Legends’ Diary

08/03/2026

හරියට ගණන් හැදුවොත් වික්‍රමසිංහයන්ගේ මඩොල්දූවට නිදහස් ලංකාවටවත් වඩා වයසයි. ඒත් තාමත් මඩොල්දූව කීවම වික්‍රමසිංහයන්ගේ පෑන් තුඩින් මැවූන ගිනිවැල්ලෙලාගේ , ජින්නලාගේ , දඟදාසලාගේ ලෝකයට අපි ඇවිදගෙන යන්නේ නිරායාසයෙන්මයි.

පරම්පරා පහක හයක යොවුන් හිත කුතුහලයෙන් , ආනන්දයෙන් , වේදනාවෙන් එකවර පූරවා දමන්න හැම කතුවරයෙක්ටම බෑ. වික්‍රමසිංහයන් විශිෂ්ටතමයා වෙන්නේ අන්න ඒ නිසයි. මේ ඒ ආදරය , ගෞරවය අන්කිසිවකුට නොව එකී කොග්ගලා මහා ප්‍රාඥයායට.

Youtube : https://youtube.com/shorts/aHoX1OFf4D8?si=f2IF6ge1Dj88Z7ai

Tiktok : https://vt.tiktok.com/ZSuY7T9bv/

Instagram : https://www.instagram.com/reel/DVnwxeuk_Wn/?igsh=MWlmMXBleGZmbDM5YQ==

07/03/2026

ට්‍රම්ප් හිතන්නේ කොහොමද ?

Tiktok : https://vt.tiktok.com/ZSuLXtW2k/

Youtube : https://youtu.be/3t2mMALNZbI?si=6mCsYZ97d9kiE0Ae

Instagram : https://www.instagram.com/reel/DVkcK9Dk3gc/?igsh=MXNpN21udTJ3OTNocg==

15/05/2021

"වස්සාන සිහිනයක්" තුළ ආදරණීය පෙම්වතා වු ඔහු "සහෝදරයා" තුළ සොඳුරු සහෝදරයකු විය ,අනෙක් පසෙකින් "වීරයා ගෙදර ඇවිත්" හි ඔහු දෑස් අහිමි යුධ විරුවෙක් විය. "තණමල්විල කොල්ලෙක්" හි එකී සියලු චරිත අමතක කොට ඔහු අධ්‍යක්ෂකවරයා විය. ඉහත සියලූම චරිත නිරූපණයන් හි ඔහු ඔහුව සඟවා චරිතය ඉස්මතු කිරීමට තරම් දක්ෂ විය. පුයර නළුවන් සිය ගණන් බිහිවන මෙබිමේ තමා සැබෑම නළු කාර්‍යේ යෙදෙන්නෙක් බව ඔහු සනාථ කළහ.නිතරම හමුනොවන,හමුවන විට අමතක නොවන ,ඔහු නමින් රොෂාන් රවින්ද්‍ර රාජපක්ෂ .
තරුණ ගැටයකු ලෙස "අමුතු මිනිස්සූ " ටෙලි නිර්මාණය තුළින් කලාව ස්පර්ශ කළ ඔහු එතැන් සිට විවිධ සිනමා සහ ටෙලි නිර්මාණ තුළින් රසික ප්‍රජාවේ ආදරය දිනා ගන්නට සමත් විය. මහේන්ද්‍ර පෙරේරා ගේ රංගන වැඩමුළුවෙන් රංගන පිළිබඳ විධිමත් අධ්‍යාපනයක් ලැබු ඔහු 2004 සිට ප්‍රසිද්ධ රංගනයේ නිරත වෙයි.
නාමල් ජයසිංහගේ තිර පිටපතකින් සහ අධ්‍යක්ෂණයෙන් නිමැවු "සහෝදරයා" ඔහුගේ ජීවිතේ හැරවුම බඳු රංගනයයි." අජන්ත " නම් චරිතය ඉතා තාත්වික අන්දමින් නිරූපණය කළ ඔහු තමා දක්ෂ නලුවකු මිස නිරූපණ ශිල්පියකු පමණක් නොවන බව මෙරට ප්‍රේක්ෂක ජනතාවට නැවත නැවත අවධාරණය කෙරුනි.
රංගන කාර්‍යෙන් අධ්‍යක්ෂණ කාර්‍යට විතැන් වු රොෂාන් රවින්ද්‍ර .2004 සිට මුලින්ම වේශ නීරුපණ ශිල්පියකු ලෙස ඇරඹු ඔහුගේ කලා ගමනේ සෑම අහුමුල්ලකම ගොනු වු අත්දැකීම් තුළින් " තණමල්විල කොල්ලෙක්" නිර්මාණය කළ අතර, කතාබහට ලක්නොවන අඳුරු පැතලි මඟ හැරුනු මෙන්ම ආදරය අහිමි වු ජිවිත හි පැහැය ටෙලි සිනමාපටයක් ලෙස දිගහරිමින් ඔහු එකී කාර්‍යේ ඔහුගේ සමර්ථ බව විදහා පෙන්වීය. " තණමල්විල කොල්ලෙ ඇතුළෙ ඉන්නේ අපි දන්න චරිත ,අපිට හම්බුන චරිත ,අපිට මඟ ඇරුන ආදරය." ඔහු තණමල්විල කොල්ලෙක් ගැන පවසන්නේ එවන්නක්.
ඉන්දීය නාට්‍යය හෙවත් සෝප් ඔපෙරා සහ ඒ අනුකරණයන්ගෙන් යුත් නාට්‍යය මාලාවකින් හෙම්බත් වු මෙරට රසික ප්‍රජාවට රොෂාන් රවින්ද්‍ර ගේ වෑයම සහ කැපවීම තුළින් වඩා යහපත් සහ දැක්මස් සහිත කලා භාවිතයකට මඟ පැදීනි. වේශ නිරූපණ අට්ටාලයෙව් සිට අධ්‍යනයන් රැසක් ඔස්සේ පැමිණි ඔහුගේ ගමන් මඟ ටෙලි සිත්තම තරම්ම විචිත්‍රය.

