වංශය - Wanshaya (2026)

02/06/2026

🏛️ Númenor හි නැගීම සහ බිඳ වැටීම
2 කොටස - අඳුරේ සෙවනැලි

පලමු නූමනෝර නෞකාව මධ්‍යම පෘථිවිය වෙත යාත්‍රා කෙරුවේ Tar-Elendil රජුගේ යුගයේදීයි. ඔහුගේ දියණිය Silmariën වුනු අතර ඇයගේ පුත් Valandil, Andúnië හි පලමු පාලකයා වුනා.

++++++++++++++++++++++++++++++++++++

⛵ Andúnië හි පාලකයන් පිලිබඳ:

Andúnië කියන්නෙ Numenor හි බටහිරින් පිහිටල තිබුන නගරයක්. Elf ල නිතරම පැමිණීම නිසා මේ නගරය Numenor හි විශාලම සහ වැදගත්ම නගරය වුනා. දෙ. යු. 630 වෙනි අවුරුද්දෙදි Tar-Elendil රජු විසින් ඔහුගේ මුණුබුරු Valandil ව මෙම නගරයෙහි පාලකයා ලෙස නම් කලා. ඔහුගේ වංශය සහ Andúnië හි ජනතාව නූමනෝර් බිඳ වැටුනු දිනය දක්වාම elf ලට පක්ෂපාතීව ජීවත් වුනා. Valandil ගෙන් තමයි ඉතිහාසයේ වැදගත්ම පුද්ගලයෙක් වුන Elendil (Isildur ගේ පියා) පැවත එන්නෙ.

++++++++++++++++++++++++++++++++++++

නූමනෝරයන් දිගින් දිගටම යුධ බලයෙන්, දැනුමෙන්, ප්‍රඥාවෙන්, කෞශල්‍යයෙන්, සහ සියලු සැප සම්පත් වලින් සශ්‍රීක රාජ්‍යයක් බවට පත් වුනා. 11 වෙනි රජු වුන Tar-Minastir ගේ පාලන සමයේදී තමයි Numenor මතට අඳුරේ බැල්ම වැටෙන්න පටන් ගත්තෙ. ඔහු තමයි මුල් වරට Middle Earth වෙත යුධ ආධාර ලබා දුන් Numenor පලකයා වුනේ. ඒ සෞරොන්ට විරුද්ධව Gil-Galad හට උපකාර කිරීමටයි. Tar-Minastir යනු elf ලව ප්‍රිය කල පුද්ගලයෙක් වුනත් elf ලගෙ අමරණීයත්වය නිසා ඔහු එල්ෆ් ලට ඊර්ෂ්‍යා කලා. දෙවන යුගයේ මැද බාගය වෙන විට විශිෂ්ට නාවික රාජ්‍යයක් බවට පත් වී සිටි නූමනෝරයන් නැගෙනහිර මුහුද සම්පූර්ණයෙන්ම පාහේ ගවේෂකණය කර තිබුනා. ඉන් නොනැවතුනු ඔවුන් බටහිර මුහුදේ ඔවුන්ට තහනම් ප්‍රදේශයන් වෙතටද බැල්ම යොමු කරන්න පටන් ගත්ත.

කාලයත් සමඟ Tar-Minastir බලය සහ ධනය වෙනුවෙන් කෑදර වෙන්නට වුනා. Middle Earth හි පිහිටුවා තිබුන Numenor වරායවල් කෙමෙන් බලකොටු බවට පත් වුනා. Tar-Atanamir ගේ පාලනය යටතේ නූමනෝරයන් විසින් Middle Earth හි ජනතාවගෙන් අධික ලෙස බදු සහ කප්පම් ලබාගැනීමට පෙලඹුන අතර මේ මගින් වසර ගණනාවක් පුරාවටම නූමනෝරයන් විශාල ධනයක් රැස්කර ගත්ත. Atanamir තමයි Valar වරුන්ට එරෙහිව ප්‍රසිද්ධියේ හඬ නැංවූ මුල්ම පාලයකා වුනේ. Elf ලට උරුම අමරණීයත්වය ඔවුන්ටත් උරුම විය යුතු බවටත්, Valar වරුන් ඔවුන්ව පීඩාවට පත් කරන බවටත් ඔහු චෝදනා නැගුවා. ඔහුගේ මේ ක්‍රියා කලාපය නිසා Numenor හි ජනතාවගේ හදවත් තුල මරණය පිලිබඳ තිබුන බිය තව තවත් ගැඹුරු වුනා. මේ අනුව Numenor හි ජනතාව දෙපිලකට බෙදුන. එක් පසෙකින් රජුගේ වංශය සහ රජුව අනුගමනය කල ජනතාවත්, තව පසෙකින් වලාර් වරුන්ට සහ එල්ෆ් ලට පක්ෂපාතී ජනතාවත් වුනා. රජුගේ පක්ෂය ප්‍රසිද්ධියේම වලාර් වරුන්ට සහ එල්ෆ් ලට විරුද්ධ වුන අතර, අනික් පක්ෂය අවසානය තෙක්ම වලාර් වරුන්ට සහ එල්ෆ් ලට පක්ෂපාතී වුන නිසා මොවුන්ව "පක්ෂපාතීන්" (Faithful) ලෙස හැඳුන්වුනා.

