Quezon Chronos PH (2025)

06/10/2025

𝐏𝐚𝐭𝐮𝐥𝐨𝐲 𝐧𝐚 𝐒𝐞𝐫𝐛𝐢𝐬𝐲𝐨𝐧𝐠 𝐏𝐚𝐧𝐠𝐤𝐚𝐥𝐮𝐬𝐮𝐠𝐚𝐧, 𝐡𝐚𝐭𝐢𝐝 𝐧𝐠 “𝐊𝐚𝐥𝐢𝐧𝐠𝐚 𝐬𝐚 𝐌𝐚𝐦𝐚𝐦𝐚𝐲𝐚𝐧, 𝐋𝐢𝐛𝐫𝐞𝐧𝐠 𝐆𝐚𝐦𝐮𝐭𝐚𝐧” 𝐬𝐚 𝐦𝐠𝐚 𝐁𝐚𝐲𝐚𝐧 𝐧𝐠 𝐋𝐨𝐩𝐞𝐳 𝐚𝐭 𝐀𝐭𝐢𝐦𝐨𝐧𝐚𝐧

Patuloy ang pagbibigay ng serbisyong medikal ng Pamahalaang Panlalawigan ng Quezon sa ilalim ng programang “Kalinga sa Mamamayan, Libreng Gamutan” na pinangungunahan ni Governor Doktora Helen Tan, bilang bahagi ng layuning maihatid ang de-kalidad na serbisyong pangkalusugan sa bawat mamamayan, lalo na sa mga liblib na lugar ng lalawigan.

Noong Oktubre 4, isinagawa ang medical mission sa Hondagua National High School sa bayan ng Lopez, Quezon, kung saan tinatayang 3,288 benepisyaryo ang nakatanggap ng iba’t ibang libreng serbisyo tulad ng medical consultation, dental extraction, optical services, OB-Gyne, X-ray, ultrasound, bukol screening, tuli, HIV at Syphilis test, family planning services, at iba pa.

Kasabay nito, nagsagawa rin ang Provincial Veterinarian Office ng veterinary medical mission na nagserbisyo sa 1,039 alagang hayop sa pamamagitan ng libreng konsultasyon at pamamahagi ng gamot.

Samantala, noong Oktubre 5, itinuloy ang libreng gamutan sa Malinao Ilaya Elementary School sa bayan ng Atimonan, Quezon, na dinaluhan ng tinatayang 3,594 residente.

Bukod sa libreng serbisyong medikal, nakapagbigay rin ang Provincial Veterinarian ng tulong sa 1,656 hayop sa pamamagitan ng libreng veterinary consultation at gamot.

Sa patuloy na pagpapatupad ng programang Kalinga sa Mamamayan, tiniyak ni Governor Tan na mananatiling bukas ang Pamahalaang Panlalawigan sa pagbibigay ng serbisyong medikal para sa lahat upang masiguro na bawat mamamayan ng Quezon ay may sapat na gamot, nutrisyon, at atensyong pangkalusugan para sa mas ligtas at mas malusog na pamumuhay.

Samantala, nakasama ni Governor Tan sa naturang programa sina Vice Governor Third Alcala, 4th District Congressman Atorni Mike Tan, Bokal Harold Butardo at mga opisyal ng naturang mga bayan sa pamumuno nina Lopez Mayor Isaias Ubana at Atimonan Mayor Elvin Uy.

Source: Balitang Stan

06/10/2025

Congratulations SM City Lucena Security Force and BFP Lucena for winning 1st place (Industry Category) during the 32nd Encounter
Regional Urban Fire Olympics 2025 held at Camp Vicente Lim, Calamba Laguna recently!