Follow us on Instagram - https://www.instagram.com/legendsdiary_lk/

09/05/2021

ඔබ පේරාදෙණිය විශ්ව විද්‍යාලයේ ඉන්ජිනේරු පිඨය තුළට ගොස් ඇත්නම් එහි අධ්‍යනය සඳහා තබා ඇති සුවිශාල රොකට් එංජිමක් දැකිය හැක. රොකට් තාක්ෂණය හීනයක් වන් රටකට මේසා විශාල රොකට් එංජිමක් ලැබුනේ කෙසේද ??? මේ.. එම රොකට් එංජිම මෙරට ඉංජිනේරු ශිෂ්‍යයන් ගේ අධ්‍යනය සඳහා ලබාදිමට කටයුතු කළ මෙරට බිහිකළ විශිෂ්ඨතම මහාචාර්යවරයකුගේ කතාවයි.

Dr.Mahalingam නාමය ඔබ බොහෝ දෙනෙකුට ආගන්තුක වනවාට සැකයක් නැත. නමුත් පෙර කී රොකට් එංජිම ,පේරාදෙණිය සරසවියේ ඉංජිනේරු පිඨයට ලබාදීමට මුලිකතවය ගත්තේ ඔහුය.1926 ජනවාරි 16 දින යාපනේදි සිය පවුලේ වැඩිමහලු පිරිමි දරුවා ලෙස උපත ලැබූ ඔහූ සිය මූලික අධ්‍යාපනය ලැබුවේ, මැලේසියාවෙනි. පසුව 1946 වසරේ දි අවුරුදු විස්සක තරුණයකු ලෙස නැවත මෙරටට පැමිණි එතුමන් සිය ඉංජිනේරු උපාධිය Ceylon technical university හැදෑරුවේ ය. සිය මුලික උපාධිය 1950 අවසන් කළ ඔහූ 1950 දි එංගලන්තයේ ලන්ඩන් නුවරදි Bsc සිවිල් ඉංජිනේරුවකු ලෙස සිය අධ්‍යාපනය හමාර කළ ඔහූ 1952 දි Ceylon university හි සහාය කථිකාචාර්යවරයකු ලෙස වැඩ ආරම්භ කෙරිනි. ළමුන් සමඟ ඉතා සමීපව ගනුදෙනු කළ Mahalingam මහතා සිය ආචාර්ය උපාධිය Sheffield හි අවසන් කළ අතර 70 දශකයේ මුල් යුගයේ සිට 1991 දි සිය විශ්‍රාම යෑම දක්වා Dr.Mahalingam පේරාදෙණිය සරසවියේ සේවය කළේ ය.

