The Ngapudaw Post

  • Home
  • The Ngapudaw Post

The Ngapudaw Post Contact information, map and directions, contact form, opening hours, services, ratings, photos, videos and announcements from The Ngapudaw Post, Media/News Company, .

24/07/2026

ဒီနေ့ အမေရိကန်ပြည်ထောင်စုက

မီဒီယာအကြီးအသေး အကုန်လုံးမှာ

ဟိုးလေးတကျော် ဖော်ပြနေတဲ့ သတင်းကတော့

အင်မတန် ကားအသွားအလာ များတဲ့

မီးပွိုင့်တစ်ခုမှာ

ဘီးတပ်ထိုင်ခုံနဲ့ လမ်းကူးနေသူတစ်ဦးကို

ကားတစ်စီးထဲက ရုတ်တရက် ထွက်ပေါ်လာတဲ့

ပင့်ကူလူသားက ကူညီလမ်းဖြတ်ကူးပေးလိုက်တာပါပဲ။

ဒီမှတ်တမ်းကို

မီးပွိုင့်ကင်မရာကနေ ရဲက ထုတ်ပြန်ပေးလိုက်ပြီး

ဒီဖြစ်ရပ်ကို ချီးမွမ်းဂုဏ်ပြုလိုက်တာ ဖြစ်ပါတယ်။

https://www.facebook.com/share/r/1ZVqeGubyM/?mibextid=wwXIfr

အမေရိကန်က အထက်တန်းကျောင်းများ______________________________ဆရာထွေးကိုအခုမြင်နေရတဲ့ အဆောက်အအုံကြီးကတော့ အမေရိကန်နိုင်ငံ က...
18/07/2026

အမေရိကန်က အထက်တန်းကျောင်းများ
______________________________

ဆရာထွေးကို

အခုမြင်နေရတဲ့ အဆောက်အအုံကြီးကတော့ အမေရိကန်နိုင်ငံ ကျွန်တော်တို့တောရွာလေးရဲ့.. အထက်တန်းကျောင်း တစ်ကျောင်းပဲ ဖြစ်ပါတယ်။

မြန်မာပြည်က မည်သည့် သာမန် တက္ကသိုလ်/ ကောလိပ်.. အထက်တန်းကျောင်းများထက်မဆို.. ကြီးပါတယ်။

ကြီးမားရတဲ့ အကြောင်းရင်းကို ရှင်းပြပါ့မယ်။

နယူးယောက်ပြည်နယ် (New York State) ရဲ့ အထက်တန်းကျောင်းစနစ်မှာ သိထားရမယ့် အဓိကအချက်ကြီး (၄) ချက် ရှိပါတယ် ။ အမေရိကန်နိုင်ငံရဲ့ ယေဘုယျစနစ် ကိုယ်တိုင်က အထက်တန်းမှာ Grade 9 မှ Grade 12 အထိ (၄) နှစ် တက်ရောက်ရပါမယ်။ အသက်အရွယ်လိုက်ခွဲခြားထားတဲ့ စနစ်ဆိုတော့..

• Grade 9 (Freshman) - အသက် ၁၄ နှစ်ဝန်းကျင်
• Grade 10 (Sophomore) - အသက် ၁၅ နှစ်ဝန်းကျင်
• Grade 11 (Junior) - အသက် ၁၆ နှစ်ဝန်းကျင်
• Grade 12 (Senior) - အသက် ၁၇-၁၈ နှစ်ဝန်းကျင်
တို့ တက်ရောက်ကြပါတယ်။

သဘောကတော့- အသက်၁၄ နှစ်အရွယ် ကလေးတစ်ယောက်ဟာ မြန်မာနိုင်ငံမှာ ၂ တန်းပဲ တက်ခဲ့ရလို့အမေရိကန်ရောက်ရင်လည်း အသက်ကြောင့် Grade 8- 9 ကပဲ စတက်ရပါတယ်။ စာမလိုက်နိုင်ရင်လည်း သီးသန့်ခွဲသင်တဲ့ အတန်းတွေရှိပါတယ်။

Junior အတန်းကတော့ တက္ကသိုလ်ဝင်ခွင့်အတွက် အရေးကြီးဆုံးနှစ် ဖြစ်ပြီး SAT/ACT စာမေးပွဲတွေဖြေရပါတယ်။ Senior အတန်းကတော့ graduation အတွက် ပြင်ဆင်ရပြီး အဓိက ဘာသာရပ်အားလုံးမှာ ၉၀-၉၅ အထက်ရပါက တက္ကသိုလ်တွေမှာ fully funded scholarship ရဖို့ သေခြာသလောက်ရှိပါတယ်။