06/10/2025

3𝐏𝐊-𝐁𝐢𝐝𝐚 𝐘𝐨𝐮𝐭𝐡 𝐏𝐫𝐨𝐣𝐞𝐜𝐭 𝐧𝐢 𝐂𝐨𝐧𝐠. 𝐀𝐭𝐨𝐫𝐧𝐢 𝐌𝐢𝐤𝐞 𝐓𝐚𝐧, 𝐢𝐧𝐢𝐥𝐮𝐧𝐬𝐚𝐝 𝐬𝐚 𝐆𝐮𝐦𝐚𝐜𝐚

Patuloy na pinalalakas ni Congressman Atorni Mike Tan ang suporta sa kabataan sa pamamagitan ng 3PK-Bida Youth Project, na matagumpay na inilunsad sa bayan ng Gumaca, kahapon, Oktubre 5, 2025.

Ito ay kasunod ng mga naunang paglulunsad sa mga bayan ng Lopez, Atimonan, at Guinayangan, kung saan nakamit na ng mga kabataang benepisyaryo ang mga unang bunga ng kanilang pagsisikap.

Layunin ng proyektong 3PK (Panimulang Pangkabuhayan Para sa Kabataan) na tulungan ang mga kabataan sa Ikaapat na Distrito ng Quezon na magkaroon ng sariling negosyo at maging instrumento ng lokal na pag-unlad.

Sa ilalim ng Sariling Sikap Program ni Cong. Atorni Mike Tan, nagbibigay ang 3PK-Bida Youth Project ng financial grants, trainings, exposures, at mentorship para sa mga kabataang negosyante.

Naniniwala ang kongresista na ang mga kabataan ay may malaking potensyal sa larangan ng negosyo, at nais ng opisyal na bigyan sila ng tamang tulong at oportunidad para maabot ang kanilang mga pangarap.

Bilang patunay ng tagumpay ng inisyatibang ito, kinilala ang 3PK-Bida Youth Project bilang isa sa 20 natatanging organisasyon mula sa 753 kalahok sa buong bansa sa 21st Ten Accomplished Youth Organizations (TAYO) Awards, na nagbibigay parangal sa mga proyektong may positibong ambag sa komunidad.

Bahagi ng HEALING Plus Agenda ni Cong. Tan ang tuluy-tuloy na pagtataguyod ng mga programa para sa mga kabataan sa buong ika-apat na distrito ng Quezon.

Source: Balitang Stan

06/10/2025

𝐍𝐨𝐛𝐲𝐞𝐦𝐛𝐫𝐞 4, 2025, 𝐢𝐝𝐢𝐧𝐞𝐤𝐥𝐚𝐫𝐚𝐧𝐠 𝐒𝐩𝐞𝐜𝐢𝐚𝐥 𝐍𝐨𝐧-𝐖𝐨𝐫𝐤𝐢𝐧𝐠 𝐃𝐚𝐲 𝐬𝐚 𝐋𝐚𝐥𝐚𝐰𝐢𝐠𝐚𝐧 𝐧𝐠 𝐐𝐮𝐞𝐳𝐨𝐧

Idineklara ng Malacañang na Special (Non-Working) Day sa buong lalawigan ng Quezon ang Nobyembre 4, 2025 (Martes), bilang paggunita sa death anniversary ni Apolinario Dela Cruz, o mas kilala bilang Hermano Puli, ang bayaning Quezonian na kinilala sa kanyang kabayanihan at pagmamahal sa bayan.

Batay sa Proclamation No. 1051 na nilagdaan ni Executive Secretary Lucas P. Bersamin sa ngalan ni Pangulong Ferdinand R. Marcos Jr., layunin ng deklarasyon na bigyan ng pagkakataon ang mamamayan ng Quezon na makiisa sa mga programa at seremonyang inihanda upang parangalan ang kabayanihan ni Hermano Puli.

Ayon sa proklamasyon, “it is but fitting and proper that the people of the Province of Quezon be given full opportunity to honor the heroism and patriotism of Hermano Puli through appropriate ceremonies.”

Ang paggunita kay Hermano Puli ay taunang isinasagawa sa Quezon bilang pagkilala sa kanyang naging mahalagang papel sa kasaysayan ng bansa, bilang lider ng Cofradía de San José, isang kilusang nagtaguyod ng pananampalataya at kalayaan ng mga Pilipino noong panahon ng kolonyalismong Espanyol.