රජවරුන් විසින් කෙමෙන් කෙමෙන් එල්ෆ් ල විසින් ඔවුන්ට ඉගැන්වූ Quenya භාෂාව භාවිතය අත හැරිය. Numenor හි විසි වෙනි රජු Quenya භාෂාව සම්පූර්ණයෙන්ම තහනම් කොට නූමනෝර් භාෂාවට අනුව Ar-Adûnakhôr යන නම ආරූඪ කරගත්ත. මේ නමේ අර්ථය වුනේ "බටහිර අධිපතියා" යන්නයි. පක්ෂපාතීන් විසින් රජු මෙවැනි නමක් ආරූඪ කරගැනීම මහා අභාග්‍යයක් ලෙසයි සැලකුවෙ. මොකද "බටහිර අධිපති" යන නම වලාර් වරුන්ගේ පාලකයා වුන Manwe සහ සියළුම එල්ෆ් වරුන්ගේ රජු වුන Ingwe ව හැඳීන්වීමට පමණක් භාවිතා වුන කීර්ති නාමයක් වුන නිසා. ඔවුන් බිය වුන ලෙසටම Ar-Adûnakhôr පක්ෂපාතීන්ව සහ Quenya භාෂාව භාවිත කරන ඕනම අයෙක්ව ප්‍රසිද්ධියේම ඝාතනය කරන්න තීරණය කෙරුව. මේ අනුව එල්ෆ් ල Numenor වෙත පැමිණීම සදහටම නතර කෙරුව.

කෙසේ නමුත් නූමනෝරයන් දිගටම බලයෙන් ඉහලට ගියා. නමුත් ඔවුන්ගේ සිත් තුල මරණයට ඇති බිය වැඩි වීමත් සමඟ ඔවුන්ගේ ආයු කාලය කෙමින් කෙමින් අඩු වන්නට වුනා. අතීත රජවරුන්ගේ පිලිකුල් සහගත පාලන ක්‍රමය පිලිබඳ කලකිරුනු Tar-Palantir රජු විසින් නූමනෝරයට වැදී තිබුන ශාපයෙන් රාජ්‍යය ගලවාගැනීමට උත්සාහ කලත් නූමනෝර් ජනතාවගෙන් බොහෝ පිරිසක් ඔහුට විරුද්ධ වී කැරලි ගැසීමට වුනා. මේ සියළු කැරලි වලට සුප්‍රසිද්ධියේ නායකත්වය සැපයූ මොලකාරයා වුනේ ඔහුගේම බෑණනුවන් වුන Ar-Pharazôn යි. Tar-Palantir ගේ අභාවයෙන් පසුව නූමනෝර් නීතියට අනුව ඔහුගේ දියණිය වුන Miriel හට කිරුළ හිමිවීමට තිබුනත් Ar-Pharazôn විසින් ඇයට උරුම බලය පැහැරගත්තා පමණක් නොවෙයි බලහත්කාරයෙන්ම ඇයව විවාහ කරහත්ත. "ස්වර්ණමය Ar-Pharazôn" (Ar-Pharazôn the Golden) තමයි ඔහුව හැඳුන්වුනු කීර්ති නාමය වුනේ. මිනිස් ඉතිහාසයේ වඩාත් ගාම්භීර සහ බලවත් රජු වුනේ ඔහුයි. මුළු ලෝකයටම රජු වීම තමයි ඔහුගේ එකම ආශාව වුනේ.

To be continued...

Part 1 - https://www.facebook.com/share/p/18p8eJEngo/

#වංශය

25/05/2026

Nov 11 2026
Exclusive On Amazon Prime

23/05/2026

JRR Tolkien කවදාවත් තමන්ගෙ Legendarium එක හරහා තමන්ව ලෝකයක් නිර්මාණය කරපු කෙනෙක් විදිහට හැඳින්වුවෙ නැහැ. මෙයා තමාව හඳුන්වාදුන්නේ පරිවර්තකයෙක් විදිහට. The Hobbit, The Lord of the Rings, The Silmarillion වගේ හැම පොතක්ම "තමන් විසින් ඉංග්‍රීසියට පරිවර්තනය කරපු කතා" විදිහටයි JRR Tolkien ලෝකයට ඉදිරිපත් කලේ. එතකොට මොකක්ද මේ පොත් වල මුල් මූලාශ්‍රය වෙන්නෙ?

Bilbo Baggins කියන්නෙ තමන්ගෙ වීරක්‍රියාවන් ගැන බොහොම ගැඹුරු සහ පැහැදිලි සටහන් තියාගෙන හිටපු කෙනෙක්. මෙයා මෙයාගෙ Erebor වල වීර චාරිකාව ලියපු දිනපොත හැඳින්වුවෙ "වෙස්ට්මාර්ච් හි රතු ග්‍රන්ථය"(Red Book of Westmarch) කියල. මේ පොතේ මෙයා ලියපු මෙයාගෙ එරෙබෝර් චාරිකාවට නම් (titles) කිහිපයක්ම මේ මුල් පොතේ ලියල තිබුන. ඒ අතරින් අවසන් නම තමයි "𝚃𝙷𝙴𝚁𝙴 𝙰𝙽𝙳 𝙱𝙰𝙲𝙺 𝙰𝙶𝙰𝙸𝙽." කියන්නෙ.

Bilbo Shire අත ඇරල Rivendell වලට යද්දි මේ මුල්ම Red Book එක Frodo ට බාර දෙනව. නමුත් මෙයා යන්නෙ හිස් volume තුනක් අරගෙන. Bilbo Rivendell වල ඉන්න කාලෙ Elf ලගෙන් පලමු යුගය ගැන කතන්දර ගොඩක් ඉගෙනගන්නව. ඒ දැනුම එක්ක Elf ල Quenya සහ Sindarin භාෂා වලින් ලියල තිබුන අත් පිටපත් සටහන් පෙරල පෙරල Bilbo මේ හැම එකක්ම Middle Earth වල පොදු භාෂාව වුන Westron භාෂාවට පරිවර්තනය කරනව. මුද්ද විනාශ කරල Rivendell වලට ආපු Frodo ආපහු Shire වලට යන්න පිටත් වෙන මොහොතෙදි Bilbo මේ volume තුන Frodo ට තෑගි කරනව.

