Uyghur Post

08/18/2026

كىشلىك ھوقۇقنى كۆزىتىش تەشكىلاتى: خىتاي ھۆكۈمىتى ئاۋسترالىيەدىكى ئۇيغۇر دىئاسپوراسىغا تەھدىت سالماقتا

كىشلىك ھوقۇقنى كۆزىتىش تەشكىلاتى (Human Rights Watch) يەكشەنبە كۈنى دوكلات ئېلان قىلىپ، خىتاي ھۆكۈمىتىنىڭ ۋەتەن (شەرقىي تۈركىستان)نى زىيارەت قىلىۋاتقان ئاۋسترالىيە پۇقراسى ئۇيغۇرلارنى سوراققا تارتىپ، ئۇلاردىن ئاۋسترالىيەدىكى ئۇيغۇرلار، پائالىيەتچىلەر ۋە ئۇيغۇر تىلى مەكتەپلىرى ھەققىدە ئۇچۇر توپلاشنى تەلەپ قىلغانلىقىنى، بۇنىڭ ئۇيغۇرلارغا كەلتۈرۈۋاتقان زىيانلىرىنى بايان قىلدى.

مەزكۇر دوكلات ئېلان قىلىپ بولغاندىن كېيىن، تاراتقۇلار ۋە ئىجتىمائىي سەھىپىلەردە كەڭ تارقىلىپ دىققەت قوزغىدى. 7-ئاۋغۇست كۈنى كىشلىك ھوقۇقنى كۆزىتىش تەشكىلاتى ئۆز دوكلاتىنىڭ قىسقىچە مەزمۇنىنى خىتاي ۋە ئاۋسترالىيە ھۆكۈمەتلەرگە ئەۋەتىپ پىكىر بىلدۈرۈشنى تەلەپ قىلغان بولسىمۇ، خىتاي ھۆكۈمىتى بۇنىڭغا جاۋاب بەرمىگەن.ئاۋسترالىيە باش مىنىستىرلىقى ۋە ئىچكى ئىشلار مىنىستىرلىقى 14-ئاۋغۇست كۈنى جاۋاب بېرىپ مۇنداق دېدى: «ئاۋسترالىيە ھۆكۈمىتى چېگرا ھالقىغان باستۇرۇشنى ئۆز ئىچىگە ئالغان بارلىق شەكىلدىكى چەت ئەل دەخلى-تەرۇز مەسىلىلىرىنى جىددىي قوبۇل قىلىدۇ. ھەرقانداق چەت ئەل ھۆكۈمىتىنىڭ جەمئىيەت ئەزالىرىنى شەخسلەرنىڭ ئاۋسترالىيەدىكى ئاساسىي ھوقۇق ۋە ئەركىنلىكلىرىنى ئىشقا ئاشۇرۇشىغا توسقىنلىق قىلىدىغان شەكىلدە نىشانلىشى قوبۇل قىلىنمايدۇ.»

بۇ دوكلاتنىڭ ئېلان قىلىنىشى كىشلىك ھوقۇقنى كۆزىتىش تەشكىلاتىنىڭ ئىجرائىيە دىرېكتورى فىلىپ بۆلوپىئون (Philippe Bolopion)نىڭ ئاۋسترالىيەگە قىلغان زىيارىتى مەزگىلىگە توغرا كەلگەن بولۇپ، بۇ دوكلاتتا مۇنداق دېيىلگەن: «خىتاي دائىرىلىرى ئۇزۇندىن بۇيان خىتاي ھۆكۈمىتىنى تەنقىد قىلغان پائالىيەتچىلەرنى نىشان قىلىش ئارقىلىق، چەت ئەلدە ياشاۋاتقان ئۇيغۇرلار ۋە ئۇلارنىڭ شىنجاڭدىكى ئۇرۇغ-تۇغقانلىرىغا قارشى دۆلەت ھالقىغان باستۇرۇش — بىر دۆلەتنىڭ چېگراسىدىن ھالقىپ ئېلىپ بېرىلىدىغان باستۇرۇش قىلمىشلىرى – دەپسەندىچىلىكلىرى بىلەن شۇغۇللىنىپ كەلمەكتە. خىتاي ھۆكۈمىتى زىيارەت قىلغۇچى ئۇيغۇرلاردىن ئاۋسترالىيەدىكى ئۇيغۇر پائالىيەتچىلىرى، تەشكىلاتلىرى ۋە تىل مەكتەپلىرى ھەققىدە ئۇچۇر بېرىشنى تەلەپ قىلىش ئارقىلىق، ئاۋسترالىيەدىكى ئۇيغۇرلارنىڭ سۆز ئەركىنلىكى، ئۇيۇشۇش، مەدەنىيەت ۋە ئائىلە تۇرمۇش ھوقۇقلىرىغا دەخلى-تەرۇز قىلماقتا.»

