu caddeyn wax khatar ah oo toos ah oo Iiraan ku ahayd Maraykanka. Arrintan ayaa dhalisay su’aalo badan oo ku saabsan sababta dhabta ah ee ka dambaysay weerarka, maadaama weerarka uu sharci darro noqonayo haddii aysan jirin khatar toos ah oo Washington wajahayso.
Ra’iisul Wasaaraha Israa’iil, Benjamin Netanyahu, ayaa dhankiisa ammaan u jeediyay Trump, isagoo sheegay in weerarkani uu “taariikh cusub qorayo.” Wasiirka Arrimaha Dibadda ee Israa’iil ayaa isna sheegay in taariikhdu xusi doonto “hoggaaminta geesinimada leh” ee Trump iyo Netanyahu ee weerarka Iiraan.
Xiisaddan cusub ayaa dhalisay cabsi laga qabo in gobolka uu u jiheysto dagaal weyn, iyadoo weli xusuusta shacabka ku jirto dagaalkii Ciraaq iyo dilkii Jeneral Qassem Soleimani iyo hoggaamiyayaashii kale ee ciidamada Iiraan. Waxaa hadda la sugayaa jawaabta rasmiga ah ee dowladda Iiraan iyo tallaabooyinka xiga ee Maraykanka.

06/20/2025

WARARKA MAANTA Juun 20, 2025 Sir Culus!
Su’aalaha Maanta: Yaa aflagaadeeyey Madaxweyne Mudane Farmaajo “Been-Hawaas” oo yiri naag uu furayt ayuu la seexdaa? Yaa diiday inuu sameeyo Maxkammadda Dastuuriga ah Madaxweyne Mudane Xassan Shiikh “Dhuuso-Fooxiye”? Yaa diiday inuu sameeyo maqaamka Madaxweyne Mudane Xassan Shiikh “Dhuuso-Fooxiye”? Yaa ogolaaday inay qoysaskiis iyo qaraabadiisa inay dhacaan hantida dadweynaha Madaxweyne Mudane Xassan Shiikh “Dhuuso-Fooxiye”? Yaa maanta diidan inay shiraan mucaaradka Madaxweyne Mudane Xassan Shiikh “Dhuuso-Fooxiye”? Yaa wakhtiga ka dhammaan rabaa oo doorasho cod iyo qof qaban doona Madaxweyne Mudane Xassan Shiikh “Dhuuso-Fooxiye”? Yaa beddelay Taliyaha Nabad Sugida laba jeer Madaxweyne Mudane Xassan Shiikh “Dhuuso-Fooxiye”? Yaa baabi’iyey Ciidanka Xoogga Dalka Madaxweyne Mudane Xassan Shiikh “Dhuuso-Fooxiye”? Ha Wiqleyso!
Muqdisho Juun 20, 2025 Taliyaha Ciidanka Boliiska Soomaaliyeed Sarreeye Guuto Asad Cismaan Cabdullaahi ayaa shir gudoomiyey kulanka Hogaanada, Taliyaasha Qeybaha iyo Fadhiyada Madaxa banaan oo looga hadlay u diyaar garowga maalmaha xoriyadda iyo doorka uga aadan laamaha amaanka .
Kulanka ayaa Warbixino looga dhagaystay Saraakiisha Amniga waxaana uu Taliyuhu Saraakiisha iyo Ciidamadaba ku amaanay dedaalka ay ugu jiraan sugidda Amniga si gaar ah waxaa uu Mahadcelin ugu diray Ciidamadii Boliiska ee loo xilsaaray xarumihii ay Imtixaanka Qaran ardeydu ku galeen.
Muqdisho Juun 20, 2025 TACSI
Guddoomiyaha Golaha Aqalka Sare ee Baarlamaanka JFS Mudane Cabdi Xaashi Cabdullaahi, wuxuu tacsi tiiraanyo leh u dirayaa dhammaan Ummadda Soomaaliyeed gaar ahaan qoyska iyo qaraabada ay ka geeriyootay Alle ha u naxariistee marxuumad Xildhibaan h**e Suuri Diiriye Carab oo ahayd xubin ka tirsan Baarlamaannadii dalka soo maray laga soo bilaabo baarlamaankii lagu soo dhisay Magaalaadda Carta sanadkii 2000 ilaa Baarlamaankii 10-aad, taas oo mudooyinkii dambe ku xanuunsaneyd Magaaladda Muqdisho, xalay ayayna geeriyootay marxuumaddu.
