06/12/2025
Lajmi u bë zyrtar nga drejtori i K Sport, Arber Loxha! Na ndiqni vetëm tek për më të rejat dhe ekskluzivitetet.
// Popo! K-Sport mbyll rrugëtimin pas gati 13 vitesh!
Pas pothuajse 13 viteve transmetim të pandërprerë, rrugëtimi i K-Sport po arrin në fundin e tij. Si platforma e parë sportive kosovare, K-Sport ka qenë pionier në sjelljen e sportit më afër shikuesve në Kosovë dhe më gjerë. Me pasion, profesionalizëm dhe përkushtim, këto kanale kanë transmetuar ngjarje të mëdha sportive, ndeshje historike, emocione të paharrueshme dhe momente që kanë bashkuar tifozët për më shumë se një dekadë.
Por çdo fund është edhe një fillim i ri.
Kanalet K-Sport do të shndërrohen në kanale “Sport” nën logon e Artmotion, duke hapur kështu një kapitull të ri në zhvillimin e transmetimeve sportive në vend. Nën markën Artmotion Sport, shikuesit do të vazhdojnë të ndjekin sportin që duan — me teknologji moderne, përmbajtje më të pasur dhe përvojë edhe më cilësore.
K-Sport falënderon të gjithë shikuesit, partnerët dhe sportdashësit që kanë qenë pjesë e këtij rrugëtimi plot pasion e përkushtim.
Trashëgimia e saj do të jetojë përmes kanaleve Sport të Artmotion, të cilat do të vazhdojnë të sjellin emocionin e lojës në çdo ekran!
