Medyapa'w

Medyapa'w Medya Pa'w, yon sit kotew jwenn bon jan nouvel an kreyol sou peyi D'Ayiti ak lot bo dlo.

10/10/2025

Ayiti: Bidjè 2025-2026 la Vote nan Konsèy Minis, Pandan Bal Tap Chante sou Chanmans

09/10/2025

Chanselye Ayisyen an Demanti Nouvèl Kòmkwa Etazini Ta Dekrete Kèk Diplomat Ayisyen Pesona Nongrata

01/10/2025

Rezon Otorite Amerikèn yo Arete Dimitri Vorbe

Etazini Bay Rezon Ki Fè yo Arete Dimitri VorbeNan yon mesaj ki pibliye sou paj Depatman Sekirite Teritoryal Etazini, USC...
30/09/2025

Etazini Bay Rezon Ki Fè yo Arete Dimitri Vorbe

Nan yon mesaj ki pibliye sou paj Depatman Sekirite Teritoryal Etazini, USCIS nou li e nap site:

MIAMI — Nan dat 23 septanm 2025 lan, arete Dimitri Vorbe, yon etranje ilegal ki se yon sitwayen Ayiti. Yo arete l pou vyolasyon Lwa sou Imigrasyon ak Nasyonalite epi pou kontribisyon nan destabilizasyon peyi DAyiti. Ka Dimitri Vorbe la te anba envestigasyon biwo, Sekirite Entèn ak Operasyon Ranfòsman ak Ekspilsyon ICE a, ansanm ak Sèvis Sekirite Diplomatik Depatman Deta Ameriken an ak Direktora Deteksyon Fwòd ak Sekirite Nasyonal Sèvis Sitwayènte ak Imigrasyon Etazini an.

Depatman Deta a te detèmine ke prezans oswa aktivite Vorbe Ozetazini ta ka gen konsekans negatif grav sou politik etranjè Etazini, sa ki bay yon baz pou akizasyon ak ekspilsyon sou teritwa ameriken an. Espesyalman, ofisyèl yo te detèmine ke Vorbe te patisipe nan yon kanpay vyolans ak sipò gang ki te kontribye nan destabilizasyon Ayiti.

Pou kounye a, Dimitri Vorbe anba detansyon ICE annatandan pwosesus pou depòtasyon li.

Desizyon sa a demontre angajman fèm administrasyon Trump la pou pwoteje pèp Ameriken an, avanse enterè sekirite nasyonal [Etazini], epi ankouraje sekirite ak estabilite nan rejyon an."

Fend sitasyon.

Ka Dimitri Vorbe sanble tèt koupe ak akizasyon Reginald Boulos, yon lòt oligag Ayisyen ki imigrasyon amerikèn te arete nan mwa jisyè 2025 pase a.

Dimiri Vorbe Anba Kòd. Isit Ozetazini, ajan ICE yo mete anba kòd yon lòt oligak ayisyen kap viv sou teritwa ameriken an ...
24/09/2025

Dimiri Vorbe Anba Kòd. Isit Ozetazini, ajan ICE yo mete anba kòd yon lòt oligak ayisyen kap viv sou teritwa ameriken an pandan ke li gen gwo biznis kap bwase ann Ayiti. Envestigatè Depatman Sekirite Teritoryal Etazini yo arete Dimitri Vorbe, madi maten 23 Septanm 2025 lan lakay li nan Florid. Vorbe se youn nan oligak ki te nan konfli ak Prezidan Jovenel Moise nan yon biznik kou ak late ayisyen. Patizan ansyen lidè PHTK tankou Claude Joseph ak Stanley Lucas toujou lonje dwèt yo sou Dimitri Vorbe ak Reginald Boulos yo di dapre yo ta finanse asasine Prezidan Jovenel Moise sou pouvwa a. Otorite imigrasyon amerikèn yo te arete Reginald Boulos mwa jiyè pase a sou akisazyon fwod nan dosye imigrasyon. E ta kenbe l nan prizon sou lòt chaj tankou finansman gang ann Ayiti. Arestasyon Dimitri Vorbe la vini nan moman Etazini anonse tou sanksyon kont 2 ansyen palmantè ayisyen, Antonio Cheramy ak Arnel Bélizaire pou swadizan lyen yo ak gwoup ame yo kap teworize popilasyon ayisyèn nan. Pou lemoman, ototite sekirite teritoryal amerikèn yo poko pibliye okenn enfòmasyon sou rezon ki ta fè yo mete anba kòd bizniz man ayisyen an, Dimitri Vorbe.