Guddoomiyaha ayaa marxuumadda Alle SWT uga baryay in uu jannatul Fardowsa ka waraabiyo Samir iyo iimaanna uu ka siiyo dhammaan Umadda Soomaaliyeed gaar ahaan qoyskii, eheladii ay ka geeriyootay.
Innaa lillaahi wa innaa ileyhi raajicuun.
DHAMMAAD
Kenya Juun 20, 2025 Labo ka mid ah shaqaalaha dhagaxa qoda ayaa dabley looga shakisan yahay in ay ka tirsan yihiin al-Shabaab ka afduubteen deegaanka Shimbir oo ka tirsan degmada Mandheera ee gobolka Waqooyi Bari Kenya.
Sida laga soo xigtay warbixinnada booliska, dhacdadaan oo dhacday xilli duhurnimo ah markii dabley la rumeysan yahay inay ku dhuumaaleysanayaan duurka ku dhow deegaanka Chachaboole ay weerar gaadmo ah ku qaadeen gaari xamuul ah oo siday dhagxaan.
Afar ka mid ah ragii saarnaa oo dhammaantood ahaa dadka deegaanka ayaa waxaa u suurtagashay in ay goobta ka baxsadaan.
Si kastaba ha ahaatee, labo shaqaale oo aan deegaanka u dhalan oo magacyadooda lagu kala sheegay John Kambua iyo Martin Musyoki ayaa la afduubtay oo la geeyey meel aan la garanayn.
Waxaa islamarkiiba bilowday howlgal ay sameeyeen hay’ado kala duwan oo kuwa ammaanka ah oo lagu baadi goobayo maleeshiyaadkaasi.
Dhacdadaan ayaa kusoo aadeysa xili ay sii kordhayaan falalka amaan daro ee ka jira ismaamulka Mandera, gaar ahaan kuwa lagu bartilmaansanayo dadka ka shaqeeya dhagaxa kaawada.
Booliska Kenya ayaa shaaca ka qaaday in 16-kii Juun, Meydka Naftali Wanjohi, 40, laga soo helay goob dhagaxa laga qodo oo ku taal deegaanka Quramadhoo oo u dhow Ceelwaaq.
Booliisku waxay ka shakisan yihiin ku lug lahaanshaha koox maleeshiyo ah oo Al shabaab ka tirsan, inkastoo baaritaanadu ay yihiin kuwo aan natiijo lahayn wali oo aysan horseedin in gacanta lagu soo dhigo.
Weeraradaasi waxay dib u soo celiyeen cabsida laga qabo badbaadada xoogsatada aan deegaanka u dhalan ee ka shaqeeya dhagaxa laga qodo Mandheera oo ah meel ay in muddo ah ragaadiyeen rabshadaha xagjirka ah sababtuna ay tahay in ay u dhowdahay xadka Soomaaliya.
Dawladdu Waxay Kaga Jawaabtay Mamnuucida ka shaqeynta Dhagaxaanta kaawada.
Isagoo ka jawaabaya xaaladihii ugu dambeeyay, guddoomiyaha gobolka ayaa amar ku bixiyay in si deg deg ah loo joojiyo dhammaan dhaq-dhaqaaqyada dhagxaanta kaawada ee ka socda ismaamulka Mandera, isagoo sheegay inay sii kordhayaan khataraha dhanka ammaanka ah iyo baahida loo qabo in la ilaaliyo shaqaalaha.
Muqdisho Juun 20, 2025 Madaxweynihii h**e ee Hirshabeelle Cali Cabdullaahi Cosoble ayaa madaxda dowladda Fedaraalka Soomaaliya iyo Xildhibaanada Baarlamaanka Soomaaliya ka dalbaday in gobolka Hiiraan inuu noqdo maamul goboleed iskiis u taagan.
