What are the opening hours?

Tuesday 7:45pm - 10:30pm Wednesday 7:45pm - 10:30pm Thursday 7:45pm - 10:30pm Sunday 7:30pm - 10:30pm

𝙹𝚘𝚑𝚗 𝚂 𝙺𝚊𝚢, 4551 Auburn Street, Wichita, KS (2025)

11/02/2025

သင့်ရဲ့ဘုရင်
"ထိုနေ့အချိန်ကား၊ ပသခါအဘိတ်နေ့ တစ်ချက်တီးအချိန်လောက်ရှိ၏။ ပိလတ်မင်းကလည်၊ သင်တို့၏ ရှင်ဘုရင်ကို ကြည့်ကြလော့ဟု ယုဒလူတို့အား ပြောဆိုလျှင်၊ ထိုသူကိုထုတ်ပါ။ ထုတ်ပါ။ လက်ဝါးကပ်တိုင်မှာ ရိုက်ထားပါဟု လူအများဟစ်ကြော်ကြ၏။ ပိလတ်မင်းကလည်း၊ သင်တို့၏ရှင်ဘုရင်ကို လက်ဝါးကပ်တိုင်မှာရိုက်ထားရမည်လောဟု မေးပြန်လျှင်၊ ယဇ်ပုရာဟိတ်အကြီးတို့က၊ အကျွန်ုပ်တို့၌ ကဲသာဘုရင်မှတပါး အဘယ်ရှင်ဘုရင်မျှ မရှိဟု ပြန်ပြော ကြ၏။" (ယောဟန် ၁၉း၁၄-၁၅)

ယေရှုရဲ့ သာသနာပြုခဲ့တဲ့ အေဒီ (၁၄ ) အချိန် အတောအတွင်းမှာ ရောမဧကရာဇ်ဖြစ်လာတဲ့ Tiberius ဘုရင်က ရောမမြို့ကို အုပ်ချုပ်ခဲ့တယ်။ ယေဘူယျအားဖြင့်တော့ Tiberius က အပြုသဘောဆောင်တဲ့ အရာ တွေ တော်တော် များများကို လုပ်ဆောင်နိုင်ခဲ့တဲ့သူ ဖြစ်ပြီး စီမံခန့်ခွဲမှုမှာလည်း တော်တဲ့ သူတစ်ယောက်အဖြစ် သတ်မှတ် ခံရတဲ့သူ တယောက် ဖြစ်တယ်။ ဒါပေမယ့် သူက နောက်ပိုင်းနှစ်တွေမှာ အကြမ်းဖက်တဲ့ အာဏာရှင် တစ်ဦး ဖြစ်လာခဲ့တယ်။ သူ့ရဲ့ စိတ်မလုံခြုံမှုဖြစ်နေတဲ့ အခြေအနေကပိုမို တိုးမြှင့်လာခဲ့ပြီး သူ့ကို တခြားသူတွေက ပူးပေါင်း ဆန့်ကျင်ကြ လိမ့်မယ်လို့ ခံယူနေခဲ့တယ်။ သူက ရောမ ဆီးနိတ်နဲ့ ဆက်ဆံရေးမှာ ညံ့ဖျင်းခဲ့သလို အကြမ်းဖက် အုပ်ချုပ်မှုကို ကျင့်သုံးခဲ့ပြီး လူအတော်များများကိုလည်း နိုင်ငံတော် သစ္စာဖောက်မှုနဲ့ စွပ်စွဲခဲ့တယ်။

အေဒီ (၂၇) မှာ Tiberius က ရောမမြို့ကနေ အီတလီ တောင်ဖက်ပိုင်းတွေကို အလည်အပတ်ခရီး ထွက် ခဲ့တယ်။ လမ်းခုလတ်မှာ Capri ကျွန်းကို သွားရောက်လည်ပတ်ခဲ့ပြီး သူက သူ့ရဲ့ ကျန်ရှိတဲ့ ဘဝကို ဒီကျွန်းမှာဘဲ နေထိုင်သွားဖို့ ဆုံးဖြတ်ချက်ချခဲ့တယ်။ အဲဒီကျွန်းမှာ ရှိနေတဲ့ အချိန်မှာ သူ့ရဲ့ မယုံကြည်မှု ဖြစ်နေတဲ့ စိတ်တွေက ပိုမို ဆိုးရွားလာခဲ့တယ်။ သူက အဲဒီ နေရာမှာ အိမ်ကြီး (၁၂) လုံးကို တည်ဆောက်ခဲ့တယ်။ အဲဒီအိမ်ကြီးတွေ အထဲမှာ ထောင်တွေ၊ မြေအောက်အကျဉ်းထောင်တွေ၊ ညှင်းပမ်းနှိပ်စက်တဲ့ အခန်းတွေနဲ့ စီရင်ကွပ်မျတ် တဲ့အခန်းတွေကို ထည့်သွင်း တည်ဆောက်ခဲ့တယ်။ အိမ်ကြီးတွေရဲ့ အထဲမှာလည်း ကျောက်မြက်ရတနာတွေ၊ အနုပညာလက်ရာတွေနဲ့ ပြည့်နေအောင် တန်ဆာဆင်ထားပြီး ရောမနိုင်ငံရဲ့ ခေါင်းဆောင်ဖြစ်ခဲ့ဘူးတဲ့သူ တော်တော် များများကိုလည်း အဲဒီကျွန်းကိုခေါ်လာခဲ့တယ်။

သူ့ဘဝရဲ့ နောက်ဆုံးနှစ်တွေမှာ ရက်စက်ကြမ်းကြုတ်ခြင်း၊ ညစ်ညမ်းတဲ့ ဖျော်ဖြေမှုတွေကို နှစ်သက်ခြင်း နဲ့ သူ့ကို စိတ်ကျေနပ်မှု မဖြစ်စေတဲ့ သူတွေကိုလည်း မကြာခဏသတ်ဖြတ်တတ်ခြင်း စတဲ့ ဂုဏ်ပုဒ်တွေနဲ့ သတ်မှတ်ခံ ထားခဲ့ရတယ်။

ယဇ်ပုရောဟတ်အကြီးအကဲတွေက “ငါတို့မှာ ကဲသာဘုရင်ကလွဲပြီး တခြားဘုရင်မရှိဘူး” လို ကြွေးကြော်ခဲ့ ကြတယ်။ ဒီလို ရက်စက်ကြမ်းကြုတ်ပြီး စိတ်လှုံခြုံမှု ရှိမနေဘူးလို့ ခံစားနေရတဲ့ သူ၊ စိတ်ဂယောက်ဂယက် ဖြစ်နေတဲ့ သူတစ်ယောက်ကို သူတို့ရဲ့ ဘုရင်အဖြစ်ခံယူနေကြတာက အံ့ဩစရာဘဲဖြစ်တယ် ဆိုတာသဘောပေါက်ဖို့ ဖြစ်တယ်။

သင့်ရဲ့ အသက်တာမှာ သင့်ရဲ့ဘုရင်က ဘယ်သူလဲ။
တန်ခိုးအာဏာနဲ့ စည်းစိမ်တွေရှိနေတဲ့ ဒီလောကရဲ့ လူကို သင်ကိုးကွယ်နေသလား၊ ဒါမှမဟုတ် ယေရှုကို ကိုးကွယ်နေသလား။

- ယေရှုကို သင့်ဘဝအသက်တာရဲ့ အရှင်သခင်ဖြစ်စေပါ။

- သင့်အချိန်၊ ဘဏ္ဍာ နဲ့ စွမ်းရည်တွေကို ကိုယ်တော့်ထံ ဆက်ကပ်ပါ။

#ရွှေခါနာန်ဝိညာဉ်အာဟာရ

11/01/2025

ကျေနပ်နှစ်သိမ့်ခြင်း
"မတရားသောသူတို့၏ တိုက်တွန်းခြင်းသို့ မလိုက်၊ လူဆိုးတို့၏ လမ်းတွင်မရပ်မနေ၊ မထီမဲ့မြင်ပြုသော သူတို့၏ အစည်းအဝေး၌မထိုင်၊ ထာဝရဘုရား၏ တရားတော်၌ မွေ့လျော်၍၊ တရားတော်ကို နေ့ညဉ့်မပြတ် ဆင်ခြင်အောက်မေ့သောသူသည် မင်္ဂလာရှိ၏။" (ဆာလံ ၁း၁-၂)

ဘုရားသခင်က ကျွန်တော်တို့အတွက်နဲ့ သင့်အတွက် စိတ်ကူးလို့မရနိုင်လောက်တဲ့ ပျော်ရွှင်မှုကို ပြင်ဆင်ထားပေးတဲ့ အမှန်တရားတစ်ခုကို စဉ်းစားကြည့်လိုက်ပါ။ “ယေရှုခရစ်အားဖြင့် အောင်မြင်ခြင်း ရရှိနိုင်ဖို့အတွက် နဲ့ ကျွန်တော်တို့ဘဝအသက်တာရဲ့ ကဏ္ဍတိုင်းကို ကောင်းကြီးပေးဖို့ ဘုရားသခင်က အလိုရှိတယ်။ (ရောမ ၈း၃၇)