خەۋەرنىڭ داۋامىنى ئۇيغۇر پوچتىسدىن ئوقۇڭ:

كىشلىك ھوقۇقنى كۆزىتىش تەشكىلاتى (Human Rights Watch) يەكشەنبە كۈنى دوكلات ئېلان قىلىپ، خىتاي ھۆكۈمىتىنىڭ ۋەتەن (شەرقىي تۈركىستان)نى زىيارەت قىلىۋاتقان

08/12/2026

«ئ‍ەگەر ئەرشكە چېقىۋالساڭمۇ پۇتۇڭدىن تارتىپ تۇتالايمىز!» خىتاينىڭ ئۇيغۇلارغا قارىتىلغان چېگرا ھالقىغان باستۇرۇش توغرىسىدىكى يېڭى دوكلات ئىلان قىلىندى

نوپۇزلۇق تەتقىقاتچى ئادرىئان زېنز (Adrian Zenz) ۋە ھەمكارلاشقۇچى ئاپتور مۇەتتەر ئىلقۇت تەرىپىدىن ئېلان قىلىنغان، تەتقىقاتچىلار باھالىغان دوكلاتتا، خىتاينىڭ ئۇيغۇر دىئاسپوراسىنى چېگرا ھالقىغان باستۇرۇش ۋە كونترول قىلىشىدىكى چوڭقۇر ئەندىشە قوزغايدىغان يېڭى تەرەققىياتلار خاتىرىلەنگەن.

بۇ دوكلاتتا بېيجىڭنىڭ چەت ئەلدىكى ئۇيغۇلارنىڭ شەرقىي تۈركىستاندىكى ئائىلە ئەزالىرىنى يوقلىشىغا قانداق قىلىپ بارغانسېرى يول قويۇۋاتقانلىقى، شۇنىڭ بىلەن بىر ۋاقىتتا بۇ زىيارەتلەرنى كۆزىتىش ۋە بېسىم ۋاسىتىسى سۈپىتىدە ئىشلىتىۋاتقانلىقى ئانالىز قىلىنغان.

دوكلاتتا يەنە، خىتايغا تۇققان يوقلاش ئۈچۈن بارغانلارنىڭ سوراق قىلىنغانلىقىنى، چەت ئەلدە تارتىلغان سۈرەتلىرىنىڭ ئۆزلىرىگە كۆرسىتىلگەنلىكىنى، ئۇيغۇر پائالىيەتچىلىرى توغرىسىدا سوئاللارغا دۇچ كەلگەنلىكىنى، ھەمدە دىئاسپورا جەمئىيەتلىرى توغرىسىدا ئۇچۇر بېرىش بەدىلىگە خىزمەت ياكى ئائىلە ساياھەت رۇخسەتنامىسى بېرىش تەكلىپلىرىگە دۇچ كەلگەنلىكى بايان قىلىنغان.

ئۇيغۇر پوچتىسى، 12-ئاۋغۇست

08/11/2026

خىتاي ئاقسۇدا 2026-يىللىق ئاتالمىش مىللەتلەر ئارا ئائىللەر دۆلەت ئورتاق تىل-يېزىقىنى ئۆگىنىش كۆرگەزمىسى ئۆتكۈزدى

ئۇيغۇر پوچتىسى، 11-ئاۋغۇست

خىتاي خەلق تورىنىڭ خەۋەر قىلىشىچە، -ئاينىڭ 5-كۈنى كەچتە، خىتاي مەملىكەتلىك ئاياللار بىرلەشمىسى، مائارىپ مىنىستىرلىقى، دۆلەت تىل-يېزىق كومىتېتى، دۆلەت مىللەتلەر ئىشلىرى كومىتېتى بىرلىكتە ئۇيۇشتۇرغان ئاتالمىش 2026-يىللىق ”ياخشى ئائىلە ئىستىلىغا ۋارىسلىق قىلىپ، ئائىلە-دۆلەت ئارزۇسىنى ئورتاق ئىشقا ئاشۇرۇش“ تېمىسىدىكى مىللەتلەر رايونىدىكى ئائىلىلەر دۆلەت ئورتاق تىل-يېزىقىنى ئۆگىنىش ۋە قوللىنىش كۆرگەزمە پائالىيىتى ئاقسۇ شەھىرىدە ئۆتكۈزۈلگەن.