Cali Cabdullaahi Cosoble oo ka hadlaalay gogashii uu Shalay soo xiray madaxweyne Xasan Sheekh oo ay ka qeyb galeen qaar ka mid ah siyaasiyiinta mucaaradka ah iyo ururada siyaasada ayaa sheegay in Hiiraan ay u qalanto iney noqoto maamul goboleed la mid ah kuwa haatan ka jira dalka.
Siyaasi Cali Cabdullaahi Cosoble ayaa sidoo kale tilmaamay in loo baahan yahay wax ka badal lagu sameeyo Dastuurka dalka oo uu xusay in haatan uu yahay mid qolooyin gaar ah dani ugu jirto.
"Dastuurku Qur'aan maaha, waxaan jeclaan lahaa inaan arko Hiiraan oo maamul goboleed gaar ah noqday iyo Shabeellaha Dhexe oo maamul gaar ah, aniga waxaan soo noqday Madaxweynaha Hirshabeelle waxaan si dhab ah u ogahay wax badan" ayuu madaxweynahii jore ee Hirshabeelle Cali Cabdullaahi Cosoble.
Siyaasi Cosoble ayaa sidoo kale sheegay in maamul goboleedyada dalka qaarkood ay ku shaqeyn karaan laba gobol ama sadax gobol, islamarkaana kuwa qaar ay ku shaqeyn karaan hal gobol oo kaliya.
"Waxaana hubaa hadii Hiiraan maamul goboleed noqdo Shabeellaha Dhexe uu isna maamul noqdo in dalka uu gaari doono horumar kala duwan, lana arki doono bulsho iyo maamul is jecel, waxaana guud ahaan dalka ka bilaaban doono tartan la xariira dhanka hormarka iyo isla xisaabtanka" ayuu madaxweynahii h**e ee Hirshabeelle Cali Cabdullaahi Cosoble.
Hadalkaan kasoo yeeray madaxweynahii h**e ee Hirshabeelle ayaa kusoo aadaya, iyo mudo ka badan sideed sano dadka reer Hiiraan ay saluug badan ka qabaan hanaanka awood qeybsi ee Hirshabeelle, islamarkaana ay si weyn u daneynayaan in gobolka Hiiraan uu noqdo maamul goboleed gaar ah.
Muqdisho Juun 20, 2025 NATIIJADA KURSIGA EE KA BANNAANAA BAARLAMAANKA 11-AAD
Maanta oo ay taariikhdu tahay 20-ka bisha Juun, 2025 Waxaa xarunta Baarlamaanka Dowlad Goboleedka Hirshabeelle ka dhacday doorashada dib-u-buuxinta kursiga kaas oo ka bannaanaa Baarlamaanka 11-aad ee Dalka.
Doorashada oo ay ka soo qeybgaleen xubno labada gole ee Dowladda, bulshada rayidka iyo ergada beesha leh kursiga bannaanaa ayaa waxaa tanaasulay musharax Ismaaciil Warsame Faarax.
Ergada doorashada ee kursiga waxaa soo xaadirtay 101 ergo, Doorashada waxay u dhacday hab xasiloon waxaana cod gacan-taag ah ku guulleystay musharrax Cabdullahi Maxamed Cali (Sanbaloolshe) oo helay 98 Cod halka ay ka ka aamustay 3 Codbixiye.
Natiijada waxaa ku dhawaaqay Cabdi Caddow Maxamed oo ka socda Guddiga Madaxa-Bannaan ee Doorrashooyinka Qaranka, waxaana uu goobta ku guddoonsiiyey Cabdullaahi Maxamed Cali (Sanbaloolshe) shahaadada Xildhibaanimo.

Address

Washington D.C., DC

Telephone

+12028485280

Website

http://www.Somaliwirednews.com/, http://www.wirednews.so/

Alerts

Be the first to know and let us send you an email when Somali Wired News posts news and promotions. Your email address will not be used for any other purpose, and you can unsubscribe at any time.

Somali Wired News