Indigo Fun

Indigo Fun Multi-media. Info

Pjesëtarë të Njësisë Speciale janë parë në mbrëmje që janë pozicionuar në rrugët e këtij qyteti, këto pamje kanë nxitur ...
14/05/2026

Pjesëtarë të Njësisë Speciale janë parë në mbrëmje që janë pozicionuar në rrugët e këtij qyteti, këto pamje kanë nxitur reagime të shumta

Dilerja
14/05/2026

Dilerja

Trump thotë se ky ilaç mund të ndihmojë pacientët që janë në 'prag të vdekjes'
14/05/2026

Trump thotë se ky ilaç mund të ndihmojë pacientët që janë në 'prag të vdekjes'

Hysni Mehani thotë se është sulmuar fizikisht nga Sami LushtakuKryetari i Lëvizjes së Vetëvendosjes në Skenderaj, Hyseni...
14/05/2026

Hysni Mehani thotë se është sulmuar fizikisht nga Sami Lushtaku

Kryetari i Lëvizjes së Vetëvendosjes në Skenderaj, Hyseni Mehani ka thënë se është sulmuar fizikisht nga kryetari i kësaj komune, Sami Lushtaku të enjten, më 14 maj 2026.

Këtë deklaratë në emër të Mehanit e ka postuar në Facebook Bahri Zabeli, anëtar i LVV-së në Skenderaj.

Telegrafi ka kontaktuar me Zabelin, i cili ka konfirmuar se janë në spital, derisa ende nuk janë deklaruar për Policinë, e cila sipas tij tashmë është e njoftuar.

“Jemi në spital. Jemi sulmuar nga Sami Lushtakut. Unë dhe Hysni Mehani. Kemi qenë në kafe, kanë ardhur na kanë sulmuar, Samiu, direkt. Policia ka qenë, deklaratë nuk kemi dhanë sepse jemi në spital”, ka thënë Zabeli për Telegrafin.

Telegrafi ka tentuar të kontaktojë me stafin e kryetarit të Skenderajt dhe vetë Sami Lushtakun, por ata nuk kanë qenë të qasshëm në telefon.

Edhe një llogari tjetër në Facebook, Selman Sokoli, ka publikuar një postim ku pretendon se Mehani është sulmuar, duke përmendur po ashtu emrin e Lushtakut.

“Te dashur miq jam sulmuar nga Sami Lushtaku dhe banda e tij. Telefonin personal ma kanë marrë. Lus policinë të mbroj familjen time dhe ftoj familjarët për përmbajtje”, thuhet në postimin e tij.

Policia e Kosovës, deri në momentin e publikimit, nuk ka kthyer përgjigje lidhur me rastin dhe nuk ka konfirmim zyrtar për rrethanat e ngjarjes.

Netanyahu zhvilloi vizitë sekrete në Emiratet e Bashkuara Arabe gjatë luftës me IraninZyra e kryeministrit izraelit Benj...
13/05/2026

Netanyahu zhvilloi vizitë sekrete në Emiratet e Bashkuara Arabe gjatë luftës me Iranin

Zyra e kryeministrit izraelit Benjamin Netanyahu konfirmoi se ai ka zhvilluar një vizitë sekrete në Emiratet e Bashkuara Arabe për t’u takuar me liderin e atij vendi mes luftës kundër Iranit.

“Në mes të operacionit ‘Luani Ulëritës’, kryeministri Benjamin Netanyahu vizitoi fshehurazi Emiratet e Bashkuara Arabe, ku u takua me presidentin e Emirateve, Sheikh Mohamed bin Zayed”, shkroi zyra e Netanyahut në platformën sociale amerikane X.

Detaje shtesë nuk u bënë të ditura zyrtarisht, por rrjeti televiziv amerikan CBS raportoi se vizita ndodhi në fund të marsit, gjatë kulmit të luftës SHBA-Izrael kundër Iranit.

Një armëpushim u ndërmjetësua në prill dhe më pas u zgjat pa afat nga presidenti amerikan Donald Trump.

Wall Street Journal (WSJ) raportoi këtë javë se Emiratet kanë kryer fshehurazi sulme ndaj Iranit.

Një nga objektivat ka qenë një rafineri në ishullin iranian Lavan, e cila u godit në fillim të prillit.

Koha duket se përputhet me faktin që vizita e Netanyahut ka ndodhur pak para se Emiratet të nisin sulmin.