Frodo Shire වල ඉන්න කාලෙදි 𝚃𝙷𝙴 𝙳𝙾𝚆𝙽𝙵𝙰𝙻𝙻 𝙾𝙵 𝚃𝙷𝙴 𝙻𝙾𝚁𝙳 𝙾𝙵 𝚃𝙷𝙴 𝚁𝙸𝙽𝙶𝚂 𝙰𝙽𝙳 𝚃𝙷𝙴 𝚁𝙴𝚃𝚄𝚁𝙽 𝙾𝙵 𝚃𝙷𝙴 𝙺𝙸𝙽𝙶 නමින් Frodo ගෙ චාරිකාව ගැන කොටසක් මේ පොතට එකතු කරනව. Frodo Valinor වලට ගියාට පස්සෙ Samwise තමයි මේ පොත ලියල ඉවර කරන්නෙ. මේ පොතට Arnor, Gondor, සහ Rohan ගැන ගොඩක් විස්තර එකතු කරන්නෙ Merry සහ Pippin. Elessar රජතුමාද (Aragorn) Gondor ඉතිහාසය ගැන සමහර කතා එකතු කරන්න දායක වුනා. Sam Valinor වලට පිටවෙන්න කලින්, හතරවෙනි යුගයේ 61 වෙනි අවුරුද්දෙදි මේ පොත මෙයාගෙ වැඩිමල් දියණිය වුන Elanor Fairbairn ට ලබා දෙනව. මෙතැන් පටන් මේ Red Book එක බාර වෙන්නෙ Elanor ගෙ පරම්පරාව වුන Fairbairn පරම්පරාවට.

Note: Elanor ගෙන් පැවත ආපු Sam ගෙ පරම්පරාවට Fairbairn කියන නම ලැබුනෙ Elanor ට පිහිටා තිබුන "එල්ෆ් ලට සමාන සුන්දරත්වය" Elanor ගෙ හැම පැවත එන්නෙක්ටම පිහිටා තිබුන නිසා.

Fairbairn ල විසින් පොතේ එන Hobbit චරිත, ස්ථාන, සහ වෙනත් දේවල් ගැන අටුවාවන් සහ විවරණ ඇතුලත් තවත් volume එකක් මේ පොතට එකතු කලා. Sam ගෙ පරම්පරාවෙ සාමාජිකයන් විසින් පසු කාලෙදි අලුත් කරුණු සහ සමහර නිවැරදි කිරීම් එක්ක පොතේ විවිධ පිටපත් නිර්මාණය කලා. ඒකෙන් වැදගත්ම පිටපත තමයි "Thain's Book" කියන පිටපත.

Thain's Book කියන්නෙ මොකක්ද?

Elessar රජු (Aragorn) Minas Tirith වල හිටපු Hobbit ලගෙන් මේ Red Book එකේ පිටපතක් ඉල්ලනව. මේ ඉල්ලීමට අනුව Fairbairn ල විසින් Red Book එකේ සම්පූර්ණ පිටපතක් එකලස් කරනව. (මේක තමයි පොතේ මුල්ම පිටපත) මේ කාලෙදි Shire වල Thain වුන Peregrin Took (Pippin) තමයි මේ පොත Elessar රජුට පිරිනමන්නෙ. (Thain's Book කියන නම වැටුනෙ මේ නිසා) Gondor වල විද්වතුන් විසින් මේ පොතේ තිබුන Elvish නම්, ගම් සහ සිදුවීම් ඇතුළු පොඩි පොඩි අඩුපාඩු නිවැරදි කරල, Frodo ගෙ පෞද්ගලික අත්දැකීම් වලට එපිටින් තිබුන තවත් කතා ඇතුලත් කරනව. මේ අතරින් විශේෂම කතාවක් තමයි Faramir ගේ මුණුබුරා වුන Barahir විසින් රචනා කරපු Aragorn සහ Arwen ගේ කතන්දරය වුන 𝚃𝙷𝙴 𝚃𝙰𝙻𝙴 𝙾𝙵 𝙰𝚁𝙰𝙶𝙾𝚁𝙽 𝙰𝙽𝙳 𝙰𝚁𝚆𝙴𝙽 කියන කතන්දරය.

මේ අවසන් යාවත්කාලීන කිරීම තමයි Red Book එකේ අත්‍යන්ත (Ultimate) සහ සම්පූර්ණම සංස්කරණය (Edition) වෙන්නෙ. පසු කාලෙදි මේ Thain's Book පොතේ සම්පූර්ණ පිටපත් දෙකක් නිර්මාණය වෙනව. එකක් පිපින් ගේ මුණුබුරා විසින්. අනික හතරවන යුගයේ 172 අවුරුද්දෙදි Elessar රජුගේ ලිපිකරු වෙන Fendegil විසින්. Fendegil විසින් රචනා කරපු පිටපත Took පවුලෙ මහ ගෙදර වෙන Great Smials කියන නිවසට රැගෙන යනව. මේ Great Smials කියන නිවස තමයි Shire වල තිබුන විශාලම සාහිත්‍යමය එකතූන් තිබුනෙ. Middle Earth වල ඉතිහාසය ගැන බොහොම වටිනා පුස්ථක, සටහන්, සහ අත් පිටපත් (manuscripts) විශාල සංඛ්‍යාවක් ගබඩා කරල තිබුන තැනක්. Elendil ගේ පරපුර සහ Numenor පිලිබඳ පුළුල්ම සටහන් තිබුනෙ මෙතන.

