Balitang Anda, Pangasinan (2025)

18/02/2025

BAGONG COVERED COURT SA BRGY. GATANG, MALASIQUI PINASINAYAAN PARA SA MAS MAUNLAD NA KOMUNIDAD

Pormal nang binuksan ang bagong gawang covered court sa Barangay Gatang, Malasiqui sa pangunguna ng mga opisyal ng lalawigan at lokal na pamahalaan. Pinangunahan ang ribbon-cutting at inauguration ceremony ng proyekto nina Congresswoman Rachel “Baby” Arenas, Board Members Shiela Marie Baniqued at Vici Ventanilla, Barangay Captain Genaro Candalera, at buong Barangay Council. Dumalo rin sa okasyon ang mga g**o ng Gatang Elementary School.

Ang bagong pasilidad ay inaasahang magiging sentro ng iba’t ibang programa at aktibidad para sa kabataan at buong komunidad, na magpapalakas sa pagsasama-sama ng mga residente at pagpapaunlad ng barangay.

Source: Ramon Mon-Mon Guico III

18/02/2025

LIBRENG SERBISYO, GAMOT AT INSENTIBO HATID NG KONSULTA PLUS AT GUICONSULTA SA ANDA, PANGASINAN

Masaya ang libu-libong residente ng Anda, Pangasinan matapos ilunsad ang programang Konsulta Plus at Guiconsulta sa kanilang bayan. Pinangunahan mismo ni Governor Ramon "Mon-Mon" Guico III ang aktibidad, na nagdala ng iba't ibang serbisyong pangkalusugan at suporta sa mga mamamayan.

Sa ilalim ng PhilHealth Konsulta, nakatanggap ang mga residente ng libreng konsultasyon, bitamina, at gamot. Samantala, nagbigay naman ng cash incentives ang Guiconsulta.

Bukod sa serbisyong medikal, namahagi rin ang pamahalaang panlalawigan ng libreng seedlings at asin mula sa Salt Farm. Para sa mga Day Care Centers, nagbigay si Governor Guico ng learning books at manipulative toys upang makatulong sa edukasyon ng mga kabataan.

Kabilang sa mga dumalo at sumuporta sa programa sina Vice Governor Mark Lambino, Board Members Apple Bacay at Nong Fontalera, Abono Partylist Representative Doc Bobby Estrella, Anda Mayor Jogaine Rarag, Vice Mayor Erwin Catabay, at iba pang opisyal ng lokal na pamahalaan. (Ulat nina Patricia Sevilla at Krizzia Mamaril | PIMRO)

Source: Province of Pangasinan

17/02/2025

63-ANYOS NA DIALYSIS PATIENT, NABIGYAN NG WHEELCHAIR SA URDANETA CITY

Isang 63-anyos na dialysis patient mula sa Barangay Catablan, Urdaneta City ang nakatanggap ng bagong wheelchair bilang tulong sa kanyang pang-araw-araw na buhay.

Si Nanay Virginia Rosario, na matagal nang sumasailalim sa dialysis dahil sa sakit sa kidney, ay personal na binisita ni Maan Guico kasama sina Kap. Ismael Zabala at Kagawad Mike Mendoza upang iabot ang wheelchair.

Nagpasalamat si Nanay Virginia sa natanggap niyang tulong, na aniya ay malaking ginhawa sa kanyang kalagayan. Ayon kay Maan Guico, ang mga tulad ni Nanay Virginia ang patuloy na nagbibigay-inspirasyon upang ipagpatuloy ang pagbibigay ng serbisyong may malasakit sa mga nangangailangan sa Urdaneta City.

Source: Province of Pangasinan

13/02/2025

DOT SECRETARY FRASCO AT GOVERNOR GUICO, PINANGUNAHAN ANG GROUNDBREAKING NG TOURIST REST AREA SA PANGASINAN

Pinangunahan ni Department of Tourism (DOT) Secretary Christina Garcia-Frasco at Pangasinan Governor Ramon Guico III ang groundbreaking ceremony at paglagda ng memorandum of agreement para sa pagtatayo ng isang “tourist rest area” sa bayan ng Lingayen noong Huwebes.

