KlanKosova FM

KlanKosova FM Radio Klan Kosova FM 95.2 dhe 90.8 Mhz KlanKosova FM

Radio Klan Kosova FM me frekuencat 95.2 dhe 90.8 Mhz, filloj transmetimin me 28 nëntor 2021 me një programacion të kompletuar me plot emisionie duke u shëndrruar në radion më të dashur për dëgjuesit, veç frekuencave KlanKosova FM mund të dëgjohet edhe përmes aplikacionit në telefonat tuaj të menqur, nga mengjeset e hershme e deri në orët e vona ju presin plot infromacione, emisione argëtuese, e po ashu muzika më e mirë e vendit dhe ajo e huaja.

Libri "ARBËRESHËT - SHQIPTARËT E ITALISË" i autorit dhe botuesit Fatmir Toçi, do të promovohet sonte nga ora 19:00, në B...
28/10/2025

Libri "ARBËRESHËT - SHQIPTARËT E ITALISË" i autorit dhe botuesit Fatmir Toçi, do të promovohet sonte nga ora 19:00, në Bibliotekën “Ernest Koliqi” në Prishtinë.
Për librin do të flasin: prof. Xhavit Beqiri, prof. Bajram Kosumi dhe vetë autori i kësaj vepre enciklopedike për arbëreshët.
Botimi, që vjen nga Shtëpia Botuese “Toena”, është një vepër e rëndësishme studimore që ndriçon historinë, kulturën, ritet dhe trashëgiminë shpirtërore të arbëreshëve të Italisë – pasardhësve të shqiptarëve që ruajtën gjuhën dhe identitetin për më shumë se pesë shekuj larg atdheut.
Mbrëmja kulturore do të shoqërohet me pika artistike të përzgjedhura

Shkolla e Muzikës “Prenk Jakova” në Gjakovë, sonte nga ora 19:00 organizon një mbrëmje artistiko-sensibilizuese, e cila ...
28/10/2025

Shkolla e Muzikës “Prenk Jakova” në Gjakovë, sonte nga ora 19:00 organizon një mbrëmje artistiko-sensibilizuese, e cila synon të rrisë ndërgjegjësimin për kancerin e gjirit.
Në program do të ketë debat të hapur me pjesëmarrjen e: Dr. Ilir Kurtishi, Drejtor i Klinikës së Onkologjisë në ShSKUK, Zn. Valbona Kastrati, Kryetare e Organizatës “Ia vlen të jetosh”, dhe moderatore e diskutimit do të jetë, Prof. Migena Arllati.
Në kuadër të kësaj mbrëmje do të zhvillohet edhe një program artistik me pjesëmarrjen e Korit të Shkollës së Mesme të Lartë të Muzikës me dirigjent Kastriot Sada, korepetitor Gent Kumnova, Korit të Grave dhe Vajzave “Besa” me dirigjente Klodina Kryeziu Hana, korepetitore Vesa Xharra, si dhe Ansamblit të Baletit Anila Ahmeti dhe Tarjona Kashnjeti, klasa e mësimdhënëses Ilirjana Memaj

Në kuadër të programit të ligjëratave dhe takimeve shkencore “Leksione albanologjike”, sot nga ora 14:00, mbahet ligjëra...
28/10/2025

Në kuadër të programit të ligjëratave dhe takimeve shkencore “Leksione albanologjike”, sot nga ora 14:00, mbahet ligjërata me titull “Teoria e gramatikalizimit: dy shembuj nga gjuhët ballkanike” e albanologes së njohur bullgare, Ekaterina Tarpomanova.
Znj. Tarpomanova është profesoreshë dhe ligjëruese e rregullt në Universitetin “St. Climent Ohridski” të Sofjes, Bullgari.
Drejtuese e këtij aktiviteti shkencor do të jetë Dr. Afërdita Abdullahi – Dërmaku, ndërsa me një fjalë përshëndetëse do të paraqitet shefi i Degës së Gjuhësisë-IAP, Dr. Abdurrahim Maxhuni.
Ligjërata e albanologes bullgare do të mbahet në ambientet e Institutit Albanologjik

