Chaung.U Daily News (2025)

25/04/2025

25.4.2025
ခင်မွန် ဘက်စုံခြံမှ JK King ဖြင့် လိုက်ပါလာသော စစ်ခွေးများမှ ခင်မွန် သိန်းတရာ လမ်းထိပ်မှ ပြည်သူများအား သေနတ်များ ဖြင့် ရမ်းသမ်းပစ်ခတ်သောကြောင့် အသက် ၂၀ ကျော်ခန့် အမျိုးသားတစ်ဦး ဦးခေါင်းထိမှန် သေဆုံး သွားကြောင်း သိရှိရပါတယ်။

မိဘပြည်သူများ အနေဖြင့် ယခုရက်ပိုင်းအတွင်း မုံရွာ မန္တလေး လမ်းပိုင်း အား အသုံးပြု မှု့ကို အထူးဆင်ခြင်ရန် လိုအပ်ပြီး ခွေးများမှ မကြာခဏ ပေါ်တာဆွဲ ဖမ်းဆီး ခြင်းများ ပြုလုပ်နေပါသဖြင့် ဂရုစိုက် ရှောင်ကျဥ်ပေးပါရန် သိစေအပ်ပါသည်။

chaung. u daily news

24/04/2024

ချောင်းဦး မြို့နယ် ခင်မွန် ကျေးရွာအား မြပုလဲ ခွေး

ခြံမှထွက်ခွာလာသောအအ ၂၅ ကောင် ခန့်မှ

တတိယအကြိမ် မြောက် မီးတင်ရှို့။

06/03/2024

ကနီမြို့ကို စစ်ကောင်စီတပ်က ယနေ့ နံနက်ပိုင်းမှ ယခု ညအချိန်အထိ လေကြောင်းတိုက်ခိုက်မှု အကြီးအကျယ်လုပ်နေ၊ စစ်ကောင်စီတပ်ဘက်မှ အလွန်အထိနာနေဟုဆို

ရန်ကုန်၊ မတ် ၆

စစ်ကိုင်းတိုင်း၊ ကနီမြို့ကို စစ်ကောင်စီတပ်က လေကြောင်းတိုက်ခိုက်မှု အကြီးအကျယ်လုပ်နေကြောင်း ဒေသကာကွယ်ရေးတပ်များထံမှ သိရှိရသည်။

မတ်လ ၂ ရက်နေ့ နံနက် ၅ နာရီအချိန်မှစတင်ပြီး တော်လှန်ရေးတပ်ပေါင်းစုများက ကနီမြို့ပေါ်ရှိ စစ်ကောင်စီတပ်များကို ဝင်ရောက်တိုက်ခိုက်ခဲ့ကြောင်းကြောင်း၊ ကနီမြို့ပေါ်ရှိ စစ်တပ်စခန်းများအားလုံးကို တော်လှန်ရေးတပ်များက ဝင်ရောက်တိုက်ခိုက်ခဲ့ခြင်းဖြစ်ကြောင်း၊ ယနေ့ မတ်လ ၆ ရက်နေ့တွင် တိုက်ပွဲများ အလွန်ပြင်းထန်လာပြီး ကနီမြို့တစ်ခုလုံးကို တော်လှန်ရေးတပ်များက ပတ်ပတ်လည် ဝိုင်းပိတ်ဆို့ထားကြောင်း၊ ထို့ကြောင့် ယနေ့ တစ်နေ့လုံး စစ်တပ်က လေကြောင်းတိုက်ခိုက်မှုများ မရပ်မနားလုပ်ဆောင်ခဲ့ကြောင်း သိရှိရသည်။

စစ်ကောင်စီက ယနေ့ ကနီမြို့ကို တစ်နေ့ လုံး လေကြောင်းတိုက်ခိုက်မှုများ လုပ်ဆောင်ခဲ့ရာတွင် နံနက် ၁၀ နာရီ ၁၀ မိနစ်မှ နံနက် ၁၀ နာရီ ၂၈ မိနစ်အချိန်အထိ Mi35 ရဟတ်ယာဉ်ဖြင့် ပစ်ခတ်တိုက်ခိုက်မှု ၄ ကြိမ် ၊ နံနက် ၁၀ နာရီ ၄၈ မိနစ်မှ နံနက် ၁၀ နာရီ ၅၆ မိနစ်အထိ ဂျက်တိုက်လေယာဉ် ၂ စီးဖြင့် ပစ်ခတ်တိုက်ခိုက်မှု ၃ ကြိမ်၊ ယနေ့ မွန်းလွဲ ၁၂ နာရီ ၃၈ မိနစ်အချိန်တွင် တိုက်လေယာဥ်ဖြင့် လေကြောင်းတိုက်ခိုက်မှု ၁ ကြိမ်၊ မွန်းလွဲ ၂ နာရီ ၁၈ မိနစ်အချိန်တွင် လေကြောင်းတိုက်ခိုက်မှု ၁ ကြိမ်၊ မွန်းလွဲ ၂ နာရီ ၂၆ မိနစ်တွင် တိုက်လေယာဉ်ဖြင့် လေကြောင်းတိုက်ခိုက်မှု ၁ ကြိမ်၊ ညနေ ၄ နာရီ ၅ မိနစ်အချိန်တွင် ရဟတ်ယာဉ်တစ်စီးပျံဝဲခြင်း၊ ညနေ ၄ နာရီ ၄၀ မိနစ်အချိန် Y12 လေယာဉ်တစ်စီး ပျံဝဲခြင်း၊ ညနေ ၅ နာရီ ၂၀ မှ ညနေ ၅ နာရီ ၂၄ မိနစ်အထိ ဂျက်တိုက် လေယာဉ်ဖြင့် လေကြောင်းတိုက်ခိုက်မှု ၂ ကြိမ် ၊ ယနေ့ ည ၈ နာရီမှ ၉ နာရီအကြား တိုက်လေယာဉ်ဖြင့် လေကြောင်းတိုက်ခိုက်မှု ၂ ကြိမ် ပစ်ခတ်တိုက် ခိုက်ခဲ့ကြောင်း သိရှိရသည်။

