Kronikat e Pejës

07/09/2026

Kritikë për gazetarët

Politika ditore dhe gjeopolitika nuk janë e njëjta gjë dhe këtë dallim duhet ta dijë kushdo që merret me politikë.
Por kur dikush del publikisht dhe pretendon se është zëri i qytetarit, ndërsa nuk arrin të bëjë as dallimin mes politikës ditore dhe gjeopolitikës, atëherë kjo nuk është thjesht mungesë njohurish, por është turp.

Para se të pretendosh se je zëri i qytetarëve, së paku duhet ta dish se për çfarë po flet!

04/09/2026

“Çarjet e qytetit të tij” – fotografitë që rikthejnë kujtesën e Pejës së pasluftës
Pejë – Në Galerinë e Artit në Pejë u hap ekspozita fotografike “Çarjet e qytetit të tij”, nga autori Dardan Luta , një ekspozitë që përmes imazheve sjell para publikut pamje nga Peja e ditëve të pasluftës.
Përmes fotografive të realizuara në atë periudhë, ekspozita rikthen në vëmendje një qytet të sapodalë nga lufta – një Pejë e dëmtuar, e plagosur dhe me gjurmët e konfliktit ende të pranishme në hapësirat e saj.

Fotografitë e Dardan Lutës nuk janë vetëm dokumente vizuale të një kohe të kaluar. Ato janë dëshmi të drejtpërdrejta të një periudhe të rëndësishme për historinë e Pejës, duke ruajtur pamje dhe momente që sot kanë vlerë të veçantë për kujtesën e qytetit.
Në secilën fotografi mund të lexohet një pjesë e historisë së Pejës së pasluftës – rrugët, ndërtesat, dëmtimet dhe atmosfera e një qyteti që po përpiqej të rimëkëmbej dhe të niste një kapitull të ri.

Për “Kronikat e Pejës”, kjo ekspozitë ka një rëndësi të veçantë, sepse fotografia është një nga mënyrat më të fuqishme për ta ruajtur historinë e një qyteti. Ajo që dokumentohet sot bëhet kujtesë për brezat që vijnë.
“Çarjet e qytetit të tij” është një ftesë për të ndalur përballë së kaluarës, për ta parë atë përmes fotografisë dhe për të reflektuar mbi rrugëtimin që ka bërë Peja ndër vite.

Kronikat e Pejës

01/09/2026

31/08/2026

Me vullnetin, përkushtimin dhe punën profesionale të Franjo Vaculinit, Peja arriti që brenda vitit 1949 si asnjë qytet tjetër në Kosovë, të këtë: Orkestrën e mandolinave të përbërë vetëm nga gratë(femra), që për kohën ishte një risi dhe avancim radikal shoqëror, me sfida e paragjykime të shumta..

Disa nga anëtaret e kësaj orkestre në këtë fotografi të vitit 1952 janë, Gjejlon Bukleta, Gita Çiflaku, Nexhmije Krasniqi, Drita Rugova, Hasibe Syka, motrat Nagjije dhe Samka Luta, Vilma Gashi, Zekije Budima, Sabernaz Bojku, Sytkije Turjaka, Saide Gashi, Qamile Sahatçiu, Jezofina (mbiemri i panjohur), Feride Gashi, Gjemile Kyqykrama, Atifet Malushaga, Vilma Antoni, Atije Dranqolli, Resmije Begolli dhe Bukurie Taraku etj.

Shkrimi dhe Foto është marrë nga Momografia "Teatri dhe Arti Muzikor në Pejë ndër vite e shekuj "

Autor Reshat Nurboja

27/08/2026

🎥 Peja në vitin 1969
Videoja paraqet qytetin e vjetër të Pejës, e realizuar në vitin 1969, tashmë e sjellë në ngjyra. Një pamje e rrallë që na kthen pas në kohë dhe na tregon Pejën ashtu siç dukej dikur. 🏙️❤️

Huazuar nga FM Images Albania

26/08/2026

KOSOVË 1973 Rugovë-Pejë

E huazuar nga FM Images Albania

25/08/2026

Peja, emërtimin e parë që e ka marrë për t'u veçuar nga tërësia e Mbretërisë Dardane, në atë periudhë kohore është identifikuar me emrin PEI-on.
Në realitet, emri i lashtë i Pejës, sipas disa hipotezave të prezentuara nga disa autorë austriakë, gjermanë, kroatë, serbë etj., në një libër të vjetër (në formë të kumtesave) në gjuhën serbokroate me titull “Old Illyrian Kingdom – Staro Ilirsko Kraljevstvo” (titulli i përkthyer nga autori: “Mbretëritë e Vjetra Ilire”), të botuar në Vjenë të me 1892, lidhur me Ilirët, mbretërit dhe vendbanimet e tyre.
Në njërën nga ato kumtesa, hipotekohej se emërtimi i Pejës rrjedh nga emri i mbretit Drypion dhe fisit të tij Ilir, Paionët, (Paionët. Paeonians ose Peonët), që ishin fis Ilir, e që banonin në luginën e sipërme të Vardarit, në kufi me fisin Ilir Dardanët. Në luftërat e Dardanëve kundër Maqedonisë antike disa grupe të vogla të pjesëtarëve të fisit Ilir – Paion, në vitin 231 para erës sonë (para Krishtit), në krye me mbretin e tyre Drypion, iu bashkuan Dardanëve, gjegjësisht ushtrisë së mbretit dardan, Longarit.

E hauzuar nga Libri "Teatri dhe Arti Muzikor në Pejë ndër vite e shekuj"

Nga autori Reshat Nurboja

25/08/2026

"Keni me majtë n'men për sa t'jeni gjallë" - Përmes Stuhisë dhe Plagëve, 1999: Odiseja e shqiptarëve
nga Istogu për në Rozhajë

Video nga FM Images Albania