ဒီလိုကောင်းကြီးမင်္ဂလာတွေကို ကျွန်တော်တို့ ဘယ်လို ခံစားရရှိနိုင်မလဲ။ တစ်ခုမြောက်သော ဆာလံမှ သင်ခန်းစာကို ထိုးထွင်းသိမြင်ပြီး လက်တွေ့လုပ်ဆောင်ခြင်းက ကောင်းကြီးမင်္ဂလာအတွက် ရှင်းလင်းတဲ့ နည်းလမ်းတစ်ခုဖြစ်တယ်။ အစပြုရမဲ့အချက်က ဘုရားသခင်ရဲ့ နှုတ်ကပတ်တော်နဲ့ ပြည့်ဝနေရမှာဖြစ်ပြီး ဒီတစ်ခုမြောက်သော ဆာလံကို လက်တွေ့ လိုက်လျှောက် ကျင့်သုံး ဖို့ဖြစ်တယ်။ အဲဒီအချက်တွေက အောင်မြင်ပြီး၊ ကြွယ်ဝတဲ့ အသက်တာ တစ်ခုဆီကို ဦးတည်ပေးထားတယ်။

ကျွန်တော်တို့ဘဝ အသက်တာရဲ့ လိုအပ်ချက်တွေအားလုံးကို ကြွယ်ဝစွာနဲ့ ပံ့ပိုးပေးနေတဲ့ ဘုရားသခင်ရဲ့ ကောင်းကြီးမင်္ဂလာတွေ ဘယ်လိုစီးဆင်းနေသလဲဆိုတာ မြင်ရမှာဖြစ်တယ်။ ဘုရားသခင်ရဲ့ နှုတ်ကပတ်တော်မြေမှာ ကျွန်တော်တို့ရဲ့ ယုံကြည်ခြင်း အမြစ်တွေကို နက်ရှိုင်းစွာ စိုက်ထားမယ်ဆိုရင် ကျွန်တော်တို့အသက်တာက တည်ငြိမ်ပြီး ခိုင်ခံ့နေနိုင်မှာဖြစ်တယ်။

(အငယ်၃)မှာ ကျွန်တော်တို့က မြစ်နားမှာစိုက်တဲ့ သစ်ပင်တွေနဲ့ တူတဲ့အကြောင်းကို သမ္မာကျမ်းစာက ပုံဖော်ထားတယ်။ ကျွန်တော်တို့ရဲ့ လိုအပ်ချက်အားလုံးကို ထောက်ပံ့ပေးနေတဲ့ စဉ်ဆက်မပြတ်စီးဆင်းနေတဲ့ စမ်းချောင်းအားဖြင့် ဘုရားသခင်ရဲ့ အားဖြည့်ပေးမှုကို ကျွန်တော်တို့က အလျင်စလိုလုပ်ဖို့ မလိုအပ်သလို စိုးရိမ်ဖို့လည်း မလိုအပ်ဘူး။ ကျွန်တော်တို့ လုပ်ဆောင်ရာတိုင်းမှာ အောင်မြင်ခြင်းအခွင့်ကို ရရှိမှာကို သိနေတဲ့အတွက် ဘုရားသခင်ရဲ့ ငြိမ်သက်ခြင်းရှိနေပြီး ယုံကြည်စိတ်ချစွာ နေနိုင်တယ်။

ဒါပေမယ့် ဒီကောင်းကြီးတွေဟာ လည်း ပိတ်ဆို့ ရပ်တန့်သွားနိုင်တယ်။ ဘယ်လိုအချိန်မှာ ပိတ်ဆို့သွားနိုင်လဲ ဆိုတော့ မထီမဲ့မြင်ပြုတဲ့ သူတွေနဲ့ ပေါင်းဖော်တဲ့အခါ၊ ဆိုးသွမ်းသောသူတွေရဲ့ စကားကို နားထောင်တဲ့အခါနဲ့ လူဆိုးတွေရဲ့ အကြံဥာဏ်နောက်ကို လိုက်သွားတဲ့အခါတွေမှာ ဖြစ်သွားနိုင်တယ်။ မတရားတဲ့သူတွေဟာ ငြိမ်သက်ခြင်းမရှိဘဲ လေတိုက်ရင်လွင့်သွားတဲ့ ဖွဲနဲ့ တူတယ်။ (အငယ် ၄) ဘုရားသခင်ရဲ့ တရားစီရင်တဲ့အချိန်မှာ သူတို့က အပြစ်စီရင်ခြင်း ခံရမှာဖြစ်တယ်။ (အငယ် ၅)

ယနေ့ ဘုရားသခင်ကို ယုံကြည်ပါ။
ကိုယ်တော်ရဲ့ ကောင်းကြီးတွေကိုမျှော်လင့်ပါ။
ဘုရားသခင်၌ အမြစ်တွယ်ပြီး ခိုင်မာစွာရပ်တည်ပါ။
ကိုယ်တော်ကို အမြဲယုံကြည်ကိုးစားပြီး နှုတ်ကပတ်တော်၌ မွေ့လျော်ပါ။
မတရားသောသူတို့ရဲ့ လမ်းကို ရှောင်ကြဉ်ပါ။
God bless you!

#ရွှေခါနာန်ဝိညာဉ်အာဟာရ

10/31/2025

ချီးမွမ်းခြင်းနှင့် ပြည့်စုံခြင်း
"ထိုကြောင့် ငါတို့သည် ဘုရားသခင်၏ ကျေးဇူးတော်ကို ဝန်ခံလျက်၊ နှုတ်ခမ်းအသီးတည်းဟူသော ချီးမွမ်းခြင်းယဇ်ကို သခင်ယေရှုခရစ်အားဖြင့် ဘုရားသခင်ရှေ့တော်၌ အစဉ်ပူဇော်ကြကုန်အံ့။" (ဟေဗြဲ ၁၃း၁၅)

John Wilbur Chapman က သူ့ရဲ့ အချိန်များစွာကို သင်းအုပ်ဆရာ နဲ့ ဧဝံဂေလိဆရာတစ်ယောက်အနေနဲ့ ကုန်ဆုံးခဲ့သလို ဓမ္မသီချင်းများစွာကိုလည်း ရေးသားခဲ့တဲ့သူဖြစ်တယ်။ သခင်ယေရှုပြုခဲ့တဲ့ အမှုတော်တွေ ကို သူ့ရဲ့ စိတ်နှလုံးထဲက ချီးမွမ်းဖော်ပြတဲ့အချိန်ဟာ သူ့ရဲ့ စိတ်အားတက်ကြွမှုအရှိဆုံး အချိန်အခိုက်အတန့်တစ်ခုဖြစ်ခဲ့တယ်။ “မိုးကောင်းကင်က ဘုရားရဲ့ ဂုဏ်တော်ကို ချီးမွမ်းမှုတွေနဲ့ ဘယ်လောက်ပြည့်နှက်နေသလဲ” ဆိုတာနဲ့ “အပြစ်တရားကလည်း မည်းနိုင်သလောက်မည်း” နေတာကို ပြန်ပြောင်းသတိရနေခဲ့တယ်။ အဲဒီလို အပြစ်ကြောင့် မှောင်မိုက်နေတဲ့အချိန်မှာ ယေရှုက အပျိုကညာဝမ်း ကနေ မွေးဖွားဖို့ ကြွဆင်းလာခဲ့တယ်။ ယေရှုက လူတွေကြားမှာ အတူနေထိုင်ပြီး ကျွန်တော်တို့ရဲ့ ပုံသက်သေဖြစ်ခဲ့တယ်။

Chapman က သူ့ရဲ့ အသက်တာမှာ ယေရှုက နည်းလမ်းများစွာနဲ့ ပြောင်းလဲပေးခဲ့တာကို ဖော်ပြခဲ့တယ်။ “ယေရှုက ကျွန်ုပ်ကို ချစ်လို့ အသက်ရှင်ခဲ့တယ်၊ ကျွန်ုပ်ကိုကယ်ဖို့ အသေခံခဲ့တယ်၊ ကျွန်ုပ်အပြစ်တွေကို အဝေးကို သယ်ဆောင်သွားဖို့ သင်္ဂြိုဟ်ခံခဲ့တယ်၊ ကျွန်ုပ်ရဲ့ အပြစ်မှ ထာဝရလွတ်မြောက်ပြီး တရားမျှတခြင်းအတွက် ရှင်ပြန်ထမြောက်ခဲ့တယ်၊ တစ်နေ့သောအခါ ကိုယ်တော်ပြန်ကြွလာတော်မူမယ်၊ အို ဘုန်းကြီးသောနေ့” လို့ သူက ရေးသားဖော်ပြခဲ့တယ်။

ယေရှု ကရာနီကုန်းပေါ်တက်ပြီး လက်ဝါးကပ်တိုင်မှာ သံမှိုနဲ့ အရိုက်ခံခဲ့တာကို ပြန်ပြောင်းသတိရနေခဲ့တယ်။ ယေရှုက ကျွန်တော်တို့ရဲ့ အပြစ်ဝန်ထုပ်ကို သယ်ဆောင်သွားပေးခဲ့ပြီး ကျွန်တော်တို့ရဲ့ ကယ်တင်ရှင် ဖြစ်ခဲ့တယ်။ “သင်္ချိုင်း ဂူက ယေရှုကို ကြာရှည်စွာ မပိတ်နိုင်ဘူး” သေခြင်းတရားကို အောင်မြင်ပြီး ထမြောက်ခဲ့တယ်။ “ယခုပင် တက်ကြွတော်မူပါ ထာဝရဘုရား” လို့ ရေးစပ်ဖွဲ့ဆိုခဲ့တယ်။