Source: Official Gazette

03/10/2025

𝐁𝐚𝐠𝐲𝐨𝐧𝐠 𝐏𝐚𝐨𝐥𝐨 𝐡𝐮𝐦𝐢𝐧𝐚, 𝐩𝐞𝐫𝐨 𝐧𝐚𝐧𝐚𝐧𝐚𝐭𝐢𝐥𝐢𝐧𝐠 𝐦𝐚𝐩𝐚𝐧𝐠𝐚𝐧𝐢𝐛; 𝐢𝐧𝐚𝐚𝐬𝐚𝐡𝐚𝐧𝐠 𝐥𝐚𝐥𝐚𝐛𝐚𝐬 𝐧𝐠 𝐏𝐀𝐑 𝐛𝐮𝐤𝐚𝐬

Humina na mula sa typhoon at naging Severe Tropical Storm ang bagyong Paolo habang tumatawid sa West Philippine Sea, ayon sa pinakahuling bulletin ng PAGASA ngayong Biyernes, Oktubre 3, 2025.

Huling namataan ang sentro ng bagyo dakong alas-4 ng hapon sa baybayin ng Santa Cruz, Ilocos Sur. Taglay nito ang lakas ng hanging umaabot sa 110 km/h malapit sa gitna at pagbugsong hanggang 165 km/h, habang kumikilos pakanluran-hilagang kanluran sa bilis na 35 km/h.

Mga nakataas na Tropical Cyclone Wind Signal (TCWS):
• Signal No. 3 – Ilocos Sur, La Union, ilang bahagi ng Abra, Kalinga, Mountain Province, Ifugao, at Benguet
• Signal No. 2 – Ilocos Norte (ilang bayan), Pangasinan, nalalabing bahagi ng Abra, Kalinga, Mountain Province, Ifugao, Isabela (kanlurang bahagi), Quirino (hilaga at kanluran), Nueva Vizcaya (hilaga at gitna), at bahagi ng Nueva Ecija
• Signal No. 1 – Apayao, Batanes, Cagayan kasama ang Babuyan Islands, nalalabing bahagi ng Isabela, Quirino, Nueva Vizcaya, Aurora, Nueva Ecija, Tarlac, Zambales, Pampanga, Bulacan, at hilagang Quezon kabilang ang Polillo Islands

Babala ng PAGASA
• Posible pa rin ang malalakas na ulan, matitinding hangin, at storm surge kahit sa mga lugar na wala sa mismong landfall area.
• Inaasahang muling lalakas at magiging typhoon si Paolo sa loob ng susunod na 12 oras.
• Patuloy itong kikilos pa-kanluran hilagang-kanluran at inaasahang lalabas ng Philippine Area of Responsibility (PAR) bukas, Oktubre 4, ng umaga.

Pinapayuhan ang publiko, lalo na ang mga nasa apektadong lugar, na manatiling nakaantabay sa mga susunod na abiso ng PAGASA at ng kani-kanilang lokal na pamahalaan para sa kanilang kaligtasan.

Source: DOST-PAGASA

03/10/2025

𝐊𝐚𝐥𝐢𝐧𝐠𝐚 𝐬𝐚 𝐌𝐚𝐦𝐚𝐦𝐚𝐲𝐚𝐧, 𝐋𝐢𝐛𝐫𝐞𝐧𝐠 𝐆𝐚𝐦𝐮𝐭𝐚𝐧 𝐡𝐚𝐭𝐢𝐝 𝐬𝐚 𝐛𝐚𝐲𝐚𝐧 𝐧𝐠 𝐋𝐨𝐩𝐞𝐳 𝐚𝐭 𝐀𝐭𝐢𝐦𝐨𝐧𝐚𝐧

Patuloy ang pagbibigay ng serbisyong medikal ng programang “Kalinga sa Mamamayan, Libreng Gamutan” ng Pamahalaang Panlalawigan ng Quezon sa pangunguna ni Governor Doktora Helen Tan na isasagawa sa dalawang bayan ng Quezon ngayong unang Sabado at Linggo ng Oktubre.

