42-Maktab qamashi tumani

21/08/2026

📝O‘quvchini bir sinfdan boshqa sinfga o‘tkazish tartibi qanday?
Ota-onalar o‘z farzandlarini o‘z xohishiga ko‘ra o‘quv yili davomida yoki u tugaganidan so‘ng bir sinfdan boshqa sinfga o‘tkazish huquqiga ega. «Huquqiy axborot» kanali xabariga ko‘ra, bunda ota-onalar farzandini sinfdan sinfga o‘tkazish sabablarini ko‘rsatib maktab direktori nomiga ariza beradi.

Direktor arizani olgan k***an 1 ish kunida ko‘rib chiqadi va o‘quvchini sinfdan sinfga o‘tkazish to‘g‘risida buyruq chiqaradi. Sinfdagi o‘quvchilar soni me’yordan (35 nafar) ortiq bo‘lganda, direktor o‘quvchini sinfdan sinfga o‘tkazishni rad qilishi mumkin. Rad etish haqida direktor 3 k***a ota-onalarga yozma ravishda ma’lum qilishi kerak.

Direktorning o‘quvchini sinfdan sinfga o‘tkazish to‘g‘risidagi buyrug‘i qabul qilingach, 3 k***a sinf jurnali va o‘quvchilar harakati daftariga tegishli yozuv kiritiladi.

Maktab taʼlimi xodimlari uchun maxsus kanal! Taʼlimga oid eng soʻnggi yangiliklar. Savol va takliflar uchun: Reklama:

14/08/2026

❗Kamida B2 sertifikatiga ega bo‘lmagan xorijiy til o‘qituvchilari bilan mehnat shartnomasi bekor qilinishi mumkin
Bu haqdagi Hukumat qarori loyihasi Maktabgacha va maktab ta’limi vazirligi tomonidan jamoatchilik muhokamasiga qo’yildi.
Muhokama jarayoni 12-avgustga qadar davom etadi.
Avvalroq kamida B2 darajadagi milliy yoki unga tenglashtirilgan mos darajadagi xalqaro sertifikatga ega bo‘lmagan pedagoglarga 2026/2027-o‘quv yili boshlanguniga qadar imkoniyat berilishi ma’lum qilingandi.
❓O’zi nima bo’lyapti?
➖ 2021-yilda Hukumat qaror qabul qilib, maktablarda xorijiy tildan dars beradigan o’qituvchilar kamida B2 darajadagi sertifikatga (milliy yoki xalqaro, farqi yo’q) ega bo’lsin, deya belgiladi;
➖ O’qituvchilarga sertifikat olish uchun 3 yil vaqt ham berildi. Ya’ni qaysidir maktab o’qituvchisi sertifikat olmagan bo’lsa, unda tayyorlanish uchun 3 yil muddati bor edi;
➖ Va yana qaysi o’qituvchida sertifikat bo’lsa, qo’shimcha ustama bilan rag’batlantiriladigan bo’ldi, ya’ni ustozlarni quruq majburlamasdan, moddiy motivatsiya ham berildi;
➖ Oradan 3 yil o’tdi. 2024-yil sentyabrga kelib, minglab o’qituvchilar “biz sertifikat olmadik, endi bizni ishdan haydashadimi?” deya e’tiroz bildirishdi;
➖ Hukumat “xo’p” dedi va muddatni yana 1 yilga uzaytirib berdi;
➖ Oradan 1 yil o’tdi. 2025-yil sentyabr oyiga kelib, yana minglab o’qituvchilar “biz sertifikat olmadik, endi bizni ishdan haydashadimi?” deya e’tiroz bildirishdi;
➖ Hukumat yana muddatni uzaytirdi: 2026-yil 1-yanvarga qadar;
➖ Yil yakuniga borib, yana minglab o’qituvchilar “biz sertifikat olmadik, endi bizni ishdan haydashadimi?” deya e’tiroz bildirishdi;
➖ Hukumat yana muddatni uzaytirdi. 2026-yil sentyabrga qadar;
➖ shunda qaror chiqqan 2021-yildan hisoblasak, maktabdagi xorijiy til o’qituvchilari uchun kamida B2 daraja sertifikat olish uchun 5 yil vaqt berilgan bo’ladi;
➖ sentyabrgacha ko’p vaqt qolmadi, ko’ramiz, buyog’iga nima bo’lar ekan.
👉 👈
❗Kamida B2 sertifikatiga ega bo‘lmagan xorijiy til o‘qituvchilari bilan mehnat shartnomasi bekor qilinishi mumkin

13/08/2026

⚡️Pedagog xodimlar uchun ish vaqtining davomiyligi haftasiga koʻpi bilan 36 soat qilib belgilanadi
Ishi yuqori darajadagi ruhiy, aqliy va asabiy zoʻriqish bilan bogʻliq boʻlgan, yaʼni alohida xususiyatga ega boʻlgan tibbiyot xodimlari, pedagoglar va boshqa toifadagi xodimlar uchun ish vaqtining davomiyligi haftasiga koʻpi bilan 36 soat qilib belgilanadi.