Dr.Mahalingam ඉගැන්වීමේ ශූරත්වයක් දැක්වූ අතර ඔහුගේ දේශන ඉතා රසවත් වූ බව සැලකේ.විශේෂයෙන්ම සිද්ධාන්ත වලින් ඔබ්බට ගොස් ප්‍රායෝගික මට්ටමේ ඉගැන්විමේ රටාවක් අනුගමනය කළ එතුමන් පේරාදෙණිය සරසවියේ ඉංජිනේරු පිඨයේ වර්තමානයේ මහාචාර්ය මහාලිංගම් විද්‍යාගාරය ,එකල ඉතා අඩු මුදලක් වැය කොට ආරම්භ කෙරිනි. එතුමන් නිතරම පවතින සම්පත් වලින් සිය ඉගැන්වීමේ කටයුතු සාර්ථකව සිදුකල විශිෂ්ඨ මහාචාර්යවරයෙකි.

Dr.Mahalingam ගේ ප්‍රායෝගික ඉංජිනේරු දැනුම නිසාවෙන් බොහෝ විදේශීය සමාගම්වලින් ඇරයුම් ලැබුනද, එතුමා නිතරම ආචාර්යවරයෙක් වීමේ අවස්ථාව තෝරාගත්තේ ය. වරක් Avro jet engine හි හටගත් දෝෂයක් පිළියම් කිරිමට ඔවුනට Dr.Mahalingam ගේ සහය ලැබුන අතර වරක් Rolse Royce පෞද්ගලිකව ප්‍රධානය කෙරූ ජෙට් එංජ්ම තවමත් සිසු අධ්‍යනය සඳහා පේරාදෙණිය සරසවියේ ඇත.

ඉතා සරල දිවිපෙවෙතක් ගත කෙරු එතුමන් විශ්‍රාම යෑමෙන් පසුව සෛද්ධාන්තික ඉංජිනේරු විද්‍යාව පිළිබඳ ග්‍රන්ථ රචනා කරමින් සරල දිවිපෙවෙතක් ගත කළේ ය. අදටත් ඔබ පේරාදෙණිය සරසවියේ ඉංජිනේරු සිසුවකුගෙන් Dr.Mahalingam පිළිබඳ ඇසුවිට ඔබට නිසැකව ඔහු පිළිබඳ බොහෝ කරුණු පවසනු ඇත.
සිය ජිවිතයම සිසුන්ගේ අධ්‍යාපනය වෙනුවෙන් කැප කළ, අනෙකුත් ලාභ ප්‍රයෝජන නොතැකූ ,ගතින් කුඩා වුවද සිතින් විශාල මේ මිනිසා 2015 නොවැම්බර් 3 වන දින යාපනේ උතුර රෝහලේ දි අභාවප්‍රාප්ත විය.
දේශපාලකයන්ට ගුණ ගායන වැයෙන සමාජයක Dr.Mahalingam වැන්නවුන් තව තවත් සිහිකළ යුතු නොවේ ද ??

(තොරතුරු : perabeats බ්ලොග් අඩවියෙනි.)

08/05/2021

"මම අම්මගෙන් රුපියල් පන්සීයක් ඉල්ලගෙන කොළඹ ආවේ."