Sa darating na Oktubre 4, gaganapin ang libreng gamutan sa Hondagua National High School, Lopez, Quezon, habang sa Oktubre 5 naman ay sa Malinao Ilaya Elementary School, Atimonan, Quezon.

Iba’t ibang libreng serbisyo ang hatid ng programa gaya ng medical consultation, dental extraction, bukol screening, minor surgery, tuli, optical service, ultrasound, x-ray, OB-Gyne, family planning services, at iba pa. Kasama rin dito ang mga laboratory test tulad ng FBS, uric acid, cholesterol, CBC, urinalysis, UACR, at ECG.

Magsisimula ang rehistrasyon ng mga nais mag-avail ng iba’t ibang serbisyong medikal sa ganap na alas-6 ng umaga.

Ang proyektong ito ay alinsunod sa layunin ni Governor Tan na maihatid ang serbisyong pangkalusugan sa mas maraming mamamayan, lalo na sa mga liblib na barangay ng Quezon.

Source: Balitang Stan

03/10/2025

𝐌𝐚𝐲𝐨𝐫 𝐑𝐮𝐚𝐧𝐭𝐨 𝐧𝐠 𝐈𝐧𝐟𝐚𝐧𝐭𝐚, 𝐢𝐧𝐢𝐡𝐚𝐥𝐚𝐥 𝐧𝐚 𝐕𝐏 𝐟𝐨𝐫 𝐋𝐮𝐳𝐨𝐧 𝐧𝐠 𝐋𝐎𝐀𝐌𝐂𝐏 𝐏𝐡𝐢𝐥𝐢𝐩𝐩𝐢𝐧𝐞𝐬

Bagong tagumpay ang natamo ni Mayor L.A. Ruanto ng Infanta matapos siyang mahalal bilang Vice President for Luzon ng League of Organic Agriculture Municipalities, Cities and Provinces (LOAMCP) Philippines sa ginanap na 15th General Assembly Meeting and Membership Orientation Program noong Oktubre 1–3, 2025 sa Hive Hotel and Convention Center, Quezon City.

Ang pagtitipon na may temang “Scaling Up Organic Agriculture Governance: Strengthening Local Actions for Climate Resilience, Food Security, and Rural Prosperity” ay dinaluhan ng mahigit animnapung (60) local government units (LGUs) at 130 delegado.

Ang panunumpa ng mga bagong opisyal na pamumunuan ni Mayor Ruel Molina ng Kumalarang, Zamboanga del Sur bilang National President ay pinangunahan ni Baguio City Mayor Benjamin Magalong.

Kasama nina Mayor Molina at Ruanto na bagong halal na opisyal ng LOAMCP ay sina:
• Executive Vice President: Hon. Solomon Vicencio (Catubig, Northern Samar)
• Secretary General: Hon. Rommel Arnado (Kauswagan, Lanao del Norte)
• VP Visayas: Hon. Jess Baja (Garcia Hernandez, Bohol)
• VP Mindanao: Hon. Sitti Nor Alliah Mamay (Nunungan, Lanao del Norte)
• VP BARMM: Hon. Ali Sumandar (Piagapo, Lanao del Sur)
• Treasurer: Hon. Roselyn Asok (Maria, Siquijor)
• Secretary: Hon. Webster Letargo (Gumaca, Quezon)
• Auditor: Hon. Christian Diamante (Tuburan, Cebu)

Isa ang bayan ng Infanta, Quezon sa mga pinakabagong miyembro ng LOAMCP Philippines, isang pambansang organisasyon na nagtataguyod ng organic agriculture upang maisulong ang food security, masustansyang pagkain, at sustainable development sa bansa.

Bilang bagong VP for Luzon, tiniyak ni Mayor Ruanto na ipagpapatuloy niya ang kanyang adbokasiya para sa organic agriculture, kasabay ng kanyang plano na gawing isang Organic Agriculture Municipality ang bayan ng Infanta.

