GO Pasig (2026)

28/05/2026

TINGNAN: Nagsimula na nitong Mayo 25, 2026 ang distribusyon ng rice subsidy mula sa pambansang pamahalaan para sa marginalized at vulnerable sectors sa Pasig.

Tinatayang mahigit 32,000 benepisyaryo ang makatatanggap ng ayuda sa ilalim ng programa na tatagal hanggang Oktubre 2026. Bawat benepisyaryo ay makatatanggap ng tig-10 kilo ng bigas kada dalawang buwan, na aabot sa kabuuang 60 kilo hanggang sa pagtatapos ng programa.

Ayon sa lokal na pamahalaan, natukoy ang mga benepisyaryo sa tulong ng iba’t ibang tanggapan tulad ng City Social Welfare and Development Office, City Health Department, Office for Senior Citizens Affairs, at Persons with Disability Affairs Office.

Pinangangasiwaan din ng CSWDO ang proseso upang matiyak na walang madodobleng benepisyo para sa mga indibidwal na kabilang sa higit sa isang marginalized o vulnerable sector.

Umaabot sa ₱128 milyon ang pondong inilaan ng pambansang pamahalaan para sa rice subsidy program sa lungsod. Pinondohan ito sa ilalim ng Local Government Support Fund – Financial Assistance to Local Government Units bilang tugon sa epekto ng tensyon sa Middle East.

Ang mga ipinamamahaging bigas ay nagmula sa mga accredited farmers at kooperatiba sa Nueva Ecija na na-engage sa pamamagitan ng “Sagip Saka” procurement program sa pangunguna ng Local Economic Development and Investment Office.

Nilinaw naman ng pamahalaan na hindi kabilang sa mga benepisyaryo ng rice subsidy ang mga miyembro ng Pantawid Pamilyang Pilipino Program o 4Ps dahil kasama na sa kanilang assistance package ang probisyon ng bigas.

Source: Pasig City Public Information Office (fb)

27/05/2026

Sa pagdiriwang ng Eid al-Adha, nawa’y manaig ang pagmamahalan, sakripisyo, at pagkakaisa sa bawat pamilya.

Maligayang Eid al-Adha sa ating mga kapatid na Muslim! 🌙🤍

25/05/2026

TINGNAN: Inilunsad ng TikTok Shop ang Unlad Lokal Roadshow Caravan noong Mayo 19, 2026 sa Pamantasan ng Lungsod ng Pasig bilang bahagi ng programa para matulungan ang mga micro, small, and medium enterprises (MSMEs) na makapasok at lumago sa digital market.

Sa pakikipagtulungan ng Pasig City Local Economic Development and Investment Office, nagbigay ang TikTok Shop ng pagsasanay ukol sa livestream selling, affiliate marketing, at paggawa ng short-form content upang matulungan ang mga lokal na negosyante na mas mapalawak ang kanilang online operations at makasabay sa modernong merkado.

Dumalo sa aktibidad ang mahigit 100 participants kabilang ang mga Pasig-based MSMEs, entrepreneurship students ng PLP, aspiring online sellers, at digital creators.

Ayon sa mga organizer, layunin ng programa na mapalakas ang kakayahan at kompetitibidad ng mga lokal na negosyo sa patuloy na lumalawak na digital economy.

Naging katuwang din sa programa sina Roman Romulo at Robert Jude Jaworski. Dumalo rin sina Crisostomo Ian P. Veron Cruz at Glicerio M. Maningas bilang pagpapakita ng suporta sa naturang inisyatiba.

Source: Pasig City Local Economic Development and Investment Office (fb)

19/05/2026

PASIG CITY, SUMAILALIM SA ECOTOURISM ASSESSMENT NG NCR COMMITTEE

TINGNAN: Malugod na tinanggap ng Pamahalaang Lungsod ng Pasig ang Regional Ecotourism Committee–NCR para sa isinagawang ecotourism assessment sa Maybunga Rainforest Park.

Pinangunahan ng Pasig City Cultural Affairs and Tourism Office at Maybunga Rainforest Park, katuwang ang City Environment and Natural Resources Office (CENRO) at Solid Waste Management Office (SWMO), ang aktibidad na layong suriin at palakasin ang mga programang pangkalikasan at turismo ng lungsod.

Ayon sa lungsod, bahagi ito ng patuloy na pagsusulong ng responsableng turismo at pangangalaga sa kalikasan tungo sa mas sustenableng kinabukasan para sa mga residente ng Pasig.

