28/09/2026
📸 嘔心警告🤮
一放假就問去邊好嘅極限挑戰者，啟德最新有個展覽，真係專治你嘅人生無聊！瑞典知名嘅《嘔心食物博物館》香港站正式開鑼，搜羅咗全球 80 幾款睇到、聞到都想死嘅「地獄美食」，擺明係一場人類心理防線嘅集體崩潰！
精選幾款👇
🐛 活蛆芝士：意大利撒丁島特產，入面啲蛆蟲不單止係活生生，受到驚嚇仲會跳高 15cm！食嗰陣要遮住對眼，驚佢跳入你隻眼度
🥚 童子尿蛋：浙江東陽非物質文化遺產。用10歲以下男童嘅尿慢火燉煮一整夜，聽講吸晒「尿香」，當地人話食完夏天唔中暑，你敢唔敢試？
🐸 秘魯青蛙汁：活生生嘅青蛙敲暈去皮，直接掉入攪拌機，加埋蜂蜜、草藥高速打成一杯綠色濃稠特飲。當地人叫佢「安第斯偉哥」，飲完包你成個人精神晒。
🪱 蘇里南棕櫚蟲：生長喺棕櫚樹幹嘅乳白色肥嘟嘟巨型幼蟲，亞馬遜原住民最愛。原汁原味生吞會喺口入面「爆漿」，味道聽講似椰子忌廉？
── 🚨 終極高潮：昆蟲 Omakase 試食吧 ──
行到最後，主辦方好貼心咁送上「最後一口 Tasting Bar」。現場由工作人員親手遞上烘焙蟋蟀、大麵包蟲，仲有各款挑戰人類極限嘅黑暗料理
入場會免費派發一個特製嘔吐袋，現場陣除真係可以一秒擊倒你
平時話自己「食咩都得、乜都敢玩」嘅大膽朋友，一齊去 AIRSIDE 挑戰人生極限啦！👇
📍 《嘔心食物博物館》香港站
📅 日期：2026年9月29日 – 11月26日
🏢 地點：啟德 AIRSIDE 3樓 GATE33 藝文館
🎫 門票：$68起（星期一至四）/ $88起（五、六、日及公眾假期）
#嘔心食物博物館 #啟德 #放假去邊
