Ang Montogawe

15/08/2025

Araw ng Pagbasa 2025

Nakiisa ang Departamento sa Filipino ng Mina National High School sa Araw ng Pagbasa ngayong Agosto 15. Layunin ng aktibidad na mabigyang tuon ang pagpapahalaga ng mga mag-aaral sa pagbasa tungo sa pag-unawa. Ang kasanayang ito ay makakatulong sa mga mag-aaral na matututo at magpahayag ng kanilang mga kaalaman.

14/08/2025

PAGBABALIK-TANAW SA NAKARAAN: PAGHUBOG SA KATUTUBONG PAGKAKILANLAN

"Ang katutubong pagkakakilanlan ay salamin ng ating pinagmulan at kaluluwa ng ating kultura.
Bilang pagdiriwang ng Buwan ng Wikang Pambansa , isinagawa ang gawain na may temang Paglinang sa Filipino at Katutubong Wika: Makasaysayan sa Pagkakaisa ng Bansa. Layunin ng gawaing ito na bigyang-halaga ang papel ng wikang Filipino at mga katutubong wika sa paghubog ng pambansang identidad, pagkakaisa, at kaunlaran. Ngayong Agosto 14, 2025, sa pamumuno ni Gng. Girlyn G. Patriarca matagumpay na naipamalas ng mga mag-aaral sa Grade 11 Seksyon Zeus, Apollo, Athena, Posiedon, Aphrodite ng Mina National High School sa kanilang Culminating Activity sa asignaturang Komunikasyon at Pananaliksik sa Wika at Kulturang Pilipino. Naipakita nila ang kanilang kaakayahan at kasanayan sa pamamagitan ng malikhaing pagpapahayag gaya ng pagtatanghal ng dula. Nagsilbi rin itong plataporma upang ipakita ang pagpapahalaga sa mga katutubong wika at kultura mula sa ibat ibang bahagi ng bansa.
Ang gawaing ito ay naging patunay na ang wika ay isang makapangyarihang kasangkapan sa pagtataguyod ng pagkakaunawaan, pagkakaiba-iba, at pagkakaisa sa isang pamayanan. Ipinakita sa presentasyon ang mayamang kultura, paniniwala, at paraan ng pamumuhay ng ating mga ninuno bago pa man dumating ang mga mananakop. Tampok dito ang mga tradisyunal na ritwal, sayaw, awit, at pananamit na isinabuhay ng mga sinaunang Pilipino sa kanilang pang-araw-araw na pamumuhay, gaya ng pamamanata sa mga anito, pagtitipon ng mga pamayanan at ang pagpapahayag ng damdamin sa pamamagitan ng katutubong panitikan tulad ng epiko at mga ambahan. Sa pamamagitan nito, naipapakita ang kahalagahan ng pagpapayabong at paggalang sa mga katutubong wika at tradisyon sa kasalukuyang panahon.

Pagbati mula sa Lupon ng Ang Montogawe sa inyong matagumpay na Culminating Activity👏👏👏

( / GGP / Ang MONTOGAWE / )

12/08/2025

PAGLALAKBAY SA KASAYSAYAN NG WIKANG PAMBANSA: MULA SA PANAHON NG KATUTUBO HANGGANG SA KASALUKUYAN 🇵🇭

Isang makapangyarihang paglalakbay sa puso at diwa ng ating lahi!

Ngayong ika-12 ng Agosto, nagbukas ang pintuan ng Mina National High School sa isang pambihirang pagdiriwang na nagpatingkad sa ganda ng ating pagkakakilanlan. Bilang bahagi ng Buwan ng Wikang Pambansa, na may temang “Paglinang sa Filipino at Katutubong Wika: Makasaysayan sa Pagkakaisa ng Bansa,” matagumpay na isinagawa ng ika-11 na baitang, ang kanilang Culminating Activity.

Sa pangunguna ng kanilang g**o sa Filipino, si Ginoong Lloyd G. Colacion, hindi lamang natin nasaksihan ang isang simpleng proyekto, kundi isang obra maestra ng pagmamahal sa wika. Nag-iwan ng marka ang bawat talumpati, na nagbalik-tanaw sa mga makasaysayang linya at panahong humulma sa ating bansa. Nakiisa ang buong komunidad sa indak ng "Community Dance," na nagpapakita ng nagkakaisang puso ng bawat Pilipino. Ang bawat galaw at salita ay patunay sa kanilang malalim na pag-unawa at pagpapahalaga sa asignaturang Komunikasyon at Pananaliksik sa Wika at Kulturang Pilipino.

