Laban Kapamilya

14/07/2025

AKALA KO...

Lilipat na ang operasyon ng ABS-CBN sa kanilang "soundstage" sa City of San Jose del Monte, Bulacan, oras na mabuwag na ang old headquarters, studios at tower ng higanteng media company.

Ang "soundstage" na nasa Bulacan ay kadalasang ginagamit sa produksyon ng ilang eksena sa pelikula o teleserye, na kadalasan ay ginagawa sa Hollywood sa kanilang bersyon ng soundstage, gaya ng sa Warner Bros., Universal Studios, at iba pa. Naging madalas ang paggamit ng naturang lugar nitong pandemic period sa mga serye gaya ng "Ang Sa'yo Ay Akin", "Darna", digital series gaya ng "Bagman", international projects gaya ng "Sellblock" at ilang programa gaya ng "Your Moment" at "Idol Philippines".

Walang kongkretong pahayag ang Kapamilya Network ukol sa naturang impormasyon na ipinapakalat na pilit ng ibang pages, YouTube channels at maging sa websites na madalas ang "misinformation".

'YUN PALA...

Lilipat ang operasyon ng ABS-CBN sa natirang 1.4 hectares ng kanilang ari-arian, samakatuwid, ay ang kinalalagyan ng ELJ Building kung saan nakahimpil ang opisina ng ilang department at studios gaya ng ginagamit ng ASAP.

Ito ay ayon sa ulat ng ABS-CBN News noong Pebrero 27, 2025, noong unang pumutok ang naturang balita na pagbenta ng pamumuan ng malaking bahagi ng kanilang property sa Ayala Land.

Sa kasalukuyan po ay nakapatay na ang ilaw ng tinitingala noon na Millennium Tower mula noong hatinggabi ng Hulyo 9, at anumang oras ay uunahin na itong babaklasin at isusunod ang headquarters. Lahat ng serbisyo at operasyon ng ABS-CBN ay doon na malilipat sa nasabing natirang parte ng kanilang ari-arian.

Palagi po natin tandaan na maging MAPANURI at maging SIGURADO sa mga nakikita o nababasa sa social media at sa internet, parq hindi po tayo mabiktima ng MALING AKALA! 😁❤️💚💙

08/07/2025

KWENTO NI CARDONG TRUMPO SA "MMK", BIBIGYANG-BUHAY NI JM DE GUZMAN

Iikot na ang kwento ng buhay ni Pilipinas Got Talent Season 7 Grand Winner Ricardo Cadavero o mas kilala bilang si Cardong Trumpo, sa isa na namang makabuluhang episode ng MMK o "Maalaala Mo Kaya?".

Pagbibidahan ito ni Kapamilya actor JM De Guzman, at doon, bibigyang buhay nito ang kwento sa likod ng mga hamon at tagumpay ng 55-anyos na si Tatay Cardo, na hindi kailanman sumuko na ipakita sa buong bansa at buong mundo ang kultura ng paglalaro ng trumpo, na isang nausong laro noong dekada 80 at 90, na unti-unting naglaho sa pagdaan ng makabagong teknolohiya.

Makakasama ni JM sina Jennica Garcia, Allan Paule, Ana Abad Santos, at marami pang iba. Ito ay sa ilalim ng direksyon ni Raymund Ocampo.

Mapapanood na ang Director's Cut ng bukas, Miyerkules, Hulyo 9, sa iWantTFC o sa www.iwanttfc.com, at sa Sabado, Hulyo 12, alas-8:30 ng gabi sa Kapamilya Channel, Kapamilya Online Live, TFC, A2Z at ALLTV2.

08/07/2025

BAGONG MUSIC VIDEO NG "KAPAMILYA FOREVER", MAPAPANOOD NA BUKAS, MIYERKULES, HULYO 9

Mapapanood na BUKAS, HULYO 9, ang bagong music video ng "Kapamilya Forever".

Kasunod ng ipinakitang teaser nito noong nakaraang Lunes, Hulyo 7, ay ang makahulugang mensahe sa likod ng imahe ng mga tao na nasa ibabaw ng building ng ABS-CBN Compound na nasilayan ang bukang liwayway ng araw, na tanda na may mga bubuuinh bagong kwento ang bawat Kapamilya.

Mapapakinggan ang musika at mapapanood ang buong music video na ito pagkatapos ng TV Patrol at bago ang FPJ's Batang Quiapo, sa ating Kapamilya Channel, Kapamilya Online Live at lahat ng platforms ng ABS-CBN.

