Wattan Post / وطن پوسٹ

01/07/2025

01/07/2025

ڈیرہ اسمعٰیل خان (ڈی آئی خان) میں سربراہ جمعیت علمائے اسلام (جے یو آئی) مولانا فضل الرحمٰن کی رہائش گاہ پر فرنٹیئر کانسٹیبلری (ایف سی) کی ایک پلاٹون کو تعینات کیا جائے گا، وفاقی وزارت داخلہ نے کمانڈنٹ فرنٹیئرکانسٹیبلری خیبرپختونخوا کو خط لکھ دیا۔

نجی ٹی وی کے مطابق وزیراعظم شہباز شریف کی ہدایت پر مولانا فضل الرحمٰن کی رہائش گاہ پر ایف سی کو تعینات کرنے کا فیصلہ کیا گیا ہے، وفاقی وزارت داخلہ نے کمانڈنٹ ایف سی خیبرپختونخوا کو خط لکھ دیا ہے۔

ذرائع کا کہنا ہے کہ وزیراعظم شہبازشریف نے ڈیڑھ ہفتے قبل مولانافضل الرحمٰن سے ملاقات کی تھی، وزیراعظم نے فضل الرحمٰن کے بیٹے پر حملے، اغوا کی کوشش پر تشویش کا اظہار کیا تھا۔

ڈی آئی خان میں مولانا فضل الرحمٰن کی رہائش گاہ پر ایف سی تعینات ہوگی، سیکیورٹی کے لیے فرنٹیئرکانسٹیبلری کی ایک پلاٹون تعینات کی جائے گی۔

ذرائع کا کہنا ہے کہ حکومت نے یہ فیصلہ کسی بھی ناخوشگوار واقعے سے بچنے کے سلسلے میں کیا ہے۔

یاد رہے کہ خیبرپختونخوا کے بعض اضلاع میں دہشت گردی کے واقعات نے دوبارہ سر اٹھایا ہے، ڈیرہ اسمعٰیل خان بھی ان شہروں میں شامل ہے، جہاں بد امنی کے بڑھتے واقعات پر تمام سیاسی جماعتوں نے تشویش کا اظہار کرتے ہوئے حکومت سے مطالبہ کیا کہ سیکیورٹی کے غیر معمولی انتظامات کیے جائیں۔

ڈی آئی خان میں تاجر برادری سے بھتے کی وارداتیں رپورٹ ہوئی ہیں، کالعدم تنظیموں کے لوگ اکثر شہر میں دندناتے پھرتے ہیں۔

