TALIN INFO, Dili (2025)

13/11/2023

Informasaun: ema deskonesidu deskonfia sunu Xefe suku eleitu husi Suku Bahalara Wa'in, Munisípiu Viqueque, maibe verasidade informasaun seiduak konfirma, tanba polisia seidauk halo relatu ruma!

07/11/2023

Numeru kontaktu komandu polisia, kontaktu karik iha situasaun balun prejudika ema seluk nia hakmatek🙏

07/11/2023

Konflitu la di'ak ba ita-nia futuru!
Konflitu ladiak ba sosiedade!
Konflitu ladiak ba moris harmonia!
Tane liman ba malu, hadame malu ba! Rai Timor ida deit, ita hotu nian!

lae ba violensia # (rekolla iha medsos) iha anexu hatudu mensajen ladiak ba sosiedade, mai ba kria dame #

07/11/2023

Prezidente Repúblika, José Ramos-Horta vizita Ofisiál ba Brunei Darusalam ho Filipinas.

Fontes: Media Presidencia Repúblika.

07/11/2023

BNCTL husu deskulpa ba kliente ne'ebé nia kartaun ATM mákina multibanku tolan.

19/06/2023

Nota Biografika Isabel Ferreira nian, Espoza Prezidente Republika Antigu, Taur Matan Ruak, Ex-Primeira-Dama Timor-Leste, husi 20 Maiu tinan 2012 – 20 Maiu 2017

Naran: Isabel da Costa Ferreira
Loron Moris: 15 Abril 1974
Fatin Moris: Same, Munisipiu Manufahi, Timor-Leste

Isabel da Costa Ferreira, oan feto husi Mateus Ferreira no Ana Flora de Jesus Ferreira, moris iha Same, Munisipiu Manufahi.

Maun-alin nain sanulu resin tolu (13). Hahú eskola primaria iha tinan 1980 no remata liceu (SMA I) iha tinan 1993. Iha tinan 1998 remata lisensiatura iha Direitu husi Universidade Nasional Denpasar, Bali, Indonesia.

Isabel da Costa Ferreira, hahú ninia karreira profisional barak liu liga ho kestaun sira direitus humanus nian no akuza beibeik hahalok violentu sira nebe komete durante okupasaun militar Indonesia. Tanba ne’e mak iha tinan 1998 no 1999, asumi kna’ar hanesan Koordenadora Jeral ba ONG “Kontras Timor-Timur” no Diretora Direitus Humanus Timor-Loro Sa’e (CDHTL), iha tinan 1999-2001.

Iha tinan 2001, eleita ba Membru Asembleia Konstituinte, husi lista UDT, atu dedika liu-liu ba hakerek artigu sira Konstituisaun RDTL nian, konaba Direitus Humanus nian.

Iha faze Administrasaun Tranzitoria Nasoens Unidas nian no hafoin Restaurasaun Independensia, Isabel da Costa Ferreira responsável ba kna’ar oi-oin liu-liu humanitariu, direitus humanus no politikus nian, espesial liu hanesan Vise-prezidente Kruz Vermalha Timor-Leste nian (CVTL), tinan 2002 to’o 2006 Vise-Ministra Justisa, iha tinan 2006 Membru ba Komisaun Verdade no Amizade (CVA) tinan 2005 to’o 2008.

Hafoin finaliza kna’ar sira CVA nian, Isabel Ferreira hetan responsabilidade iha área oi-oin Estadu nian, liu-liu, Prezidente Sekretariadu ba Apoiu Komisaun Promosaun PNTL, tinan 2009 to’o 2010, Prezidente Komisaun Akompañamentu ba Prosesu Promosaun sira iha PNTL, tinan 2009 too 2010, Komisaria ba Komisaun Funsaun Publika, tinan 2011 to’o 2014, Asesora Juridika ba Sekretariu Estadu Seguransa, husi 2009 to’o 2015; Primeira-Dama Timor-Leste nian, husi loron 20 fulan Maiu tinan 2012 to’o loron 20 fulan Maiu tinan 2017; Asesora Juridika ba Ministru Interior iha Fulan Fevereiru tinan 2015 to’o fulan Juñu tinan 2015; Konselheira ba Ministru Edukasaun no Advogada ba Labarik, husi fulan Setembru tinan 2015 to’o ohin loron.

