18/11/2025
📚Botim i ri
📖 Në poezitë e Xhejlane Tërbunjës, gjuha është autenticitet. Poetja përdor një shqipe të gjallë e të përditshme, shpesh në formë "slang", që e afron poezinë me jetën urbane dhe me realitetin e sotëm. Ky stil i vetëdijshëm gjuhësor, që nuk druhet nga ashpërsia
apo vulgariteti poetik, është pjesë e origjinalitetit të saj krijues dhe mënyra më e drejtpërdrejtë për të komunikuar me lexuesin.
🖋Xhejlane Tërbunja është aktore dhe poete. Ajo ka studiuar për aktrim në Fakultetin e Arteve në Universitetin e Prishtinës dhe ka luajtur në një sërë rolesh në teatër dhe kinematografi, duke përfshirë ndër të tjerë, filmat Obraz (2024), Adnan Kafazi (2023), Hive (2021), Unwanted (2017), Kati V (2012) dhe Der Albaner (2010), shfaqjet Shërbëtori i dy zotërinjve, Natën e mirë, nënë, Killing Me Softly. Me shumë shfaqje teatrale ka fituar çmime në disa festivale në Kosovë, Maqedoni dhe Shqipëri. Ka qenë kryesuese e Këshillit të Qendrës Kinematografike të Kosovës, ishte aktore e emisionit televiziv Vikendi dhe autore e moderatore e emisionit televiz Veç Kesh. Si poete, Tërbunja ka marrë pjesë në shumë lexime poetike dhe aktivitete kulturore, si dhe ka botuar krijimet e saj në revista letrare dhe platforma artistike.