بۇ ختاي خەلق قۇرۇلتىينىڭ ئۇيغۇر، تېبەت قاتارلىق خەلقلەرنى ختايلاشتۇرۇشنى قانۇنلاشتۇرۇش دەپ قارالغان «مىللەتلەر ئېتتپاقلىقىنى ئىلگىرى سۈرۈش قانۇنى»نى يولغا قويغاندىن كىين، ئاتالمىش شنجاڭ ئۇيغۇر ئاپتونوم رايونىدا تىز سۈرئەتتە ئىجرا قىلىۋاتقان ختاي تىلىنى ئىلگىرى سۈرۈش-ئومۇملاشتۇرۇش پائالىيەتلىرىنىڭ بىر قسمى بولۇپ، ئۆتكەن ھەپتە ئۇيغۇر پوچتىسى ختاينىڭ بېڭتۋەن رايونىدا، غەيرى ماددى مەدەنىيەتلەرنى قوغداش ئاممىۋى كۆرگەزمىسى ئارقىلىق خىتاي مەدەنىيتىنى ئىلگىرى سۈرۈش ۋە ئۇيغۇر مەدەنىيتىنى ختايلاشتۇرۇش ھەققىدە خەۋەر بەرگەنىدى.خەلقئارا جەمئىيەت ۋە ئ‍ۇيغۇر تەشكىلاتلىرى مەزكۇر قانۇننى ختاينىڭ ئۇيغۇرلارنى يوقىتىش ۋە ئاسسلماتسيە قىلىش سياسەتلىرىنى قانۇنلاشتۇرۇشنىڭ رەسمى قەدىمى دەپ تەنقىد قىلغانىدى.

خىتاي مەملىكەتلىك ئاياللار بىرلەشمىسى پارتىيە گۇرۇپپىسىنىڭ شۇجىسى، مۇئاۋىن رەئىسى خۇاڭ شياۋۋېي مۇنداق بىلدۈردى: پائالىيەت ئۈنۈمىنى سىجىل كېڭەيتىپ، دۆلەت ئورتاق تىل-يېزىقىنى كېڭەيتىش، ئومۇملاشتۇرۇشنى ئەخلاق ئارقىلىق ئادەم تەربىيەلەش بىلەن زىچ بىرلەشتۈرۈپ، ئېسىل ئائىلە ئىستىلىغا ۋارىسلىق قىلىش بىلەن چوڭقۇر يۇغۇرۇپ، ئالاقىلىشىش، ئالماشتۇرۇش، يۇغۇرۇلۇش بىلەن ئوخشاش يۆنىلىشتە كۈچەپ، ھەرقايسى مىللەتلەرنىڭ قەلبىنىڭ تېخىمۇ يېقىنلىشىشى، رىشتىسىنىڭ تېخىمۇ چىڭىشىنى ئىلگىرى سۈرۈپ، جۇڭگوچە زامانىۋىلاشتۇرۇش يېڭى سەپىرىدە جۇڭخۇا مىللىتى ئورتاق گەۋدىسى قۇرۇلۇشىنىڭ يېڭى سەھىپىسىنى ئورتاق پۈتۈپ چىقىشىمىز كېرەك.

https://uyghurpost.com/xitay-aqsuda-2026-yilliq-atalmish-milletler-ara-ailler-dolet-ortaq-til-yeziqini-oginish-korgezmisi-otkuzdi/

08/09/2026

خەلقئارا كەچۈرۈم تەشكىلاتى ئەنگىلىيە شۆبىسى «ئۇيغۇرلار بىلەن ھەمدەمدە بولۇش ئېيى»نى باشلاتتى

