The Legit Springtime

28/01/2024

02/12/2021

Visualize your dreams.

၂၀၂၂ ခုနှစ်ကိုလည်း ဘာလိုလိုနဲ့ပဲ ရောက်ဖို့က ၂၉ ရက်ပဲလိုပါတော့တယ်။ အချိန်တွေက မထင်မှတ်ထားလောက်အောင်ကို မြန်ဆန်သလိုပါပဲ။ သေချာစဉ်းစားကြည့်ရင် လူတွေက နေ့သစ်တွေကိုသာရောက်ဖို့ တောင့်တနေကြတာ တဖက်မှာ ကိုယ့်ဘဝကုန်ဆုံးချိန်ဟာ တရက်ပြီးတရက်နီးလာတယ်ဆိုတာကို သတိမမူမိသလိုဖြစ်ကြပါတယ်။ ကျနော်ကတော့ တတ်နိုင်ရင် အချိန်တွေကို ရပ်နေစေချင်ပြီး Time Traveler အနေနဲ့ အတိတ်ကို ပြန်ပြန်သွားပြီး မကြိုးစားခဲ့မိတာတွေကို ပြန်ကြိုးစားကြည့်ချင်ပါတယ်။ Just daydreaming!

သည်တော့ကာ ကိုယ့်ရဲ့ကျန်ရှိနေတဲ့ကာလကို ဘယ်လိုဖြတ်သန်းမလဲဆိုတာတော့ တဦးခြင်းစီအပေါ်မှာပဲ မူတည်မယ်နဲ့တူပါတယ်။ ဘဝရည်မှန်းချက်ပန်းတိုင်တွေကို ချမှတ်ထားတဲ့သူတွေအနေနဲ့ကတော့ အသက်ဘယ်လောက်ပဲငယ်ငယ် ကိုယ့်ရဲ့ သည်ဘဝရည်မှန်းချက်ပန်းတိုင်တွေဆီကို ဘယ်လိုရောက်အောင်သွားမလဲဆိုတာကို အခု အခု ကိုပဲ စီစဉ်သင့်တယ်လို့ထင်ပါတယ်။ မရှိသေးရင်လည်း ရှာဖွေသင့်တာပေါ့လေ။ ကိုယ့်ရဲ့တကယ့်ရည်မှန်းချက်ပန်းတိုင်ကို ဘယ်တော့မှာတွေ့မလည်းဆိုတာကို မသိနိုင်ဘူးလေ။ တွေ့ပြီးမှ အဲ့သည်ချမှတ်ထားတဲ့ဆီကို ရောက်အောင်သွားရဦးမှာကိုး။ အဲ့ဒါကြောင့်အချိန်မဆွဲပဲ ရှာဖွေသင့်ပါတယ်။

ကျနော်ကတော့ အခုဘဝရည်မှန်းချက်ပန်းတိုင်တွေကို ချမှတ်ထားတဲ့သူတွေအတွက်ကို အဲ့သည်ကို ရောက်အောင်သွားတဲ့နေရာမှာ နည်းနည်း အပျင်းပြေအောင်အတွက် Dream or Vision Board ကို လုပ်ကြည့်ဖို့ အကြံပေးလိုလို့ပါ။ လူတိုင်းလည်း ကြားဖူးပြီး သိနေပြီးသားလည်းဖြစ်မှာပါ။ ဒါပေမယ့် တကယ်လုပ်ကြည့်ရင် ကိုယ့်ပန်းတိုင်ဆီကို ပိုပြီး ထိထိရောက်ရောက်နဲ့ မြန်မြန်ဆန်ဆန်သွားနိုင်တယ်ဆိုပြီး သုတေသနအချို့က ဆိုကြပါတယ်။ အများကလည်း Manifestation board လို့လည်း ခေါ်ကြပါတယ်။

ကိုင်းဒါဆို Dream Board ကိုဘယ်လိုလုပ်ကြလဲဆိုရင် Physical board or Digital board ကို လုပ်လို့ရပါတယ်။ Physical board ဆိုရင် ကိုယ့်စာကြည့်စားပွဲ သို့မဟုတ် အလုပ်စားပွဲမှာ ချိတ်ထားလို့ရပါတဘ်။ Digital board ဆိုရင်တော့ ကိုယ့်ရဲ့ ဖုန်း၊ လက်ပ်တော့ပ် တို့မှာ Wall paper အနေနဲ့ တင်ထားလို့ရပါတယ်။

သည် Dream Board ကိုလုပ်ရင် အများစုက A3 တို့ A0 ဆိုဒ်စက္ကူတွေအပေါ်မှာ ကိုယ့်ဖြစ်ချင်တဲ့ အားကျတဲ့ ပုဂ္ဂိုလ်တွေရဲ့ ပုံတွေ၊ ကိုယ်သွားလည်ချင်တဲ့နေရာတွေရဲ့ပုံတွေကို ကပ်လေ့ရှိပါတယ်။ ကျနော့်အထင်တော့ ပုံတွေကပ်တာက ကိုယ့်ကို ပိုပြီး အားတက်စေတယ်။ အချိန်ဖြုန်းတာကို ပိုပြီးရပ်တန့်စေတယ်လို့ထင်ပါတယ်။

တချို့က ဘာတွေအဆိုပြုလာလည်းဆိုတော့ Dream board တွေက အိပ်မက်လိုပဲပျောက်ပျောက်သွားတတ်လို့ Dream board နဲ့တွဲပြီး Action board ကိုပါတွဲလုပ်သင့်တယ်လို့ပြောပါတယ်။ ဒါကတော့ ပရောဂျက်တွေလုပ်ရင် ကျနော်တို့လည်း Vision တခုကိုချမှတ်ပြီး Yearly Plan Strategy တွေနဲ့ လုပ်ငန်း Vision ဆီကို ရောက်ဖို့ Goal တို့ Target တို့ ချမှတ်ရတာနဲ့ အတူတူပါပဲ။ သည်နေရာမှာ Action board ဆိုတဲ့ အရာကပါလာတော့ ကိုယ့်လမ်းကြောင်းကို ပြန်ဆန်းစစ်တာတွေလည်းပါလာတာပေါ့နော်။ ပြန်ဆန်းစစ်၊ လိုတာတွေပြန်လုပ်၊ မှားနေတာတွေပြန်ပြင်ရတာပေါ့လေ။ ဒါကြောင့်လုပ်ငန်းမှာချည်းပဲ သည် Vision Concept ကို အသုံးမချပဲ ကိုယ့်ရည်မှန်းချက်ပန်းတိုင်တွေဆီကို ရောက်အောင်သွားတဲ့နေရာမှာလည်း ကောင်းကောင်း အသုံးချသင့်ပါတယ်လို့ အကြံပြုပါရစေ။

12/10/2021

*****Gates Cambridge Scholarship for international students*****

Official website https://www.gatescambridge.org/apply/eligibility/

UK ပြင်ပ မည်သည့်နိုင်ငံမှ မဆို ယူကေနိုင်ငံမှာရှိတဲ့ University of Cambridge မှာ One year postgraduate course, Master and PhD တက်ရောက်ရန် နှစ်စဉ်ပေးအပ်တဲ့ ပညာသင်ဆုဖြစ်ပါတယ်။

Application ကိုတော့ နှစ်စဉ် အောက်တိုဘာကနေဒီဇင်ဘာ ကြားမှာ တင်လို့ရပါတယ်လို့ သည် လင့်ခ်် https://www.scholars4dev.com/tag/scholarships-for-burmese/ ကနေ့တစ်ဆင့်သိရပါတယ်။

အသေးစိတ်ကိုတော့ အထက်က Official link မှာ ဝင်ရောက်ကြည့်ရှုလို့ရပါတယ်။

Disclaimer
Just for sharing the information.
No affiliated marketing in this post.