JRR Tolkien කියන අන්දමට මේ Great Smials වල සුරක්ෂිතාගාරයක තිබුන Thain's Book ඇතුළු අත් පිටපත් Tolkien ට අහම්බෙන් හම්බෙනව. මෙයා මේ Thain's Book කියන සංස්කරණයේ ඉංග්‍රීසි පරිවර්තනයන් තමයි The Silmarillion, The Lord of the Rings, සහ The Hobbit විදිහට ප්‍රකාශ කරන්නෙ.

මේ පොතේ 𝚃𝙷𝙴𝚁𝙴 𝙰𝙽𝙳 𝙱𝙰𝙲𝙺 𝙰𝙶𝙰𝙸𝙽 කොටස The Hobbit: There and Back Again විදිහටත්, 𝚃𝙷𝙴 𝙳𝙾𝚆𝙽𝙵𝙰𝙻𝙻 𝙾𝙵 𝚃𝙷𝙴 𝙻𝙾𝚁𝙳 𝙾𝙵 𝚃𝙷𝙴 𝚁𝙸𝙽𝙶𝚂 𝙰𝙽𝙳 𝚃𝙷𝙴 𝚁𝙴𝚃𝚄𝚁𝙽 𝙾𝙵 𝚃𝙷𝙴 𝙺𝙸𝙽𝙶 කොටස The Lord of the Rings විදිහටත්, 𝚃𝚁𝙰𝙽𝚂𝙻𝙰𝚃𝙸𝙾𝙽𝚂 𝙵𝚁𝙾𝙼 𝙴𝙻𝚅𝙸𝚂𝙷 කියන කොටස The Silmarillion විදිහටත් පරිවර්තනය කරනව.

JRR Tolkien මේ විදිහෙ සංකල්පයක් නිර්මාණය කලේ Tolkien ගෙ Legendarium එක අපේ ලෝකෙම මනඃකල්පිත ඉතිහාසයක් විදිහට ලියවුන කතාවක් නිසා. හරියට ග්‍රීක මිත්‍යා, බයිබලය, සහ මහාබාරතය වගේ. නමුත් මේ ඉතිහාසය Tolkien විසින් නිර්මාණය කරන ඉතිහාසයකට වඩා කතාව ඇතුලෙ ජීවත් වෙන චරිත විසින් නිර්මාණය කරපු අත් පිටපත් වල එකතුවන් විදිහට ඉදිරිපත් කිරීමේ අව්‍යාජත්වයක් තියෙන නිසා JRR Tolkien මේ වගේ සංකල්පයක් ගොඩනගන්නට ඇති.

The Lord of the Rings: The Fellowship of the Ring පොතේ "පෙර වදන" කොටසෙ තමයි JRR Tolkien විසින් මේ කතාව Red Book එකේ පරිවර්තනයක් විදිහට හඳුන්වාදෙන්නෙ. කොහොම නමුත් Tolkien Westron ඇතුළු Arda වල භාෂාවන් ඉගෙනගත්තෙ කොහොමද කියල නම් පැහැදිලිකිරීමක් අපිට ලබාදීල නැහැ.

