01/05/2025
ကောင်မလေးတွေ ကြိုက်အောင် ၊ ကိုယ့်ကို စွဲလန်းအောင် ဘယ်လို toxic ဖြစ်ရမယ်ဆိုတာ ဘာညာတွေက ကလေးအကွက်တွေပါ bratha တို့
သိပ်မသိတဲ့ ကလေးမလေးတွေအပေါ်ပဲ လွှမ်းမိုးနိုင်ရင် လွှမ်းမိုးနိုင်မယ် ။
တကယ့် လူကြီး အကွက်တွေ လုပ်ပါ ၊
ဒါဆို ကွာလတီကောင်း ၊ အချင်းရော အဆင်းပါပြည့်တဲ့ အမျိုးသမီးကောင်းတွေ ကိုယ့်အပေါ် စိတ်ဝင်စား နှစ်သက်ကြမှာပါ ။
လူကြီးအကွက်တွေက ဘာလဲဆိုရင်
၁။ စိတ်ပိုင်းဆိုင်ရာ ရင့်ကျက်မှု ရှိပါ
ကိုယ့် လုပ်ရပ် ကိုယ်တာဝန်အပြည့်ယူပါ ၊ ကိုယ့်အမှားဆိုလည်း ကိုယ့်အမှား တာဝန်ယူရဲပါ ၊ ကိုယ့်ပယောဂကြောင့် အဆိုးတွေ ဖြစ်လာမှ ဟိုလူ့လက်ညှိုးထိုး ၊ ဒီလူ့ လက်ညှိုး ဟိုလူ့အပြစ်ပုံချ ဒီလူ့အပြစ်ပုံချ မရှိတဲ့ ယောကျာ်းက ရှိတဲ့ ယောကျာ်းထက် ပိုသာလွန်ပါတယ် ။ ပြီးရင် ခိုငြီး ငြီးတာတွေ ၊ အရာရာကို ဘလိမ်းတတ်လွန်းတာတွေ ရှောင်ပါ ။
၂။ တစ်ကိုယ်ရည် သန့်ရှင်းမှု သေချာ ဂရုစိုက်ပါ ။
သန့်နေအောင် နေပါ ၊ ဆံပင် ပုံမှန်ညှပ်ပါ ၊ မျက်နာ အသားအရေ ၊ အမွှေးအမျှင် ဂရုစိုက်ပါ ၊ အနံ့ဆိုး ကိုယ့်ဆီက မထွက်ပါစေနဲ့ ၊
အဝတ်အစားမှာလည်း သူ့နေရာ ဒေသအလိုက် ပြင်ဆင်ပြီး ဝတ်တတ်ပါ ။ တတ်နိုင်ရင် ကိုယ်နဲ့လိုက် ၊ ရာသီဥတုနဲ့လည်း ကိုက်တဲ့ ရေမွှေး ကောင်းကောင်းလေးတွေ သုံးပါ ။
၃။ ကိုယ်ကျွမ်းကျင်တဲ့ Profession တစ်ခုခု ရှိနိုင်အောင် လုပ်ပါ
ဘာသာရပ် တစ်ခု ၊ ပညာရပ်တစ်ခုအပေါ် ကျွမ်းကျင်ပိုင်နိုင်မှု ရှိတဲ့ ယောကျာ်းက ပို sexy ဖြစ်ပါတယ် ။ ကိုယ့်အနေနဲ့ ကျွမ်းကျင်မှုအဆင့်ထိ မရောက်နေတောင့် အဆက်မပြတ် လေ့လာသင်ယူနေတဲ့ stage, ပညာဆည်းပူးနေတဲ့ အဆင့်ဆိုရင်တောင် ဒါက ပုံမှန် ယောကျာ်းတွေထက် ကိုယ့်ကို ကြည့်ရတော်တော် ကောင်းစေပါတယ်။
၄။ တတ်နိုင်ရင် ငွေများများ ရှာနိုင်အောင် ကြိုးစားပါ ။
ဒါကတော့ different league ပါ ၊ မိန်းကလေးတစ်ယောက် ကိုယ့်ကို အထင်ကြီးစေချင်လို့ တောသားအကွက်နဲ့ ချမ်းသာအောင် လုပ်လို့ ဆိုလိုတာ မဟုတ်ပါဘူး ၊ ပြောချင်တာက ကိုယ်နဲ့ အပြင်သွားတဲ့အခါ တစ်ဝိုင်းလုံးစာ အကုန်လုံးစာ ကိုယ်ထုတ်ရှင်းပေးတာတွေ ၊ ဘားတွေ ကလပ်တွေမှာဆို ကိုယ်က manner ကောင်းကောင်း ၊ မုန့်ဖိုးတွေပေး ဆက်ဆံတာဆိုတော့ ကလပ်က security တွေနဲ့ ဝိတ်တာလေးတွေက အစ ကိုယ့်ဝိုင်းကို ဝိုင်းစောင့်ရှောက်ပေးတာတွေ ၊ အစားအသောက်ကောင်းဆိုင်တွေ သွားတာနဲ့ ကိုယ့်ကို မှတ်မိနေတဲ့ ဝန်ထမ်းလေးတွေက တလေးတစား နှုတ်ဆက် လာကြိုတာတွေ ၊ ကိုယ်သဘောကျတဲ့ မိန်းကလေး တစ်ယောက်တင် မဟုတ်ပဲ သူ့သူငယ်ချင်း အကုန်လုံးအတွက်ပါ သူတို့ စားချင်တာ လုပ်ချင်တာတွေ ကိုယ်က အပြုံးမပြတ် ရှင်းပေးနိုင်တာမျိုးတွေ ဒါတွေက different level league တွေပါ ၊ ဥပမာ အများကြီး ရှိပါသေးတယ် ၊ ဒီလောက်ဆို နားလည်မယ် ထင်ပါတယ် ။
၅။ Toxic man ရဲ့ ဆန့်ကျင်ဖက် Kind man ဖြစ်ကြည့်ပါ
Toxic traits တွေက ဟိုး ဘိုးတော်ဘုရား လေးဖက်ထောက် အဖေတို့ ဦးလေးတို့ ခေတ်မှာ ကျန်ခဲ့ပါပြီ ၊ တစ်လောကလုံးက ယောကျာ်းတွေက Dior Savage စွတ်သလို toxic ဆိုတာက တော်တော်ကြီး အီလည် ပျင်းဖို့ကောင်းနေပါပြီ ။ မှန်ပါတယ် ၊ အမျိုးသမီး တချို့အတွက်ကျ genuinely kind ဖြစ်တာထက် emotionally stimulated ဖြစ်တာကို ပိုနှစ်ခြိုက်ကျပေမယ့် kind ဖြစ်တဲ့ နည်းတွေကနေလည်း stimulate လှုံ့ဆော်လို့ ရပါတယ် ။ Kind ဖြစ်တယ်ဆိုတာ ပျော့တာကို မဆိုလိုပဲ တဖက် အမျိုးသမီးကို တလေးတစား ပြောဆိုဆက်ဆံတာ ၊ စိတ်ပိုင်းဆိုင်ရာ လုံခြုံရစေတာမျိုး ၊ စိတ်ချရစေတာမျိုး ဖန်တီးပေးတာ ၊တဖက်အမျိုးသမီးက ပြောချင်တာ ဆိုလိုချင်တာကို တကယ် နားလည်အောင် ကြိုးစားတာ ၊ ကိုယ့်အပြုအမူတွေနဲ့ မျက်နာအမူအရာတွေက မာထန်နေတာမျိုး မဟုတ်၊ တုန့်ပြန်လွယ် စိတ်ဆိုးလွယ် easily reactive ဖြစ်တာမျိုးမဟုတ်ပဲ ချိုနေတာ ၊ ပြုံးနေတာ ၊ စိတ်ရှည်နေတာမျိုး ၊ တဖက် အမျိုးသမီး စကားပြောရကောင်းအောင် ခံစားရကောင်းအောင် ကူညီပေးတာမျိုး ၊ သူစိတ်ဝင်စားတဲ့ subject တွေ လိုက်ပြောပေးတာမျိုးပါ ။ ဒီအချက်က မှားကောင်း မှားနိုင်ပါတယ် ၊ ဒါပေမယ့် ကျနော့်အထင် ဒီဖက်ခေတ် အမျိုးသမီးတွေက Kind man ပုံစံမျိုးကို ပိုလိုလားကြတယ် ထင်ပါတယ် ။
၆။ စဆရက မလုပ်ပါနဲ့ ။
ဆွဲဆောင်မှု ရှိချင်ရင် တတ်နိုင်သမျှ ကိုယ်သိတာ တတ်တာ မလိုအပ်ပဲ မပြောပါနဲ့ ၊ တဖက်က မမေးမချင်း ထုတ်မပြောပါနဲ့ ။ မေးလာရင်လည်း အနည်းအကျဉ်း အရေးမကြီး မခမ်းနားသယောင်ပဲ ပြောပါ ။
