08/08/2026
VP SARA: "WE WILL REMAIN UNBOWED, THIS IS THE SPIRIT OF DAVAO"
Mitambong si Bise Presidente Sara Duterte sa seremonya sa pag-abli sa 2026 Kadayawan Festival sa Magsaysay Park sa Davao City niadtong Biyernes sa gabii, Agosto 7.
Sa iyang pakigpulong, giawhag ni VP Duterte ang mga Davaoeño nga magbarog nga lig-on, magpabiling mapagarbuhon, ug dili mapayuko bisan pa sa mga hagit nga ilang giatubang.
Iyang namatikdan nga ang katawhan sa Davao nakalahutay sa kakabos, terorismo, rebelyon, ug pandemya sa tibuok kalibotan, apan nagpabiling nagkahiusa ug puno sa paglaom.
““These struggles did not define us. They made us stronger. We will continue to rise, support one another, and move forward with courage, wisdom, and faith. We will remain unbowed. This is the spirit of Davao. And this is the true meaning of Kadayawan,” matod niya.
Gitawag nga “King of Festivals” ug usa sa labing gipaabot nga mga selebrasyon sa nasod, ang Kadayawan Festival nagsaulog sa abunda nga ani sa rehiyon, sa adunahang kultural nga panulondon, ug sa 11 ka Lumad ug Moro nga mga tribo nga unang nagpuyo sa siyudad.
“Beyond the festivities, Kadayawan reminds us that true prosperity comes from preserving our culture, supporting one another, striving for a society that is fair, peaceful, and inclusive,” dugang pa niini.