#වංශය

23/05/2026

ඔයාලා කැමතිම සටන මොකක්ද මේ අතරින් , අනිවාර්‍යෙන් පහල කමෙන්ට් එකක් දාගෙන යන්න

22/05/2026

🏛️ Númenor හි නැගීම සහ බිඳ වැටීම
1 කොටස - උප්පත්ති කතාව
Númenor කියන්නෙ මිනිස්සුන්ගෙ තිබුන ශ්‍රේෂ්ටතම රාජධානිය. Númenor කියන්නෙ බොහොම පොහොසත් ඉතිහාසයක් තිබුන රාජධානියක්. මේ ශ්‍රේෂ්ට රාජධානියේ නැගිටීමේ සිට බිඳවැටීම දක්වා කාලානුරූපව ඉතිහාසය ඉදිරිපත් කිරීමක් තමයි මේ ලිපි මාලාවෙන් කරන්නෙ. පලවෙනි කොටසෙන් Númenor බිහිවුන ආකාරය තමයි ඉදිරිපත් කරන්නෙ.
(Note: මේ post series එක "The Lord of the Rings: Appendix A: 1-THE NÚMENÓREAN KINGS" කියන කොටසෙ සාරාංශයක්.)
Númenor රාජධානියේ කතාව පටන් ගන්නෙ Feanor විසින් Silmaril මැණික් නිර්මාණයත් සමඟයි. Feanor ගෙ Silmaril මැණික් සහ Morgoth ව විශ්වාස කිරීම නිසා Noldor ල සහ Valar ල අතර අසමගියක් ඇති වෙලා Morgoth විසින් හොරකම් කරපු Silmaril මැණික් හොයාගෙන Noldor නිවාසයන් දෙකක් Middle Earth වලට එනව. ඒ ලෝකයේ මුල්ම හිරු උදාවටත් පෙරයි.
මිනිස්සුන්ගෙ බිහිවීම සිදුවෙන්නෙ පලවෙනි යුගයේ මුල්ම හිරු උදාවත් එක්ක. Middle Earth හි ජීවත් වුන Avari elf ල තමයි මෙයාලගෙ මුල්ම ගුරුවරු වුනේ. Middle Earth වලට ආපු Noldor ල අතරින් Galadriel ගේ අයියා, Nargothrond හි මහ රජු උන Finrod Felagund තමයි මුලින්ම මිනිස්සුන්ව හොයාගන්නෙ. Ossiriand වල දඩයමේ ගිහින් හිටපු Finrod ට අහම්බෙන් Bëor the Old සහ මෙයාගෙ මිනිස්සු හිටපු කඳවරු හමුවෙනව. මිනිස්සු නිදන් ඉන්න අතරෙ රහසින්ම මේ කඳවුරට ඇතුළු වුන Finrod, Bëor ගෙ රළු වීනාව අරගෙන වාදනය කරනව. Finrod ගෙ වීනා වාදනය මොන තරම් මිහිරිද කියනව නම් වීනා සද්දෙට ඇහැරුන මිනිස්සු හිතුවෙ මෙයා දෙවි කෙනෙක් කියල.
මිනිස්සුන්ට ඇලුම් කරපු Finrod, Bëor ගෙ ජනතාවට තමන් ගෙනා දැනුම බෙදා දුන්න. Bëor ගෙ වංශය තමයි High-elf ල විසින් Edain කියන නම ලබාදුන් මිනිස්සුන්ගෙ කුලීන වංශ තුනෙන් මුල්ම වංශය උනේ. Edain කියන්නෙ Sindarin භාෂාවෙ වචනයක්. මේ වචනෙ අර්ථය "මිනිසුන්" කියන එක. මේ නිසා Sindar එල්ෆ් ල පොදුවේ මිනිසුන්ට Edain කිව්වත්, High-elf ල විසින් Edain (Quenya: Atani) විදිහට හැඳින්වුවෙ තමන් සමඟ මිතුරු වුන වංශ තුනක් විතරයි.
Bëor ගෙ ජනතාව Noldor ල වගේම උස, ශක්තිමත්, කලු හිසකෙස් තිබුන මිනිස්සු වර්ගයක්. මෙයාල Finrod ඇතුළු Finarfin වංශයට ඉතාම පක්ෂපාතියි. දෙවෙනි Edain වංශය වුනේ Haleth නම් මිනිසෙකු විසින් පාලනය කරපු Haladin වංශය. මෙයාල අනික් වංශ දෙකට වඩා තරමක් දුර්වල සහ සරල ජීවිතයක් ගෙවපු කොට්ඨාසයක්. යුද්ධ වලට වැඩිය සහභාගී නොවුන Haladin ල, Thingol ගෙ අවසරය මත Doriath හි කොටසක් වුන Brethil වනයේ ජීවත් වුනා. තුන් වෙනි සහ වඩාත් දරුණුම වංශය වුනේ Hador වංශය. Bëor ගෙ වංශයෙන් පැවත ආ මෙයාල Vanyar elf ල වගේ උස, රන් හිසකෙස් පිහිටපු අය. අනික් වංශ දෙකටම වඩා ශක්තිමත් සහ දරුණු මෙන්ම, විශාල ජන සංඛ්‍යාවක් හිටපු මෙයාල තමයි Edain ල අතරින් යුද්ධ වලට වැඩිපුරම සහභාගී වුනේ. මෙයාල Fingolfin සහ Fingon ට බොහොම පක්ෂපාතී වුනා.
මුල්ම වංශයේ පාලකයෙක් වුන Barahir ගෙ පුත්‍රයා තමයි Beren කියන්නෙ. Barahir ගෙ මරණයෙන් පස්සෙ Doriath වලට ආපු Beren ට Elu Thingol මහ රජුගෙ දියණිය වෙන Luthien ව මුනගැහෙනව. මේ දෙන්නගෙ සම්බන්ධයට වැඩි කැමැත්තක් නොදක්වපු Thingol විසින් Beren ට අභියෝගයක් බාර දෙනව. ඒ Morgoth ගෙ ඔටුන්නෙන් Silmaril මැණිකක් ගලවගෙන ඒම. මේ අභියෝගය සාක්ෂාත් කරගත්තොත් Luthien ව බාර දෙන බවට Thingol පොරොන්දු වෙනව. Beren මේ කාර්යය ඉටු නොකරාවි කියල Thingol හිතුවත් Finrod සහ Luthien ගෙ උපකාරය ඇතුව Beren මේ අභියෝගය සම්පූර්ණ කරනව. මේ අනුව එල්ෆ් සහ මනුස්සයන් අතර සිදු වුන මුල්ම එකතුව සිදු වෙනව. (Beren සහ Luthien කතාවෙ ගැඹුරු විස්තර මෙතන කියන්නෙ නැහැ දිග වැඩි වෙන නිසා)
Beren සහ Luthien ගේ දරුවා තමයි මුල්ම අර්ධ එල්වයා (Half-elf) වුන Dior. Dior ට දරුවන් තුන් දෙනෙක් හිටිය. මේ අතරින් වැදගත්ම කෙනා වෙන්නෙ (Half-elf) Elwing. Elwing ගේසැමියා වුනේ, Edain වංශයන් තුනෙන්ම පැවත එන්නෙකු වුන (Half-elf) Eärendil. Eärendil ගේ දෙමව්පියන් වුනේ Hador වංශයේ Tuor නම් මනුස්සයා සහ Gondolin හි Turgon රජුගේ දියණිය වුන Idril. Elwing සහ Eärendil කියන Half-elf ල දෙන්නට දාව නිවුන් දරුවන් වුන Elrond සහ Elros උපදිනව.
Beren සහ Luthien රැගෙන ආ Silmaril මාණික්‍යය ඔබ්බවමින් Thingol මහරජු විසින් කුරුමිට්ටන් ලව්වා Nauglamir නම් මාලයක් නිර්මාණය කරනව. මේ මාලය නිසා තමයි කුරුමිට්ටන් Thingol ව ඝාතනය කිරීමත් සමඟ (Sindar) elf ල සහ කුරුමිට්ටන් අතර ජන්මාන්තර වෛරය ඇතිවෙන්නෙ. Thingol ගෙ මරණයෙන් පස්සෙ මේ මාලය Luthien ටත්, Luthien ගෙන් Dior ටත්, Dior ගෙන් Elwing ටත් අයිති වෙනව.