Layunin ng proyekto na magbigay ng mas maayos at kumpletong pasilidad para sa mga turista na bumibisita sa lugar. Dumalo sa seremonya ang iba’t ibang opisyal ng lalawigan at kinatawan ng DOT upang ipakita ang suporta sa naturang proyekto.

Ayon kay Secretary Frasco, bahagi ito ng programa ng DOT upang mapaunlad ang imprastraktura ng turismo sa bansa. Samantala, sinabi naman ni Governor Guico na malaki ang maitutulong ng pasilidad upang mas mapalakas ang turismo sa Pangasinan.

Source: Philippine Star

13/02/2025

AIDE-BODYGUARD NG SUSPENDIDONG MAYOR NG PANGASINAN, DALAWA PANG IBA, ARESTADO SA BUY-BUST OPERATION

Arestado sa isang drug sting operation ang isang administrative aide-bodyguard ng suspendidong mayor ng Urdaneta City, kasama ang dalawa pang suspek, nitong Lunes ng madaling araw, Pebrero 10, sa Barangay Bonuan Gueset, Dagupan City.

Kinilala ang mga suspek bilang si Romeo Nabalon Emboltorio, 63, isang administrative aide-bodyguard ng suspendidong Urdaneta City Mayor Julio F. Parayno III, residente ng Barangay San Jose, Urdaneta City; Louie Reyes Fermin, 37, alyas "Bobby," mula sa Barangay Bonuan Gueset, Dagupan City; at Beverly De Vera Parayno, 45, mula sa Barangay Bayaoas, Urdaneta City.

Nahuli ang tatlo matapos silang maaktuhan na nagbebenta ng anim na gramo ng shabu na nakalagay sa pitong plastic sachet, na may halagang P40,800.

Bukod sa iligal na droga, narekober din sa kanila ang tatlong tunay na P500 bill at walong P1,000 boodle money na ginamit sa buy-bust operation. Nakumpiska rin ang isang caliber .45 C**t MK IV pistol na may kasamang magasin na kargado ng walong bala ng .45 caliber.

Ayon sa Dagupan City Police, isinagawa ang operasyon sa pakikipagtulungan ng Philippine Drug Enforcement Agency (PDEA) Region 1.

Source/Photo: Philstar.com

13/02/2025

PANGASINAN, KAMPEON NG KALUSUGAN SA MGA KOMUNIDAD

Kinilala ng Department of Health (DOH) ang Pamahalaang Panlalawigan ng Pangasinan bilang National Awardee sa Kampeon ng Kalusugan sa mga Komunidad sa ilalim ng pamumuno ni Governor Ramon V. Guico III.

Tinanggap ni Gov. Guico ang prestihiyosong parangal mula kay Dir. Dominic Maddumba, OIC-Director II ng Health Promotion Bureau, at Regional Director Paula Paz Sydiongco ng DOH Region 1.

Ito ang kauna-unahang pagkakataon na iginawad sa Pangasinan ang naturang pagkilala, bilang patunay sa epektibong mga hakbang ng lalawigan sa pagpapanatili ng malusog na mga komunidad.

Kasama sa nasabing awarding sina Vice Governor Mark Lambino, Board Member Shiela Baniqued, mga chief of hospitals, at mga department heads.

Patuloy ang Pangasinan sa pangunguna sa mga programang pangkalusugan upang masig**ong ang bawat mamamayan ay may akses sa maayos at epektibong serbisyong medikal.

Source:Philippine Star/page
Photo: Province of Pangasinan/FB post

12/02/2025

Sino sa dalawa ang inyong susuportahan bilang susunod na Gobernador?
Ramon Guico III o Amado Espino III?