28/10/2025

Këngëtari i njohur Malësori, thotë se konkurrenca e madhe na shtyn për punë kualitative. Ai, në Special One flet për muzikën që bëhet kohëve të fundit, thotë se binjakët e tij Lura dhe Leka kanë talent për muzikë, dhe do dëshironte që ata të përjetojnë ato gjëra që ai i ka përjetuar, gjithashtu tregon si e mori kojshiken për grua

28/10/2025

Jam gjenerata e dytë e familjes që kemi dal në Podgoricë-thotë këngëtari i njohur Malësori. Në Special One, ai rrëfen se për herë të parë në skenë doli me sharki dhe frymëzim i tij ishin Shoqata “Besa” dhe Nikollë Nikprelaj, poashtu shprehet shumë falenderues ndaj Kosovës e cila sipas tij, ka luajtur rol në emancipimin dhe shkollimin e shqiptarëve në Mal të Zi

Prishtina dhe Prizreni do të jenë qendrat e muzikës bashkëkohore, ku nga sot e deri më 31 tetor 2025, fillon edicioni i ...
27/10/2025

Prishtina dhe Prizreni do të jenë qendrat e muzikës bashkëkohore, ku nga sot e deri më 31 tetor 2025, fillon edicioni i 24-të i Festivalit ReMusica, i cili këtë vit vjen me temën “Contrasts”, që ndërthur traditën me modernitetin, muzikën klasike me atë bashkëkohore, dhe rrënjët me inovacionin e guximshëm.
Aktivitetet fillojnë sot që në mëngjes me të vegjëlit - ReMusica Junior dhe përfundojnë në mbrëmje me hapjen zyrtare të ReMusica Festival 2025, i cili mbahet në Kishën Katolike “Shën Ndou” në Prishtinë, me artistët: violinistin Tedi Papavrami, pianisten Maki Okada dhe ReVocal Ensemble me dirigjent Rafet Rudi.
Në këtë edicion do të mbahet 18 koncerte dhe mbi 160 artistë të shquar nga skena ndërkombëtare dhe vendore, tryeza diskutimi, punëtori e aktivitete tjera, që do të bashkojnë artistë nga vendi dhe Evropa për të reflektuar mbi dialogun mes traditës dhe modernitetit, marrëdhënien e festivaleve me qytetin, dhe rëndësinë e mbështetjes së artistëve në zhvillim.
Në edicionin e 24-të të festivalit, rikthehet “ReMusica Junior” me një program të veçantë për fëmijë, që përfshin koncerte, punëtori dhe aktivitete interaktive të krijuara, për të nxitur kuriozitetin dhe kreativitetin e tyre, ndërsa platforma “ReNew” vazhdon misionin e mbështetjes së artistëve në zhvillim, poashtu Pocket Concerts sjell koncerte intime në hapësira alternative

Këtë javë në Special One, mund të ndiqni rrëfimin me plot emocione nga këngëtari i njohur Malësori.Ai zbulon historinë e...
26/10/2025

Këtë javë në Special One, mund të ndiqni rrëfimin me plot emocione nga këngëtari i njohur Malësori.
Ai zbulon historinë e familjes së tij, tregon si e nisi karrierën në muzikë me instrumentin e sharkisë, kush ishte frymëzimi i tij, me shumë dashuri flet për Kosovën dhe shpreh mirënjohje për të. Ai poashtu, flet për muzikën e sotme, konkurrencën e fortë, tregon a e kanë trashëguar binjakët e tij, Lura dhe Leka talentin për muzikë dhe me humor rrëfen si e mori kojshiken për grua. Për këto dhe të tjera na ndiqni sot, nga ora 14:00.

www.klankosova.tv/klan-kosova-fm/
Kanalin nr.1 në Artmotion
Frekuencat 95.2 & 90.8
LIKE & SHARE KlanKosovaFM

Skena e Teatrit të Gjilanit, sot dhe nesër nga ora 20:00, kthehet në një fushë loje mes gënjeshtrës dhe së vërtetës me d...
24/10/2025

Skena e Teatrit të Gjilanit, sot dhe nesër nga ora 20:00, kthehet në një fushë loje mes gënjeshtrës dhe së vërtetës me dy komeditë e Florian Zeller – “Gënjeshtra” dhe “E Vërteta”.
Dy shfaqje që flasin me njëra-tjetrën, që pasqyrojnë dhe kundërshtojnë njëra-tjetrën. Ku çdo buzëqeshje fsheh një dyshim, çdo heshtje një rrëfim, dhe çdo e vërtetë ka hijen e vet të gënjeshtrës.
Shfaqje këto me plot humor, tension dhe ngrohtësi teatrale, aty ku asgjë nuk është krejt e vërtetë, dhe asnjë gënjeshtër nuk është krejt e rreme

