06/08/2026
အသက် ၃၅-၄၅ အရွယ် အမျိုးသားများရဲ့ ဒုတိယတဖန်ဘဝအစ ဒုတိယဘဝသက်တမ်းဆိုတာ....
တကယ်တော့ လူလတ်ပိုင်းအရွယ်ဆိုတာ အင်ဂျင်ဝိုင်လဲပြီးသား ကားတစီးလိုပါပဲ...။ ပိုငြိမ်လာတယ်၊ ပိုအားကောင်းလာတယ်၊ ခရီးဝေးကိုလည်း ပုံမှန်မှန် မောင်းနှင်နိုင်လာပြီ။
ရင်ထဲကို ပိုပြီးခွန်အားဖြစ်စေမယ့် အချက်လေးတွေကို ထပ်ပြီး ဝေမျှပေးပါရစေ။
၁။ "ဒုတိယသက်တမ်း" ကို အကောင်းဆုံး ကစားပါ။
အားကစားပွဲတခုမှာ ပထမပိုင်းကစားပြီးလို့ ခေတ္တနားချိန်မှာ ကိုယ်ဘာတွေမှားခဲ့လဲ၊ ပြိုင်ဘက်က ဘယ်လိုလဲဆိုတာကို သေချာသုံးသပ်ခွင့်ရပါတယ်။ အသက် ၃၅-၄၅ ဆိုတာ အဲဒီလို ခေတ္တနားပြီး "ဒုတိယပိုင်း" ကို အားအပြည့်နဲ့ ပြန်စရမယ့်အချိန်ပါ။ ပထမပိုင်းမှာ ရှုံးခဲ့ရင်တောင် ဒုတိယပိုင်းမှာ အနိုင်ဂိုးတွေ အပြတ်အသတ် သွင်းလို့ရပါသေးတယ်။ သင်ခန်းစာတွေလည်း အများကြီးရခဲ့ပြီဆိုတော့ ဒီတခါ ကစားပုံက ပိုပြီး စနစ်ကျနေမှာ အသေအချာပါပဲ။
၂။ အချိန်ကို နှမြောတတ်လာတဲ့ စွမ်းအား...။
လူငယ်ဘဝတုန်းက "အချိန်တွေ အများကြီး ရှိသေးတယ်" ဆိုတဲ့စိတ်နဲ့ အချိန်ဖြုန်းခဲ့မိတာမျိုး ရှိနိုင်ပါတယ်။ ဒါပေမဲ့ အခုအရွယ်မှာတော့ အချိန်ရဲ့ တန်ဖိုးကို သင် တကယ် သိလာပြီ။ အဲဒီ "အချိန်ကို နှမြောတဲ့စိတ်" ကပဲ သင့်ကို အလုပ်တခုလုပ်ရင် ပိုပြီး အာရုံစိုက် စေတယ်၊ ပိုပြီး ထိရောက်စေတယ်။ မလိုအပ်တဲ့ ဘေးစကားတွေကို နားမယောင်တော့ဘဲ ပန်းတိုင်ကိုပဲ တည့်တည့်ကြည့်စေတာ။ ဒါဟာ စီးပွားရေး သမားတယောက်အတွက် အကောင်းဆုံး လက်နက်ပါပဲ။
၃။ သင်ဟာ "တံတား" တစင်းပါ။
သင့်အထက်မှာ မိဘတွေရှိသလို သင့်အောက်မှာလည်း သားသမီးတွေ (သို့မဟုတ်) မျိုးဆက်သစ်တွေ ရှိနေပါပြီ။ သင် အောင်မြင်ဖို့ ကြိုးစားတာဟာ သင့်တယောက်တည်းအတွက် မဟုတ်တော့ဘဲ လူနှစ်ဆက်စာအတွက် "တံတား" ခင်းပေးနေတာပါ။ ဒီတာဝန်ဟာ ကြီးလေးတယ်လို့ ထင်ရပေမယ့် တကယ်တော့ ဒါဟာ မနက်ခင်း အိပ်ရာကနိုးတိုင်း သင့်ကို တွန်းအားပေးမယ့် အကြီးမားဆုံး Mission တခုပါ။ "ငါ လဲလို့မဖြစ်ဘူး၊ ငါ့နောက်မှာ အားကိုးနေတဲ့သူတွေ ရှိတယ်" ဆိုတဲ့စိတ်က သင့်ကို ကျောက်ဆောင်တခုလို ခိုင်မာစေပါလိမ့်မယ်။
၄။ ဆုံးရှုံးမှုတွေကို ဂုဏ်ယူဝံ့ကြွားစွာ ဝတ်ဆင်ပါ...။
ဒီအသက်အရွယ်အထိ ရုန်းကန်လာရတဲ့ လမ်းခရီးမှာ အမာရွတ်တွေ၊ ဆုံးရှုံးမှုတွေ ရှိမှာပါပဲ။ အဲဒါတွေကို ရှက်စရာလို့ မမှတ်ပါနဲ့။ အဲဒါတွေက သင်ဟာ "တိုက်ပွဲဝင်ခဲ့သူ" (Warrior) ဖြစ်ကြောင်း သက်သေတွေပါ။ စီးပွားရေးလောကမှာ တခါမှ မရှုံးဖူးတဲ့သူထက် အကြိမ်ကြိမ်ရှုံးပြီးမှ ပြန်ထလာတဲ့သူက ပိုပြီး ယုံကြည်ထိုက်ပါတယ်။ သင့်ရဲ့ အတိတ်က အမာရွတ်တွေကို ကြည့်ပြီး "ငါ ဒါမျိုးကိုတောင် ကျော်ဖြတ်နိုင်ခဲ့သေးတာပဲ၊ အခုလာမယ့် အခက်အခဲက အသေးအဖွဲပါ" လို့ ပြုံးပြုံးလေး ရင်ဆိုင်လိုက်ပါ #
#မူရင်းကိုcrdပေးပါတယ်
