MGK

27/08/2025

တစ်ချိူ့လူတွေပြောပါတယ်

ဆက်ဆံရေးတွေပျက်မှာဆိုးလို့
အတတ်နိုင်ဆုံး သည်းခံခွင့်လွှတ်ပေးတယ်
ကိုယ့်အပေါ်မှာ မလေးစားတော့ဘူး...

လူတိုင်းကအမှားနဲ့မကင်းနိုင်ပါဘူးလေဆိုပြီး
သူတို့ပြန်လည် ပြင်ဆင်ခြင် ကြမယ်အထင်နဲ့
အစစအရာရာ နားလည်ပေးလိုက်တယ်
ဆက်မှားနေကြပြန်တယ်...

ကိုယ့်လိုနာကျင်ခံစားရမှာဆိုးလို့
ကိုယ်ချင်းစာတရား နဲ့
ကိုယ့်မေတ္တာ စေတနာတွေပေးပြီး
လိုက်လျောပေးလိုက်တယ်
ကိုယ့်အပေါ်တန်ဖိုးမထားတော့ဘူး...

ကိုယ့်ရဲ့ချစ်ခြင်းမေတ္တာရဲ့
တန်ဖိုးကိုမသိတဲ့သူတွေနဲ့ ဆက်ဆံခဲ့မိလို့
ကိုယ့်မေတ္တာတွေသာ တန်ဖိုးမဲ့သွားတယ်...

တကယ်လို့များဒီလိုလူတွေနဲ့
ပေါင်းသင်းဆက်ဆံမိခဲ့ရင်
တတ်နိုင်သလောက်
ကူညီပေးလိုက်မယ်
တန်ပြန်ကျေးဇူးတရားကို မမျှော်လင့်တော့ဘူး..

အကောင်းဆုံးချစ်ပေးလိုက်မယ်
ဘာမှပြန်မမျှော်လင့်တော့ဘူးရယ်...

ဘာလို့ဆို..
တစ်ချိူ့က
ချစ်ခြင်းမေတ္တာရဲ့တန်ဖိုးကို
မသိတာထက် တစ်ဖက်လူရဲ့တန်ဖိုးကို
မသိကြလို့ပါ...

ဒါ့ကြောင့်မို့လေ...
လူတွေကိုသံယောဇဉ်ရှိခြင်းထက်
ပန်းတွေနဲ့စာအုပ်တွေကို ပိုတွယ်တာလာတယ်
သူတို့က ကိုယ့်ကို ဘယ်တော့မှနာကျင်အောင်
မလုပ်နိုင်တဲ့ အေးချမ်းခြင်းတွေ ဖြစ်နေလို့ပါပဲ...

22/08/2025

#ဒီလိုတွေနဲ့အစ

#ဖောက်ပြန်ခဲ့သူတွေရဲ့ တချို့အဖြစ်ကလေ
ဖောက်ပြန်တဲ့ အဆင့်ထိ မရောက်ခင်မှာ
"ဟေ့ နင် နဲ့ ငါ ဖောက်ပြန်ကြစို့" ဆိုပြီး
ဘယ်သူကမှ စခဲ့ကြတာ မဟုတ်ပါဘူး။

ခင်မင်ကြတဲ့ အဆင့်ကနေ ရင်းနှီးမယ်
ရင်းနှီးရာကနေ ပိုနွေးထွေးလာမယ်
နွေးထွေးရာကနေ စိတ်ချင်းနီးလာမယ်
ရင်ဖွင့်ရာ တိုင်ပင်ဖော်ဖြစ်လာမယ်
သူတို့ရဲ့ နီးကပ်ရင်းနှီးမှုကို ဝန်းကျင်က
သတိထားမိလို့ သတိပေးလာကြမယ်။

အဲ့မှာ ငါတို့က ရိုးသားတယ် မစော်ကားနဲ့
ငါတို့က မောင်နှမချစ်ကွ ဆရာတပည့်ပါကွ
အလုပ်သဘော ဆက်ဆံရေးပါကွ နဲ့
ရူးရူးရှဲရှဲဖြစ် နှစ်ယောက်တည်းက တစ်ဖက်
သူ့ခမျာ ငါကြောင့် ပြောခံရရှာတာ ဆိုပြီး
အချင်းချင်း နှစ်သိမ့် ပလိမ့်တိမ့်ရင်းကနေ
အင်း အင်း အဲ့လိုတွေ ဖစ်ကုန်ကြတာမျိုးတွေ.....

