Heroes of Kalay (2025)

18/07/2023

People's Defence Force (Kalay)
အမှတ် (၄/၂၀၂၃)
ထုတ်ပြန်သတိပေးချက်
ဇူလိုင်လ ၁၈ ရက်၊ ၂၀၂၃ ခုနှစ်

11/05/2023

Kalay Region Support Center (KRSC) ဖွဲ့စည်းခြင်း နှင့် လုပ်ငန်းတာဝန်များ

၁။ စစ်ကိုင်းတိုင်းဒေသကြီး၊ ကလေးခရိုင်၊ ကလေးမြို့နယ်၊ ပြည်သူ့ကာကွယ်ရေးတပ်မတော် (ကလေး) တပ်ရင်းများ၏ တော်လှန်ရေးလုပ်ငန်းစဉ်များအား ပိုမိုပံ့ပိုး ကူညီပေးနိုင်ရန် Kalay Region Support Center (KRSC) အား မေလ (၁၁) ရက်နေ့တွင် စတင်ဖွဲ့စည်းလိုက်သည်။

၂။ အာဏာသိမ်းစစ်ကောင်စီ၏ ဖိနှိပ်အကြမ်းဖက်မှုများကို ခုခံတွန်းလှန်နိုင်ရန်အတွက် People’s Defence Force (Kalay) အား ၂၀၂၁ ခုနှစ်၊ မေလ (၂၄) ရက်နေ့တွင် အမျိုးသားညီညွှတ်ရေးအစိုးရ(NUG)၊ ကာကွယ်ရေးဝန်ကြီးဌာန၏ မူဝါဒလမ်းစဉ်များနှင့်အညီ ဖွဲ့စည်းတည်ထောင်ခဲ့သည်မှာ လာမည့် ၂၀၂၃ ခုနှစ်၊ မေလ(၂၄) ရက်နေ့တွင် နှစ်နှစ်တင်းတင်းပြည့်တော့မည် ဖြစ်ပါသည်။

၃။ ယခုအခါ People’s Defence Force (Kalay) သည် အမျိုးသားညီညွှတ်ရေးအစိုးရ(NUG)၊ ကာကွယ်ရေးဝန်ကြီးဌာန၊ အမှတ် (၁) စစ်ဒေသ၊ ကလေးခရိုင်တပ်ရင်းများ အနေဖြင့် ပြောင်းလဲဖွဲ့စည်းလိုက်ပြီး ဖြစ်သည့်အတွက် အမှတ်(၁) စစ်ဒေသ၏ မူနှင့်အညီ People’s Defence Force (Kalay) social media page များမှ စစ်ရေးသတင်း ထုတ်ပြန်မှုများအား ရပ်နားသွားမည်ဖြစ်ပြီး ရှေ့ဆက်၍ စစ်ရေးသတင်းများအား ကာကွယ်ရေးဝန်ကြီးဌာနမှသာ ထုတ်ပြန်သွားမည် ဖြစ်ပါသည်။ အမှတ် (၁) စစ်ဒေသ၊ ကလေးခရိုင်တပ်ရင်း(ကလေး)၏ တော်လှန်ရေးလုပ်ငန်းစဉ်များ ပိုမိုအားကောင်းလာရေးနှင့် ရန်ပုံငွေရှာဖွေခြင်း လုပ်ငန်းများ၊ တပ်ရင်းတပ်ဖွဲ့များ၏ လှုပ်ရှားမှုပုံရိပ်များ၊ သတင်းများကိုမူ ယခုဖွဲ့စည်းလိုက်သည့် Kalay Region Support Center (KRSC) တခုတည်းမှသာ ဆက်လက်လုပ်ကိုင် ထုတ်ပြန်ဆောင်ရွက်သွားမည် ဖြစ်ပါသည်။