ကနီမြို့တိုက်ပွဲသည် မတ်လ ၂ ရက်နေ့မှ ယနေ့ မတ်လ ၆ ရက်နေ့အထိ ၄ ရက်တာ တိုက်ပွဲအတွင်း စစ်ကောင်စီတပ်ဘက်မှ အကြီးအကျယ် အထိနာနေကြောင်း သိရှိရသည်။

Khit Thit. Media

06/03/2024

ချောင်းဦး မြို့နယ် မြပုလဲ ခွေးခြံမှ နံနက် ၁၁: ၂၀ ခန့်တွင် လက်နက်ကြီး ဖြင့် ရမ်းသမ်းပစ်ခတိမှု့ကြောင့် ခင်မွန် ကျေးရွာမှ ပြည်သူ ၄ ဦးခန့် လက်နက်ကြီး ထိမှန်(မစိုးရိမ်ရ) ဒဏ်ရာရရှိခဲ့ကြောင်း သိရပါတယ်။

Chaung u Chaung.U Daily News

06/03/2024

ကောလင်းမြို့နယ် ခံသာရွာတွင်သုံးရက်ဆက်တိုက်ပွဲဖြစ်

ရွှေပြည်စိုး/People's Spring

ကောလင်းမြို့နယ်၊ ခံသာရွာ၌ အင်အား ၁၂၀ ခန့်ရှိ စစ်ကောင်စီစစ်ကြောင်းနှင့် ပြည်သူ့ကာကွယ်ရေးတပ်ဖွဲ့များ သုံးရက်ဆက်တိုက်ပွဲဖြစ်ခဲ့ပြီး စစ်ကောင်စီတပ်မှအနည်းဆုံး သုံးဦးသေဆုံးပြီး စစ်ရေးဆက်လက်တင်းမာနေကြောငကောလင်းခရိုင်အမှတ် (၁) တပ်ရင်းက သတင်းထုတ်
ပြန်သည်။

ခံသာရွာသို့ ဝင်ရောက်လာသည့် စစ်ကောင်စီတပ်စစ်
ကြောင်းကိုကောလင်းခရိုင်အမှတ်(၁) တပ်ရင်း၊ အမှတ် (၄) တပ်ရင်း ၊ ကောလင်းခရိုင်ပကဖ၊ တော်လှန်ရေးပူပေါင်းတပ်ဖွဲ့များက တိုက်ခိုက်ခဲ့ကြခြင်းဖြစ်သည်။

မတ်လ၂ရက်မှ မတ်လ၄ရက်နေ့အထိ သုံး ရက်ဆက်တိုက်ပွဲ ပြင်းထန်ခဲ့သည်ဟုသိရသည်။ တိုက်ပွဲအပြီးနယ်မြေရှင်း
လင်းရေးလုပ်ဆောင်ရာ စစ်ကောင်စီရုပ်အလောင်းသုံးလောင်းသည် တွေ့ရှိပြီး MA3 တစ်လက် ကင်းထောက်
ဒရုန်း၁ စီးနှင့် ငါးကြင်းမြီးပြောင်းတစ်ခု နှင့် ခဲယမ်းတချို့သိမ်းဆည်းရရှိခဲ့ကြောင်း ကောလင်းခရိုင်အမှတ် (၁) တပ်ရင်းက သတင်းဓါတ်ပုံနှင့်တကွ ထုတ်ပြန်ထားသည်။

တိုက်ပွဲအတွင်း စစ်ကောင်စီတပ်က လေကြောင်းတိုက်ခိုက်မှုနှစ်ကြိမ် ပြုလုပ်ခဲ့ရာ ပြည်သူနေအိမ်အများအပြားနှင့်
ရွာရှိအထက်တန်းကျောင်းဆောင်ကြီး နှစ် ဆောင် ပျက်စီးသွားခဲ့ကြောင်းသိရသည်။

စစ်ကောင်စီစစ်ကြောင်းသည် ထိုနေ့က ကျောက်တန်းရွာသို့ပြန်လည်ဆုတ်ခွာသွားပြီး ယနေ့ (မတ်လ ၆ရက်) နံနက်တွင် ချပ်ကုန်းရွာသို့စစ်ကြောင်းထိုးနေကြောင်း သတင်းရရှိသည်။

လတ်တလောမြေပြင်အခြေအနေနှင့်ပတ်သက်၍
" ရန်သူနှင့်နီးကပ်သောအနေအထားတွင်ရှိပြီး အချိန်မရွေးတိုက်ပွဲပြန်လည်ဖြစ်ပွားနိုင်သည့်အခြေအနေတွင်ရှိသည်" ဟု ကောလင်းခရိုင်အမှတ် (၁) တပ်ရင်းက သတင်းထုတ်ပြန်ထားသည်။

"ကောလင်းဘက်မှာတိုက်ပွဲသတင်းတွေမြဲကြားနေရတယ်။ ကျနော်တို့ဘက်ကလည်းအသင့်ရှိနေတယ်" ဟု ကန့်ဘလူမြို့မှ ပြည်သူ့ကာကွယ်ရေးရဲဘော်တစ်ဦးကပြောသည်။

ကောလင်းမြို့နယ်အတွင်း ကျေးရွာအချို့၌ စစ်ရေးတင်းမာနေသလိုမြို့ပေါ်တွင်လည်း တိုက်ပွဲများပြန်လည်ဖြစ်ပွားနေသည်။ ကောလင်းမြို့ မင်းတဲကြီးရပ်ကွက်၊မင်းဂျမ်း
စိုင်ဒူး၊ဆေးမင်းခုံအပြင်ကောလင်းမြို့မြောက်ဘက် အောင်ချမ်းသာ ရွာတွင်တပ်စွဲထားသော စစ်ကောင်စီစခန်းများကိုမတ်လ ၄ရက်ညတွင်ကောလင်းခရိုင်တပ်ရင်း(၂)နှင့် ပြည်သူ့ကာကွယ်ရေးပူးပေါင်းတပ်ဖွဲ့များကာ တိုက်ခိုက်ခဲ့သည်။ အဆိုပါတိုက်ပွဲတွင်လည်း စစ်ကောင်စီဘက်၌ ထိခိုက်မှုများကြောင်း ကောလင်းခရိုင်တပ်ရင်း(၂)က မတ်လ ၅ရက်တွင် ကနဦးသတင်းထုတ်ပြန်ထားပြီး နောက်ဆက်တွဲသီတင်းထုတ်ပြန်ခြင်းမရှိသေးပေ။

