Jazba Kharian

06/09/2025

کھاریاں(کاشان مجید) پریس کلب کھاریاں کے سابق صدر نصراللہ چودھری نے کہا ہے کہ پریس کلب کے دوستوں کا شکریہ جہنوں نے تین سال بعد بھی میر ی درخوست پر غور کیا اور میرا مان رکھ لیا ۔۔
اور مجھے اور ادیب مشتاق کو مایوس نیہں کیا اور ایک گلدستہ بن گے۔

06/09/2025

لاہور: 6 ستمبر

وزیراعلی پنجاب مریم نواز شریف کا گجرات میں سیلاب کی صورتحال پر ہنگامی اقدامات

پنجاب کے پانچ بڑے شہروں کی واسا کی مشینری گجرات پہنچا دی گئی

وزیراعلی مریم نواز شریف کے حکم پر پانچ صوبائی سیکرٹری گجرات پہنچ گئے

ہنگامی اقدامات پر موثر عملدرآمد اور صورتحال ٹھیک ہونے تک گجرات میں رہنے کا حکم

وزیراعلی پنجاب مریم نواز شریف کے حکم پر ہاؤسنگ، کمیونیکیشن، ورکس، لوکل گورنمنٹ اور اریگیشن کے صوبائی سیکرٹری گجرات پہنچ گئے

لاہور سمیت دیگر شہروں کے واسا کے سینکٹروں واٹر پمپ گجرات پہنچا دئیے گئے

دیگر شہروں سے مزید بھاری مشینری، دیگر ضروری سازو سامان اور عملے کی گجرات آمد کا سلسلہ جاری

آئیندہ دو روز میں مزید مشینری گجرات پہنچ جائے گی

گجرات میں سلابی پانی کے نکاس کے ہنگامے ایکشن پلان پر چوبیس گھنٹے کام ہوگا

گجرات میں نکاسی آب اور سیوریج کے جدید نظام کے لیے پہلے سے منظور شدہ 21 ارب روپے کے پیکج پر بلاتاخیر عمل درآمد شروع کرنے کا بھی فیصلہ

منصوبے کے تحت مستقبل میں نکاسی آب کا جدید انفراسٹرکچر تعمیر ہوگا

انجنئیرنگ کے جدید خطوط پر سیلابی نالوں کا پورا نظام بنے گا

ایک ہفتے میں گجرات واسا کے نئے قائم ہونے والے ادارے کو بھاری مشینری فراہم کر دی جائے گی

گجرات میں نکاسی آب اور شہریوں کی مدد کے لئے 83 ٹیکنیکل مہارت رکھنے والے عملے کی بھی ہنگامی بنیادوں پر تعیناتی

نکاسی آب کے 26 اور پینے کے پانی کی فراہمی کے 24 مزید پمپ بھی گجرات پہنچا دئیے گئے

7 واٹر براؤزر اور 4 مٹی اور گندگی اٹھانے کی مشینیں (ایکسویٹرز)، ایندھن پہنچانے کا ایک ٹرک اور دو بڑے جنریٹر بھی گجرات پہنچا دئیے گئے

لورین کے مقام سے سیلابی پانی گجرات شہر میں داخل ہو رہا ہے، بھمبر کی طرف جاتے چھوٹے چھوٹے پانی کے بہاؤ کے ذرائع سے اس کی مقدار بڑھ رہی ہے

نالہ کھود کر 20 فیصد پانی کا رخ موڑنے کا آپریشن جاری، 80 فیصد پانی اب بھی شہر کی طرف جا رہا ہے

مشینری اور عملے کی مدد سے ہلسی نالے کی طرف جانے والی نالی کی گنجائش بڑھانے کی کوشش بھی جاری

سیلابی پانی کا رخ موڑنے کے لیے 5 پمپس بھی نصب کیے جا رہے ہیں

آبپاشی کی اصطلاح میں، شدید بارشوں کی وجہ سے پانی کا بہاؤ 'شیٹ فلو' یعنی زمین پر چادر کی رح پھیلا ہوا ہے

گرین ٹاؤن، مکی محلہ، کالرا کلاں، ریلوے روڈ، اور پدھی کالونی کی صفائی ستھرائی کا آپریشن مکمل کر لیا گیا

وزیراعلی مریم نواز شریف کی ڈسپوزل اسٹیشن کی موثر کارکردگی کی تعریف، جس نے ان علاقوں کی کلیئرنس کو یقینی بنایا