Isabel Ferreira akumula mos esperiensia organizativa no institusional oi-oin, asumi mos kargu sira tuir mai: Koordenadora ba Grupu Serbisu hodi elabora Lei konaba Provedor Direitus Humanus no Justisa, no ba atividade sira konaba ninia estabelesimentu (2001-2005); koordenadora ba Grupu Trabalhu Planu Asaun Nasional Direitus Humanus nian, (2003-2006); Membru ba Grupu Trabalhu elaborasaun Lei Antigu Kombatente sira nian, (2004-2005); Membru ba Grupu Serbisu nebe harii Komisaun ba Ema sira nebe lakon (2005); Membru ba Grupu Permanente Governu no Igreja nian (2005); Membru ba Komisaun Nasional ba Direitu Labarik sira nian, (2005-2006); Membru ba Konselhu Superior Ministeriu Publiku nian, (2006-2011); Koordenadora ba Komisaun Instaladora Jestaun Fronteira nian, (2009-2010); Koordenadora ba Komisaun Negosiasaun Akordu Suplementar PNTL nian (2009-2010); Membru ba Komite Reforma iha Setor Seguransa, (2009-2010).

Simu konvite hodi partisipa hanesan oradora prinsipal iha Seminariu oi-oin no Konferensia Internasional sira, iha Australia, China, Coreia, Fiji, Indonesia, Malasia, Portugal no Timor-Leste, liu-liu, Konferensia ba Konselhu Nasional Rezistensia Timor nian, konaba violasaun Direitus Humanus iha Timor-Leste, realiza iha Melbourne/Australia (Abril/1999); Partisipasaun konaba serbisu Komisaun Direitus Humanus nian, iha Genebra/Suiça (Abril 1999), intervensaun liu-liu ba violasaun sira Direitus Humanus nian durante okupasaun Indonesia; Konferensia Konselhu Nasional Rezistensia Timor nian, konaba situasaun pos Referendu, iha Darwin/Australia (outubru 1999); Konferensia Internasional konaba ema sira nebe Lakon, iha Jakarta/Indonesia (2001), intervensaun konsentra liu ba kestaun ne’e nomos konaba situasaun Direitus Humanus iha Timor-Leste; hetan konvida ba Konferensia Internasional iha Institutu Federaismu nian, iha Suiça, intervensaun konsentra liu konaba “Papel Nasoens Unidas no Ajensia sira iha Rai nebe pos-konflitu” (Agostu 2002) no Konferensia Internasional konaba Jestaun Fronteira iha Tailandia, (2010).
Dra. Isabel da Costa Ferreira kaben ho Antigu Prezidente Republika Demokratika Timor-Leste, Major-Jeneral Taur Matan Ruak husi fulan Maiu tinan 2001 no hetan oan feto rua, Lola no Tamarisa no oan mane ida naran Quesadhip.
Isabel Ferreira bele koalia lian tolu (3), Tetun, Portugues no Malaiu- Indonesio.

06/05/2023

TALIN INFO - Amo Papa Francisco ninia Mensagem no bênção ba Povo no Sarani Timor-Leste.

05/05/2023

TALIN INFO - Bispo Eleito Diocese Baucau, Dom Leadro Maria Alves hatais ona abito episcopal.

26/04/2023

CURRÍCULO VITAE BISPO ELEITO DA DIOCESE DE BAUCAU
Naran : Leandro Maria Alves
Fatin no data moris : Ermera, 10-05-1974
ESTUDOS
1990-1993 : SMAK Santo Yoseph, Dili
1993-1994 : Ano Propedêutico
1994-1995 : Ano Espiritualidade São João Maria Vianey-Dare.
1995-1998 : Faculdade Filosofia e Teologia da Universidade Católica. Widya Mandala- Kupang, Indonésia.
1999-2001 : Ano Pastoral no Seminário menor de Balide
2001-2004 : Estudo de Teologia no Instituto Superior de São Tomas Aquino Évora - Faculdade de Teologia da Universidade Católica Portuguesa.
2014-2017 : Licenciado da Teologia Dogmática na Universidade pontifícia Urbaniana - Roma.