ඔව්!! මෙය සාම්ප්‍රදායික කතාවක් විය හැක,නමුත් විශ්වාස කරන්න මෙකී කතානායකයා නම් සාම්ප්‍රදායික පුද්ගලයකු නොව. ඔහු නමින් දිලීත් ජයවීර.නැහැ ඔබට ඔහුව නුපුරුදුයි.ඔහු George Steuart සමුහයේ සභාපති ,නැහැ ඔබට තවමත් නුහුරුයි . ඔහු දෙරණ මාධ්‍ය ජාලයේ සභාපති .තවමත් ඔබ ඔහුව නොදන්නවා විය හැක. නමුත් ඔහුගේ " දෙරණ " නොදන්නවා නම් විය නොහැක.

ගාල්ලේ ඇලෝසියස් විද්‍ය්හලෙ කලා විෂය ධාරාවෙන් උසස් පෙළ සමත්ව තරුණ දිලීත් කොළඹට පැමිණෙන්නේ තම පියාගේ සිහිනය වු නීතී සිසුවෙක් වීමටයි."මගේ තාත්තා රජයේ සේවකයෙක්,එයාට ඕන උනා මගේ අයියව වෛද්‍යවරයෙක් කරන්න.මාව නීතී විද්‍යාලයට යවන්න."කොළඹ විශ්ව විද්‍යාලයේ නීතී සිසුවකු වු දිලීත් ජයවීර. පසුකලක විශ්ව විද්‍යාලයේ කැපී පෙනෙනම ශිෂ්‍ය සංගම් නායකයා විය. එකල සිටම සුළු ව්‍යාපාර හි නිරත වු ඔහු සෑම විටම අලුත් යමක් කිරීමේ පිපාසයෙන් පෙළිනි.

විශ්ව විද්‍යාල අධ්‍යාපනයෙන් පසුව වරුණි අමුණුගම සමඟ එක්ව 1993 දි ඇරඹු වෙළඳ දැන්වීම් නිෂ්පාදන සමාගම ඔහුගේ ගමන වෙනස් කළ සන්දිස්ථානයයි. එතැන් සිට සාර්ථක ගමනක් පැමිණි ඔහු ,අද වන විට මෙරට කැපීපෙනෙනම ව්‍යවසායක පෞරුෂය වී අවසන්.

නව මාධ්‍යය සමාගමක් ලෙස කරළියට පැමිණි දෙරණ අද මේසා විශාල සමාගමක් බවට පත් කිරීම දක්වා තිරය පිටුපස විශාල කාර්‍යභාරයක් දිලීත් ජයවීර සිදු කරන ලදි.අද වන විට අරුණ සහ Morning පුවත්පත් දෙකකින්ද තම මාධ්‍යය භාවිතය තියුණු කෙරූ දිලීත් ප්‍රමුඛ දෙරණ ජාලය,මෙරට ජන මත වෙනස් කිරීමේලා සුවිශේෂී කාර්‍යභාරයක් සිදුකරයි.

සරල චරිතයක් වන දිලිත් ජයවීර කොළඹ විශ්ව විද්‍යාලයේ නීතී පිඨයේ සිට කොළඹ T.B ජයා මාවතේ දෙරණ කාර්‍යාලයේ මුල් පුටුව දක්වා පැමිණි මාර්ගය ආදර්ශමත් වනවා නොවනුමානයි .

Follow us on Instagram - https://www.instagram.com/legendsdiary_lk/

06/05/2021

ඔහු වර්තමානයේ මෙරට ධනවත්ම ව්‍යාපාරික පෞරුෂයයි. සංඛ්‍යාලේඛන අනුව 2019 වසරෙ දි මෙරට ධනවත්ම මිනිසා ඔහුයි. කොටස් වෙළඳපොළ තුළ සහ අනෙකුත් වාණිජමය කටයුතු හි සුවිශේෂී දායකත්වයක් දක්වන ඔහු LOLC හි ප්‍රධානියා වන ඉෂාර චින්තක නානායක්කාරයි.