ပြည်သူ့ကာကွယ်ရေးတပ်ဖွဲ့များထိန်းချုပ်ထားသည့် ကောလင်းမြို့ကို စစ်ကောင်စီတပ်က ဖေဖော်ဝါရီ ၃ရက်မှ၍ စစ်ကြောင်းထိုးတိုက်ခိုက်ခဲ့ပြီး ဖေဖော်ဝါရီ ၁၃ ရက်တွင်
မြို့ပေါ်ရပ်ကွက်များ၌ ပြန်လည်တပ်စွဲခဲ့ပြီး မြို့ကို မီးရှို့ဖျက်ဆီးခဲ့သည်။ ထို့နောက်တော်လှန်ရေးအဖွဲ့များက မြို့ကို ပြန်ဝိုင်း၍ စစ်ကောင်စီတပ်ကို တိုက်သလို ၊ စစ်ကောင်စီတပ်ကလည်း မြို့နီးဝန်းကျင်ကျေးရွာများကို စစ်ကြောင်းထိုး၍ တော်လှန်ရေးအဖွဲ့များကိုတိုက်ခိုက်သလို ရွာများကိုလည်းမီးရှို့ဖျက်ဆီးခဲ့သည်။ ထိုအခြေအနေမှ မတ်လ ၄ ရက်တွင် ကောလင်းမြို့ပေါ်ရှိစစ်ကောင်စီတပ်များကို PDF များက ပြန်လည်တိုက်ခိုက်ခဲ့ခြင်းဖြရ်သည်။

ကောလင်းမြို့နယ်အတွင်း လတ်တလောဖြစ်ပွားနေသောတိုက်ပွဲများကြောင့် ပိတ်မိနေသည့် ခရီးသွားများအပါအဝင် စစ်ဘေးရှောင်ပြည်သူ လေးသောင်းကျော်အတွက် အကူ
အညီများလိုအပ်နေကြောင်းဒေသခံအချို့ကပြောသည်။

ဒေသတွင်း တိုက်ပွဲများကြောင့် ဘေးလွတ်ရာနေရာများ၌ တိမ်းရှောင်နေသော မြို့ခံစစ်ဘေးရှောင်များကို ပြည်သူ့ကာကွယ်ရေးနောက်တန်းရဲဘော်များက စားနပ်ရိက္ခာများလိုက်လံ ဖြန့် ဝေပေးနေကြောင်းသိရသည်။

(စစ်ကောင်စီတပ်ထံမှ သိမ်းဆည်းရရှိသောလက်နက်ခဲယမ်းများနှင့် စစ်သုံးပစ္စည်းများ/ စစ်ကောင်စီတပ်လေကြောင်းတိုက်ခိုက်မှုကြောင့် အပျက်အစီးများ။ဓါတ်ပုံ-ကောလင်းခရိုင်အမှတ်(၁)တပ်ရင်း)

03/03/2024

တန့်ဆည်၊ ကံထူးမ ရဲစခန်းသိမ်းတိုက်ပွဲအပြီးတွင် စစ်တပ်က အင်အားအလုံးအရင်းဖြင့် စစ်ကြောင်းထိုးကာ ပြည်သူ ၁၁ ဦးကို ခေါင်းဖြတ်၊ ဗိုက်ခွဲ၊ ခြေလက်များ ဖြတ်တောက်ပြီး သတ်ဖြတ်သွားခဲ့

ရန်ကုန်၊ မတ် ၃

စစ်ကိုင်းတိုင်း၊ တန့်ဆည်မြို့နယ်၊ ကံထူးမ ရဲစခန်းကို တော်လှန်ရေးတပ်ဖွဲ့များက ဝင်ရောက် တိုက်ခိုက်သိမ်းခဲ့သည့် တိုက်ပွဲအပြီးတွင် စစ်တပ်က အင်အားအလုံးအရင်းဖြင့် စစ်ကြောင်းထိုးကာ ပြည်သူ ၁၁ ဦးကို ခေါင်းဖြတ်၊ ဗိုက်ခွဲ၊ ခြေလက်များ ဖြတ်တောက်ပြီး သတ်ဖြတ်သွားခဲ့ပြီး အလောင်းများ ပြန်လည်ရရှိကြောင်း ဒေသပြည်သူများက ရန်ကုန်ခေတ်သစ်သတင်းဌာနထံသို့ ပြောဆိုသည်။

ဖေဖော်ဝါရီလ ၂၁ ရက်နေ့ နံနက် အစောပိုင်းတွင် ကံထူးမရွာ ရဲစခန်းကို တော်လှန်ရေး ပူးပေါင်း တပ်ဖွဲများက ဝင်ရောက် တိုက်ခိုက်ခဲ့ပြီး စခန်းကို သိမ်းပိုက်ရရှိခဲ့ကြောင်း၊ ယင်းနောက် ရဲစခန်းကို မီးရှိရှင်းလင်းခဲ့ပြီးနောက် စစ်တပ်က အင်အားအလုံးအရင်းဖြင့် စစ်ကူ စစ်ကြောင်းများ ထိုးလာကြောင်း ၊ ယင်းနောက် ပြည်သူများကို ဖမ်းဆီးကာ ရက်ရက်စက်စက်သတ်ဖြတ်ခြင်းဖြစ်ကြောင်း သိရှိရသည်။