Source: DENR National Capital Region (fb)

19/05/2026

PASIG CITY, NAG-ANYAYA SA “ILAW AT ALAALA: PASIG BY NIGHT” HERITAGE TOUR

Nagbukas ng libreng walking and rolling tour ang Pamahalaang Lungsod ng Pasig bilang bahagi ng pagdiriwang ng National Heritage Month 2026 ngayong Mayo.

Pinamagatang “Ilaw at Alaala: Pasig by Night,” layunin ng aktibidad na ipakilala ang kagandahan ng mga makasaysayang lugar at heritage sites sa poblacion area ng lungsod, kabilang ang mga kuwento at kasaysayan sa likod ng mga ito.

Gaganapin ang night tour sa Mayo 23 mula alas-6 ng gabi hanggang alas-10 ng gabi, tampok ang siyam na heritage sites sa Pasig. Bukas ito sa 60 kalahok, Pasigueño man o hindi, na mauunang makapagparehistro.

Ayon sa lungsod, bahagi rin ng programa ang pagpapalalim ng pagpapahalaga ng publiko sa kultura at pamanang kasaysayan ng Pasig.

Source: Pasig City Information Office (fb)

14/05/2026

MGA BAGONG IMPRASTRAKTURA SA BRGY. BAGONG ILOG, PASIG, PORMAL NANG PINASINAYAAN

TINGNAN: Pormal na binuksan at pinasinayaan kahapon, Mayo 13, 2026, ang dalawang malalaking proyektong pang-imprastraktura ng Pamahalaang Lungsod ng Pasig sa mga kalyeng F. Intalan at Pvt. Aurellana sa Barangay Bagong Ilog. Dinaluhan ang okasyon ng mga opisyal ng lungsod at barangay, pati na rin ng mga residente ng nasabing lugar.

Ang kabuuang halaga ng mga gawain ay umabot sa mahigit PHP 11.4 Milyon, na sumasaklaw sa pagsasaayos ng mga bangketa, pagpapatibay ng daluyan ng tubig, at pag-aayos ng kalsada.

Sa kahabaan ng F. Intalan St., na nagkakahalaga ng higit PHP 5.7 Milyon, isinemento ang 322 metrong haba ng bangketa. Sa ilalim nito ay itinayo ang matibay na daluyan ng tubig na yari sa pinatibay na semento na may lapad na 0.7 metro, at nilagyan din ito ng mga pasilidad para sa maayos na daloy ng tubig.

Samantala, sa Pvt. Aurellana St. na may halagang mahigit PHP 5.6 Milyon, itinayo ang 647.5 metrong kanal na nilagyan ng pader na semento na may lapad na 0.6 metro. Itinayo rin ang 1.2 metrong lapad na bangketa sa ibabaw nito, habang halos 670 metrong kwadrado ng kalsada ang inaspaltuhan. Bilang proteksyon sa mga dumadaan, nilagyan din ng mga harang pangkaligtasan ang mga gilid ng daanan.

Layunin ng mga proyektong ito na mabawasan ang suliranin sa pagbaha sa nasabing lugar, gawing mas ligtas at maayos ang paglalakad ng publiko, at sa kabuuan ay mapataas ang antas ng pamumuhay ng mga mamamayan.

Isinagawa ang mga gawain sa pangunguna ng City Engineering Office at katuwang ang iba pang ahensya ng lungsod. Ang seremonya ng pagbubukas ay pinangasiwaan ng Pasig City Cultural Affairs and Tourism Office, kasama ang Pasig City Symphonic Band.

Source: Pasig City Public Information Office

11/05/2026

KABATAANG PASIGUEÑO, INAANYAYAHANG MAKIISA SA KK PROFILING 2026

TINGNAN: Tinatawagan ang lahat ng kabataang Pasigueño na nasa edad 15 hanggang 30 na lumahok at sumagot sa Katipunan ng Kabataan (KK) Profiling 2026. Ang pagpaparehistro at pagsagot ay bukas na simula ngayong araw, Mayo 11, at magpapatuloy hanggang Agosto 31, 2026.

Layunin ng nasabing hakbangin na makakalap ng mahahalagang impormasyon hinggil sa kalagayan, interes, at mga mithiin ng mga kabataan sa lungsod. Ang mga makakalap na datos ay magsisilbing batayan at gabay ng pamahalaan sa pagbubuo at pagpapahusay ng mga angkop na programa at serbisyo na tutugon sa pangangailangan ng sektor.

Kabilang sa mga paksang tatalakayin sa talatanungan ang mga sumusunod: pangunahing katangian, antas ng pag-aaral, trabaho at pangkabuhayan, kalusugan, pakikilahok sa gawaing pambayan, kaligtasan, kahandaan sa sakuna, pagkilos sa lungsod, at mga mithiin sa buhay.