01/07/2025

ڈیرہ اسماعیل خان ( ہینڈ آؤٹ ) امروز سوموار مورخہ 30 جولائی 2025 چار محرم الحرام کو قلعہ چہکان میں جنرل آفیسر کمانڈنگ البرق ڈویژن میجر جنرل نیک نام محمد بیگ کی زیر قیادت محرم الحرام کے حوالے سے خصوصی امن کانفرنس منعقد ہوئی ہے کہ جس میں سٹیشن کمانڈر بریگیڈیئر محمد عدیل ، کمشنر ڈیرہ اسماعیل خان ڈویژن ظفر الاسلام خان خٹک ، کمشنر بنوں ڈویژن سید محمد علی شاہ ، آر پی او ڈیرہ اسماعیل خان ریجن سید اشفاق انور ، ڈی پی او ڈیرہ اسماعیل خان ، ڈی سی ڈیرہ اسماعیل ، ڈی پی او ضلع ٹانک ، ڈی پی او لکی مروت ، ڈی سی ٹانک ، ڈی سی لکی مروت ، ڈیرہ اسماعیل خان ، ٹانک اور ضلع لکی مروت کی امن کمیٹیوں کے ممبران ، واپڈا ، محکمہ تعلیم ، محکمہ پبلک ہیلتھ ، تحصیل میونسپل کمٹی تحصیل ڈیرہ اور واسا کے افسران ، شعیہ و سنی برادری کے علماء و مشائخ ، سی ٹی ڈی و سپیشل برانچ کے ضلعی سربراہان ، حساس ریاستی اداروں کے افسران ، ایف آئی اے کے افسران ، ریسکیو 1122 کے ضلعی افسران ، ڈیرہ اسماعیل ہاسپٹلرز کے ڈائریکٹر ، انجمن تاجران کے نمائندہ افراد ، سول سوسائٹی سے وابستہ سماجی کارکن ، ذرائع ابلاغ کے نمائندوں ، اکابرین ڈیرہ و ٹانک کے مشران ، بلدیاتی نمائندوں ، سابق نگران صوبائی وزیر زراعت کے علاوہ کئی اہم فوجی و سول شخصیات نے شرکت کی ہے ، محرم الحرام امن کانفرنس کا آغاز تلاوت قرآن پاک سے کیا گیا کہ جس کے بعد البرق ڈویژن کے کرنل محمد قیصر نے شرکائے کانفرنس کو کانفرنس کے اغراض و مقاصد بارے مختصر بریفنگ دی کہ جس کے بعد کانفرنس کے مہمان خصوصی میجر جنرل البرق ڈویژن نیک نام محمد بیگ نے شرکاء سے خطاب کرتے ہوئے کہا کہ محرم الحرام نہ صرف مذہبی عقیدت و احترام کے حوالے سے ایک انتہائی مقدس مہینہ ہے بلکہ یہ لاء اینڈ آرڈر کی حساسیت کی وجہ سے بھی بڑی اہمیت رکھتا ہے اور آج افواجِ پاکستان ، پولیس و ضلعی انتظامیہ کے تمام اعلیٰ افسران ، قانون نافذ کرنیوالے والے دیگر اداروں کی قیادت اور ڈیرہ اسماعیل خان کے ہر مکتب فکر سے تعلق رکھنے والی ممتاز شخصیات کی یہاں موجودگی یہ ثابت کرتی ہے کہ محرم الحرام ہم سب کے لیے کتنا تقدس ، بلند مرتبہ و اہمیت رکھتا ہے ، انہوں نے اس موقع پر علامہ اقبال کے اشعار کا حوالہ دیتے ہوئے کہا کہ کربلا کے میدان میں حضرت امام حسین علیہ السلام نے اپنے سجدہء شبیری کے ذریعے دین اسلام اور پوری دنیا کو باطل قوتوں کے خلاف سینہ سپر ہونے کا جو پیغام دیا تھا وہ تا قیامت تک دین اسلام کی بنیاد اور انسانی تاریخ میں حریت پسندی کا سب سے بڑا پیغام ہے ، میجر جنرل نیک نام محمد بیگ نے کہا ہے کہ حسین علیہ السلام حق ہے اور حسین رض سب کے ہیں انکی قربانی آفاقی ہے اس لئے ہمیں کربلا کے حقیقی پیغام پر عمل پیرا ہونا پڑے گا اور اس مہینے کے تقدس کو کسی صورت میں بھی پامال نہیں کرنا چاہیے ، انہوں نے شرکائے کانفرنس سے کہا ہے کہ پاکستان کے ازلی دشمن اور انکی پراکسیز و انکی ایجنسیاں پاکستان میں شعیہ سنی فسادات اور مذہبی منافرت پھیلانے کے لیے سرگرم عمل ہیں کہ جن کو ناکام بنانے کیلئے افواجِ پاکستان اور قانون نافذ کرنیوالے والے اداروں کو پاکستانی قوم کے بھرپور تعاون کی ضرورت ہے کیونکہ جنگیں افواج نہیں بلکہ قومیں لڑا اور جیتا کرتی ہیں ، اس لئے ایک فلاحی شہری کی یہ بنیادی ذمہ داری ہے کہ وہ فتنہء خوارج کے دہشت گردوں ، فرقہ وارانہ منافرت پھیلانے والوں اور جرائم پیشہ عناصر کی کسی بھی قسم کی سہولت کاری نہ کریں اور انکی سرکوبی کے لیے ریاست اور ریاستی اداروں کے ساتھ عملی تعاون پیش کریں ، انہوں نے کہا کہ امن ایک خوبصورت چیز اور فلاحی و مثبت سوچ کا نام ہے کہ جس کے فروغ سے فلاحی معاشرہ تشکیل پاتا ہے ، انہوں نے کہا کہ شعیہ سنی کمیونٹیز کے مابین امن کو قائم و دائم رکھنے کے حوالے سے تمام مکاتب فکر کی مشاورت سے ریاست نے 2009 میں جو امن معاہدہ تشکیل دیا تھا اس پر من و عن عمل کیا جائے گا جبکہ محرم الحرام میں مذہبی منافرت پر مبنی پمفلٹس اور سوشل میڈیا پر کسی بھی منفی