Ekipi i xhudos i përbërë nga Jon Kuka, Roni Resh*taj dhe Milot Gashi do të marrin pjesë në Kupën Evropiane për Kadet që...
24/10/2025

Ekipi i xhudos i përbërë nga Jon Kuka, Roni Resh*taj dhe Milot Gashi do të marrin pjesë në Kupën Evropiane për Kadet që do të mbahet nesër dhe pasnesër, në Kranjska Gora të Sllovenisë.
Në këtë kampionat do të marrin pjesë 432 garues/e, nga 4 kontinente dhe 21 shtete.
Xhudistët kosovar do të ndeshen nesër, ku bashkë me ta ka udhëtuar trajnerja, Majlinda Kelmendi

24/10/2025

Pagoi çdo detyrim, banori nga ‘Bregu i Diellit’ thotë se mbeti pa ashensor

“Soil of Lule” titullohet ekspozita e artistes kosovare, Prof. Luljeta Rama-Muçaj, e cila do të hapet të shtunën e 25 te...
24/10/2025

“Soil of Lule” titullohet ekspozita e artistes kosovare, Prof. Luljeta Rama-Muçaj, e cila do të hapet të shtunën e 25 tetorit 2025, në Universitetin e Harvardit, në Shtetet e Bashkuara të Amerikës..
Në këtë ekspozitë do të paraqiten 17 punimet e artistes, në pikturë dhe dizajn.
E kuruar nga italiani, Stefano Romano “Soil of Lule” tregon se ngjyra është dhe, është frymë, është origjinë. Në pikturat e saj, vija bëhet kufi dhe çlirim njëkohësisht, një gjest që ndalon, mendon, por edhe frymon bashkë me materien.
Kjo ekspozitë nuk është thjesht metaforë e identitetit të artistes, por një hapësirë e gjallë, njerëzore dhe poetike, ku çdo shtresë ngjyre mbart kujtesë, çdo rrënjë përçon frymë dhe çdo ndërhyrje formon një pyetje ekzistenciale.
Pikturat e Luljeta Rama-Muçaj kërkojnë kontakt me syrin, me trupin, me frymën. Në fund, ajo që mbetet pas është dheu i saj, toka ku arti dhe njeriu bashkëjetojnë, ku pyetjet mbijnë si farë e ku çdo ngjyrë bëhet një frymëmarrje e re.
Po në të njëjtën ditë më 25 tetor 2025, vepra tjera të punuara nga artistja Luljeta Rama Muçaj, do të prezantohen në ekspozitën ndërkombëtare grupore të titulluar “All the children cry in the same language”, e kuruar nga Safa Büte, ku marrin pjesë artistë nga e gjithë bota, ngjarje kjo që mbahet në Nidğe Art Gallery, në Cappadocia të Turqisë

"Bolero & Bach La Orienta", titullohet shfaqja që do të jepet sonte nga ora 20:00 në Prishtinë, nga Baleti Kombëtar i Ko...
24/10/2025

"Bolero & Bach La Orienta", titullohet shfaqja që do të jepet sonte nga ora 20:00 në Prishtinë, nga Baleti Kombëtar i Kosovës, që prezanton premierën e katërt për vitin 2025.
Shfaqje dypjesëshe "Bolero & Bach La Orienta" nga koreografi me famë botërore Mehmet Balkan, vjen përmes muzikës ikonike të Maurice Ravel dhe Johann Sebastian Bach.
Ky projekt artistik sjell në skenë një kombinim të fuqishëm midis elegancës klasike dhe ndjeshmërisë neoklasile dhe moderne, të interpretuar me energjinë dhe virtuozitetin e trupës së Baletit Kombëtar të Kosovës

Address

Ish Fabrika E Amortizatorëve
Pristina
1000

Website

Alerts

Be the first to know and let us send you an email when KlanKosova FM posts news and promotions. Your email address will not be used for any other purpose, and you can unsubscribe at any time.

Contact The Business

Send a message to KlanKosova FM:

Shortcuts

Share

Category