03/10/2025

𝐓𝐲𝐩𝐡𝐨𝐨𝐧 𝐏𝐚𝐨𝐥𝐨, 𝐧𝐚𝐠-𝐥𝐚𝐧𝐝𝐟𝐚𝐥𝐥 𝐧𝐚 𝐬𝐚 𝐈𝐬𝐚𝐛𝐞𝐥𝐚

Pumalo na sa kategoryang bagyo si Typhoon Paolo matapos itong mag-landfall kaninang umaga sa bayan ng Dinapigue, Isabela, ayon sa PAGASA Tropical Cyclone Bulletin No. 13 na inilabas alas-11 ng umaga, Oktubre 3, 2025.

Huling namataan ang sentro ng mata ng bagyo sa paligid ng San Guillermo, Isabela batay sa datos mula sa Doppler Weather Radar sa Baguio, Baler at Daet. Taglay nito ang lakas ng hanging aabot sa 130 km/h malapit sa gitna at bugso na hanggang 215 km/h, habang kumikilos pa-kanluran hilagang-kanluran sa bilis na 25 km/h.

Itinaas ang Tropical Cyclone Wind Signal (TCWS) No. 4 sa malaking bahagi ng Isabela, Quirino, Nueva Vizcaya, at ilang bahagi ng Cordillera at Ilocos Region. Kabilang dito ang Cauayan City, Santiago City, San Mateo, Echague, at iba pang kalapit-bayan.

Nasa ilalim naman ng Signal No. 3 at 2 ang iba pang bahagi ng Cagayan Valley, Cordillera Administrative Region, Aurora at Ilocos, habang Signal No. 1 sa ilang lugar ng Quezon, Bulacan, Pampanga, Zambales at Camarines Norte.

Ayon sa PAGASA, tatawid si Paolo sa kalupaan ng Hilagang Luzon ngayong araw at inaasahang lalabas ng Philippine Area of Responsibility bukas ng umaga, Oktubre 4. Bahagyang hihina ito habang nasa kabundukan ngunit posibleng muling lumakas paglabas sa West Philippine Sea.

Binigyang-diin ng ahensya na asahan pa rin ang malalakas na ulan, pagbaha, landslide, matitinding hangin at storm surge kahit sa mga lugar na hindi direktang dinaanan ng sentro ng bagyo.

Pinapayuhan ang publiko na manatiling nakaantabay sa mga abiso ng PAGASA at lokal na pamahalaan para sa kanilang kaligtasan.

Source: DOST-PAGASA

03/10/2025

Bahagyang lumakas ang Severe Tropical Storm at nakatakdang mag-landfall sa Dilasag, Aurora o Dinapigue, Isabela, ayon sa 8 a.m. tropical cyclone bulletin ng DOST-PAGASA ngayong Biyernes, Oct. 3.

Huli itong namataan sa coastal waters ng Dilasag, Aurora. Taglay nito ang lakas ng hangin na 110 km/h at bugsong aabot sa 150 km/h. Kumikilos ang bagyo pakanluran, hilagang-kanluran sa bilis na 25 km/h.

Nakataas na ang tropical cyclone wind signal sa mga sumusunod na lugar:

TCWS No. 3
Luzon:
• Northern portion of Aurora (Dilasag, Casiguran, Dinalungan)
• Central and southern portions of Isabela (Dinapigue, San Mariano, San Guillermo, Echague, Jones, San Agustin, Cordon, City of Santiago, Ramon, San Isidro, Alicia, Angadanan, City of Cauayan, Benito Soliven, Naguilian, Luna, Reina Mercedes, Cabatuan, San Mateo, Aurora, San Manuel, Burgos, Gamu, Roxas, Palanan)
• Northern portion of Quirino (Maddela, Cabarroguis, Aglipay, Saguday, Diffun)
• Northern portion of Nueva Vizcaya (Diadi, Bagabag, Villaverde, Ambaguio, Quezon, Solano, Bayombong)
• Mountain Province,
• Ifugao
• Southeastern portion of Abra (Tubo)
• Northern portion of Benguet (Mankayan, Buguias, Kabayan, Bakun, Kibungan, Atok, Kapangan)
• Central and southern portions of Ilocos Sur (Sugpon, Alilem, Cervantes, Suyo, Tagudin, Santa Cruz, Sigay, Quirino, Gregorio del Pilar, Salcedo, Santa Lucia, City of Candon, San Emilio, Galimuyod, Lidlidda, Banayoyo, Santiago, San Esteban, Burgos)
• Northern portion of La Union (Sudipen, Santol, Balaoan, Luna, Bangar, San Gabriel, Bacnotan, San Juan)