Who can apply for a Gates Cambridge Scholarship?

09/10/2021

https://scholarships.curtin.edu.au/search/ #!/?page=2&perPage=10&filters=CourseType:PG:HDR:POST,Citizenship:INTERNATIONAL

နစ်စဉ် Western Australia မှာရှိတဲ့ Curtin University ကနေ နိုင်ငံတကာကျောင်းသားတွေကို ပေးအပ်နေတဲ့ ပညာသင်ဆုဖြစ်ပါတယ်။

သူတို့မှာ (၂) မျိုးရှိပါတယ်။ Research Training Program နဲ့ Strategic ဆိုပြီးတော့ပါ။ ထခြား ပညာသင်ဆုတွေလည်းရှိပါတယ်။ PhD အတွက်ပေးတာပါ။ အသက် ကန့်သတ်ချက်မရှိပါဘူး။ Project lead or Professors တွေက သူတို့ရဲ့ Project တွေကို တင်ပြထားပါတယ်။ ကိုယ်က စိတ်ဝင်စားတဲ့ Project ကို ကိုင်တဲ့ Project lead ကို ဆက်သွယ်ရမှာပါ။

နှစ်စဉ် ဇူလိုင် (၁၉) ကနေ့ ဩဂုတ်လ (၁၃) ရက်နေ့အတွင်းလျှောက်ထားလို့ရပါတယ်။

Disclaimer
Just for sharing the information
No affiliated marketing

Unable to load page

06/10/2021

*****Global Korea Scholarship - GIST *****

https://www.gist.ac.kr/iadm/html/sub05/0502.html?mode=V&no=195252

ကိုရီးယားအစီုးရမှနေ၍ နိုင်ငံတကာကျောင်းသားများကို နှစ်စဉ်ပေးအပ်နေသော ပညာသင်ဆုဖြစ်ပါတယ်။

မာစတာနဲ့ PhD များအတွက် ပေးအပ်တာဖြစ်ပါတယ်။ Post Doctoral Program များလည်းပါဝင်ပါတယ်။

နှစ်စဉ် ဖေဖော်ဝါရီနဲ့ မတ်လမှာ လျှောက်လွှာခေါ်ယူလေ့ရှိပါတယ်။

မြန်မာနိုင်ငံအတွက် Quota (၁၄) ဦးထားထားပါတယ်။ မာစတာနဲ့ PhD နဲ့ Post doctoral အားလုံးအတွက်ပါ။ တစ်ခုခြင်းစီအတွက် သတ်သတ်စီ Quota ထားထားတာမရှိပါဘူးတဲ့။

အသက် (၄၀) နှစ်အောက်များဖြစ်ရပါမယ်လို့ပြောပါတယ်။

အထက်ပါလင့်ခ်မှာ ဝင်ရောက်ကြည့်ရှုနိုင်ပါတယ်။

Disclaimer
Just for sharing the informaiton.
No affiliated marketing.

(Address: Section of Graduate Admissions, Unit 323, GIST College A, 123 Cheomdangwagiro, Bukgu, Gwangju, 61005, South Korea) 

03/10/2021

*****AUSTRALIAN GOVERNMENT RESEARCH TRAINING PROGRAM SCHOLARSHIPS (RTPS) - INTERNATIONAL STUDENTS*****
*****UNIVERSITY OF ADELAIDE RESEARCH SCHOLARSHIPS (UARS) - INTERNATIONAL STUDENTS*****

https://www.adelaide.edu.au/graduatecentre/scholarships -applicants

ဩစတြေးလျနိုင်ငံရဲ့ South Australia ပြည်နယ်မှာရှိတဲ့ The University of Adelaide ကနေ International students တွေကို ပေးအပ်တဲ့ Fully Funded Scholarship တွေဖြစ်ပါတယ်။

သည်နှစ်အတွက်ကတော့ ပြီးခဲ့တဲ့ ဇူလိုင်လ (၉) ရက်နေ့က ဖောင်ပိတ်သွားပြီးဖြစ်ပါတယ်။

Master by research (2 Years) နဲ့ PhD (3 Years) ကို ပေးအပ်တာဖြစ်ပါတယ်။

စိတ်ပါဝင်စားသူများ အထက်ပါ လင့်ခ်မှာ ဝင်ရောက်လေ့လာနိုင်ပါတယ်။

Disclaimer
Just for sharing the information.
No affiliated marketing in this post.

There are a range of government and University funded scholarships available to support you during your candidature.

03/10/2021

*****Community Solution Program: US Embassy in Burma*****
https://mm.usembassy.gov/education-culture/scholarship-programs/
https://exchanges.state.gov/non-us/program/community-solutions
US မှာ ဩဂုတ်လကနေ ဒီဇင်ဘာလအထိ(၄)လတာ သွားရောက်လေ့လာရမယ့် ပရိုဂရမ်ပဲဖြစ်ပါတယ်။
(၂၀၂၁) ခုနှစ်၊ အောက်တိုဘာလ (၁) ရက်နေ့ကစပြီး လျှောက်လွှာများကို စတင်လက်ခံနေပြီဖြစ်ပါတယ်။ Online ကနေလျှောက်ရမှာပါ။ Deadline က နိုဝင်ဘာလ (၁၅) ရက်နေ့ဖြစ်ပါတယ်။
အသက် ၂၅ နှစ်ကနေ ၃၈ နှစ် အတွင်းရှိလူငယ်များကို ပေးအပ်နေတာဖြစ်ပါတယ်။
စိတ်ဝင်စားပါက အချိန်မီလျှောက်ထားနိုင်ပါရန် ဝေမျှလိုက်ပါတယ်။
အသေးစိတ်ကို အပေါ်မှာပေးထားတဲ့ လင့်ခ်များတွင် ဝင်ရောက်လေ့လာနိုင်ပါတယ်။

