07/15/2025
2025 夏天有乜做
繼上一年去左Florida之後，今年我哋又重回加洲啦！
咁究竟有什麼誘因再去加洲玩呢？
首先就係機票，機票撞啱特價買，價錢簡直係廉航價，一家4口，來回，直航YYZ➡️LAX，$1,250 加紙已經搞掂。
第二就係酒店價錢比我2023時去平到HiHi，平均價為$140加紙一晚，講緊係Holiday Inn果d級數嘅。
第三就係租車，今次租車原本係Rogue，但又真係好彩撞返上次去果個租車前台，於是就升級到VW Atlas SUV比我，仲冇加我升級費用。
加洲其實好大，2023嘅夏天去嘅時候就主力去羅省，三藩市探親，繼而再去了Vegas就回程了。
今次再踏足係主打博物館，室外景點和去下加洲嘅沙漠地帶，至於購物既就留返返去買會仲扺。
由於YYZ一地兩檢，過關時裝了美國移民局MPC App 並在閘口前發出申報道知就可以行特快線，相比起排隊問話慳返好多時間。在關口時，關員問了3條簡單問題已經順利過關，4.5小時嘅航程後便到達LAX，一落機去取行李已經直接行出外面了，不需要再問話，十分便利！
LAX機場依舊十分交通擠塞，大量車嘅流量，同YYZ相比冇得比，我哋上了租車公司嘅接送車都係機場塞了20分鐘先出到外圍。
攞到租車後，到達酒店時已經12㸃幾，今次 Check In 的酒店在Monterey Park，在LA旁，但唔少國粤語嘅華人係呢一區，落街已經有茶餐廳，茶樓等等，行過少少已經有超級市場。治安來講算唔錯，警察，保安也有，停車場全部只供住客使用並用電閘開關，閒人入唔到去。雖然唔少人確實比LA市嘅治安問題而卻步，所以我哋日間去景點先會去LA市，但住和消費就在LA市以“外”範圍進行，起碼少啲顧慮和冇咁緊張。
酒店來講，今次都算好好，全新裝修之外，乾淨舒適。
酒店內有户外游泳池和健身室，另外有洗衣機乾衣機，一D都唔算簡陋，見酒店有台灣嘅航空公司機組人員住係度添。
(待續)
#萬錦 #多倫多 #多倫多生活 #多倫多吃喝玩樂 #茶餐廳 #羅省