1973 දි ඇරඹු Ishara Traders හරහා ජපානයේ සිට මෙරටට වාහන ආනයනය සිදු කළ ප්‍රකට ව්‍යාපාරික රාජා නානයක්කාරගේ පුතනුවන් වන ඉෂාර නානායක්කාර තම පියාගේ ව්‍යාපාරික අභාසයත් සමඟ ව්‍යාපාරික ලොවට පිවිසුනේ ය .තම තරුණ සමයේ පියාගේ අනුදැනුම මත ජපානය බලා පියාසර කළ ඉෂාර එහිදි තම පියාගේ ව්‍යාපාරයට අවශ්‍යය සහ සබැඳි සුවිශේෂී තාක්ෂණික කරුණු පිළබඳ තම දැනුම වඩා සවිමත් කරගත්තේ ය .පසුකලක ඕස්ට්‍රේලියාවේ Dandenong ව්‍යාපාරික පාසලෙන් ව්‍යාපාරික කළමනාකරණ උපාධියක් ලද ඉෂාර වර්තමානයේ මුල්‍යමය ,බැංකු ඇතුළු ක්ෂේත්‍ර කිහිපයකම තම අතුපතර විහිදුවමින් සිටි.

මුල්වරට 2002 දි LOLC අධ්‍යක්ෂ මණ්ඩලයේ තම අසුනේ හිඳගත් ඉෂාර, වර්තමානයේ එහි දියුණුව දක්වා ගත් සුවිශේෂී සහ විවාදසම්පන්න තීරණ කිහිපයකම මුලසුන හෙඹවුවේ ය. 2011 සිට 2018 දක්වා Orix finance හි නියෝජනය අධ්‍යක්ෂ ධූරය ඔහු විසින් දැරු අතර 2018 සැප්තැම්බර් හිදි සෙලාන් බැංකුවේ අධ්‍යක්ෂක මණ්ඩලයෙන් ඉවත්වන තුරුම ඔහු එහි ප්‍රධාන භූමිකාවක් රඟදැක්වූවේ ය .

2018 වසරෙදි 2002 සිට LOLC හි පැමිණි ගමනේ උච්චතම අවස්ථාවට පැමිණි අතර එහි මුල් පුටුව ලද ඉෂාර නානායක්කාර විසින් 2019 වසරේ අවසන් කාර්තුව වන විට LOLC හි සියලූම වත්කම් ට්‍රිලියන 1.008 දක්වා වර්ධනය කරගත්තේ ය. 2019 අවසන් සමයේ දි කොරියානු මුල්‍යමය ආයතනයක් LOLC හි විශාල මුදලක් ආයෝජන කිරීමත් සමඟ ඉෂාර නානායක්කාරගේ වත්කම් ප්‍රමාණය ධම්මික පෙරේරා අභිබවා ඉදිරියට විස්ථාපනය විය. ඔහුගේ වර්තමාන වත්කම ඇමෙරිකානූ ඩොලර් මිලියන් 575 කි එය ශ්‍රි ලංකා රුපියල් බිලියන 106 ට ආසන්න මුදලකි.

දක්ෂ ව්‍යවසායකයකු සහ පරිපාලකයකු වන ඉෂාර නානායක්කාර වර්තමානයේ SLINTEC හි ප්‍රධාන අධ්‍යක්ෂ ධූරය දරමින් සිටි.

Follow us on Instagram - https://www.instagram.com/legendsdiary_lk/

05/05/2021

මෙරට සංගීත කලාවේ යුග ගණනාවකට පසුව හැරි බලන විට වර්තමානයේ යූටියුබ් සහ ඩිජිටල් වේදිකාව මත සංගීතය සහ කලාවේ විකාශනය සිදුවන බව පැහැදිලි වේ.එම තාක්ෂණික සබැඳියාව නිසාවෙන්ම තරුණ පිරිස ඉතා සිඝ්‍රයෙන් තම සංගීත භාවිතය පුළුල් කරමින් සිටි. එලෙස මෙරට නව පරපුරේ සංගීතමය වේදිකාවේ නුතන තරුණ ජවය, කන්ද උඩරටින් පැමිණි තරුණයකු සතු වන අතර ඔහු නමින් ධනිත් ශ්‍රී .