Isang mainit na pagbati sa lahat ng mag-aaral ng ika-11 na baitang, sa inyong pambihirang dedikasyon at talento. Kayo ang pag-asa na magpapatuloy sa pag-aalaga at pagpapalaganap ng ating yaman.

Manatili sana sa inyong puso't isip ang mga mensahe na inyong natutuhan sa paglalakbay mula panahon ng katutubo hanggang kasalukuyan.

Pagbati mula sa Ang Montogawe👏👏👏

( / LGC / Ang MONTOGAWE / )

12/08/2025

Kasabay ng pagsimoy ng malamig na hangin, si Blessy ay tumindig at nagsilbing tinig. Naging tagapangalaga ng katotohanan para sa bayan.

Indayog ng mga letra gamit ang tinta ng kaniyang pluma, naglahad ng mga balitang hinggil sa pampalakasan.

Sa kaniyang pag-usad, muli siyang magsisilbi bilang tagasiwalat ng mapagkakatiwalaang impormasyon.

Ito ang simula para sa bagong pag-asa. Nawa'y magsilbi kang inspirasyon at modelo sa mga kabataang mamamahayag na nais ding tahakin ang landas na iyong tinahak.

12/08/2025

09/08/2025

International Day of the World’s Indigenous Peoples 2025

This August 9, we join the global community in celebrating the International Day of the World’s Indigenous Peoples, recognizing the resilience, knowledge, and rights of Indigenous communities worldwide. On 23 December 1994, the United Nations General Assembly decided, in its resolution 49/214, that the International Day of the World’s Indigenous People shall be observed on 9 August every year. The date marks the first meeting, in 1982, of the UN Working Group on Indigenous Populations.

With this year’s theme—“Indigenous Peoples and AI: Defending Rights, Shaping Futures”—we reflect on how emerging technologies can both challenge and empower Indigenous communities in safeguarding their identities and advancing self-determined development.

In the Philippines, we pay tribute to our diverse Indigenous Cultural Communities/Indigenous Peoples (ICCs/IPs), whose deep cultural wisdom, ancestral traditions, and sustainable practices continue to shape our national identity. While we celebrate Indigenous Peoples Month in October, we stand with all the global IP communities in asserting their rights, promoting cultural preservation, and ensuring ethical engagement with technology as we navigate the digital age.

Let us work together for an inclusive future where innovation respects and uplifts Indigenous voices.