Doriath විනාශයෙන් ගැලවුන Elwing, මාලයත් සමඟ Sirion කපොල්ලේ ජීවත් වෙන බව දැනගත් Feanor ගේ දරුවන් හත් දෙනාගෙන් ඉතිරි වී සිටි හතර දෙනා වුන Maglor, Maedhro සහ Amrod/Amras එකතු වෙලා තුන්වෙනි ඥාති ඝාතනය අරඹමින් Sirion වෙත පහර දෙනව. මේ යුද්ධයෙන් Amrod සහ Amras මිය යනව. Silmaril මැණික Feanor ගෙ දරුවන් අතට යාම වලක්වන්න Elwing මාලයත් කරේ දාගෙන මුහුදට පනිනව. Eärendil ද තමන්ගෙ නැවත් සමඟ Sirion වෙතින් පිටවෙනව. මේ දෙන්න දුෂ්කර ගමනකින් පස්සෙ Aman වෙත ගොඩබැහැල Morgoth ට එරෙහිව සටන් කරන්න Valar ලගෙන් උදව් ඉල්ලනව.
යුද්ධයෙන් පස්සෙ තනිවුන අවුරුදු 6ක් වුන කුඩා Elrond සහ Elros ව Feanor ගේ දරුවන්ගෙන් ඉතිරිවුන අවසන් දරුවන් දෙදෙනා වුන Maglor සහ Maedhros විසින් හදාවඩාගන්නව. Eärendil ගෙ ඉල්ලීම පිලිගත් Valar වරු විසින් Manwe ගෙ රාජදූතයා වුන Eönwë නම් Maia වරයා ප්‍රමුඛව, සෑම Elf කෙනෙක්ගෙම මහ රජු වුන Vanyar මහ රජු Ingwë ගේ පුත් Ingwion යටතේ Vanyar හමුදාවක් සහ Galadriel ගේ පියාණන් වුන Finarfin යටතේ Noldor හමුදාවක්ද Middle Earth වෙතට එවනව. මේ අනුව Morgoth ට එරෙහිව අවසන් සටන වුන War of Wrath හටගන්නව. යුද්ධයෙන් පසුව සූර්ය වර්ෂ 590දි පලමු යුගය නිමා වෙනව.
යුද්ධය නිමාවීමත් එක්ක Eärendil ගේ කැපකිරීමට තිළිණයක් වශයෙන් Elrond සහ Elros හට තෝරාගැනීමක් ලබා දෙනව. ඒ Elf ජීවිතයක් හෝ මනුස්ස ජීවිතයක් තෝරාගැනීමයි. Elrond විසින් elf ජීවිතයක්ද, Elros විසින් මනුස්ස ජීවිතයක්ද තෝරගන්නව. Edain වංශයන් තුනේ මිනිසුන්ටද තමන්ගෙ කැපකිරීම් වෙනුවෙන් ත්‍යාගයක් විදිහට Middle Earth වල තර්ජන වලින් ඈත් වෙලා ඉන්න අලුත් නිවහනක් විදිහට බටහිරට ලංව පිහිටි පස්කොන් තරුවක හැඩය ගත්ත දූපතක් වුන Elenna දූපත තිලිණ කරනව. Edain වංශයන්ගේ බොහෝ දෙනෙක් මේ ත්‍යාගය බාර අරගෙන Eärendil ගේ මගපෙන්වීම යටතේ Elenna දූපතට පිටත් වෙනව.
මේ විදිහට Elenna වෙත පිටත් වුන Edain ලට තවත් ත්‍යාගයක් පිරිණමනව. ඒ සාමාන්‍ය මිනිසුන්ට වඩා තුන් ගුණයක ජීවිත කාලයක් ලබාදීමයි. කොහොම නමුත් Elros ට මීට වඩා දිගු ජීවිත කාලයක් පරිත්‍යාග කල නිසා Elros ගේ පරපුරේ සාමාජිකයන්ගේ ජීවිත කාලය සාමාන්‍ය Númenor කෙනෙකුට වඩා දීර්ග වුනා. Elenna දූපතට ගොඩබැස්ස Edain වරුන් විසින් Númenor රාජධාණිය ගොඩනගා ගත්ත අතර Elros, Tar-Minyatur නම් Quenya නාමය ආරූඪ කරගෙන Númenor හි පලමු රජු ලෙස කිරුළ පලඳිනව.
Elenna දූපත මධ්‍යයේ තිබුන Meneltarma නම් කඳු මුදුනට Aman හි Eressëa දූපතේ වෙරළ පේන තරම් අමානයට ලඟින් මේ දූපත පිහිටා තිබුනත් නූමනෝරයන්ට අමානය වෙත පිවිසීම Valar වරුන් විසින් තහනම් කෙරුන. නමුත් Eressëa හි ජීවත් වුන එල්ෆ් ල නිතරම Númenor රාජ්‍යයට ගොඩබැහැල නූමනෝර වැසියන්ට ඔවුන් දන්නා සෑම ශිල්ප ශාස්ත්‍රයක්ම ඉගැන්වුව. නමුත් කාලයත් සමඟ නූමනෝරයන් බලවත් වෙනකොට මෙයාල එල්ෆ් ලට විරුද්ධ වෙන්නත්, Valar වරුන්ගේ අධිකාරිය ප්‍රශ්න කරන්නත් පටන් ගත්ත.
Númenor පාලකයන්ගේ නම් (සහ සුළු තොරතුරු කිහිපයක්):
Elros Tar-Minyatur
Vardamir
Tar-Amandil
Tar-Elendil
Tar-Meneldur
Tar-Aldarion
Tar-Ancalimë (පලමු පාලක රැජිණ)
🍂 මින් පෙර රජ පවුලේ වැඩිමල් පුත්‍රයාට තමයි කිරුළ හිමි වුනේ. නමුත් හයවන රජු වුන Tar-Aldarion ට හිටියෙ දුවෙක් විතරයි. මේ අනුව Tar-Ancalimë පලමු පාලක රැජිණ විදිහට කිරුළ හිමි කරගත්ත. Ancalimë විසින්, ලිංග බේදයකින් තොරව රජුගේ වැඩිමල් දරුවාට කිරුළ හිමි විය යුතු යැයි නීතියක් ස්ථාපිත කලා. 🍂
Tar-Anárion
Tar-Súrion
Tar-Telperiën (දෙවන පාලක රැජිණ)
Tar-Minastir
Tar-Ciryatan
Tar-Atanamir the Great
Tar-Ancalimon
Tar-Telemmaitë
Tar-Vanimeldë (තෙවන පාලක රැජිණ)
Tar-Alcarin
Tar-Calmacil
Tar-Ardamin.
🍂 Ardamin ට පසුව Quenya නම් අත හැරි නූමනෝර රජුන් ඔවුන්ගේ Adûnaic භාෂාවෙන් නම් ලබාගත්ත;
Ar-Adûnakhôr
Ar-Zimrathôn
Ar-Sakalthôr
Ar-Gimilzôr
Ar-Inziladûn (ඔහුට පෙර සිටි පාලකයන්ගේ මතවාද පිලිකුල් කරපු Inziladûn විසින් Quenya නාමයක් වුන Tar-Palantir විදිහට ඔහුගේ නම වෙනස් කරගත්ත.)
Númenor හි නීතියට අනුව Tar-Palantir ගේ දුව වුන Tar-Miriel හතරවන පාලක රැජිණ විය යුතු වුනත්, Palantir ගේ බෑණා කෙනෙක් වුන Pharazon විසින් කිරුළ පැහැරගෙන Ar-Pharazon විදිහට රජ වුනා. නූමනෝරයේ බල්වත්ම (සහ අවසන්) රජු වුන Ar-Pharazon තමයි Sauron ව යටත් කරගෙන නූමනෝරයේ විනාශය ආරම්භ කලේ.
To be continued...