ئۇيغۇر پوچتىسى، 9-ئاۋغۇست

لوندوننى مەركەز قىلغان خەلقئارالىق كىشىلىك ھوقۇق ئورگىنى بولغان خەلقئارا كەچۈرۈم تەشكىلاتى (Amnesty International)، ئاۋغۇست ئېيى بويىچە ئۇيغۇر خەلقى ئۇچراۋاتقان كىشىلىك ھوقۇق دەپسەندىچىلىكلىرىگە دىققەت تارتىش ۋە ئۇيغۇرلارنىڭ ئۆزلىرىگە خاس مەدەنىيەت كىملىكىنى نامايان قىلىش مەقسىتىدە يەرشارى خاراكتېرلىك بىر سەپەرۋەرلىك پائالىيىتى قوزغاتتى. «ئۇيغۇرلار بىلەن ھەمدەمدە بولۇش ئېيى» دەپ ئاتالغان بۇ پائالىيەت تەشكىلاتنىڭ ئادەتتىكى قارشىلىق ئۇسۇللىرىدىن پەرقلىق بولۇپ، يېڭى بىر پائالىيەت ئەندىزىسى سۈپىتىدە لايىھەلەنگەن.

بۇ پائالىيەتنىڭ ئورتاق تەشكىللىگۈچىلىرىدىن بىرى، خەلقئارا كەچۈرۈم تەشكىلاتى ئەنگىلىيە شۆبىسىنىڭ خىتاي ئىشلىرى ماسلاشتۇرغۇچىسى ئېمىلىي ئۇپسون (Emily Upson) نىڭ بىلدۈرۈشىچە، بۇ پائالىيەت ئەنگلىيەدىكى ئاممىۋى قاتلامدىن كەلگەن ئۇيغۇرلارغا ھىسداشلىق تۇيغۇسىدىن تۇغۇلغان. ئۇپسون، ئۇيغۇر دوستلىرى ۋە كەسىپداشلىرىنىڭ كىشىلىك ھوقۇق قوغداش ساھەسىدىن يىراقلىشىشقا ۋە ئۈمىدسىزلىنىشكە باشلىغانلىقىنى كۆرگەنلىكىنى تىلغا ئېلىپ مۇنداق دەيدۇ:
«ئۇيغۇر دوستلىرىم ۋە كەسىپداشلىرىمنىڭ بارغانسىرى كىشىلىك ھوقۇقنى قوغداش ئىرادىسىنىڭ سۇسلىشىۋاتقانلىقىنى، ئۆزگىرىش بولۇش ئېھتىماللىقىغا نىسبەتەن ئۈمىدسىزلىنىشكە باشلىغانلىقىنى كۆرۈۋاتقانىدىم… ئۇلار ‹ھېچكىم پەرۋا قىلمايۋاتىدۇ› دەپ ئۆمۈتسىزلىنەتتى. شۇنىڭ بىلەن بىر ۋاقىتتا، خەلقئارا كەچۈرۈم تەشكىلاتى بۇ ھەقتە تولۇق ئۇچۇرغا ئىگە بولمىسىمۇ ، ئەمما ‹ھەقىقەتەن بىر ئىشلارنى قىلىشنى› خالايدىغان ئاكتىۋىسىتلارنىڭ سانىنىڭ داۋاملىق كۆپىيىۋاتقانلىقىنى كۆردۈم.»

لوندوننى مەركەز قىلغان خەلقئارالىق كىشىلىك ھوقۇق ئورگىنى بولغان خەلقئارا كەچۈرۈم تەشكىلاتى (Amnesty International)، ئاۋغۇست ئېيى بويىچە ئۇيغۇر خەلقى

08/07/2026

خىتاي ئامېرىكىنىڭ ئۇيغۇرلار سەۋەبلىك يولغا قويغان جازاسغا قارشى قساس خاراكتىرلىك جازا ئىلان قىلدى

ئۇيغۇر پوچتىسى، 7-ئاۋغۇست

ئۆتكەن ھەپتە ئامېرىكا ھۆكۈمىتى خىتاينىڭ 43 شركىتىگە ئۇيغۇر مەجبۇرى ئەمگىكىگە چتېشلىق بولغانلىقى ئۈچۈن جازا ئىلان قىلغانىدى.