ပြည်သူများကို ရက်ရက်စက်စက် သတ်ဖြတ်သွားသော စစ်ကြောင်း မှာ ဘီလူးစစ်ကြောင်းနှင့် ငရဲမင်းစစ် ကြောင်း ဟု အမည်ပေးထားသည့် စစ်ကြောင်းများဖြစ်ကြောင်း၊ ထိုစစ်ကြောင်းတွင် ခမရ ၇၀၈၊ အမှတ် ၁၁ တပ်နှင့် ပြည်သူ့စစ် ပူးပေါင်းအင်အား ၂၀၀ ကျော်ပါဝင်ကြောင်း သိရှိရသည်။

စစ်တပ်၏ သတ်ဖြတ်မှု ခံရသူများမှာ -

၁။ ၀ရငယျကြေးရှာမှ အသက် ၇၀ အရွယ် ဦးဝေ (ဘ) ဦးဖိုးစစ်ဖြစ်ပြီး ဦးခေါင်းပစ်သတ်ခံရကာ ကျည်ခွံ ၆တောင့်တွေရှိရကြောင်း၊ ရွှေငွေများပါသွားကြောင်း၊ ၎င်းသည် ရွှေဧရာ မြောက်ဘက်ကုန်း ၅ ကွက်ခြား စစ်ရှောင်တဲဖြစ်ဖြစ်ပြီးဖေဖော်ဝါရီလ ၂၄ ရက်နေ့တွင် စစ်တပ်က သတ်ဖြတ်ခြင်းဖြစ်ကြောင်း၊

၂။ ဆူးပါကုန်း ကျေးရွာမှ အသက် ၃၀ နှစ်အရွယ် ဦးဖိုးကို (ဘ) ဦးစစ်ဝင်း ဖြစ်ပြီး စစ်တပ်က ဖေဖော်ဝါရီလ ၁၉ ရက်နေ့တွင် လည်လှီးသတ်ဖြတ်ခဲ့ကြောင်း၊

၃။ ရွာသစ်ကုန်းကျေးရွာမှ အသက် ၄၅ နှစ်အရွယ် ကိုဆန်းပို (ဘ) ဦးကျော်အေး၊ ဖြစ်ပြီး မတ်လ ၁ ရက်နေ့ သေနတ်ဖြင့် ပစ်သတ်ခံထားရကြောင်း၊

၄။ ခံတောရွာသစ်ကျေးရွာမှ အသက် ၅၀ နှစ်အရွယ် ကိုဝင်းနိုင် (ဘ) ဦးဖိုးထီ ဖြစ်ပြီး ၎င်းမှာ ငနုချောင်းအုပ်စု၊ ရပ်ကျေး ပအဖ ခေါင်းဆောင်ဖြစ်ကာ စစ်တပ်က ဖေဖော်ဝါရီလ ၂၆ ရက်နေ့တွင် သတ်ဖြတ်ခဲ့ကြောင်း၊

၅။ ခံတောရွာသစ်မှ အသက် ၅၂ နှစ်အရွယ် ဦးရှမ်းဖြစ်ပြီး ၎င်းသည် ပကဖ ရပ်ကျေးရွာတာဝန်ခံဖြစ်ကာ ဖေဖော်ဝါရီလ ၂၆ ရက်နေ့တွင် စစ်တပ်က ပစ်သတ်ခဲ့ကြောင်း၊

၆။ ကံထူးမရဲစခန်းတွင် ချုပ်နှောင်ထားသော အသက် ၄၀ နှစ်အရွယ် ကိုမင်းဟန် ဖြစ်ပြီး မတ်လ ၁ ရက်နေ့တွင် စစ်တပ်က ခြေ၊ ခေါင်း၊ လက်ဖြတ် သတ်ထားကြောင်း။

၇။ ကံထူးမရဲစခန်းတွင်ချုပ်နှောင်ထားသော အကျဉ်းကျနေသူ အသက် ၃၀ နှစ်အရွယ် ကိုဆွေလင်း (ခ) တင်မောင်လင်းကို မတ်လ ၁ ရက်နေ့တွင် စစ်တပ်က ခြေ၊ ခေါင်း၊ လက်ဖြတ် သတ်ထားကြောင်း၊

၈။ အင်ပင်အိုင်ကျေးရွာမှ အသက် ၂၅ နှစ်အရွယ် ကိုဝေယံထက် (ခ) တိုးကြီး၊
၉။ ဇီပေါက်ကျေးရွာသား အသက် ၄၉ နှစ်အရွယ် ဦးငြိမ်းချို ၊
၁၀။ ပန်းတိမ်ကုန်းကျေးရွာမှ အသက် ၃၄ နှစ်အရွယ် ဦးဇော်မိုးဦး၊
၁၁။ ဇီးပေါက်ကျေးရွာမှ အသက် ၅၀ အရွယ် ဦးဌေးအောင် တို့ကို စစ်တပ်က ရက်ရက်စက်စက်သတ်ဖြတ်ထားကြောင်း သိရှိရသည်။

Khit Thit Media

03/03/2024

#တဖြေးဖြေးအရေးကြီးလာနေသောနိုင်ငံ့အရေး

ဒီတစ်ပတ်အတွင်းဖြစ်ခဲ့သမျှ
နိုင်ငံ့အရေးတွေဟာ အတော်လေးစိတ်လှုပ်ရှား
ရင်ခုန်စရာ ကောင်းလွန်းပါတယ်……။

ဥပမာ….
တော်လှန်ရေးအစ ကာလတွေမှာ
လေယာဉ် / ရဟတ်ယာဉ် ပစ်ချလို့ ပျက်ကျတယ်
ဆိုတာ ပျှမ်မျှ၆လ နေမှ တစ်စီးလောက်ရယ် အခုလို
၃နှစ်အကြာမှာတော့ တနေ့ထဲ ၂စီး တဲ့…..။

တင့်ကားတွေမီးဖုတ်ခံရတယ်ဆိုတာလည်း
EROs နယ်မြေတွေမှာ ထုံးစံလိုတောင်ဖြစ်နေပြီ
ထုံးစံထက်ကျော်လာတာကတော့ ရန်ကုန်မြစ်ထဲက
အကြမ်းဖက်စစ်တပ်အတွက် လောင်စာဆီတင်
သင်္ဘောပေါ် ချိန်ကိုက်မိုင်း တက်ထောင်ခွဲတဲ့ကိစ္စ
တကယ့်ကို ရင်ခုန်စိတ်လှုပ်ရှားစရာကြီးရယ်……။