၄။ ထို့ကြောင့် အမှတ် (၁) စစ်ဒေသ၊ ကလေးခရိုင်တပ်ရင်း(ကလေး)သို့ လှူဒါန်း ထောက်ပံ့လိုသည့် နိုင်ငံတကာမှ Fundraising Organisation များ၊ မိဘပြည်သူများအနေဖြင့် Kalay Region Support Center (KRSC) Facebook စာမျက်နှာသို့ တိုက်ရိုက်ဆက်သွယ် လှူဒါန်းနိုင်ကြောင်း မေတ္တာရပ်ခံ အသိပေးအပ်ပါသည်။

13/04/2023

ချင်းပြည်နယ်၊ ဖလမ်းမြို့နယ်၊ ဝေဘူလမြို့အား အကြမ်းဖက်စစ်ကောင်စီမှ လေကြောင်းဖြင့် ဗုံးကြဲတိုက်ခိုက်မှုအပေါ် ထုတ်ပြန်ချက်

01/04/2023

“စစ်ကိုင်းတိုက်ပွဲ လွတ်လပ်ရေးအောင်ပွဲ” အတွက် NUGPay ဖြင့် PDF (Kalay) အား ထောက်ပံ့ပေးကြဖို့ ပြည်သူများအား မေတ္တာရပ်ခံအပ်တယ်

ပြည်သူများ၏ ၈ ကြိမ်မြောက် For Our People လှုပ်ရှားမှုတွင် “စစ်ကိုင်းဒေသ” အတွက် ပြည်သူနဲ့ အတူ NUGPay က ပါဝင်ကူညီသွားပါမည်။

လှူဒါန်းမှုများကို ယနေ့မှစ၍ ၂၀၂၃ ခုနှစ် ဧပြီလ ၁၅ ရက်နေ့ထိ လက်ခံသွားမှာ ဖြစ်ပြီး မြေပြင်အရောက် ပေးပို့သွားမှာ ဖြစ်ပါတယ်။

အားလုံးစုစည်းနေရင် ဘာမှမဖြစ် 💪💪

21/03/2023

People’s Defence Force (Kalay) မှ ပြုလုပ်တဲ့ “ နောက်တန်းထောက်ပို့လုံလောက်ဖို့ ဆိုင်ကယ်ငါးစီး လှူကြစို့ “ အစီစဉ်ရဲ့ Day 1 ဖြစ်ပါတယ်ခင်ဗျာ

ပြည်တွင်းပြည်ပ အလှူရှင်များအနေဖြင့် NUG pay , Kpay , wave pay , PayPal , Paynow စတဲ့ Banking များဖြင့် လှူဒါန်းထောက်ပို့နိုင်ရန်စီစဉ်ဆောင်ရွက်ထားရှိပါတယ်

20/03/2023

“နောက်တန်းထောက်ပို့လုံလောက်ဖို့ ဆိုင်ကယ်ငါးစီးလှူကြစို့” အစီစဉ်ကို မတ်လ (၂၁) ရက်နေ့ မှ မတ်လ(၂၇) နေ့အထိ တစ်ပတ်တိတိအလှူခံသွားမှာဖြစ်ပါတယ်

