Zulish

08/10/2024

03/08/2024

Цветы всегда делают людей лучше, счастливее и полезнее; они — солнечный свет, пища и лекарство для души.

24/07/2024

* * * * * * * * * * * * * * *

Ichimdagilar ichimni yeydi,
Yana o'zlaricha jigarim deydi,
Nafratim yuzimdan bilinmas ammo,
Netay yuragimni alam tirnaydi...

Birin rozi qilsam, biri norozi,
Har birin ko'nglida bormikan qozi,
Yo ular haqmikan, yo men nohaqmi,
Afsus chiqmayabdi, qalbim ovozi...

Hammaga birdek yoqib bo'lmaydi,
Hammaning ko'nglini topib bo'lmaydi,
Dilingni og'ritgan Dilozorlarni,
Itdek orqasidan chopib bo'lmaydi...

Nechun bu odamlar buncha beshavqat,
Ko'ngliga qaray deb qolmadi toqat,
Mendan ranjimasin, Hafa bo'lmasin,
Deya hohlaganman faqat va faqat...

Qarshimda turishib qalbim tiladi,
Ho'p desa indamay tering shiladi,
G'iybatimni qilgan ana o'shalar,
Begonamasligi alam qiladi...

24/07/2024

МEҲРИБОНЛАРИМ

Юрибсизми соғу саломат?
Дуолари менга ҳаловат,
Доим сизга тилайман омад,
Менинг ширин меҳрибонларим.

Борлигингиз ўзи бир неъмат,
Ғаниматим, шириним, жаннат,
Жоним бериб қилайин хизмат,
Қадрлигим, меҳрибонларим.

Аллоҳимга минг қатна шукур,
Сиздан мен кўп оламан ҳузур,
Яшайверинг ҳаммадан ҳам зўр,
Яқинларим, меҳрибонларим.

Чиройлигим, нафисим менинг,
Меҳрибоним, фариштам менинг,
Жуда ёмон соғиндим сизни,
Менинг ширин меҳрибонларим.

Гўзалимсиз менинг бир донам,
Қадрлигим, якка-ягонам,
Соғиндимда эшитинг нолам,
Жигарларим, меҳрибонларим.

Қора қошу қора кўзларим,
Оқибатли ширин сўзларим,
Қувонч ила кулган юзларим,
Менинг ширин меҳрибонларим.

Солиҳабегим
(Дилафруз Шаҳрихони)

23/07/2024

УМР ЎТИБ КЕТАРКАН

Кимгадир гул, кимга пул,
Ҳаёт шундай ўтаркан.
Ўйлаб рўзғор ташвишин,
Умр ўтиб кетаркан.

Гоҳ алам гоҳ дард ютиб,
Ким қўл узса ким тутиб,
Омад келишин кутиб,
Умр ўтиб кетаркан.

Яшаб кўнгил оҳида,
Бир баргда бир шохида,
Билиб-билмай гоҳида,
Умр ўтиб кетаркан.

Отам деймиз ё онам,
Ёки улар дер болам,
Шундайин яшаб одам,
Умр ўтиб кетаркан.

Мингта ташвиш, минг сўроқ
Аста тушиб сочга оқ,
Қарилик очиб қучоқ,
Умр ўтиб кетаркан.

Ж.КАРИМЖОНОВ

23/07/2024

Туғилдинг, бу ҳаёт остонасида,
Сени қарши олди, бир ёғоч бешик.
Улғайиб, яшаб сўнг кўзинг юмганда,
Қабринга кузатди, тебранмас бешик.

Бу ҳаёт — шу икки бешик ораси…

Туғилдинг, ўрашиб оппоқ йўргакка,
Эркалаб, эъзозлаб, севиб-суюшди.
Руҳ оҳир танангни тарк этган куни,
Яна оқ йўргакка ўраб қўйишди.

Бу ҳаёт — шу икки йўргак ораси…

Кўз очиб, ҳаётни кўрганинг заҳот,
Одамлар йиғингга жим қулоқ осди.
Бандаликни бажо келтирган кунинг,
Дунёни ўзгалар кўз ёши босди.

Бу ҳаёт — шу икки йиғи ораси…

Шу қисқа ҳаётда энг муҳим юмуш,
Яхши ном қолдириб, яшамоқ экан.
Англадим, туғилиш аслида дўстим,
Ўлимга илк қадам ташламоқ экан.

Ҳаёт — туғилиш ва ўлим ораси…

23/07/2024

ЎЗИНГИЗНИ ҲУРМАТ ҚИЛИНГ

Тинглаб ҳар кун гўзал наво,
Дардингизга изланг даво,
Азизларим энг аввало,
Ўзингизни ҳурмат қилинг.

Кўзингиздан тўкманг ёшни,
Ҳар нарсага уйманг қошни,
Мағрур тутинг,эгманг бошни,
Ўзингизни ҳурмат қилинг.

Синасалар сабрингизни,
Ётга сочманг дардингизни,
Биров билмас қадрингизни,
Ўзингизни ҳурмат қилинг.

Ўткир қилинг сўзингизни,
Ерга бурманг юзингизни,
Яхши кўринг ўзингизни,
Ўзингизни ҳурмат қилинг.

Қайғуларни ортга ташланг,
Баҳор бўлинг,гуллаб яшнанг,
Умр дарё,яйраб яшанг,
Ўзингизни ҳурмат қилинг.

Қадрлисиз,шуни билинг,
Ўзингизни ҳурмат қилинг.

23/07/2024

"Олдин уйлар тор эди,
Тандир, ўчоқ бор эди!
Аммо ўша уйларда,
Ҳамма бахтиёр эди..."

23/07/2024

ҲАЁТ БЎЛСА КИМНИНГ ОНАСИ

Дўпписини отсин осмонга,
Шукр этсин ҳар кунга,замонга,
Қўлин дадил узатар нонга,
Ҳаёт бўлса кимнинг онаси.

Меҳр излаб кўчиб юрмайди,
Ранги-қути ўчиб юрмайди
Ўз уйида чўчиб юрмайди,
Ҳаёт бўлса кимнинг онаси.