ဒါမျိုးက တကယ့်ကိုကမ္ဘာ့အဆင့်မြင့်စစ်တပ်ကြီး
တွေမှာ စနစ်တကျ လေ့ကျင့်သင်တန်းပေးထားတဲ့
ကွန်မန်ဒိုတွေရဲ့အလုပ် ကိုယ်တွေတောင် ရုပ်ရှင်ထဲ
စစ်ကားထဲပဲ ကြည့်ဖူးတာ ၊ အခုတော့ NUG ရဲ့
ပြည်သူ့ကာကွယ်ရေးတပ်မတော် PDF တွေက
သူတို့ ကျွမ်းကျင်စွာလုပ်နိုင်ကြောင်း ပြခဲ့ပြီ…..။

ဒါက ဘာကိုပြလဲဆိုတော့
မအလစစ်တပ်ရဲ့ပြည်သူ့စစ်မဟာနည်းဗျူဟာ
မအောင်မြင်တော့ဘူးဆိုတာကို ပြတဲ့သင်္ကေတပဲ
ပြည်သူမပါရင် ဘာသတင်းမှမရဘူး ဘာသတင်းမှ
မရရင် ဘယ်ရန်သူ့သတင်းကိုမှကြိုမရဘူး အဲဒါဆို
ဖက်ဆစ်တပ် စစ်ရှုံးဖို့သေချာသလောက်ရှိသွားပြီ..။

ဒီထက်ပိုသေချာစေတာကတော့
ထိုင်းလွှတ်တော်မှာ မအလစစ်တပ်ကိုယ်စားလှယ်
မပါပဲနဲ့ မြန်မာ့အရေးကို ဆွေးနွေးပြလိုက်တာပဲ ။
NUG ကို နေရာပေးဆွေးနွေးတယ်ဆိုတာဟာ
စစ်ကောင်စီ ကို ကန်ထုတ်လိုက်တဲ့သဘောပဲ
ထိုင်းနိုင်ငံသမိုင်းမှာ ဒါမျိုး ဘယ်တုန်းကမှ
မရှိခဲ့ဖူး ဘူးအခုဘာလို့ရှိလဲ ?…..။

ထိုင်းဟာ အရင်က စစ်အာဏာသိမ်းအစိုးရ
အခု လွှတ်တော်က တက်လာတဲ့အစိုးရ ၊
အစိုးရသစ်ထဲမှာ မြန်မာစစ်တပ်နဲ့ ပလူးပလဲ
လုပ်ချင်သူတွေပါနေရင်တောင်မှ ထိုင်းလွှတ်တော်
ရဲ့အမတ်အများစုက Move Forward ပါတီက
ဝန်ကြီးချုပ်က သက်ဆင်ရှင်နာဝပ် ပါတီက ၊
စစ်တပ်က မဟုတ်ဘူး ။ ဆိုလိုတာက မြန်မာ့
အရေးကို ထိုင်းက ထင်သလောက်အားကိုးလို့
မရနိုင်ရင်တောင် အသိအမှတ်ပြုတာနဲ့တင်
တန်တယ် မြန်မာစစ်ဗိုလ်ချုပ်တွေ ၈၈တုန်းကလို
ကံမကောင်းနိုင်တော့ဘူး လို့ပြောချင်တာ…..။

အကောင်းဆုံးသတင်းကတော့
ယွက်ဆစ်ကို အမေရိကန်တရားရေးဌာနက
သက်သေနဲ့တကွ အမှုတွဲလိုက်တာပဲ ။ ဒါမျိုး
ဘိန်းဘုရင်ခွန်ဆာ တုန်းက တခါဖြစ်ဖူးတယ်
မူးယစ်ရာဇာအမှုနဲ့ US ကဆွဲခါနီးမှာ သန်းရွှေနဲ့
ခင်ညွန့် ခေါင်း၂လုံးပေါင်းပြီး ခွန်ဆာကိုအလင်းဝင်
တဲ့ ခေါင်းစဉ်အောက် ဆွဲစိထားလိုက်တာ ခွန်ဆာ
လည်းလွတ် နဝတကြီးလည်း လက်နှက်တွေ
ဒေါ်လာတွေ ထောပြီး စစ်အာဏာရှင်အသက်ဆက်
လို့ရသွားခဲ့ဖူးတယ်……။

ယွက်ဆစ် တော့မရလောက်ဘူး
သူ့အမှုက ပိုကြီးတယ် အနုမြူသုံးလက်နှက်ထုတ်
တဲ့အဆင့်အထိရတဲ့ သန့်စင်ပြီး ယူရေနီယံ လို့
သတင်းထဲမှာကြားလိုက်ရတယ် ယွက်ဆစ်ကတော့
အကြောက်အကန်ငြင်းနေပေမယ့် US ထောက်လှမ်း
ရေးက အသွင်ယူပြီး စျေးစကားတွေပြောထားတဲ့
ဓါတ်ပုံတွေ ပစ္စည်းနမူနာတွေအပြင် လူသက်သေ
ဂျပန်ယာခူဆာ ကြီးကိုပါမိထားတာ….ကဲ….။

ယွက်ဆစ် ဘာဆက်ဖြစ်မလဲ
ရွှေကျင် ဖို့အတွက်တောင် နည်းပညာမရှိတဲ့
RCSS ထိန်းချုပ်နယ်မြေမှာ ယူရေနီယံ သန်ံစင်တဲ့
စက်ရုံဘယ်သူလာဆောက်သလဲ ယွက်ဆစ် ရဲ့
အနောက်မှာဘယ် အင်အားကြီးနိုင်ငံကများ
ရှမ်းပြည်ထဲ ကျူးကျော်ဝင်ရောက် အမြတ်ထုတ်
နေတယ်ထင်လဲ ? စိတ်ဝင်စားဖို့ကောင်းတယ်နော်
နောက်တပတ် စောင့်ဖတ်ကြရအောင်…..။