Irani u kundërpërgjigj duke lëshuar raketa balistike dhe dronë ndaj Emirateve dhe Kuvajtit.

WSJ-ja raportoi se Irani ka shënjestruar Emiratet më shumë se çdo vend tjetër, përfshirë Izraelin, me mbi 2.800 sulme me raketa dhe dronë ndaj këtij shteti të Gjirit.

Ambasadori amerikan në Izrael, Mike Huckabee, konfirmoi të martën se Izraeli ka dërguar sisteme kundër-raketore Iron Dome dhe personel në Emiratet e Bashkuara Arabe gjatë luftës.

“Dua të shpreh një fjalë vlerësimi për Emiratet e Bashkuara Arabe, anëtarin e parë të Marrëveshjeve Abrahamike”, tha Huckabee. “Shikoni vetëm përfitimet. Izraeli sapo u dërgoi sisteme Iron Dome dhe personel për të ndihmuar në operimin e tyre”, shtoi ai.

Marrëveshjet Abrahamike janë marrëveshje normalizimi të nënshkruara midis Izraelit dhe disa vendeve me shumicë myslimane gjatë mandatit të parë të presidentit amerikan Donald Trump.

Katër vende u janë bashkuar marrëveshjeve të paqes — Bahrejni, Maroku, Sudani dhe Emiratet e Bashkuara Arabe. Emiratet ishin vendi i parë që nënshkroi marrëveshjet.

Huckabee tha se ky veprim pasqyronte “një marrëdhënie të jashtëzakonshme midis Emirateve dhe Izraelit të bazuar në Marrëveshjet Abrahamike”.

Të ardhurat për kokë banori në rajon: Shqipëria e treta, Kosova e funditKosova vijon të mbetet ekonomia me të ardhurat m...
12/05/2026

Të ardhurat për kokë banori në rajon: Shqipëria e treta, Kosova e fundit

Kosova vijon të mbetet ekonomia me të ardhurat më të ulëta për frymë në Ballkanin Perëndimor, megjithëse sipas projeksioneve më të fundit të Fondit Monetar Ndërkombëtar (FMN), vendi pritet të shënojë rritjen më të shpejtë në rajon gjatë viteve të ardhshme.

Sipas të dhënave të FMN-së, Kosova parashikohet të arrijë në 8,958 dollarë të ardhura për frymë gjatë këtij viti, duke u renditur e fundit në rajon pas Shqipërisë, Maqedonisë së Veriut dhe Bosnjë-Hercegovinës. Megjithatë, institucioni ndërkombëtar vlerëson se ekonomia kosovare ka potencial të lartë zhvillimi nëse vazhdojnë investimet në kapitalin njerëzor, teknologji dhe përmirësimin e ambientit të biznesit.

“Për Kosovën dhe Maqedoninë e Veriut, FMN thekson rëndësinë e reformave në tregun e punës dhe rritjen e produktivitetit për të përballuar sfidat demografike. Këto trajektore tregojnë se rajoni po kalon nga një fazë e rritjes së bazuar në konsum, drejt një rritjeje më të qëndrueshme të bazuar te eksportet dhe investimet, çka reflektohet në shifrat optimiste të dekadës së ardhshme”.

Në anën tjetër, Shqipëria pozicionohet ndër ekonomitë më dinamike të rajonit, me të ardhura për frymë që sipas projeksioneve do të arrijnë në 12,493 dollarë këtë vit. FMN lidh këtë performancë me rritjen e fortë të sektorit të turizmit, disiplinën fiskale dhe zgjerimin e investimeve në ndërtim dhe infrastrukturë.

Perspektiva për periudhën 2026–2031 shihet pozitive për të dyja vendet. Kosova pritet të arrijë në 12,483 dollarë për frymë deri në vitin 2031, duke regjistruar rritjen më të madhe në përqindje në Ballkanin Perëndimor dhe duke ngushtuar diferencën me fqinjët. FMN e konsideron këtë si një proces të shpejtë afrimi ekonomik me rajonin, shkruan Monitor.

Ndërkohë, Shqipëria pritet të arrijë në 17,353 dollarë për frymë deri në vitin 2031, e mbështetur nga vazhdimi i reformave institucionale dhe përfitimet nga procesi i integrimit europian. Sipas FMN-së, fondet e para-anëtarësimit në Bashkimin Europian dhe zgjerimi i sektorit të shërbimeve do të jenë faktorë kyç në këtë rritje.