10/02/2025

Di man alam ng puso kung bakit, pero palaging babalik at babalik pa rin sa'yo, Malico!

📍Malico, San Nicolas, Pangasinan – kung saan ang malamig na simoy ng hangin at tanawin ng kabundukan ay laging may kakaibang yakap sa puso.

Source: GreaTour/fbpage

10/02/2025

COMMUNITY OUTREACH PROGRAM NG PAMAHALAANG PANLALAWIGAN, DINALA SA SITIO MAPITA SA AGUILAR

Alinsunod sa hangad ni Governor Ramon Mon-Mon Guico III na mas mailapit ang serbisyo ng Pamahalaang Panlalawigan sa mga mga liblib na barangay,ipinamahagi sa pamamagitan ng Health and Wellness Club ang mga family food pack at iba pa.

Kasama na dito ang libreng masustansyang pagkain mula sa GUICOSINA, libreng asin, fruit bearing tree seedlings, vegetable seeds at libreng gupit sa mga residente ng Sitio Mapita, Barangay Laoag, Aguilar.

May ipinagkaloob ding mga medical kits at equipment.

Labis itong ikinatuwa at ipinagpasalamat ng mga residente.

“Ang gusto po namin ay patuloy na mapalapit sa inyo ang paglilingkod gaano man ito kasimple,” pahayag ni Cheryl A. Escaño, OIC-Provincial Archives and Records Center, at nagsilbing kinatawan ni Gov. Guico sa programa.

Source: Province of Pangasinan

08/02/2025

PINAGSASANIB NA MAKABAGONG AT TRADISYUNAL NA PAGSASAKA, ISINUSULONG SA PANGASINAN

Isinusulong ni Gobernador Ramon V. Guico III ang pagsasanib ng tradisyunal at makabagong pamamaraan ng pagsasaka upang gawing mas produktibo at kumikitang industriya ang agrikultura sa lalawigan.

Sa pangunguna ng Provincial Agriculture Office’s Agri-business Division, isinagawa ang iba’t ibang pagsasanay para sa mga magsasaka sa Pangasinan. Kabilang dito ang pagsasanay sa produksyon ng pananim at pangisdaan, pagpoproseso ng pagkain, makabagong teknolohiya, at pagsasanay sa entrepreneurship at institusyonal na pamamahala.

Sa pamamagitan ng mga programang ito, inaasahang mas magiging handa ang mga magsasaka sa pagharap sa hamon ng makabagong agrikultura at mas mapapalawak ang kanilang kita sa merkado.

Source/Photo: Province of Pangasinan/page

06/02/2025

MGA BARANGAY LEADERS NG LINGAYEN, HANGA SA KONSULTA PLUS GUICONSULTA PROGRAM

Pinangunahan ni Gov. Ramon V. Guico III ang paghatid ng Konsulta plus GUICONSULTA sa mga lider ng mga barangay sa Narciso Ramos Sports and Civic Center Lingayen, Pangasinan.

“Nais ko po ay maging malusog tayo at humaba ang buhay natin,” saad ni Governor Guico.

Kasama sa naghatid ng programang ito sina Vice Governor Mark Lambino, Board Member Haidee Pacheco, at Board Member Philip Cruz.

Labis namang ikinatuwa ng mga barangay officials at barangay leaders ang insentibong hatid ng programa.

“Nagpapasalamat po ako sa GUICONSULTA na bigay ni Gov. Guico para sa Pangasinan.

“Sana ituloy-tuloy niyo po ito,” pahayag ng benepisyaryong si Jeffrey Ventura na may diabetes.

