30/07/2025
Të dashur qytetarë të Komunës së Deçanit,
Unë jam KALTRINA FERIZI , bijë e një familjeje atdhetare nga fshati Kodrali, e lindur dhe rritur me dashurinë për vendin dhe përkushtimin ndaj vlerave kombëtare. Sot, me nder dhe përgjegjësi të madhe, dua të ndaj me ju një hap të rëndësishëm në jetën time: kandidimin tim si asambleiste në Komunën e Deçanit, e propozuar nga nëndega e AAK-së në Kodrali dhe kryetari Bashkim Z. Ramosaj.
Nuk është vetëm një vendim personal. Është një thirrje për t’u angazhuar, për të dhënë kontributin tim në zhvillimin e komunës sonë, për të qenë zëri i qytetarëve në vendimmarrje dhe për të mbrojtur interesin e komunitetit që më ka rritur dhe frymëzuar.
Besoj në punën e ndershme, në vlerat familjare, në ruajtjen e identitetit dhe në zhvillimin ekonomik dhe social të Deçanit. Jam e gatshme të dëgjoj, të bashkëpunoj dhe të përfaqësoj çdo qytetar që dëshiron një të ardhme më të mirë!
Me zemër të hapur, ju ftoj të më jepni besimin tuaj. Së bashku mund të sjellim ndryshime pozitive dhe të ndërtojmë një Deçan më të fortë, më të drejtë dhe më të zhvilluar.
Me respekt e përkushtim,
Kaltrina Ferizi