Analiza historike e periudhës 2010–2026 tregon se ekonomitë e rajonit kanë kaluar një rrugëtim të vështirë pas krizës financiare globale dhe pandemisë së vitit 2020. Shqipëria ka arritur më shumë se të dyfishojë të ardhurat për frymë krahasuar me vitin 2010, ndërsa Kosova ka ruajtur ritme të qëndrueshme rritjeje falë konsumit të brendshëm dhe remitancave.

FMN vlerëson se Ballkani Perëndimor po hyn gradualisht në një fazë të re zhvillimi ekonomik, ku modeli i rritjes po zhvendoset nga konsumi drejt investimeve dhe eksporteve. Për Kosovën dhe Shqipërinë, sfida kryesore mbetet rritja e produktivitetit, forcimi i tregut të punës dhe krijimi i një ekonomie më konkurruese në raport me standardet e Bashkimit Europian.

11/05/2026

Një herë vjedhin bashkë, shkatërrojnë çdo oponent, shantazhojnë, linçojnë, ofendojnë, bëhen milionerë… në fund e “hanë” njëri-tjetrin.
Ky është harami 😉

tu ia qitë “dellat” -t 😂😂😂 Ah, pushteti i ëmbël 😄

Dy vëllezër humbin jetën brenda pak orësh në Pejë – njëri nga aksidenti në trafik, tjetri nga sëmundjaPeja është trondit...
10/05/2026

Dy vëllezër humbin jetën brenda pak orësh në Pejë – njëri nga aksidenti në trafik, tjetri nga sëmundja

Peja është tronditur këtë të diel nga një tragjedi e rëndë familjare, ku dy vëllezër kanë humbur jetën brenda pak orësh.

Fillimisht, Gazmend (Shefqet) Maloku, i njohur nga të afërmit dhe miqtë si “Meni”, humbi jetën aksidentalisht, në një rast që u raportua gjatë ditës.

Por dhimbja për familjen Maloku nuk përfundoi me kaq. Vetëm pak kohë më vonë, edhe vëllai i tij, Bashkim (Shefqet) Maloku, ndërroi jetë pas një gjendjeje të rënduar shëndetësore.

Sipas burimeve, Bashkimi ka ndërruar jetë gjatë trajtimit në spital, brenda rreth një ore pasi kishte marrë lajmin për humbjen tragjike të vëllait të tij.

Dy humbje të njëpasnjëshme në të njëjtën ditë kanë lënë të pikëlluar familjarët, miqtë dhe qytetarë të shumtë në Pejë.

KEK “nën kontrollin” e pushtetit, miku i anëtarit të VV-së emërohet u.d i kryeshefitKorporata Energjetike e Kosovës (KEK...
10/05/2026

KEK “nën kontrollin” e pushtetit, miku i anëtarit të VV-së emërohet u.d i kryeshefit

Korporata Energjetike e Kosovës (KEK) është bërë me kryeshef të ri, duke u vendosur një njeri i afërt me Lëvizjen Vetëvendosje, posaçërisht me kryetarin e Komunës së Fushë Kosovës, Valon Prebreza.

Sipas njoftimit, procesi është zhvilluar në përputhje me Ligjin për Ndërmarrjet Publike, duke përfshirë vlerësimin dhe intervistimin e kandidatëve që plotësonin kriteret.

Hashani është i diplomuar në Universiteti i Prishtinës “Hasan Prishtina” dhe ka përfunduar studimet master në University of the Incarnate Word në SHBA. Ai ka përvojë në sektorin energjetik dhe financiar, si në Kosovë ashtu edhe jashtë vendit.

Bordi i KEK-ut ka shprehur besimin se nën udhëheqjen e tij, korporata do të avancojë performancën dhe zhvillimin strategjik.

Zbulohen detaje tronditëse, këngëtari copëtoi trupin e një adoleshenteje për të shpëtuar karrierën e tijProkurorët prete...
10/05/2026

Zbulohen detaje tronditëse, këngëtari copëtoi trupin e një adoleshenteje për të shpëtuar karrierën e tij

Prokurorët pretendojnë se këngëtari D4vd e copëtoi trupin e një vajze 14-vjeçare me një sharrë elektrike.

D4vd, një banor 21-vjeçar i Los Angeles, emri i vërtetë i të cilit është David Burke, u akuzua javën e kaluar për vrasjen e Celeste Rivas Hernandez pas një hetimi disamujor. Ai është deklaruar i pafajshëm dhe avokatët e tij, transmeton Indeksonline.