ဒါကြောင့် ဖောက်ပြန်ဖို့ မရည်ရွယ်ဘူးဆိုရင်
ကိုယ့်အိမ်ထောင်ဖက် ကိုယ့်ချစ်သူထက် ပိုပြီး
ရင်းနှီး နီးကပ်နေမိတဲ့ ဆက်ဆံရေးတွေကို
သတိထားပြီး အချိန်မီ ဘရိတ်အုပ်လိုက်ပါ။

#တစ်ယောက်ယောက်က သတိပေးလာတဲ့အခါ
ငါအမှန်စိတ်နဲ့ မိုက်ရူးရဲဆန်ဆန် ရှေ့မတိုးဘဲ
နှစ်ဖက်လုံးရဲ့ ဂုဏ်သိက္ခာ မထိခိုက်ခင်မှာ
လိမ္မာပါးနပ်စွာ အချိန်မီ ရှောင်ရှားသင့်ပါတယ်။

အဲဒါကိုမှ တပ်မက်စွဲလန်းမွှန်ထူပြီး ဒီနာမည်ဆိုးကို
ကျေနပ်စွာခံယူပါမယ်ဆိုလည်း စကားထပ်မရှိပါ

#အဲ ဖောက်ပြန်ကြသူတွေ အများကြီးထဲမှာမှ
ပိုင်ရှင်ရှိမှန်းသိလျက် စနိုက်ကြော်ချင်သူမျိုးက
စကတည်းကကို ဒုတိယဖြစ်ဖြစ် တတိယဖြစ်ဖြစ်
သူ့ကို ရရင်ပြီးရောဆိုတဲ့ အချစ်ကို ဗန်းပြ

#ကာဗာယူ
တမင်ကြီး ကြောင်တောင်နှိုက်ပစ်တဲ့ ယောကျာ်းမိန်းမအချို့ကတော့
လူမှုရေး ကျင့်ဝတ်ကို ဖောက်ပြန်မိသူတွေထဲမှာ
စိတ်နေစိတ်ထား အောက်တန်းအကျဆုံးလူစားဘဲ။

လေးစားစွာဖြင့်ပြည်လည်မျှခြင်း

(Counseling ကဏ္ဍမှ စကားအချို့ပါ)
ဖောက်ပြန်သူများဋီကာ 😶
ာပေ ဘုံ

06/08/2025

" မချစ်ချင်တော့တဲ့အခါ အားမနာဘဲ ပြောနော် " လို့ ကျတော် ပြောလေ့ရှိတယ်။

သစ္စာရှိဖို့လည်း မတောင်းဆိုသလို မဖော"က်ပြန်ပါနဲ့လို့လည်း မတောင်းဆိုခဲ့ဖူးဘူး ။ ဒါတွေက တောင်းဆိုရမယ့် အရာတွေလို့ သတ်မှတ်ထားတာမဟုတ်လို့ပဲ

ဒါပေမယ့် မချစ်ချင်တော့ရင်တော့ ပွင့်ပွင့်လင်းလင်းလေး ပြောစေချင်တယ်။ ကိုယ့်ကို မချစ်တော့လို့ ပြုမူလာတဲ့ ခ"ပ်စိ၊မ်းစိ၊မ်းအပြုအမူတွေအပေါ် တစ်ယောက်တည်း မေးခွန်းထုတ်မနေချင်ဘူး ။ ကိုယ့်အမှားမလုပ်မိဘဲ " ငါ ဘာတွေ မှားသွားလို့လဲ " ဆိုပြီး လိုက်မတွေးချင်သလို ကိုယ့်အမှားမရှိဘဲ ဖြစ်သွားတဲ့ ဒီအခြေအနေကြီးကိုလည်း အတ"င်းတောင်းပန်ပြီး ဆွဲမထားချင်ဘူး။

ချစ်တုန်းက ချစ်တယ်လို့ ပြောခဲ့ကြသလို မ‌ချစ်တော့တဲ့အခါမှာလည်း အကျိုးအကြောင်းပြောစေချင်ရုံပဲ ။

အမှန်တိုင်းပြောရရင် Respect ရှိတဲ့ လမ်းခွဲပြ"တ်စဲမှုမျိုးနဲ့ပဲ ကျောခိုင်းချင်ပါတယ် ။