مواد کو پھیلانے کی اجازت نہیں دی جائے گی اور اس حوالے سے قانون نافذ کرنیوالے والے ادارے موقع پر سخت ترین تادیبی کاروائی کریں گے ، اس کے علاوہ تمام کاتب فکر کے ایسے علماء یا خطیب حضرات کہ جن پر محرم الحرام میں ڈیرہ اسماعیل خان ، ٹانک ، لکی مروت وغیرہ میں داخلے پر پابندی عائد ہے انکو داخلے کی اجازت نہیں ہوگی ، میجر جنرل نیک نام محمد بیگ نے کہا کہ انکی قیادت میں البرق ڈویژن نے مارچ سے لیکر اب تک گزشتہ چار ماہ کے دوران فتنہء خوارج کے دہشت گردوں کے خلاف جاری ملٹری آپریشن میں 92 فتنہء خوارج کے جہنمی کتوں کو جہنم واصل کیا ہے اور اس میں کچھ فرقہ وارانہ قتال میں ملوث ٹارگٹ کلر بھی شامل ہیں ، انہوں نے کہا کہ دہشتگردی کا کوئی مذہب نہیں ہوتا ہے اور 1450 سے زائد جید علمائے کرام نے دہشت گردوں کو فتنہء خوارج قرار دینے کا فتویٰ جاری کیا ہے ، جب کہ قرآن و حدیث کی روشنی میں بھی فتنہء خوارج کے دہشت گرد واجب القتل قرار دیئے گئے ہیں اور انکو بدترین مخلوق کہا گیا ہے کہ جن کے بارے میں حضرت محمد مصطفی احمد مجتبیٰ صلی اللہ علیہ وآلہ وسلم نے فرمایا تھا کہ اگر یہ میرے دور میں پیدا ہوں تو میں انکو قوم عاد و ثمود کی طرح اپنے ہاتھوں سے قتل فرما دیتا ، اسی طرح قرآن پاک میں فتنہء خوارج کو اللہ کی زمین پر فساد برپا کرنے والہ کہا گیا ہے ، انہوں نے کہا کہ ڈیرہ اسماعیل خان ، ٹانک ، لکی مروت میں جو کوئی بھی ان علاقوں کا امن تباہ کرے گا وہ قتل کر دیا جائے گا کیونکہ امن اس خطے کی پاکستان کی اولین ضرورت و ترجیح ہے کہ جس پر کوئی کمپرومائز نہیں کیا جا سکتا ہے ، انہوں نے کہا ہے اس ریجن کے لوگ صدیوں سے امن پسند ، صلح جو اور لاشعور شہری چلے آ رہے ہیں کہ جن کے امن اور شاندار انسانی روایات کو کو یرغمال بنا کر اس ریجن کے لوگوں کی پر امن زندگی کو تاراج کیا ہے کہ جس کی وجہ سے افواجِ پاکستان فتنہء خوارج کے دہشت گردوں کے خلاف سیسہ پلائی ہوئی دیوار بن کر انکے خلاف جہاد شروع کیا ہوا ہے کہ جس میں اللہ تعالیٰ کے فضل و کرم سے افواجِ پاکستان ، پولیس اور قانون نافذ کرنے والے دیگر اداروں کو بڑی شاندار کامیابیاں حاصل ہو رہی ہیں لیکن یہ بات بھی اپنی جگہ بہت بڑی حقیقت رکھتی ہے کہ جنگیں افواج نہیں بلکہ قومیں لڑٹی اور جیتا کرتی ہیں اس لئے پاکستان کا ہر شہری پاکستان کا سپاہی و اس کا محافظ ہے ، میجر جنرل نیک نام محمد بیگ نے شرکائے کانفرنس سے مزید خطاب کرتے ہوئے کہا ہے کہ تلوار کے ذریعے جہاد افواجِ پاکستان کے ذمے ہے جو کہ وہ انتہائی کامیابی و پوری حب الوطنی کے جذبے کے ساتھ سر انجام دے رہی ہے لیکن جہاں تک تعلیم و تدریس ، شعور کے لئے ، میڈیا کے ذریعے زبان و قلم کے ذریعے جہاد کا معاملہ ہے تو اس کے لئے ہمارے علمائے کرام ، ہمارے اساتذہ کرام ، ہمارے دانشوروں ، صحافی اور کالم نگار حضرات کو آگے بڑھ کر یہ قومی فریضہ سر انجام دینا ہوگا تاکہ پاکستان کو دہشت گردوں کے ساتھ دہشت گردی پھیلانے والی سوچ کا بھی خاتمہ کیا جا سکے ، انہوں نے کہا ہم نے جس طرح اپنے ازلی دشمن بھارت کو آپریشن بنیان المرصوص کے ذریعے تاریخی شکست فاش دی ہے اسی طرح ہمیں اپنے ملک کے اندر بھی بہت ساری سماجی و معاشرتی برائیوں اور جرائم پیشہ عناصر کے خلاف ایک اور بنیان المرصوص آپریشن کرنے کی ضرورت ہے کہ جس کے لئے معاشرے کے ہر ذمہ دار اور فلاحی شہری کو اس میں اپنا حصہ ڈالنا ہوگا ، میجر جنرل نیک نام محمد بیگ نے کہا کہ افواجِ پاکستان نے کبھی بھی اپنے کسی ملٹری آپریشن کے دوران ہیومین شیلڈ یا انسانی ڈھال کو استعمال نہیں کیا ہے اور یہ کام ہمیشہ فتنہء خوارج کے دہشت گرد ہی کرتے ہیں اور صوبہ خیبر پختونخوا کے بعض علاقوں میں چھوٹے ڈرون بھی فتنہء خوارج کے دہشت گرد ہی استعمال کر رہے ہیں تاکہ عوام الناس میں افواجِ پاکستان کے خلاف جھوٹا پروپیگینڈا کیا جا سکے ، انہوں نے کہا کہ سوشل میڈیا پر ریاست مخالف پراپیگنڈہ یا مذہبی منافرت پر مبنی پراپیگنڈہ مہم ففتھ جنریشن وار ہے تاکہ ہماری نوجوان نسل کے اذہان میں جھوٹے