Abangan po natin 'yan, mga Kapamilya!

❤️💚💙

05/07/2025

ABS-CBN STUDIOS, PATULOY NA PINAPAKITA ANG LAKAS NG PWERSA SA ONLINE WORLD

Lalo lamang pinatunayan ng ating Kapamilya Network, ang ABS-CBN Studios ang kanilang pagiging SALAKAM ang pwersa sa online at digital presence!

Dahil sa kanilang paglikha ng mga magagandang kwento at mga makabuluhang programa na tunay na tinangkilik ng maraming manonood, TATLO sa ilang bahagi o episode ng mga programa ng ABS-CBN ang nakapagtala ng MILYONG PINAGSAMANG ONLINE VIEWS na PINAKAMARAMI sa kasaysayan ng Philippine Entertainment at ng Kapamilya Online Live mula nang ilunsad ito noong Agosto 2020.

Una, syempre ang , na ginanap noong Oktubre 26, 2024, kung saan sinubaybayan ang paghirang sa Big Winner ng naturang edisyon ng Pinoy Big Brother na napanalunan ni Fyang Smith at naghirang kina Rain Celmar, Kolette Madelo at Kai Montinola bilang Big Placers. Nakapagtala iyon ng higit 2,267,662 na pinagsamang concurrent views. Ang naturang episode ang nananatiling highest pagdating ng real-time online views.

Sumunod d'yan ang "Mag-ama" episode ng top rating at most viewed Pinoy teleserye ngayon na FPJ's Batang Quiapo noong Pebrero 21, 2025, kung saan nalaman na ni Tanggol (Coco Martin) na si Ramon (Christopher De Leon) ang kanyang tunay na ama, at sila ay nakipagbakbakan kina Rigor (John Estrada) at David (McCoy De Leon). Nagtala naman ang ng higit 1,045, 554 na pinagsamang online views sa KOL, at nananatili pa rin itong PINAKAMATAAS pagdating sa online views ng alinmang teleserye sa telebisyon.

Panghuli ay ang katatapos lang na , kung saan nasaksihan naman ang pagputong ng koronasa tambalang o kina Brent Manalo at Mika Salamanca bilang kauna-unahang Big Winner Duo ng naturang kolaborasyon ng ABS-CBN at GMA Network. Mas tumutok pa rin ang maraming manonood sa KOL kung saan higit 1,036,022 ang naitalang pinagsamang online views nito sa YouTube at Facebook.

Patunay lamang ang mga numerong ito na patuloy na tinatangkilik at sinusundan ng mas nakararaming Kapamilya at mga kababayan ang mga programa ng ating ABS-CBN, saan mang platform na ilagay, lalo na ngayon na unti-unti na nating nararamdaman na nasa digital age na tayo at mas dumarami ang tumututok online.

Tunay na BIG WINNER ang ABS-CBN dahil tayo din, mga Kapamilya, ang dahilan kung bakit tuluy-tuloy lang sila sa paggawa ng mga programang pasok sa ating panlasa! ❤️💚💙

05/07/2025

Nasaksihan ng mga KAPAMILYA at mga Kapuso ang isang makasaysayang pagtatapos ng kanilang unang pagsasanib-pwersa sa "teleserye ng totoong buhay ng mga sikat", ang Pinoy Big Brother Celebrity Collab Edition, kung saan hinirang ang tambalan nina Brent Manalo at Mika Salamanca na kauna-unahang BIG WINNER DUO sa nasabing edisyon na pangatlo para sa mga celebrities sa pangkalahatan.

Ayon sa pagbabantay ng ating katotong si Kapamilya Kingdom, nagtala ang ng higit 1,036,022 na pinagsamang real-time concurrent views sa Kapamilya Online Live, kung saan 843,522 ang sabayang sumubaybay sa YouTube at higit 192,500 naman ang nanood sa page ng ating ABS-CBN.

CONGRATULATIONS muli sa Team at sa mga naging Big Placers Duo, at higit sa lahat, tayo ang TUNAY na BIG WINNER dahil minsan pa, ay sinuportahan at tinangkilik ang bawat programa ng ating Kapamilya Network, lalo na ang PBB na nasa ika-20 taon na sa ere.

Hanggang sa susunod na pagbubukas ng Bahay ni Kuya... ❤️💚💙

05/07/2025

CONGRATULATIONS sa ating BIG WINNER DUO ng PBB COLLAB, !

03/07/2025

Ansabe ng Bahay ni Kuya! Huuuy! 🤭
Eto na ang next na pagbubukas na dapat nyong abangan!