23/09/2025

91 Demokrat nan Kongrè a Siyen yon Petisyon pou Mande yon Jij Pran yon Desizyon an Favè Ayisyen Ki Gen TPS yo

91 Demokrat nan Kongrè a mande yon jij pran yon desizyon an favè resòtisan ayisyen ki gen TPS yo. Lendi 15 Septanm 2025,...
17/09/2025

91 Demokrat nan Kongrè a mande yon jij pran yon desizyon an favè resòtisan ayisyen ki gen TPS yo.
Lendi 15 Septanm 2025, Senatè Edward J. Markey (D-Massachusetts) ak Reprezantan Sheila Cherfilus-McCormick (D-Florid), mete ak 89 lòt lejislatè, anonse yo depoze yon dokiman, amicus curiae, nan Tribinal premye enstans Columbia nan plent ki opoze Lesly Miot ak admistrasyon Trump la. Dokiman sa ki se yon petisyon an ki konteste desizyon administrasyon Trump vle pran pou l mete fen nan Estati Pwoteksyon Tanporè (TPS) pou resòtisan ayisyen yo.

Lejislatè yo mande tribinal la pou l bloke aksyon administrasyon Trump pou l pa mete fen nan pwogram nan TPS la. Nan petisyon an, yo fè konnen si yo mete fen nan pwogram TPS la "li ap parèt tankou yon trayizon parapò ak pwomès Etazini te fè, e ki pap nan enterè ameriken.

Nan fen anons la, Senatè Markey mete aksan sou sitiyasyon ki ap deteryore an Ayiti aktyèlman. kote li di, "Kriz imanitè an Ayiti a grav anpil e l ap vin pi mal, e sitwayen ayisyen ki gen TPS yo pa ka retounen lakay yo an sekirite."

Depite Cherfilus-McCormick, ki reprezante 20yèm Distri a nan Sid Florid, pale klimenm de angajman pèsonèl li nan pwoblèm sa a: “Pèsonèlman, mwen konprann kijan TPS enpòtan pou fanmi k ap kouri kite kriz aktyèl la ann Ayiti [...] Mwen fyè pou m sipòte Senatè Markey ak defansè pwoteksyon Ayisyen yo. Sa a se pa sèlman yon pwoblèm politik; li konsène lavi moun. M ap kontinye goumen pou yon sistèm imigrasyon ki jis e ki gen konpasyon ki pwoteje dyaspora Ayisyen an.”

Nan demann yo a, lejislatè yo mete aksan sou kòman ayisyen ki gen TPS yo “ kontribye anpil nan lavi ekonomik, sosyal ak kominotè yo” isit Etazini . Yo te mete aksan sou kontribisyon ayisyen yo non sèlman nan sektè kle ekonomi an, men tou nan lavi sivik ak kiltirèl Etazini.

Amicus curiae a avèti ke deportasyon an mas administrasyon Trump la ta mete sekirite ak entegrite fanmi yo an danje, separe paran yo ak pitit yo, epi prive kominote lokal yo de travayè esansyèl.

OEA kondane masak ki rive Labodrie a, Komin Kabarè. Sekretè Jeneral Òganizasyon Eta Ameriken yo (OEA), Albert R. Ramdin,...
17/09/2025

OEA kondane masak ki rive Labodrie a, Komin Kabarè.
Sekretè Jeneral Òganizasyon Eta Ameriken yo (OEA), Albert R. Ramdin, di li kondane ak fòs atak brital gang ame yo te fè nan Labodrie, Ayiti, kote plis pase 40 moun mouri ak anpil lòt blese.
" “Masak Labodrie a se yon vyolasyon revòltan kont prensip ki pi fondamantal limanite,” Sekretè Jeneral Ramdin deklare. “Pa gen okenn plent, pa gen okenn anbisyon politik, pa gen okenn antrepriz kriminèl ki ka jistifye asasina volontè sa a, kote fanm kou gason, timoun inosan viktim anba men bandi ame. Aksyon sa a souliye ankò nesesite ijan ki dwe pran pou retabli sekirite, règ lalwa, ak respè pou lavi moun ann Ayiti.”