خىتاي ۋاشىنگتوننىڭ بۇ چەكلىمىلىرىگە قارتا، چارشەنبە كۈنى ئامېرىكا شركەتلىرىگە قارشى بىر قاتار ئىقتىسادىي تەدبىرلەرنى ئېلان قىلدى؛ بۇنىڭ ئىچىدە ئامېرىكىغا ئۇچقۇچىسىز ئايروپىلان ئېكسپورت قىلىشنى كونترول قىلىشمۇ بار. بۇنىڭ ئىچىدە ئامېرىكىغا ئۇچقۇچىسىز ئايروپىلان ئېكسپورت قىلىشنى كونترول قىلىش ۋە ئالتە ئامېرىكا ئورگىنى بىلەن بولغان سودا-ئالاقىنى مەنئى قىلىش قاتارلىقلارنى ئۆز ئىچىگە ئالىدۇ.

خىتاي دۆلەت رەئىسى شى جىنپىڭنىڭ سېنتەبىردە ئامېرىكىدا زىيارەتتە بولۇشى مۆلچەرلىنىۋاتقان بىر پەيتتە، دۇنيادىكى ئەڭ چوڭ ئىككى ئىقتىسادىي گەۋدە ئوتتۇرىسىدىكى جىددىيچىلىك كۈچەيمەكتە؛

ماي ئېيىدا ئامېرىكا پرېزىدېنتى دونالد ترامپ بېيجىڭدا شى بىلەن كۆرۈشكەن مەزگىلدە مۇناسىۋەتلەرنىڭ ياخشىلىنىش ئالامەتلىرى كۆرۈلگەن ئىدى.
داۋامىنى ئۇيغۇر پوچتىسدىن ئوقۇڭ؛

ئۆتكەن ھەپتە ئامېرىكا ھۆكۈمىتى خىتاينىڭ 43 شركىتىگە ئۇيغۇر مەجبۇرى ئەمگىكىگە چتېشلىق بولغانلىقى ئۈچۈن جازا ئىلان قىلغانىدى.

08/07/2026

مۇساجان ئەر: خىتاينىڭ ئالدامچىلىق ۋە جاسۇسلۇق تۇزاقلىرىدىن ھوشيار بولايلى!

خىتاينىڭ ئالدامچىلىق ۋە جاسۇسلۇق تۇزاقلىرىدىن ھوشيار بولايلى!

زالىم خىتاي كوممۇنىست ھاكىمىيىتى ۋەتىنىمىزنى ئىشغال قىلىپ، يەر ئاستى ۋە يەر ئۈستى بايلىقلىرىمىزنى رەھىمسىزلەرچە سۈمۈرۈۋاتىدۇ؛ خەلقىمىزگە ئېغىر بېسىم قىلىپ، تۈرمىلەرگە قاماپ قىيناۋاتىدۇ. بۈگۈنكى كۈندە شەرقىي تۈركىستاندىكى جازا لاگىرلىرى ۋە تۈرمىلەر بىگۇناھ قېرىنداشلىرىمىز بىلەن تولۇپ كەتتى. ئائىلىلىرىمىزنى پارچىلاپ، ئۆسمۈر بالىلىرىمىزنى يىغىۋېلىش مەركەزلىرىگە مەجبۇرىي قاماپ، ئانا تىلىمىزنى ئۇنتۇلدۇرۇپ، خىتاي تىلىدا سۆزلەيدىغان قىلىپ ئاسىملاتىسىيە قىلىۋاتىدۇ. جامە ۋە مەسجىدلەرنى تاقاپ ۋە يىقىپ، دىنىي ئەركىنلىكلىرىمىزنى پۈتۈنلەي چەكلەۋاتىدۇ؛ قېرىنداشلىرىمىزنى دىنى ئېتىقادىغا خىلاپ ئىشلارغا مەجبۇرلىماقتا.

زالىم خىتاي كوممۇنىست ھاكىمىيىتى ۋەتىنىمىزنى ئىشغال قىلىپ، يەر ئاستى ۋە يەر ئۈستى بايلىقلىرىمىزنى رەھىمسىزلەرچە سۈمۈرۈۋاتىدۇ؛ خەلقىمىزگە ئېغىر بېسىم قىلىپ،