06/09/2025

کھاریاں(کاشان مجید )وزیرِ بلدیات زیشان رفیق کے ہمراہ سیکرٹری لوکل گورنمنٹ شکیل احمد میاں، سیکرٹری ہاؤسنگ نورالامین مینگل، کمشنر گوجرانوالہ نوید حیدر شیرازی، آر پی او طیب حفیظ چیمہ، ڈپٹی کمشنر نورالعین قریشی، ڈی پی او رانا عمر فاروق کی میڈیا کو بریفنگ

گجرات: وزیرِ بلدیات پنجاب ذیشان رفیق کی پریس کانفرنس — نکاسِ آب کے ہنگامی اقدامات پر بریفنگ

وزیرِ بلدیات پنجاب ذیشان رفیق نے کہا ہے کہ گجرات میں حالیہ شدید بارشوں اور سیلابی صورتحال کے بعد شہری آبادی کو بچانے کے لئے ہنگامی اقدامات کیے جا رہے ہیں۔ ضلعی انتظامیہ اور صوبائی ادارے مل کر دن رات کام کر رہے ہیں تاکہ شہریوں کو اربن فلڈنگ کے اثرات سے محفوظ رکھا جا سکے۔

انہوں نے میڈیا سے گفتگو میں بتایا کہ گزشتہ دو تین روز کے دوران 577 ملی میٹر بارش اور بھمبر نالے کے اوور فلو ہونے کے باعث مدینہ سیداں، کوراں موضع، کچہری چوک اور دیگر نشیبی علاقوں میں پانی داخل ہوا، جس سے شہری متاثر ہوئے۔

وزیرِ بلدیات نے کہا کہ وزیراعلیٰ پنجاب مریم نواز شریف کی خصوصی ہدایت پر ہاؤسنگ، سی اینڈ ڈبلیو، لوکل گورنمنٹ اور اریگیشن کے سیکرٹریز گجرات پہنچ چکے ہیں اور خود کام کی نگرانی کر رہے ہیں۔ لاہور اور دیگر بڑے شہروں سے واسا کی بھاری مشینری، سینکڑوں واٹر پمپس اور عملہ گجرات پہنچ چکا ہے، مزید مشینری اگلے دو روز میں پہنچ جائے گی۔

انہوں نے کہا کہ ناتھو کوٹ، میہسم موڑ، کٹھالہ، یونیورسٹی روڈ اور لوران چوک سمیت مختلف مقامات پر پانی کے بہاؤ کا رخ موڑا گیا ہے تاکہ شہری آبادی کو محفوظ رکھا جا سکے۔ اس کے ساتھ ہی ایم سی گجرات کا سیوریج سسٹم بھی متحرک ہے۔ ہیلسی نالے کی گنجائش بڑھائی جا رہی ہے اور مزید پمپس نصب کیے جا رہے ہیں تاکہ نکاسِ آب کے عمل کو تیز کیا جا سکے۔جبکہ ڈی سی بند پر دو سو ڈمپرز لگائے گئے ہیں

وزیرِ بلدیات ذیشان رفیق نے بتایا کہ وزیراعلیٰ پنجاب مریم نواز شریف نے پہلے سے منظور شدہ 21 ارب روپے کے سیوریج پراجیکٹ پر فوری عملدرآمد کی ہدایت کر دی ہے۔ اس منصوبے کے تحت گجرات میں نکاسیِ آب کا جدید انفراسٹرکچر تعمیر کیا جائے گا جس میں میگا اسٹوریج ٹینکس، جدید سیلابی نالے اور واسا کا باضابطہ نظام شامل ہوگا۔

انہوں نے کہا کہ اس وقت گجرات میں 83 ٹیکنیکل اسٹاف تعینات کر دیا گیا ہے، 26 نکاسیِ آب اور 24 پینے کے پانی کے پمپس، 7 واٹر باؤزر، 4 ایکسویٹرز، جنریٹرز اور دیگر سامان بھی پہنچا دیا گیا ہے۔ عوام کو یقین دلایا کہ تمام ادارے چوبیس گھنٹے کام کر رہے ہیں اور جلد شہریوں کو ریلیف ملے گا۔