Sekretè Jeneral la ankouraje tout sektè nan sosyete ayisyèn nan—lidè politik, ekonomik, relijye, ak kominotè—pou yo ini epi angaje yo nan yon dyalòg konstriktif ki vize pou sispann vyolans lan epi retabli espwa pou pèp Ayisyen an. Li mande tou patnè entènasyonal yo pou yo bay Ayiti sipò ijan li bezwen pou adrese kriz sekirite a.

OEA a rete angaje pou sipòte Ayiti nan lit li kont krim òganize. ranfòsman enstitisyon demokratik li yo epi ankouraje solisyon ki reflete aspirasyon pèp an..."

Plizyè Jou apre masak la Labodrie a, Gouvènman di li bay lapolis lòd pou reprann Kontwòl Cabaret ak Arcahaïe:Apre masak ...
17/09/2025

Plizyè Jou apre masak la Labodrie a, Gouvènman di li bay lapolis lòd pou reprann Kontwòl Cabaret ak Arcahaïe:
Apre masak teworis ame yo te fè nan Labodrie a, Gouvènman an raple popilasyon an ke Leta a mobilize e lap mennen yon batay san rete pou elimine ensekirite a. Depi yo te anonse evènman trajik sa yo, Gouvènman an te konvoke an ijan Kòmandman Siperyè Lapolis Nasyonal Ayisyen an (PNH). Kote li bay enstriksyon fèm pou:
• Deplwaye inite espesyalize pou sekirize zòn nan epi pwoteje popilasyon an;
• Ranfòse perimèt sekirite a ozalantou Cabaret, Arcahaïe, ak zòn ki antoure yo;
• Lanse operasyon pouswiv pou netralize gang ame ki responsab yo;
• Bay fanmi viktim yo asistans medikal, sikolojik ak imanitè.

Otorite sivil yo ak lapolis ann Ayiti fè silans sou dosye masak Laboderie ki rive nan Kabarè kote 40 moun pou pipiti pèd...
16/09/2025

Otorite sivil yo ak lapolis ann Ayiti fè silans sou dosye masak Laboderie ki rive nan Kabarè kote 40 moun pou pipiti pèdi lavi yo semèn pase a. Pandan kominote entènasyonal la tankou Anbasad Etazini ann Ayiti ak Nasyon Zini soti yon nòt pou kondane atak la, gouvènman Alix Didier Fils Aimé ak CPT a pa fè okenn deklarasyon nan laprès pou menm kondane zak la. Lapolis ak fòs MMSS la pa di anyen nonplis, ni bay yon rapò sou masak sila. Yon medya anliy ann Ayiti ta fè kwè Premye minis Fils Aimé ta deja rankontre ak chèf polis la Vladimir Paraison konsènan dispozisyon ki dwe pran pou zak sa yo pa repwodui nan peyi ankò. Sepadan nouvèl ki soti nan Latibonit fè kwè gwoup gang grangrif la asyeje pòs polis Lyankou a epi mete dife ladan. Pandan weekenn nan tou bandi ame, gang viv ansanm yo te al eseye mete polisye yo deyò nan Kenskòf tou. Selon yon nòt lapolis, yon anplwaye leta ki tap opere yon chan blende pèdi lavil lè asasyan yo te voye koptol molotòv sou blende a ki te al ateri nan yon ravin. Otorite polisyè yo fè konnen tou, gen plizyè nan bandi yo rive estope mòtèlman.

16/09/2025

Fòs lame Etazini detri yon kannòt venezyelyen sou dlo entènasyonal la bonè lendi 15 septanm 2025. Prezidan ameriken an Donald Trump di li te bay fòs ame amerikèn nan lòd pou lage yon misil sou bato a yo sispèk ki tap pote dwòg pou yon ekip trafikan dwòg danjere ki gen rapò ak peyi Venezyela. 3 moun ki te abò bato sa a pèdi lavi yo. Se 2zyèm bato venezyelyen Etazini exploze pandan mwa septanm nan nan dlo entènasyonal yo. Administrasyon Trump lan deklare prezidan venezyelyen an Nicolas Madulo se yon nako trafikan. Karakas nye akizasyon sa yo e fè konnen bato yo se pechè pwason ki te ladan yo.

Address

MD

Telephone

+13017406991

Website

Alerts

Be the first to know and let us send you an email when Medyapa'w posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Medyapa'w:

Shortcuts

  • Want your business to be the top-listed Media Company?

Share