ဒါပေမယ့် ယေရှုက တစ်ဖန် ပြန်လာအုန်းမယ်ဆိုတာကို Chapman က သိနေလို့ “တစ်နေ့မှာ ကိုယ်တော်ပြန်ကြွလာဖို့ အတွက် တံပိုးမှုတ်သံ မြည်လိမ့်မယ်” မိုးကောင်းကင်က ဘုရားသခင်ရဲ့ ဘုန်းတော်ကြောင့် ထွန်းလင်းမဲ့ နေ့ဖြစ်တယ်။ အဲဒီနေ့ဟာ အံ့ဩဖွယ်ရာ နေ့ဖြစ်လိမ့်မယ် လို့ ရေးသား ဖွဲဆိုခဲ့တယ်။

ယေရှုက သင့်ရဲ့ ဘုရားသခင် ဖြစ်တယ်။ သင့်အပြစ်အတွက် အသေခံခဲ့တယ်။ တဖန်ထမြောက်ခဲ့တယ်။ ဒါကြောင့် သင်ထာဝရအသက် ရနိုင်တာဖြစ်တယ်။ သင့်အတွက် ယေရှုက တဖန်ပြန်ကြွလာမှာဖြစ်လို့ ကျေးဇူးတော်ကို ချီးမွမ်းပါ။ သင့်ရဲ့ အချိန်၊ စွမ်းရည်၊ ဘဏ္ဍာအားဖြင့်ကိုယ်တော့်ကို ဝတ်ပြုကိုးကွယ်ပါ။ ဒီလိုအံ့ဩဖွယ် ကယ်တင်ရှင်ထံမှာ သင့်အသက်တာကို အပ်နှံလိုက်ပါ။ ကိုယ်တော်က အရာခပ်သိမ်းရဲ့ ချီးမွမ်း ခြင်းကိုခံထိုက်တဲ့ ဘုရားဖြစ်တယ်။

#ရွှေခါနာန်ဝိညာဉ်အာဟာရ

10/30/2025

ဘယ်လောက်ဆုတောင်းသလဲ
?ထိုနေ့ရက်ကာလ၌ ကိုယ်တော်သည် ဆုတောင်းပဌနာ ပြုခြင်းငှါ တောင်ပေါ်သို့ကြွ၍ ဘုရားသခင်အား ဆုတောင်းပဌာနာပြုလျက် တညဉ့်နေတော်မူ၏။ မိုဃ်းလင်းသောအခါ တပည့်တော်တို့ကို ခေါ်တော်မူ၍၊" (လုကာ ၆း၁၂-၁၃)

ယေရှုက ဘယ်သူတွေဟာ သူ့ရဲ့ တပည့်တော်တွေ ဖြစ်လာမလဲဆိုတဲ့ အရေးကြီးတဲ့ ဆုံးဖြတ်ချက်ချဖို့ ရှိနေတယ်။ ယေရှုက သူ့ရဲ့ ကိုယ်စားလှည်လောင်းတွေကို သိရှိပြီး သူတို့နဲ့ အချိန်ယူခဲ့တယ်။ ယေရှုဆီမှာ သူ့ရဲ့ ရွေးချယ်မှုလုပ်ဆောင်ဖို့အတွက် လုံလောက်တဲ့ အချက်အလက်တွေ ရှိနေမယ်ဆိုတာကို ကျွန်တော်တို့ ယူဆနိုင်တယ်။ ဒါပေမယ့် ယေရှုက သူ့ရဲ့ ဆုတောင်းခြင်းမပြီးမချင်း ဆုံးဖြတ်ချက်မချခဲ့ပါဘူး။ သူဆုတောင်းတဲ့အခါမှာလည်း အချိန်တိုတိုလေး မတောင်းခဲ့ဘဲ။ တစ်ညလုံး ဘုရားသခင်ထံ ဆုတောင်းခဲ့တယ်။ သူလိုအပ်တဲ့အဖြေရတဲ့အထိ ဆုတောင်းခဲ့တာဖြစ်တယ်။

ဒီလို ကတိကဝတ်မျိုးပြုပြီး ဆုတောင်းတတ်တဲ့ ခရစ်ယာန်တွေ ဘယ်လောက်ရှိနေသလဲ။ ကျွန်တော်တို့ ဆုံးဖြတ်ချက်တွေ ချဖို့ရှိတဲ့ အခါတွေမှာ ဆုတောင်းကြရမှာဖြစ်တယ်။ ဒါပေမယ့် အဲဒီဆုတောင်းချက်က ဘယ်လောက်ပြင်းထန်သလဲ၊ အချိန်ဘယ်လောက်ကြာကြာ ဆုတောင်းသလဲ။ မိနစ်အနည်းငယ်လား၊ စက္ကန့်အနည်းငယ်လား။

အခုအချိန်မှာ သင်ကြုံတွေ့နေရတဲ့ အခြေအနေနဲ့ အကြောင်းအရာတွေကို စိတ်နှလုံးသားထဲမှာ ရှာဖွေပြီး စဉ်းစားပါ။ သင့်ရဲ့ ဆုံးဖြတ်ချက်တွေက သင့်ရဲ့ အတွေ့အကြုံတွေနဲ့ သင်နားလည်ထားတာတွေကို အခြေခံနေတာလား။ ဒါမှမဟုတ် သင့်ပတ်ဝန်းကျင်က လူတွေရဲ့ အကြံဥာဏ်တွေအပေါ်မှာ အခြေခံနေတာလား။ ဒီလိုကိစ္စတွေမှာ သင်က ဘုရားသခင်ကို အမှန်တကယ်ရှာဖွေနေခဲ့သလား။ ဘုရားသခင်က သူ့ရဲ့ ဥာဏ်ပညာတွေကို သင့်ကို ပေးဖို့ အဆင်သင့်ရှိနေသလို မှန်ကန်တဲ့ ရွေးချယ်မှုတွေကို လုပ်ဆောင်နိုင်ဖို့လည်း လမ်းပြပေးမှာဖြစ်တယ်။ ဘုရားသခင်ကို ခေါ်ပြီး သီးသန့် ဆုတောင်းခြင်းဖြင့် ရှာဖွေပါ။

ကျွန်တော်တို့ရဲ့ ဥာဏ်ပညာအပေါ်မှာ အမှီမပြုဘဲ၊ ဘုရားသခင်ကိုဘဲ ယုံကြည်ကိုးစားဖို့ သမ္မာကျမ်းစာက ကျွန်တော်တို့ကို သတိပေးထားပါတယ်။ ကျွန်တော်တို့ လုပ်ဆောင်လေရာတိုင်းမှာ ဘုရားသခင်ရဲ့ အလိုတော်ကို ရှာမယ်ဆိုရင် ဘုရားသခင်က ကျွန်တော်တို့ရဲ့ လမ်းခရီးကို ပဲ့ပြင်ပေးမှာ ဖြစ်တဲ့အကြောင်း ယုံကြည်စိတ်ချမှု ရှိနေမှာဖြစ်တယ်။ (သုတ္တံ ၃း၅-၆)

- ဘုရားသခင်ရဲ့ အလိုတော်နဲ့ ဥာဏ်ပညာကို ရှာဖွေပါ။

- ဆုတောင်းဖို့ အချိန်ပေးပါ။

- သင်လိုအပ်တဲ့ အဖြေရတဲ့အထိ ဆုတောင်းပါ။

- အချိန်ဘယ်လောက်ဘဲကြာကြာ ဘုရားသခင်က သင့်ကို မစဖို့နဲ့ ဥာဏ်ပညာပေးဖို့ အဆင်သင့်ရှိနေတယ်။

#ရွှေခါနာန်ဝိညာဉ်အာဟာရ

10/29/2025

အပြစ်၏ချုပ်ကိုင်မှု
"ပွဲလုပ်ခြင်း၊ ယစ်မျိုးသောက်ကြူးခြင်း၊ မတရားသော မေထုန်၌ မှီဝဲခြင်း၊ ကိလေသာညစ်ညူးခြင်း၊ ရန်တွေ့ခြင်း၊ ဂုဏ်ပြိုင်ခြင်းအမှုတို့ကို ကြဉ်ရှောင်၍၊ နေ့အချိန်၌ကဲ့သို့ တင့်တယ်လျောက်ပတ်စွာ ကျင့်ဆောင် ပြုမူကြကုန်အံ့။ သခင်ယေရှုခရစ်ကို ယူတင်ဝတ်ဆောင်ကြလော့။ ကိုယ်ကာယ၏တပ်မက်ခြင်းအလိုငှါ မကြံစည် ကြနှင့်။" (ရောမ ၁၃း၁၃-၁၄)