03/10/2021

*****US Embassy in Burma: YSEALI Academic and Professional Fellowship Program*****

https://mm.usembassy.gov/education-culture/yseali/

https://www.ysealipfp.org/

US Embassy in Burma ကနေ US Mission to ASEAN ဆိုတဲ့ Program တွေထဲက တစ်ခုဖြစ်ပါတယ်။
မြန်မာနိုင်ငံအပါအဝင် အာဆီယံ (၁၁) နိုင်ငံမှာရှိတဲ့ လူငယ်တွေ US မှာ (၅) ပတ်တာ သွားရောက်လေ့လာရမယ့် ပရိုဂရမ်ပဲဖြစ်ပါတယ်။
(၂၀၂၁) ခုနှစ်၊ အောက်တိုဘာလ (၁) ရက်နေ့ကစပြီး လျှောက်လွှာများကို စတင်လက်ခံနေပြီဖြစ်ပါတယ်။ Online ကနေလျှောက်ရမှာပါ။ Deadline က နိုဝင်ဘာလ (၁၅) ရက်နေ့ဖြစ်ပါတယ်။
သူက (1) Academic Fellowship Program နဲ့ (2) Professional Fellowship Program ဆိုပြီး (၂) ခုရှိပါတယ်။
Academic Fellowship Program က အသက် ၁၈ နှစ်ကနေ ၂၅ နှစ် အတွင်းရှိလူငယ်များကို ပေးအပ်နေတာဖြစ်ပြီး Professional Fellowship Program က အသက် (၂၅) နှစ်ကနေ (၃၅) နှစ်အတွင်းရှိ Young Adults များကို ပေးအပ်နေတာဖြစ်ပါတယ်။
စိတ်ဝင်စားပါက အချိန်မီလျှောက်ထားနိုင်ပါရန် ဝေမျှလိုက်ပါတယ်။
အသေးစိတ်ကို အပေါ်မှာပေးထားတဲ့ လင့်ခ်များတွင် ဝင်ရောက်လေ့လာနိုင်ပါတယ်။ See Less

30/09/2021

*****NEW ZEALAND SCHOLARSHIPS FOR INTERNATIONAL TERTIARY STUDENTS*****

https://www.nzscholarships.govt.nz/en/new-zealand-scholarships-for-international-tertiary-students/?fbclid=IwAR0cy4F6Wv6NfCB0bTkqLsyHHou2ZL_mHZgZjRfebjDf_J7wKi5vA_6hM-s

နယူးဇီလန်အစိုးရမှနေ၍ နိုင်ငံတကာကျောင်းသားကျောင်းသူများကို နှစ်စဉ်ပေးအပ်နေတဲ့ ပညာသင်ဆုများဖြစ်ပါတယ်။

ဒေသခံ ပေါ်လီနီးရှားလူမျိုးတွေက အရမ်းသဘောကောင်းပြီးချစ်စရာကောင်းပါတယ်။ သူတို့ရဲ့ Haka အက ကလည်း ကြည့်လို့ အလွန်ကောင်းပါတယ်။ မင်းသား Jason Momoa ကတောင် လိုက်ကပါတယ်။

၂၀၂၁ ခုနစ်မှာတော့ ကိုဗစ်-၁၉ ကြောင့် Pacific Countries များက ကျောင်းသားများကိုပဲ ပေးအပ်ခဲ့ပါတယ်။

လာမည့်နှစ်များတွင် စိတ်ပါဝင်စားသူများလျှောက်ထားနိုင်ရန် မျှဝေခြင်းဖြစ်ပါတယ်။

မြန်မာနိုင်ငံရှိ နယူးဇီလန်သံရုံးက စကော်လားရှစ်စင်တာမှာလည်း စုံစမ်းနိုင်ပါတယ်။ အခုတော့ ကိုဗစ် ၁၉ ကြောင့် ပိတ်ထားပါတယ်။

Photo Credit

https://www.nzscholarships.govt.nz/en/new-zealand-scholarships-for-international-tertiary-students/?fbclid=IwAR0cy4F6Wv6NfCB0bTkqLsyHHou2ZL_mHZgZjRfebjDf_J7wKi5vA_6hM-s

25/09/2021

Challenge Yourself!

(၂၀၂၂)ခုနှစ်ကိုရောက်ဖို့ (၃)လပဲလိုပါတော့တယ်။ အတိအကျဆိုရင်တော့ (၉၇)ရက်ပဲလိုပါတော့တယ်။ သည်အတောအတွင်းမှာ မိမိကိုယ်ကိုတိုးတက်ဖို့ မိမိကိုယ်ကိုချစ်ရင် မိမိကိုယ်ကို စိန်ခေါ်မှုအသေးစားလေးတွေ တစ်နိုင်တစ်ပိုင်တွေကို ဆောင်ရွက်ပေးနိုင်ရင် ကောင်းတယ်လို့ဆို့ပါတယ်။ စိန်ခေါ်မှုတွေဟာ ကိုယ့်ကို စိတ်ပိုင်းဆိုင်ရာရော ရုပ်ပိုင်းဆိုင်ရာရော မြှင့်တင်ပေးပါတယ်။ စိန်ခေါ်မှုမစတင်မီကိုယ့်အခြေအနေနဲ့ စိန်ခေါ်မှုအပြီး ကိုယ့်အခြေအနေတွေကို မှတ်တမ်းတင်ထားနိုင်ရင်တော့ အကောင်းဆုံးပါ။ စိန်ခေါ်မှုများကို ဆောင်ရွက်ခြင်းက အာရုံစူးစိုက်မှုကို ကောင်းစေရုံသာမက ပန်းတိုင်အသေးလေးတစ်ခုကို ရောက်ရှိအောင် ဆောင်ရွက်နိုင်တယ်ဆိုတဲ့ မိမိကိုယ်ကိုယုံကြည်မှုကိုလည်း မြင့်တက်စေပါတယ်။ ဘာတွေဆောင်ရွက်လို့ရလည်းဆိုတာကို လေ့လာမိသမျှကို သည်အောက်မှာ ဖော်ပြပေးထားပါတယ်။

၁။ အင်္ဂလိပ်စကားပြောကို လေ့ကျင့်ခြင်း

၂။ မိမိလိုလားသော ကိုယ်ခန္ဓာအလေးချိန်ကို ပြောင်းလဲခြင်း

၃။ စာအုပ်ရေ ဘယ်နှစ်အုပ်ပြီးမြောက်အောင်ဖတ်မည်ဆိုပြီး စာအုပ်များကိုဖတ်ခြင်း

၄။ မိမိစိတ်ဝင်စားသော အကြောင်းအရာအသစ်တစ်ခုခုကို သင်ယူခြင်း။ ဥပမာ - Software, Photography, videography, ပန်းချီဆွဲခြင်းကို သင်ယူခြင်း, ဘာသာစကားအသစ်တစ်ခုခုကို သင်ယူခြင်း