Maaaring sumagot sa pamamagitan ng QR code o sa link na ito: https://bit.ly/PasigKKProfiling26. Pinapaalalahanan ang lahat na maging tapat at wasto sa pagbibigay ng impormasyon upang masiguro ang katumpakan ng kalalabasan nito.

Para sa mga nangangailangan ng tulong teknikal, maaaring lumapit sa Sangguniang Kabataan ng kani-kanilang barangay. Ang inyong pakikilahok ay patunay na mahalaga ang boses ng kabataan sa pag-unlad ng buong komunidad.

Source: Pasig City Public Information Office (fb)

10/05/2026

Sa bawat yakap na nagbibigay ng ginhawa, sa bawat sakripisyong tahimik na ginagawa, at sa pagmamahal na walang kapalit — saludo kami sa lahat ng Nanay. 💐❤️
Kayo ang ilaw ng tahanan, lakas ng pamilya, at pusong patuloy na nagmamahal kahit napapagod na. Maraming salamat sa walang sawang pag-aaruga, pag-intindi, at pagmamahal na hindi matutumbasan ng kahit ano.
Ngayong Mother’s Day, kayo naman ang iparamdam na espesyal. 🌷

06/05/2026

PASIG CITY, KINILALA SA BLOOMBERG CITYLAB 2026 SA ESPANYA

TINGNAN: Bahagi si Mayor Vico Sotto ng mahigit 100 alkalde mula sa iba’t ibang panig ng mundo na lumahok sa Bloomberg CityLab 2026 na ginanap nitong Abril 27–29, 2026 sa Madrid, Spain.

Ang nasabing pandaigdigang pagpupulong ng mga lungsod ay isinagawa sa pakikipagtulungan ng Bloomberg Philanthropies at Aspen Institute. Nagtampok ito ng mga talakayan, sesyon, at mga aktibidad upang pag-aralan ang mga makabagong solusyon sa mga hamong kinakaharap ng mga lokal na pamahalaan sa buong mundo.

Kinilala rin sa nasabing pagtitipon ang 24 na pamahalaang lungsod na nanalo sa Bloomberg Philanthropies Mayors Challenge 2025-2026. Kabilang sa mga napili, mula sa mahigit 630 na kalahok mula sa iba’t ibang panig ng mundo, ang Lungsod ng Pasig.

Napili ang proyekto ng Pasig na nakatuon sa pagpapatayo ng mga floating park na binuo kasama ang mga residente bilang solusyon sa kakulangan ng mga bukas at luntiang lugar sa lungsod. Ang parangal ay inanunsyo na noong Pebrero 2026, at bilang gantimpala, nakatanggap ang Pasig ng USD1M grant, teknikal na tulong, at mga tauhan upang masiguro ang maayos na pagpapatupad ng proyekto.

Bukod dito, nakilahok si Mayor Vico sa Mayors Innovation Studio at naging bahagi rin ng panel sa sesyong tinawag na “Reimagining Rivers,” kung saan nagkaroon ng pagkakataong makipagpalitan ng kaalaman at karanasan sa mga eksperto mula sa iba’t ibang bansa.

Source: Pasig City Public Information Office/FB

03/05/2026

TINGNAN: Ipinamahagi ang tulong pinansyal ng Pamahalaang Lungsod ng Pasig sa 209 pamilya na naging biktima ng sunog mula sa iba’t ibang barangay.

Ginanap ang pamamahagi sa Covered Court ng Bagong Ilog Elementary School. Kabilang sa mga benepisyaryo ang:
• 148 pamilya mula sa Brgy. Bagong Ilog
• 2 pamilya mula sa Brgy. Bambang
• 17 pamilya mula sa Brgy. Kapitolyo
• 27 pamilya mula sa Brgy. Pinagbuhatan
• 15 pamilya mula sa Brgy. Ugong

Nagpaabot ng mensahe ng pag-asa at suporta si Mayor Vico Sotto, kasama sina Vice Mayor Dodot Jaworski Jr. at mga miyembro ng Sangguniang Panlungsod, na muling iginiit na mananatiling handa at nakaalalay ang pamahalaan upang matulungan ang mga pamilya na makabangon muli.

Source: Pasig City Public Information Office/FB

GO Pasig

28/05/2026

27/05/2026

25/05/2026

19/05/2026

19/05/2026

14/05/2026

11/05/2026

10/05/2026

06/05/2026

03/05/2026

Address

Website

Alerts

Shortcuts

Share