ကျနော်တို့ တော်လှန်ရေးတပ်ဖွဲ့တွေအတွက် အဓိက ပထမ ဦးစားပေးလိုအပ်တာ လက်နက်ခဲယမ်းဖြစ်ပါတယ်
ဒုတိယအနေနဲ့ စားနပ်ရိက္ခာပေါ့ အဲ့ဒီလက်နက်ခဲယမ်းတွေ စားနပ်ရိက္ခာတွေ အလျှင်အမှီဖြည့်တင်းနိုင်ဖို့ဆိုတာ ပြည်သူတွေမပါဝင်ဘဲမရနိုင်ပါဘူး။
နောက်တစ်ခုအနေနဲ့ ပြည်သူတွေထောက်ပံ့လိုက်တဲ့ လက်နက်ခဲယမ်းနဲ့စားနပ်ရိက္ခာတွေ အားလုံး တပ်ရင်းတွေကို အချိန်မှီဖြန့်ဝေနိုင်ဖို့အတွက် ကျနော်တို့မှာ ကားတွေဆိုင်ကယ်တွေလိုအပ်ပါတယ်ခင်ဗျာ။ တစ်ချို့လမ်းတွေက ကားတွေနဲ့အဆင်ပြေပေမဲ့ အချို့လမ်းတွေက ကားနဲ့အဆင်မပြေပါဘူး။ ဆိုင်ကယ်တွေ မရှိဘူးလားဆိုတော့ ရှိပါတယ် ကြမ်းတမ်းပီး မတ်ဆောက်လှတဲ့တောင်တွေကို ဖြတ်သန်းဖို့ဆိုရင် အခုလက်ရှိ ကျနော်တို့မှာ ရှိတဲ့ ဆိုင်ကယ်တွေက အဆင်မပြေပါဘူး။ လက်ရှိသုံးနေတဲ့ ဆိုင်ကယ်တွေကလဲ ဟောင်းနွမ်းနေပါပီ ခဏခဏပြင်နေရပါတယ် ပြင်မရတဲ့အဆုံး ရဲဘော်တွေအနေနဲ့ အသွားအပြန် ခြေကျင်လျှောက်ရပါတော့တယ်။
ဒါကြောင့် People’s Defence Force(kalay) မှ ဆိုင်ကယ် ငါးစီး စာ ပြည်သူတွေဆီမှ အကူညီတောင်းခံရခြင်းဖြစ်ပါတယ်ခင်ဗျာ။ ဆိုင်ကယ်တစ်စီးကို မြန်မာငွေ ဆယ်သိန်း ကျပ် ခန့်မှန်းထားပြီး ဆိုင်ကယ် ငါးစီး စာ သိန်းငါးဆယ်ကို တစ်ပတ် တိတိ အလှူခံသွားမှာဖြစ်ပါတယ်။
အထူးအစီစဉ်အနေနဲ့ ဆိုင်ကယ်တစ်စီးစာ လုံးလှူဒါန်းလိုသည် တစ်ဦးချင်းအလှူရှင်ဖြစ် အဖွဲ့စည်းတွေမှဖြစ်စေ လှူဒါန်းမည်ဆိုပါက အဆိုပါဆိုင်ကယ်တွင် နာမည်ရေးထိုးပေးသွားမည်ဖြစ်ပါသည်။

ပြည်တွင်းပြည်ပ အလှူရှင်များအနေဖြင့် NUG pay , Kpay , wave pay , PayPal , Paynow စတဲ့ Banking များဖြင့် လှူဒါန်းထောက်ပို့နိုင်ရန်စီစဉ်ဆောင်ရွက်ထားရှိပါတယ်ခင်ဗျာ။ Page Chatbox သို့မေးမြန်း၍ဆက်သွယ်လှူဒါန်းနိုင်ပါတယ်။

(အောက်ပါ Ko Ja Pan Gyi FB account မှလဲ ဆက်သွယ်လှူဒါန်းနိုင်ပါသည်)
https://www.facebook.com/KOJAPANGYIO6?mibextid=LQQJ4d

တော်လှန်ခရီးအမြန်ရောက်ဖို့ ပြည်သူအားလုံးပါဝင်ကြပါစို့ ..
အရေးတော်ပုံမုချအောင်ရမည် ..

