#رسائلكــــــــم
الحلقة 1
انا امرأة في عمري 39 سنة اسمي كنزة تزوجت زواج تقليدي تزوجت في عمري 23سنة و راجلي 35 سنة زوجي شويا جاي سيريو كشغل متشدد و يأمن بتعدد الزوجات، المهم عشت معاه 5 سنين معندناش دراري قالي انا راني حاب دراري و راني حاب نزيد نجيب لمرا الزاوجة انا محبيتش قلتلو امالا طلقنى و زيد الثانية قالي لالا منطلقكش تبقاي معايا و راح نزيد عليك الثانية معاه معاه وليت ستسلمت قلتلو انا مراح نشوفها ول نحوس نعرفها ، بعدها راح خطب و تزوج و جاب لمرا الثانية سكنها وحدها بسك زوجي لباس بيه المهم ول سمانة عندي و سمانة عندها و نهار يجي عندي قالي الطفل ول الطفلة نتى تسميها و فرحان بصراحة مولاش يهتم بيا كما كنت نهتم بيه ول ديفوا يعيط عليا بلا سبة متعجبوش ماكلتي و يقارني بزوجتو الثانية المهم السمانة لي يقعدها معايا يصدعلى راسي حتى وليت نقولو روح و بقى عندها مجينيش قالي راني نجي لداري المهم وحد الخطرة خرجنى قالي نروحو نفطرو دخلنا للريسطو لقيت 3 كراسا قلتلو شكون راك عارض قالي حتى واحد شويا هكدا حتى جات مرا قعدت معانا... يتبع..
13/10/2025
#رسائلكم
جا يخطبني واحد ارواحو نحكيلكم على الرؤية الشرعية دخل ما نحاش صباطو ديجا تقلقت من هاد العفسة دخل معايا خويا، و هو دخلت معاه امه، قالي اسمي فلان عمري 38 (انا عمري 28)، عندي حانوت نسترزق بيه، قالولي راكي خدامة انا شرطي تحبسي الخدمة خدمتك فيها المعاملة فرجال و انا هاد شي ما يرضينيش (نخدم فالتعليم) و دارلي بصبعه في عينيه عندي هاد العين مى و هاد العين اختي (تسمى انا بلاصتي في نيفه بالاك) قالي داركم تشوفيهم مرة فالشهر باش يقعد العز (هو امه عينه و انا ماما .... منعرف واش بغا يقول فمي) قالي انا باغي الولاد تسمى منيش باغي اي وسيلة منع حمل، و امه غير تتبسم، قاتلي ولدي راجل يجيب يجيب حتى عشر ولاد ايا هو جاه الافتخار طاح سلم على رجليها و هي تشوف فيا كشغل طلع علامها (دارولي مشهد مؤثر من فيلم أمي جنتي) قالي أنا لي مترضاش عليها مى عمرها ما تصرى، قالي ايلا بغيتي تخدمي نسمحلك تخدمي الخياطة فدار بما انو راح تتعاملي مع النسا برك، قالي العرس منديرش ندير وليمة الاعلان عن الزواج و فقط، و نتي منسمحلكش ديري عرس لانو فيه الاختلاط و البدع و الموسيقى، قالي تلبسي جلباب و ستار ثلث طبقات و قفازتين و جوارب، قالي الطاعة ثم الطاعة ثم الطاعة و لك الجنة بإذن الله.
قالي و نتي ما هي شروطك، وقفتت خرجت و خليتهم، قال لخويا السكوت علامة الرضى، قاله خويا لا هذا سكوت تاع (اسكت يا لساني) اختي و نعرفها، قاله روح مكتوبك ماشي عندنا.