၅။ တစ်နေ့လျှင် (၁၀) မိနစ်ခန့်တရားထိုင်ခြင်း

၆။ Side project တစ်ခုခုကို စတင်ခြင်း။ ဥပမာ - YouTube Channel နှင့် page တစ်ခုကို စတင်ရန်လေ့လာခြင်း။

၇။ Online course ဘယ်နှစ်ခုကိုပြီးမြောက်အောင်သင်ယူမည်ဆိုပြီး သတ်မှတ်ခြင်း

၈။ Social Media အသုံးပြုခြင်းကိုလျှော့ချခြင်း

၉။ သစ်ပင် သို့မဟုတ် ပန်းပင်စိုက်ခြင်း

၁၀။ နေ့စဉ်မှတ်တမ်းကို ရေးကျင့်ခြင်း

21/09/2021

*****PhD Program - University of Sydney*****

University of Sydney မှာ ပါရဂူဘွဲ့ ရယူလိုသူများအတွက် မျှဝေခြင်းဖြစ်ပါတယ်။

Clinical ဘာသာရပ်တွေလည်းပါဝင်တာကို တွေ့ရပါတယ်။

Scholarship နှင့် သွားရောက်လိုပါက ဩစတြေးလျအစိုးရရဲ့ Research Training Program ကို ကြိုးစားနိုင်ပါတယ်။

ဩဇီနိုင်ငံမှာ PhD Journey အဆင့်ဆင့်လျှောက်လှမ်းပုံကို ဆရာဝင်းမင်းဦး ရဲ့
https://www.facebook.com/Dr.WinMinOo.PhD ဝင်ရောက်ဖတ်ရှုနိုင်ပါတယ်။

Photo Credit:
https://www.sydney.edu.au/courses/courses/pr/doctor-of-philosophy-medicine-and-health0.html?fbclid=IwAR0kGCokFoAUzfSoocmLrzKo6Fbz-UgS32Zh7nAnkLrAoJC2kHZUrhGEeYMဟဟ

21/09/2021

*****Dean's International Doctoral Scholarship (FMHS) at the University of Auckland*****

New Zealand နိုင်ငံရှိ The University of Auckland ကနေ 2011 ခုနစ်ကစပြီး ကျန်းမာရေးနဲ့ပတ်သက်တဲ့ PhD များကို The University of Auckland မှာ International students များသင်ယူနိုင်ရန် နှစ်စဉ်ပေးအပ်နေတဲ့ ပညာသင်ဆုဖြစ်ပါတယ်။

သူက Deadline မရှိပါဘူး။ ဒါပေမယ့် Scholarship Office ကို Nomination ပို့ရတယ်လို့ ဖော်ပြထားပါတယ်။

အောက်ပါလင့်ခ်မှာ အသေးစိတ်ဝင်ရောက်ကြည့်ရှုနိုင်ပါတယ်။
Dean's International Doctoral Scholarship (FMHS)

Photo Credit
https://www.auckland.ac.nz/en/study/scholarships-and-awards/find-a-scholarship/deans-international-doctoral-scholarship-fmhs.html?fbclid=IwAR2xJpPCPsqX9135v_vvW8-equrcOJeRyPE3S8_rCgiuifhjumsaYjW0k4o

17/09/2021

ဘယ်ဘာသာရပ်ကို သင်သင် ဆရာမပြနည်းမကျဆိုသလို ဆရာတွေနဲ့ ကိုယ်တိုင်သင်တာ အကောင်းဆုံးပါ။ ဒါပေမယ့် ဆရာတွေကိုချည်းပဲ တစ်သက်လုံးအားကိုးနေလို့မရပါဘူး။ ဆရာတွေနဲ့ တွေ့ရတဲ့ အချိန်ကလည်း ကာလအတိုင်းအတာတစ်ခုအထိပါပဲ။ ဒါကြောင့် ကိုယ်ကိုယ်တိုင်လည်း အားထုတ်ရင် အကောင်းဆုံးပါ။ ဒါမှသာ ဆရာတွေနဲ့ တွေ့ရတဲ့ အချိန်အတွင်းမှာ ဆွေးနွေးမှုတွေကို ကောင်းကောင်းလုပ်နိုင်မှာဖြစ်ပါတယ်။ ဒါကြောင့် ဆရာတွေနဲ့လည်း သင်ရင်း ကိုယ်ကိုယ်တိုင်လည်း Self-study ဘယ်လိုလုပ်ရင် ကောင်းမလဲဆိုတာကို စာရေးသူရဲ့ ကျင့်သုံးနေကြ အတွေ့အကြုံတွေကို ဝေမျှလိုက်ပါတယ်။ ဘာပဲလေ့လာလေ့လာ စုတုပြု ဆိုတဲ့ Principle ကိုပဲ အခြေခံရပါတယ်။

17/09/2021

*Sharing the Links about How to Write an Attractive CV & Cover letter*

CV & Cover Letter တွေကို ဘယ်လို စနစ်ကျအောင်ရေးသင့်တယ်ဆိုတာကို လေ့လာရင်းနဲ့ လေ့လာမိသမျှတွေထဲက အကောင်းဆုံးလို့ စာရေးသူသတ်မှတ်တဲ့ လင့်ခ်တွေကို စာဖတ်သူတို့လည်း လေ့လာလို့ရအောင် ရှဲပေးလိုက်ပါတယ်။ YouTube မှာ လူတွေအများကြီးက CV and Cover Letter ရေးနည်းနဲ့ ပတ်သက်ပြီးတော့ ဘယ်လိုရေးသင့်တယ်ဆိုတာတွေနဲ့ သူတို့ရဲ့ အတွေ့အကြုံတွေကို Share ထားတဲ့ Video ပေါင်းများစွာလည်းရှိပါတယ်။

အလုပ်အကိုင်အခွင့်အလမ်းတွေဟာ နောက်ပိုင်းမှာ ပြိုင်ဆိုင်မှုတွေ အရမ်းပြင်းထန်လာနိုင်ပါတယ်။

အလုပ်တစ်ခုလျှောက်ရင် အလုပ်ရှင်တိုင်း ဒါမှမဟုတ် HR ဌာနက အရင်ဆုံး ကြည့်တဲ့အရာက Cover letter နဲ့ CV or Resume ပါ။ CV and Cover Letter ဆိုတာက အလုပ်ရှင် ဒါမှမဟုတ် HR က ကိုယ့်ကို အရင်ဆုံးကြည့်တဲ့ First Impression ပါ။ အလုပ်လျှောက်တဲ့ နေရာတင်မဟုတ်ပဲ ပညာသင်ဆုတွေလျှောက်တဲ့နေရာမှာလည်း အရမ်းအရေးပါပါတယ်။ "CV or Resume ဆိုတာက ကိုယ့်ကိုယ်ကို Marketing လုပ်တဲ့အရာတစ်ခုပါ" တဲ့။