ဒီ အခန်းငယ်ရဲ့ ကျမ်းပိုဒ်တွေကို St. Augustine ဖတ်နေခဲ့တဲ့အချိန်တုန်းက သူ့ရဲ့ ဘဝ ပြောင်းလဲခြင်း အတွေ့အကြုံတစ်ခုဖြစ်ပေါ်ခဲ့တယ်။ သူ့ကို မြောက်အာဖရိကမှာ မွေးဖွားခဲ့ပြီး သူ့ရဲ့ မိခင်က သူ့ကို ခရစ်ယာန်နဲ့ ပတ်သက်တဲ့ သင်ခန်းစာတွေကို သင်ကြားပေးခဲ့တယ်။ ဒါပေမယ့် လူငယ်ဘဝမှာ သူက တခြားဘာသာ တရားတွေကို သက်ဝင်ယုံကြည်ခဲ့တယ်။ နောက်ဆုံးမှာတော့ ခရစ်ယာန်ဘာသာဝင်ပြန်ဖြစ်လာခဲ့တယ်။ ဒါပေမယ့် လောကီနဲ့ ဆိုင်တဲ့ အရာတွေကို ဆက်လက် လုပ်ဆောင် လက်ခံခဲ့ပြီး တရားဝင် လက်မထပ်ထားတဲ့ အမျိုးသမီးတစ်ဦးနဲ့တောင် အတူနေထိုင် ခဲ့တယ်။

ဒါပေမယ့် အပြစ်နဲ့ ပတ်သက်ပြီး စိုးရိမ်တဲ့အတွက်ကြောင့် ရောမ ၁၃ ကို သူက လေ့လာခဲ့တယ်။ အဲဒီကျမ်းပိုဒ်က သူ့ရဲ့ ဝိညာဉ်ရေးရဲ့ ဖုံးကွယ်ထားတဲ့ နက်နဲတဲ့အရာတွေကို ဖော်ပြနေတာသူတွေ့ရှိခဲ့တယ်။ ဒါကြောင့် သူ့အသက်တာကို ပြောင်းလဲပေးဖို့ ဘုရားသခင်ကို ဆုတောင်းခဲ့တယ်။ “မုန်တိုင်းကြီးက ကျွန်တော်ရဲ့ အသက်တာထဲမှာ ဖြစ်ပေါ်ခဲ့ပြီး ကျွန်တော့်ကို ကြီးမားတဲ့ ဝမ်းနည်းမျက်ရည်တွေ စီးကျစေခဲ့တယ်” လို့ ဆုတောင်းခဲ့ပြီး သူက အပြစ်ရဲ့ ဆုပ်ကိုင်မှုထဲမှာဘဲ ရှိနေသေးတာကို သဘောပေါက်ခဲ့တယ်။

ဘုရားသခင်က သူ့ရဲ့ ဆုတောင်းသံကို ပြန်လည် အဖြေပေးခဲ့တယ်။ “အချိန်အနည်းငယ်အတွင်းမှာ ဘဲ ယုံကြည်ခြင်းအလင်းတန်းက သူ့ရဲ့ နှလုံးသားမှာ ဖုံးလွှမ်းသွားပြီး သံသယအမှောင်တွေအားလုံးကလည်း ဖယ်ရှားပစ်လိုက်သလို ဖြစ်သွားတယ်” လို့ သူက ပြောခဲ့တယ်။ ဘုရားသခင်ရဲ့ ခွင့်လွတ်မှု၊ ချည်နှောင်ခြင်းထဲက လွှတ်မြောက်မှုနဲ့ သန့်ရှင်းစင်ကြယ်ခြင်းကို St. Augustine က ရှာဖွေတွေ့ရှိခဲ့ပြီး သူ့ရဲ့ ကျန်ရှိတဲ့ အသက်တာကို ဘုရားသခင်အတွက် ဆက်ကပ်အသုံးခံခဲ့တယ်။ အဲဒီနောက်မှာ ခရစ်ယာန်သမိုင်းမှာ အရေးပါဆုံးဖြစ်တဲ့ “Confessions” နဲ့ “City of God” ဆိုတဲ့ စာအုပ်နှစ်အုပ်ကို ရေးသားခဲ့တယ်။

ကျွန်တော်တို့ဟာ ခရစ်ယာန်တစ်ယောက်ဖြစ်နေတာတောင်မှာ ကျွန်တော်တို့ရဲ့ အသက်တာမှာ အပြစ်တရားရဲ့ ချုပ်ကိုင်မှုက ဘယ်လောက်တောင် ခိုင်မာနိုင်သလဲဆိုတာကို St. Augustine က သိရှိနားလည်သွားခဲ့တယ်။ အပြစ်တရားရဲ့ ရမက်များနဲ့ ဆွဲဆောင်မှုတွေက အလွန်အမင်း လွှမ်းမိုးနိုင်တယ်လို့ ထင်ရတယ်။ ဒါပေမယ့် အပြစ်မှာ အဖိုးအခ တစ်ခုတော့ရှိတယ်။ အပြစ်တရားက ကျွန်တော်တို့ရဲ့ စိတ်နှလုံးနဲ့ အတွေးထဲမှာ နေရာယူ အုပ်စိုးနေတဲ့ အချိန်မှာ ဆိုရင်တော့ ကျွန်တော်တို့က လွတ်လပ်မှုကို မသိနိုင်ဘူး။

- ဒီကနေ့ အပြစ်တရားက ပုံစံမျိုးစုံနဲ့ သင့်ကို သူ့ရဲ့ ကျေးကျွန်တစ်ယောက်ဖြစ်ဖို့ လုပ်ဆောင်နိုင်တယ်ဆိုတာကို သဘောပေါက်ပါ။

- အကယ်၍ အပြစ်တစ်ခုခုက သင့်အထဲမှာ ထင်ရှားစွာနဲ့ဖြစ်ဖြစ်၊ သိမ်မွေ့ငြင်သာတဲ့ နည်းနဲ့ဖြစ်ဖြစ်၊ ပွင့်လင်းတဲ့နည်းနဲ့ဖြစ်ဖြစ်၊ ပုန်းလျှိုးကွယ်လျှိုးရှိနေတာဖြစ်ဖြစ် သင့်ကို ချုပ်ကိုင်ထားမယ်ဆိုရင် အဲဒီအရာတွေကို ဖွင့်ပြပေးဖို့ ဘုရားသခင်ကို တောင်းခံပါ။

- သင့်အပြစ်ချည်နှောင်ခြင်းက လွတ်မြောက်ဖို့အတွက် ယေရှုကို အခွင့်ပေးပါ။

#ရွှေခါနာန်ဝိညာဉ်အာဟာရ

10/28/2025

သင့်နှလုံးသား
"ထာဝရဘုရားက၊ သူ၏ မျက်နှာသူ၏ အရပ်ကို မကြည့်မရှုနှင့်။ သူ့ကို ငါပယ်ပြီ။ ထာဝရဘုရားသည် လူမြင်သကဲ့သို့မြင်တော်မူသည်မဟုတ်။ လူသည် အဆင်းသဏ္ဍာန်ကို ကြည့်ရှုတတ်၏။ ထာဝရဘုရားမူကား နှလုံးကို ကြည့်ရှုတတ်သည်ဟု ရှမွေလအားမိန့်တော်မူ၏။" (၁ရာ ၁၆း၇)

ပရောဖက် ရှမွေလက ဘုရင်တစ်ယောက်ကို လိုက်လံရှာဖွေနေခဲ့တဲ့အချိန်က ဒါဝိဒ်ကို ကြည့်ရတာကတော့ ဘုရင်ဖြစ်ဖို့ လိုအပ်တဲ့ အရည်အချင်းမရှိတဲ့ ပုံပေါ်လွင်နေတယ်။ သူ့ဖခင်ဖြစ်တဲ့ ယေရှဲကတောင်မှ သူ့ကို စာရင်းထဲ ထည့်စဉ်းစားဖို့ မထိုက်တန်ဘူးလို့ထင်ခဲ့တယ်။ ဒါပေမယ့် ဘုရားသခင်အတွက်ကတော့ ဒါဝိဒ် ဟာ လုံးဝပြီးပြည့်စုံစွာ လေ့ကျင့်ပေးထားပြီးသား၊ ပြင်ဆင်ထားပြီးသား ဖြစ်နေတယ်။

သူ့ကို ဝေဖန်ကြတဲ့ သူတွေရဲ့ စိတ်နေသဘောထားတွေက သူကို ကြောက်လန့်စေနိုင်တယ်။ ဒါပေမယ့် ဒါဝိဒ်ကတော့ အခြေအနေအားလုံးမှာ ဘုရားသခင်ကိုဘဲ ယုံကြည်ကိုးစားဖို့ ဆန္ဒရှိသူဖြစ်တယ်။ ဘုရားသခင်ရဲ့ နိယာမတရားတွေ၊ ဂတိတော်တွေက အခြေအနေအားလုံးမှာ အကျုံးဝင်နေတာကို သူသဘောပေါက်ထားခဲ့တယ်။ တခြားသူတွေက ကြောက်ရွံ့နေကြပြီး ခြောက်လန့်ခံနေခဲ့ကြရတဲ့အချိန်မှာ ဒါဝိဒ်မှာတော့ စိတ်ချမှုရှိနေပြီး ဘုရားသခင်ကို ယုံကြည်ကိုးစားဖို့ ဆန္ဒဘဲရှိနေတယ်။