මහනුවර විද්‍යාර්ථ විද්‍යාලයෙන් සහ කිංස්වුඩ් විද්‍යාලයෙන් මුලිල අධ්‍යාපනය ලබා පසුව පේරාදෙණිය ඉංජිනේරු පිඨයට ඇතුළු වු ධනිත් හැකියාවන් රැසක හිමිකරුවෙකි. ගායනය වාදනය දෙඅංශයේම නිපුණත්වයක් දරන ඔහු ,ඔහුගේ පාසලේ කීර්තිමත් ආදි සිසුවෙකි. කුඩා කල සිටම ගිටාරය සමඟ ගත කෙරු ඔහු දක්ෂ ගීත රචකයෙකි.ඔහුගේ " පන්දම " ගීතයේ පද රචනයද ඔහු සතු වේ.උසස් පෙළ සමයේ සිට ඔහුගේම ගීත රචනා සඳහා තනු නිර්මාණය කරමින් තමන්ට අනන්‍යය වු ශානරයක සංගීත රසාස්වාදයක් සඳහා වෙහෙසුනි.

" පන්දම " යනු ධනිත් ගේ සංගීත ජිවිතයේ විශාලතම හැරවුම් ලක්ෂයයි.2018 නිකුත් වු එය වර්තමානයේ නැරඹුම් මිලියන 2.5 ද ඉක්මවා තිබේ. එය ශ්‍රි ලංකාව වැනි රටක ගීතයකට ලැබිය හැකි විශාලතම ප්‍රචාරනයකි. " පන්දම " හරහා තම හැකියාව ජනගත කළ ධනිත් ඉන්පසුව වෙනස්ම මානයක ගීත සමඟ මෙරට රසික ප්‍රජාවට නවමු සංගීතමය අත්දැකීමක් ලබාදුනි.

විශාල රසික ප්‍රජාවක් වෙනුවෙන් තම සංගීතය ළඟා කරවීමට අවශ්‍යය වු ධනිත් වර්තමානයේ පවා එකිනෙකට වෙනස් ගීත සහ ගායනයන් තුළින් විවිධ අත්හදා බැලීම් තුළින් තම සංගීත ගමන යමින් සිටි. ඔහු මෙරට ප්‍රසංග වේදිකාවේද ප්‍රකට තරුවකි. භාතිය ජයකොඩිට අනුව පවා ධනිත් ශ්‍රි යනු හැකියාවන් විශාල ප්‍රමාණයක හිමිකරුවෙකි .

විශේෂිතම කරුණ වන්නේ ඔහු මෙරට තරගකාරීම අධ්‍යාපන රටාව වන උසස් පෙළ ගණිත අංශයෙන් විශිෂ්ඨතම ප්‍රතිඵල ලබා ,පේරාදෙණිය ඉංජිනේරු පිඨයේ ශිෂ්‍යයකු විමයි. සෑම තරුණයකුට ධනිත් ශ්‍රී ආදර්ශයක් වන්නේ මෙම සුවිශේෂී හැකියාව නිසාවෙනි.

කලාව සහ අධ්‍යාපනය යනු ජිවිතය නම් තුලාව සමබර වීමේ අවශ්‍යයතාව බව ඔහුගේ ජිවිතයෙන් ලබා ගත හැකි විශාලතම පාඩමයි.