18/05/2026

The Fellowship Of The Ring

14/05/2026

📖 පොත් රසිකයන්ට පවා මගහැරෙන චිත්‍රපටිවල දැකපු වැදගත් චරිත

Fellowship of the Ring film එකේ අපි දකිනව Prancing Pony තානායම ඇතුලෙදි අත්වැරදීමකින් Frodo ගෙ ඇඟිල්ලට මුද්ද වැටුන ගමන් ඒ ගැන දැනුන Nazgul ල මේ බලයට ඇදිල එනව. නමුත් පොතේ මේක මීට වඩා තරමක් වෙනස්. පොතේ මේ සිදුවීමට බොහොම වැදගත් චරිත දෙකක් සම්බන්ධයි. ඒ චරිත දෙක තමයි මේ Thumbnail එකේ ඉන්නෙ.

⭕ ඒ තමයි Squint-eyed Southerner සහ Bill Ferny.

මේ වම් පැත්තෙ පහල රවුම ඇතුලෙ ඉන්නෙ Squint-eyed Southerner (වපරැස් දකුණු වැසියා) කියන චරිතෙ. මේ මනුස්සය Dunland වල කඳුකර මිනිස්සුන්ගෙන් කෙනෙක්. මෙයාගෙ මිනිස්සු අතරෙ මෙයාගෙ නහර වල Orc ලේ දුවනව කියල විශ්වාසයක් තිබුන නිසා කඳුකර මිනිස්සු එකතු වෙලා මෙයාව ගමෙන් පන්නනව. පස්සෙ Saruman ගාවට ගිය මේ මනුස්සයව Saruman විසින් දුම්කොල වෙලඳාම් ගැන බලා කියාගන්න Shire වල සීමාවට යවනව.

බලමුද්ද තියෙන හොබිට්ටා (Frodo) Shire වලින් පිටවෙන බව දැනගත්තට පස්සෙ Saruman මේ හොබිට්ට ගැන හොයන්න මේ මනුස්සයව Shire ඇතුලට යවනව. Saruman ඇත්තටම මේ මනුස්සයට සිතියම්, අදාල නම් ගම්, සහ Shire ගැන Saruman දන්න හැම දෙයක් ගැනම සටහන් දීල හොඳට ලෑස්ති කරවල තමයි Shire වලට යවන්නෙ.

තෙවෙනි යුගයේ 3018 අවුරුද්දෙ සැප්තැම්බර් වලදි මේ මනුස්සයට Witch-King ව හම්බෙනව. මේ මනුස්සය කිසිම පැකිලීමක් නැතුව Witch-King ට තමන් දන්න හැම විස්තරයක්ම වමාරනව. මේ මනුස්සයා හරහා තමයි Saruman ඇත්තටම Sauron ට පක්ෂපාතී නැති බවත්, සරුමාන්ට යටි අරමුණු තියෙන බවත් Witch-King දැනගන්නෙ. ප්‍රශ්න කිරීමෙන් පස්සෙ Witch-King මේ මනුස්සයව බය කරල තමන්ගෙ පැත්තට නම්මගෙන සෞරොන්ගෙ ඔත්තුකාරයෙක් කරගන්නව.

Frodo සහ කණ්ඩායම Bree වල Prancing Pony තානායමට එද්දි මේ Squint-eyed Southerner සහ Nazgul ලගෙ තවත් ඔත්තුකරුවෙක් උන දකුණු පැත්තෙ උඩ රවුම ඇතුලෙ ඉන්න Bill Ferny මේ තානායම ඇතුලෙ ඉන්නව. Bill Ferny ගැන නම් ලොකුවට කියන්න දෙයක් නැහැ. Bill Ferny කියන්නෙ Nazgul ලට සේවය කරපු Bree වල මනුස්සයෙක්. මෙයා ජීවත් වුනේ Bree වල කෙරවලේම තිබුන ගෙදර. අවස්ථාවාදී, දෙපිටකාට්ටු හොරෙක් විදිහට මෙයාගෙ තිබුන කීර්තිය නිසා Bree වල මිනිස්සු මෙයාව කොන් කරලයි තිබුනෙ.