Bunday xodimlarning roʻyxati va ular ish vaqtining aniq davomiyligi Oʻzbekiston Respublikasi Vazirlar Mahkamasi tomonidan belgilanadi, biroq ushbu moddada belgilangan ish vaqtining davomiyligidan oshmaydigan tarzda belgilanadi.

12/08/2026

📝3-КУРСДАН МАКТАБДА ИШЛАШ МУМКИНМИ?
Вазирлар Маҳкамасининг 2005 йил 21 декабрдаги 275-сон қарорига 3-илова 8-бандига кўра, педагогика йўналишида таҳсил олаётган талабалар 3-курсдан бошлаб, ўқишига халақит бермаган ҳолда умумтаълим муассасаларида педагогик ишлаши мумкин.

Бироқ «Филология ва тилларни ўқитиш» ва «Ўзбек тили ва адабиёти», «Хорижий тил ва адабиёти» каби йўналишлар бир хил эмас.
2026 йил 29 июндаги расмий хатда педагогик фаолият ҳуқуқини берувчи йўналишлар алоҳида кўрсатилган.
Шунинг учун талабанинг фақат 3-курсда ўқиётгани эмас, унинг аниқ таълим йўналиши ва квалификацияси ҳам инобатга олинади.

Хулоса: 3-курс — ягона шарт эмас. Таълим йўналиши ҳам ҳуқуқий талабларга мос бўлиши керак.

12/08/2026

АТТЕСТАЦИЯДА 86 БАЛЛ БИЛАН 70% УСТАМА ОЛГАНЛАР ЯНА ИМТИҲОНГА ТОПШИРСА, УСТАМАСИ КУЯДИМИ?
САВОЛ: Мен аввалги аттестацияда 86 балл тўплаб, 1-тоифани ва унга қўшиб бериладиган 70 фоизлик махсус устамани қўлга киритганман. Кузги аттестацияга олий тоифа учун ҳужжат топширмоқчиман. Агар бу сафар имтиҳонда 86 баллдан кам тўпласам, ўша 70%лик устамам бекор қилинадими?»

ЖАВОБ: Йўқ, мутлақо бекор қилинмайди! Тўплаган балингиздан қатъи назар, 70 фоизлик устамангизни белгиланган муддат (2 йил) тугагунча тўлиқ оласиз.

Бунинг сабаблари амалдаги қонунчиликда қуйидагича белгиланган:

1️⃣ Устама 2 йил давомида дахлсиздир

Аттестацияда 86 ва ундан юқори балл тўплаб Олий ёки 1-тоифа билан бирга қўлга киритилган 70 фоизлик устама 2 йил давомида тўланиши кафолатланган. Сиз янги аттестацияга кириб пастроқ балл олсангиз ҳам, ушбу 2 йиллик муддат бузилмайди ва устама тўхтатилмайди.

2️⃣ Навбатдан ташқари аттестация қоидаси ҳимоя қилади

Сиз ҳозир Олий тоифа олиш учун ўз хоҳишингиз билан (навбатдан ташқари) ҳужжат топширмоқдасиз. Низомга кўра, навбатдан ташқари аттестацияда педагог паст балл олса, унинг амалдаги тоифаси ҳам, унга бириктирилган мавжуд молиявий имтиёзлари ва эришилган устамалари ҳам камайтирилмайди ёки бекор қилинмайди.

💰 НАВБАТДАН ТАШҚАРИ АТТЕСТАЦИЯ УЧУН ТЎЛОВ МИҚДОРЛАРИ (2026 ЙИЛГИ ТАРТИБ)

Ўз хоҳиши билан Олий тоифага ариза топширганда қуйидагича йиғим ундирилади (БҲМнинг 440 000 сўмга ошиши инобатга олинган):

📌 а) ДХМ (Давлат хизматлари маркази) орқали:
📅 2026 йил 1 сентябргача: 206 000 сўм
📅 2026 йил 1 сентябрдан кейин: 220 000 сўм (БҲМнинг 50 фоизи)

📌 б) pedagog.uzedu.uz ёки my.gov.uz платформалари орқали (10% чегирма билан):

📅 2026 йил 1 |сентябргача: 185 400 сўм
📅 2026 йил 1 сентябрдан кейин: 198 000 сўм (йиғим суммасининг 90 фоизи)

💡 ХУЛОСА:

Кузги аттестацияда Олий тоифа учун ҳаракат қилганингизда омадсизликка учрасангиз ҳам, аввалги имтиҳонда кафолатлаб қўйган 1-тоифангиз ҳам, 70% устамангиз ҳам жойида қолади. Сизда ҳеч қандай молиявий риск йўқ, шунинг учун дадил равишда юқори тоифа учун
ҳужжат топширишни тавсия этамиз!

https://t.me/Yurtning_buyukligi_ilm_bilan
АТТЕСТАЦИЯДА 86 БАЛЛ БИЛАН 70% УСТАМА ОЛГАНЛАР ЯНА ИМТИҲОНГА ТОПШИРСА, УСТАМАСИ КУЯДИМИ?