Source: Province of Pangasinan

05/02/2025

𝗕𝗜𝗡𝗔𝗟𝗢𝗡𝗔𝗡 𝗕𝗔𝗬𝗔𝗡𝗜𝗛𝗔𝗡 𝗙𝗢𝗢𝗗 𝗣𝗥𝗢𝗚𝗥𝗔𝗠, 𝗦𝗜𝗡𝗜𝗠𝗨𝗟𝗔𝗡 𝗦𝗔 𝗕𝗔𝗥𝗔𝗡𝗚𝗔𝗬 𝗖𝗔𝗠𝗔𝗡𝗚𝗔𝗔𝗡 𝗔𝗧 𝗦𝗧𝗔. 𝗖𝗔𝗧𝗔𝗟𝗜𝗡𝗔

Binalonan, Pangasinan — Matagumpay na inilunsad noong Enero 29, 2025 ang Binalonan Bayanihan Food Program sa Barangay Camangaan at Barangay Sta. Catalina kung saan namahagi ng mga ham sa mga residente bilang bahagi ng tulong sa komunidad.

Pinangunahan ni Cong. Ramon “Monching” Guico, Jr. ang pamamahagi, na sinuportahan nina BM Nicholi Jan Louie Sison at Special Assistant to the Governor Jesus “Isong” Basco. Kasama rin sa aktibidad ang mga opisyal ng barangay sa pangunguna nina Capt. Nandy P. Manzano ng Barangay Camangaan at Capt. Rolando P. Tambo ng Barangay Sta. Catalina.

Lubos na nakipagkaisa sa programa ang Team RGTayo na binubuo ng mga sumusunod na opisyal:
- Vice Mayor Bryan Louie Ramirez Balangue
- Coun. William Aradanas
- Coun. Glory Jovelyn G. Manaois
- Coun. Carl Joseph “CJ” Patawaran
- Coun. Brenda Paderes
- Coun. Juan Coly Delos Santos
- Coun. Arturo Romua
- OIC SK President Vanessa Patague
- SK Federation Provincial BM Joyce Fernandez
- Manuel "Manny" Luis Jr.
- Former Capt. Domingo "Iyong" Rivera

Ang programang ito ay patunay ng diwa ng bayanihan sa Binalonan, na naglalayong matugunan ang mga pangunahing pangangailangan ng bawat pamilyang Binalonian.

Source: Ramon RG Guico IV

05/02/2025

LIBU-LIBONG RESIDENTE NG SAN JACINTO, SUMAILALIM SA KONSULTA PLUS GUICONSULTA PROGRAM

Patuloy na dumarami ang mga residenteng nakikinabang sa mga benepisyong hatid ng Konsulta Plus GUICONSULTA ng Pamahalaang Panlalawigan ng Pangasinan.

Sa paglulunsad ng programa sa bayan ng San Jacinto, libu-libong residente ang sumailalim sa libreng konsultasyon, libreng gamot, at libreng laboratoryo mula sa PhilHealth Konsulta. Layunin ng programa na matiyak ang kalusugan ng bawat Pangasinense sa pamamagitan ng pagbibigay ng de-kalidad at abot-kayang serbisyong medikal.

Bukod sa mga libreng serbisyong medikal, nagkaloob din ang GUICONSULTA ng cash incentive para sa pangkain at pamasahe ng mga lumahok, na nagmula sa pondo ng Pamahalaang Panlalawigan. Ang inisyatibong ito ay bahagi ng mas pinalawak na adbokasiya ng pamahalaan na mas mapalapit ang mga serbisyong pangkalusugan sa mga mamamayan, lalo na sa mga liblib na lugar.

Pinangunahan ni Gov. Ramon V. Guico III ang paghatid ng serbisyo kasama sina Vice Governor Mark Lambino, Board Member Jerry Agerico Rosario, Board Member Marinor De Guzman, Mayor Leo De Vera, at iba pang opisyal ng LGU na nagsilbing katuwang sa matagumpay na pagpapatupad ng programa. (Eira Gorospe, Krizia Mamaril | PIMRO)

Source: Province of Pangasinan

03/02/2025

PINABLIN DAYAT COASTAL CLEAN-UP DRIVE, ISINAGAWA

Nagsama-sama ang mga empleyado ng kapitolyo para sa isang clean-up drive sa baywalk ng Lingayen nitong January 30, 2025. Ang aktibidad na pinamagatang Pinablin Dayat coastal clean-up ay pinangunahan ng General Services Office. Ito ay alinsunod sa adbokasiya ni Governor Ramon V. Guico III para sa Zero waste month.