ဘာသာရပ် ခရက်ဒစ် (Credits) စနစ်-
ကျောင်းပြီးဖို့အတွက် စုစုပေါင်း ၂၂ ခရက်ဒစ် (Credits) မဖြစ်မနေ ရယူရပါမယ်။
အဓိကဘာသာရပ်ကြီးတွေကတော့ -
အင်္ဂလိပ်စာ (English): ၄ ခရက်ဒစ်
လူမှုရေးနှင့် သမိုင်း (Social Studies): ၄ ခရက်ဒစ်သင်္ချာ (Mathematics): ၃ ခရက်ဒစ်
သိပ္ပံ (Science): ၃ ခရက်ဒစ်
(ကျန်ရှိသော ခရက်ဒစ်များကို ကာယ၊ ကျန်းမာရေး၊ အနုပညာ နှင့် စိတ်ကြိုက်ရွေးချယ်ခွင့်ဘာသာရပ်များမှ ဖြည့်ရပါမယ်။)

နောက်တစ်ခုက စိတ်ကြိုက်ရွေးချယ်ခွင့်ဘာသာရပ် (Elective Subjects) တွေကို Credits ပြည့်မှီဖို့ ၊ မိမိ၀ာသနာပါရာနဲ့ အသက်မွေး၀မ်းကျောင်းကို ငယ်ငယ်ကတည်းက စမ်းသပ်နိုင်ဖို့ တက္ကသိုလ်၀င်ခွင့် ရွေးချယ်ရာမှာ အားသာချက်ရဖို့ ဥပမာပေးရရင် - ကွန်ပျူတာပရိုဂရမ်မင်း (Coding)၊ စီးပွားရေးလုပ်ငန်းပညာ (Business & Marketing)၊ ဓာတ်ပုံပညာ (Photography)၊ သတင်းစာပညာ (Journalism)၊ အချက်အပြုတ် (Culinary Arts) သို့မဟုတ် ဂီတ/တီးဝိုင်း (Band/Choir) စတာတွေကို စိတ်ကြိုက်ရွေးချယ် သင်ယူနိုင်ပါတယ်။

တက္ကသိုလ်၀င်ခွင့်ရွေးချယ်ရာမှာ စာတင်မကဘူး။ ကာယနဲ့ လူမှု့ရေးတွေမှာ ဘက်စုံတော်သလားဆိုတာလည်း ကြည့်ပါတယ်။

Extracurricular Activities (ကျောင်းပြင်ပလှုပ်ရှားမှုများ): စာအုပ်ကြီးပဲ ဖတ်နေသူထက် အားကစားလုပ်ခြင်း၊ ဂီတ/အနုပညာ လုပ်ဆောင်ခြင်း၊ ကျောင်းကလပ်တွေမှာ ခေါင်းဆောင်လုပ်ခြင်းနဲ့ လူမှုရေးလုပ်အားပေး (Volunteer) လုပ်ဖူးခြင်းတွေကို တက္ကသိုလ်တွေက အလွန်တန်ဖိုးထား ကြည့်ရှုပါတယ်။

ဘတ်စကတ် ဘော ဘော်လီဘော ဘောလုံး ပြေးခုံပစ်တွေပါတဲ့ Sports, ချက်စ်ထိုးခြင်းနဲ့ ဟင်းချက်နည်းတွေပါတဲ့ Clubs တွေ, သွေးလူခြင်းနဲ့ ကျောင်းသန့်ရှင်းရေး လူအိုရုံသွားစောင့်ရှောက်တာ Volunteer လုပ်တာတွေက တက္ကသိုလ်ဝင်ခွင့်အတွက် အလွန်အရေးကြီးပါတယ်။ ဘက်စုံတော်တဲ့သူဖြစ်ဖို့ သူတို့က အားပေးတာဖြစ်ပါတယ်။

ကျွန်တော့်တပည့်လေးတစ်ချို့ဆိုရင် Walmart မှာ part-time အလုပ်သင်အနေနဲ့ ၀င်နေတာကို တွေ့ခဲ့ရပါတယ်။

အမေရိကားရဲ့ High School စနစ်က စာကျက်တာထက်ကိုယ် ဘာကို ဝါသနာပါလဲ၊ ဘာဖြစ်ချင်လဲဆိုတာကို ရှာဖွေခိုင်းတဲ့စနစ်လို့ ပြောရမှာပါ။