တိုင်းပြည်တစ်ခုလုံးက လူတွေထဲမှာ ဒါဝိဒ်က ဘုရင်ဖြစ်ဖို့ အဆင်သင့်အဖြစ်ဆုံးဘဲဖြစ်တယ်။ တခြားလူတွေက လူသန်ကြီး ဂေါလျက်ကြောင့် ကြောက်ရွံ့မှုတွေရှိနေကြပေမယ့် ဒါဝိဒ်က ဘုရားသခင်ကို ယုံကြည် စိတ်ချမှုရှိခဲ့သလို ဘုရားသခင်က သူ့ကို အောင်မြင်ခြင်းပေးမှာကို သိနေခဲ့တယ်။ ဒါဝိဒ်က သမ္မာကျမ်းစာနဲ့ ဆိုင်တဲ့ အဓိက ကျတဲ့ နည်းဥပဒေသတွေကို သူ့ရဲ သိုးကျောင်းသား ဖြစ်နေတဲ့ အချိန်ကလေ့လာ သင်ယူခဲ့တယ်။ အဲဒီနည်းဥပဒေသတွေ၊ နိယာမတရားတွေက သူ့ရန်သူ လူသန်ကြီးနဲ့ ရင်ဆိုင်ရတဲ့အချိန်မှာဘဲဖြစ်ဖြစ်၊ တောရိုင်းတိရစ္ဆာန်တွေနဲ့ ရင်ဆိုင်နေရရင်ဘဲဖြစ်ဖြစ် အလုပ်လုပ်နေကြတာဖြစ်တယ်။

ဒါဝိဒ်က ဘုရားသခင်ကို ယုံကြည်ပြီးတော့ သူလေ့လာသင်ယူခဲ့တဲ့ ဒီနည်းဥပဒေသကို အတွေ့အကြုံ အသစ်တွေမှာ ရိုးရိုးလေး လက်တွေ့ လိုက်လျှောက်အသုံးချနေဖို့တော့ လိုအပ်တယ်။

အောင်မြင်ခြင်းရဲ့ လျှို့ဝှက်ချက်က ဘုရားသခင်ရဲ့ ရှေ့တော်မှာ မှန်ကန်တဲ့ စိတ်နေသဘောထား ရှိနေခြင်း ဖြစ်တယ်လို့ သမ္မာကျမ်းစာက သတိပေးထားပါတယ်။ ဒါဝိဒ်က ဆန္ဒရှိပြီး နှိမ့်ချတဲ့သူဖြစ်တယ်။ သူက ဘုရားသခင်ကို ယုံကြည်ပြီး ဘုရားသခင်ပေးထားတဲ့အတွေ့အကြုံတွေ၊ အရည်အချင်းတွေနဲ့ အရင်းအမြစ်တွေကို အသုံးချခဲ့တယ်။ အထူးသဖြင့် ဘုရားသခင်ရဲ့ ဘိသိက်က ဒါဝိဒ်အပေါ်မှာ ရှိနေပြီး သူဟာ ဘုရားသခင်ရဲ့ ခေါ်ခြင်းကို ခံထားရတဲ့ ကောင်းကြီးခံရတဲ့ သူဖြစ်တယ်။

ယနေ့ သင်ရင်ဆိုင်နေရတဲ့ အခြေအနေတိုင်းမှာ ဘုရားသခင်က သင့်ကို မစနိုင်ဖို့ ကိုယ်တော်ကိုယုံကြည်ပါ။

- မထိတ်လန့်ပါနဲ့။ မကြောက်ရွံ့ပါနဲ့။

- ယုံကြည်ခြင်းရှိပါ။ ကိုးစားပါ။

- ဘုရားသခင်က သင့်နှလုံးသားကို ရှာဖွေနေတယ်ဆိုတာကို သတိရပါ။

#ရွှေခါနာန်ဝိညာဉ်အာဟာရ

10/26/2025

မဟာမေတ္တာ
"သို့သော်လည်း ကရုဏာတော်နှင့် ကြွယ်ဝတော်မူသော ဘုရားသခင်သည်၊ ငါတို့ကို ချစ်တော်မူသော မဟာမေတ္တာတော် အားဖြင့်၊ ဒုစရိုက်အပြစ်၌ သေလျက် ရှိနေသော ငါတို့ကို၊ ခရစ်တော်နှင့်အတူ၊ အသက်ရှင် စေတော်မူပြီ။ ကျေးဇူးတော်ကြောင့်သာ ကယ်တင်ခြင်းသို့ ရောက်ရ၏။" ဧဖက် ၂:၄-၅

တစ်ခါက ရှင်သန်ခြင်းမရှိသော ရုပ်အလောင်းတစ်ခုရှိ၏။ ထိုအလောင်းသည် လှုပ်ရှားခြင်း၊ အသက်ရှူခြင်း၊ မျှော်လင့်ခြင်းမရှိ။ သို့သော်... ဘုရားသခင်၏ "သို့သော်လည်း" သည် ဤအရာကို ပြောင်းလဲစေ၏။ ယောဟန် ၁၁း၄၁-၄၄

မျှော်လင့်ခြင်းမရှိသော နေရာသို့ ဝင်ရောက်လာသော "သို့သော်လည်း"
ကျွန်ုပ်တို့၏ဘဝတွင် "သို့သော်လည်း" များစွာရှိပါသည်။

- "ငါ ပျက်စီးတော့မယ်... သို့သော်လည်း ဘုရားရှိသည်"

- "ငါ မခံနိုင်တော့ပါ... သို့သော်လည်း ကျေးဇူးတော်ရှိသည်"

- "ငါ အထီးကျန်နေသည်... သို့သော်လည်း ကိုယ်တော်နှင့်အတူရှိသည်"

- အကြောင်းမရှိသော ချစ်ခြင်းမေတ္တာ။
ကျွန်ုပ်တို့ကောင်းသောကြောင့် မဟုတ်ပါ…
- အခြေအနေမရှိသော ချစ်ခြင်းမေတ္တာ။
"သင်ပြုပြင်ပြီးမှ" ဟူ၍မရှိပါ…
- အဆုံးမရှိသော ချစ်ခြင်းမေတ္တာ။
ကျွန်ုပ်တို့၏အပြစ်သည် ကိုယ်တော်၏ ကျေးဇူးကရုဏာတော်ကို မအောင်နိုင်ပါ…

- ကျေးဇူးတော်သည် ဘုရားသခင်၏ ကျေးဇူးပြုလိုသော ဆန္ဒဖြစ်သည်။

- ကျေးဇူးတော်က "မင်းသည် ငါ့အတွက် ဘာလုပ်နိုင်သလဲ" ဟု မမေးပါ။

- "ငါ မင်းအတွက် ဘာလုပ်ပေးနိုင်မလဲ" ဟုသာ မေးသည်။

- မိမိကိုယ်ကို ကြည့်ရှုနေခြင်းကို ရပ်တန့်ကာ ဘုရား၏ကျေးဇူးတော်ကို ဆင်ခြင်ပါ။

- ကျေးဇူးတော်သည် သင့်အား "ငါသည် အပြစ်နှင့် အမင်္ဂလာရှိသည်" မှ "ငါသည် ကျေးဇူးတော်ကြောင့် ကယ်တင်ခြင်း မင်္ဂလာရှိသည်" သို့ ပြောင်းလဲစေသည်။

#ရွှေခါနာန်ဝိညာဉ်အာဟာရ

10/25/2025

စေတနာစိတ်နဲ့ အစေခံပါ
"လူတို့၏ စိတ်ကို နူးညွတ်စေသော သူကဲ့သို့၊ မျက်မှောက်၌သာ နားထောင်သည် မဟုတ်၊ ခရစ်တော်၏ ကျွန်ကဲ့သို့၊ စေတနာစိတ်နှင့် ဘုရားသခင်၏ အလိုတော်ကိုစောင့်၍၊ လူ၏အစေကိုသာ ခံသကဲ့သို့မဟုတ်၊ သခင်ဘုရား၏ အစေကို ခံသကဲ့သို့၊ ကြည်ညိုသော သဘောနှင့် အစေကို ခံကြလော့။" ဧဖက် ၆း၆-၇

လူအများစုအတွက် "ကျေးကျွန်" ဆိုတဲ့ စကားလုံးဟာ လွတ်လပ်မှုဆုံးရှုံးရခြင်း၊ ဖိစီးနှိပ်စက်ခြင်းနဲ့ မတရားမှုရဲ့ သင်္ကေတဖြစ်ပါတယ်။ ဒါပေမယ့် တမန်တော်ပေါလုဟာ ကျေးကျွန်ဘဝကို ခရစ်ယာန်အစေခံတော်မူခြင်းရဲ့ ပုံရိပ်တစ်ခုအဖြစ် အသုံးပြုပါတယ်။ သူဟာ ကျေးကျွန်တွေဟာ မိမိသခင်ကို ကြည်ညိုလေးစားစွာ နာခံဖို့ တိုက်တွန်းရင်း၊ ကျေးကျွန်ပိုင်ရှင်တွေကိုလည်း မိမိကျေးကျွန်တွေကို ကောင်းမွန်စွာ ဆက်ဆံဖို့ တိုက်တွန်းပါတယ်။ ဒီနေရာမှာ ပေါလုဟာ အစေခံခြင်းရဲ့ အတွင်းစိတ်သဘောထားကို အလေးထား ဖော်ပြထားပါတယ်။