بیانیے اور گمراہ کن نظریات کی جنگ کو بڑھوتری دی جا سکے اس لئے اس ففتھ جنریشن وار کے خلاف افواجِ پاکستان ، پاکستان کے اعلیٰ ترین حساس ریاستی اداروں کے ساتھ ساتھ ایف آئی اے اپنی کاروائیاں جاری رکھے ہوئے ہیں لیکن اس ففتھ جنریشن وار میں ہمارے والدین ، اساتذہ کرام اور سول سوسائٹی کا بھی فرض بنتا ہے کہ وہ جھوٹی باتوں کو تصدیق کے بغیر آگے نہ پھیلائیں کیونکہ اس بارے میں قرآن پاک کا بھی یہی حکم ہے ، انہوں نے کہا کہ افواج پاکستان کے افسران و جوانوں کی پیشہ ورانہ زندگی کا صرف ایک ہی مقصد ہوتا ہے کہ شہید یا غازی اس کے علاوہ ہم کسی اور آپشن کو ترجیح نہیں دیتے ہیں ، انہوں نے کہا ہے کہ افواجِ پاکستان کے سپہ سالار آرمی چیف فیلڈ مارشل جنرل سید عاصم منیر ، کور کمانڈر پشاور 11 کور کی یہ واضح ہدایات و پالیسی ہے کہ گڈ اور بیڈ طالبان میں کوئی تمیز و فرق روا نہیں رکھا جائے گا اس لیے ضلعی و پولیس انتظامیہ کو یہ تاکید کی جاتی ہے کہ اس حوالے سے عوام الناس کو جو بھی شکایات درپیش ہیں ان کے خلاف قانونی کارروائی عمل میں لائی جائے کہ جس پر انکو افواجِ پاکستان کا بھرپور تعاون حاصل ہوگا اور یہ کہ جہاد کی اجازت صرف ریاست کے پاس ہے اور اسلحہ بھی صرف ریاست پاکستان کی حفاظت پر مامور اور قانون نافذ کرنے والے ادارے ہی اٹھا سکتے ہیں ، انہوں نے کہا کہ افواجِ پاکستان ، پولیس اور قانون نافذ کرنیوالے والے تمام ادارے فورسز آف آرڈر کے زمرے میں آتے ہیں کہ جن کے پاس بہت زیادہ افرادی قوت اور وسائل موجود ہوتے ہیں جبکہ امن تباہ کرنے والے فورسز آف ڈس آرڈر کے زمرے میں آتے ہیں جو کہ تعداد میں مٹھی بھر ہوتے ہیں اور انکے پاس محدود تعداد میں وسائل ہوتے ہیں تو پھر یہ کیسے ہو سکتا ہے کہ یہ مٹھی بھر فسادی اپنے محدود وسائل کے ساتھ پورے سسٹم یا پورے معاشرے کو ہائ جیک کر لیں یا پوری ریاست کو ڈکٹیٹ کروانا شروع کر دیں ، اس لئے اس کی کسی صورت بھی اجازت نہیں دے سکتی لیکن اس مقصد کے لیے فورسز آف آرڈر کو امن دشمن فورسز آف ڈس آرڈر کے خلاف عوام الناس کا پاکستانی قوم کا بھرپور تعاون درکار ہے تاکہ ہم پاکستان کو فتنہء خوارج کے دہشت گردوں ، سوشل میڈیا پر افواجِ پاکستان ، ریاستی اداروں ، اعلیٰ عدلیہ اور قانون نافذ کرنیوالے اداروں کے خلاف گمراہ کن پروپیگنڈہ کرنے ڈیجیٹل دہشت گردوں ، منشیات فروشوں ، چوروں ، ڈکیتوں ، اجرتی قاتلوں ، اغواء برائے تاوان اور دیگر سماجی جرائم میں ملوث جرائم پیشہ عناصر جو کہ فورسز آف ڈس آرڈر کا حصہ ہیں ان سب سے دائمی نجات دلوا کر پاکستان کو ڈیرہ اسماعیل خان ریجن کو امن کا گہوارہ بنا سکیں ، واضح رہے کہ میجر جنرل نیک نام محمد بیگ کے خطاب کے بعد محرم الحرام کانفرنس میں شریک مختلف علمائے کرام ، امن کمیٹی کے کئی ممبران اور ذرائع ابلاغ کے نمائندوں کے ساتھ سوال و جواب کی بھی نشست ہوئ کہ جس پر شرکاء کے تمام سوالات کے میجر جنرل نیک نام محمد بیگ نے انتہائی مدلل و تشفی بھرے جوابات دیئے ، تقریب کے آخر میں شرکائے تقریب نے متفقہ طور پر افواجِ پاکستان کے بھارت کے خلاف آپریشن بنیان المرصوص معرکہء حق کی کامیابی پر ، اس خطے میں فتنہء خوارج کے خلاف کامیاب ملٹری آپریشنز پر افواجِ پاکستان کے اعلیٰ افسران و جوانوں کو خراجِ تحسین پیش کرنے کی قرار داد پاس کرتے ہوئے علاقے میں امن و امان کی صورتحال کو بہتر بنانے کے حوالے سے ضلعی انتظامیہ و پولیس انتظامیہ کے کردار و کارکردگی کو بھی سراہا جبکہ میجر جنرل نیک نام محمد بیگ البرق ڈویژن کی میزبانی میں محرم الحرام میں قیام امن و باہمی بھائی چارے کی فضا کو فروغ دینے کے حوالے سے منعقدہ محرم الحرام امن کانفرنس کے کامیاب انعقاد پر دلی مبارکباد پیش کی جبکہ میجر جنرل نیک نام محمد بیگ کی جانب سے شرکائے کانفرنس کو قرآن پاک کے مقدس نسخے بطورِ ہدیہ تبریک پیش کئے گئے ہیں جبکہ ڈیرہ اسماعیل خان کے معروف مذہبی سکالر قاری مولانا خلیل احمد سراج نے محرم الحرام میں امن و بھائی چارے کی تقویت کے لئے اجتماعی دُعا خیر بھی کرائی ہے

