13/11/2025
EDHE SIVJET, FLIJA GJIGANTE 100 KG-she, KRYEFJALË E AKTIVITETIT “DARKA E BEREQETIT HASJAN”
Në fshatin Gjonaj të Hasit, të enjten u organizua për herë të tretë manifestimi tradicional “Darka e Lamës”. Të pranishëm në këtë ngjarje përveç banorëve të regjionit të Hasit, ishin edhe përfaqësues të komunës së Prizrenit, mysafirë të shumtë dhe të tjerë. Ramadan Totaj, që nga mëngjesi i sotëm, nuk po e ka vështirë të përgatis flinë gjigante që është veçori e aktivitetit “Darka e bereqetit hasjan”, i cili për të tretën herë me radhë po mbahet në Gjonaj, në organizim të ShKA “Malësori”, pjesë e së cilës për shumë dekada është dhe ai. “Kuzhinieri” Totaj, tregoi se si është marrë me përgatitjen e kësaj flije, që është më e madhja që gatuhet në trojet shqiptare e që sipas tij, ajo sot peshonte 100 kg. Kryetari i ShKA “Malësori” në fshatin Gjonaj të Hasit, Haziz Hodaj, tha se edhe këtë vit “Darka e Lamës” po shënohet si festat më origjinale dhe autoktone që përfaqëson më së miri traditat hasjane. Nënkryetari komunës së Prizrenit, Kujtim Gashi, theksoi se festa të tilla që kontribuojnë në ruajtjen e traditave shqiptare duhet organizuar dhe përkrahur gjithmonë. Antropolologia e mirënjohur amerikane, Janett Reineck, tha se ky aktivitet ka një rëndësi të veçantë për kulturën dhe traditën hasjane. Ndryshe, interesimi më i madh i të pranishmëve ka qenë për flinë gjigante në gjatësi 2 metër e përgatitur nga banorët e fshatit Gjonaj. "Darka e Lamës", e njohur edhe si "darka e lamijeve, e fushës dhe e bereqetit", është një festë dhe ditë tradicionale e shënuar, që në fakt ka të bëjë me kremtimin e përfundimit të të korrurave të drithërave, e të korrave vjeshtore, e shtruar për të festuar vitin e bereqetshëm. Hasi Hasjanve ゚viralシ