သည်အောက်က ပေးထားတဲ့ လင့် (3) ခုမှာ ပထမတစ်ခုက Yale University က CV or Cover letter ကို ဘယ်လို စနစ်တကျရေးသင့်ကြောင်း Lecture တစ်ခုအနေနဲ့ကို ပေးထားတဲ့ လင့်ခ်ပါ။ ပေးတဲ့ ဆရာက ဘာပြောပြလည်းဆိုတော့ အလုပ်လျှောက်လွှာတွေကို သူဖတ်တဲ့အခါမှာ သူက ဘာကိုအရင်ဆုံးလုပ်လဲဆိုတော့ ဆိုးဆိုးရွားရွားနဲ့ စနစ်မကျစွာရေးထားတဲ့ CV and Cover letter တွေကို သူက အရင်ရှာပါတယ်တဲ့။ ဘာဖြစ်လို့လဲဆိုတော့ ဖယ်သင့်ရင် ဖယ်ဖို့ပါတဲ့။ ဒါဆို CV and Cover Letter ကို ဘယ်လောက် စနစ်တကျရေးတတ်ဖို့ အရေးကြီးတယ်ဆိုတာ ထင်ရှားပါတယ်။ Yale University Link:
https://www.youtube.com/watch?v=puDETdGvW5A&t=766s
ကြည့်ဖို့အတွက် အရမ်းကို Recommend ပေးပါတယ်။ ဆရာကတတ်နိုင်သမျှ အသေးစိတ်ကို ရှင်းပြထားတာပါ။

သည် ဒုတိယတစ်ခုကတော့ Take Your Time Page က စက်တင်ဘာလ (၄) ရက်နေ့မှာ HR ဌာနမှာ (၆) နှစ်လောက်အတွေ့အကြုံရှိတဲ့ ဆရာမရဲ့ CV and Cover Letter ကို ဘယ်လိုရေးသင့်တယ် ဆိုတာကို မျှဝေပေးထားတဲ့ Webinar link ပါ။ https://fb.watch/840kFllLCM/ ကြည့်ရှူလေ့လာဖို့ အရမ်းကို Recommend ပေးပါတယ်။ ဆရာမက သူကိုယ်တိုင်ရဲ့ အတွေ့အကြုံတွေကို မျှဝေထားပါတယ်။

သည် တတိယတစ်ခုကတော့ https://www.youtube.com/watch?v=KmyS37pDgfc Harvard University မှာ PhD နဲ့ကျောင်းတက်ခွင့်ရတဲ့ ဆရာတစ်ဉီးက သူ့ CV ကို ဘယ်လိုရေးခဲ့တယ်ဆိုတာကို အသေးစိတ်ရှင်းပြထားတဲ့ လင့်ခ်ပါ။

အားလုံးအတွက် အကျိုးတစ်ခုခုရှိမယ်ထင်လို့ မျှဝေလိုက်ပါတယ်။ စုတုပြုပြီး လိုအပ်လာရင် လက်တွေ့အသုံးချနိုင်ကြစေရန်နှင့် အချိန်ရရင် ကြည့်နိုင်ရန် လေ့လာမိသမျှကို မျှဝေလိုက်ပါတယ်။

Tip တစ်ခုအနေနဲ့ အကြံပေးလိုတာကတော့ အချိန်ရရင် ကိုယ့်ရဲ့ CV ကို အလုပ်သစ်တစ်ခုရှာရှာမရှာရှာ ကြိုရေးထားသင့်ပါတယ်။ ထပ်ပြီးအချိန်ရရင် Resume ကိုရောကြိုရေးထားသင့်ပါတယ်။ အလုပ်ရှိနေရင်းနဲ့တောင် အလုပ်ကနေပြီးတော့ နိုင်ငံရပ်ခြားသင်တန်းတွေကို လွှတ်ရင် လိုလာတတ်လို့ပါ။ ပြီး ကိုယ့် CV ကို Update လုပ်လုပ်သွားပါ။ ကိုယ်တက်မယ့် သင်တန်း ဒါမှမဟုတ် အလုပ်သစ်ခေါ်စာတို့နဲ့တိုက်ဆိုင်လာရင် တိုက်ဆိုင်လာတဲ့ သင်တန်းတွေနဲ့ ကိုက်ညီအောင်ကိုယ်က Reorganize လုပ်ပြီး အနည်းငယ် touch up လုပ်ပြီးတင်လိုက်ရုံပါပဲ။ တစ်ကယ်တမ်း CV တစ်စောင်ကို စနစ်တကျရေးရင် အချိန်ပေးရပါတယ်။

17/09/2021

*****Australian Government Research Training Program (AGRTP)*****

ဖတ်မိလေ့လာမိသလောက် သည်စကောလားရှစ်ကို ဩစတြေးလျရဲ့ တက္ကသိုလ် တော်တော်များများ တက္ကသိုလ်တိုင်းလိုလိုက ပေးအပ်ပါတယ်။ နိုင်ငံခြားသူငယ်ချင်းများ သည်စကောလားရှစ်နဲ့ PhD လာတက်တာကို တွေ့ရပါတယ်။

နှစ်စဉ်ခေါ်လေ့ရှိပါတယ်။ အာရှတွေလည်း ရလေ့ရှိပါတယ်။
International ရော Domestic ကိုရောခေါ်လေ့ရှိပါတယ်။
ကျောင်းအလိုက် Deadline က ကွာပါတယ်။
အခုတွဲပေးထားတဲ့ လင့်ခ်ကတော့ Australian National University က လင့်ခ်ပါ။ https://www.anu.edu.au/study/scholarships/find-a-scholarship/australian-government-research-training-program-agrtp-stipend?fbclid=IwAR2KgrJQQi1DcynCAeTJ2lr6fUi_gE131ZFu3ac0szlENeCwxVjdWWZYftk

စိတ်ဝင်စားသူများအတွက် ဝေမျှခြင်းဖြစ်ပါတယ်။

Photo Credit: https://www.anu.edu.au/study/scholarships/find-a-scholarship/australian-government-research-training-program-agrtp-stipend?fbclid=IwAR0HEYhyZOK45J4G-XmWzOey5wRRX5vT74efKk6NB7wfYENukvT8J_EGzig

15/09/2021

***** DAAD (Deutscher Akademischer Austauschdienst German Academic Exchange Service)*****

ဂျာမနီအစိုးရကနေ၍ မြန်မာနိုင်ငံသားများနှင့် ကမ္ဘာတစ်ဝန်းလုံးရှိ ကျောင်းသားများကို နှစ်စဉ်ပေးအပ်သော DAAD ပညာသင်ဆုဖြစ်ပါတယ်။ ၂၀၂၂ ခုနှစ် စာသင်နှစ်အတွက် ယခု လျှောက်လွှာများကို စတင်လက်ခံနေပြီဖြစ်ပါကြောင်း မြန်မာနိုင်ငံရှိ ဂျာမနီသံရုံး Facebook:
https://www.facebook.com/GermanEmbassyYangon/photos/a.853590491422259/4423493594431913/ မှာ ကြေငြာထားကို တွေ့ရှိရပါသည်။