- အယ်လ်ဇ

30/07/2025

03/07/2025

စွန့်ပစ်ခံရမှာထက် ရွေးချယ်ထားပြီးလှည့်စားနေမှာကို ပိုကြောက်တယ်။
အများကြီးယုံကြည်ထားပြီးမှ ပြိုလဲသွားတဲ့ခံစားချက်ကို ငါသိတာပေါ့။
ငါ့လက်ကိုကိုင်ထားပြီး အခြားလူအကြောင်းတွေးနေရင်
ငါလေ ဘယ်လိုလုပ်ရမလဲ။ ငါ့အပေါ်မှာလဲ အရမ်းကောင်းတယ်။
အခြားသူအပေါ်လဲ အဲ့လိုပဲဆိုရင်လေ
လုံးလုံးကြီး မပြတ်သားလိုက်ပဲ တငွေ့ငွေ့နဲ့ လှိုက်စားနေတဲ့ခံစားချက်ကြီး ငါခံစားနေရမှာ သေချာတယ်။
မလုံလောက်တဲ့ ချစ်ခြင်းမေတ္တာတွေကို ကြောက်ပါတယ်။
လူသားဆန်စွာပဲ ငါ့ကို ခွင့်တောင်းလေကွာ။
တွယ်ကပ်နေတာမျိုး ငါမလုပ်ပါဘူး။
ရပ်သင့်ရင် ရပ်တန့်လိုက်တာပေါ့။
ဆက်ဆံရေးတစ်ခုမှာ လူနှစ်ယောက်အပြင် ပိုလို့ ဘယ်ရမလဲ။

29/06/2025

ထိရှ

တစ်ယောက်တည်းတွေးပြီး
တစ်ယောက်တည်း နာကျင်ကြေကွဲရတဲ့
ရက်တွေကို
ဘယ်လို ခေါင်းစဥ်တပ်ရမလဲ ..

ကိုယ့်အတွေးနဲ့ကိုယ်
ကမ္ဘာပျက်နေတဲ့ရက်တွေမှာကော
နာကျင်နေရတဲ့အကြောင်း
ဘယ်သူ့ကို ရင်ဖွင့်ပြရမလဲ ...

တစ်ခါတစ်လေကျတော့
ဘယ်အရာကိုမဆို
အလုံးစုံပြောပြလို့ရမယ့်
လူတစ်ယောက်တော့လိုတယ်

မြိုသိပ်ထားမိတဲ့စကားလုံးတွေကို
ပြောပြပြီးသွားရင်
အနည်းနဲ့အများတော့
သက်သာသွားကြတာလို့ ပြောနေကြတာကို
ကိုယ်တိုင်လဲ
ခံစားကြည့်ဖူးချင်တယ်

တိုးဝှေ့စရာ ရင်ခွင်မဟုတ်ရင်တောင်
အဆင်ပြေသွားမှာဆိုပြီး
နှစ်သိမ့်တဲ့ စကားလုံးပဲဖြစ်ဖြစ်
ကြားဖူးချင်မိတယ် ...

ငိုချင်တဲ့ရက်တွေကို
အံကြိတ်ပြီး ဖြတ်ကျော်ရတာ
သိပ်ပင်ပန်းတာပဲ ။

#ကျေးကို

22/06/2025

ကျမအစ်ကို လူပျိုကြီး မိန်းမယူတော့မယ်ဆိုတော့ .. ကျမတို့ညီအစ်မနှစ်ယောက် တပြိုင်တည်းပြောမိတာ သူ့အမျိုးသမီး သိပ်ကံကောင်းတယ် ဆိုတာပါပဲ။ ဒါဖြင့်ရင် ကိုကြီးကချမ်းသာလို့လား၊ ဂုဏ်တွေရာထူးတွေမြင့်မားနေလို့လားစသဖြင့် မေးစရာရှိပါတယ်။ ကိုကြီးက လူတန်းစေ့ထားနိုင်ရုံအဆင့်နဲ့ ပညာတတ်ဆိုတဲ့ သာမာန်ထက်နည်းနည်းပိုတဲ့အဆင့်မှာပဲ ရှိပါတယ်။ သူက ကျမတို့ထက်လည်း ဆယ်နှစ်လောက်ကြီးတော့ အခုပဲ ၄၃ဖြစ်နေရှာပါပြီ။ ဒါဖြင့်ရင် ဘာကြောင့် ကံကောင်းတယ်ဆိုနိုင်လဲဆိုတော့ .. အင်မတန်မျှတတဲ့စိတ်ထားကြောင့်ပါပဲ။