ဂျေလှသင်
3.3.2024

03/03/2024

နေပြည်တော်နှင့် မန္တလေးတိုင်းတွင် စစ်ကောင်စီတပ်က ပြည်သူများ စစ်မှု ထမ်းကြရန် စည်းရုံး စစ်ဆေးမှုများ လုပ်ဆောင်၊ သန်းခေါင်စာရင်းပါ လူငယ်များ နေအိမ်တွင်မရှိလျှင် အိမ်ပြန်ခေါ်ထားကြရန် ခြိမ်းခြောက်

ရန်ကုန်၊ မတ် ၂

နေပြည်တော်နှင့် မန္တလေးတိုင်းတို့တွင် စစ်ကောင်စီတပ်များက ပြည်သူများ စစ်မှုထမ်းကြရန် စည်းရုံးလှုံ့ဆော်ကြပြီး သန်းခေါင်စာရင်း စစ်ဆေးမှုများကိုလည်း အရှိန်အဟုန်မြှင့်လုပ်ဆောင်နေကြောင်း ဒေသပြည်သူများက ရန်ကုန်ခေတ်သစ်သတင်းဌာနထံသို့ ပြောဆိုကြသည်။

ဖေဖော်ဝါရီလ ၂၈ ရက်နေ့ ည ၉ နာရီခွဲအချိန် နေပြည်တော် သာ၀တ္တိမြို့၊ ရသေ့တောင်ကျေးရွာတွင် စစ်တပ်က စစ်ကား၊ အချုပ်ကားများဖြင့် ရောက်ရှိလာပြီး တစ်အိမ်တက်ဆင်း စစ်ဆေးကြောင်း၊ သန်းခေါင်စာရင်း၊ ဧည့်စာရင်းများနှင့် အိမ်တွင် နေထိုင်သော လူဦးရေများကို တိုက်ဆိုင်စစ်ဆေးကြောင်း၊ သန်းခေါင်စာရင်းတွင် နာမည်သာရှိပြီး လူမရှိသူများကို "ဘယ်သွားလဲ၊ ဘာလုပ်နေလဲ" ဟု အသေးစိတ် မေးမြန်း ရေးသားမှတ်တမ်း တင်ကြောင်း၊ နေအိမ်တွင် မရှိသည့် အသက် ၁၈ နှစ်မှ အသက် ၃၅ နှစ်အထိ အမျိုးသားလူငယ်များကို နေအိမ်တွင် ပြန်ခေါ်ထားကြရန်နှင့်အချိန်မရွေး စစ်မှုထမ်းရန် ဆင့်ခေါ်နိုင်ကြောင်း၊ စစ်မှုထမ်းရန် ဆင့်ခေါ်ချိန် နေအိမ်တွင် မရှိပါက အရေးယူခံရမည်ဟု ခြိမ်းခြောက်ပြောဆိုကြောင်း သိရှိရသည်။

" ဖေဖော်ဝါရီလ ၂၈ ရက်နေ့ ည ၉ နာရီခွဲအချိန်မှာ ကျနော်တို့ နေပြည်တော် သာဝတ္ထိမြို့ ရသေ့တောင်ကျေးရွာမှ စစ်ကား တွေအချုပ်ကားတွေရောက်လာပြီး တစ်အိမ်ဝင် တစ်အိမ်ထွက်စစ်တယ်။ စစ်တပ်နဲ့ရဲက ဧည့်စာရင်းတွေ စစ်တယ်။ ဧည့်စာရင်းစစ်ပြီး သန်းခေါင်စာရင်း ပုံစံ ၆၆ ထဲမှာပါတဲ့ လူတွေကိုလည်း လူငယ်တွေဆိုရင် မှတ်ပုံတင်စာရွက်စာတမ်းတွေနဲ့ သေချာတိုက်စစ်နေပါတယ်။ သန်းခေါင်စာရင်းထဲမှာ မပါတဲ့လူဆို ဘယ်သွားတာလဲ။ ဘာသွားလုပ်တာလဲဆိုတာတွေပါမေးပြီး အိမ်မှာမရှိရင်ပြန်ခေါ်ခိုင်းနေပါတယ်။ စစ်မှုထမ်းရမယ့် အချိန် လူငယ်တွေကို ပြန်မခေါ်နိုင်ရင် ထောင်ချပစ်မယ်ဆိုပြီးတော့ပါ ပြောသွားပါသေးတယ်" ဟု ဒေသပြည်သူတစ်ဦးက ဆိုသည်။

အလားတူ မန္တလေးမြို့ပေါ် ရပ်ကွက်များတွင် စစ်ကောင်စီတပ်က ပြည်သူများ စစ်မှုထမ်းကြရန် စည်းရုံးလှုံ့ဆော်မှုများ လုပ်ဆောင်နေကြောင်း၊ အိုးဘို၊ ညောင်ကွဲ၊ ပုလဲငွေရောင်၊ အောင်မြေသာစံ၊ မာရှေ့၊ မင်းတဲအီကင်း၊ သီရိမာလာအနောက်စသည့် ရပ်ကွက်များတွင် စစ်တပ်က ပြည်သူများ စစ်မှုထမ်းကြရန် ဟောပြောပွဲများ လုပ်ဆောင်နေကြောင်း သိရှိရသည်။