School Counselors (ကျောင်းလမ်းညွှန်ဆရာ/မများ)ကလည်း အလွန်အရေးကြီးတဲ့ အခန်းကဏ္ဍ ကနေပါ၀င်နေပါတယ်။ ကျောင်းသားတစ်ဦးချင်းစီအတွက် ခရက်ဒစ် (Credits) ပြည့်မီအောင် အတန်းရွေးချယ်ပေးခြင်း၊ စိတ်ပညာပိုင်းဆိုင်ရာ နှစ်သိမ့်ဆွေးနွေးပေးခြင်းနဲ့ တက္ကသိုလ်လျှောက်ထားမှု လမ်းညွှန်ပေးခြင်းတို့ကို လုပ်ဆောင်ပါတယ်။

အတန်းပညာပြီးဆုံးသွားတဲ့အခါ ကျောင်းက အိမ်ဆီကို စာတစ်စောင်ရောက်လာတတ်ပြီး အဲဒီစာထဲမှာ မင်းဟာ တက္ကသိုလ်တက်ရင် ဘယ် majors တွေနဲ့ သင့်တော်ပါတယ်။ မင်းကျောင်းပြီးရင် မင်း၀င်ငွေက တစ်နှစ်ကို (...) ဘယ်လောက်ရနိုင်ပါတယ်။ ဘယ် ကောလိပ်တွေက မင်း scholarship ဘယ်လိုရနိုင်တယ်ကအစပါ ပါတယ်။

U.S. မှာ တက္ကသိုလ်လျှောက်တဲ့အခါ ဆယ်တန်းစာမေးပွဲတစ်ခုတည်းနဲ့ ဆုံးဖြတ်တာမဟုတ်ဘဲ အထက်တန်း (၄) နှစ်လုံးရဲ့ မှတ်တမ်းအပေါ် မူတည်ပါတယ်။ အဓိက အချက် ၄ ချက်ကို ပြင်ဆင်ရပါမယ် -

GPA (Grade Point Average): Grade 9 မှ Grade 12 အထိ ရရှိခဲ့တဲ့ ကျောင်းတွင်း အမှတ်စာရင်း (Transcript) ဟာ အရေးကြီးဆုံး ဖြစ်ပါတယ်။ ၄ နှစ်လုံး အမှတ်ကောင်းနေဖို့ လိုအပ်ပါတယ်။
Rigorous Courses (ခက်ခဲသော ဘာသာရပ်များ ရွေးချယ်ခြင်း): တက္ကသိုလ်တွေက သာမန်အတန်းတွေထက် ပိုမိုခက်ခဲတဲ့ AP (Advanced Placement) အတန်းတွေ ဒါမှမဟုတ် ကောလိပ်အမှတ်ပါ ကြိုတင်ရယူနိုင်တဲ့ Dual Enrollment အတန်းတွေကို ယူထားတဲ့ ကျောင်းသားတွေကို ပိုဦးစားပေးပါတယ်။Standardized Tests (SAT / ACT): အမေရိကန် တက္ကသိုလ်ဝင်ခွင့် စာမေးပွဲတွေ ဖြစ်ပါတယ်။ လက်ရှိမှာ ကျောင်းအတော်များများက "Test-Optional" (မဖြစ်မနေ မတင်မနေရမဟုတ်တဲ့) စနစ်ကို သုံးနေပေမယ့် အမှတ်ကောင်းကောင်း တင်ပြနိုင်ရင် ပိုမို အခွင့်အရေးသာပါတယ်။

ပြောချင်တာက ခုမှ ရောက်ပါပြီ။ ယင်းအချက်တွေနဲ့ ကိုက်ညီအောင် ကျောင်းသားတွေကို ပြင်ဆင်ပေးဖို့ ကျောင်းအဆောက်အအုံကို ကြီးပေးရပါတယ်။

၁။ Principal / Dean (ကျောင်းအုပ်ကြီး): ရုံးခန်း
၂။ Assistant Principals (ဒုတိယ ကျောင်းအုပ်များ): and admin office (အုပ်ချုပ်ရေးရုံးခန်း)
၃။ School Counselors (ကျောင်းလမ်းညွှန်ဆရာ/မများ):
၄။ Curriculum Coordinator (သင်ရိုးညွှန်းတမ်း ညှိနှိုင်းရေးမှူး)
ကျောင်းမှာ သင်ကြားမယ့် သင်ရိုးညွှန်းတမ်းတွေ ခေတ်မီပြီး ထိရောက်မှုရှိအောင် စီစဉ်ရသူ ဖြစ်ပါတယ်။ဆရာ/မတွေ ဘာသင်ရမလဲဆိုတဲ့ သင်ရိုးညွှန်းတမ်းတွေကို စနစ်တကျ ရေးဆွဲပေးခြင်း၊ သင်ကြားရေးပုံစံများ ပြည်နယ်ပညာရေးဌာန (NYSED) ရဲ့ စံနှုန်းတွေနဲ့ ကိုက်ညီမှု ရှိမရှိ စစ်ဆေးခြင်းနဲ့ ဆရာ/မတွေကို သင်ကြားရေးနည်းစနစ်သစ်တွေ လေ့ကျင့်သင်တန်းပေးခြင်းတို့ကို လုပ်ဆောင်ပါတယ်။