သူ့နေ့စဉ်ဝတ္တရားတွေဟာ ပန်းချီကားလေးလို လှပါတယ်။ သူလူမမယ်လေးတည်းက ဖခင်ဆရာဝန်က ဆုံးပါးသွားလို့၊ ကျမတို့အဒေါ် (ဖေဖေ့အစ်မ)မုဆိုးမက တစ်ယောက်တည်းအင်အားနဲ့ နောက်အိမ်ထောင်မပြုဘဲ ကိုကြီးတို့ကို လူတန်းစေ့ ပညာသင်ကျွေးမွေးစောင့်ရှောက်ခဲ့ပါတယ်။ ကိုကြီးကလည်း သူ့အမေကို သိတတ်သောအားဖြင့် အရက်၊ မူးယစ်ဆေး၊ လောင်းကစားနဲ့ ညည့်နက်သန်းခေါင် အပြင်ထွက်တာတောင် မလုပ်တဲ့သူပါ။ မနက်ဆို အိပ်ယာနိုးတာနဲ့ အမေအတွက် ကိုယ်တိုင်စျေးသွား မနက်စာ၊ နေ့လည်စာအကုန်ချက်ပြုတ် ပြင်ဆင်ပေးခဲ့ပါတယ်။ ပြန်လာရင် မုန့်ပဲသရေစာလေးတွေ ဝယ်လာ၊ မိခင်ကို လိုလေသေးမရှိ စောင့်ရှောက်သူရယ်ပါ။ ပြီးရင် ..ကျမတို့ အရွယ်ရောက်လို့ မိထွေးလက်ကနေ မနေဘဲ ထွက်လာချိန်မှာလည်း ညီမလေးအရင်းတွေလို သေချာသွန်သင်စောင့်ရှောက် ကျွေးမွေးခဲ့ပါတယ်။ ညဆို စာအုပ်ဖတ်၊ တရားနာ သူ့ဘာသူ အေးအေးသက်သာလေး နေတတ်သူရယ်ပါ။ ညီမလေးတွေကိုလည်း .. ယောကျာ်းကို မှီခိုဖို့မယူနဲ့ ချစ်လို့ပဲယူ၊ မှီခိုဖို့ဆို ကိုကြီးက တစ်သက်လုံးကျွေးထားနိုင်တယ်လို့ အမြဲအားပေးတတ်ပါတယ်။ ဘယ်မိန်းကလေးကိုမှ ရွှတ်ရွှတ် ဘာညာ မျက်လုံးကစားတာမျိုးနဲ့တောင် မစနောက်ပါဘူး။ အတော်အတန်ကြာ လူပျိုကြီးလုပ်နေပြီး၊ ညီမလေးတွေ ကိုယ်စီအိမ်ထောင်ပြုပြီးတော့မှ ချစ်သူထားပြီး၊ သူ့မိန်းကလေးအပေါ်လည်း အင်မတန်နွေးထွေးပါတယ်။ ရန်ဖြစ်တယ်ဆိုတာလည်း မရှိသလို၊ ဘာလေးပဲဖြစ်ဖြစ် ကောင်းကောင်းမွန်မွန်ရှင်းပြတတ်သူမို့၊ ဒီအိမ်ထောင်ဟာ သာယာဖို့များတယ်လို့ ကျမတို့က ယူဆပါတယ်။

ကိုကြီးက ပြောဖူးပါတယ် .. သူ့မာမားငယ်ငယ်က သူတို့ကို လူလားမြောက်အောင် ကောင်းမွန်စွာကြီးပြင်းစေခဲ့တာမို့၊ အမျိုးသမီးတွေရဲ့ သတ္တိကိုလည်း သိတယ်၊ ကိုယ်ချင်းလည်းစာတယ်။ အမျိုးသမီးတွေ ပျော်ရွှင်ရင် မာမားပျော်နေတာကို သတိရတယ်လို့ ပြောတတ်ပါတယ်။ လောကမှာ ယောကျ်ားတွေရဲ့ ဆိုးကွက်ကို သိမ်းကျုံးပြောကြတိုင်း ကျမက ကိုကြီးကို အမြဲတွေးမိပြီး အဲ့အဆိုကို ငြင်းပါတယ်။ ကိုကြီးမှ မဟုတ်ပါဘူး ကိုယ်ချင်းစာစိတ်ရှိတဲ့အမျိုးသားတိုင်းဟာ အလွန်ကျက်သရေရှိပါတယ်။ ဒီလိုလူတွေအများကြီးရှိရင်ဖြင့် အမျိုးသမီးတွေ ပိုပြီးပြုံးပျော်ရမယ်ထင်ပါတယ် …။

အမျိုးသမီးတိုင်း ကြင်နာတတ်သော ကိုယ်ချင်းစာတရားထွန်းကားသော ရင်ခွင်မှာ ရှင်သန်နိုင်ကြပါစေ 🤍✨🧜🏻‍♀️

Witchy Candy 🍭

21/06/2025

ငါကလွှတ်ချဖို့ကြိုးစားတဲ့အခါ
မင်းကဆွဲထားတယ်။

ငါကကပ်တွယ်ချင်မိတဲ့အခါကျ
မင်းကခပ်ခွာခွာနေတယ်။

မင်းကြောက်တာ ငါနဲ့ဝေးမှာကိုမဟုတ်ဘူး။

ငါမချစ်တော့မှာကို ကြောက်တာပါ။

ငါချစ်ပေးတာကိုပဲလိုချင်တာ
ငါ့ကိုတော့ မင်းမလိုချင်ပါဘူး။