10/02/2023

အမျိုးသားညီညွတ်ရေးအ‌စိုးရ၊ ကာကွယ်ရေးဝန်ကြီးဌာန၊ ပြည်သူ့ကာကွယ်ရေးတပ်မတော်ရဲ့ ကွပ်ကဲမှုစနစ် မြေပြင်တပ်ရင်းတပ်ဖွဲ့များအတွင်း ပိုမိုခိုင်မာအား‌ကောင်းအသက်ဝင်လာဖို့ နှင့် လေ့ကျင့်သားပိုမိုပြည့်ဝလာစေဖို့ အပြင်းအထန် လေ့ကျင့်ပြင်ဆင်နေတဲ့ ကျွန်တော်တို့ PDF (Kalay) တပ်ဖွဲ့ဝင်တွေအတွက် လတ်တလော အရေးတကြီး လိုအပ်လျက်ရှိတဲ့ စစ်ဝတ်ပစ္စည်း ၃ မျိုးကို ဖြည့်ဆည်းပေးနိုင်ဖို့ ပြည်သူများကို အကူအညီတောင်းပါရစေဗျ။
ရဲဘော် ၁ ဦးအတွက် စစ်ဝတ်ပစ္စည်း ၃ မျိုး ပါဝင်တဲ့ ၁ စုံကို ကျပ် ၁၀၀,၀၀၀ (တစ်သိန်း) ဝန်းကျင် ကျသင့်ပါမယ်ဗျ။ လောလောဆယ် အရေအတွက် ၂၀၀ လောက် မှာထားတဲ့အတွက်ကြောင့် စစ်ဝတ်ပစ္စည်း ၃ မျိုးပါ ၁ စုံလုံးဖြစ်စေ ၊ ပစ္စည်း ၁ မျိုးချင်းဖြစ်စေ မိမိတတ်နိုင်သလောက် ပါဝင်ထောက်ပံ့ပေးကြဖို့ မိဘပြည်သူများကို အထူးမေတ္တာရပ်ခံအပ်ပါတယ်။

27/01/2023

"တသံတည်းညီ တချီတည်းရုန်း"

●──●──●──●──●──●──●

တိတ်ဆိတ်ခြင်းရဲ့ ကျယ်လောင်တဲ့ အသံတွေနဲ့ ကျနော်တို့ဟာ စစ်အာဏာရှင်ကို ခြောက်ခြား တုန်လှုပ်အောင် အကြိမ်ကြိမ် အခါခါ ပြုလုပ်ပြီးခဲ့ကြပြီးပါပြီ။ လာမယ့် ၂၀၂၃ ခုနှစ်၊ ဖေဖော်ဝါရီလ ၁ ရက်နေ့ဟာ စစ်အာဏာသိမ်းမှု (၂) နှစ်ပြည့်ချိန် ၊ ပြည်သူ့နွေဦးတော်လှန်ရေး (၂) နှစ်ပြည့်ချိန်လည်းဖြစ်ပါတယ်။ အဲ့ဒီနေ့မှာ ကမ္ဘာကြီးကို ကျွန်တော်တို့ ပြည်သူတွေဟာ အကြမ်းဖက်စစ်ကောင်စီရဲ့ ရက်စက်ဖိနှိပ်မှုတွေကြားထဲကပဲ ရရာ နည်းပေါင်းစုံနဲ့ ဆက်လက်တိုက်ပွဲဝင်နေကြောင်း ထပ်မံ မှတ်ကျောက်တင်ဖို့လိုပါတယ်။

ဒါ့ကြောင့် ကျနော်တို့ဟာ နွေဦးတော်လှန်ရေးကြီး (၂) နှစ်ပြည့်တဲ့ (၁ ဖေဖော်ဝါရီ ၂၀၂၃)နေ့မှာ ပြည်သူတွေရဲ့ တိတ်ဆိတ်တဲ့အသံတွေ၊ ခြောက်ကပ်နေတဲ့လမ်းမတွေ၊ ပြင်းပြတဲ့အောင်စိတ်တွေနဲ့အတူ “Silent Strike” ကို ထပ်မံ ပုံဖော်ကြဦးမှာပဲ ဖြစ်ပါတယ်။