ORDEM SACRA
2004-2005 : Pastoral iha Paróquia Turiscai
2005 : Ordenação Diaconal
2006 : Ordenação Sacerdotal (8 de Desembro)

SERVIÇOS
200-2007 : Vigário Paroquial se Catedral Dili
2008-2011 : Perfeito disciplina iha Seminário maior São Pedro e Sao Paulo Fatumeta, Dili.
2009-2014 : Diretor da Fundação São Paulo da Diocese de Dili
2009-2014 : Diretor executivo da CONECTIL
2010-2012 : Secretario do Cenchelo Presbiteral da Diocese de Dili
2011-2014 : Reitor da Seminário Menor da Nossa Senhora de Fátima - Dili
2011-2014 : Diretor da Escola Secundária Católica Nossa Senhora de Fátima - Balide
2017- 2018 : Vigário Paroquial da Paróquia Catedral de Dili
2018-2023 : Secretário Executivo da Conferência Episcopal Timorense (CET)
2023 : Paroco da Paróquia de Catedral, Dili.
Iha loron 26-04-2023: Nomeado nudar Bispo da Diocese de Baucau husi Amo Papa Francisco I.

Kópia husi Media Arquidiocese Metropolitana de Dili

26/04/2023

Padre Leandro Maria Alves mak Bispo Dioseze Baucau foun, hodi troka Matebian Bispo Dom Basílio do Nascimento!

22/04/2023

Xanana Solidariza Igidio Ne’ebé Hetan Tuda Hafoin Fila Husi Kampaña

TALIN INFO - Prezidente Partidu Congresso Nasional Recontrução de Timor-Leste (CNRT), Kay Rala Xanana Gusmão hato’o solidaridade ba, Igidio da Silva Ximenes ne’ebé hetan tuda hosi ema deskoñesidus, hafoin remata partisipa kompaña Partidu CNRT iha kampu futeból Beloi, Munisípiu Viqueque, Sesta (21/04/2023) kalan.

Igidio sai vitima, hafoin hamutuk ho nia kolega na’in-hitu sa’e karreta hosi Viqueque atu fila ba sira nia fatin Ossu, oras tuku 18:40, derepente iha dalan, haree militante partidu balun uza atributu kesi metin iha kakorok kaer hela fatuk iha foho leten lansa tuha hasoru sira iha dalan.

Akontesimentu ne’e rezulta vitima nia ulun hetan kanek suku pontu tolu no suspeitu halai lakon no vitima nia kolega lori kedas ba hala’o tratamentu saúde iha Klinika Ossu.

“Ami fila mai too Postu Administrativu Ossu no too iha área Loihunu kuaze tuku 19:00 liu no iha karreta laran ema hamutuk ema na’in hitu, no ema tuda kona ha’u nia ulun, ha’u haree ema ne’ebé tuda uza atributu partidu FRETELIN halai sa’e kedas ba foho lolon,” dehan Igidio hafoin hasoru Xanana iha Ossu.

Hafoin akontesimentu, vitima ho kolega sira aprezenta kedas keixa ba parte PNTL Ossu nian hodi relata ba Komandu PNTL Munisipiu Viqueque.

Iha fatin hanesan, Prezidente Partidu CNRT, Xanana Gusmão sente triste ho akontesimentu ne’e no apela ba militante CNRT iha Viqueuqe no munisipiu hotu mantein paz no dame hodi kontribui ba estabilidade iha Timor-Leste hodi fó susesu ba kampaña too votasaun la’o ho susesu.

“Ha’u husu imi mantein paz, lalika provoka situasaun, ita hakmate nafatin hodi kontribui dame ba ita nia eleisaun bele la’o ho di’ak,” dehan Xanana.

Entretantu Komandu PNTL Viqueque regista mós kazu tuda tuda ne’e akontese mós iha área Makadiki nian no parte PNTL konsege hakalma situasaun.

Iha parte seluk, Koordenadór Partidu CNRT Munisípiu Viqueque, Anacleto Freitas mós apela ba militante hotu- hotu tuur hakmatek no labele kria problema.