''စစ်မှုထမ်း ဥပဒေနဲ့ ပက်သက်ပြီး အစည်းအဝေးပွဲတွေ ဆက်တိုက် လုပ်နေပြီး၊လက်ဆောင်စာစောင်တွေလည်း ဝေနေတယ်။ အောင်မြေသာစံမြို့နယ်မှာ ရှိတဲ့ ဓမ္မာရုံတိုင်းမှာ စစ်မှုထမ်းဥပဒေနဲ့ ပက်သက်ပြီး အစည်းအဝေးပွဲ တွေ လုပ်ဆောင်နေတယ်။ ဘယ်သူမဆို တစ်အိမ်တစ်ယောက် မဖြစ်မနေတက်ရောက်ခိုင်းတယ်။ ခြိမ်းခြောက်တာတွေ ရှိနေပါတယ်။ ၂၂ လမ်း၊ ၈၇ A လမ်းမှာ ရှိတဲ့ အေးသုခ ဓမ္မာရုံနဲ့၂၁ လမ်း၊ လမ်း ၉၀ အလက ၆ အနီးမှာ ရှိတဲ့ ဓမ္မာရုံတွေမှာလည်း စစ်မှုထမ်းရေး စည်းရုံးလှုံ့ဆော်တဲ့ အစည်းအဝေးတွေ ပြုလုပ်နေပါတယ်။ ရပ်ကွက်တိုင်း ဓမ္မာရုံတိုင်းမှာ လုပ်နေတာ။ တစ်အိမ်တစ်ဦးကတော့ မဖြစ်မနေ တက်ခိုင်းနေတာ" ဟု မန္တလေးဒေသပြည်သူတစ်ဦးက ရှင်းပြသည်။

စစ်မှုထမ်းရေး ဟောပြောပွဲများတွင် စစ်တပ်က စစ်မှုထမ်းချိန်တွင် စစ်မှုမထမ်းဘဲ ထွက်ပြေးပါက ထောင်ဒဏ်ချမှတ်နိုင်ပြီး နေအိမ်ကိုလည်း ချိတ်ပိတ်မည်ဖြစ်ကြောင်း ခြိမ်းခြောက်ပြောဆိုသည်ဟု သိရှိရသည်။

"လူငယ်တွေ ထွက်ပြေးရင် နှစ်ရှည် ထောင်ဒဏ် ချမှတ်နိုင်ပြီး ၊ ထွက်ပြေးရင် အိမ်မှာ ရှိနေတဲ့ မိသားစုနဲ့ နေအိမ်ကို ပါ ချိတ်ပိတ်လိုက်မယ်လို့ ခြိမ်းခြောက်နေပါတယ်" ဟု အောင်မြေသာစံမြို့နယ်မှ ပြည်သူတစ်ဦးက ရှင်းပြသည်။

စစ်ကောင်စီက ဖေဖော်ဝါရီလ ၁၀ ရက်နေ့တွင် စစ်မှုထမ်းဥပဒေကို အသက်သွင်းသည်ဟု ကြေညာခဲ့ပြီး လာမည့် ဧပြီလကုန်မှစတင်၍ တစ်လလျှင် ပြည်သူ ၅၀၀၀ စစ်မှုထမ်းရန် ခေါ်ယူမည်ဖြစ်ကြောင်း သိရှိရသည်။

Khit Thit. Media

23/02/2024

23.2.2024 နံနက် အစောပိုင်းတွင် မုံရွေးသို့ ရောက်ရှိနေသော ပျူခွေး၊စခ ပူးပေါင်းအဖွဲ့မှ အပြစ်မဲ့ ပြည်သူ ၂ ဦးအား အကြောင့်မဲ့ ပစ်ခတ် သတ်ဖြတ်သွားပါတယ်။ ပစ်ခတ်သတ်ဖြတ်ခံရသူ ပြည်သူ ၂ ဦးမှာ မုံရွေးကျေးရွာမှ ကိုဖိုးပြူး နှင့် ခင်မွန် ကျေးရွာမှ ကိုဇော်ဝင်း တို့ဖြစ်ကြောင်း သိရှိရပါတယ်။

U Chaung.U Daily News

16/02/2024

ပျက်စီခြင်းဟာ သင့် မိသားစု တံခါးကို လာခေါက်နေပြီ။

-
ငပျူတွေ ဖမ်းမိလို့ပဲဖြစ်ဖြစ်၊ မသာပေါ်လို့ပဲဖြစ်ဖြစ်၊ အလင်းဝင်လို့ပဲဖြစ်ဖြစ် ဘယ်နှယောက်ကများ ဗျောက်ကောင်းကောင်း ပါလာခဲ့ဖူးသတုန်း။ သူ့ပျူတောင် သူ ဗျောက်ကောင်းကောင်းဆင်၊ အစာကောင်းကောင်းကျွေးပြီး လူလိုသူလို မထားနိုင်တာများ ကိုရင်တို့က ဂန်းရရင် ပြန်တွယ် ဘာညာနဲ့ ခွီနေသေးတာတော့ သိတ်မဟုတ်လောက်ဘူး ထင်တယ်။ ဒီ ငပုကို သောက်ထင်ကြီးတာမဟုတ်ပေမဲ့ ဖျင်ဝလာတေ့မယ့် ဒိုင်ဒူးတော့ ဆီမစွတ်ဘဲ ဆွဲထည့်လိုက်လိမ့်မယ် မထင်ဘူး။ အရပ်အခေါ် ပေါ်တာ ဆိုတဲ့ဟာကို စစ်တပ်မှာ သုံးရင် - တကယ်ဆို သတ်မှတ်နေ့စားလခနဲ့ နေ့စားခရှင်းပေးရတယ်။ အဲလိုမှ မရှင်းပေးဘူးဆိုရင် ဒါဟာ အတင်းအကျပ်အလုပ်ခိုင်းစေမှု ပဲ။ ဒါမျိုးက တနင်္သာရီတိုင်းဖက် ဓါတ်ငွေ့ပိုက်လိုင်းဖောက်တုံးက အိုင်အယ်လ်အိုတို့ ဘာတို့အထိ ရောက်ပြီး ခုနက အမှုမျိုးနဲ့ တရားစွဲခံရလို့ လျော်ကြေး ဘာညာ ပေးခဲ့ရဖူးတယ်။ ခုဟာက ပေါ်တာ ကို ပေါ်တင်ဆွဲတာ။ စစ်မှုထမ်းဥပဒေဆိုတာနဲ့ စစ်မှုထမ်းရမယ်။ စစ်တပ်ထဲလည်းရောက်ရော ဘယ်လှည့်၊ ညာလည့်၊ တန်းညှိ လောက်ပြီးတာနဲ့ ကြက်ခြံထဲဝင် ကြက်ချေးကျုံး၊ တပ်ရင်းမှူးအိမ် ဖက်ထိပ်လုပ်၊ ဝါးခုတ်သစ်ခုတ် အဲသလို အလုပ်ကြမ်းမျိုးလောက်ပဲ ခိုင်းမှာ။ အဲမှာ ဂွင်က ဖန် ဦးမယ်။ တပ်ထဲ အေးအေးသက်သာ အလုပ်လုပ်ရဖို့ တပ်ရင်းမှူးကတော်ကို လိုင်းဝင်ဖို့၊ တပ်ရေးဗိုလ်ကြီးကို ဂါဖို့ ဆိုတာမျိုးကလည်း လာဦးမယ်။ အိမ်မှာ နေဖင်ထိုးတောင် မထတဲ့ လူငယ်တွေ မနက်ငါးနာရီ ခရာတွတ်၊ တန်းစီ၊ ပီတီပြေး။ အမျိုးစုံကို ကြိုးခုန်ကြရဦးမှာ။ စိတ်ဆင်းရဲခြင်းတွေ ချည့်ပဲ။