ကျွန်ုပ်တို့ လက်တွေ့အသက်တာမှာ ကျေးကျွန်တစ်ယောက်လို မဟုတ်ရင်တောင်၊ ကျွန်ုပ်တို့ဟာ အလုပ်၊ မိသားစု၊ အသင်းတော်နဲ့ အသိုင်းအဝိုင်းထဲမှာ အမျိုးမျိုးသော တာဝန်တွေကို ထမ်းဆောင်ရပါတယ်။ ပေါလုဟာ ကျွန်ုပ်တို့ရဲ့ အစေခံမှုတိုင်းဟာ လူတွေကို မြင်နိုင်တဲ့ အပြင်ပန်းအတွက် မဟုတ်ဘဲ၊ ဘုရားသခင်ကို မြင်တော်မူသော စေတနာစိတ်နဲ့ ဖြစ်သင့်ကြောင်း သွန်သင်ထားပါတယ်။

“အစေခံခြင်းရဲ့ စိတ်သဘောထား”
ကျွန်ုပ်တို့ အစေခံရတဲ့အခါ ဘယ်လိုစိတ်နဲ့ အစေခံသင့်သလဲ။

၁။ "လူတို့၏ စိတ်ကို နူးညွတ်စေသော သူကဲ့သို့၊ မျက်မှောက်၌သာ နားထောင်သည် မဟုတ်"

ဒါဟာ လူတွေရှေ့မှာ ကောင်းမွန်အောင် ဟန်ဆောင်ပြီး၊ သူတို့ မမြင်နိုင်တဲ့အခါ ပျက်ကွက်တတ်တဲ့ သဘောမျိုး မဖြစ်သင့်ပါဘူး။

၂။ "ခရစ်တော်၏ ကျွန်ကဲ့သို့"
ကျွန်ုပ်တို့ရဲ့ အဓိကသစ္စာရှိမှုဟာ ခရစ်တော်ဆီမှာရှိပါတယ်။ သူ့ကို ကျေးဇူးတင်လျက် နာခံခြင်းဖြစ်ပါတယ်။

၃။ "စေတနာစိတ်နှင့် ဘုရားသခင်၏ အလိုတော်ကိုစောင့်၍"
ဒါဟာ ကျွန်ုပ်တို့ရဲ့ အစေခံမှုရဲ့ အတွင်းစိတ်သဘောထားကို ဖော်ပြနေပါတယ်။ ကျွန်ုပ်တို့ဟာ ဘုရားသခင်ရဲ့ အလိုတော်ကို ကြိုက်နှစ်သက်လျက်၊ စေတနာထားရှိစွာနဲ့ အစေခံသင့်ပါတယ်။

၄။ "လူ၏အစေကိုသာ ခံသကဲ့သို့မဟုတ်၊ သခင်ဘုရား၏ အစေကို ခံသကဲ့သို့"
ကျွန်ုပ်တို့ အစေခံရတဲ့အရာဟာ လူတွေအတွက် မဟုတ်ဘဲ၊ သခင်ဘုရားအတွက် ဖြစ်တယ်လို့ မြင်သင့်ပါတယ်။

၅။ "ကြည်ညိုသော သဘောနှင့် အစေကို ခံကြလော့"
"ကြည်ညိုသော သဘော" ဆိုတဲ့ စကားလုံးဟာ ကျေးဇူးတော်ချီးမွမ်းခြင်း၊ ဝမ်းမြောက်ခြင်းနဲ့ ကြည်နူးခြင်းတို့ကို ဆိုလိုပါတယ်။

# ဆင်ခြင်လုပ်ဆောင်စရာ အချက် (၃) ချက်
- မမြင်ရသောသခင်အတွက် အမြင်ရှိပါ။
ကျွန်ုပ်တို့၏ အစေခံမှုအားလုံးသည် လူများကြားတွင် ဖြစ်သော်လည်း၊ နောက်ဆုံးတွင် ဘုရားသခင်အတွက် ဖြစ်ကြောင်း သတိရပါ။ လူများက မတွေ့မြင်နိုင်သော အချိန်တွင် ပို၍ ကြိုးစားအားထုတ်ခြင်းသည် ဘုရားသခင်ကို ကြောက်ရွံ့ရိုကျိုးခြင်း၏ လက္ခဏာဖြစ်သည်။ ယနေ့ သင်၏တာဝန်များကို ဆောင်ရွက်ရာတွင် "ဤအရာကို သခင်ဘုရားအတွက် လုပ်နေခြင်းဖြစ်သည်" ဟု စိတ်ထဲအမြဲခံယူပါ။

- စေတနာစိတ်ဖြင့် အစပြုပါ။
အလုပ်တစ်ခု၏ ကြီးကျယ်မှု၊ သေးငယ်မှုထက်၊ ထိုအလုပ်ကို စတင်လုပ်ဆောင်သော စေတနာစိတ်သည် ပို၍ အရေးကြီးသည်။ မနက်အိပ်ရာထချိန်တွင် "ကျေးဇူးတော်ချီးမွမ်းပါ၏" ဟု ဆုတောင်းကာ၊ ယနေ့လုပ်ရမည့် အမှုအားလုံးကို ကျေးဇူးတော်ချီးမွမ်းသော စိတ်နှင့် စတင်ပါ။ စေတနာသည် ဝန်ထုပ်မဖြစ်စေဘဲ၊ ဝန်ထမ်းမှုကို ဝမ်းမြောက်ခြင်းအဖြစ် ပြောင်းလဲစေနိုင်သည်။

- ကြည်ညိုသောစိတ်ဖြင့် ဆက်လက်ပါ။
အစေခံရခြင်းသည် တစ်ခါတစ်ရံ ပင်ပန်းနွမ်းနယ်မှုကို ဖြစ်စေနိုင်သည်။ ထိုသို့သော အချိန်မျိုးတွင် "ကြည်ညိုသော သဘောနှင့်" ဆိုသော ကျမ်းစကားကို သတိရပါ။ ကြည်ညိုခြင်းသည် ကျေးဇူးသိတတ်မှု၏ စိတ်သဘောထားဖြစ်သည်။ သင်၏အခက်အခဲ၊ ပင်ပန်းမှုများကို ဘုရားသခင်အား ပုံအပ်ပြီး၊ ကိုယ်တော်၏တန်ခိုးတော်အားဖြင့် ဆက်လက်အစေခံနိုင်ရန် ဆုတောင်းပါ။ သင်၏အစေခံမှုကို ဘုရားသခင်သည် မျက်မြင်တော်မူကြောင်း ယုံကြည်ကာ ခွန်အားယူပါ။

- ယနေ့ သင် လုပ်ရမည့် အလုပ်တာဝန်တစ်ခုကို ဆုတောင်းခြင်းဖြင့် အစပြုပါ။
- ထိုတာဝန်ကို လူများအတွက်မဟုတ်၊ သခင်ဘုရားအတွက် စေတနာထားရှိစွာဖြင့် လုပ်ဆောင်မည်ဟု ဆုံးဖြတ်ပါ။
- အလုပ်ပြီးဆုံးသွားသောအခါ၊ "ကျေးဇူးတော်ကြောင့် ဤအမှုကို ပြီးစီးနိုင်ခဲ့သည်" ဟု ကျေးဇူးတော်ကို ချီးမွမ်းပါ။

#ရွှေခါနာန်ဝိညာဉ်အာဟာရ

10/24/2025

အလိုရှိသမျှ ယေရှုရစ်အားဖြင့် ပြည့်စုံ
"ငါ၏ဘုရားသခင်သည်၊ ဘုန်းအာနုဘော်၌ စံပယ်တော်မူသော စည်းစိမ်ရှိသည်အတိုင်း၊ သင်တို့အလို ရှိသမျှတို့ကို၊ ယေရှုရစ်အားဖြင့် ပြည့်စုံစေတော်မူလိမ့်မည်။" ဖိလိပ္ပိ ၄း၁၉

ဤကျမ်းပုဒ်ကို ရေးသားချိန်တွင် တမန်တော်ရှင်ပေါလုသည် ထောင်ထဲ၌ နေရချိန်ဖြစ်သည်။ သူ၏ ကိုယ်ပိုင်လိုအပ်ချက်များထက် ဖိလိပ္ပိအသင်းတော်၏ ဝိညာဉ်ရေးရာ အခြေအနေကို ပိုမိုစိုးရိမ်နေသည်။ ထိုအခြေအနေအတွင်းမှာပင် ပေါလုသည် ဘုရားသခင်၏ ကြွယ်ဝမှုကို ယုံကြည်စိတ်ချစွာ ထုတ်ဖော်ပြောဆိုနိုင်သည်။

ကျွန်ုပ်တို့၏ "အလိုရှိသမျှ" ဆိုသည်မှာ ဘုရားသခင်၏ အလိုတော်နှင့်ကိုက်ညီသော အရာများဖြစ်သည်။ ယေရှုခရစ်အားဖြင့် ဆိုသည်မှာ ဘုရားသခင်၏ ကျေးဇူးတော်သည် ယေရှုခရစ်၌ တည်ရှိကြောင်း ဖော်ပြခြင်းဖြစ်သည်။ ကျွန်ုပ်တို့၏ လိုအပ်ချက်များအားလုံးသည် ခရစ်တော်၌ ပြည့်စုံနိုင်ပါသည်။