Deadline က ၂၀၂၁ ခုနစ်၊ အောက်တိုဘာလို့ ဖော်ပြထားပါတယ်။ ပညာသင်ဆုနဲ့ပတ်သက်ပြီး​တော့လည်း လင့်ခ် (၃) ခုကို ဖော်ပြထားပါတယ်။

ပထမတစ်ခု (https://www.daad.de/en/study-and-research-in-germany/scholarships/?fbclid=IwAR2ceUo8R_GAy8Tb5H9S5AoiIPYOC15RGYNS0gmC5l5LzEXB-rYkoirpyKM) ကတော့ တစ်ကမ္ဘာလုံးကို ပေးအပ်နေတဲ့ ပညာသင်ဆု ပရိုဂရမ်များဖြစ်ပါတယ်။ ကိုယ်နဲ့ ကိုက်ညီတာကို အချိန်ယူပြီးရှာဖွေလို့ရပါတယ်။

ဒုတိယတစ်ခုကတော့ (https://www2.daad.de/deutschland/stipendium/datenbank/en/21148-scholarship-database/?status&origin=100&subjectGrps&daad&intention&q&page=3&back=1&fbclid=IwAR26RH0qSv2ivnxF0UUZX5QP3_i4N7mQ2Z-Dtv28KMwFPUrAT9VTkLBE98c) ပညာသင်ဆုအမျိုးအစား (၉၇) မျိုးပါဝင်ပါတယ်။ သည် (၉၇) မျိုးလုံးက မြန်မာနိုင်ငံသားများကို ‌ပေးအပ်နေပါသည်။ ဒါပေမယ့် သူက DAAD တစ်ခုထဲက ပေးနေတာမဟုတ်ပဲ အဖွဲ့အစည်းအစုံက ပေးအပ်နေတာကို ဖော်ပြထားတာပါ။

တတိယတစ်ခုကတော့ (https://www2.daad.de/deutschland/stipendium/datenbank/en/21148-scholarship-database/?status=&origin=100&subjectGrps=&daad=1&intention=&q=&page=1&back=1) DAAD Only ကနေ ပေးအပ်နေတဲ့ ပညာသင်ဆု အမျိုးအစား (၂၆) မျိုးဖြစ်ပါတယ်။ သည် (၂၆) ခုလုံးကို မြန်မာနိုင်ငံသားများကိုလည်း ပေးအပ်ပါတယ်။

DAAD Program က သူများနဲ့မတူတာက Program Design ကို အမျိုးစုံဆွဲထားတာပါ။ နယ်ပယ်အစုံကိုလည်း ဖြန့်ကျက်ထားတာကို တွေ့ရပါတယ်။ Master, PhD, Post doc, Research Fellowship များအပြင် University teacher များအတွက် Study Trip Program များလည်း ပါဝင်ပါတယ်။ ဂျာမနီနိုင်ငံရှိ တက္ကသိုလ်များတွင်လည်း တက်ရောက်နိုင်သည့်အပြင် အခြားနိုင်ငံများရှိတက္ကသိုလ်များတွင်လည်း DAAD Scholar ဖြင့် တက်ရောက်နိုင်ပါသည်။ ဒါ့ပြင် Research Grant များကိုလည်း ပေးအပ်သည့် ပရိုဂရမ်များကိုလည်း တွေ့ရှိရပါသည်။

တစ်ခုကောင်းတာက ပညာသင်စဉ်ကာလအတွင်းမှာ ကိုယ့်မိသားစုဝင်အတွက်ပါ ထောက်ပံ့တာဖြစ်ပါတယ်။ ဒါပေမယ့် ဘယ်လိုမိသားစုဝင်မျိုးကို ထောက်ပံ့တယ်၊ ဘယ်နှစ်ဦးကို ထောက်ပံ့တယ်ဆိုတာကို စာဖတ်သူများ ကိုယ့်ဘာကိုယ်သာ ဆက်လက်လေ့လာနိုင်ရန်နှင့် စိတ်ပါဝင်စားသူများ လေ့လာနိုင်ရန်အလို့ငှာ မျှဝေပေးလိုက်ပါတယ်။

Bonus tip 😁 အနေဲ့ အကြံပေးလိုတာကတော့ လျှောက်ထားလိုသူများအနေဖြင့် အနည်းဆုံးတော့ (၉၇) မျိုးသောပရိုဂရမ်ကို မွှေနှောက်လေ့လာရန်လိုပါသည်။ ဇယားတစ်ခုကို Excel တွင်ပဲဖြစ်ဖြစ် စာရွက်ပေါ်တွင်ပဲဖြစ်ဖြစ် အရင်ရေးဆွဲထားပါ။ ပြီး ပရိုဂရမ်တစ်ခုခြင်းစီကို Overview ဦးစွာလိုက်ဖတ်ကြည့်ပါ။ ပြီး ကိုယ်နှင့် သက်ဆိုင်သော နယ်ပယ်များနှင့် ပတ်သက်သည့် ပရိုဂရမ်များကို တွေ့သည်နှင့် ဇယားကွက်များတွင်

၁။ ပရိုဂရမ်အမည်
၂။ ထောက်ပံ့သည် အဖွဲ့အစည့်းအမည်
၃။ Scholarship type eg., Bachelor, Master, PhD, Post Doc, Research Grant, Study Trip စသည်ဖြင့်
၄။ တက်ရောက်ရမည့် ကျောင်းအမည်
၅။ တက်ရောက်ရမည့် နိုင်ငံ
၆။ ပညာသင်ဆုပေးအပ်မည့် စာသင်နှစ်စုစုပေါင်း
၇။ လျှောက်ထားရန်အတွက် လိုအပ်သောစာရွက်စာတမ်းများ
၈။ လိုက်ပါမည့် မိသားစုဝင်များနှင့်ပတ်သက်သော စာရွက်စာတမ်းမျာဂ
၉။ Deadline Date

စသဖြင့် စာရင်းပြုစုထားပါက ပို၍ အလုပ်တွင်မည်ဟု ယူဆ၍ မျှဝေလိုက်ပါသည်။ အချိန်သိပ်မရှိပါသဖြင့် ပရိုဂရမ်များကို ရွေးချယ်ရင်းနှင့်ပင် အချိန်ကုန်သွားပြီး ကိုယ်နှင့်ကိုက်ညီသော ပရိုဂရမ်များကို လက်လွတ်သွားနိုင်ပါသည်။