“Maski ami nia militante ida kanek maibé ba to’o ospitál konsege hetan ona tratamentu hosi médiku sira. Akontesimentu ne’ebé iha, ita sei perdua no husu bá militante sira atu kontinua kria pas,” dehan Anacleto.

Komandante PNTL Munisípiu Viqueque, Superintendente Xefe Sebastião Alves Quintão kontinua koordena ho Komandu F-FDTL garante nafatin situasaun seguransa bele la’o hakmatek durante periodu kompaña too eleisaun loron 21 Maiu 2023

Smnewstimor

09/04/2023

TALIN INFO Viqueque Oan, Ida nee mak realidade, besik eleisaun fihir diak para rezolve problema nee. Retratu husi media sosial.

07/03/2023

KONFRONTU ENTRE JOVEN IHA MANLEUANA, PNTL ASEGURA JOVEN NAIN-4

TALIN INFO - Komandu PNTL Munisipiu Dili, liu hosi Esquadra PNTL Dom Aleixo, kaptura ona joven nain-4 ne’ebe envolve iha krime publiku no kria instabilidade iha Aldeia Mane Mesak, Suku Manleuana, Postu-Administrativu Dom-Aleixo, Munisipiu Dili.

Akontesementu ne’e envolve GAM (Grupu Arte Marsiais) rua ne’ebe halo asalatu hodi tuda malu iha foho leten entre IKS (Ikatan Kera Sakti) nian sa’e ba foho leten tuda tesik ba Bairo ne’ebe partensia ba PSHT nian no husi PSHT (Persaudaraan Setia Hati Terate) tuda hasoru ba GAM IKS nian.

Hafoin hetan kontatu hosi fontes servisu sekreta, Komandante Esquadra Dom Aleixo, Inspetor Polisia, Alexandrino da Costa “Samurai”, orienta ekipa patrulla to’o sae ba foho leten hodi normaliza situasaun. Wainhira ekipa sa’e ba foho leten grupu hirak ne’e ho fatuk tuda hasoru membru PNTL sira nune’e Equipa Patrulla Dom Aleixo halo prevensaun hodi tiru gas lakrimozoniu hodi hafahe grupu rua no konsege suspeitu nain-4 hamutuk ho evidensia fatuk no ai tonka ne’ebe sira uza hodi perturba ordem publiku no lori kedas mai halo identifikasaun iha Esquadra PNTL Dom Aleixo Comoro.

Entretantu joven nain 2 hosi PSHT ho identidade mak hanesan, ADCM tinan 16 no HS, tinan 35, ne’ebe hela iha Aldeia Mane Mesak, Suku Manleuana, Postu-Administrativu Dom-Aleixo, Munisipiu Dili. Enkuantu joven IKS nain rua hosi bairu seluk mak hanesan GADS, tinan 26 no HEM tinan 20, sira nain rua nudar estudante universitariu ne’ebe hela iha Aldeia Mauk, Suku Manleuana, Postu-Administrativu Dom-Aleixo, Munisipiu Dili.

Fontes: Relasaun Públika MI

06/03/2023

HADAET INFORMASAUN KONA-BA ECLIPSE SOLAR NO SAÚDE

TALIN INFO Eclipse solar ka iha lia tetun hanaran LORON MATE, nu'udar fenómena astronomia ida bainhira fulan pasa entre rai no loron hodi taka metin naroman husi loron nian mai rai. Eventu ida-ne'e atrativu tebes, jeralmente ema barak maka iha interese atu asiste.

Tuir informasaun, Timor-Leste sei asiste eventu ne'e iha loron 20 abríl 2023. Eventu eclipse solar bele fó prejuízo ida ba ema nia saúde matan bainhira ema haree diretamente akontesimentu ne’e.

Iha mós ema balun ne'ebé la informadu antes, nune’e bainhira fenómena ne’e mosu, sira hakfodak no hateke direta ba loron. Hahalok ida ne'ebé fó perigu ba sira nia saúde matan.

Ministeriu saúde rekomenda ema hotu presiza hetan infórmasaun atu labele panik, hatene oinsá kuida saúde matan, liuliu labele hateke direta ba loron.