ကျွန်ုပ်တို့သည် ဘဝ၌ ကြုံတွေ့ရသော လိုအပ်ချက်များ၊ အားနည်းချက်များအတွက် စိုးရိမ်ပူပန်မှုများ ရှိတတ်သည်။ သို့သော် ဤကျမ်းပုဒ်က ကျွန်ုပ်တို့အား သတိပေးသည်။ ကျွန်ုပ်တို့ကို စမပေးသူသည် ဘုန်းတော်နှင့်ပြည့်စုံသော ဘုရားသခင် ကိုယ်တိုင်ဖြစ်သည်။ သူ၏ ကြွယ်ဝမှုသည် အကန့်အသတ်မရှိပါ။ သူသည် ကျွန်ုပ်တို့၏ လိုအပ်ချက်အားလုံးကို ယေရှုခရစ်အားဖြင့် ပြည့်စုံစေမည်ဖြစ်သည်။

- ယနေ့ သင်ကြုံတွေ့နေရသော လိုအပ်ချက်များကို ဘုရားသခင်ထံ ဆက်ကပ်အပ်နှံပါ။

- သင့်လိုအပ်ချက်များကို ဘုရားသခင်သိကြောင်း ယုံကြည်ကာ စိုးရိမ်စိတ်ကို စွန့်လွှတ်ပါ။

- ခရစ်တော်အားဖြင့်သာ ပြည့်စုံနိုင်ကြောင်း ဂတိတော်ကိုစိတ်ချလိုက်ပါ။

- သင်၏ ဝိညာဉ်ရေး၊ ရုပ်ပိုင်း၊ စိတ်ပိုင်းဆိုင်ရာ လိုအပ်ချက်အားလုံးကို ယေရှုခရစ်အားဖြင့် ပြည့်စုံစေနိုင်သော မပြောင်းလဲသောမေတ္တာဖြင့် သင့်ကိုချစ်နေသောထာ၀ရဘုရားကို ယုံကြည်ကိုးစားပါ။

#ရွှေခါနာန်ဝိညာဉ်အာဟာရ

10/23/2025

ငြိမ်သက်ခြင်း
"ငြိမ်သက်ခြင်းကို သင်တို့၌ ငါထားခဲ့၏။ ငါ၏ငြိမ်သက်ခြင်းကို သင်တို့အား ငါပေး၏။ လောကီသားတို့ ပေးသကဲ့သို့ ငါပေးသည်မဟုတ်။ သင်တို့ စိတ်နှလုံးပူပန်ခြင်း၊ စိုးရိမ်တုန်လှုပ်ခြင်း မရှိစေနှင့်။" (ယောဟန် ၁၄:၂၇)

ဤစကားများကို ယေရှုသည် ကားတိုင်ပေါ်တွင် အသေခံမည့်အချိန်နီးကပ်နေချိန်၊ တပည့်တော်များ စိုးရိမ်ထိတ်လန့်နေချိန်တွင် မိန့်တော်မူခဲ့သည်။ သူတို့၏ကြောက်ရွံ့မှု၊ မသေချာမှုများကြားတွင် ယေရှုသည် သူ၏ငြိမ်သက်ခြင်းကို အမွေဆက်ခံစေလိုသည်။

လောကီငြိမ်သက်ခြင်းသည် အခြေအနေများပေါ်တွင် မူတည်သည်။ ပြင်ပအခြေအနေများ ကောင်းမွန်မှသာ ရနိုင်သည်။ သို့သော် ယေရှု၏ငြိမ်သက်ခြင်းသည် မူမှန်ပင် နက်ရှိုင်းသည်။ မုန်တိုင်းပြင်းထန်စွာ တိုက်ခတ်နေသော်လည်း နက်ရှိုင်းသော ပင်လယ်ထဲတွင်တွင် ငြိမ်သက်နေသကဲ့သို့ ဖြစ်သည်။ ဤငြိမ်သက်ခြင်းသည် ဘုရားသခင်၏ကတိတော်နှင့် ကိုယ်တော်ကိုယုံကြည်ခြင်းပေါ်တွင် အခြေခံသည်။

ယနေ့သင်၏အသက်တာတွင် စိုးရိမ်မှုများ၊ ကြောက်ရွံ့မှုများ ရှိနေပါသလား?
ကျန်းမာရေး၊ ငွေကြေး၊ လူမှုရေး သို့မဟုတ် အနာဂတ်အကြောင်း စိုးရိမ်နေပါသလား?
ယေရှုသည် သင့်အား ကယ်တင်ခြင်း၊ အပြစ်လွှတ်ခြင်းနှင့်အတူ ငြိမ်သက်ခြင်းကို ပေးထားပြီးဖြစ်သည်။

ဤငြိမ်သက်ခြင်းသည် သင်၏အခြေအနေများ ပြောင်းလဲသွားမှသာ ရရှိမည်မဟုတ်ပါ။ မည်သည့်အခက်အခဲ ပြဿနာကြီးများကြားတွင်ပင် ရနိုင်သည်။

ဘုရားသခင်သည် သင့်အား စိတ်နှလုံးငြိမ်သက်ခြင်းဖြင့် အသက်ရှင်ရန် ဖိတ်ခေါ်နေသည်။ ကိုယ်တော်သည် သင့်အား "စိတ်နှလုံးပူပန်ခြင်း၊ စိုးရိမ်တုန်လှုပ်ခြင်း မရှိစေနှင့်" ဟု မိန့်တော်မူသည်။ ဤသည်မှာ အမိန့်တစ်ခုသာမက ကတိတော်လည်းဖြစ်သည်။

ဆင်ခြင်စရာများ
- ယနေ့ သင့်အား စိုးရိမ်တုန်လှုပ်စေသော အရာများကား အဘယ်နည်း။
- လောကီငြိမ်သက်ခြင်းနှင့် ယေရှု၏ငြိမ်သက်ခြင်း ကွာခြားပုံကို သင်မည်သို့ နားလည်သနည်း။
- ယေရှု၏ငြိမ်သက်ခြင်းကို ပိုမိုခံစားရရှိရန် သင်မည်သို့ လက်တွေ့လုပ်ဆောင်မည်နည်း။

#ရွှေခါနာန်ဝိညာဉ်အာဟာရ

10/22/2025

ရိုးရှင်းသော အမှန်တရား
"ငါသည် သင်တို့ကို သီလနှင့် ပြည့်စုံသော သတို့သမီးကညာကဲ့သို့ ခရစ်တော်အားဆက်အံ့သောငှါ၊ သင်တို့ကို လင်တစ်ဦးနှစ် ထိမ်းမြားဆောင်နှင်းပြီးသောကြောင့် ဘုရားသခင်၏ အလိုတော်အတိုင်း စိုးရိမ်သောစိတ်နှင့် သင်တို့ကို စောင့်ရှောက်လျက်နေ၏။ မြွေသည် မိမိပရိယာယ်အားဖြင့် ဧဝကို လှည့်စားသကဲ့သို့၊ သင်တို့သည် စိတ်ဆွေးမြေ့ယိုယွင်း၍၊ ခရစ်တော်ကို အကြွင်းမဲ့ ချစ်သောစိတ် ပျောက်မည်ဟု စိုးရိမ်ခြင်းရှိ၏။" (၂ကောရိန္သု ၁၁း၂-၃)

Ockham မြို့စား William က လွန်ခဲ့တဲ့ နှစ်များစွာက အသက်ရှင်ခဲ့တာဖြစ်ပေမယ့် သူ့ရဲ့ နိယာမတစ်ခုကတော့ အခုထိ အကျိုးသက်ရောက်မှုရှိနေဆဲဖြစ်တယ်။ သူက ၁၄ရာ စုနှစ်က အင်္ဂလန်မှာ ဩဇာလွှမ်းမိုးခဲ့တဲ့ ဘာသာရေး ခေါင်းဆောင်တစ်ယောက်ဖြစ်သလို၊ ဥပဒေပညာရှင်တစ်ယောက်လည်းဖြစ်တယ်။

သူ့ကို Ockham’s razor Theory ကြောင့် ပိုပြီး သတိရစေခဲ့တယ်။ အဲဒီ သီအိုရီရဲ့ အခြေခံမူက “နည်းနည်းနဲ့ လုပ်နိုင်တဲ့အရာကို များများ လုပ်ဆောင်ခြင်းက အဓိပ္ပါယ်မရှိ”ဘူး ဆိုတဲ့ အချက်ဘဲဖြစ်တယ်။

ဒီအခြေခံမူကို “ရိုးရှင်းတဲ့ ပြဿနာဖြေရှင်းချက်တွေရဲ့ အကျိုးကျေးဇူး” တွေကို သတိပေးတဲ့ အခြေခံမူတစ်ရပ် အနေနဲ့ အသုံးပြုခဲ့ကြတယ်။ ဥပမာအားဖြင့် သီအိုရီနှစ်ခုလုံးက အလုပ်ဖြစ်မယ်ဆိုရင် ပိုပြီး ရိုးရှင်းတဲ့ သီအိုရီကို ဦးစားပေးရွေးချယ်မှာဘဲလို့ William က ငြင်းခုံမှာ ဖြစ်တယ်။