Frodo ගෙ ඇඟිල්ලට මුද්ද වැටිල Frodo අදෘශ්‍යමාන වෙන විදිහත් මේ දෙන්න දකිනව. ඇත්තටම මේ දෙන්න තමයි Nazgul ලට Prancing Pony වලට ආපු Mr. Underhill (Frodo) කියන හොබිට්ටෙක් මුද්දක් දාගෙන අදෘශ්‍යමාන වුනා කියන ඔත්තුව දෙන්නෙ. මේ දෙන්නගෙ ඔත්තුවට අනුව Nazgul ල හොබිට්ටව මරන්න තානායමට ආවත් Aragorn හොබිට්ටන්ව උදේ වෙනකන්ම ආරක්ෂා කරගන්න නිසා Nazgul ලට මෙයාලගෙ අරමුණ සාක්ෂාත් කරගන්න ලැබෙන්නෙ නැහැ.

මේ දෙන්න ගැන තියෙන අවසන් සඳහන තියෙන්නෙ මේ Nazgul ල ආපු දවසට පහුවෙනිද. Frodo ගෙ කණ්ඩායම Bree වලින් පිටත් වෙද්දි මේ දෙන්න Bill ගෙ ගෙදර ඉන්නව මේගොල්ලො දකිනව. මෙතනින් පස්සෙ මේ දෙන්න ගැන කිසිම සඳහනක් නැහැ.

මේ Squint-eyed Southerner ගෙ නම ටිකක් වැදගත් එකක්. Squint-eyed කියන එකට තේරුම් දෙකක් තියෙනව. එකක් තමයි ඇස් වල හැඩය. බළලුන්ට සහ උරගයන්ට තියෙන ඇස් වලට තමයි squint eyes කියල කියන්නෙ. Orc ලට තිබුනෙත් මේ විදිහෙ ඇස්. Tolkien කෙලින්ම නොකිව්වත් මේ Squint-eyed කියන විශේෂනය සහ මෙයාගෙ ඇඟේ orc ලේ දුවනව කියන කටකතාව නිසා ගොඩක් අය මේ මනුස්සය Half-orc කෙනෙක් හෝ Goblin-man කෙනෙක් වෙන්න ඇති කියල විශ්වාස කරනව.

⏩ Half-orc සහ Goblin-men කියන්නෙ orc ල සහ මිනිස්සු අතරෙ cross-breeding නිසා හැදුන orc ගති ලක්ෂණ පිහිටල තිබුන මිනිස්සුන්ට.

කොහොම නමුත් JRR Tolkien මේ මනුස්සයට Squint-eyed කියල කිව්වෙ ඇයි කියන එක ගැන තමන්ට හරි අදහසක් නැති බව Christoher Tolkien කියල තියෙනව. C. Tolkien ට කියන විදිහට මේ මනුස්සයට ඇත්තටම orc ඇස් තියෙන්න විදිහක් නැහැ. මේ squint කියන වචනයේ අනික් තේරුම තමයි "වපර" කියන එක. Christoher Tolkien ට අනුව මේ වගේ චරිතෙකට, ඇස් වල වපර බව වගේ ශරීර ලක්ෂණයක් ඉස්මතු වෙන විදිහට නමක් දාන එක තේරුමක් නැති වැඩක්. ඒ නිසා මේ මනුස්සය වපරයි කියන්න මේ විශේෂනය පාවිච්චි කලා කියන අදහසත් Christoher Tolkien අත අරිනව. Christoher Tolkien කියන විදිහට JRR Tolkien විසින් මේ Squint-eyed කියන විශේෂනය පාවිච්චි කලේ මේ මනුස්සය "වපර-ඇහින් බලනව", ඒ කියන්නෙ හැම දෙයක් ගැන සැකෙන් බලනව කියන එක විදහා පාන්නයි.

Note: මේ පින්තූර වල ඉන්න extras ල දෙන්නව Squint-eyed Southerner සහ Bill Ferny විදිහට හඳුනාගන්නෙ The Lord of the Rings movie trilogy එකේ (සහ Peter Jackson ගෙ cinematic universe) official trading card adaptation එක වෙන decipher ලගෙ The Lord of the Rings Trading Card Game එකෙන්. මේ game එකේ physical වගේම digital (online) version එකකුත් තියෙනව.

#වංශය

13/05/2026

A N N A T A R AKA S A U R O N

12/05/2026

The Lord Of The Rings - Rings Of Power තුන්වෙනි කතා සමයේ සෞරෝන්ගේ චායා රූපයක් නිකුත් වෙලා තියෙනවා.

මේ සීසන් එකේදි අපිට දකින්න ලැබෙන්නෙ දෙවෙනි කතා මාලාවෙන් වසර ගනනාවකට පසුව සිදුවන සිදුවීම් කීපයක්.

මේ කතා සමයෙදි සෞරෝන්ගෙ සියල්ල පාලනය කල හැකි බලමුදුව නිර්මානය කිරීමත් බලාගන්න පුලුවන්.

#වංශය

09/05/2026

මිනාස්‍ටිරිත් රැකගනිමින් ❤️

වංශය - Wanshaya

02/06/2026

25/05/2026

23/05/2026

23/05/2026

22/05/2026

18/05/2026

14/05/2026

13/05/2026

12/05/2026

09/05/2026

Address

Website

Alerts

Shortcuts

Share