27/06/2025

ڈسکہ کے بدنصیب خاندان کے ساتھ آج ہونے والے سانحہ کے متعلق کچھ درست معلومات اور حقائق جانیں

عینی شاہدین کے مطابق یہ لوگ جہاں ناشتہ کر رہے تھے وہ حادثہ کے مقام سے تھوڑا دور تھا اور اس وقت وہ ایریا بالکل خشک تھا اور پانی کا نام و نشان بھی نہیں تھا ۔
پہاڑوں پر 2 دن سے مسلسل بارش ہو رہی تھی جسکی وجہ سے ندی نالوں میں طغیانی آ گئی اور دیکھتے دیکھتے پانی کے بہاؤ میں اضافہ ہوا اور اچانک پانی کو آتے دیکھ کر یہ لوگ خوشی کے مارے دیوانہ وار پاگلوں کی طرح وہاں دور آگے دوڑ کر گئے تاکہ ویڈیوز اور تصاویر بنا سکیں اور کچھ لوگ پانی کے قریب بھاگ کر گئے اور وہاں سیلفیاں بناتے ہوئے فوٹوگرافی کرنا شروع کر دی جبکہ ان کے کچھ رشتے دار بیٹھے رہے اور منع کرتے رہے کہ زیادہ اندر مت جائیں لیکن یہ گروہ پانی کے ساتھ سیلفیاں لیتے رہے بلکہ بیٹھے رہ جانے والے باقی افراد کو بھی بلاتے رہے کہ آ جائیں اور پانی کو دیکھیں لیکن باقی رشتہ دار بیٹھے رہے اور انکو آوازیں دے کر بلاتے رہے کہ واپس آ جائیں اور انکو چیخ چیخ کر کہا کہ پیچھے سے پانی کا بہاؤ تیز ہو گیا ہے نکلو فوری لیکن اس بدنصیب خاندان کے چند افراد کا سیلفی جنون ختم نہیں ہوا اور پھر پانی کا بہت بڑا ریلا آ گیا اور یہ لوگ خوفزدہ ہو کر کنارے کی طرف نہیں بھاگے بلکہ ڈر کے مارے اس ٹیلے پر چڑھ گئے اور پھر جو کچھ ہوا وہ آپ کے سامنے ہے۔۔۔ ان تصاویر میں آپ دیکھ سکتے ہیں کہ وہ اپنی پوزیشن بدلتے رہے لیکن پانی کا بہاؤ اور لیول بڑھتا گیا اور لوگ دریا کنارے ویڈیوز بناتے رہے لیکن مدد کے لئے کوئی نہیں گیا نہ ہوٹل والے اور نہ مقامی انتظامیہ آگے آئی اور پھر دردناک سانحہ سب کی آنکھوں کے سامنے ہو گیا
اللہ تعالٰی مرحومین کی مغفرت فرمائے اور جنت الفردوس میں اعلی مقام عطا فرمائے ۔۔۔آمین