13/09/2021

အချိန်နဲ့ လူမှုပတ်ဝန်းကျင်

လူတွေဟာ အစုအဖွဲ့နဲ့နေကြပြီး အလုပ်တွေကို အတူတကွလုပ်ကိုင်ကြပါတယ်။ ရုံးလုပ်ငန်းခွင်တွေ မှာသာမက အိမ်မှာတောင်မှ အလုပ်တွေကို ခွဲဝေလုပ်ကိုင်ကြပါတယ်။ ဒါကြောင့် လူဆိုတာ နီးစပ်ရာ လူမှုပတ်ဝန်းကျင်နဲ့ မကင်းကွာနိုင်ပါဘူး။ ကင်းကင်းနေလို့လည်း မရပါဘူး။ အချိန်နှင့်အမျှ လူတွေဟာ လူတွေနဲ့ပဲ ကူးလူးဆက်ဆံနေရပါတယ်။ လူအမျိုးမျိုး စိတ်ထွေထွေတွေနဲ့လည်း မတွေ့မနေရတွေ့ရပါတယ်။ ကိုယ့် မိသားစုကလွဲလို့ အခြားလူမှုပတ်ဝန်းကျင်မှာ တွေ့ကြုံဆက်ဆံရတဲ့ လူတွေဟာ နောက်ခံ ပတ်ဝန်းကျင် အမျိုးမျိုးကို အခြေခံပြီးဆင်းသက်လာကြတာပါ။ အိမ်မှာတောင်မှ တစ်ဦးနဲ့တစ်ဦးဟာ မတူပါဘူး။ ကိုယ်တိုင်ရဲ့ လက်ငါးချောင်းတောင်မတူတာ ကိုယ်နဲ့စိတ်သဘောထားခြင်းတိုက်ဆိုင်တဲ့ အပေါင်းအဖော် ဆိုတာကို တွေ့ဆုံ ဖို့ဆိုတာ အတော်ကိုခက်ပါတယ်။

တွေ့ဆုံရတဲ့လူတိုင်းဟာ ကိုယ့်ဘဝရဲ့ အချိန်တော်တော်များမှာ ပါဝင်ပတ်သက်နေရတဲ့သူတွေ ဖြစ်ပါ တယ်။ သူတို့တွေဟာ ကိုယ့်ကို ချိုချဉ်ဖန်ခါးငံစပ်စတဲ့ ဘဝအရသာမျိုးစုံကို ပေးကြပါတယ်။ ကိုယ်တိုင်လည်း သူတို့တွေရဲ့ ဘဝတွေထဲမှာ အလားတူ အရသာမျိုးကို ပေးနေမိမှာပါပဲ။ ကိုယ့်ရဲ့တန်ဖိုးရှိတဲ့ အချိန်တွေကို အရသာမျိုးစုံထည့်ပေးနေကြတာပါ။ ဒါဆိုရင် စာဖတ်သူတို့ဟာ အဲ့သည် အရသာတွေထဲမှာ ဘယ်အရသာကို အကြိုက်ဆုံးပါလဲ? စာရေးသူကတော့ ကိုယ့်ကိုစိတ်ပျော်ရွှင်မှုပေးတဲ့ အရသာကို အကြိုက်ဆုံးပါ။ ဒါပေမယ့် စာရေးသူနဲ့စာဖတ်သူတို့ တွေ့ဆုံနေရတဲ့ သူတွေအားလုံးဟာ စာရေးသူနဲ့စာဖတ်သူတို့အားလုံးကို ပျော်စရာ တွေချည်းပဲ ပေးနေမှာ မဟုတ်ပါဘူး။ ပြစ်တင်ဝေဖန်နေတာတွေရှိတယ်။ အချို့က အပြုသဘော ဆောင်မယ်။ အချို့က အနှုတ်သဘောဆောင်ပါမယ်။ စာရေးသူနဲ့ စာဖတ်သူတို့ကတော့ အပြုသဘောဆောင်တဲ့ အရာတွေကိုပဲ နှစ်သက်ကြမှာပါ။ ဒါပေမယ့် ကိုယ့်ပတ်ဝန်းကျင်မှာ ထိပ်တိုက်တွေ့ကြုံနေရတာတွေက အပြုသဘောများလား အနှုတ်သဘောများလား စာရေးသူနဲ့စာဖတ်သူတို့ ဝေဖန်ပိုင်းခြားဖို့လိုအပ်ပါတယ်။ အားလုံးဟာ အချိန်နဲ့အမျှဖြစ် ပျက်နေတာတွေပါ။ စာရေးသူလည်း အသက်က လူ့သက်တမ်းတစ်ဝက်ကို ရောက်လာပါပြီ။ ဖြတ်သန်းခဲ့တဲ့ လူ့သက်တမ်းတစ်လျှောက်မှာ တွေ့ကြုံခဲ့ရတဲ့လူတွေက ဒုနဲ့ဒေးပါ။ ဒါပေမယ့် စာရေးသူဟာ အပေါင်းအသင်းတွေ၊ ဆွေမျိုးတွေ၊ မောင်နှမတွေ ကပေးတဲ့ အနှုတ်လက္ခဏာတွေကိုပဲ ပိုပြီးယူခဲ့မိပါတယ်။ အပေါင်းလက္ခဏာတွေကို ထည့်မတွက်ခဲ့ပါဘူး။ ဘဝကြီးဟာ အမှန်အတိုင်းဝန်ခံရရင် လူမှုဆက်ဆံရေးမှာ ပြစ်တင်ရှုံ့ချမှုတွေနဲ့ပဲ ကုန်ဆုံး ခဲ့သလိုပါပဲ။ အချိန်တွေကို အကုသိုလ်တွေနဲ့ပဲ ဖြုန်းတီးမိသလိုပါပဲ။ သည်ကာလအတွင်းမှာ သေချာ ပြန်စဉ်းစားကြည့်ရင်း စာတွေ နည်းနည်းလိုက်ဖတ်ရင်းနဲ့ အချက် (၁) ချက်ကို သွားတွေ့ပါတယ်။ ဘယ်လို အခြေအနေမျိုးမှာပဲဖြစ်ဖြစ် ပျော်ရွှင်မှုကို မဖြစ်မနေရှာပါတဲ့။ သူကတော့ အင်္ဂလိပ်လို ရေးထားတာ ရှင်းရှင်းလေးပါ။ “Choose to be happy” ပါတဲ့။ သိပ်ရိုးရှင်းပေမယ့် လေးနက်တယ်လို့ထင်ပါတယ်။ အနှုတ်လက္ခဏာပေးတဲ့သူတွေကို ပညာဉာဏ်ရှိစွာနဲ့ လျစ်လျူရှုသင့်ရင်ရှုရတော့မှာပါ။