TCWS No. 2
Luzon:
• The central and southern portions of mainland Cagayan (Peñablanca, Tuguegarao City, Enrile, Solana, Iguig, Tuao, Piat, Rizal, Santo Niño, Alcala, Amulung)
• The rest of Isabela, the rest of Quirino, the rest of Nueva Vizcaya, the central portion of Aurora (Dipaculao, Baler, Maria Aurora, San Luis)
• Northern portion of Nueva Ecija (Carranglan, Bongabon, San Jose City, Pantabangan, Rizal, Lupao)
• Central and southern portions of Apayao (Conner, Kabugao)
• Kalinga
• The rest of Abra, the rest of Benguet, the central and southern portions of Ilocos Norte (Nueva Era, Badoc, Pinili, City of Batac, Paoay, Currimao, Banna, Laoag City, San Nicolas, Sarrat, Dingras, Solsona, Marcos, Bacarra, Piddig)
• The rest of Ilocos Sur
• The rest of La Union
• Northern portion of Pangasinan (San Fabian, Sison, Pozorrubio, Umingan, San Jacinto, Laoac, Binalonan, San Nicolas, Natividad, Tayug, San Manuel, Asingan, Santa Maria, San Quintin, Dagupan City, Mangaldan, Manaoag, Bolinao, Anda, Bani, City of Alaminos, Sual, Labrador, Lingayen, Binmaley, Calasiao, Mapandan, Santa Barbara, City of Urdaneta)

TCWS No. 1
Luzon:
• The rest of mainland Cagayan including Babuyan Islands
• The rest of Aurora
• The northern portion of Quezon (General Nakar, Infanta) including Polillo Islands
• Camarines Norte
• Northern portion of Camarines Sur (Siruma, Tinambac, Lagonoy, Garchitorena, Caramoan, Goa, San Jose, Presentacion)
• Catanduanes
• The rest of Apayao
• The rest of Ilocos Norte
• The rest of Pangasinan
• The rest of Nueva Ecija, the northern portion of Bulacan (Doña Remedios Trinidad, San Miguel, San Ildefonso, Norzagaray, San Rafael, Angat)
• Tarlac
• Northeastern portion of Pampanga (Magalang, Arayat, Candaba, Mabalacat City)
• Northern portion of Zambales (Palauig, Masinloc, Candelaria, Santa Cruz)

Source: DOST-PAGASA

02/10/2025

Lumakas pa ang Severe Tropical Storm habang kumikilos pakanluran, hilagang-kanluran sa bilis na 20 km/h, ayon sa 5 a.m. weather update ng DOST-PAGASA ngayong Biyernes, October 3.

Posibleng lumapit ang sentro ng bagyo sa kalupaan ng bansa at mag-landfall sa loob ng ilang oras.

Huli itong namataan sa layong 150 km sa silangan ng Casiguran, Aurora.

May taglay itong lakas ng hangin na 100 km/h at bugsong 125 km/h.

Nakataas pa rin ang storm signal warnings sa malaking bahagi ng Luzon.