انتظامیہ کو چاہئے کہ پورے پاکستان میں دریا کے کنارے تمام ہوٹلز کو مکمل سیل کر دیا جائے اور آئندہ کبھی بھی کسی کو ایسے خطرناک مقامات پر ہوٹلز اور ریسٹورنٹ بنانے کی اجازت نہیں دینی چاہئے کیونکہ آگ اور پانی اپنا راستہ خود بناتے ہیں اور نیچر کا انتقام بہت بے رحم ہوتا ہے اور دریاؤں کو انکے راستوں کو عزت دینی چاہیئے چاہے وہ کئی سال خشک بھی رہیں لیکن دریا اپنا راستہ کبھی بھی کسی کو نہیں دیتا اور کچھ عرصہ بعد واپس لے لیتا ہے

Sojhal ✍️

27/06/2025

اسلام آباد: سمیع اللہ خان برکی کو پاکستان مسلم لیگ (ن) خیبرپختونخوا کا صوبائی آرگنائزر بننے پر مبارکباد پیش کرتا ہوں، امید ہے کہ وہ پہلے سے زیادہ خیبرپختونخوا کے یوتھ مسائل کو ترجیح بنیادوں پر حل کرنے کی سعی کریں گے ۔
راز محمد وزیر
تفصیلات کے پاکستان مسلم لیگ (ن) یوتھ ونگ نے سمیع اللہ خان برکی کو خیبر پختونخوا کا نیا صوبائی آرگنائزر مقرر کر دیا۔ 27 جون پاکستان مسلم لیگ (ن) یوتھ ونگ نے سمیع اللہ خان برکی کو خیبر پختونخوا کا نیا صوبائی آرگنائزر مقرر کر دیا ہے۔ان کی تقرری کا باقاعدہ نوٹیفکیشن مسلم لیگ (ن) یوتھ ونگ کے سیکریٹری جنرل عقیل نجم ہاشمی کی جانب سے جاری کیا گیا۔نوٹیفکیشن کے مطابق، سمیع اللہ برکی کو صوبے کے مختلف ڈویژنز اور شہروں میں یوتھ ونگ کے تنظیمی ڈھانچے کی ازسرنو تشکیل کی ذمہ داری سونپی گئی ہے۔ ان کی بنیادی ذمہ داریوں میں خالی تنظیمی عہدوں کو پُر کرنا، نوجوان کارکنان کو متحرک کرنا اور آئندہ سیاسی سرگرمیوں سے قبل یوتھ ونگ کو فعال بنانا شامل ہے۔نوٹیفکیشن میں سمیع اللہ برکی کو ہدایت کی گئی ہے کہ وہ اس پورے تنظیمی عمل کے دوران مسلم لیگ (ن) خیبر پختونخوا کے صدر اور وفاقی وزیر انجینئر امیر مقام سے مکمل رابطہ اور ہم آہنگی برقرار رکھیں۔

یہ اقدام مسلم لیگ (ن) کی جانب سے خیبر پختونخوا میں بالخصوص نوجوانوں کے درمیان اپنی سیاسی موجودگی کو ازسرنو فعال بنانے کی وسیع تر حکمت عملی کا حصہ ہے۔ قیادت کو امید ہے کہ یوتھ ونگ میں نئی توانائی اور تنظیم نو سے پارٹی کی نچلی سطح پر جڑیں مضبوط ہوں گی اور سیاسی عمل میں نوجوانوں کی شمولیت میں اضافہ ہوگا۔

صدر مسلم لیگ (ن) ٹانک سمیع اللہ برکی کو پارٹی حلقوں میں ایک وفادار اور متحرک شخصیت کے طور پر جانا جاتا ہے، اور ان کی تقرری کو مقامی کارکنان کی جانب سے خوش آئند قرار دیا گیا ہے۔