၂၀၂၃ ခုနှစ်၊ ဖေဖော်ဝါရီလ ၁ရက်နေ့မှာ မနက် (၁၀) နာရီကနေ ညနေ (၃) နာရီတွင်းမှာ

ကျနော်တို့အားလုံး အပြင်ကို (လုံးဝ) မထွက်ကြဘဲ မိမိတို့အိမ်အတွင်းမှာသာ နေထိုင်ကြမယ်။ အဲ့ဒီနေ့၊ အဲ့ဒီအချိန် လမ်းတွေထက်မှာ၊ အများပြည်သူနေရာတွေမှာ လူသူကင်းမဲ့ ခြောက်သွေ့နေ တိတ်ဆိတ်နေခြင်းနဲ့ စစ်ကောင်စီကို ကြောက်လန့်စေကြမယ်။ ကျွန်တော်တို့ပြည်သူတစ်ရပ်လုံးဟာ အကြမ်းဖက်စစ်အာဏာရှင်ကို သွေးမအေးသေးပဲ ဆက်လက်တော်လှန်နေဆဲဖြစ်ကြောင်း ထပ်မံပြသကြရမှာလည်း ဖြစ်ပါတယ်။ ပြည်သူတစ်ရပ်လုံးအနေဖြင့် စစ်ကောင်စီဘက်မှ ခြေလှမ်းပြင်လာတဲ့ “တရားမဝင်အတုအယောင်ရွေးကောက်ပွဲ”ကိုလည်း လက်သင့်မခံကြောင်းကိုပါ တပါတည်း ကမ္ဘာသိ ထုတ်ဖော်ပြသရမှာဖြစ်ပါတယ်။

"တသံတည်းညီ တချီတည်းရုန်း"ရင်း ၂၀၂၃ ခုနှစ် တော်လှန်နှစ်ရဲ့ အဆုံးသတ်အတွက်၊ အဆုံးဖြတ်အဖြစ် ဆက်လက်တိုက်ပွဲဝင်ကြဖို့ မေတ္တာရပ်ခံအပ်ပါတယ်။

#တရားမဝင်အတုအယောင်ရွေးကောက်ပွဲ_လူထုအားနဲ့တိုက်ဖျက်ကြ”

#လုံးဝအုပ်ချုပ်ခွင့်မရစေရ

#တိတ်ဆိတ်ခြင်းဖြင့်_အကျယ်လောင်ဆုံးဟစ်ကြွေးကြ

27/01/2023

15/01/2023

စစ်အာဏာရှင်စနစ်ချုပ်ငြိမ်းရေးနှင့် ဖက်ဒရယ်ဒီမိုကရေစီနိုင်ငံတော် ထူထောင်နိုင်ရေး အတွက် People's Defence Force (Kalay) မှပါဝင်ဆောင်ရွက်နေသော လုပ်ငန်းများတွင် အသုံးပြုနိုင်ရန် Click2donate မှ ကျပ် ၃,၀၀၀,၀၀၀ (သိန်းသုံးဆယ်) ပါဝင်လှူဒါန်းပေးခဲ့သည့်အတွက် အထူးပင် ကျေးဇူးတင်ရှိပါသည်။
ယခုအချိန်အခါမှာ ကလစ်တဲ့သူတွေအရမ်းနည်းလာတဲ့အတွက် အနယ်နယ်အရပ်ရပ်မှ PDF များအတွက် လိုအပ်သောအလှူငွေများ ပိုမိုရရှိနိုင်ရန် Click2donate page သို့သွားရောက်ကာ တင်ပြထားသော ပို့စ်အသီးသီးမှ လမ်းညွှန်ရှင်းလင်းချက်အတိုင်း လိုက်ပါလုပ်ဆောင်ပေးကြခြင်းဖြင့် ရန်ပုံငွေရှာဖွေပေးကြပါရန် ပြည်သူများသို့ အထူးမေတ္တာရပ်ခံတိုက်တွန်းအပ်ပါသည်။
Click2donate page link - https://www.facebook.com/click2donatemm/