Signal No. 3:

•Northern portion of Aurora
(Dilasag, Casiguran, Dinalungan)

•Central and Southern portions of Isabela
(Dinapigue, San Mariano, San Guillermo, Echague, Jones, San Agustin, Cordon, City of Santiago, Ramon, San Isidro, Alicia, Angadanan, City of Cauayan, Benito Soliven, Naguilian, Luna, Reina Mercedes, Cabatuan, San Mateo, Aurora, San Manuel, Burgos, Gamu, Roxas, Palanan)

•Northern portion of Quirino
(Maddela, Cabarroguis, Aglipay, Saguday, Diffun)

•Northern portion of Nueva Vizcaya
(Diadi, Bagabag, Villaverde, Ambaguio, Quezon, Solano, Bayombong)

•Mountain Province
•Ifugao
•Southeastern portion of Abra (Tubo)

•Northern portion of Benguet
(Mankayan, Buguias, Kabayan, Bakun, Kibungan, Atok, Kapangan)

•Central and Southern portions of Ilocos Sur
(Sugpon, Alilem, Cervantes, Suyo, Tagudin, Santa Cruz, Sigay, Quirino, Gregorio del Pilar, Salcedo, Santa Lucia, City of Candon, San Emilio, Galimuyod, Lidlidda, Banayoyo, Santiago, San Esteban, Burgos)

•Northern portion of La Union
(Sudipen, Santol, Balaoan, Luna, Bangar, San Gabriel, Bacnotan, San Juan)

Signal No. 2:

•Central and Southern portions of mainland Cagayan (Peñablanca, Tuguegarao City, Enrile, Solana, Iguig, Tuao, Piat, Rizal, Santo Niño, Alcala, Amulung)

•The rest of Isabela
•The rest of Quirino
•The rest of Nueva Vizcaya
•Central portion of Aurora
(Dipaculao, Baler, Maria Aurora, San Luis)

•Northern portion of Nueva Ecija
(Carranglan, Bongabon, San Jose City, Pantabangan, Rizal, Lupao)

•Central and Southern portions of Apayao
(Conner, Kabugao)

•Kalinga
•The rest of Abra
•The rest of Benguet

•Central and southern portions of Ilocos Norte
(Nueva Era, Badoc, Pinili, City of Batac, Paoay, Currimao, Banna, Laoag City, San Nicolas, Sarrat, Dingras, Solsona, Marcos, Bacarra, Piddig)

•The rest of Ilocos Sur
•The rest of La Union
•Northern portion of Pangasinan
(San Fabian, Sison, Pozorrubio, Umingan, San Jacinto, Laoac, Binalonan, San Nicolas, Natividad, Tayug, San Manuel, Asingan, Santa Maria, San Quintin, Dagupan City, Mangaldan, Manaoag, Bolinao, Anda, Bani, City of Alaminos, Sual, Labrador, Lingayen, Binmaley, Calasiao, Mapandan, Santa Barbara, City of Urdaneta)

Signal No. 1:

•The rest of mainland Cagayan including Babuyan Islands
•The rest of Aurora
•The northern portion of Quezon
(General Nakar, Infanta) including Polillo Islands

•Camarines Norte
•Northern portion of Camarines Sur
(Siruma, Tinambac, Lagonoy, Garchitorena, Caramoan, Goa, San Jose, Presentacion)

•Catanduanes
•The rest of Apayao
•The rest of Ilocos Norte
•The rest of Pangasinan
•The rest of Nueva Ecija
•The northern portion of Bulacan
(Doña Remedios Trinidad, San Miguel, San Ildefonso, Norzagaray, San Rafael)

•Tarlac
•Northeastern portion of Pampanga
(Magalang, Arayat, Candaba, Mabalacat City)

•Northern portion of Zambales
(Palauig, Masinloc, Candelaria, Santa Cruz)

Source: DOST-PAGASA

02/10/2025

Jeep nahulog sa bangin sa Calauag; 17 sugatan

Calauag, Quezon – Sugatan ang driver at 16 nitong pasahero matapos mahulog ang sinasakyang jeep sa isang bangin sa Barangay Pinagsakayan, Calauag, Quezon kahapon ng hapon, Oktubre 1, 2025.