Trupi i copëtuar i një vajze adoleshente u gjet në Teslën e tij në një oborr për nxjerrjen e automjeteve në Hollywood në shtator 2025, tha policia. Koka dhe trupi ishin në një qese për kufoma, dhe gjymtyrët ishin në një qese mbeturinash në bagazhin e përparmë të makinës.

Në një dosje prej nëntë faqesh, prokurorët zbuluan detaje shqetësuese, duke pretenduar se D4vd e kishte joshur Rivas Hernandezin në shtëpinë e tij në Hollywood Hills muaj më parë me një plan të paramenduar për ta vrarë atë, sepse ajo e kërcënoi të zbulonte marrëdhënien e tyre seksuale dhe të shkatërronte karrierën e tij muzikore.

Ata thonë se më pas ai e copëtoi trupin e saj dhe e la në makinën e tij.

Sipas prokurorisë, të dy dyshohet se filluan një marrëdhënie seksuale në vitin 2023, kur Rivas Hernandez ishte 13 vjeç dhe D4vd ishte 18 vjeç, dhe ata u ndanë në nëntor 2024. Besohet se ata vazhduan marrëdhënien e tyre seksuale dhe Rivas Hernandez u bë xheloz për marrëdhëniet e D4vd me gra të tjera

David Alaba “përfshihet” në mashtrimin miliona eurosh në Tiranë, zbardhet skema se si u keqpërdor ylli i Real MadridOper...
10/05/2026

David Alaba “përfshihet” në mashtrimin miliona eurosh në Tiranë, zbardhet skema se si u keqpërdor ylli i Real Madrid

Operacioni ndërkombëtar i përmasave gjigante, i udhëhequr nga prokuroria e Salzburgut në Austri dhe SPAK në Shqipëri, ka shkatërruar një rrjet kriminal “Call Center-ash” në Tiranë.

Grupi dyshohet se ka përfituar mbi 50 milionë euro duke mashtruar qytetarët evropianë, por ajo që ka bërë bujë në mediat ndërkombëtare është përdorimi i imazhit të yllit të futbollit, David Alaba, për të joshur viktimat.

Personazhe të famshëm në shënjestër të “kriminelëve”

Mashtrimi përdori identitetet e figurave të njohura si Presidenti Federal Alexander Van der Bellen dhe prezantuesit e ORF Armin Wolf dhe Nadja Bernhard, të cilët i promovuan këto investime në foto të manipuluara dhe video të rreme. Për shembull, Presidenti Federal shihet duke garantuar investimin dhe duke thënë në video: “Mos humbni kohë, veproni tani”.

Një pagesë mujore prej 250,000 eurosh u premtua për një pagesë fillestare prej vetëm 250 eurosh. Ish-Kancelari Federal Karl Nehammer, futbollisti profesionist David Alaba, ish-ylli i skive Hermann Maier, prezantuesit televizivë Armin Assinger dhe Mirjam Weichselbraun, si dhe artisti i kabaresë dhe prezantuesi i “Willkommen Österreich”, Christoph Grissemann, u shfaqën gjithashtu në regjistrime të manipuluara (Deepfake).

“Siç mund ta shihni, këto falsifikime për fat të mirë nuk janë perfekte”, tha hetuesi Völkel, “por për fat të keq, është ende e mjaftueshme që njerëzit të besojnë një version ose një tjetër dhe kështu të mashtrohen duke depozituar para në këto platforma”.

Alaba, viktimë e “Deepfake” nga Tirana

Kriminelët përdorën teknologjinë e inteligjencës artificiale për të krijuar video ku mbrojtësi i Real Madridit dukej sikur u bënte thirrje ndjekësve të tij të investonin në platforma si “Lion-Trade”. Duke shfrytëzuar popullaritetin dhe besueshmërinë e Alabës në Austri dhe më gjerë, Call Center-at në Tiranë arritën të zhvatnin shuma që shkojnë deri në miliona euro nga kursimet e qytetarëve.

Ky operacion, i mbështetur nga Europol, ka çuar në arrestimin e dhjetëra personave në Shqipëri, ndërsa hetimet po vijojnë për të zbuluar nëse ka emra të tjerë të botës së sportit të përfshirë pa dëshirën e tyre në këtë skemë kriminale.

Address

Pejë

Website

Alerts

Be the first to know and let us send you an email when Indigo Fun posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Indigo Fun:

Shortcuts

Share

Category