06/06/2026
Mbrëmje përkujtimore dhe promovim i veprave të Prof. Ahmet Qeriqit me rastin e 12 Qershorit - Ditës së Çlirimit të Kosovës.
Në këtë mbrëmje të organizuar nga Instituti i Kulturës së Hungarisë dhe Instituti i Kujtesës Kombëtare Shqiptare në Stuttgart, me një frymë përkujtimi dhe reflektimi, do të mblidhemi për të nderuar një nga datat më të rëndësishme të historisë sonë kombëtare.
Me rastin e 12 Qershorit – Ditës së Çlirimit të Kosovës, me respekt të thellë dhe emocion të veçantë, ju ftojmë të bëheni pjesë e një mbrëmjeje përkujtimore dhe kulturore, kushtuar kujtesës sonë historike dhe trashëgimisë kombëtare që na bashkon.
Kjo mbrëmje i dedikohet kontributit të çmuar të profesor Ahmet Qeriqit – veprimtar, i burgosur politik dhe drejtor i Radios “Kosova e Lirë”, i cili me përkushtim të jashtëzakonshëm ka dokumentuar historinë dhe luftën e Kosovës.
Ai është autor i 25 veprave letrare dhe historike, kronikave të luftës, si dhe i mijëra shkrimeve për dëshmorët dhe personalitetet kombëtare. Në kuadër të këtij aktiviteti do të prezantohen edhe disa nga veprat e tij, përfshirë dy libra të përkthyer nga gjuha hungareze në gjuhën shqipe, duke krijuar kështu një urë të rëndësishme kulturore mes popujve.
Vendi: Instituti i Kulturës Hungareze në Stuttgart
Data: 12 Qershor 2026
Ora: 18:00
Christophstrasse 7. 70178 Stuttgart
Programi i mbrëmjes:
• Dr. Dezső Szabó, Drejtor i Institutit të Kulturës së Hungarisë në Stuttgart - fjalë përshëndetëse në emër të organizatorit
• Isak András, Konsull i Përgjithshëm i Hungarisë - fjalë përshëndetëse
• Arbanë Qeriqi, Kryeredaktore në Radion Kosova e Lirë - fjalë rasti në emër të familjes së Prof. Ahmet Qeriqi
• Imer Lladrovci, ish-shef i Konsullatës së Kosovës në Stuttgart - fjalë përshëndetëse
• Antigonë Salihu, përkthyese e kronikës letrare-historike “Guri i Betimit” në gjuhën gjermane - fjalë përshëndetëse
Mbrëmja do të pasurohet me tingujt e muzikës klasike. Nën interpretimin e sopranos Delina Hajra Gashi dhe pianistes Adelina Ushaku Hashani do të interpretohen këto vepra:
• Johannes Brahms – Von ewiger Liebe, Op. 43
• Robert Schumann – In der Fremde (“Aus der Heimat”), Op. 39, Nr. 1
• Franz Schubert – Du bist die Ruh, D. 776
• Simon Gjoni – Luleborë
Në përmbyllje, mbrëmja do të vazhdojë me një koktej me ushqime tradicionale shqiptare, si shprehje e mikpritjes dhe shpirtit tonë.
Jeni të mirëpritur – prania juaj e bën këtë mbrëmje edhe më domethënëse.