26/06/2025

اے نگہبانِ وطن تیرا نگہبان ہو خدا
شہر کے لوگ تیرے حق میں دعا کرتے ہیں

فیلڈ مارشل حافظ سید عاصم منیر

26/06/2025

پنجاب پولیس کے کرائم کنٹرول ڈپارٹمنٹ (سی سی ڈی) نے خفیہ اطلاع پر ضلع بھکر کے علاقے دلے والی میں اشتہاریوں کی گرفتاری کے لیے چھاپہ مارا، خطرناک شاہ گینگ کے 4 سرکردہ ارکان مبینہ پولیس مقابلے میں ہلاک ہوگئے۔
ڈان نیوز کے مطابق سی سی ڈی نے ضلع بھکر میں کارروائی کے دوران خطرناک اشتہاریوں کو گرفتار کرنے کی کوشش کی، اس دوران ملزمان نے پولیس پارٹی پر فائرنگ کردی، جوابی کارروائی میں خطرناک شاہ گینگ کے 4 سرغنہ پولیس مقابلے میں ہلاک ہوگئے۔

سی سی ڈی کا اشتہاریوں کے خلاف پولیس مقابلہ 2 گھنٹے تک جاری رہا، خطرناک اشتہاری ملزمان پولیس کو قتل، ڈاکے، راہزنی، بھتہ خوری سمیت درجنوں مقدمات میں مطلوب تھے۔
ہلاک ملزمان میں گلفام شاہ، عمر شاہ، حسن شاہ اور بلال شاہ شامل ہیں، چاروں ہلاک ملزمان فیصل آباد کے علاقے میں دہشت کی علامت سمجھے جاتے تھے، ملزمان کے دیگر ساتھی فائرنگ کرتے ہوئے موقع سے فرار ہوگئے۔
پولیس حکام کا کہنا ہے شاہ گینگ کے دیگر مطلوب اشتہاریوں کی گرفتاری کے لیے کوششیں جاری ہیں، سی سی ڈی کی پنجاب بھر میں جرائم پیشہ افراد کے خلاف بھرپور کارروائیاں جاری ہیں۔

26/06/2025

واٹس ایپ صارفین بھی جلد ہی یوٹیوب اور فیس بک کی طرح واٹس ایپ چینلز سے پیسے کمانے لگیں گے، ایپلی کیشن انتظامیہ کی جانب سے مونیٹائزیشن پروگرام شروع کئے جانے کا امکان ہے۔

امریکی جریدے ’بلوم برگ‘ کے مطابق واٹس ایپ کی مالک کمپنی میٹا نے گزشتہ ہفتے ایپلی کیشن کی تاریخ کی سب سے بڑی تبدیلی کرتے ہوئے اس میں اشتہارات دکھانے کا اعلان کیا تھا، اب اس میں مونیٹائزیشن فیچر بھی پیش کئے جانے کا امکان ہے۔اشتہارات کو سٹوری یا سٹیٹس کے سیکشن میں سٹیٹس کے درمیان ہی دکھایا جائے گا،اسی سیکشن میں ہی چینلز کو مونیٹائز کرنے کا آپشن دیا جائے گا۔

رپورٹ کے مطابق ابتدائی طور پر واٹس ایپ بزنس یا واٹس ایپ کے بڑے چینلز کو مونیٹائزیشن کا حصہ بنایا جائے گا، جس کے بعد ترتیب وار دوسرے اکاؤنٹس کو بھی اس تک رسائی دی جائے گی، ممکنہ طور پر مستقبل میں واٹس ایپ کی جانب سے چینل کی مونیٹائزیشن کیلئے فالورز کی تعداد کی شرط رکھی جائے گی اور فوری طور پر ذاتی اکاؤنٹ کو مونیٹائز نہیں کیا جائے گا۔

اگرچہ ذاتی اکاؤنٹس کو مونیٹائزیشن کا حصہ نہ بنائے جانے کا امکان ہے، تاہم ذاتی اکاؤنٹس میں بھی اشتہارات دکھائے جائیں گے، کیونکہ جس صارف نے چینلز کو فالو کیا ہوگا، اسے اشتہارات نظر آنے لگیں گے۔ابتدائی طور پر واٹس ایپ کی جانب سے چند ممالک میں مونیٹائزیشن شروع کئے جانے کا امکان ہے، جسے ترتیب وار دیگر ممالک میں بھی پیش کیا جائے گا۔