Infórmasaun ne’e validu tebes ba inan aman ou kuidador labarik sira atu kuidado ho labarik kiik sira nia saúde matan. Ba ema hirak ne'ebé planeia atu asiste fenómena astronomia ne’e, presiza kumpre kritéria ba kuidadus saúde matan.

OINSÁ ECLIPSE SOLAR AFETA SAÚDE MATAN
Haree ka observa direta fenómena eclipse solar bele hamosu problema matan. Hateke direta ba loro-matan durante eclipse solar afeta funsionamentu RETINA iha ema nia matan. Akontesimentu ne'e bele fó impaktu ba funsionamentu matan no iha piór forma bele kauza ema sai delek.

REKOMENDASAUN HUSI MINISTÉRIO SAÚDE:
1. Labele haree direta ba fenómena eclipse solar, sein uza protesaun matan.
2. Bainhira atu asiste eventu ne’e presiza uza oklu tipu solar filters ho nia estandar ISO 12312-2.
3. Labele naran uza oklu metan ka oklu baibain sira atu haree ba loro-matan durante eclipse solar.
4. Bainhira asiste fenómena astronomia ne’e ho oklu solar filter ISO 12312-2, presija revista se oklu iha kondisaun di'ak no la iha nakfera (retak) ruma.
5. Molok hateke ba eclipse solar, presija uza antes ona oklu solar filter ISO 12312-2. Durante nakukun, bele hasai oklu hodi haree. Wainhira loron matan komesa mosu fali, presija uza hikas fali oklu molok kontinua haree eventu ne’e. Hafoin eventu remata keta hasai oklu, maibé hatuun ulun hafoin bele hasai oklu ne'e husi matan. Labele hasai oklu wainhira matan sei hateke hela ba loro-matan.
6. Karik iha ema ruma atu halo filmajen, presija assegura katak kamera nebe sei uza, iha filtru solar nebe adekuadu. Tanba mezmu hateke liu husi kamera, bele hamosu problema matan. Labele uza kamera telefone nian, tanba laiha protesaun solar adekuadu.
7. Karik iha ema balun uza aparelho telescope ou binocular, presija assegura iha mos filtru solar adekuadu.

IMPORTANTE:
a. Hateke ba eclipse solar bele kauza ema lakon kapasidade viszál (haree) permanente ou sai delek.
b. Problema matan ne’e bele mosu sein sente iha moras ruma, maibé derrepente haree buat hotu lahetan.
c. Problema matan la akontese antes, maibé mosu hafoin eclipse solar
d. Rekomenda atu keta hateke direta ba loron durante eclipse solar
e. Uza protesaun matan tuir estandar bainhira asiste eclipse solar.

José Ramos-Horta Primeiro-Ministro: S.E. Taur Matan Ruak Promosaun Edukasaun Saúde

04/03/2023

TALIN INFO Lafaek tata belun SIKU iha Munisipiu Viqueque, Uatulari, Luga-asa, ho rezultadu.

Belun SIKU ne'e mate, ikus Lafaek ne'e mós sira oho mate!

04/03/2023

TALIN INFO Profissional saúde na'in tolu sujeita ba prosesu disiplinar, tanba deskonfia konta ilegalmente sidadaun ne'ebé mak hakarak halo teste iha laboratoriu.

04/03/2023

TALIN INFO Retratu husi membru F-FDTL ne'ebé deskonfia Baku Husi Sidadaun Xineza Nain tolu!

04/03/2023

TALIN INFO - Deskonfia sidadaun Xinez Nain tolu Baku lesuk membru F-FDTL ida, hodi rezulta Kanek todan.

hein autoridades Nia investigasaun Hodi konfirma motivo Husi Kazu nee.

TALIN INFO

13/11/2023

07/11/2023

07/11/2023

07/11/2023

07/11/2023

19/06/2023

06/05/2023

05/05/2023

26/04/2023

26/04/2023

22/04/2023

09/04/2023

07/03/2023

06/03/2023

04/03/2023

04/03/2023

04/03/2023

04/03/2023

Address

Website

Alerts

Contact The Business

Shortcuts

Share