18/07/2025
WEATHER UPDATE: ‘MATINDING BANTA NG PANAHON SA VISAYAS AT MIMAROPA, INALERTO NG PAGASA’
TINGNAN: Naglabas ng Heavy Rainfall Warning No. 17 ang PAGASA ngayong umaga, 8:00 AM, bunsod ng patuloy na pananalasa ng habagat na pinalalakas ng Bagyong . Kasalukuyang nasa Red Warning Level ang ilang bahagi ng Kanlurang Visayas, Negros, at buong Mainland Palawan, na nangangahulugang may matinding pag-ulan na nagbabanta sa buhay.
RED WARNING: EXTREME DANGER ZONE
Ang mga sumusunod na lugar ay nakararanas o inaasahang makararanas ng matitinding pag-ulan na maaaring magdulot ng malalalim na baha at biglaang pagguho ng lupa:
• Antique
• Negros Oriental
• Mainland Palawan (Puerto Princesa City, Narra, Roxas, Brooke’s Point, Taytay, at iba pa)
• Capiz
• Aklan
• Negros Occidental
• Iloilo
• Guimaras
Ayon sa mga otoridad, inaasahan ang baha kahit sa mga lugar na karaniwang hindi binabaha, at posibleng landslide sa kabundukan na maaaring abutan ang mga hindi nakahanda. Pinapayuhan ang mga residente na agad na lumikas kung kinakailangan at makipag-ugnayan sa lokal na DRRMO.
ORANGE WARNING: DELUBYO SA KAPATAGAN AT KABUNDUKAN
Itinaas naman ang Orange Warning sa mga sumusunod na lugar:
• Siquijor
• Occidental Mindoro
• Northern Palawan (Coron, Busuanga, Cuyo, Culion, Agutaya)
Bagama’t mas mababa ang antas ng babala kumpara sa Red Warning, delikado pa rin ang sitwasyon dahil sa patuloy na malalakas na pag-ulan. Pinapayuhan ang publiko na maging alerto sa baha at landslide, lalo na sa mga low-lying areas.
BANTA NG ULAN SA SUSUNOD NA 2-3 ORAS:
Patuloy rin ang pag-ulan sa:
• Cebu
• Leyte
• Biliran
• Samar
• Eastern Samar
• Southern Leyte
Kasabay nito, walang patid ang buhos ng ulan sa Bohol at mga kalapit na lugar. Pinayuhan ang mga residente roon na huwag nang maghintay ng panibagong babala bago maghanda.
MGA MAHALAGANG PAALALA:
• I-monitor nang tuloy-tuloy ang ulat mula sa PAGASA, LGU, at iba pang awtoridad.
• Maghanda agad — huwag maghintay ng bagong abiso bago kumilos.
• Ilagay sa ligtas na lugar ang mga dokumento, pagkain, gamot, at emergency supplies.
• Iwasan ang mga ilog, bundok, at mabababang lugar.
• Ipanalangin ang kaligtasan ng mga apektado.
Ang tumitinding ulan ay maaaring magdulot ng pinsala sa isang iglap. Sa gitna ng banta ng bagyo at habagat, ang maagap na paghahanda ang susi sa kaligtasan. Maging alerto, maging ligtas.
Photo: PWS/SWS (FACEBOOK)