စကားဝိုင်းတွေမှာ အခွင့်အရေးရတာနဲ့ ကိုယ့်ကိုယ်ကို ကြွားတာမျိုး ၊ promote လုပ်တာမျိုးတွေ ရှောင်ပါ ။ အဲ့ဒီလို ထုတ်ပြောမယ့် အစား ကောင်မလေးဖက်က တဖြည်းဖြည်း သိလာတာမျိုးက ပို အရသာရှိပါတယ် ၊ ကိုယ် ဝိတ်တာလေးနဲ့ စကားပြောတော့မှ ကိုယ် အင်္ဂလိပ်လို ၊ ဂျပန်လို ကျွမ်းကျွမ်းကျင်ကျင် ပြောတက်တာမျိုး ၊ တိုက်ဆိုင်ပြီး ကြုံတော့မှ ကိုယ်က ဒီစာပေတွေ ဒီစာအုပ်တွေ ဖတ်တယ် ဆိုတာမျိူး ၊ အဲ့လို တဖက်က ကိုယ့်ကောင်းခြင်းတွေကို surprise အနေနဲ့ တစ်ခုပြီး တစ်ခု discover ဖြစ်လာတာက ကိုယ့်ကိုယ်ကို ထုတ်ဖော်ပြောတာထက် ပိုမိုက်ပါတယ် ။
၇။ ခန္ဓာကိုယ် ဆွဲဆောင်မှု ရှိအောင် ကြိုးစားပါ ။
အရေးကြီးပါတယ် ၊ six pack တွေ ခဏအချိန်နဲ့ ပြူးအောင် ပရိုကစားသမားတွေ အသုံးပြုတဲ့ ဆေးတွေ အသုံးပြုတာကို ဆိုလိုတာ မဟုတ်ပါဘူး ။ ကိုယ့်ဘဝထဲ အားကစား လုပ်တာ ၊ ခန္ဓာကိုယ် ဂရုစိုက်တာကို အလေ့အကျင့် တစ်ခုအနေနဲ့ တွဲလုပ်စေချင်တာပါ ၊ အားကစား လိုက်စားတဲ့ ယောကျာ်းတွေက ဒီတိုင်း ဘာမှ ထွေထွေထူးထူး လှုပ်ရှားမှု မပြုတဲ့သူတွေထက် ပို စိတ်ကြည်ပါတယ် ၊ ကိုယ့်ကိုယ်ကို ယုံကြည်မှု ပိုရှိပါတယ် ၊ ဖျက်လတ်သန်မာပါတယ် ။ ဒါတွေက အမျိုးသမီးတွေ မျက်လုံးထဲလည်း လိုလားဖွယ် desirable ဖြစ်စေတဲ့ အချက်တစ်ခုထဲ ပါပါတယ် ။
၈။ Sensitive Man မဖြစ်ပါနဲ့
တစ်ခုခုဆို မျက်နာပျက်လွယ် ၊ ဗြူးဗြူးဗြဲဗြဲ ဖြစ်လွယ်တဲ့ ယောကျာ်းတွေက တော်တော် ကြည့်ရ ဆိုးပါတယ် ။ ပြီးရင် စကားဝိုင်းမှာ ကိုယ့်ကိုယ်ကို ကာကွယ်လွန်းတာ ၊ defensive ဖြစ်လွန်းတာ ၊ မြင်မြင်သမျှ သူ့ကို ထိုးနှက်တယ် ထင်ပြီး ပေါက်ကွဲလွယ်တာမျိူးတွေက ယောကျာ်းအချင်းချင်းမှာတောင် အထင်သေးစေပါတယ် ။ အမျိုးသမီးတွေ မျက်လုံးထဲဆို ဘယ်ပြောကောင်းမလဲ ။ အဲ့ဒီအစား ကိုယ့်အမူအရာနဲ့ မျက်နာပေးက တော်ရုံတန်ရုံ ရုပ်မပျက်တာ ၊ ကိုယ့်ကို ဒဲ့လှော်တဲ့နေရာတွေမှာတောင် ပြုံးပြုံးနဲ့ ကိုင်တွယ်နိုင်တာ ၊ ပုံမှန်လေသံနဲ့ပဲ အေးဆေး စကားပြောနိုင်တာမျိုးက အသင့်တော်ဆုံးပါ ၊ Calm and composed ဖြစ်နေဖို့
လိုပါတယ် ။
၉။ နောက်ဆုံးကတော့ optional ပါ ၊ လုပ်ရမယ် မဟုတ်ပါဘူး ၊ Physical Violence ကို လုပ်နိုင်တဲ့သူ ဖြစ်အောင်ကြိုးစားပါ ၊ ပြီးရင် ထိန်းပါ