၅။ College Guidance (တက္ကသိုလ်ဝင်ခွင့် လမ်းညွှန်ဆရာ/မ)
ကျောင်းသားတွေ အထက်တန်းပြီးရင် တက္ကသိုလ် ကောင်းကောင်းတက်နိုင်ဖို့ အစအဆုံး ကူညီပေးရသူ ဖြစ်ပါတယ်။မိမိတက်ချင်တဲ့ မေဂျာနဲ့ ကိုက်ညီမယ့် တက္ကသိုလ်တွေ ရွေးချယ်ပေးခြင်း၊ တက္ကသိုလ်ဝင်ခွင့် လျှောက်လွှာ (College Applications) တွေ ဖြည့်စွက်ရာမှာ ကူညီခြင်း၊ ပညာသင်ဆု (Scholarships) နဲ့ ကျောင်းလခ ထောက်ပံ့ကြေး (Financial Aid) လျှောက်ထားနည်းတွေကို လမ်းညွှန်ပေးခြင်းတို့ ဖြစ်ပါတယ်။

၆။ Behavior Specialists ( ကျောင်းစာရိတ္တပြုပြင်ရေး ကျွမ်းကျင်သူများ)
၇။ Certified Teachers (အသိအမှတ်ပြု ဆရာ/မများ): နယူးယောက်ပြည်နယ် ပညာရေးဌာန (NYSED) က ထုတ်ပေးတဲ့ ဆရာဖြစ်လက်မှတ် (Teaching Certification) ရှိသူများသာ သင်ကြားခွင့် ရှိပါတယ်။
၈။ ENL Teachers အမေရိကန်နိုင်ငံကို အခြားနိုင်ငံကနေ အသစ်ပြောင်းရွှေ့လာပြီး အင်္ဂလိပ်စာ အခက်အခဲရှိတဲ့ ကျောင်းသားတွေကို အဓိက ကူညီပေးတဲ့ ဆရာ/မတွေ ဖြစ်ပါတယ်။
၉။ Intervention support Teachers ကြားဝင်ပံ့ပိုးကူညီရေး ဆရာ/မများ)
ကျောင်းစာမှာ နောက်ကျကျန်နေခဲ့တဲ့ သို့မဟုတ် အမှတ်အလွန်ကျနေတဲ့ ကျောင်းသားတွေကို အထူးကူညီပေးရသူတွေ ဖြစ်ပါတယ်။
၁၀။ Substitute Teachers (အစားထိုးဆရာများ)

၁၁။ Athletic director အားကစား သင်ကြားရေးဆရာ
၁၂။ SPED/Coordinator Teachers ( သင်ယူမှု ချို့ယွင်းချက် သို့မဟုတ် မသန်စွမ်းမှုရှိသော ကျောင်းသားများအတွက် အထူးဆရာ/မများနှင့် ၎င်းတို့နှင့် ကိုက်ညီမည့် ဥပဒေကြောင်းအရ သတ်မှတ်ထားသော IEP (Individualized Education Program) ပညာရေးအစီအစဉ် ဖြစ်ပါတယ်။)

