VBTC Malampa

08/07/2025

Voting long N.Ambrym.

Credit; Eria Administrata, Jackson Willie.

20/06/2025

Norsup Airport projek long Malekula we i ova long VT2 bilien i save opereit ful wan long 2027.

Deputi Praem Minista, Johnny Koanapo i talem long VBTC Nius se kavman i spendem bigfala mani long projek ia blong i save tekem ol bigfala plen.

Long tete Mr Koanapo, Minista blong Infrastructure, Xavier Iauko wetem tufala MP blong Malekula i visitim site blong projek long Malekula.

17/05/2025

Aksiden tete long Wilkins stadium Lakatoro, Malekula.

VBTC Nius i kasem infomesen se kos blong aksiden hemi drink mo draev.

I nog*t eni injury long aksiden.

01/05/2025

Helt jek i hapen long wik ia long Malekula.

District Pastor blong Seventh Day Adventist jej long Malekula, Morex B**g i talem se helt program ia oli patna wetem Ministry blong Helt blong mekem.

Program ia oli singaotem 10,000 toes blong jekem hae blad presa, s*k sugar, weight blong ol pipol.

01/05/2025

Ol kakae long Lakatoro market, Malekula tete.

15/04/2025

Minista blong Jastis mo Komuniti seves i stap long Malekula long wik ia blong layem foundation blong Correctional mo openem Child Desk mo Disabiliti Ofis.

Hon Job Andy i lidim deleg*tion ia i ko long Lakatoro long Tuesday.

Moa apdeit long VBTC Nius.

08/04/2025

Not East Malekula bae i benefit long ova VT350 milien rod gravel projek we Australia i givim mani from.

Maneja blong Public Utilities long Malampa, Fredy Hosea i talem se long manis ia dipatmen i stap tenderem projek ia blong wan lokol kondrakta i save aplae from.

VBTC Nius i awea se rod wok ia hemi sud ko hed taem lokol kondrakta i winim tender.

07/04/2025

Not East Malekula i pat long shea blong ova 600 seed we Agriculture Dipatmen i stap givim aot.

Agriculture Development Ofisa, Issac B**g i talem long VBTC Nius se pepes blong program ia hemi blong ol lokol i planem enaf kakae blong famili, kipim gud ol kaen vegetabol seed we i stap lus mo planem ol niu seed.

Pipol blong Not East Malekula i glad tumas from bae hemi help groem moa kakae long fuija.

07/04/2025

Health Dipatmen wetem ol patna blong hem i selebretem helt wik long Lakatoro, Malekula long tete.

Malampa Child Desk Ofisa, Shem Jack i talem long VBTC Nius se bigfala toktok blong wik ia hemi 'Healthy Beginning, hopeful future.'

Hemi talem se ol Papa mo mama i g*t wok blong mekem blong tijim ol pikinini blong g*t wan gudfala helti laef long futja.

04/04/2025

04/04/2025

Central League long Lakatoro, Malekula bae i statem ol futbol maj blong seken league i no longtaem.

Fes maj blong seken league bae i luk Atsal Futbol Klab bae i plei wetem Map Futbol Klab mo Wunden Futbol Klab i fesem Rocky Futbol Klab.

Presiden blong League, George Veremaito i talem long VBTC Sports se ol maj i sud komplit bifo Julae blong faenem aot hu nao jampion long 2025.

Long klasmen Police Futbol Klab nao i stap lidim table.