08/07/2026

ئابدۇۋەلى ئايۇپ: تاھىر تالىپ بىلەن تويدا

تاھىر تالىپ ئاكىمىزنىڭ مەڭگۈلۈك دۇنياغا كۆچكەنلىكىنى ئوقۇپ جىمىپ كەتتىم. «قارا لاگىر يەپ كەتتى» دەپ ئويلۇدۇم خۇرسىنىپ. رەھمەتلىك 2017-يىلنىڭ ئاخىرىدا ئىككى ئوغلى ۋە قىزى قوشۇلۇپ جازا لاگىرىغا مەھكۇم قىلىنغان ئىدى. 2020-يىلى قويۇپ بېرىلگەنلىكىنى ئاڭلىدىم، ئەمما قانداق تۇرۇۋاتقانلىقىدىن خەۋىرىم بولمىغان ئىدى.
مەرھۇم تاھىر تالىپ بىلەن بىر شائىر ئاكا ئاغىنەمنىڭ تويىدا ئۇچراشقانلىقىم، مۇڭداشقانلىقىم ئېسىمدە. ئۇ 1998-يىلى سېنتەبىرنىڭ باشلىرى ئىدى. ئۇ چاغدا مەن قەشقەر شەھرىنىڭ پارتىكومغا ئىمزالىق خەت يازغاچقا چوڭ يىغىندا تەنقىت قىلىنغان، پارتىكوم شۇجىسى جۇ خەيلۇن بىلەن ئۇرۇشۇپ، خىزمەتنى تاشلاپ چىقىپ كەتكەن، شۇ سەۋەپتىن ئىمتىھاندىن ئۆتكەن بولساممۇ كادىرلىق ئارخىۋىمنى شەھەرلىك كادىرلار ئىدارىسىدىن ئالالماي، ئاران ئېرىشكەن شىنجاڭ ئۇنۋېرىستېتىتىدىكى ماگىستىرلىق ئوقۇشۇمنى باشلىيالماسلىقتىن قورقۇپ دەككە دۈككە ئىچىدە ئۆتۈۋاتقان كۈنلەر ئىدى. شۇ سەۋەپتىن بولسا كېرەك كەچلىك توي زىياپىتى بېرىلگەن رېستۇرانغا ئىككى رۇمكا قېقىۋېلىپ تەڭشىلىپ كىرگەن ئىدىم.
تويدا ھاراق قۇيۇش باشىلىنا باشلانماي ئۆزۈم قىزىۋالغاچقا ساقىلىق قىلىپ كېتىپتىمەن. ئازراق ئىچىۋالساملا شىئېر ئوقۇيدىغان ئادىتىم بار ئىدى. يا توي شائىرنىڭ بولغاچقا شۇنداق قىلدىممۇ كىمگە ھاراق تۇتسام بىر پارچە شىئېر ئوقۇپتىمەن. نۆۋەت ئايلىنىپ ئۆزۈمگە كەلگەندە بىر رۇمكا بېلىق كۆزى قىلىپ قۇيۇلغان ھاراقنى قولۇمغا ئېلىپ، توي ئەھلىنى خەپشۈككە چاقىرىپتىمەن. ئاندىن سەھنىگە چىقىپ تاھىر تالىپنىڭ «سۇلايمان گۇۋھ» دېگەن شىئېرىنى دېكلاماتسىيە قىلىپ چىقىپتىمەن. خاتالاشمىسام ئۇ چاغدا مەزكۇر شىئېر كىرگۈزۈلگەن «قارا ھىجران» دېگەن ئۈلىنتا چەكلەنگەن ئىدى.

تاھىر تالىپ ئاكىمىزنىڭ مەڭگۈلۈك دۇنياغا كۆچكەنلىكىنى ئوقۇپ جىمىپ كەتتىم. «قارا لاگىر يەپ كەتتى» دەپ ئويلۇدۇم خۇرسىنىپ. رەھمەتلىك 2017-يىلنىڭ ئاخىرىدا ئىككى

08/05/2026

ئاتاقلىق شائىر، يازغۇچى ۋە ئۇيغۇر ئەدەبىياتىنىڭ تەرەققىياتىغا بىر ئۆمۈر يۈرەك قېنىنى سەرپ قىلغان تۆھپىكار ئەدىب، ئۇستاز تاھىر تالىپ 2026-يىلى 8-ئاينىڭ 4-كۈنى قەشقەردە 80 يېشىدا ۋاپات بولدى.

https://uyghurpost.com/yaz-ghuci-shair-we-zhurnalist-tahir-talip-80-yeshda-qeshqerde-wapat-boldi/