26/06/2025

اسلام آباد:وزیر اعظم شہباز شریف کی زیر صدارت وفاقی کابینہ کا اہم اجلاس ختم ہوگیا جس میں وفاقی کابینہ کو قومی سلامتی کمیٹی اجلاس کے فیصلوں پر اعتماد میں لیا گیا۔
رپورٹ کے مطابق وزیراعظم شہباز شریف کی زیر صدارت وفاقی کابینہ کا اجلاس پارلیمنٹ ہاؤس میں ہوا، اجلاس میں ملک کی مجموعی صورت حال کا جائزہ لیا گیا۔
ذرائع نے کہا کہ اجلاس میں وفاقی کابینہ کو قومی سلامتی کمیٹی اجلاس کے فیصلوں پر اعتماد میں لیا گیا۔
کابینہ اجلاس میں وزیراعظم اور فیلڈ مارشل کے کشیدگی کے دوران اور بعد میں زبردست کردار پر قرارداد کی منظوری بھی دی گئی۔
وفاقی کابینہ نے ایران اسرائیل کشیدگی میں کمی کے حوالے سے بھی اطمینان کا اظہار کیا۔
ذرائع نے کہا کہ وزیر خزانہ کی فائنانس بل میں مجوزہ ترامیم اور تجاویز پر کابینہ کو بریفنگ دی۔
اجلاس میں ایران اسرائیل تنازع کے دوران وزیراعظم شہباز شریف، فیلڈ مارشل عاصم منیر اور نائب وزیراعظم اسحاق ڈار کی کوششوں پر کابینہ نے زبردست خراج تحسین پیش کیا گیا۔
ذرائع نے کہا کہ وفاقی کابینہ نے پیٹرولیم لیوی متعین کرنے کا اختیار پیٹرولیم ڈویژن کو دینے کی منظوری دے دی۔

26/06/2025

جنوبی وزیرستان کے علاقے احمد وام میں مقامی وِنگ کمانڈر نے عمائدین علاقہ کے ساتھ سیکیورٹی صورتحال پر اہم ملاقات کی۔ ملاقات میں دہشت گردی کے خلاف یکجہتی پر زور دیا گیا اور علاقائی امن کو برقرار رکھنے کے لیے مشترکہ اقدامات پر اتفاق ہوا۔ وِنگ کمانڈر نے مشتبہ سرگرمیوں کی فوری اطلاع دینے کی اپیل کی، جبکہ عمائدین نے دہشت گردی کے خاتمے کے لیے سیکیورٹی فورسز سے مکمل تعاون کی یقین دہانی کرائی۔

26/06/2025

ڈی آئی خان کے پسماندہ علاقے درازندہ اور اس کے گردونواح میں ایک بار پھر ترقی کا نیا سفر شروع ہو گیا ہے۔ مقامی آرمی کمانڈر کی جانب سے عوامی مفاد میں کیے گئے وعدوں پر عملدرآمد کا سلسلہ جاری ہے۔ مختلف ترقیاتی منصوبے عوامی مشاورت سے مکمل کیے جا رہے ہیں۔

اسی سلسلے میں شیرانی قبیلے کے عمائدین کا ایک خصوصی جرگہ درازندہ قلعہ میں منعقد ہوا، جس میں مقامی فوجی کمانڈر نے شرکت کی۔ جرگے کے دوران متنازعہ زمین کے مسئلے کے حل اور علاقے میں جاری قدرتی گیس اور دیگر معدنی منصوبوں میں مقامی نوجوانوں کو شامل کرنے کی یقین دہانی کرائی گئی، تاکہ مقامی آبادی بھی ترقی کے عمل میں فعال کردار ادا کر سکے۔

جرگے میں شریک مشران نے علاقے میں امن کے قیام اور ترقیاتی منصوبوں میں پاک فوج کے ساتھ مکمل تعاون کا یقین دلایا۔

یاد رہے کہ گزشتہ ہفتے درابن میں ایک کروڑ روپے سے زائد کی لاگت سے واٹر سپلائی اسکیم کا افتتاح کیا گیا تھا، جبکہ حال ہی میں کڑی شموزئی میں بھی واٹر سپلائی اسکیم اور علاقے کے واحد ہسپتال کا افتتاح عمل میں لایا گیا ہے۔

مقامی لوگوں کا کہنا ہے کہ اگر یہ سلسلہ جاری رہا اور پاک فوج کے ساتھ عوام کا یہی جذبہ برقرار رہا تو جلد ہی درابن، درازندہ اور پروا جیسے پسماندہ علاقوں میں ترقی اور خوشحالی کا سورج پوری آب و تاب سے چمکے گا۔