Ayon sa inisyal na imbestigasyon ng Calauag Municipal Police Station, naganap ang aksidente bandang alas-2:00 ng hapon habang binabagtas ng jeep ang farm-to-market road patungong Barangay Sto. Angel. Pagdating sa pakurbang pababang bahagi ng kalsada, nagpreno umano ang tsuper subalit biglang pumalya ang preno dahilan upang mahulog ang sasakyan sa bangin.

Dahil dito, nagtamo ng iba’t ibang sugat ang lahat ng sakay kabilang na ang driver. Agad silang isinugod sa iba’t ibang ospital para malapatan ng lunas.

Kasalukuyang nasa St. Peter General Hospital ang tsuper na ngayo’y nasa kustodiya ng pulisya habang patuloy pang isinasagawa ang imbestigasyon sa insidente.

📷 QPPO

02/10/2025

𝐁𝐚𝐠𝐲𝐨𝐧𝐠 𝐏𝐚𝐨𝐥𝐨, 𝐛𝐚𝐡𝐚𝐠𝐲𝐚𝐧𝐠 𝐥𝐮𝐦𝐚𝐤𝐚𝐬 𝐡𝐚𝐛𝐚𝐧𝐠 𝐩𝐚𝐩𝐚𝐥𝐚𝐩𝐢𝐭 𝐬𝐚 𝐋𝐮𝐳𝐨𝐧; 𝐩𝐨𝐬𝐢𝐛𝐥𝐞𝐧𝐠 𝐦𝐚𝐠-𝐥𝐚𝐧𝐝𝐟𝐚𝐥𝐥 𝐛𝐮𝐤𝐚𝐬 𝐧𝐠 𝐮𝐦𝐚𝐠𝐚

Bahagyang lumakas ang Tropical Storm Paolo habang patuloy itong kumikilos pa-kanluran hilagang-kanluran sa ibabaw ng Philippine Sea, ayon sa pinakahuling ulat ng PAGASA nitong Huwebes, Oktubre 2.

Huling namataan ang sentro ng bagyo alas-4 ng hapon sa layong 480 kilometro silangan ng Infanta, Quezon o 480 km silangan ng Baler, Aurora. Taglay nito ang lakas ng hanging umaabot sa 85 km/h malapit sa gitna at bugsong hanggang 105 km/h, habang kumikilos sa bilis na 15 km/h.

Itinaas ang Tropical Cyclone Wind Signal (TCWS) No. 2 sa Isabela, hilagang bahagi ng Quirino at Nueva Vizcaya, Kalinga, Mountain Province, Ifugao, at hilagang Aurora.

Samantala, nasa Signal No. 1 naman ang ilang bahagi ng Cagayan Valley, Cordillera, Ilocos Region, Central Luzon, Northern Quezon (General Nakar, Infanta at Polillo Islands) at ilang bahagi ng Bicol Region.

Ayon sa PAGASA, posibleng mag-landfall si Paolo bukas ng umaga (Oktubre 3) sa pagitan ng southern Isabela at northern Aurora. Pagkatapos tumawid ng Northern Luzon, lalabas ito sa West Philippine Sea bukas ng hapon at inaasahang ganap na lalabas ng Philippine Area of Responsibility sa Sabado, Oktubre 4.

Patuloy din ang paglakas ng bagyo at maaaring umabot sa kategoryang Severe Tropical Storm ngayong gabi o bukas ng madaling araw. Hindi rin inaalis ang posibilidad na maging isang typhoon si Paolo bago o matapos ang pagtawid nito sa kalupaan.

Nagbabala ang PAGASA na asahan ang malalakas na ulan, matitinding hangin, at storm surge kahit sa mga lugar na hindi direktang tatamaan ng landfall. Pinapayuhan ang publiko na maging alerto at patuloy na mag-monitor sa mga susunod na abiso ng ahensya.

Source: DOST-PAGASA

Quezon Chronos PH

06/10/2025

06/10/2025

06/10/2025

06/10/2025

03/10/2025

03/10/2025

03/10/2025

03/10/2025

03/10/2025

02/10/2025

02/10/2025

02/10/2025

Address

Telephone

Website

Alerts

Contact The Business

Shortcuts

Share