ရုံးခန်းနှင့်ခမ်းမများ
၁။Nurse’s Office / Medical Room (ကျောင်းဆေးခန်း):
၂။Guidance Counseling Offices (လမ်းညွှန်ဆရာ/မခန်းများ)
၃။Computer Room
၄။Main Office မိဘ/ဆရာ/ကျောင်းသား ဆက်သွယ်ဆွေးနွေးရမည့်ရုံးခန်း
၅။ Gymnastics Room
၆။ Music/Art Room
၇။ Science Laboratories (သိပ္ပံဓာတ်ခွဲခန်းများ): နယူးယောက် Regents စာမေးပွဲ ဖြေဆိုခွင့်ရဖို့ ကျောင်းသားတိုင်း သိပ္ပံဓာတ်ခွဲခန်း နာရီ (Lab Hours) အနည်းဆုံး ၁,၂၀၀ မိနစ် ပြည့်ရပါမယ်။ ထို့ကြောင့် ရေပိုက်၊ ဂတ်စ်လိုင်း၊ မီးဘေးမျက်လုံးဆေးကန် (Eye-wash stations) နှင့် ဓာတုပစ္စည်း သိုလှောင်ခန်း ပါဝင်တဲ့ Biology / Chemistry / Physics ဓာတ်ခွဲခန်းများ မဖြစ်မနေ ရှိရပါမယ်
၈။ Cafeteria / School Dining Hall (ထမင်းစားဆောင်):
၉။ Auditorium (အခမ်းအနားနှင့် ပြဇာတ်ရုံခန်းမ): ပြဇာတ်ကပြခြင်း၊ ဂီတဖျော်ဖြေပွဲများ ပြုလုပ်ခြင်း၊
၁၀။ Student Lockers (ကျောင်းသား လော့ကာများ): စာသင်ဆောင် စင်္ကြံလမ်း (Hallways)
၁၁။ School Library စာကြည့်ခန်းများ
၁၂။ Staff Lounge ဆရာဆရာမ နားနေခန်း / စားသောက်/ မိတ္တူကူးခန်း
၁၃။Outdoor playground ဘောလုံး/ ပြေးခုံပစ်/ ဂေါက်ရိုက်ကွင်း
၁၄။ IT technician room နည်းပညာရှင်ခန်း
၁၅။ Maintenance/ Janitor room ထိမ်းသိမ်းပြုပြင်ရေးနှင့်သန့်ရှင်းရေးများ ထားသောအခန်း
၁၆။ AES room ( Alternative Education System- စည်းကမ်းအရ အရေးယူသင်ကြားရသော သီးသန့်စာသင်ခန်း)
၁၇။ADA Compliance (မသန်စွမ်းသူများ အလွယ်တကူ သွားလာနိုင်မှု): ဝှီးချဲ (Wheelchair) စီးတဲ့ ကျောင်းသားများအတွက် ဓာတ်လှေကား (Elevator)၊ ကုန်းလျှောလမ်း (Ramps) နှင့် မသန်စွမ်းသူသုံး သီးသန့်အိမ်သာများ ဥပဒေအရ မဖြစ်မနေ ရှိရပါမယ်။
၁၈။Security Infrastructure (လုံခြုံရေး အဆောက်အအုံ): ကျောင်းအဝင်ဝတွင် တစ်ဦးတည်းသာ ဝင်ထွက်နိုင်မည့် လုံခြုံရေးဂိတ် (Security Desk)၊ အစောင့်ဝန်ထမ်းများ၊ သတ္တုရှာဖွေစက် (Metal Detectors) နှင့် တစ်ကျောင်းလုံးကို ခြုံငုံမိစေမယ့် CCTV ကင်မရာစနစ်များ တပ်ဆင်ထားရပါမယ်။
၁၉။ Car and school bus parking lots ကားရပ်နားရန်နေရာများ
၂၀။ restrooms (boys/girls) အိမ်သာများ

ကျောင်းသားမိဘများအတွက် ရှိရမည့် အခွင့်အရေး
• PTA (Parent-Teacher Association): ကျောင်းရဲ့ ပညာရေးလုပ်ငန်းစဉ်တွေမှာ မိဘတွေ ပါဝင်ဆွေးနွေးခွင့်ရမည့် မိဘ-ဆရာအသင်း ရှိရပါမယ်။
Language Access (ဘာသာစကား ဘာသာပြန်ပေးမှု): အင်္ဂလိပ်စာမတတ်သော မိဘများအတွက် ကျောင်းမှ အကြောင်းကြားစာများကို မိခင်ဘာသာစကား (ဥပမာ - မြန်မာစာ) ဖြင့် ပြန်ဆိုပေးခြင်း သို့မဟုတ် ကျောင်းခေါ်ချိန်တွင် စကားပြန် (Interpreter) စီစဉ်ပေးရမည့် တာဝန် ရှိပါတယ်။

(AI နဲ့ ကျွန်တော့် ဆရာဘ၀အတွေ့အကြုံကို မှီငြမ်းရေးသားထားပါတယ်။)

ယနေ့ သတင်းစာများ
06/03/2026

ယနေ့ သတင်းစာများ

Address


Website

Alerts

Be the first to know and let us send you an email when The Ngapudaw Post posts news and promotions. Your email address will not be used for any other purpose, and you can unsubscribe at any time.

Shortcuts

  • Want your business to be the top-listed Media Company?

Share