အဲဒီအခြေခံမူက ကျွန်တော်တို့ရဲ့ ဝိညာဉ်ရေးရာအသက်တာအတွက်လည်း အကျုံးဝင်ပါတယ်။ ဒီလောကထဲမှာ လူတွေရဲ့ ဘဝအသက်တာကို ရှုတ်ထွေးစေတဲ့ စွမ်းအားတွေရှိနေတဲ့အကြောင်း တမန်တော်ပေါလုက ကောရိန္သုအသင်းသား‌တွေကို သွန်သင်ခဲ့တယ်။ လူတွေနှင့် စာတန် က ကျွန်တော်တို့ရဲ့ ယုံကြည်ခြင်းကို နှောက်ယှက်ဖို့၊ ရှုပ်ထွေးစေဖို့နဲ့ ကောင်းမွန်သယောင်ယောင်ရှိတယ်လို့ ထင်ရတဲ့ အကြံအစည်တွေနဲ့ ကျွန်တော်တို့ရဲ့ အာရုံပျံ့လွင့်စေဖို့ ကြိုးစားနိုင်တယ်လို့ ဖော်ပြခဲ့တယ်။

ဥပမာ အားဖြင့် ဧဝက သူ့ရဲ့ အောင်မြင်မှုအတွက် အရာအားလုံးကို ဘယ်လိုရရှိခဲ့ပြီးပြီ ဆိုတာကို ပေါလုက ကိုးကားပြခဲ့တယ်။ တကယ်တော့ ဧဝက ဘုရားသခင်ကို နာခံဖို့ဘဲ လိုအပ်တယ်။ အဲဒီအစား ဘုရားသခင်ရဲ့ သမ္မာတရားကို သစ္စာဖောက်ခဲ့တယ်။ သမ္မာတရားက နေ လမ်းလွဲသွားစေမဲ့အပြင် သူမကို ရှုတ်ထွေးသွားစေတဲ့ အကြံဥာဏ်ကို ပေးတဲ့ မြွေရဲ့ လှည့်စားမှုကို ခံခဲ့ရတယ်။

- “ခရစ်တော်ကို သန့်ရှင်းစင်ကြယ်ပြီး ရိုးရှင်းစွာ ကိုးကွယ်မှု” ကနေ သင့်ကို ဝေးကွားသွားစေမယ့် သွေးဆောင်မှုတွေကနေ ကာကွယ်ဖို့ ကြိုးစားပါ။

- ဘုရားသခင်ရဲ့ နှုတ်ကပတ်တော်ကို ဖတ်ရှုဖို့ အချိန်ယူပြီး ကိုယ်တော်ရဲ့ သမ္မာတရားကို မှတ်သားနိုင်ဖို့ လေ့လာပါ။

- မှားယွင်းတဲ့ ဩဝါဒတွေ၊ ရှုတ်ထွေးစေတဲ့ သွန်သင်မှုတွေ ဒါမှမဟုတ် သင့်ကို လှည့်စားဖို့ ကြိုးစားနေတဲ့ သူတွေရဲ့ လှည့်စားမှုတွေကို မခံပါနဲ့။

- သင့်ဘဝအတွက် ယေရှုကို ယုံကြည်ပါ။ နှုတ်ကပတ်တော်ကို နာခံပြီး သင့်အသက်တာအားဖြင့် ကိုယ့်တော်ကို ဆက်ကပ်ဖို့ ကြိုးစားပါ။ ဒါက ရိုးရှင်းပါတယ်။

#ရွှေခါနာန်ဝိညာဉ်အာဟာရ

10/21/2025

တစ်ယောက်တည်း
"ထိုအခါ ကိုယ်တော်သည် တောင်ပေါ်သို့ တက်၍ အလိုတော်ရှိသောသူတို့ကို ခေါ်တော်မူလျှင်၊ အထံတော်သို့လာကြ၏။" (မာကု ၃း၁၃)

ယေရှုရဲ့ သာသနာပြုတဲ့ အရေးကြီးတဲ့အချိန်မှာ လူအုပ်ကြီးက သူ့နောက်ကို လိုက်ခဲ့ကြတယ်။ များစွာသောလူတွေ အနာငြိမ်းခဲ့ကြတယ်။ တချို့ကြတော့ နတ်ဆိုးတွေရဲ့ ချည်နှောင်ခြင်းကနေ လွှတ်မြောက်ခဲ့ကြတယ်။

ဒီအလုပ်တွေနဲ့ ရှုပ်နေတဲ့အချိန်မှာ ယေရှုက သူတစ်ပါးထဲ ရှိနေဖို့အတွက် သူ့မှာ အချိန်လိုအပ်နေတာကို သိတော်မူခဲ့တယ်။ အဲဒီနောက်မှာ ယေရှုက သူ့ရဲ့ အဓိက တပည့်တော်တွေ ဖြစ်ဖို့အတွက် လူတွေကို သီးသန့်ရွေးချယ်ခဲ့တယ်။ ဒီကိစ္စတွေက ဥာဏ်ပညာနဲ့ ပိုင်းခြားသိမြင်တတ်ခြင်းနဲ့ ရှင်းလင်းပြတ်သားခြင်းတွေ လိုအပ်တယ်။ ဒီနေရာမှာ မာကုခရစ်ဝင်ကျမ်းရဲ့ ပထမဆုံးအကြိမ်အနေနဲ့ ယေရှုက တောင်ပေါ်ကို သွားခဲ့တာက အရေးကြီးတဲ့ ဆုံးဖြတ်ချက်တွေချနိုင်ဖို့ ဖြစ်တယ်။

ယေရှုက နောက်ပိုင်းမှာလည်း တောင်ပေါ်ကို အကြိမ်ကြိမ် တက်ခဲ့တယ်။ ဒီတောင်တွေက ယေရှုတစ်ပါးတည်းက ခမည်းတော်နဲ့ အတူရှိပြီး ဘယ်လို ထူးခြားတဲ့ နေရာတွေလဲဆိုတာကို ကျွန်တော်တို့မြင်ရတယ်။ မြင့်မားတဲ့ တောင်တစ်ခုအပေါ်မှာ ယေရှုက ထူးခြားတဲ့ အဆင်းအရောင်နဲ့ ပြည့်စုံလို့ “မျက်နှာတော်က နေကဲ့သို့ထွန်းတောက်ပြီး အဝတ်တော်က အလင်းကဲ့သို့ဖြူလျက်ရှိတယ်”လို့ (မဿဲ ၁၇:၂) မှာ ဖော်ပြထားတယ်။ ပြီးတော့ သံလွင်တောင်ပေါ်မှာ ယေရှုက မကြာခင် အချိန်မှာ သူကောင်းကင်ကို ပြန်တက်ကြွမယ့် အရေးကြီးတဲ့ သတင်းစကားကို ဟောပြောခဲ့တယ်။

ယေရှုက ဝိညာဉ်ရေးရာနဲ့ ဆိုင်တဲ့ အမှန်တရားတွေကို ဖော်ပြဖို့အတွက် တောင်တွေကို ဥပမာနဲ့ ယှဉ်တွဲ ပုံဆောင်ပြီး အသုံးပြုခဲ့တယ်။ ယုံကြည်ခြင်းရဲ့ အခြေခံတရားနဲ့ ပတ်သက်ပြီး ယေရှုက “ယုံမှားတဲ့စိတ်နဲ့ ကင်းပြီး ယုံကြည်ခြင်းနဲ့ အဲဒီတောင်ကို ရွှေ့ဖို့ စကားပြောရင် ပြောတဲ့အတိုင်း ဖြစ်လိမ့်မယ်” လို့ (မာကု ၁၁း၂၃) မှာ ဥပမာပေးခဲ့တယ်။

တောင်တွေဟာ ယေရှုရဲ့ နောက်လိုက်တွေအတွက် ပုံဆောင်တဲ့ နေရာတွေဖြစ်နိုင်တယ်။ အဲဒီနေရာတွေက ဘုရားဖူးထွက်ဖို့ နေရာတွေ၊ ဆုတောင်းခြင်းနဲ့ လေ့လာခြင်းအတွက် ရည်စူးထားတဲ့ နေရာတွေနဲ့ ဘုရားသခင်ရဲ့ ရှေ့တော်မှာ ကျွန်တော်တို့ ပိုပြီးတော့ အာရုံပြုနိုင်တဲ့ နေရာတွေ အဖြစ် ကိုယ်စားပြုထားတယ်။

အနှောက်အယှက်ကနေ လွတ်မြောက်ပြီး ဘုရားသခင်နဲ့ အချိန်ယူဖို့ အခွင့်အရေးကို ရှာဖွေပါ။ ဆုတောင်းပါ။ လေ့လာပါ။ သင့်ဆုံးဖြတ်ချက်ချရမယ့် အရာတွေအတွက် ဘုရားသခင်ရဲ့ မစမှုကို ရှာဖွေပြီး ကိုယ်တော်နဲ့ တစ်ယောက်တည်း အချိန်ယူလိုက်ပါ။

#ရွှေခါနာန်ဝိညာဉ်အာဟာရ

𝙹𝚘𝚑𝚗 𝚂 𝙺𝚊𝚢

11/02/2025

11/01/2025

10/31/2025

10/30/2025

10/29/2025

10/28/2025

10/26/2025

10/25/2025

10/24/2025

10/23/2025

10/22/2025

10/21/2025

Address

Opening Hours

Telephone

Website

Alerts

Contact The Business

Shortcuts

Share

Tuesday	7:45pm - 10:30pm
Wednesday	7:45pm - 10:30pm
Thursday	7:45pm - 10:30pm
Sunday	7:30pm - 10:30pm