Ang coastal clean-up drive ay linggo-linggong isasagawa tuwing araw ng Huwebes upang mapanatiling malinis ang baywalk.

Source: Province of Pangasinan

01/02/2025

LIBO-LIBONG RESIDENTE, NABIBENEPISYO SA KONSULTA+ GUICONSULTA SA URBIZTONDO

Masayang sinalubong ng libu-libong residente ng bayan ng Urbiztondo ang pagdating ng Konsulta+ Guiconsulta, isang programang pangkalusugan na inilunsad ng Pamahalaang Panlalawigan sa pangunguna ni Governor Ramon V. Guico III.

Ayon kay Gov. Guico, layunin ng programa na matulungan ang mga residente, lalo na ang mga walang PhilHealth o hindi makabayad ng kontribusyon. “Kapag kayo ay nairehistro, sakop na kayo ng PhilHealth mula Enero 28, 2025, hanggang Enero 2026,” aniya.

Sa ilalim ng programa, nakatanggap ang mga residente ng libreng konsultasyon, check-up, bitamina, at gamot. Bukod dito, nagbigay rin ang GUICOnsulta ng cash incentives bilang tulong-pinansyal sa mga benepisyaryo.

Hindi lamang pangkalusugang serbisyo ang hatid ng pamahalaan—mayroon ding libreng veterinary services, pamamahagi ng seedlings, bunot, mga libro at laruan para sa mga Day Care Centers, at masustansyang lugaw mula sa GUICOSINA.

Nagpasalamat si Mayor Modesto Operaña sa probinsya sa hatid na libreng serbisyo. “Mabuti at dinala ni Governor Guico ang programang ito sa ating bayan. Salamat din kina Vice Governor Mark Lambino at sa mga Board Members na narito upang tiyaking lahat ay marehistro at makakuha ng tulong,” aniya.

Kasama ni Governor Guico sa programa sina Vice Governor Mark Lambino, Board Member Atty. Haidee Pacheco, Board Member Philip Theodore Cruz, Abono Partylist Rep. Dr. Bobby Estrella, at Vice Mayor Volter Balolong II.

Tumulong din sa programa ang iba't ibang pampublikong ospital sa Pangasinan tulad ng Bayambang District Hospital, Mangatarem District Hospital, at Pangasinan Provincial Hospital, katuwang ang LGUs, Barangay Health Workers, at iba pang tanggapan ng kapitolyo.

Source/Photo:Province of Pangasinan/Facebook Post

31/01/2025

PANGASINAN AT MAXWELL LEADERSHIP FOUNDATION, MAGTUTULUNGAN SA PAGSASANAY NG MGA LIDER

Magtutulungan ang Pamahalaang Panlalawigan ng Pangasinan at Maxwell Leadership Foundation (MLF) upang isulong ang leadership enhancement at values formation ng mga empleyado.

Ang MLF, isang nonprofit organization na nagpapalakas ng kakayahan ng mga lider, ay magpapatupad ng programang nakatuon sa personal growth, leadership excellence, at faith-driven transformation.

Kaugnay nito, nakipagpulong si John Griffin, Vice President ng Global Programs ng MLF, kasama sina Pastor Emmanuel Manansala ng LIV Ministries at Dr. Raymond Patrick V. Guico ng World Citi Colleges (WCC) at WCC Aeronautical & Technological College (WCC ATC) kay Gov. Ramon V. Guico III upang talakayin ang naturang programa.

