05/07/2023
ਆਓ ਆਪਾਂ ਵਾਹਿਗੁਰੂ ਦੇ ਅਰਥ ਵਿਚਾਰਨ ਦੀ ਕੋਸ਼ਿਸ਼ ਕਰਦੇ ਆਂ। ਤੂਸੀਂ ਸਹੀ ਕਹਿਆ ਕਿ ਵਾਹਿ ਗੁਰੂ ਦੋ ਸ਼ਬਦਾਂ ਦਾ ਜੋੜ ਹੈ ਅਤੇ ਇਹ ਅਲਗ ਅਲਗ ਹੀ ਲਿਖੇ ਤੇ ਵਿਚਾਰੇ ਜਾਣੇ ਹਨ।
ਵਾਹਿ = ਉਸਤਤਿ,ਜਸ, ਸਿਫ਼ਤ , ਸਲਾਹ
ਆਓ ਹੁਣ ਗੁਰੂ ਦੇ ਅਰਥ ਵਿਚਾਰਦੇ ਆਂ। ਕੀ ਗੁਰੂ ਸੰਸਾਰ ਵਿੱਚ ਕਿਸੇ ਵਿਅਕਤੀ ਨੂੰ ਕਹਿਆ ਹੈ । ਨਹੀਂ ਗੁਰਬਾਣੀ ਵਿਅਕਤੀ ਨੂੰ ਗੁਰੂ ਨਹੀਂ ਮੰਨਦੀ ਕਿਉਂਕਿ ਅਗਿਆਨੀ ਹੀ ਆਪਣੇ ਆਪ ਨੂੰ ਗੁਰੂ ਅਖਵਾਏਗਾ 👇
ਗੁਰੂ ਸਦਾਏ ਅਗਿਆਨੀ ਅੰਧਾ ਕਿਸੁ ਓਹੁ ਮਾਰਗਿ ਪਾਏ ॥੩॥
ਫਿਰ ਗੁਰੂ ਕੋਣ ਹੈ?
ਗੁ=ਆਤਮਾ,ਸੁਰਤ ,ਜੋਤਿ
ਰੂ=ਜੋ ਚਾਨਣ ਕਰ ਦੇਵੇ , ਅਗਿਆਨਤਾ ਦਾ ਹਨੇਰਾ ਦੂਰ ਕਰ ਦੇਵੇ ।
ਅਗਿਆਨਤਾ ਦਾ ਹਨੇਰਾ ਗਿਆਨ ਨਾਲ , ਗਿਆਨ ਦੇ ਪ੍ਰਗਾਸ ਨਾਲ ਦੂਰ ਹੁੰਦਾ ਹੈ।
👇
ਸਬਦੁ ਗੁਰੂ ਸੁਰਤਿ ਧੁਨਿ ਚੇਲਾ ॥
ਸਾਡਾ ਗੁਰੂ ਸ਼ਬਦ ਹੈ ਹੁਕਮ ਹੈ।
ਦਸਮ ਪਾਤਸ਼ਾਹ ਵੀ ਕਹਿ ਗਏ ਹਨ
👇
ਆਦਿ ਅੰਤਿ ਏਕੈ ਅਵਤਾਰਾ ॥
ਸੋਈ ਗੁਰੂ ਸਮਝਿਯਹੁ ਹਮਾਰਾ॥ਨਮਸ਼ਕਾਰ ਤਿਸ ਹੀ ਕੋ ਹਮਾਰੀ ॥ ਸਕਲ ਪ੍ਰਜਾ ਜਿਨ ਆਪ ਸਵਾਰੀ ॥
ਕਿਉਂਕਿ ਪਰਮੇਸ਼ੁਰ ਮਾਇਆ ਤੋਂ ਨਿਰਲੇਪ ਹੈ ਉਹ ਆਪਣੇ ਹੁਕਮ ਨਾਲ ਮਾਇਆ ਦੀ ਰਚਨਾ ਕਰਦਾ ਹੈ ਅਤੇ ਉਸੇ ਹੁਕਮ ਨਾਲ ਮਾਇਆ ਦਾ ਸੰਚਾਲਨ ਕਰਦਾ ਹੈ। ਇਸ ਲਈ ਉਸਦਾ ਹੁਕਮ ਹੀ ਸਾਡਾ ਗੁਰੂ ਹੈ। ਹੁਕਮ ਹੀ ਸਰਬਵਿਆਪੀ ਹੈ।
👇
ਏਕੋ ਹੁਕਮੁ ਵਰਤੈ ਸਭ ਲੋਈ ॥
ਏਕਸੁ ਤੇ ਸਭ ਓਪਤਿ ਹੋਈ ॥੭॥
ਹੂਣ ਜਦ ਸਭ ਪਰਮੇਸ਼ਰ ਦਾ ਹੁਕਮ ਹੀ ਵਰਤਦਾ ਹੈ ਚਾਹੇ ਸਰੀਰ ਦੀ ਸਿਰਜਣਾ ਹੈ ਯਾ ਸਰੀਰ ਦਾ ਅੰਤ ਤਾਂ ਵਾਹਿ ਉਸ ਹੁਕਮ ਦੀ , ਵਾਹਿ ਉਸ ਗੁਰੂ ਦੀ ਹੀ ਹੋਵੇਗੀ।
👇
ਨਹ ਕਿਛੁ ਜਨਮੈ ਨਹ ਕਿਛੁ ਮਰੈ ॥
ਆਪਨ ਚਲਿਤੁ ਆਪ ਹੀ ਕਰੈ ॥
ਜੋਤਿ ਅਬਿਨਾਸੀ ਹੈ ਉਹ ਨਾ ਜੰਮਦੀ ਹੈ ਨਾ ਮਰਦੀ ਹੈ । ਜੋਤਿ ਹੁਕਮ ਚ ਔਂਦੀ ਹੈ ਅਤੇ ਹੁਕਮ ਚ ਹੀ ਚਲੇ ਜਾਂਦੀ ਹੈ। ਉਹ ਸਿਰਫ ਸੌਂਦੀ ਜਾਗਦੀ ਹੈ। ਸਰੀਰ ਮਿੱਟੀ ਹੈ ਹੁਕਮ ਨਾਲ ਬਣਦਾ ਹੈ ਹੁਕਮ ਨਾਲ ਹੀ ਫਿਰ ਮਿੱਟੀ ਹੋ ਜਾਂਦਾ ਹੈ। ਇਸ ਲਈ ਵਾਹਿ ਸਦਾ ਹੁਕਮ ਦੀ ਹੀ ਰਹਿਗੀ।
ਵਾਹਿ ਗੁਰੂ ਵਾਹਿ ਗੁਰੂ ਸਦਾ ਹੀ ਵਾਹਿ ਗੁਰੂ 🙏