30/07/2026

Дарс тақсимоти бўйича киритилган ўзгартиришлар

15. Умумтаълим муассасалари томонидан шакллантирилган дарс соатлари сеткаси умумтаълим муассасасининг педагогик кенгаши томонидан икки иш куни ичида кўриб чиқилиб, ҳар йили 15-сентябрга қадар ўқитувчиларга дарс соатлари қуйидаги кўрсаткичларнинг устувор кетма-кетлиги асосида тақсимланади:

Энди ўқитувчиларга дарс тақсимоти юқоридаги кетма-кетликда тақсимланади.

олий малака тоифасига эга ўқитувчилар (педагог кадрнинг аттестациядан ўтганлиги тўғрисидаги сертификатнинг амал қилиш муддатига кўра);

дарс берадиган фанидан педагог ходимларга устама белгилашда қўлланиладиган миллий ёки халқаро тан олинган сертификатга эга ўқитувчилар (сертификатнинг белгиланган даражаси ва амал қилиш муддатига кўра);

биринчи малака тоифасига эга ўқитувчилар (педагог кадрнинг аттестациядан ўтганлиги тўғрисидаги сертификатнинг амал қилиш муддатига кўра);

иккинчи малака тоифасига эга ўқитувчилар (педагог кадрнинг аттестациядан ўтганлиги тўғрисидаги сертификатнинг амал қилиш муддатига кўра);

олий маълумотли тоифасиз ўқитувчилар;

қайта тайёрлаш бўйича дипломга эга ўқитувчилар (ўқитувчида қайта тайёрлаш мутахассислиги бўйича мазкур банднинг иккинчи — олтинчи хатбошиларида назарда тутилган кўрсаткичлардан бири ёки бир нечтаси мавжуд бўлганда тааллуқлилигига кўра тегишли кўрсаткичлар мавжуд бўлган ўқитувчилар билан тенг устуворликка эга бўлади);

ўриндошлик асосида ишлаётган олий маълумотли ўқитувчилар;

олий таълим муассасаларининг педагогика йўналиши бўйича учинчи ва ундан юқори курс талабалари;
олий маълумотли ўқитувчилар билан таъминлангунига қадар ўрта махсус, профессионал маълумотга эга ўқитувчилар (фақат бошланғич синфларда дарс берувчи ўқитувчилар учун);

олий маълумотли ўқитувчилар билан таъминлангунига қадар умумтаълим муассасасининг тегишли мутахассислиги бўйича раҳбар ходимлари.

Бошланғич синфларда ўқитиладиган фанлар бўйича дарс соатларини тақсимлашда ўқитувчиларнинг бошланғич таълим мутахассислигига эгалиги ёки тегишинча ушбу фанни бошланғич синфларда ўқитиш методикаси бўйича таълим олганлиги инобатга олинади.

Умумтаълим муассасасининг педагогик кенгаши томонидан дарс соатлари қайта тақсимланиши мумкин.».

Мактабгача ва мактаб таълими вазирлиги, Ўзбекистон Республикаси Иқтисодиёт ва молия вазирлиги, Ўзбекистон Республикаси Соғлиқни сақлаш вазирлигининг 28.10.2025 йилда рўйхатдан ўтган, рўйхат рақами 3271-1-сонли қарори.

👉 Pedkadr.tdi.uz — Педагоглар учун энг муҳим ҳуқуқий маълумотлар канали!

Murojaatlar uchun:

12/06/2026

25/05/2026

15/12/2025

#Тайинлов

Маматқулов Бекзод Шерозович — Мактабгача ва мактаб таълими вазирининг тегишли буйруғи билан Қамаши тумани мактабгача ва мактаб таълими бўлими бошлиғи лавозимига тайинланди.

Б.Маматқулов Ўзбекистон Республикаси Президенти ҳузуридаги давлат бошқаруви академиясини ҳамда Қарши давлат университетини тамонлаган. Тарих фанлари бўйича фалсафа доктори (ПҳД), Халқ таълими аълочиси. Туркия Республикасида Халқаро таълим йўналишида малака оширган.

Фаолияти давомида ҚарДУ қошидаги 2-академик лицей ҳамда Қашқадарё вилояти ҳокимлигида турли вазифаларда, вилоят халқ таълими бошқармаси бошлиғи ўринбосари, Қарши шаҳридаги Президент мактаби директори ўринбосари лавозимларида ишлаган.

14/12/2025

Assalomu alaykum qadrli fesbukdoshlar.
Sizga shuni mamnuniyat bilan xabar qilamizki 42-maktab kompleks taʼmirlash dasturiga tushdi.
2026 yil to‘liq qayta taʼmirlanib yangi o‘quv yilini zamonaviy maktab ko‘rinishida boshlaydi.