18/10/2025
Në episodin tonë të nëntë, mysafiri ynë: Bekim Blakaj, Drejtor Ekzekutiv i Fondit për të Drejten Humanitare, Kosovë ndan një mesazh tek gjeneratat e reja dhe publiku i gjerë në shoqeritë post-konflikutale në rajon, mbi rendësinë e njohjes dhe dokumentimit të luftës dhe krjimit të një narrative të saktë nga gjitha palët, si mjet bazë per paqe të qëndrueshme:
"Më së shpeshti e marr shembull Luftën e Dytë Botërore, ku në përfundim të saj është kriju një shtet, pra komunist, pjesë e të cilit ka qenë edhe Kosova, Republika Federative Socialiste e Jugosllavisë, ku të gjitha krimet që kanë ndodhë, jo nga nazistët, por nga nacionalistët e këtyre popujve që jetojnë në këtë hapësirë, dhe sidomos nga sistemi komunist, janë futur nën tepih me shpresën se ato do të harrohen dhe Jugosllavia do të ekzistojë, do të jetojë në bashkim dhe vëllazërim të popujve përgjithmonë.
Kjo nuk është mënyra e mirë, sepse në mungesë të debatit mbi të kaluarën dhe ballafaqimit me faktet mbi atë se çka ka ndodhë, popujt dhe individët nuk harrojnë, por në mungesë të ballafaqimit me faktet krijojnë narracione të pasakta, të bazuara në një entitet, dhe krijojnë paragjykime. Urrejtja është aty, dhe pse nuk shfaqet, në momentin kur paraqitet mundësia për një dhunë, ajo do të ndodhë — qysh ka ndodhë në vitet e ’90-ta në ish-Jugosllavi. Luftat më të përgjakshme pas Luftës së Dytë Botërore kanë ndodhë në ish-Jugosllavi.
Unë mendoj që, edhe për faktin që nuk është trajtu e kaluara, në mungesë të saj ka shpërthy dhuna kur janë kriju kushtet. Çka po du me thanë është që e kaluara duhet me u trajtu, me ardhë te e vërteta, me u pranu viktimat, dhe pranimi i fakteve është hapi i parë drejt një bashkëjetese paqësore në të ardhmen në këtë rajon."
Episodi i plotë në Yotube.
,