ဘာမှ အားမရှိ ၊ တစ်ဖက်ကို ရုပ်ပိုင်းဆိုင်ရာ နာကျင်မှု ကြီးအောင် မလုပ်နိုင်တဲ့သူမျိုးက သူ့ကိုသူ ထိန်းချုပ်တယ်ဆိုရင် အဲ့ဒါ လိမ်နေတာပါ ။ (He is not constraining himself. He is simply harmless)
ယောကျာ်း တစ်ယောက်အနေနဲ့ ကိုယ့်ကိုယ်ကိုရော ၊ ကိုယ့်ဘေးက အနည်းအကျည်းကိုရော တကယ် ကာကွယ်နိုင်ဖို့ဆို Physical violence တစ်ခုခုဆို inflict လုပ်နိုင်စွမ်း ရှိဖို့လိုပါတယ် ။ ပြီးတော့ ပြောရရင် အဲ့လို လုပ်နိုင်စွမ်း ရှိတဲ့ အမျိုးသားတွေက ပုံမှန် ယောကျာ်းတွေထက် ပိုငြိမ်ပါတယ် ၊ ပိုစိတ်ရှည်ပြီး တက်နိုင်သမျှ ရန်ပွဲတွေ ရှောင်ပါတယ် ။ ပြီးတော့ ကိုယ့်ကိုယ်ကို ယုံကြည်မှု တော်တော် ရှိပါတယ် ။ ကိုယ်နဲ့ သွားလာတဲ့ အမျိုးသမီးကလည်း ကိုယ်က သူ့ကို ကာကွယ်နိုင်စွမ်း အပြည့်ရှိတယ် သိနေရရင် သူ့ကိုသူ စိတ်ပိုလုံခြုံပါတယ် (ဒီနေရာမှာ အမျိုးသမီးတွေက ကာကွယ်ပေးသူ လိုအပ်နေတယ် ဆိုလိုတာ မဟုတ်ပါ ၊ ကပ်မပြောဖို့ မေတ္တာရပ်ခံချင်ပါတယ်)
အဲ့တော့ အချက်တွေ အများကြီး ထပ်ရှိပါသေးတယ် ၊ အပေါ်ကတော့ basic အချက်လေးတွေပါ ။
ဒါပေမယ့် disclaimer ခံချင်တာက ဒီအချက်တွေရှိရုံနဲ့ ပြီးပြည့်စုံပြီ မိန်းကလေး တစ်ယောက် ကိုယ့်ကို ရွေးချယ်မယ် (or) မပစ်သွားဘူး (or) မဖောက်ပြန်သွားဘူးလို့ မဆိုလိုပါဘူး ။
ဒါတွေက သူတို့ အပိုင်းပါ ။
ဒါပေမယ့် အပေါ်က အချက်တွေ ကိုယ့်မှာ ရှိနေတယ် ၊ ကိုယ်က single လည်း ဖြစ်နေတယ်ဆိုရင် ကိုယ့်ကို သဘောကျ နှစ်ခြိုက်မယ့် အမျိုးသမီးတွေ ရှိလာလောက်မယ်လို့ ယူဆပါတယ် ။
အမျိုးသမီး ကိစ္စနဲ့ ပတ်သက်လာရင် ကျနော် ကြားဖူးတဲ့ စကားလေးတစ်ခု အမြဲ မှတ်မိတယ် ၊ ကျနော်လည်း အဲ့ပုံစံပဲ နေဖြစ်တယ် ။
အဲ့ဒါက
“လိပ်ပြာလေးတွေကို လိုက်မဖမ်းပါနဲ့ ၊ ဖမ်းနေသရွေ့ သူတို့ ထွက်ပြေးကြလိမ့်မယ် ။
အရမ်းကို ကောင်းမွန်ပြည့်စုံတဲ့ ဥယျာဉ်တစ်ခုကို တည်ဆောက်ပါ ၊ အရောင်အသွေးစုံလင်တဲ့ လိပ်ပြာလေးတွေ ကိုယ့်ဥယျာဉ်မှာ လာနားကြပါမယ်” တဲ့
အဲ့တော့ ကျနော်အပေါ်က ပြောတဲ့ အချက်တွေနဲ့ ဥယျာဉ်ကောင်းလေးတစ်ခု တည်ဆောက်ရင်
တည်ဆောက်ပေါ့ဗျာ ❤️✌🏼
မူရင်းပို့စ် Pika Sharing မှကူးယူတင်ပြသည်
#ဆွဲဆောင်မှုရှိသောအမျိူးသား