စာဖတ်သူတို့လည်း ကိုယ့်ရဲ့အချိန်တွေကို အပေါင်းလက္ခဏာတွေနဲ့ပဲပြည့်နိုင်အောင် စိတ်အခန့် မသင့်စရာတွေနဲ့ကြုံလာရင် “Choose to be happy” ဆိုတဲ့ စာသားလေးကို သတိရလိုက်ပါ။

13/09/2021

အချိန်နှင့် ဘဝအမှတ်တရများ

စာရေးသူနဲ့ စာဖတ်သူမိတ်တွေတို့ နေ့စဉ်ရှင်သန်ဖြတ်သန်းနေကြရတဲ့ နေ့ရက်တိုင်းတွေမှာ အချိန်နဲ့အမျှရှင်သန်ဖြတ်သန်းနေကြရတာကို စာရေးသူနဲ့ စာဖတ်သူမိတ်ဆွေတို့ သတိမူမိကြပါလိမ့်မယ်။ အချိန်မပါပဲနဲ့ကို ဘာမှကို လုပ်ကိုင်လို့မရလောက်အောင်ပါပဲ။ ဒါကြောင့်အချိန်ဟာ ကျွန်တော်တို့ဘဝရဲ့ အစိတ်အပိုင်းတစ်ခုလို့ပြောတာထက်စာရင် ဘဝတစ်ခုလုံးလို့တောင် တင်စားရလောက်အောင် အရေးကြီးပါတယ်။

ဘဝရဲ့ လွမ်းမောဖွယ်ရာကောင်းတဲ့ အမှတ်တရတွေဟာ အချိန်ပေါ်မှာမူတည်ပြီး ဖြစ်တည်လာပါတယ်။ အလားတူပဲ ခက်ခဲကြမ်းတမ်းတဲ့ နေ့ရက်တွေ၊ စိန်ခေါ်မှုတွေနဲ့ ပြည့်နှက်နေတဲ့ နေ့ရက်တွေဟာလည်း အချိန်နဲ့ တစ်ပြေးညီ ဖြစ်ပေါ်နေကြတာပါ။ အချိန်နဲအမျှ ဖြစ်ပျက်နေတာတွေနဲ့အတူ ကိုယ်ဟာ ဘယ်လို အမှတ်တရမျိုးကို ပိုင်ဆိုင်ချင်သလဲ၊ အဲ့သည်လို ပိုင်ဆိုင်နိုင်အောင် ကိုယ့်ရဲ့နေ့ရက်တွေတိုင်းကို ဘယ်လိုဖြတ်သန်းမလဲဆိုတာ ကိုယ်ကိုယ်တိုင်အပေါ်မှာပဲ မူတည်ပါတယ်။ ခက်ခဲကြမ်းတမ်းတဲ့ နေ့ရက်တွေကိုတော့ ဘယ်သူမှ မမှတ်မိလိုကြဘူး ထင်ပါတယ်။ ဒါပေမယ့် မိတ်ဆွေသတိထားမိပါရဲ့လား? အဲ့သည် ခက်ခဲကြမ်းတမ်းတဲ့ အချိန်တွေ နေ့ရက်တွေဟာ သည်ကနေ့ အခု အသက်ရှင် တည်ရှိနေတဲ့ မိတ်ဆွေတို့နဲ့ စာရေးသူတို့ ဖြစ်တည်လာဖို့အတွက် လှေကားထစ်တွေဆိုတာကို။ အဲ့သည် အော်ဂလီဆန်ချင်စရာကောင်းလှတဲ့ အချိန်တွေမှာ တွေ့ကြုံခဲ့ရတဲ့ သူတွေကိုလည်း စာရေးသူနဲ့ စာဖတ်သူတို့ မိမိတို့ရဲ့ဘဝတွေထဲကနေ ဆွဲထုတ်ပစ်နေချင်ကြမှာပါပဲနော်။ ဒါပေမယ့်လည်း သည်စာကိုဖတ်နေတဲ့ မိတ်ဆွေတို့ကတော့ ကံကောင်းမယ့်သူတွေပဲဖြစ်မှာပါ။ သည်လို အော်ဂလီဆန်ချင်ကောင်းလှတဲ့ သူတွေနဲ့ အချိန်တွေကို ဖြတ်သန်းခဲ့ဖူးတဲ့သူတွေဟုတ်မှာ မဟုတ်ပါဘူး။ မည်သို့ပင်ဆိုစေကာမူ အရေးကြီးဆုံးက ဘဝတစ်ခုလုံးလောက် အရေးကြီးတဲ့ အချိန်တွေ စက္ကန့်တွေတိုင်းကို ကောင်းမွန်သော အမှတ်တရများနဲ့ ပြည့်နှက်နေဖို့ ဖန်တီးနိုင်ဖို့ အရေးကြီးပါတယ်။ အနည်းဆုံးတော့ ဘာမှမလုပ်နိုင်ရင်တောင်မှ နောင်မှာ ပြန်တွေးလိုက်တိုင်း နောင်တရစရာတွေ ကျန်မနေအောင် ကြိုးစားနေထိုင်နိုင်ရင်တော့ အကောင်းဆုံးလို့ စာရေးသူက တွေးမြင်မိပါတယ်။

ဖြစ်နေပျက်နေတဲ့ လောကဇာတ်ခုံကြီးပေါ်မှာ ကနေကြတဲ့ လူသားတွေအားလုံးမှာတော့ ဇာတ်လမ်းကိုယ်စီနဲ့ပါ။ အားလုံးဟာ အချိန်ကိုပဲ အခြေခံတယ်လို့ စာရေးသူကတော့ မြင်မိပါတယ်။ ကိုယ်တိုင်ပါဝင်ကပြနေရတဲ့ ဇာတ်လမ်းမှာ ကိုယ်တိုင်ပဲ ဒါရိုက်တာလုပ်မလား? သူများကြိုးဆွဲရာကမလား? ဆိုတာ ကိုယ်ကိုယ်တိုင်ရဲ့ ဆုံးဖြတ်ချက်နဲ့ ဆောင်ရွက်မှုတွေအပေါ်မှာ မူတယ်ပါတယ်။ ကိုင်း စာဖတ်သူတို့နဲ့ စာရေးသူတို့လည်း ကိုယ်စီကိုယ်ငှ ကိုယ့်ရဲ့ဇာတ်လမ်းတွေကို ကိုယ်ကိုယ်တိုင် အကောင်းဆုံးဖန်တီးနိုင်ကြစေဖို့ အချိန်တွေကို ဆွဲမနေကြပဲ အခုပဲ ကောင်းမွန်လှပတဲ့ အဓိပ္ပါယ်ရှိတဲ့ ဇာတ်လမ်းတွေကို ဖန်တီးကြဖို့အတွက် အချိန်တွေကို ဆွဲမနေဖို့ အရေးကြီးပါတယ်။