ရှေ့တန်းထွက်ရမယ်ဆိုရင်လည်း ခြင်းကြားသယ်၊ ရှေ့မိုင်းရှင်း။ တပ်ထဲ ခဝေးသတ်ဆေး လာဖျန်းမယ့် ဒရောက်ကာ တွေလာရင် ခဝေးတွေ မသော်ကေအောင်လို့ လူသားဒိုင်း လုပ်ခိုင်းဖို့။ အံမယ်လေး ငပုရဲ့ ခဝေးတွေ သော်ကေတာနဲ့ ငပုသား အောင်ပြည့်စုံရဲ့ အသက်အာမခံကိစ္စ ဒစ်လည်နေချိန်မှာ အဲဒီဥပဒေထုတ်ပြီး ဆွဲလာတဲ့သူတွေ သော်ကေတော့ရော သူတို့က လျော်မှာတဲ့လား။ ဝေးစွ ခြောက်ပါးရယ်။ ကုန်ကုန်ပြောရရင် အမျိုးဘာညာ လှိမ့်လုံးတွေနဲ့ ဆွဲအောင်းထားတဲ့ ပျူခဝေးတွေတောင် အစာရေစာ ဝဝလင်လင် မကျွေးနိုင်လို့ မြေကြွက်တွေလို ဟိုဟာတူးစား၊ ဒီဟာတူးစားနဲ့ ဖြစ်နေကြတာ။ နိုင်ငံခြား အလုပ်ထွက်လုပ်မယ့်သူတွေထဲ ကိုဗစ်ကာကွယ်ဆေး ထောက်ခံချက်" စာရွက်လေးရဖို့တောင် သိန်းကို ဆယ်ချီပေးနေရတာ၊ စစ်မှုထမ်းကင်းလွတ်ခွင့်ထောက်ခံချက်ကတော့ ခန့်မှန်း ကြည့်လေ။

ပြောချင်တာက ဒီဥပဒေကို အသက်သွင်းလိုက်တယ် ဆိုတာကိုက တရားဝင် စစ်ကျွန်ဖြစ်ခွင့် ပေးလိုက်တာ။ စစ်မြေပြင် လူသားဒိုင်းအဖြစ်သုံးတာ။ ကုန်ကုန်ပြောရင် တတိုင်းပြည်လုံးကို ပြန်ပေးဆွဲတာ။

အဲသည်တော့ ဘာလုပ်ကြမှာလဲ။ ငါနဲ့မဆိုင်ပါဘူး။ ငါ့မှာလေ... လိုက်လို့ကြည်လိုက်လို့ကြည် ဆိုပြီး သွေးဆုံးကိုင်နေတာတောင် ကလပ်တက်ပြီး နံ့နေတဲ့ အံတီတို့လည်း သင်ခန်းစာယူကြပါ။ ပျက်စီးခြင်းဟာ သင်တို့ရဲ့ တံခါးကို လာခေါက်နေပါပြီ။ သင်တို့ရဲ့ ပိုင်ဆိုင်မှု၊ သင်တို့ရဲ့ နှလုံးသား၊ သင်တို့ရဲ့ မိသားစုဝင်တွေကို သင်တို့ထံကနေ ဆွဲယူသွားပါတော့မယ်။ ကျုပ်တို့အားလုံး အိမ်တိုင်ပါချွတ်ပြီး တော်လှန်ကြဖို့လိုပြီ။ ပျက်စီးခြင်းဟာ သင်တို့ တံခါးကို လာခေါက်နေပါပြီ။

Crd: ဘကြီးတုတ်

Chaung.U Daily News

16/02/2024

ချောင်းဦး နှင့် ငါးယှန် ကြား ဟန်သစ် ဆီဆိုင် တွင် စခများ ရောက်နေပါတယ်။ခရီးသွားပြည်သူများ ဂရုစိုက်ပီး သွားလာပေးကြပါ။

8:00am

Chaung.U Daily News

10/02/2024

ခင်မွန် အထက်တန်းကျောင်းရှေ့တွင် စခများ အင်အား ၃၀ ဝန်းကျင်ခန့် ရောက်ရှိနေပြီး ပြည်သူများကို ဓားစာခံ ပြုလုပ်၍ မိုင်းများ ရှင်းလင်းနေပါတယ်။ပြည်သူများ အနေဖြင့် ချောင်းဦး ၊မုံရွာ လမ်းပိုင်း အား လောလောဆယ်အ သုံးပြုခြင်း မပြုရန် မေတ္တာရပ်ခံအပ်ပါသည်။

Chaung.U Daily News

Chaung.U Daily News

25/04/2025

24/04/2024

06/03/2024

06/03/2024

06/03/2024

03/03/2024

03/03/2024

03/03/2024

23/02/2024

16/02/2024

16/02/2024

10/02/2024

Address

Website

Alerts

Shortcuts

Share