Unlocking this JULY 9! 😉 | iWantTFC

03/07/2025

30/06/2025

LIVE: Inauguration Ceremony for
Mayor Maria Leonor G. Robredo,
Vice Mayor Gabriel H. Bordado, Jr.,
and Members of the 15th Sangguniang Panglungsod

28/06/2025

Isa na naman pong MILESTONE sa ating Kapamilya Network na lalong nagpatibay sa kanilang DIGITAL PRESENCE!

YouTube channel ng ABS-CBN Entertainment, umabot na sa higit 53 MILLION subscribers, and STILL the most for any media company in Southeast Asia!

CONGRATULATIONS! ❤️💚💙

26/06/2025

Kapamilya, handa ka na ba sa future ng Philippine entertainment?! Handang handa na po ang ABS-CBN d'yan! 😉

ABS-CBN, PINAGHAHANDAAN NA ANG FUTURE NG PHILIPPINE ENTERTAINMENT

Sa ginanap na virtual stockholders meeting ng ABS-CBN Corporation ngayong araw na ito, Hunyo 26, Huwebes, binanggit ni ABS-CBN President at Chief Executive Officer Carlo Katigbak na pinaghahandaan na ng kumpanya ang future ng Philippine entertainment kung saan hindi na gaanong nakasentro ang telebisyon doon.

Ito ay bunsod ng kanilang pagtuon ng pansin bilang content creator at global storyteller.

"By refocusing the company on becoming global storytellers, (ABS-CBN) is gearing up for a future where television is no longer at the center of the Philippine entertainment universe," aniya.

Dagdag pa ni Sir CLK, ito rin ang future kung saan marami pang mababago at maaapektuhan ng teknolohiya, at magaganap iyon sa mga susunod na taon. Anuman ang mga magiging pagbabago, mananatili ang Kapamilya Network sa kanilang hangarin at pangunahing layunin para sa mga masusugid nitong tagasubaybay at mas nakararami nating kababayan, ang pagsilbihan ang bawat Pilipino.

"It is also a future that is borderless, where content producers must battle for their share of a global audience. Inevitably, the next five years will bring in more disruption arising from technology, geopolitics and industry developments. But if there is one thing the past five years have proven, it is ABS-CBN’s ability to adapt to the times while remaining faithful to our mission of being in the service of the Filipino," pahayag ng Kapamilya boss.

| Sa ngayon, ilang beses na po natin binabanggit sa mga nakaraang ulat na wala sa prayoridad ng ABS-CBN ang isang bagong prangkisa. Sa naturang pagpupulong, nasabi rin ng Kapamilya executive na kung sakaling ipasa ang panukala para sa prangkisa, mahaba ang pagdaraanan ng kumpanya upang maibalik pa ang dating TV network nito, dahil na rin sa hawak na ng ibang kumpanya ang mga dating frequency nito, gaya ng Channel 2 na nasa kamay na ng Advanced Media Broadcasting System o AMBS o ang ALLTV2 at ang Channel 23 na hawak na ng Aliw Broadcasting Corporation.

Gayunpaman, nakikita natin ang pagyabong at unti-unting pagbangon ng Kapamilya Network mula nang mawala ang kanilang kakayahan na makaag-ere sa free TV, lalo pa sa panahon ngayon, mas nakararami ang nanonood o sumusubaybay ng mga content nito sa online at digital platforms, at naibabahagi pa ang mga ginawa nilang mga kwento at produkto sa iba't ibang available na TV networks. Kabi-kabila pa ang partnerships at collaborations nito sa mga bigatin at malalaking kumpanya at institusyon, dagdag pa ang lalong pagtitiwala sa kanila ng advertisers at maging ng kanilang mga loyal at solid Kapamilya na kailnman ay hindi sila iniwan.

Alam po ng ABS-CBN na isa tayo, mga Kapamilya, sa dahilan kung bakit kinakaya pa rin ng ABS-CBN ang mga pagsubok at hadlang habang ang kumpanya ay naghahatid at nagbabahagi pa rin ng kanilang mga kwento sa atin at patuloy pa ang pagseserbisyo sa panahon ng panganib, sakuna at kalamidad.

Tunay na ang puso ng ABS-CBN ay nakalaan para sa bawat Kapamilya at bawat Pilipino, saan man sa bansa at sa buong mundo, at anuman ang pagbanago ss pagdaan ng panahon, ang kanilang hangarin, mananatili, ! ❤️💚💙