علابالكم السيد كان سيريو و يهدر بكل ثقة ههههه و كي سقسينا واش حانوته لقيناه يبيع ملابس داخلية 😂 😂
13/10/2025
الله يرحمك صالح جعفراوي إن لله و إن إليه راجعون
13/10/2025
#رسائلكــم
من وقت كنت مخطوبة و خويا يكره راجلي بزاف يشوف بليس ميشوفوش هو ملغري راجلي مدارلو والو مسكين مفهمتش علاش المهم تزوجت وسكنت بعيدة شوي على دارنا ساعات كي نجي لدارنا زيارة مع راجلي ميحبش يتلقاه عندي وحد الثلاث يام كان راجلي جايبني لدارنا بالطونوبيل في نص الطريق عيطلي خويا هزيت عليه وأنا التيليفون تاعي من النوع لي كي نهدر بيه يسمع لي قدامي المهم عيطلي قالي أكي جاية قتلو إيه علاه قالي تفاهمي مع راجلك يوصلك و يروح بعد ميدخلش للدار منسحقش نشوف الخليقة تاعو قدامي . راجلي سمعو قارا الطونوبيل فالبلاصة ودار دوميتور وعاود رجع للدار طريق وهو ساكت كلمة مهدرها أنا تنشعت وحد النشعة متنمهاش لعدويا ذركا ثلاث يام وهو ساكت ميهدرش و أنا منشوعة منو ماش قادرة حتى نخزر في وجهو مالحشمة ..
تعيشو أنصحوني كيفاه نراضيه و الله موقف منتمناه لحتى إنسان . #الجميع
12/10/2025
فطور اليوم kahvaltı🍳☕ kahvaltı #الجميع
11/10/2025
#رسائلكم ...
أنا مطلقة وعندي وليد عمره 4 سنين ونص، تعرفت على واحد في الفايسبوك وبدينا نحكيو فالواتساب.
قالي بلي عايش في قطر ومطلق، و بينلي نية حاب يتزوج بيا، كي هبط شفتو مرة وحدة، واتفقنا نديرو العقد بلا عرس ولا ضجة.
قالي الشهر هذا نجي نديك، بصح شرط عليا نخلي وليدي عند باباه.
خمّمت بزاف، ومن بعد قبلت وتنازلت على الحضانة 😔
بعد أسبوع فقط، السيد اختفى، قطع التواصل وبلّوكاني من كل مكان.
كي حاول نفهم واش كاين، اكتشفت الحقيقة المرة...
أنو كل هذي المسرحية كانت مدبّرة من طرف بابات وليدي باش ياخذ الحضانة 💔
والله قلبي محروق، ما قدرتش نفيق من الصدمة.
واش تديرو بلاصتي؟ 😢
11/10/2025
#منقولة
كنت حامل في شهري التاسع وحنا نتعشاو نطقت عجوزتي
وليد وليدي يسموه زوبير على اسم جدي (جد عجوزتي) 😞😞😞😞😞😞😞😞😞
انا مالخلعة اللقمة وقفتلي ونطق راجلي مايكون غير خاطرك ميمتي 😱😱😱😱
وبدات الخطة 😈
وانا قدامو حطيت يدي على كرشي وبديت نقول
وانا ميتة بالفرحة 😍 ياعمري على وليدي وقتاش تجي ونعنقك ونبوسك ههههه وراجلي يخزر مبعد قتلو علابالك اسم زوبير فكرني في واحد كان حايب يخطبني مسكين حفاو رجليه بصح بابا ماقبلش بيه مسكين مالقهرة حرق لسبانيا مزادش ولا
راجلي نط نطة وحدة مالفراش واش فكرك بيه قتلو اسم وليدنا الي فكرني
مسكين راجلي بايت مقنوط الليل مارقدش وهوا يتقلب في الفراش
الصباح غير ناض قالي خلاص وليدنا نسموه إياد كيما كنتي حابة
قتلو علاه واشبيه اسم زوبير شباب وزيد يماك تزعف وانا مانحبش نزعفها
قالي خلاص كي تولد ختي تسمي على جدي
واش رايكم في الخطة نتاعي على فكرة مانعرف حتى واحد باسم زوبير😜😜
11/10/2025
بصحتكم طاكوس
11/10/2025
عظم الله أجركم ناس شلف وأنزل الله الصبر و سلوان على قلب أمه 💔💔
Be the first to know and let us send you an email when مشاهير dz posts news and promotions. Your email address will not be used for any other purpose, and you can unsubscribe at any time.