Follow us on Instagram -
https://www.instagram.com/legendsdiary_lk/

05/05/2021

දරුවන් එකළොස් දෙනෙකු සමඟ වැන්දඹු වූ කාන්තාවකගේ බාලම දරුවා ඔහුවිය.කුඩා කල සිට ඉදිරිපත් වීමේ ගුණය සහ ශූර කථිකත්වයෙන් හෙබි මේ කුඩා කොලු ගැටයා ,අවුරුදු දහනමයේ දි බාල තම්පෝ නම් විශිෂ්ඨ වෘත්තීය සමිති නායකයාගේ ඇසුරට වැටුනි. එතැන් සිට එකිනෙකට ස්වායත්ත විෂය ක්ෂේත්‍ර කිහිපයක සිය පරිචිය මැනවින් විදහා දැක්වූ ඔහු නමින් ජෝසප් ෆිලිප් පීටර් ජූලියන් ඩී අල්මේදා නොහොත් පීටර් අල්මේදා.

සාම්ප්‍රදායික කතෝලික පවුලක දාව උපත ලද පීටර් අල්මේදා පෙර කී පරිදි විශාල විස්තෘත පවුලක බාල කොලු ගැටයා විය. තමන්ගේ දිවියේ සිව් වන වසර පසුකරන විට සිය පිය සෙනෙහස අහිමි වූ පීටර් ඉන්පසුව සිය මවගේ සහ සහෝදරයන්ගේ උදව්වෙන් ඉගෙනීමේ කටයුතු සඳහා යොමු විය. පසුව බැංකු ක්ෂේත්‍රය හරහා තාක්ෂණික සමාගම් සමඟ එක්වූ පීටර අල්මේදා අදටත් සැලකෙන්නේ.මෙරට බිහිවූ දක්ෂතම පරිපාලකයෙකු ලෙසයි .නිර්මාණශීලීත්වය සහ අලුතෙන් සිතිම පිළිබඳ නිතරම අදහස් පළ කරන ඔහූ බොහෝ තරුණයන් සඳහා සිය සමාගම් හි රැකියාව විවෘත කරන්නාවූ නායකයෙකි.

ප්‍රකට රිචර්ඩ් සොයිසාගේ පියානන් වූ ලූෂන් සොයිසාගේ ඉල්ලීම මත වේදිකා රංගනයට දායකත්වය දැක්වූ පීටර් පසුව රීදි තිරය හරහාද සිය රංගන ප්‍රතිභාව ඉදිරිපත් කරන්නට සමත් විය. ඉර මැදියම හරහා රසික ආදරය දිනාගත් ඔහූ වඩා ජනප්‍රිය වූවේ කුඹියෝ හි මල්දෙණිය චරිතයෙනි.

වර්තමානයේ බොහෝ සමාජ දැනුවත් කිරීම් වැඩසටහන් සඳහා සිය සම්පත් දායකත්වය සපයන ඔහුව වර්තමානයේ තරුණ පරපුර අතර පවා එතරම් ප්‍රසිද්ධ ද යන්න විවාදසම්පන්න කරුණකි. ඔහු වැනි මිනිස්සූන්ගෙන් විශේෂයෙන්ම තරුණ ප්‍රජාව අවශ්‍යය දැනුම හෝ අත්දැකීම උකගා ගන්නේ නම් රටක් වශයෙන් අපට තවත් බොහෝ ඉදිරියට යාහැකි බව සහතික කරුණකි.

Follow us on Instagram - https://www.instagram.com/legendsdiary_lk/

04/05/2021

03/05/2021

ලෝර්ඩ්ස් පිටිය මැද සිටගෙන සිටින පැහැපත් යොවුන් පිතිකරුවෙකි.ඔහුගේ තියුණු දෑසේ පසුනොබැසීමේ සේයාවකි. තම රට ටෙස්ට් ක්‍රීඩාවට ආධුනිකයකු වුවද ,ඔහුට ඔහුගේ දෑස සහ පිත්ත විශ්වාසයි. දේහදාරි ඉංග්‍රීසි පන්දුයවන්නන්ගේ පන්දූ බොහෝමයක් මීට වසර 38 ට පෙර ලෝර්ඩ් හතරේ සීමාවින් එපිටට තල්ලූ කර දැමූ ඔහූ නමින් සිදත් වෙත්තමුණි විය.