Ang inisyatibang ito ay patunay ng dedikasyon ni Gov. Guico sa pagpapahusay ng kakayahan ng mga kawani ng pamahalaan upang mapabuti ang serbisyo sa mamamayang Pangasinense.

Source: Province of Pangasinan

31/01/2025

MGA RESIDENTE NG AGUILAR SUMAILALIM SA KONSULTA PLUS GUICONSULTA

Pinangunahan ni Governor Ramon V. Guico III ang matagumpay na paglulunsad ng Konsulta Plus GUICONSULTA sa bayan ng Aguilar, kung saan libu-libong mga residente mula sa lahat ng barangay ang tumanggap ng libreng konsultasyong medikal at mga insentibong hatid ng GUICONSULTA.

Bukod sa mga medikal na serbisyo, dinala rin ng kapitolyo ang iba pang mga serbisyo para sa mga residente, tulad ng libreng gupit, serbisyo para sa mga hayop tulad ng mga aso’t pusa, gamot at bitamina, dental services, at mobile diagnostics. Mayroong ding pamamahagi ng mga manipulative toys at learning materials sa mga bata sa Child Development Center, pati na rin ang free seedlings at tilapia fingerlings para sa mga residente.

Kasama sa mga dumalo at nakibahagi sa programang ito sina Second District Board Member Haidee Pacheco, Board Member Philip Theodore Cruz, Dr. Bobby Estrella ng Abono Partylist, Aguilar Mayor Kristal Ballesteros-Soriano, Vice Mayor Jesus M. Zamuco, Jr., mga miyembro ng Sangguniang Bayan ng Aguilar, mga barangay officials, Barangay Health Workers, at mga kawani ng LGU, MDH, at LDH.

Ang matagumpay na paglulunsad ng Konsulta Plus GUICONSULTA ay isang patunay ng dedikasyon ni Governor Guico sa kalusugan at kapakanan ng bawat Pangasinense. Isang mahalagang hakbang ito patungo sa mas malusog at mas maunlad na Pangasinan.

Source: Province of Pangasinan

27/01/2025

PAG-IBIG AT PANGASINAN, MAGTUTULUNGAN PARA SA MAS ABOT-KAYANG PABAHAY

Ang Pamahalaang Panlalawigan ng Pangasinan, sa pamumuno ni Gobernador Ramon Mon-Mon Guico III, at ang Pag-IBIG Fund ay nagkasundo na magtulungan upang magbigay ng mas abot-kayang mga opsyon sa pabahay para sa mga Pangasinense. Ang programa ay nagbibigay-priyoridad sa pagbibigay ng pabahay sa mga job order employees ng kapitolyo at mga informal settler.

Sinabi ni Provincial Administrator Melicio Patague II na nakatuon ang gobernador sa pagbibigay ng pinakamahusay na serbisyo publiko at handa silang makipagtulungan sa Pag-IBIG upang mapagaan ang pasanin ng mga benepisyaryo sa pagbabayad ng pabahay. Nais nilang baguhin ang mukha ng serbisyo publiko sa lalawigan.

Ipinakita ni Engr. Alvin Bigay, pinuno ng Pangasinan Housing and Urban Development Coordinating Office (PHUDCO), ang mga iminungkahing proyekto sa pabahay, kabilang ang 100-unit na Luyag Residences sa Parayao, Binmaley, at isa pang proyekto sa Umingan malapit sa Umingan Super Community Hospital.

Source: Province of Pangasinan

Balitang Anda, Pangasinan

18/02/2025

18/02/2025

17/02/2025

13/02/2025

13/02/2025

13/02/2025

12/02/2025

10/02/2025

10/02/2025

08/02/2025

06/02/2025

05/02/2025

05/02/2025

03/02/2025

01/02/2025

31/01/2025

31/01/2025

27/01/2025

Address

Website

Alerts

Shortcuts

Share