وزیرِ بلدیات کے ہمراہ سیکرٹری لوکل گورنمنٹ شکیل احمد میاں، سیکرٹری ہاؤسنگ نورالامین مینگل، کمشنر گوجرانوالہ نوید حیدر شیرازی، آر پی او طیب حفیظ چیمہ، ڈپٹی کمشنر نورالعین قریشی، ڈی پی او رانا عمر فاروق اور دیگر افسران بھی موجود تھے۔

06/09/2025

کھاریاں(کاشان مجید)

06/09/2025

06/09/2025

سیلابی پانی لوراں گاوں گجرات کی تازہ صورتحال

06/09/2025

کھاریاں (رپوٹر جذبہ کاشان مجید)جشن عید میلاد النبی کے موقع پر کھاریاں شہر میں علماء اکرام کا جلوس رواں دواں

06/09/2025

کھاریاں(کاشان مجید)گجرات شہر میں پانی آئندہ چوبیس گھنٹوں میں ختم ہوجاۓ گا ہیوی مشینری دوسرے شہروں سے بھی پہنچ چکی ہیں

06/09/2025

*کھاریاں (جذبہ نیوز )گجرات:وزیر پنجاب مریم نواز کے دورہ گجرات کے بعد بھی گجرات شہر اور گردونواح کے سیلابی علاقوں کی صورت حال بہتر نہ ہوسکی بلکہ صورتحال پہلے سے زیادہ بگڑ گئی ہے گجرات شہر کے تمام آج چار روز سے چار سے پانچ فٹ سیلابی پانی میں ڈوبے ہوئے ہیں مگر بڑے افسوس کے ساتھ یہ کہنا پڑھ رہا ہے کہ گجرات شہر کا کوئی والی وارث ہی نہیں ہے جیل چوک سے جی ٹی ایس چوک کے تمام علاقے پانی میں ڈوبے ہوئے ہیں ضلعی انتظامیہ کی طرف سے پانی کی نکاسی کی تمام تدبیریں ناکام ہوچکی ہیں شہر بھر کی تمام ڈسپوزل کی موٹریں کام نہیں کررہی جبکہ دوسری جانب لاہور جہلم اور دیگر شہریوں سے آنے والی واسا کی ٹیمیں بھی مکمل طور پر ناکام ہوچکی ہیں بڑی دلچسپ بات یہ ہے کہ ضلعی انتظامیہ چار روز سے پانی کے آگے بند نہیں باندھ سکی اور نہ ہی ایک انچ تک پانی میں کمی ہوئی ہے البتہ مزید پانی کی روانی سے ریلوے روڈ اور اس کے معلقہ علاقے بھی پانی میں ڈوب گئے ہیں ضلعی انتظامیہ کی جانب سے شہریوں اور پانی میں گرے ہوئے متاثرین کو صرف جھوٹی تفل تسلیاں ہی مل رہی ہیں کوئی عملی کام نظر نہیں آرہا وزیر اعلی پنجاب مریم نواز کی جانب سے نہ جانے کس کام کی شاباش ملنا گجرات کے عوام کی سمجھ سے بالا تر ہےگجرات شہر میں سیلابی پانی سے ڈوبنے والے علاقوں کے مکین ضلعی انتظامیہ عدم توجہی کی وجہ سے نقل مکانی پر مجبور ہوگئے ہیں ان علاقوں کے مکینوں کی چارروز سے کسی نے کوئی خبر گیری نہیں کی اور نہ ہی ان کی داد رسی کی گئی وزیر اعلی پنجاب صرف اپنا فوٹو سیشن کرواکر رفوچکر ہوگئیں ہیں اور نہ ہی وزیر اعلی پنجاب کی کسی بھی متاثرین کے ساتھ ملاقات کروائی گئی یادرہے کہ کئی روز سے سیلابی پانی میں کمی کی بجائے مزید اِضافہ بھی سمجھ سے بالاتر ہے جبکہ وزیر اعلی پنجاب کی واضح ہدایت کے باوجود بھی ہیوی مشینری بھی پانی کی نکاسی میں بری طرح ناکام ہوچکی ہےضلعی انتظامیہ کم از کم شہر میں نکاسی آب ہی بندوبست کردیاتاکہ گجرات شہر مزید ڈوبنے سے بچ جائے

06/09/2025

کھاریاں (رپوٹر جذبہ کاشان مجید) جشن عید میلاد النبی 11 ربیع الاول کے موقع پر تاجدار ختم نبوت میلاد کمیٹی کا کیک سابق مشیر وزیر اعلیٰ پنجاب چوہدری علی فرخ مجید نے کاٹا۔