08/05/2026

خىتاينىڭ ئۇيغۇر مەدەنىيتىنى خىتايلاشتۇرۇش مەقسەت قىلغان « 2026-يىللىق غەيرىي ماددىي مەدەنىيەت مىراسلىرى ئارقىلىق شىنجاڭغا ياردەم بېرىش كۆرگەزمىسى» ئاخىرلاشتى

ئۇيغۇر پوچتىسى ئىلگىرىكى خەۋەرلىرىدە نۇقتىلىق خەۋەر قىلغاندەك، ختاي شەرقى تۈركستانننىڭ مەدەنىيەت ئىزلىرىنى ختايلاشتۇرۇش قەدىمىنى تىزلەتمەكتە بولۇپ، بۇلار ئىچىدە نۇرغۇن يېڭىدىن بارلىققا كەلتۈرۈلگەن مۇھاكىمە يېغىنى، مۇزى قۇرۇلۇشى، مەدەنىيەت ۋە ئۇسۇل بايراملىرى كۆزگە چېلىقىدۇ.خىتاي مەزكۇر پائالىيەتلەردە، ختاي مەدەنىيتىنى شەرقى تۈركستاننىڭ ئەسلى مەدەنىيتى دەپ تونۇشتۇرغان.

خىتاي خەلق تورىنىڭ خەۋەر قىلىشچە، 7-ئاينىڭ 30-كۈنىدىن 8-ئاينىڭ 3-كۈنىگىچە ئاتالمىش شىنجاڭ ئىشلەپچىقىرىش-قۇرۇلۇش بىڭتۈەنى شىخەنزە شەھىرىدە «شىنجاڭنى مەدەنىيەت ئارقىلىق ئوزۇقلاندۇرۇش · غەيرىي ماددىي مەدەنىيەت مىراسلىرىغا ھۆسن قوشۇش» باش تېمىسىدىكى 2026-يىللىق كۆرگەزمە پائالىيىتى ئۆتكۈزۈلدى.

ئۇيغۇر پوچتىسى، 5-ئاۋغۇست

08/05/2026

خىتاي ئاتالمىش شنجاڭ ۋاسكېتبول كۇلۇبىغا مەۋلان تۇرسۇننى باش دېرىكتور، ئابدۇسالام ئابدۇرېشىتنى ياردەمچى تىرېنېر قىلىپ تەيىنلىدى

ئۇيغۇر پوچتىسى، 5-ئاۋغۇست

خىتاي ئۇزۇندىن بىرى، ئۇيغۇر تەنھەرىكەتچىلىرىدىن پەقەت ئ‍ۆزىگە مەنپەئەت كەلگەندە ۋە خىتاي دۆلەت تەشۋىقاتىغا يارىغاندا پايدىلىنىپ، باشقا چاغلاردا ئۇلارنى شاللىغان ياكى تۈرمىگە تاشلىغان ئىدى.

خىتاي خەلق تورىنىڭ يېقىندا خەۋەر قىلىشچە، ئاتالمىش شنجاڭنىڭ خىتاي ۋاسكېتبول بىرلەشمىسدە ئوينايدىغان كۇلۇبى-شىنجاڭ گۇاڭخۇي ۋاسكېتبول كۇلۇبىنىڭ رەھبەرلىكلىرى ئالماشقان.

7-ئاينىڭ 27-كۈنى،خىتاينىڭ ئاتالمىش «شىنجاڭ » گۇاڭخۇي ئوقەتچىلىك مەبلەغ سېلىش (گۇرۇھى) چەكلىك مەسئۇلىيەت شىركىتى مەۋلان تۇرسۇننىڭ «شىنجاڭ» گۇاڭخۇي ۋاسكېتبول كۇلۇبىنىڭ باش دىرېكتورلۇقىغا تەيىنلەنلىكىنى، كۇلۇبنىڭ ئەسلىدىكى باش دىرېكتورى ۋاڭ جۇڭرېننىڭ دائىمىي مۇئاۋىن باش دىرېكتورلۇققا تەڭشەلگەنلىكىنى ئېلان قىلغان.

7-ئاينىڭ 27-كۈنى،خىتاينىڭ ئاتالمىش  «شىنجاڭ » گۇاڭخۇي ئوقەتچىلىك مەبلەغ سېلىش (گۇرۇھى) چەكلىك مەسئۇلىيەت شىركىتى مەۋلان تۇرسۇننىڭ «شىنجاڭ» گۇاڭخۇي