එකල ඔහුගේ මෙකී ප්‍රකට ලෝර්ස් ඉනිම නිසාවෙන් එම වසරෙ විස්ඩන් සඟරාවේ මුල් පිටුව සැරසීමේ භාග්‍යය ලද සිදත් සැලකෙන්නේ මෙරටින් පූර්ව ටෙස්ට් යුගයේ බිහිකළ විශිෂ්ඨතම පිතිකරුවා ලෙසයි. ඉක්මනින් පන්දුව දැකීම සහ හිදැස් අතරට කල් මැනීමෙන් පන්දුව තල්ලූ කරහරින සිදත් එකල නැරඹිමට ප්‍රිය පිතිකරුවකු විය. ටෙස්ට් ක්‍රීඩාවටම උචිත පිතිකරණ ස්භාවයක් තිබූ වෙත්තමුණි ලෝර්ස් හි ලැබූ ලකුණු 190 ඉනිමේ අදටත් කතාබහට ලක්වන ඉනිමකි. වරක් මෙරට ක්‍රිකට් හි සදාකාලික දිරිගන්වන්නා වන "පර්සි අබේසේකරයන් " පැවසුවේ.

" ලස්සනට ඩ්‍රයිව් එක ගහන අයට අපි ඒ කාලේ කියන්නේ කාර්පට් ඩ්‍රයිව් ගහනවා කියලා .ඒත් 83 දි සිදත්ගේ 190 ඉනින්ස් එකේ තිබුනේ නිකන් කාර්පට් ඩ්‍රයිව්ස් නෙවෙයි.රෙඩ් කාර්පට් ඩ්‍රයිව්."

සිය ආදරණිය පියාණන්ගේ මඟපෙන්වීම යටතේ තම සහෝදරයන් දෙදෙනා වූ සුනිල් සහ මිත්‍ර සමඟ කොළඹ ආනන්ද විදුහලෙන් ක්‍රීඩාව ඇරඹූ සිදත් ,ඕනෑම තණනිල්ලක ඉවසීමෙන් පන්දුවට පහර දෙන ක්‍රීඩකයෙකි. විශේෂයෙන්ම එංගලන්තය වැනි අධික දෝලනයක් සහ මාරාන්තික ඉපිලිමක් සහිත තණනිලිවල පවා ඔහූ නිර්භයව පන්දුවට පහර දුන්නේ ය. අද ක්‍රිකට් ක්‍රීඩාව පිතිකරුවන්ගේ ක්‍රීඩාවක් වුවද එකල එය 50% 50% තරගයක් විය.

කෙසේ හෝ එකල වෘත්තීමය මට්ටමක් නොතිබු ක්‍රිකට් ක්‍රීඩාවෙන් වයස 30 පමණ වන විට සමුගත් සිදත් ,පසුව සිය ව්‍යාපාර සඳහා අවධානය යොමුකළේ ය. ඔහු අදටත් මෙරට සාර්ථක ව්‍යාපාරික පෞරුෂයකි. මුල්යුගයේ ඔහූ මහරාජා ආයතනයේ සේවය කළේ ය. ක්‍රීඩාවෙන් විශ්‍රාම ගත් පසු සක්‍රීය ලෙස ක්‍රිකට් පරිපාලනයට සම්බන්ධ වූ වෙත්තමුණි ,96 ලෝක ශුර කණ්ඩායමේ ද පරිපාලකයකු වශයෙන් කටයුතු කළේ ය.

ඉතා සුන්දර මනුෂ්‍යත්වයෙන් පිරි මිනිසකු වන සිදත් වෙත්තමුණි ,බොහෝ සමාජ සුබසාධන ක්‍රියාවන් හරහා විශේෂයෙන්ම මෙරට පාසල් දරුවන්ට උදව් කරමින් සිටි.
ඔබට අදත් ලෝර්ඩ්ස් ක්‍රීඩාගාරයට පිවිසිය හැකිනම් එහි නාම පුවරුවේ සිදත් වෙත්තමුණි නාමය හඳුනාගැනිම අපහසු නොවනු ඇත.