07/02/2025
Kidnapping Issue ha Eastern Samar, Pinabulaanan han Oras Police.
Oras — Damo na mga mga citizens an nababaraka tungkol han issue pagtaga busag nga Van nga diumano naglilinibot libot dinhe han mulopyo ha Eastern Samar kun diin nakuha “kuno” hira hin mga katawhan nga kikidnapon. Sumala han mga posts patungkol hini nga issue, hira inen nakaka experience nga ginbubukod hira hin mga katawhan nga naka bonet. Paprehas an mga statement han mga tawo nga naka experience hini nga sitwasyon, sumala haira, an ira mga kinita iton busag nga van nga may sakay nga naka bonet.
Han usa nga facebook post, nangyari kuno ine ha Barangay San Eduardo, kun diin mayda ginkikinita nga Van nga naglilinibot ha ira baranggay.
Base han official statement han Oras Police, pinabulaanan nira an ine nga post tungkol han issue ha Barangay San Eduardo. Sumala kan PCAPT Ericson Balbacobo, ine nga post in waray makatuoran ug misinformation.
“Waray kamatuoran ngan Misinformation la ine subay han aton ginhuhat nga validation tikang mismo han nag post ngan han kabataan nga involved”
Ginpapahibaro liwat ni PCAPT Balbacobo nga an pag papakalat hin mali nga impormasyon ha social media in may ada karampatan nga parusahan.
Kun mahinunumduman, mayda usa facebook post mapatungkol hin kidnapping attempt incident ha Giporlos, Eastern Samar, kun diin ginbabayaran “umano” hin one thousand pesos an usa nga bata han usa nga babaye para la sumakay didto han Van. Dinakop ini nga babaye han Giporlos Police pero pinagawas diretso.
Base naman han statement han Eastern Samar Police, nang aaghat hira han mga katawhan nga dire mahadlok ug malisang hini nga misinformations. Ginpapahibaro nira nga aada an mga kapulisan para umaksyon ngan magresponde han mga panhitano sugad hini. Gin aaghat liwat nira an mga tawo ha kumonidad nga makipag kooperasyon han mga kapulisan kun mayda mga pinangungusa ha ira mga kumonidad.
“Sanglit, gin hahangyo namon it iyo hul-os nga kooperasyon ngan bulig pinaagi hit pagsumat dayon ha iyo pinaka harani nga stasyon or tumawag ha mga hotline numbers nira nga makikita niyo ha ira mga Official FB Accounts. Damo po nga salamat ngadaan ngan makakalaum po kamo nga it iyo kapulisan dire la dinhi ha este, kundi it kabugusan han PNP in permanente nga mag seserbisyo hin kinasingkasing ngan puno hin dedikasyon, ma mintenar la it kamurayawan ngan kamingawan ha aton komunidad.” - Eastern Samar Police
Oras News Service, Boses han Orasnon.