08/08/2025

PAGPUPUGAY | Oath Taking Ceremony ginanap sa Mina NHS
‎
Mina, Iloilo—‎‎Isinagawa ang Oath Taking Ceremony ng mga bagong naihalal na mga opisyal ng iba't ibang kapisanan at organisasyon sa Mina National High School Gymnasium, Biyernes, Agosto 8.
‎
‎Pinangunahan ang naturang seremonya nina Hon. Rey P. Grabato, Alkalde ng Mina, mga konsehal na sina Dr. Luda G. Ahumada, Hon. Ana Lourdes Espiritu, Hon. at Loise Robin D. Zuniega, Dr. Lea P. Huelgas Punong G**o IV ng Mina NHS, Dr. Johna P. Manaay, Pangalawang Punong G**o ll, Gng. Agumar C. Mana-ay, Ulo ng Departmento III, Bb. Eva T. Patanindagat, Ulo ng Departmento I, G. Emmanuel P. Panes, SPTA President ng MNHS, Gng. Globelle C. Quillain, Supreme Secondary Learners Government Adviser, Bb. Julia Grace Pastolero, SSLG President.
‎
‎ Nanumpa ang mga bagong inihalal na opisyal ng bawat samahan tulad ng Teachers and Employees Association (TEA), School Parent-Teachers Association (SPTA), School Governing Council (SGC),Supreme Secondary Learners Government (SSLG),SPSTE Federated PTA Officers, SPA Federated PTA Officers,
‎
‎‎Kasabay din na nanumpa ang Grade 7 Federated PTA Officers, Grade 8 Federated PTA Officers, Garde 9 Federated PTA Officers, Grade 10 Federated PTA Officers,Grade 11 Federated PTA Officers, Grade 12 Federated PTA Officers, SPSTE Federated Learner Officers, SPA Federated Learner Officers, Garde 7 Federated Learner Officers, Grade 8 Federated Learner Officers, Grade 9 Federated Learner Officers, Grade 10 Federated Learner Officers, Grade 11 Federated Learner Officers, Grade 12 Federated Learner Officers.
‎
‎‎ Nanumpa din ang bawat Clubs tulad ng MAPEH Club Officers, Araling Panlipunan Club Officer, Values Club Officers, T.LE. Club Officers, English Club Officers, Math Club Officers, Filipino Club Officers, Science Club Officers, Gender and Development (GAD) Club Officers, Youth for Environment in Schools Organization (YES-O) Officers, Barkada Kontra Droga (BKD), Club Officers, Student Welfare Action Team (SWAT), Club Officers Senior Scout Officers,Sports Club Officers, ICT Club Officers, Lupon ng Ang Montogawe, The Riverside Echoes at ARAL English Officers.
‎
‎Dinaluhan ng humigit-kumulang 400 na mga g**o, magulang at mag-aaral mula sa ikapito hanggang ikalabing dalawang baitang.
‎
‎‎Layunin ng nasabing programa na kilalanin ang mga bagong opisyal na inilahal na siyang manunungkulan para sa taong panuruan 2025-2026.

(SDMPC / DJBR / QMPS / Ang MONTOGAWE)

06/08/2025

🌾 "Sa likod ng bawat butil ng bigas at sariwang prutas, nariyan ang pawis at pagsisikap ng ating mga magsasaka.
Sa mga problema at sakunang kanilang kinakaharap sila'y tumayong may pagmamahal sa bansa. Isa sa kanilang malaking kontribusyon ay ang pag-unlad ng ekonomiya at agrikultura.
Ang agrikultura ay isang pangunahing sektor ng ekonomiya. Ang mga magsasaka ay nag-aambag sa kabuhayan ng maraming tao at sa paglikha ng mga trabaho. Kaya ngayong araw ating ipag-malaki at ipag-sigawan hindi lang dito, kundi sa buong mundo.

Saludo kami sa inyo!

(EJPL / AJD / Ang MONTOGAWE)

04/08/2025

Nakiisa ang buong kaguruan at mag-aaral ng Senior High School sa pangunguna nina Dr.Johna P. Mana-ay, Assistant School Principal II at Gng. Girlyn G. Patriarca Master Teacher I ng Departamento ng Filipino sa pagdiriwang ng Buwang ng Wikang Pambansa na may temang
"𝗣𝗮𝗴𝗹𝗶𝗻𝗮𝗻𝗴 𝘀𝗮 𝗙𝗶𝗹𝗶𝗽𝗶𝗻𝗼 𝗮𝘁 𝗞𝗮𝘁𝘂𝘁𝘂𝗯𝗼𝗻𝗴 𝗪𝗶𝗸𝗮: 𝗠𝗮𝗸𝗮𝘀𝗮𝘆𝘀𝗮𝘆𝗮𝗻 𝘀𝗮 𝗣𝗮𝗴𝗸𝗮𝗸𝗮𝗶𝘀𝗮 𝗻𝗴 𝗕𝗮𝗻𝘀𝗮".

( Lupon ng Patnugutan / Ang MONTOGAWE )

03/08/2025

TUNGHAYAN - Pangatlong Araw ng Pamamahayag ng Publikasyong Ang Montogawe.

Part 1

(EJPL / MMC / ANG MONTOGAWE)

Subaybayan kami sa:
📘 Facebook | ANG MONTOGAWE
📩 Email | [email protected]

02/08/2025

Pangalawang Araw ng Pangkampus na Pagsasanay sa Pamamahayag ng Publikasyong Ang Montogawe✍️.

(EJPL / DJRBR / Ang MONTOGAWE)

Subaybayan kami sa:
📘 Facebook | ANG MONTOGAWE
📩 Email | [email protected]